لماضة مصرية جدا بتاريخ: 21 أبريل 2010 تقديم بلاغ مشاركة بتاريخ: 21 أبريل 2010 السلام عليكم و رحمة الله و بركاته حبايبي الحلوين......مين فين اغنية "يا قفا"...بتاعت بحبك يا ساتاموني...مهما الناس لاموني.....(وش محمود عبد العزيز و هو مهييس... ).... مكنتش علامة فارقة في حياته أأقولكم إزاي.....كل لحظة فيكي يا مصر...بتحس انك بشكل او بآخر بتاخد قفا.....أيون.....من نوع مباشر او مستخبي.....(كله يلبس هاي كول) ولاننا زهقنا م المعارضة.....السلبية جدا (طبعا ما كل واحد فينا لابد ورا اللاب توب...و لا شاف حتي الشارع فيكي يا مصر شكله ازاي) قررنا ان احنا نعمل موسوعة مصر القفاوية....يعني اشهر قفا فيكي يا مصر كل ما تحس انك اخدت لمؤاخذة علي ........."قفاك"......اتفضل هنا.......و فش خولقك يا سيدي.....بس اوعي تيجي علي قفا اللي قودامك..... احنا هنبقي ملطشة بقي و لا ايه و حبينا نبتدي معاكم...... دي أشهر 11 قف فيكي يا محروسة يعني ايه قفا يا مواطن؟؟؟ القفا عند المصريين منطقة محظورة، يعني ممنوع الاقتراب أو التصوير إلا لو كنت حلاقاً (نعيماً يا باشا)، وأحياناً ضابط شرطة (هضربك علي قفا اللي جايبينك)!! القفا عند المصريين منطقة تتميز بالتغيرات المناخية (الدفا عفا.. والبرد لحاس القفا)، وربما يفسر ذلك لماذا يغضبون بشدة من تصدير القفا (خدنا إيه من وشك لما هتدينا قفاك)، وفي نفس الوقت ينتظرون الاستفادة من هذا القفا في يوم من الأيام (اللي ما يحوجكش الزمان لوشه..بكرة يحوجك لقفاه). القفا عند المصريين منطقة تهديد (هجيبك من قفاك لو شتمت وجريت)، كما أنها المنطقة الوحيدة في جسم المصري التي يمكن التعامل معها كمستند (هختمك علي قفاك يا ابن الـ «بيييييب»)، ومن عجائب الدنيا التي لم تسجل حتي الآن أن القفا عند المصريين يمكن استخدامه في تربية الطيور بطريقة جديدة ينفرد بها المصريون عن كل شعوب العالم وهي طريقة «الدق» (شايفني داقق عصافير علي قفايا ياض). القفا عند المصريين منطقة إهانة، فالرجل القفا هو رجل غبي لا يفهم (ضيعته بعندك يا قفا علي رأي محمود عبدالعزيز)، وعلي الرغم من أن القفا ليس من مناطق الإيلام في الجسد إلا أنها من مناطق إيلام الكرامة، وربما نزعها للأبد، فالمضروب علي قفاه كالذي ذهبت كرامته ولم تعد، وهو الضرب الذي قد يكون حقيقياً (راجع المدارس وأقسام الشرطة وكمين الحرامية)، أو ضرب معنوي تشعر من خلاله أنك ياما انضربت علي قفاك (راجع حياتك جيداً ثم اكتب في كتاب حياتك عن كم قفا أخذته في حياتك). وبدون مجاملة - ولنكن موضوعيين - كم من قفا أخذه المصريون في هذا الوطن الذي تفنن في الحلاقة للمواطن وترديد كلمة نعيماً.إن كنت ناسي.. أفكرك الخضروات وريها بالصرف الصحي أعتقد أن القفا المحترف هو الذي (يوجع) بدون أن يترك علامة، وهو ما حدث تماماً معك شخصياً في هذا الموقف، وإلا فأخبرني بالله عليك ماذا فعل المصريون حين تلقوا قفا اكتشفوا من خلاله أن الخضروات التي يأكلونها تم ريها بمياه المجاري والصرف الصحي، وهي المياه المشبعة بالـ(ببيه) الخاص بشعب مصر - حفظ الله مقامك - ليأكل المصريون حسب نظريات الأحياء القديمة مما يخرجونه، وتكتفي الحكومة بالصمت، بينما الناس تواصل الأكل وكأن القفا أعجبهم و(كيفهم) لدرجة كبيرة. أزهي عصور الديمقراطية . الديمقراطية في مصر الآن هي أن تقول كما تريد ويفعل المسئولون ما يريدون، وهو - حتمًا - عكس ما تريد.أزهي عصور الديمقراطية التي يتحدثون عنها كذبة كبيرة، فمن قال إنها (أزهي)، وأي مسحوق استخدموه ليبرهنوا علي ذلك، وكيف تكون أزهي عصور الديمقراطية محكومة بقانون الطوارئ، وبرئيس يجثم - حسب الدستور - علي أنفاس المصريين أقسام الشرطة القفا.....و الفراعنة...(فينك يا زاهي يا حواس....)[/size] يقال إن الفراعنة هم الذين ابتكروا الضرب علي القفا كنوع من العقاب، وأن الحراس كانوا يضربون من يمسكون به من اللصوص علي قفاه حيث مراكز الإبصار موجودة في القفا وأهم شيء يفعلونه مع اللص هو تعطيل الرؤية لديه بضربه علي قفاه.فيما بعد سيستفيد عدد ليس بقليل من رجال الشرطة المصرية من هذه المعلومة التي تكاد تكون اندثرت ولم يبق منها سوي الضرب علي القفا بغض النظر عن الأسباب، ومن آخر كليبات التعذيب التي اكتشفت في السنوات الأخيرة هو (كليب القفا) والذي يصور ضباطاً يتناوبون علي ضرب شاب بالقفا وكأنهم يتدربون عليه. القفا الذي يتلقاه المصريون من ضباط الشرطة يتمثل في معاملة سيئة تبدر من عدد كبير من هؤلاء الضباط يعتبرون فيها المواطن العادي البسيط (ولا حاجة)، وأحياناً يكون القفا حقيقياً لو نسي المواطن بطاقته في البيت حيث سيتم (شده) تحري، وهاتك يا ضرب علي القفا. الدعم مثل البغبغانات يخرج المسئولون وهم يبغبغون «الدعم..الدعم..الدعم.. الدعم.. الدعم.. الدعم.. الدعم.. الدعم.. الدعم.. الدعم» ولا ينقصهم سوي أن يتحزموا ويرقصوا علي قفانا وهم يرددون» الدعم كله.. خصصته ليك.. الدعم كله» بينما الأغنية التي يجب أن يغنيها هذا الشعب وهو يرقص مذبوحاً من الألم «دعم إيه اللي أنت جاي تقول عليه.. إنت عارف قبله معني الدعم إيه؟ التعليم المجانى جمال مبارك من فضلك تخيل أنك تعمل في مفاعل نووي (مشيها يا عم نووي بنقول تخيل)، ثم فجأة يقرر رئيس هذا المفاعل تعيين ابنه في وظيفة مدير هذا المفاعل مع أنه (الواد وليس أباه) خريج تجارة أو زراعة قسم ورق عنب أو حربية الأزهر وبيضرب مدفع رمضان، المهم أنه تقريباً (ولا حاجة) بالنسبة للمفاعل، والآن أخبرني: بذمتك ودينك ألن تشعر أنك انضربت علي قفاك؟ العلاج ع نفقة الدولة في مصر فقط الطريق إلي الآخرة يمر بمستشفيات الحكومة حيث الداخل مفقود والخارج مولود، مجلس الشعب قل لي من يمثلك في مجلس الشعب أقل لك من أنت.قل لي كيف وصل هذا النائب لمجلس الشعب أقل لك من هي بلدك.قل لي كيف يرعي مصالحك وشئونك أقل لك: ابحث في تاريخ قفاك انفلونزا الطيوروالخنازير إن لم يكن قفا فهو بالتأكيد مقلب حرامية، فمع أنفلونزا الطيور ذهبت الفراخ الحية ولم تعد، وأصبحنا نتعامل مع المجمدة التي لا يثق المصريون فيها لأنهم لا يعرفون كيف ذبحت كما أن معظمهم يري أن طعمها مثل طعم (الكاوتش)!!، في حالة أنفلونزا الخنازير اختلف الأمر، حيث استطاعت شركات الأدوية أن تخدع العالم أجمع، واستطاع وزير الصحة بالتعاون مع وزير التربية والتعليم ووزير الإعلام وعدد كبير من أجهزة الدولة ضربنا جميعاً علي قفانا بإشاعة كل هذا الذعر والخوف بين أفراد الشعب المصري من وباء أنفلونزا الخنازير، لنجد تمثيلية اسمها إغلاق الفصول والمدارس وما حدث من فوضي واكبت تلك المهزلة، قبل أن ينتهي الموضوع علي (ولا حاجة)، وإذا أردت أن تتأكد من (الطرمخة) التي حدثت، ومن القفا الذي نزل علينا جميعاً فأدعوك لمراجعة قرار وزارة التربية والتعليم الجديد والذي يلغي قرار وزارة التربية والتعليم برضه الجديد بشأن ظهور حالة مصابة بأنفلونزا الخنازير، حيث كانت الفصول تغلق ثم المدرسة، أما الآن فعادي جداً المصاب يعود لبيتهم ويشرب شوربة بلمون والعيال تعيش حياتها وخليك فريش إحنا في رحلة، المونديال حين تقدمت مصر لتنظيم بطولة كأس العالم 2010 ظن كثيرون أن فوز مصر بهذا الشرف أمراً مفروغاً منه، لكن النتيجة كانت صفراً كبيراً لمصر (صفر واحد بس؟؟). المشكلة أن قفا المونديال الذي يتلقاه المصريون قفا (دوري) يتكرر كل أربع سنوات بانتظام، ولم يأخذ المصريون منه هدنة إلا عام 1990 حين استطاع الجنرال محمود الجوهري أن يتفادي القفا بمهارة، لكن ما لم يدركه المصريون حتي الآن هو أننا لم نصل لكأس العالم سوي مرتين الأولي عام 1934، والثانية عام 1990، وهو ما يعني أن المصريين لا يصلون لكأس العالم إلا كل 56 سنة يتخللهم العديد من ضرب القفا من اللي يسوي واللي ما يسواش النكسة «القفا التاريخي» لا تكذب علي نفسك وتدعي أنك لم تتأثر به لمجرد أنك لم تكن موجوداً وقتها، ولا تستعبطنا وتظن أن الموضوع لا يفرق معك من الأساس، فالواقع أنها كانت هزيمة، وكانت ضربة موجعة علي قفا المصريين. ======= ع فكرة البوقين اللي فوق دول ملطوشين....... بس يبقي السؤال ابحث عن تاريخ قفاك مع تمنياتي بحياة آمنة مطمئنة لكل قفا فيكي يا غالية حد ينزلنا بأغنية عايزينها تبقي خضرا...... فوتكم بعافية رابط هذا التعليق شارك المزيد من خيارات المشاركة
pink rose بتاريخ: 22 أبريل 2010 تقديم بلاغ مشاركة بتاريخ: 22 أبريل 2010 الله يسامحك يا ريهام حسيت فجأة ان قفايا ورم :lol: رابط هذا التعليق شارك المزيد من خيارات المشاركة
لماضة مصرية جدا بتاريخ: 22 أبريل 2010 كاتب الموضوع تقديم بلاغ مشاركة بتاريخ: 22 أبريل 2010 الله يسامحك يا ريهامحسيت فجأة ان قفايا ورم :lol: السلام عليكم و رحمة الله و بركاته القفا الاول...(وش نور الشريف و هو بيلحوس بالروج ع المراية في فيلم دائرة الانتقام.... :lol: ) حد يفهمني يا مواطنين يا شرفاء.....يعني ايه معادلة الشهادات؟؟؟ و يعني ايه تقضي اكتر من 20 سنة في نظام تعليمي غير معترف بيه في اي بلد عربي شقيق يعني لما ربنا كرمني و بهدلت اهلي و بهدلتني عشان آخد ماجستير محترم كدهون....(آه احيات النبي الشهادة الجدارية معلقاها في الصالون و عاملة عليها شريطة سودا...هنا ترقد فقيدة الشباب دعوها تتخمد في صمت)......و آجي بلد عربي شقيق....يقولي....يا اختي عايزين الثانوية العامة.....يا خراااااااااااااشي.... طب ألطم و لا اصوت.....و يقولوا الولية اتجننت ااقولها ثانوية عامة مين بس.....انا معايا مسترة......تبصلي من فوق لتحت....(و انا هطبق ايدي...وهضرب...قصدي هحطها في جيبي....... :lol: )....و تقولي اصل بلدكم معروفة كتير بتزوير الشهادات يا سنة سوخة..... لا وسع بقي يا جدع انا انضربت علي قفايا.......و في الغربة منه له.......كله رايح.....منه له يا جماعة الخير اللي يخش التوبيك ده يجيب في ايده كمادات...اكياس تلج.....مرهم.....احسن خلاص....انا استويت و تقوليلي يا ريمو....قفاكي ورم.......انا اللي ورمت يا ضنايا... هو قفايا بس اللي ورم..... انا دماغي ورمت.....احساسي تبلد.....و خلاااااااااص.....مش عارفة اعمل ايه مع تمنياتنا لك عزيزي القاريء بحماية قفاك....بكل ما اوتيت من قوة...بس يا رب تلحق ع التلطيش فوتكم بعافية رابط هذا التعليق شارك المزيد من خيارات المشاركة
لماضة مصرية جدا بتاريخ: 22 أبريل 2010 كاتب الموضوع تقديم بلاغ مشاركة بتاريخ: 22 أبريل 2010 لسلام عليكم و رحمة الله و بركاته معلشي هو انا تاني برضه.....بس قولتلكم من بدري...انا وارمة...آآآخر حاجة حد يفهمني بقي إيه لازمة انك تفني عمرك 4 سنين بتعمل ماجستير.....من جامعة مصرية....(أينعم هو الماجستير تأديب و تهذيب و إصلاح....و حاجات كتير فوق بعضها....وش محمد الصاوي في فيلم جواز بقرار جمهوري.... :lol: ) بس ايه لازمة سنين عمرك اللي اتبهدلت فيها....و لما تقابل اخواتنا من مرويتانيا مثلا....تلاقيه بيقولك انا خلصت الماجستير في 9 أشهر.......يا خرااااااااشي في البداية انا هزيت راسي يمين و شمال....و قولت يا ربي هو انا في مستشفي الجلاء للولادة......و بعدين ده طلع ما هو تمثيل و بجد و حق و حقيقي...(وش سوكيننة و هي مليانة غل علي عبعبال... :lol: ) أيون.... الماجستير في اي بلد في العالم عربي و لا موزمبيقي حتي جزيرة الماو ماو.....سنة واحدة بتاخد فيها مقررات دراسية و دمتم.....و تنضف دماغك عشان الدكتوراة احنا بقي اللي اتعمل فينا كان شغل منجدين...(ده نا اتنفضت تنفيض....يعمل مني مرتبتين و لحاف... :lol: ) آه و الله 4 سنين من عمري بعمل ماجستير......(فيه حد شرير هيقولك ما انتي خيبة يا باااتعة)....هقولك انا كنت اولي الدفعة بتاعتي ع فكرة... طب بلاش العمر اللي راح......آجي هنا و ألأقي حد بيتنطط عليا........عشان معاه ماجستير مثلا.....بس الختم بقي يا مواطن منين....من كامبريدج.....و لا يال.....و لا حتي .....الخواجة ياني بتاع البقالة.....المهم ختم اجنبي و السلام طب ليه ليه طيب و من موقعي هذا احب ااقول.... اني علي استعداد تام انا و قفايا ان احنا نتختم..... بس دولة أجنبية.... و يا ريت يبقي لونه فرايحي كده.... بس ابعدوا عن اللون الاحمر لاني بحس انه بتاع الخرفان اللي داخلة الشفخانة...و هي مش ناقصة الحقيقة آه يا قفايا فوتكم بعافية (هو فاضل حتة عافية صغيرة أأأأد كده...و بعدها هتلاقوني بمشي في الشارع...و بقول.....أخدوا مني الانترلوب...وش محمود عبد العزيز في فيلم مش فاكره.... bv:-) رابط هذا التعليق شارك المزيد من خيارات المشاركة
sarmar بتاريخ: 22 أبريل 2010 تقديم بلاغ مشاركة بتاريخ: 22 أبريل 2010 على فكرة بقى يالمضة هانم ان موضوع القفى موضوع مثير جدا للثقافة المصرية لانك لو فتحتى بيوت المصريين لن تجدى بيت الا وبة قفا وحايل اصبح لقب قفا غالى جدا يمكن كان على ايامك كان الراجل القفا بحق وحقيقى كان بيروح قسم الشرطة يتختم من اتنين مخبرين ودة كان القفا الرسمى المدموغ بطابع شرطة دلوقتى الدنيا اتغيرت وعملوها رسمية ببطاقة رقم قومى وشهادة ميلادكمبيوتر وحاجات كثيرة اتغيرت كان زمان الواحد بيروح الشرطة وقفاة يورم من الاختام وبيتلون احمر غامق بس كان فية ناس تانية بترتاح نفسيا تلاقى المخبر بعد مايتمرن على قفا الراجل تلاقية سعيد ومنتشى وانا اخرج نفسة من احساسة انة حشرة قذرة الى حاكم الارض والبحر وانة يقدر يضرب اجدعها جثة بالقفا وحتى العيل اللى مسك منصب وبقى ضابط ولو بدبورة واحدة ياسلام على سعادتة وفرحتة وهو داخل خارج يشتم ويلسع اى قفا يقابلة وكل العيون تبص لة وتقولة قمــــــــــان ياباشا ويزداد الباشا احساس بالنشوة والغرور والتعالى حتى الان وبطلوا الختم بالكف تقريبا اصبح الختم على اشكال الكترونية وورقية وونقدية واصبح ختم القفا مهم جدا اهم من النسر باشا امال طبعا امال اة انتى يالماضة فتحت النار على جرح مازال ينزف من كل قفا فى مصر وكل وزارة وظيفتها دلوقتى انها تزيد من عدد القفا بدون الشعور بالالم فجأة كدة الواحد يصبح الصبح يلاقى نفسة اصبح قفا فى بلد 80 مليون قفا وربنا يزيد ويبارك وزى ماتفضلتى القفا عندنا غيييييييييييييررررررر مميز عن اى قفا من اى دولة تانية القفا المصرى معروف من بعيد بيبان علية والوحيد الذى ليس فية تزوير هو القفا المصنوع فى مصر رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين رابط هذا التعليق شارك المزيد من خيارات المشاركة
ذهبية بتاريخ: 22 أبريل 2010 تقديم بلاغ مشاركة بتاريخ: 22 أبريل 2010 ياترى العيب فى مين فى صاحب القفا اللى سلم قفاة بسهولة يضرب علية ولا فى تربيتنا اللى بنشربها مع اللبن الصبح خليك ماشى جنب الحيطة يا حبيبى علشان ما تتعورش و قلد اللى سبقوك و اديهم قفاك يا حبيبى اهوة احسن من مفيش و الله يا لماضة انا باحسد بجد الناس اللى فهمت القفا من بدرى و هجرت و راحت عملت قفا جديد فى بلد اجنبى بمواصفات عالمية على الاقل لية تمن وو بجد على قد ما هتتعبى هتلاقى لكن ياترى القفا عندنا بكام بعد المصاريف علية و حرقة الدم و هروب السنين من بين ايدينا احنا هنصحى من الغيوبة امتى ؟؟؟؟ [على اسم مصر التاريخ يقدر يقول ما شاء أنا مصر عندي أحب وأجمل الأشياء بحبها وهي مالكة الأرض شرق وغرب وبحبها وهي مرمية جريحة حرب بحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلاقيني جنبها في الكرب والنبض ينفض عروقي بألف نغمة وضرب على اسم مصر رابط هذا التعليق شارك المزيد من خيارات المشاركة
لماضة مصرية جدا بتاريخ: 27 أبريل 2010 كاتب الموضوع تقديم بلاغ مشاركة بتاريخ: 27 أبريل 2010 السلام عليكم و رحمة الله و بركاته انبارح كنت بتفرج ع التلفزيون.....و الواحد قاااااعد كده و الهوا بيطس في قفاااااااااه قوووووم ايه......نزلت أغنية اسمها "العو"......قولت يا ربي احنا خلصنا من كينج كونج لما دخلنا ع الشباح قولت يا وااااااااااااااد طنث خاااااااااااالث.... و بعدين بحدف بعيني علي الشريط السوفيف بتاع الاخبار ألاقي خبر ايه بقي "عادل إمام يوافق ان يتنازل عن اجره من 16 مليون جنيها مصريا ليصبح 10 مليون جنيه لصالح شركة جود نيوة المملوكة لا سعاد يونس" انا قريت الخبر من هنا و حسيت زي ما يكون حد زووووووووني علي قفايا حتة قلم و لسه هدور عشان امسك في خناقه ملقتوووووووش انا مش زوعلانة خالص.......ان اسعاد يونس نفسها هرتنا في بكيزة و زغلول عن دور الشباب المكافح.... اللي بيعمل صينية الشاي للعمال....مش زعلانة انها كانت بتكتب في مجلة الشباب (هييييييييه اياااااام).....ازاي ان الواحد لازم يكاافح و يعرق.....(و تبقي ريحته وحشة...آه ده دليل الشقا و المرمطة) و لا انا هقدر اختصر تاااااااااااريخ فنان زي عادل إمام (مع اني مافيش حاجة معلقة معايا من كل افلامه واعماله غير القرع لما استوي قال للخيار يا لوبيا).... بس هطق من الغيظ ليه مش عشان هو 16 مليون لحلوح....و لا حتي10....... ليه كل الفنانين اللي هرونا عن النهضة في مصر....و بلا ازرق.... ليه مش كل حد منهم يخصص جزء من دخله يتبني بيه مشروع قيم للشباب المؤسسات الكبيرة بيبقي ليها قسم خاصة اسمه المشاركة المجتمعية يعني لازم يساهم لبلده...... طب ليه الفنانين دول....ميبقاش عندهم نفس الحكاية 10......قدامها اصفار اكيد ااقل من ست اصفار.........هما حوالي اربعة يعني......يحققوا حلم 5 شباب... في يوم اتجمعنا و حلمنا و صدقناه..... دلوقتي مننا واحدة راحت تجيب طابع بوسة من ماما امريكا و لسه مجتش..... التانية في سكتها لكنكا....قصدي كندا.... اتنين منفيين في الخليج....... اما الخامس......لسه عايش في مصر.....بس ايه الراجل صاااامد يا جماعة صموووود اسد قصر النيل....... .واقف يراقب مصر من فوق....بس مبيتحركشي و لا خطوة و الله هيفرق معانا اوي حد بقي ينزلنا باغنية العو......اهو جزء من الغيبوبة فوتكم بعافية انا عافيتي راحت الصراحة......... رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان