مبروك كسبت 2 مليون ريال.........!!!!!!

[the consultant]

مع ازدياد برامج المسابقات و الاحلام الوردية , راودني امس حلم روتيني اكيد راودنا كلنا قبل كدة بس المرة دي انا في السعودية. اتصال من شخص لا تعرفه يبلغك بانك فزت بالجائزة الكبرى 2 مليون ريال سعودي. :lol:

طيب حعمل ايه............................!!!!!!!! و يبدأ "البرين ستورمنج" ha) فيما سوف تفعله بهذا الكنز اللذيذ.

هتعمل ايه (استقاله و خروج نهائي بلا عوده ) و لا ( شغلي و انا مستريح في السعودية ) ولا (حتبرع بيهم لمرضى عين السمكة في السنغال) و لا ايه. انا عارف ان السؤال تقليدي بس كنا بنسأله و احنا في مصر و الاجابة كانت سهلة

[لونا]

حاخدهم و أروح على بيتنا طبعاً

بس أنا مش بصدق الحاجات دي خالص

[lovelyramy]

هاقتل الكفيل وادفع لاهله الديه واروح بلدي

ويبقى تخلصت من شروره وخلصت الناس من شروره وبفلوس بلده

تم تعديل 20 أبريل 2010 بواسطة lovelyramy

[se_ Elsyed]

هافتح مؤسسة وأجيب موظفين عندي وأديهم نهائي تاني يوم ..

يعنب أبقى كفيل من الاخر كده

[lovelyramy]

هافتح مؤسسة وأجيب موظفين عندي وأديهم نهائي تاني يوم ..

يعنب أبقى كفيل من الاخر كده

[jasmin hamed]

هخدهم الصبح

تذكره درجه اولى فى اول طياره لمصر فى نفس اليوم بلا عوده

[the consultant]

هافتح مؤسسة وأجيب موظفين عندي وأديهم نهائي تاني يوم ..

يعنب أبقى كفيل من الاخر كده

افترى يعني ............. عارف ممكن كمان تفتح مؤسسه تانية بإسم حد تاني و تدي اوفر احسن لموظفين المؤسسة الاولى و بعدين ترفض نقل كفالتهم, أو تخطفهم و تبلغ عنهم هروب!!!

[the consultant]

هخدهم الصبح

تذكره درجه اولى فى اول طياره لمصر فى نفس اليوم بلا عوده

انا بفترض طبعا ان حضرتك في السعودية (صح ولا ايه) المهم طيب وبعدين بعد ما رجعتي مصر......!!!!! حتفتحي (دايت سنتر مثلا .... )

[kazmozo]

هاعمل مشروع استثمارى واشترى تكتوك وابد رحلة كفاح عظيمة بس ياريت يقضوا

وعجبى

[jasmin hamed]

هخدهم الصبح

تذكره درجه اولى فى اول طياره لمصر فى نفس اليوم بلا عوده

انا بفترض طبعا ان حضرتك في السعودية (صح ولا ايه) المهم طيب وبعدين بعد ما رجعتي مصر......!!!!! حتفتحي (دايت سنتر مثلا .... )

لا يا فندم انا فى الامارات

فكره بجد افتح دايت سنتر من الى بيحضروا الوجبات للناس الى عايزين يخسوا

و ابعتلك اكل ارانب كرنب و جزر و خس ليل نهار لغايت ماتزهق من مصر و ترحع السعوديه تانى

[رعد]

هبطل اشرب مية واشرب سفن اب علي طول وادخل الدمام ثاني كمستثمر

[Deathangel]

هفتح بيهم شركة كمبيوتر وربنا يسهلنا ويسهلكم

[the consultant]

يعني كل الناس عايزة ترجع مصر حتى اللي في الامارات ( ماعدا طبعا الاخ سين سين عايز يحترف في السعودية و يبقي كفيل مفتري) غريبة انا ممكن افكر اروح الامارات بعد ما اكسب المبلغ ده .و انزل مصر اجازات برده بس كتير بأه لاني شغال عند نفسي , و لما انزل مصر حبقى اعدي على دايت سنتر بتاعك يا جاسمين عشان اكيد حكون تخنت 30 40 كيلو عز بأة. !!!!

هو فعلا بأة 2 مليون ريال يعملو مشروع ايه , الغريبة انك ممكن تجيب بيهم كلهم شقة و عربية (يا نهار اسود مش فيلا حتى)

كان زمان لما نتسأل سؤال لو لقيت مليون جنيه تعمل بيهم ايه تروح ضارب الليستة دي

فيلا

عربيه 4x4

عربية سبور

حبني مسجد

و اطلع عيلتي حج

و اروح اعمل شوبنج في فرنسا

و احط الباقي في البنك أو اعمل مشروع

وكمان ممكن اجيب 2 شيبسي بالشطة والليمون وووووووووووووووو

[عماد حمدي]

هافتح مؤسسة وأجيب موظفين عندي وأديهم نهائي تاني يوم ..

يعنب أبقى كفيل من الاخر كده

[msayed]

ها أقعد شهر فى السعودية من غير شغل وأعمل جولة سياحية على المناطق الجميلة فى المملكة إللى بأشوفها تخاطيف أثناء شغلى وما بألحقش أستمتع بيها.

وبعدين أطلع اليمن اسبوعين وبعدين عمان اسبوعين وبعدين سوريا شهر وبعدين تركيا شهر وبعديتن أروح أتفرج على بركان إيسلندا وبعدين أروح مصر فأكتشف إنى خلصت الفلوس من غير ما أحس فأبدأ أدور على وظيفة فى السعودية ولكن المرة دى فى جدة علشان أبقى قريب من الحرم. ويا عالم ممكن تجينى مكالمة تانية أكسب فيها خمسة مليون.

[لونا]

هو فعلا بأة 2 مليون ريال يعملو مشروع ايه , الغريبة انك ممكن تجيب بيهم كلهم شقة و عربية (يا نهار اسود مش فيلا حتى)

كان زمان لما نتسأل سؤال لو لقيت مليون جنيه تعمل بيهم ايه تروح ضارب الليستة دي

فيلا

عربيه 4x4

عربية سبور

حبني مسجد

و اطلع عيلتي حج

و اروح اعمل شوبنج في فرنسا

و احط الباقي في البنك أو اعمل مشروع

وكمان ممكن اجيب 2 شيبسي بالشطة والليمون وووووووووووووووو

يا نهار أبيض أول مرة آخد بالي إن 2 مليون ريال ما يجيبوش غير شقة و عربية

معنى كدة إن قعدتنا هنا ما لهاش لازمة أصلاً

يا أستاذ consultant ممكن يجيبوا برضه فيلا في حتة بنت حلال و عربية معقولة..و الشيبسي

بس برضه حنضطر نرجع الخليج تاني .. عشان نكفي مصاريف الفيلا و العربية الغالية

خلاص أنا حاشارك س س في الشركة بتاعته

بس ما أقدرش أكون كفيلة .. ممكن أكون كقطة .. كعصفورة .. لكن ك فيل ..ما أعرفش الحركات بتاعتهم

:)

[أبو أماني]

إقتباس(se_ Elsyed @ Apr 20 2010, 09:34 AM)

هافتح مؤسسة وأجيب موظفين عندي وأديهم نهائي تاني يوم ..

يعنب أبقى كفيل من الاخر كده

متستغربش قوي كدا يا عمده سين سين اكيد يقصد الموظفين هيكونوا سعوديين

وهينفيهم بره البلد

[the consultant]

يا أستاذ consultant ممكن يجيبوا برضه فيلا في حتة بنت حلال و عربية معقولة..و الشيبسي

بس برضه حنضطر نرجع الخليج تاني .. عشان نكفي مصاريف الفيلا و العربية الغالية

خلاص أنا حاشارك س س في الشركة بتاعته

بس ما أقدرش أكون كفيلة .. ممكن أكون كقطة .. كعصفورة .. لكن ك فيل ..ما أعرفش الحركات بتاعتهم

:)

دي كارثة يعني 2 مليون ريال يعني تعتبر بلغة التسعينات مليونير و لسة بنستخدم مصطلحات الرضا و الانكسار دي "حتة فيلا " في حتة بنت حلال" " عربية معقولة" يانهار ابيض

يبقى هو الحل فعلا ال ك فيل .... و برده فكرة التكتك حلوة .

بس لو حنتكلم جد تعمل مشروع في مصر و يكون متعلق ب( التعليم أو الاكل) و الاول اضمن ,و حتعدي يا ريس و حتلعب معاك بعد سنتين تلاتة و مش بعيد تجيب تستقدم كام كفيل من السعودية تشغلهم عندك في مصر و انت تبقى كأسد

[عماد حمدي]

إقتباس(se_ Elsyed @ Apr 20 2010, 09:34 AM)

هافتح مؤسسة وأجيب موظفين عندي وأديهم نهائي تاني يوم ..

يعنب أبقى كفيل من الاخر كده

متستغربش قوي كدا يا عمده سين سين اكيد يقصد الموظفين هيكونوا سعوديين

وهينفيهم بره البلد

آه لو كان كدة ماشي

[عماد حمدي]

بمناسبة البرامج والفلوس والمكسب وكدة

طبعا ً كلنا عارفين القنوات اللي بتجيب بنات وتقول 0 مدينة أسوارها خضراء وسكانها سود ومفتاحها من حديد ) وتقول الإجابة يا جماعة نوع من الفاكهة ...

واحد غبي يطلع يقولك بصلة هههههه po:: والتاني يطلع يقول السودان ( هيا السودان فاكهة يا أهبل ) والبنت تكرر وتقول يا حلوين دي فاكهة بنكولها في الصيف .. والهبل يطلعوا يقولوا ( احمد من المغرب معاكي اموووووواه الإجابة : المشمش ) .. يا اهبل يا عبيط مشمش ياكوجع في مشاميشك wst::

وكنت قاعد هفرقع معقولة الناس دي غبية للدرجة دي .. قامت جالي جرئة وقولت أتصل دول 800 الف يورور والإجابة بطيخة ..

آم اية بقا .. اتصلت يا معلم ( انا سمعت في بداية المكالمة كدا سعر الدقيقة 10 ريال ) بس نفضت وفضلوا حاطني ع الويتنج وانا فاتح الإسبيكر وببص للشاشة وخلاص قربت للملايين !!!

وبرده اللي تقولة تعيده تزيده وموسيقي ولسة ع الويتنج ..

قمت قافل بعد 7 دقائق بالظبط خدوا كام بقا أكتر من 70 ريال :) كنت هقوم أولع في التليفزيون والبت والكفيل والواد الهندي اللي كان قاعد معايا بيضحك عليا .. 70 ريال وآلطم ع وشي .. po:: ياخرابي ياآني po:: أروح فين بالعيال po:: يالهوووووووووووووي

وعرفت بعد كدا انهم نصابين لو كل واحد أهبل زي كدة :D يتصل دقيقة واحده بس شوف جمعوا كام مليون في اليوم والواحد

وأهي غلطة والواحد اتعلم wst:: فكرتوني لية بس :rolleyes: