اذهب إلى المحتوى
محاورات المصريين

أبحث عن عمل فى السعودية بعد ترك كفيلى الحالى فى يوليو القادم

lovelyramy
 مشاركة

Recommended Posts

lovelyramy عضو جديد

lovelyramy

بتاريخ:
بتاريخ:

السلام عليكم ورحمه الله وبركاته

اخوانى الاعزاء بدايه اعرفكم بنفسي انا اخوكم رامي سعد

انا كنت من فتره عرضت مشكلتى مع الكفيل ولكن الحمد لله بعد شد وجذب وقيل وقال وكام بوكس :roseop: على كام اسفين على كام نصب وكذب وعدم وفاء بالكلام وخصم من الراتب من الكفيل اتفقت معاه على انى امشي فى نهايه شهر يوليو اللى جاى (مع احتمال بالحصول على اخلاء طرف علما بان مهنتى عامل عادى ).

وانا الان والحمد لله هبقى عواطلى قد الدنيا فى يوليو :ranting: (اللى مجننى ان تليفونى ماكانش بيبطل اتصالات من شركات اثناء عملى ورفض الكفيل لرحيلي ودلوقتى ما بينطقش دا انا حتى فكرت انى ارن على رقمى واكلم نفسي واعرض عليها شغل :ninja: )

اللى انا طالبه منكم جزاكم الله خيرا اللى فى ايده اى مساعده للحصول على عمل يقولى او اللى شايف قدامه فرصه كويسه ياريت يقولى وانا مؤهلاتى كالتالى :-

1. بكالوريوس تجاره (اداره اعمال وتسويق).

2. عملت فى مصر فى شركه كبيره تعمل فى مجال تصنيع ماكينات ومنتجات البلاستيك ومنتجات العزل والتبطين كأخصائي استيراد وتصدير وتخطيط نقدى.

3. معايا دبلومه فى التجاره الدوليه والاعتمادات المستنديه.

4. حاليا باعمل كمدير تنفيذي (بتاع استيراد وتصدير ومبيعات دوليه فى منطقه الشرق الاوسط وموارد بشريه ومترجم وبتاع روزرويس وبنتلى وكمان تجهيزات قصور يعنى بتاع كله وحسب طلب الزبون اللى هو طبعا الكفيل ) فى شركة هى الوكيل الحصري لشركة امريكيه تعمل مع وزارات الدفاع والداخليه والصحه فى مجال التجهيزات الامنيه والعسكريه واللايتنج والساوند سيستم.

5. الحمد لله اللغه الانجليزيه ممتازه وكمان الكمبيوتر.

6. كمان حاليا بدأت دراسه السي ام ايه .

7. كمان معايا تمهيدي ماجيستير فى اداره الاعمال والتسويق (لم يكتمل مشروع الماجيستير للاسف نظرا لمغادرتى مصر).

وشويه حاجات كده كلها نعم من الله عليا بها.

انا مش مرتاح مع الكفيل اللى باعمل معاه كمان حاسس منه بالغدر والخيانه والبخل الشديد جدااااااااااااااااااااااااااااااااااااااااااااااااااا

علشان كده انا قررت انى ما اكملش معاه .

لذلك ياريت جزاكم الله كل خير اللى فى ايده اي مساعده مايتأخرش بارك الله فيكم. :roseop:

رابط هذا التعليق
شارك
kitkat عضو جديد

kitkat

بتاريخ:
بتاريخ:
http://shoghlanty.moheet.com/

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك
عماد حمدي عضو جديد

عماد حمدي

بتاريخ:
بتاريخ:

رامي ..

بص يا ريس .. وانته عندك خدها نصيحة دور ع شغل وشوفلك تأشيرة حتي ولو هتشوف تاشيرة حرة وكفيل ابن حلال وانزل واطلع عليها .. دا حل رقم واحد ومنتزلش إلا لو التأشيرة في إيدك سيبك انته من الكلام المعسول وانا هبعتلك وانا هعملك كلة بزراميط بالطماطم .. اتفقنا

حل رقم أتنين .. أنك تغير الدولة دي باللي فيها وتشوفلك حد في الإمارات وتطلع زيارة وبمؤهلاتك دي هتلاقي ناس محترمة هناك كتير هتقدرك وتقدر تعليمك دا ..

حل رقم تلاتة .. مكاتب السفريات الأيام دي عرضة في الجرايد بتاعت الاهرام وظائف للمحاسبين وسبحان الله كل الوظايف بشركات كبيرة ومعروفة وليها تقلها في السوق السعودي وفي مناطق جميلة .. ومميزاتها حلوة

فوض لو هتنزل مصر ومعرفتش تتصرف في تاشيرة .. قدامك موضوع الإمارات أو مكاتب السفريات والمرة دي متستعجلش وإتعلم من أخطائك ..

انا بكلمك لأان يمكن ظروفي شبه ظروفك بالظبط .. وخايف يحصلك اللي حصل معايا .. فخد بنصيحتي وشاور عقلك مرة واتنين وتلاتة وعشرة وإستخير ربك .. وان شاء الله يقدرلك اللي فيه الخير ..

وبالتوفيق يارياسة ,,

أخوك / عماد

عمدة المصريين

بدول مجلس التعاون ( ماعدا السعودية )

رابط هذا التعليق
شارك
lovelyramy عضو جديد

lovelyramy

بتاريخ:
  • كاتب الموضوع
بتاريخ:

جزاكم الله خيرا جميعا (الاخ حكيم - الاخ كيت كات - وحبيبي ورفيق رحله السي ام ايه عمده)

انا فعلا بافكر فى موضوع الفيزا الحره لكن موضوع نقل الكفاله بعد سنتين بيخليها عليها تحفظات كمان

للاسف وانا باقولها بمنتهى الحزن اللى باشوفه من الكفيل كرهنى فى السعوديه واللى فيها والغربه كلها على بعضها

رابط هذا التعليق
شارك
جيمي عضو جديد

جيمي

بتاريخ:
بتاريخ:

السلام عليكم ورحمة الله وبركاته

اللى فهمته من كلامك ان فيه خصومات من الراتب وفلوس متاخره

حاول توصل معاه انه يعملك نقل كفاله مقابل فلوس اذا كنت شايف انها فلوس ميته يعني كده كده هتتاكل عليك وشوف شغل براحتك وانت فى السعوديه

افضل كتير من انك تشتري فيزه حره او تتفق مع شركه تبعتلك تاشيره على مصر

وربنا يوفقك

رابط هذا التعليق
شارك
lovelyramy عضو جديد

lovelyramy

بتاريخ:
  • كاتب الموضوع
بتاريخ:
السلام عليكم ورحمة الله وبركاته

اللى فهمته من كلامك ان فيه خصومات من الراتب وفلوس متاخره

حاول توصل معاه انه يعملك نقل كفاله مقابل فلوس اذا كنت شايف انها فلوس ميته يعني كده كده هتتاكل عليك وشوف شغل براحتك وانت فى السعوديه

افضل كتير من انك تشتري فيزه حره او تتفق مع شركه تبعتلك تاشيره على مصر

وربنا يوفقك

للأسف فكره انى حتى اكلمه فى موضوع نقل الكفاله دى ممنوعه ومحظوره عنده

عنده انت تقتله ولا تنقل كفاله موظف عنده (حسبي الله ونعم الوكيل فيه) اصله بيظن انه لما يعمل لك خروج نهائي (دا دا طبعا بعد ما يطلع روحك وتكون اشتغلت له بالميت 70 % من عقدك واكل عليك فلوس ) انه كده قطع عيشك وانك مش جاى السعوديه تانى

ربنا ييسرها علينا جميعاا

شكرا لمرورك

رابط هذا التعليق
شارك
anis71 عضو جديد

anis71

بتاريخ:
بتاريخ:

ربنا يصلح أحوالك وينصفك .. لو خيار نقل الكفالة نفع ابعتلي عندنا فرصة متاحة في جدة

حسبي الله ونعم الوكيل ... بجد انا بادعي على كل إنسان ( من أي بلد ومن اي جنسية ) بيضيق على أخوه في أكل عيشه وفاكر إن هو اللي بإيده رزق الشخص اللي بيتحكم فيه ، ناسي إن فيه رب قدر الارزاق وقسمها منذ وضع اللوح المحفوظ، ممكن يجيله بلا في جتته ، ممكن يجيله مصيبة في اعماله اللي بيتمنظر بيها على الناس، ممكن يجيله زلزال يبهدله ويشحططه هو و اهل بلده (زي ما حصل جنب المدينة)

حسبي الله ونعم الوكيل ...

حسبي الله ونعم الوكيل ...

اللهم إن أخذك جبار وانت العزيز المقتدر فلا تاخذه ولكن يا عظيم السموات والارض أري الظالم لمحة من عذابك حتى يرتدع إنك ارحم الراحمين

رابط هذا التعليق
شارك
lovelyramy عضو جديد

lovelyramy

بتاريخ:
  • كاتب الموضوع
بتاريخ: (معدل)
ربنا يصلح أحوالك وينصفك .. لو خيار نقل الكفالة نفع ابعتلي عندنا فرصة متاحة في جدة

حسبي الله ونعم الوكيل ... بجد انا بادعي على كل إنسان ( من أي بلد ومن اي جنسية ) بيضيق على أخوه في أكل عيشه وفاكر إن هو اللي بإيده رزق الشخص اللي بيتحكم فيه ، ناسي إن فيه رب قدر الارزاق وقسمها منذ وضع اللوح المحفوظ، ممكن يجيله بلا في جتته ، ممكن يجيله مصيبة في اعماله اللي بيتمنظر بيها على الناس، ممكن يجيله زلزال يبهدله ويشحططه هو و اهل بلده (زي ما حصل جنب المدينة)

حسبي الله ونعم الوكيل ...

حسبي الله ونعم الوكيل ...

اللهم إن أخذك جبار وانت العزيز المقتدر فلا تاخذه ولكن يا عظيم السموات والارض أري الظالم لمحة من عذابك حتى يرتدع إنك ارحم الراحمين

أخى الفاضل جزاك الله كل خير على كلامك اللى يثلج الصدور

للأسف ليس من الممكن نقل الكفاله وليس امامى الا الخروج النهائي ثم العوده من الجديد

فلو من الممكن ترسل لى تفاصيل هذه الفرصه على ان اظبط تأشيره حره واعود عليها ؟

تم تعديل بواسطة lovelyramy
رابط هذا التعليق
شارك
  • بعد 2 أسابيع...
اسامه نور عضو جديد

اسامه نور

بتاريخ:
بتاريخ:

وعليكم السلام هدلك على شركة مقاولات فى الرياض شركة اللطيفية للمقاولات مخرج 8 من الدائرى بجوار كارفور وانت رايح على طريق الدمام دى ممكن تعمل مقايله ويقلولوا لك هنرسلك الفيزا اتصل بيا لو تهت 0568104582

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...