اذهب إلى المحتوى
محاورات المصريين

للراغبين في التقديم على المنحة المجانية لشهادة الـ ICDL

se_ Elsyed

بواسطة se_ Elsyed
في خدمات عامة

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

هنا الشروط ...

وبالتوفيق للجميع

ksy23237.jpg

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
myusername عضو جديد

myusername

بتاريخ:
بتاريخ:

انا كان نفسى من زمان اتكلم عن المنح اللى زى دى, خصوصا الاى سى دى ال...

بصراحة انا شايف ان المنح اللى زى دى مالهاش ايوها لازمة عالاطلاق... يعنى قلتها احسن, و حرام الفلوس اللى بتتصرف عليها.

اولا الشهادة دى نفسها ولا ليها اى لازمة... يعنى عمرها ما هتفيد فى شغل مثلا... الا بقى لو صاحب الشركة عبيط, و عايز ينبهر باسم اى شهادة فيها اختصارات و خلاص :roseop:

ثانيا... المنح اللى زى دى عموما, الناس مابتتعلمش منها حاجة مفيدة بجد...

يعنى مثلا من حوالى سنتين تقريبا... قابلت واحد اعرفه و قال لى انه اخد منحة من وزارة الاتصالات علشان يدرس فيها (سى شباك)... طبعا لو حد مبرمج و شاف كلمة "سى شباك"... اكيد هيفطس على روحه من الضحك... لان ده اسم لغة برمجة "سى شارب"... C# يعنى زى ما انتوا شايفين, الراجل بعد ما المفروض راح و درس لغة برمجة كاملة... و فى الاخر طلع مش عارف حتى ينطق اسمها صح..

مش عارف بقى... هل ده عيب فى الاشخاص... ولا عيب فى المنحة؟!

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك
وليد صفوت عضو جديد

وليد صفوت

بتاريخ:
بتاريخ:

معلش بدون تحبيط يا استاذ (ة) myusername...

المنحة مهمة لو العمل هيكون فى المجال الحكومى.. و أنا سبق و سألونى هل املك شهادة الـICDL و لا لأ رغم علمهم بمهاراتى فى الكمبيوتر...

كمان الاستفادة بتكون فعلا كبيرة، و خصوصاً فى التفاصيل... يعنى مثلا: كلنا بنعرف بنتعامل مع الـword بس مش كلنا بنعرف نعمل رسائل بتغير اسم المرسل اليه اوتوماتيك اذا عملنا link بينها و بين فايل excel....

و كلنا بنعرف نتعامل على الـexcel لكن مش كلنا بيعرف يعمل احصائيات متغيرة اوتوماتيك و بأشكال مختلفة عليه...

ميزة شهادات الكومبيوتر الاساسية (زى التعليم الاساسى كده) انها بتؤسس المستخدم تأسيس عميق فى استخدام الكومبيوتر و برامج المكتب (MS Office) و الانترنيت و حتى الـIT...

و بالتوفيق للجميع...ـ

44489_10151097856561205_1288880534_n.jpg

رابط هذا التعليق
شارك
محمد عبدالعزيز عضو جديد

محمد عبدالعزيز

بتاريخ:
بتاريخ: (معدل)

أنا متفق بنسبة كبيرة جداً مع myusername, وبعتبر المنح دى زى سبوبة محو الأمية كده, جداول بتتملى وأرقام بتتحط فى قائمة الإنجازات بدون إنجاز حقيقى على أرض الواقع, وده الواقع للأسف يعنى.

ولكن فى نسبة قليلة جداً بتعرف إزاى تستفيد من المنح دى, والفئة دى اللى بيكون عندهم رغبة قوية فى التعلم وجدية فى الدراسة, أما الغالبية العظمى فبيكونوا محتاجين شهادة, حتى لو مضروبة, لغرض ما, والمدربين فى المنحة عارفين الكلام ده كويس وأغلبهم مستوياتهم مش بتكون قد كده عشان تفيد اللى بيدرسوا.

يعنى الحكاية فى الآخر تمثيل فى تمثيل.

الرأى ده كونته من تجربتين من الواقع فعلاً لاتنين من الأصدقاء, كانوا بيدرسوا مع بعض فى نفس المنحة بس كانت منحة برمجة مش ICDL, واحد داخلها عشان عنده رغبة حقيقية فى التعلم, والتاني كان داخلها عشان ياخد المبلغ اللى بيصرفوه لهم كل شهر, والمنحة كانت على نفقة مايكروسوفت على ما أتذكر وكان فيها مناهج كويسة فى الحقيقة, بس التنفيذ طبعاً بمستوى لا يرقى أبداً لتخريج ناس مؤهلين لسوق العمل, بس فى النهاية اللى دخل عشان يتعلم بجد اتعلم فعلاً وعمل مشروع تخرج كويس. أما التانى فزى ما دخل زى ماخرج, وللأسف من حكايات الصديقين استنتجت إن النسبة الأكبر هى للى زى ما دخلوا زى ما خرجوا.

وأهى شهادة بتتعلق على الحيطة جنب اخواتها.

الكلام ده مش لإحباط حد والله, بس الواحد بيستخسر تضييع الوقت والفلوس والجهد فى تمثيلية, يبقى اللى عاوز يتعلم بجد يتوكل على الله, واللى داخل تقضية وقت وخلاص يسيب مكانه أفضل للى يستحق ومحتاجه بجد.

تم تعديل بواسطة محمد عبدالعزيز

بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟

shawshank

رابط هذا التعليق
شارك
justme عضو جديد

justme

بتاريخ:
بتاريخ: (معدل)

المنح دي سبوبة عالية قوي

الدولة بتقاول وتدفع للمراكز دي مبالغ بالهبل

والاسم نحو امية الشباب

وعلى فكرة الاي سي دي ال دي مشروع فاشل

يعني تخيلوا لو حليتوا الامتحان صح 100% ممكن متنجحوش ليه لأنكم ما استخدمتوش طريقة الحل اللي في الكتاب

مساء الصم والحفظ

انا رأيي لو عايزين يعلموا الناس ممكن بتمن المنحة جهاز كمبيوتر متوسط مع علبة اسطوانات تعليمية بالفيديو شوية منتديات ماسكها مدربين متخصصين هتخلص اليلة دي في ظرف كام سنة

وهيبقى عندك جهاز كمبيوتر تختار اللي نفسك فيه تتعلمه

مش دورة تضيع وقتك علسان تتعلم اوفيس

وحتى البرمجة لا دورة ولا الف هيعلموك ازاي تعمل برنامج محترم

فقط المباديء الاساسية

وبعدين هل اللي بيدربوا مؤهلين كفاية

انا كنت باخد كورس برمجة مع واحد محترم اوي قالي كلمة صح لسه فاكرها لغاية دلوقت

اهم حاجة في اي كورس ان الشخص ينقل لك خبرته

ودي هتودينا في حتة تانية في رأيي مهمة ان التعليم محتاج ناس عنده الخبرة العملية والاكاديمية

يعني الدكتور بيبقى كل مؤهلاته ان درجته حلوة في الامتحان بس ممكن يكون لا يصلح انه يعلم

ما علينا مش فارقة

المنح هتظل شغالة والناس تسترزق

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
fatfouta عضو جديد

fatfouta

بتاريخ:
بتاريخ:
معلش بدون تحبيط يا استاذ (ة) myusername...

المنحة مهمة لو العمل هيكون فى المجال الحكومى.. و أنا سبق و سألونى هل املك شهادة الـICDL و لا لأ رغم علمهم بمهاراتى فى الكمبيوتر...

كمان الاستفادة بتكون فعلا كبيرة، و خصوصاً فى التفاصيل... يعنى مثلا: كلنا بنعرف بنتعامل مع الـword بس مش كلنا بنعرف نعمل رسائل بتغير اسم المرسل اليه اوتوماتيك اذا عملنا link بينها و بين فايل excel....

و كلنا بنعرف نتعامل على الـexcel لكن مش كلنا بيعرف يعمل احصائيات متغيرة اوتوماتيك و بأشكال مختلفة عليه...

ميزة شهادات الكومبيوتر الاساسية (زى التعليم الاساسى كده) انها بتؤسس المستخدم تأسيس عميق فى استخدام الكومبيوتر و برامج المكتب (MS Office) و الانترنيت و حتى الـIT...

و بالتوفيق للجميع...ـ

كلام حضرتك صحيح يا استاذ وليد

فعلا انا اختى الكبيرة خدتها بس عشان هى مُدرسة فى مدرسة ثانوى حكومى

يعنى بتشتغل فى الحكومة

ولما سالتها لزمتها ايه قلتلى تقريبا يا مفروضة عليهم او حاجة تطورية ليها انا مش فاكرة بصراحة

الا صحيح هى ايه لزمتها؟

رابط هذا التعليق
شارك
hosambob عضو جديد

hosambob

بتاريخ:
بتاريخ:

مع أحترامي لكل اللي اتقال من الاخوة الأعضاء .. احب أن أوضح ليكم حاجة

انا كنت مدرب( استاذ يعني ) في منحة ICDL تبع الوزارة لمدة سنة و الحمد لله كان و الله الطالب يجي مش عارف يمسك الماوس و لا يعرف يستخدم الكمبيوتر و بعد ما يدرس معنا لمدة 3 شهور تقريبا ً ( يوميا ) بينجح و ممكن حياته العملية تتغير ( شفت من دة كتيررر أثناء تدريسي ) في واحد سافر قطر بسبب الشهادة دي و التاني اشتغل في شركة بالقاهرة و التالت ( اتجوز زملته اللي في الكلاس معاه ) .... و الله كان عندنا تعليمات اننا بجد نعلم الطلبه و المتدربين .

كتيييير قوي دخل المنحة و كان عندو افكار غلط عن الكمبيوتر و مصطلحات مش صح و الحمد لله قدرنا بقدر الأمكان نصلح بعض تلك الأخطاء اللي كانوا واقعين فيها ..

بالاضافة لذلك .. فتحت المنحة دي باب رزق لكتييير من الشباب (زيي مثلا ً ) راتب شهري .. مكافآت .. ( علي فكرة كنت بشتغل 6 ساعات يوميا ً ) مبقعدش -- شغل المنح دة بيبقي لازم فيه نتيجة علشان المنحة تستمر ....

مع خالص تحياتي

رابط هذا التعليق
شارك
HanaaOsama عضو جديد

HanaaOsama

بتاريخ:
بتاريخ:

المنح بصراحه مش كلها زي بعض في منح فعلا مفيده

انا كنت اشتغلت من كام سنه في تدريس منحه وزاره الاتصالات و كانت لحديثي التحرج كان في ناس فعلا متعرفش يعني ايه كمبيوتر و ناس كانت كويسه لكن بتسأل في كل الي متعرفوش حتي لو زياده عن المقرر المفروض شرحه و اكيد بتستفيد

اما ال ICDL في الاول خالص كانت كويسه

دلوقتي طبعا بعد الانتشار و الناس دلوقتي كل همها تجيب الاسئله الي بقت معروفه و تحفظها

حتي الي بيدرسوها المطلوب منهم اساسي حل الاسئله النموذجي

علي مل افتكر ان من اربع سنين برضه درستها و كان المطلوب مني في الاخر اني احل اسئله نموذج الامتحان و تتطلع 100%

رغم ان مشكله الحل اون لاين ده ان ساعات تبقي الاجابه صح لكن متجبش 100% بالظبط نتيجه اي شئ اخر مسافه او خطوه قبل خطوه حاجه زي كدا

و سمعت كمان ان بقي في دروس ليها يعني قبل الامتحان الواخد منهم ياخد حصه ولا حاجه يعرف الاسئله و لا يصور الورق و خلاص

بس ده ميمنعش ان الي عايز يستفيد هيستفيد

بسم الله الرحمن الرحيم " و من اعرض عن ذكري فإن له معيشة ضنكا " صدق الله العظيم

رابط هذا التعليق
شارك
Tafshan عضو جديد

Tafshan

بتاريخ:
بتاريخ:

مش عارف ليه الاحباط ..

هنا في الامارات فرضوا ال ICDL كمؤهل اساسى لمن يريد ان يلتحق بالدوائر الحكوميه المختلفه .. الشهاده بتعنى شهادة محو اميه اليكترونيه .. كثير من الشباب ما بيعرفش حتى يستعمل الانترنت .. يبقى منحه زى دى بتفتح ابواب و افاق للارتقاء بنوعية الموظفين المصريين .. مش عارف ليه نغمة التقفيل اللى ما لهاش لازمه دى .. اللى شايف نفسه مش محتاج المنحه ما يأخذهاش و يسيبها للى محتاجها ..

على فكره مجالات المنح من النوع ده و الاعلى (زى منح مجلس الوزراء ) ميزه نحسد عليها و مش موفره لشعوب كثير .. يا ريت الشباب يستفيد منها بدل ما يبكى على اللبن المسكوب

الماتش متباع

رابط هذا التعليق
شارك
سكر عضو جديد

سكر

بتاريخ:
بتاريخ:

بغض النظر عن نجاح او فشل هذة الدورات لانه موضوع كبير

كنت فى احدى الايام بتعلم على يد دكتور نظم معلومات ولا انسى هذا الموقف ابدا

وكان فى الوقت دة فى مشروع حاسب لكل طالب وحاسب لكل بيت وحاسب لكل صحفى وحاسب لتقع

المهم انا كنت شايف ان المشروع روعة وجميل جدا وكنت بدافع عنه لانه هيقلل الاميه فى الكمبيوتر

زانا بتناقش مع الدكتور لاقيته مستاء جدا من المشروع وكارهة جدا جدا فقلت ليه كدة

قالى

لانه المشروع ملهوش هدف واضح يمكن القياس على اساسه نسبه النجاح والفشل

بمعنى انه لايكفى وجود كمبيوتر فى البيت

ولكن الاسرة هتعمل بيه ايه (جيم ونت وافلام واغانى )

كنت اتمنى ان يرتبط بسلسله من المشروعات التكمليه للخروج بهدف كبير

حد فاهم حاجه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة صباح الخير] فتح التقديم لرياض الأطفال والابتدائى
      تبدأ وزارة التربية والتعليم الفنى تلقى طلبات التقديم للمدارس للعام الدراسى الجديد إلكترونيا من خلال تطبيقها ععرض الصفحة

      بواسطة News Bot
      كُتب

    • fikrimamdouh
      0
      استفسار بخصوص التقديم مدارس تجريبي لغات بالسعودية
      سلام عليكــم ورحمـة الله وبركاتــة ،، الاخوات والاخوه الاعزاء عندي بنتى بتاريخ 1/10 ان شاء الله تتم 4 سنين و5 شهور و15 يوم  وعاوزها لما تنزل مصر تدخل تجريبي لغات وانا متواجد بنجران السعودية  مش عارف اعمل اية ولا اقدملها ايه هنا ومش لاقي حد يفهمنى الوضع ومحتار جداا  الرجاء توضيح الامر  جزاكم الله كل خير 

      بواسطة fikrimamdouh
      كُتب

    • mondeza
      13
      بدل فاقد لشهادة الميلاد السعوديه
      السلام عليكم هل قام احد بأستخراج بدل فاقد لشهادة الميلاد السعوديه المؤقته من قبل ؟ و هل يتطلب اصدار اقامه للمولود اللى اتولد فى السعوديه هل يتطلب احضار اصل شهادة الميلاد السعوديه ام تكفى الشهاده المصريه شكرا

      بواسطة mondeza
      كُتب

    • Amr Abdelaziz
      0
      إجراءات استخراج بدل فاقد لشهادة الميلاد السعودية
      السلام عليكم انا مصري  ولدت في السعودية  عام ١٩٨٣ و الان اعمل و أقيم في أمريكا.  اريد ان استخرج بدل فاقد لشهادة الميلاد السعودية.  انا لا املك نسخة من شهادة الميلاد الأصلية ولكن معي رقم الشهادة و تاريخ الإصدار. هل لدى اَي احد خبرة في كيفية استخراج بدل فاقد؟ شكرًا   

      بواسطة Amr Abdelaziz
      كُتب

    • Samer Zekry
      2
      توثيق الملحقية الثقافية لشهادة التخرج
      السلام عليكم على كل اعضاء المنتدى . يا ريت يا جماعه حد يفيدنا من اعضاء المنتدى القدامى عن موضوع توثيق الملحقية ده , انا بقالى 3 اسابيع و مفيش حاجة لحد دلوقتى . حرام الموضوع يكون واقف بسبب التوثيق ده , يا ريت حد يقولنا زتونه المده بالضبط للتوثيق .    

      بواسطة Samer Zekry
      كُتب

×
×
  • أضف...