فنـــون التعــامــل مــع الآخريـــن .. تجارب الأعضاء الفعلية

[عماد حمدي]

بعد ده كله بأة ... أحب أقولك إنك أخطأت بردو في حاجات كتير ... أولها موضوع الحاجات اللي كانت بتتاخد منك سواء في الشغل أو في السكن .. و كمان الحاجات اللي كانت بتتحطلك في مكتبك و دولابك و أدراجك في الشغل .. كان لازم تكون أوعى من كدة ... و كان لازم تكون أحوط من كدة ... مفيش حاجة اسمها مؤسسة واحدة (عند أمه يا أدهم الكلام ده) بس عذرك فيها طبعاً سنك الصغير و قلة الخبرة و الشيطان ده.

كان لازم يا باشا تغزه كل غزة و التانية أعمق من اللي قبلها عشان يعرف إنك مش سهل و إنك فعلاً قدها ... تغزه بأة في السكن تغزه في الشغل ... بس بما يرضي اللهمش مهاميز مزورة

لما مسكت عليه السرقة و صاحب العمل وش كدة قالك عارف و مش عارف ايه ... كان لازم ساعتها تعرف إن دي مؤسسة مش محترمة و مش هيكونلك فيها مكان لأنك محترم و ابن ناس كويسة ... إنما أنا أبا صاحب مال عارف إني بتسرق و ساكت عشان كلاب السرقة بيكسبوني لا و كمان بأظلم .... يا أخي ده ايه ده

لما كسبت المدير المصري كان لازم تعمل معاه جبهة كويسة ع الاقل جبهة دفاعية يا سيدي و ما تبدأش بالهجوم ...

كان لازم الشخصية المؤذية دي تكون معاه أشد من كدة مش تتعب و تتعصب و تخرج عن شعورك ... لأ لأ لأ ... كنت توريله إنك صغير اه بس كرباااااااااااج

و بعدين يا عمدة في الاخر ... الرزق بتاع ربنا و الله يا ابني أنا فخور إني عارفك ... لأنك إنسان جدع و محترم و اللي إنت عملته و استحملته ده مش أي حد يعمله ولا يستحمله خاااالص ... و بردو في الاخر بأقولك إنت الكسبان

بس بالله يا شيخ بالله ... تحكيلنا أخدت حقك إزاي من الراجل المؤذى ده عشان نارنا إحنا كمان تبرد لأني و الله شايط منه و لو قابلت واحد زي ده بتهيألي هأحط عليه لحد ما يبانله صحاب و هأعوره بجد

مكاوى .... كلك حركات

والله يا مكاوي انته فكرتني بواحد حبيبي أوي .. قالي (( كتر ألف خيرك يا عماد أنك أنت مستحمل الدنيا )) وربنا مديك نعمة كبيرة وهيا الصبر وقدرة التحمل ..

أشكرك يا باشا ع شعورك النبيل دا ..

بص يا زعيم .. تعقيبا ً علي إقتباسي لردك

أولا ً موضوع الوعي من الحاجت اللي كانت بتتاخد مني والحاجات اللي بتتحطلي :-

بالله عليك يا أخي كنت هعمل اية بقولك الأكل ( من رز وفراخ ولحمة ومكرونة وسمنة وزيت ووو الخ ) كانت بتتاخد مني أعينهم فين دول ..

ورقي وحاجتي بعينهم في الدولاب غيرت نسخة المفتاح .. معرفش كان بيفتح إزاي دا !!!

فلوسي ومحفظتي كنت بحطهم جوه الفانلة :rolleyes: موابيلي جوه الفانلة :D هعمل اية أكتر من كدا ..لما الموبايل كان بيرن الفايبريشن الأمعاء بتاعتي بتحس بيه !!!!

ورقي في المؤسسة .. ببقي في مكتبي وكفيلي جاي يزورني واان بقوم لمؤخده أتوضأ ادخل الحمام أطلع اتشري حاجة وباجي لاقي اللي حصل حصل !! هقولة اطلع برة .. في مرة قولتله فعلاً الفلان دا اطلع برة لو سمحت قلب الدنيا زعيق وصوت عالي اطلع برة لية هيا مؤسستك دي بتاعنا كلنا وووو جه صاحب العمل .. ايش فيه !!! حكيتلة قالي يصير خير مافي داعي كل يوم صوت عالي وزعيق وو وطلعت انا الغلطان قولي كنت أعمل اية ..

ثانيا ً كن المفروض أغزة إزاي :

بقولك طلعت فواتير مزورة لدرجة اني رحت للعملاء أخدت منهم تقارير مكتوبة وارقام تليفوناتهم وو وعملت تقرير ميرخش المية وبرده كان الأمر عادي .. كان فية اكتر من أني أطلعة حرامي .. لدرجة ان قالي انا اللي بمشي المؤسسة دي وانا اللي بديك راتبك كل أول شهر لولايا ولولا تعبي وشغلي مكنتش أخدت راتبك .. كان مغرور بطريقة رهيبة وقالي انا لو مشيت يابني المؤسسة هتقف انما انتة لو مشيت بكرة نجيب بدل المحاسب 10 وانتة بتعمل اية أصلا ً دا اي عيل بيعرف يقرا ويكتب يعمل اللي انته بتعملة ..

كرهني في المحاسبة والمحاسبين وكل اللي يفكر يدخل كلية تجارة أصلا ً .. وانا شخصيا ً مكنتش بستفاد أي خبرة خالص بل بالعكس كل يوم كان بيعدي كانت ذاكرتي بتقل وبنسي كل اللي اتعلمتة في شركتي هنا في مصر والكلية وكان معايا لغتين إنجليزي ولغة روسية كل دا نسيته ..

ثالثا ً بالنسبة لموضوع اني لما كسبت المدير المصري

عايز أقولك ان هوه كمان أخد نصيبة من الكعكه المسمومة .. الفلان دا راح ذقذق عليه هو كمان والراجل ياعيني أغلب من الغلب ومحترم جدا ً وزهق ونزل هوه كمان وموجود في مصر حاليا ً .. الراجل كان مع الحق وكان من جواه خايف برده لان عنده مسئوليات والتزامات هوه كمان لو جت عليا فانا لسة سني صغير والعمر قدامي طويل فيجي عليا أفضل ما يجي ع نفسة ..

رابعا ً كنت أكون معاه كرباج إزاي ..

بقوللك دا فرخة بكشك عند السعودي .. بس طلعت كل دا ع السعودي بقا وربنا يا مكاوي لو كنت شوفت المنظر ناس مصريين قدامنا برده وناس من الشارع اتلمت وانا وراه وهوه يجري مني وبالعقال ع جسمة ورمت اللي جابة وسبيته قولتله إلا والدي إلا والدي لان كان قالي ( انته ابن ستين .... ) قولتلة انا ابويا ..... قالي هوه ابوك اسمة ستين ؟؟ قولتلة يابن الصا....عه !!! طيب انتة بقا ابن ستين تراباتاتي وووو وكل دا وانا بضربة هوه كان 35 سنة وطويل عني بس جسمة مية .. ولفعتة حتية بونية صوابعي يوما إزرقت جت في سنانة ... بس مكنش ينفع أعمل كدا مع فلان دا لأانة طول بالظبط 190 سم تقريبا ً ووزن 95 سم وجسمة كبير وعريض أوي وكف ايده قد نص جسمي الفوقاني .. ياخي دا اان لما كنت بسلم عليه كان بيمد 3 صوابع بس يسلم عليا وكانوا كبار !!! أعمل معاه أية دا وانا يادوب كنت داخل السعودية طولي 170 ووزني 54 زدت شوية وطلعت بقيت 60 بعد اللي حصل ولما نزلت مصر بوزن لقيت نفسي 51 كيلو وطولي 170 لك ان تتخيل بقا ..

ناس قالتلي هنديك حتة حشيش وفي قلب عربيتة وبلغ عليه ودي بقا في قصاص ودنيا تانية ؟؟ تصدق بالله بالرغم من كل اللي عملة فيا إستحرمتها وقولت زنب أبوة وأمة ومراتة وأولادة إية ؟؟ وقولت لأ ربنا هياخد حقي وكان والله يا مكاوي أقدر أذيه بس كنت بشوف صورة أولادة قدامي وقولت ذنبهم اية .. والحمد لله

خلصت منه إزاي بقا دي قصة مزيكا بس ارتحت اوي اوي اوي اوي اوي اوي ...

بس والله بجد أحمد ربنا أني خلصت منهم الف حمد وشكر ليك يارب

راجع تاني ,,

تم تعديل 18 أبريل 2010 بواسطة omda2006

[mekkawy]

احكي لنا يا باشااااااااااااااا خدت حقك إزاي بالله عليك أصل أنا لسة سخنان اوي ع الراجل ده ... و من غير ما أرغي كتير أنا معاك في كل اللي انت قلته :rolleyes:

مكاوى

[عماد حمدي]

اصبر شوية يا مكاوي ايدي اتهرت من الكتابة ..

[Damo]

انا بصراحة مشعارفة اقول ايه....معنديش تعليق...مش لاقية حاجة تتقال.

انا زاي مكاوي كده بالظبط...خلاص هاكول في نفسي!

استمرار متابعة

[عماد حمدي]

هاااااااام جداااااااا

هناك خطأ في المشاركة رقم 35 في الأية الكريمة والصح

(يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)

صدق الله العظيم

شكرا ً للأخ prince لتنبيهي ع ذلك برسالة خاصة .. واسف مرة أخري

تم تعديل 18 أبريل 2010 بواسطة omda2006

[جنه]

عن تجربه و الله عندما تصادف شخص شرير على شاكلة هذا الرجل قول:(وجعلنا من بين ايديهم سدا ومن خلفهم سدا فاغشيناهم فهم لا يبصرون)-

(اللهم انا -بكسر الهمز وتشديد النون- نجعلك في نحورهم و نعوذ بك من شرورهم)-

(اللهم اكفينيهم بما شئت وكيف شئت انك على كل شيء قدير).

اما انك تعمل له مصيبه فده طبعا حرااام,لان ربنا ان شاء الله هياخذلك حقك واكيد ده اللى حصل-هذا ما سنراه فى الحلقه القادمه.

[عماد حمدي]

اصلي لو حكيت كلة هيقول دا فيلم هندي .. والترجمة هتنزل أمته وكلام من دا :rolleyes:

خلاصة الكلام اني اخدت حقي تالت ومتلت واحمد لله ع ذلك ..

[عماد حمدي]

أهناك أحد مر بهذه التجربة وقابل مثل هذه الشخصية ؟؟

كم كنت ستصبر ؟؟

كيف كنت ستتعامل معه ؟؟

ما هي الاخطاء التي أرتكبتها من وجهة نظر القاريء ؟؟

متابع ,,

[من بعيد]

Mohammad

شكرا ً أخي الفاضل ع الإشارة .. وفعلاً تصنيفات كويسة .. بس دي بقا اللي كنت أقصد بيها الفلسفية ha) بس طبعا ً مهمة اننا نعرف كل شخصية خصائها اية وكيفية التعامل معها .. نشكرك ونتمني منك المشاركة ..

myusername

هههههههههههه فنون التعامل مع المصالح الحكومية دا عايزة منتدي مش موضوع منتدي لواحده تقسم فية كل مصلحة وكيفية التعامل ..

وانا معاك أن الشدة والأسلوب الحاد هو الحل مع الناس اللي زي دي .. ودا يمكن وضحته في آخر مشاركة تقريبا ً او اللي قابلها .. مع الشخص العصفورة ( سيو سيو ) ذقذقة , بس الرفيعين اللي زي حالاتي مينفعش مهما كان اعمل كدة لحسن انا ديتي قلم واحد وتلاقيني طبيت ساكت :D بس عملتها قبل كدا ونفعت خدوهم بالصوت يغلبوكم ههههههههه

kitkat

ههههههههههه يابني انا بهدي النفوس بس :D واهي اديتنا الإصطباحه ع الله تكون عجبتك ..

بعدين فعلا ً شخصية اللي مبيعجبوش العجب دي في المديرين بالذات ياخي دا الواحد لو عملة قرد مش هيرضيه .. لنا الله ومنتظرينك

من بعيد

متقرب ياعم ولا خايف من اية ... متخفش تعالي هنا بس ههههههههه

الشخصية الغلاوية دي ( الشخص العبي واللي بيتشاكل مع دبّان وشه ) مجرد انك ذكرت كلمة غلاوية دلوقتي اتنرفزت mc: تابعنا

حاجة لماضة

هههههههههههههههههههه حلو الإصطباحة دي .. دا جزاتي أني بنورك :D الحق عليا يكش يقولوا اللي يقولوه .. انا قولت اما اجرب امثل دور ( العصفورة ) هنا .. واشوف رد الفعل :happy:

بس كان قاسي بصراحه ههههههههههه وجعتيلي دماغي آه ياني آه :happy:

واد يا كيت كات خد راحتك يا ولا .. وقول كل اللي في نفسك :blink:

وعلي فكرة هيا إتغاظت بس مش مبينه هههههههههه

شخصية....أنا اللي بلعب مع الاسد و روحت رقعت له صداغه........

مهو هوه دا الشخص ( الرسّيـــــم )

بتاع انا طلعت القمر مرتين في الأجازة مع بابي ومامي .. والهليكوبتر راكنة علي سطخ الفيلا ..

والهامر اللي راكنة تحت البيت .. والبي ام دابليو اللي عند الميكانيكي لان عندها مغص في الكبالن :D

والنبي ياختي اسكتي ومتظلميش الولاد معاكي ..

الشخصية دي بالذات مع البنات ( ومش كلهم ) وعندي روايات وقصص ..

آل اية أنا جبت فستان دا ب 5000 جنية وتلاقيها لابسة........!! ولا بلاش

متابع ,,

على اى اساس افترضت ان انا خابف يا خفيف

[جيمي]

باقي نعرف ايه اللي حصل بينك وبينه فى مصر

كمل يا عمده .. ممكن يقرا كلامك مخرج او منتج وينتجلك الفيلم الهندي اللي بتحلم بيه :happy:

كمل يا عمده بجد عاوزين نعرف ايه بقيت الحكايه

[عماد حمدي]

من بعيد

انت زعلت ولا اية خلاص يا سيدي محصلش حاجة .. :happy:

[عماد حمدي]

باقي نعرف ايه اللي حصل بينك وبينه فى مصر

كمل يا عمده .. ممكن يقرا كلامك مخرج او منتج وينتجلك الفيلم الهندي اللي بتحلم بيه :happy:

كمل يا عمده بجد عاوزين نعرف ايه بقيت الحكايه

مش هكمل :happy: خلاص اللي حصل حصل .. بلاش نجيب في سيرة الناس .. أهو اخذ جزاته وهوه واللي بعتهولي :blink:

اترك النهاية للمشاهد .. mc:

المهم حد بقا يجاوب ع الأسئلة اللي فوق دي ,,

[من بعيد]

من بعيد

انت زعلت ولا اية خلاص يا سيدي محصلش حاجة .. :happy:

يا عمده ده انا بحب اقرا تعليقات والمواضيع اللى انت بتفتحها تقوم فى الاخر تقولى تعالى ومش عارف ايه؟

عموما وانا برضه من ناحيتى محصلش حاجه

لس برضه عايز اقرا تعليق احد اصحاب الخبره فى معامله الناس اللى الغل واكل قلوبهم

:happy:

[عماد حمدي]

من بعيد

انت زعلت ولا اية خلاص يا سيدي محصلش حاجة .. :happy:

يا عمده ده انا بحب اقرا تعليقات والمواضيع اللى انت بتفتحها تقوم فى الاخر تقولى تعالى ومش عارف ايه؟

عموما وانا برضه من ناحيتى محصلش حاجه

لس برضه عايز اقرا تعليق احد اصحاب الخبره فى معامله الناس اللى الغل واكل قلوبهم

:blink:

يعلم الله اني مكنش في نيتي حاجة .. وعاما خدي دي عربون محبة :ninja:

مازلنا منتظرين أصحاب الخبرة في التعامل مع البشر !!

[hOuSsAm]

عمدة حبيب قلبى :happy:

اتاخرت فى المشاركة فى الموضوع بس بجد كنت بقرا القصة وكنت بضحك اوى wst:: (مش عارف ليه بس يمكن حسيت ان اللى بيحصلك ده خير)

حصلى موقف (انا مش هعرف اقول مشابه ليه) لان اللى حصل معاك ليس له وصف

ياخى ربنا يديك الصحة والقوة وتفيد اخوانك ومش هقولك تعقيبا غير (فصبر جميل والله المستعان على ما تصفون)

هتكلم بس عالدروس المستفادة من القصة دى من وجهة نظرى

1- (هذا الشخص كان معي في العمل وكذلك في المنزل ) من اكبر الغلطات لازم تفصل بين العمل والمنزل وبصراحة مش هخبى عليك ان اللى معايا فى المنزل حاليا معايا فى العمل بس هو ماسك قسم وليلة وانا فى قسم وليلة تانية خالص تانى حاجة هو محترم جدا وجد اوى تالت حاجة اننا واحنا فى الشغل مش بنفترض نعرف بعض اصلا وكل واحد ليه حياته المستقلة وكل واحد ليه اصحابه وخروجاته وخصوصياته والاكتر من كدة سعات مش بتشوف بعض الا فى الشغل ويمكن الناس مستغربة من كدة بس احنا مستريحين اوى كدة وبينا احترام كبير وكل واحد بيبقى نايم وهو عارف ان فى الاوضة التانية راجل بجد كمان سعات كتيرة مش بنروح الشغل او بنرجع مع بعض من الشغل بجد عاملين فاااااااااااااصل بين الشغل والبيت

2- (قالهم مفيش غير عماد هوه الأمين هوه الكويس هوه الطيب هوه هوه ..) المفروض فى الموقف ده كنت تفترض سوء النية لان دايما بيبقى فيه تضاد بين المالية والمبيعات فطالما هو بيمدح فيك للدرجة دى يبقى شكلها والله اعلم انه عنده سوء نية بالنسبة لشغله وعايز يعمى عنيك عليه (فى الاخر هقولك قصة مرتبطة بالموضوع ده)

3- (بالعكس دا انا كنت بتمني ليه الرضي يرضا ..) الكلمة دى بتضايقنى اوى بشكل شخصى وراىى ان التعامل بينا كشغل او صحوبية مينفعش تدخل فى المسمى ده لان اللى بينا احترام وتعاون وليس اكثر

4- (خلانا قاعدين سوا وبنتكلم وقام فاتح التليفون وبدأ بتسجيل الحوار الداير بينا .. وسمعه لصاحب العمل .. ) طالما يا عمدة انزعجت من التسجيل يبقى فى الغالب كنت بتقول كلام مش كويس وبصرف النظر عن سبب الكلام اللى مش كويس بس انا هتكلم عن نقطة الايجابية فى العمل بمعنى مهما كانت الظروف يبقى كل كلامك عن الشركة انها شركة كويسة وانك سعيد فيها واحلى شركة على وجه الارض وانها كل يوم بتكبر وعايزين نكبر ونطور فيها ................. الخ الخ الخ وده مش نفاق ده لازم بجد يبقى شعورك تجاه شركتك لانها سبب فى رزقك واكل عيشك وعشان بردوا تبقى بتشتغل وانت مبسوط واى فضفضة او زهق تبقى على جنب مع حد ملهوش علاقة بالشركة بتاتا ويبقى فعلا صديق واخ ليك وتكون دماغه كويسة عشان ينصحك ويفضل انك تكون عارفه من وانت فى مصر (ولعلمك احنا كلنا بيبقى نفسنا نفضفض بس الفكرة مين الانسان المناسب اللى تفضفض ليه)

5- (بدأ يضرّني في شغلي ومديري بدا يضايق مني) بصراحة مش فاهم ازاى واحد يقدر يدخل بينك وبين مديرك بس عالعمومانا بحمل مديرك معظم الغلط انه سمح للشخص ده انه يتكلم عليك وكان واضح من كلامك انه ضعيف الشخصية ويمكن كمان يكون قليل الحيلة بس مكن الدرس المستفاد بالنسبة ليا حجتين اول حاجة مسمحش لاى بنى ادم انه يتدخل بينى وبين مديرى ودى حلها انك تعرفه كل حاجة فى الشغل اللى بتعمله وما يتعلق به من علاقات لمديرك وتخليه يشترك معاك فى اتخاذ قراراتك عالاقل فى ااول الحاجة التانية انى مبعرفش اشتغل مع مدير ضعيف لانه بيتعبنى اوى وبيضيع عليا حقوق كتيرة انما احب المدير القوى اللى فارد عضلاته فى الشركة والكل بيخاف منه كدة اعرف انى فى امان مهما كانت الظروف

6- (بدأ يسرق فواتير من مكتبي ويخفيها ويطلع عيني عليها .. مستحيل اني اقفل المكتب لان الفواتير كتير جدا جدا جدا وكذا شركة وكذا مورد)

بصراحة بلومك اوى يعماد ياراجل ده انت محاسب والمفروض طبيعة عملك تخليك تبقى شكاك اوى وتحافظ على حجتك ويبقى ليك مكتبك المنفصل ومحدش يدخله الا باذن (وتجيبلك سكرتيرة بقى bv:- وانت تبقى كفيلها ) ماعلينا بقى.... ومديرك بردوا ده مش عارف ازاى يسيبك تقع كدة وميحفظش عليك (وليا بردوا قصة فى الليلة دى)

7- (دا حتي الغسلة الوحيده بتاعت السكن انا وهوه كان بيغسل هدومة وبعد كدا يسب قطعة واحده بس في الغسالة مركونة علشان انا مغسلش هدومي آل اية الغسالة مشغولة !!! وكنت بستحمل واخد أغسل برة

بدات أجيب أكلي وحاجتي واطبخ لواحدي لقيت حاجاتي بتتسرق .. طيب أعين الرز والمكرونة والسمنة والزيت وكل دا فين في الدولاب !!!

يخليني نايم يقوم مشغل النور ومشغل التليفزيون ع قناه ( بتاعت البنات اللي بيرقصوا دول ) ومعلي ع الآخر ومعنتش بعرف انام ولا اخد راحتي

يجيب أصحاب ليه شكلهم مجرمين والله وأسلوبهم وبيئتهم غريبة أوي وكلام قبيح بيطلع وانا قاعد يارب أروح فين أطلع من هدومي

دي حتي سرق هدومي .. )

لا تعليق

الله اعلم ظروفك كانت ايه ساعتها بس لو منك كنت وبسرعة اشوف سكن تانى (كله الا الخصوصيات يا معلم)

8- (وصاحب العمل جاهل أصلا ً وكان بيصدق ؟؟)

دى غلطة كتير اوى مننا بيغلطها اننا بنسافر على العميان من غير منستشير حد ومن غير منسال كويس عن الشركة وسمعتها فى السوق ولو حد اشتغل فيها قبل كدة ولا لاء وحاجة كمان الشركة صغيرة اوى وده بيبقى وضع مقلق شوية (واذاكر كلمة صديقى احمد لما قالى ابدا كبير هتفضل طول عمرك كبير ولو بدات صغير هتفضل طول عمرك صغير) حاجة كدة على هامش المؤتمر

9- (انه هوه الواد الاخلاق الطيب المحترم واصاحبة لان مفيش الا هوه وبعد كدا يديني القاضية ..)

ممكن ناخدها قاعدة كدة وميكاوى بردوا يساعدنا فيها (ميكاوى...... قواعد) انه مفيش حد يكون مبيصليش ومحترم فى نفس الوقت واكيد كنت لاحظت فى الاول انه مش بيصلى عالاقل يكون معترف بذنبه وانه مقصر

10- (مديري وصاحب العمل كل يوم تجيلهم أخبار عني زور ومحصلتش وهما يصدقوا )

انا مش فاهم مديرك ده بطيخة ولا ايه

ربنا يصبرك يبنى

11- (دي أمانة وهقولها واللي يحصل يحصل عملت التقرير بالفعل وإتهمت فيه ( فلان ) انه حرامي وكلة بالأدلة ..) :blink: بجد برافو عليك يا عمدة

مش عشان طلعته حرامى وبس لاء عشان انت قولت ان دى امانة وده احساس المحاسب بالمسئولية

12-(والمبيعات هيا اللي بتجيب الفلوس )

دى كانت موضوة قديمة ايام الفشل الادارى واتغيرت دلوقتى وبقت النظرة ان كل واحد ليه دوره فى الشركة وبتكامل الادوار تنجح الشركة وصدقنى فعلا ياعماد لكل واحد ليه اهميته فى الشركة من اصغر عامل للمدير العام ولكن مع اختلاف الموازين النسبية للتخصصات (لعلمك لو مدتش شركات العمالة فلوسها المصنع هيوقف ولو المبيعات مشتغلتش مش هنبيع ولو المالية مش موجودة الشركة هتتسرق ومش هنعرف نتايج الاعمال ايه ولو الاى تى مكنش متمكن السيستم هيقع والشركة هتعطل او هنشتغل عالنظام الدفترى القديم العقيم) فتاكد تماما لكل واحد دوره واهميته

انا بصراحة تعبت من الكتابة وعايز انام

بس بجد ياعماد احنا فخورين بيك وانت نموذج وصورة لينا

قوتك وصبرك

ومتاسف عالاطالة او انى غيرت مسار الموضوع شوية بس مخلصنيش اعدى حاجة مهمة زى دى من غير دروس مستفادة

تحياتى للجميع :ninja:

[عماد حمدي]

شكرا ً يا حسااااااااام علي تعبك وردك انا عارف انك خدت وقت كتير اوي في تنسيق مشاركتك علشان تظهر بالصورة الجميلة دي فلك كل التقدير ...

عايز أقولك أن أحنا كنا في غرفة واحده كمان تصدق بقا دي .. والمكان اللي كنت ساكن فيه ع طريق الدمام ومش كان معايا ولا سيارة ولا حاجة فالبتالي كنت محتاج ( فلان ) .. لو عطشت وعايز أشرب لازم اقولة يجي يجيبلي مية غصب عني .. وان كان ليك حاجة عن فلان قولة يا سيدي ..

مكتبي مكنش منفصل زي باقيت الشركات المحترمة إلا أنه كان سداح مداح .. ولم أحس ولو لدقيقة واحده منذ عملي معهم أني محاسب .. وخسرت الكثير مما تعلمتة وخبرتي بمصر .. لكن كنت بعتمد ع المذاكرة آي نعم مش هتفيدني هنا لكن أهو جالها وقت ونفعت .. وكنت بمسع تريأه ع تريأه ودي الحاجة الوحيده اللي كنت بنفضلها ..

الموضوع دا غير في شخصيتي جامد جدا ً وجابلي إكتئاب وفوبيا من التعامل مع المصريين برة مصر .. غصب عني والله

ومبقتش عارف الواحد بيتعامل بطيبة وإحترام .. الناس التانية تفتكره ضعف

نتعامل بقلة الأدب .. يقولوا دي قلة آدب

بس تصدق قلة الأدب وتديلهم كارت إرهاب في الأول ( ياعني تكش وتزعق جامد ) ومتعديش اي حاجة في الأول .. دا أسلوب كويس

بس الواحد كل مرة يقول هيتعامل كدا ومع أول موقف أتحط قدامة .. مبقدرش .. مشكلتي اني طيب زيادة عن اللزوم وبفكر في مصلحة غيري قبل مصلحتي ودي مخلية والدي هيتجن مني .. لدرجة انه قالي لو انا اهو وابوك ملكش دعوه بية وشوف اللي في مصلحتك وبقيها عليا .. كذا مرة .. بس مبعرفش ..

الشخصية دي تعبتني جدا ً والله وغيرت في شخصيتي وبقيت مكتئب وعصبي وإنعزلت عن الناس .. ياعني مبقتش أخرج زي الأول ممكن أقعد شهر او اتنين في البيت مشوفش شكل الشارع .. بقيت بخاف من التعامل مع الناس وجها ً لوجه ..

بقيت بشك في اللي حوليا مبقتش عارف مين بيحبني وبيحبلي الخير ومين بيكرهني .. حصل لخبطة في دماغي بجد وشوية كمان وممكن أمشي أكلم نفسي .. مهما كنت أوصفلك قد اية انا عانيت والله والله والله والله ويمين أتحاسب عليه يوم القيامة ما هقدر أوصف ولو دقيقة واحده كانت بتعدي علي والتعامل مع الشخص دا ..

تعبت جدا ً جدا ً جدا ً .. انا لحد دلوقتي لما بسترجع اللي حصلي بقول انا جبت الصبر دا كلة منين !! انا كنت مستحمل إزاي ؟؟ مش عارف دي حاجة غريبة فعلاً

انا اليوم اللي بخرج بس برة البيت بيتعمل فرح اني فكيت ع نفسي الحصار وخرجت ..

ربنا يعدلها .. وبقول الحمد لله الحمد لله انا أحسن من غيري ..

معلش ع الإطاله ..

منتظرين رد باقي الأعضاء