لقاء جديد للمتحاورين

[bentmasria]

كل سنة وانتم جميعا طيبين

بدأت الاجازات وبدأ احبائنا المغتربون فى التوافد الى مصر لزيارة الأهل ومقابلة الاصدقاء

وبما اننا اصدقاء ((طبعا مفيش كلام))

والاستاذ الفاضل محمد ابنى اصغر محاوراتى له الف وسبعمائة خال وخالة

فقد قرر الاجتماع بكل اخواله اللى ف مصر واللى جايين يزوروها وبصراحة صاحب الفكرة هو من بادر بالسؤال على محمد بمجرد وصوله الاخ الفاضل ارابيسك ونتمنى ان نتمكن من اللقاء بعد يوم الاحد القادم ان شاء الله لعدم تواجده بالقاهرة حتى ذلك الحين

ايه رايكم

استاذ عادل قائد المسيرة ((طبعا موش زى القائد اياه)) ننتظر تحديدك للمكان والزمان وياريت كلنا نكون موجودين عشان نتعرف على بعض اكثر وتكون علاقتنا موش بس محاورات بل مشاورات ولقاءات وساقية الصاوى والمسرح المكشوف ومسرح الجمهورية وممكن كمان قهوة زهرة البستان

وطبعا ف الآخر شخص ما حيتورط ف الحساب موش مهم

انا حتصرف (((حغسل بيهم اطباق مفيش مشكلة))

المهم نشوفكم ياريت نحدد وبسرعه خالص عاوزين نلحق الموجودين وكمان مهيب ف الطريق وابوخليل ويارب كل اللى بره يكونوا معانا ونتجمع على خير وف الخير

:lol: :D :blush:

دمتم بكل الخير

[وليد صفوت]

بالإضافة الى ان س س ( على حسب كلامه ) نازل مصر خلال الأسبوع ده ......

إبن مصر و عصام شوقى المفروض انهم يكونوا على وشك يخلصوا من زنقة الشغل برضو خلال الأسبوع ده .....

لانس .............. أنا هعرف أجيبه :D

محمد محرز و g g و شانا , ممكن الإتفاق معهم على ميعاد مناسب , ........ و ربنا يسهل :lol:

أعتقد ان الوقت المناسب قد جاء يا أستاذ عادل لهذة المقابلة .... فالمحاورات كمنتدى ثقافى يحتاج الأعضاء فيه الى التواصل و الإقتراب من بعضهم البعض فكرياً .... و إقامة صداقات كثيرة , ........

ايه رأيكم دام فضلكم ؟؟ :blush:

[Salwa]

مساء الخير...

ان شاء الله نكون معا بعد منتصف هذا الشهر ..

حتى لو ادى الأمر الى حضورى للقاهرة لمدة يوم واحد .

انا ايضا اتطلع الى هذا اللقاء منذ اكثر من سنتين ...

وسيكون معى ابنى الحبيب .......

كم اشتاق لرؤية مادا الصغير ......ورؤيتكم جميعا ..

[bentmasria]

ياريت يامدام سلوى تقدرى ونشوف حضرتك ومادا يشوف خالاته كلهم واخواله

وان شاء الله ربنا يكتبهالنا ونتقابل على خير

وكويس بعد منتصف الشهر واتمنى الكل يكون موجود يارب

[وليد صفوت]

مدام سلوى ......... :lol:

حضرتك تنورى مصر و القاهرة فى اليوم ده ........

نتمنى نشوف حضرتك و نتشرف بمعرفة أكثر الشخصيات النسائية حكمة وإحتراماً فى محاورات المصريين .......... ماما سلوى :D

و نحن ننتظر آراء بقية الأخوة الأفاضل ........

هل من جديد فى هذا الموضوع ؟

[بنت شعنونة]

انا معاكم...

حددوا المعاد بس

وانا معاكم ان شاء الله...

[وليد صفوت]

اليوم أخذت وعد من عصام شوقى بحضور المعاد اللى نتفق عليه ,.......

فاضل استاذنا عادل أبو زيد ( لا أعتقد انه هيمانع ) ,.... و فاضل نعرف س س نازل إمتى مصر ,.....ززو إبن مصر ربنا يسهل و يفضى الساعتين دول ,......

فى حد تانى فى مصر يحضر معانا ؟؟ :blush:

[bentmasria]

ارجو من الحاضر يبلغ الغايب ويارب س س يكون موجود وكل الناس الطيبين ولو سمحتم ارجو الاقتراب من وسط البلد بالنسبة لمكان الاجتماع فالباشا الصغير محمد ابنى ما بيستحملش يقعد فى العربية اكثر من ربع ساعه ويبدأ الصريخ الدنيا حر اوى

وعندى اقتراح

ابتدوا اختاروا المكان من دلوقتى ونعمل رسالة لكل الاعضاء نبلغهم المكان والزمان مبدئيا واى تعديل نبعت لهم برضه

ايه رايكم

[وليد صفوت]

انا مستعد لإرسال صيغة موحدة لكل الأعضاء على الرسائل الخاصة لإعلامهم بميعاد المقابلة ,....و ممكن على الإيميل كمان ,...

يتم الإتفاق على صيغة موحدة ,..... مين يقترح ؟

[se_ Elsyed]

بصوا بقى مش عايزين كلام عايم ..

عايزين مواعيد مُحدده وردود سريعة وأماكن معروفة ... آه بس كده .. مش نقعد نبعت مليون إي ميل والواحد ما يطلعش بجمله مفيدة ...

أنا بإذن الله سأكون في مصر يوم 15/7

يعني محتاج يومين ثلاثة أرتاح فيهم من وعثاء السفر وأخد دش وأبقى جاهز للقاء الجن الأزرق حتى :blush: ( مع إني جاي طيران بس برضوا تعب )

طب إيه رأيكم دام فضلكم في 18/7 ؟

إوعى حد يقول خليها 20 أو 21 أو 22 لإني هاكون مشغول لشوشتي حيث إن عقبالكم جميعاً ( اللي ماتجوزوش بس .. مش عايزين مشاكل ) فرح أختي الصغيرة أخر العنقود يوم 21 فلو ما وافقتوش على 18/7 يبقى نحدد ميعاد في الأسبوع اللي بعده أهو أكون خلصت من البونيه وفضيت لكم ...

أما المكان فمش مشكلة وسط البلد رجل البلد مش هاتفرق معانا ..

على فكره الطبلية بتاعت جنينة مول المره اللي فاتت كانت زحمة جداً وحسيت إني قاعد في سوق الخضار ( لا مؤخذه يا شعنونه .. إحنا بنتكلم ) وبعدين وإحنا قاعدين كانت في عيال بتحدف علينا بومب من تاني دور .. آه والله ( ممكن يكونوا أعداء من أحد المنتديات الآخرى :blink: )

على العموم شوفوا لنا مكان في وسط البلد وإحنا حاضرين ( إيه رأيكم في المحلق التجاري بتاع رمسيس هيلتون ؟ )

انا مستعد لإرسال صيغة موحدة لكل الأعضاء على الرسائل الخاصة لإعلامهم بميعاد المقابلة ,....و ممكن على الإيميل كمان ,...

يتم الإتفاق على صيغة موحدة ,..... مين يقترح ؟

خلينا نتفق على المكان والزمان وبعدين إبعت زي ما أنت عايز يا وليد وياريت كمان نحدد جدول اعمال للمناقشة بعد لقاء التعارف .. مش عايزين نضيع وقت وعايزين اللقاء يكون مثمر ( حلوه مثمر دي ؟ )

[محمد شلبى]

يا ريت يا جماعة اللقاء يكون نهارا , مش شرط بالليل عشان الناس اللى من اماكن بعيدة تقدر تيجى.

[وليد صفوت]

18 \ 7 ........

هاااااااااا ؟؟

مين يوافق ؟؟

انا موافق على اليوم مبدئياً ,.. هيبقى يوم الأتنين اللى بعد القادم ( فاضل 14 يوم ) ,.....

ممكن نخليها فى مكان هادئ و بلاش جراند كافيه و لا طبلية جنينة مول .........

انا لقيت أكتر من كافيه هاااااااااااااااادئ فى مصر الجديدة ,.....

بس مش عارف هو هادئ عشان الناس هادية ,.... ولا عشان سعرة نار نار نار يا حبيبى نار , عشان كده مافيش ناس ؟؟ دى حاجة هتأكد منها بأنى أدخل و أطلب كوباية لموناتة ....... ولو مارجعتش فى ظرف يومين وصيتكم الأكونت بتاعى أبقى خدوه شغلوه رحمة و نور :blush:

المهم ,...هحاول أتصل بالأستاذ عادل أبو زيد و اتفق معاه على مكان مناسب ,....

و باب الإقتراحات لسا مفتوح ,..... اللى عنده إقتراح لمكان مناسب يقول مايتكسفش ...... مكان هادئ مش دوشة ,...

سلاماتى ...

[mb14]

احم احم بسم الله

يشرفنى ان احضرهذا اللقاء والتقى هذه الكوكبة من الأخوة الاعزاء الذين طالما افادونا على الشاشة ونتمنى ان نراهم .

بالنسبة للمكان اقترح حديقة الازهر مكان هادى وجميل وواسعة عشان تقدر تشيل كل الاعضاء :blush: وفيه مطعم جميل (س س ما فيش داعى تمسك فينا جامد بخصوص موضوع الغدا او العشا أصل انا ما بحبش اتقل فى الأكل لما بكون مسافر يعنى يا دوب حاجات خفيفة من عزومات السعودية اللى كنت بتحضرها :blink: )

بالنسبة لليوم اى يوم مناسب ما عدا الاثنين والثلاثاء .

[وليد صفوت]

احم احم بسم الله

يشرفنى ان احضرهذا  اللقاء والتقى هذه الكوكبة من الأخوة الاعزاء الذين طالما افادونا على الشاشة ونتمنى ان نراهم .

بالنسبة للمكان اقترح حديقة الازهر مكان هادى وجميل وواسعة عشان تقدر تشيل كل الاعضاء  :blush:  وفيه مطعم جميل (س س ما فيش داعى تمسك فينا جامد بخصوص موضوع الغدا او العشا أصل انا ما بحبش اتقل فى الأكل لما بكون مسافر يعنى يا دوب حاجات خفيفة من عزومات السعودية اللى كنت بتحضرها  :blink: )

بالنسبة لليوم اى يوم مناسب ما عدا الاثنين والثلاثاء .

<{POST_SNAPBACK}>

حديقة الأزهر مكان جميييييل ,.....

بس يا ترى يا هل ترى فيها ريستورانت مناسب للقعدة , و اللازم منه ؟

الموافق يرفع ايده ....

[se_ Elsyed]

  وفيه مطعم جميل (س س ما فيش داعى تمسك فينا جامد بخصوص موضوع الغدا او العشا أصل انا ما بحبش اتقل فى الأكل لما بكون مسافر يعنى يا دوب حاجات خفيفة من عزومات السعودية اللى كنت بتحضرها  :blush: )

بالنسبة لليوم اى يوم مناسب ما عدا الاثنين والثلاثاء .

<{POST_SNAPBACK}>

تحت أمرك يا محمد باشا .. وإحنا ديك الساعة ... ده أنا أدبح لكم عجل وأجيبه مشفي ومطبوخ لحد حديقة الأزهر .. وأهو بالمرة نعزم طنطاوي ( حبيبي يا ناس ) وييجي ياكل معانا لقمه واهو يبقى عيش وملح يمكن ربنا يهدي سره ..

بس بلاش غلاسه بقى ومشيها الإثنين أو الثلاثاء كحالة إستثناشية ..

اللي موافق على حديقة الأزهر يقول أنا أهو ...

[bentmasria]

انا جاى ياعمو اس اس ما تنساش الجيلى كولا بتاعى

[mb14]

ايه يا جدعان ما حدش عايز ييجى دى س س عامل عرض كبيرقوى وماحدش طلب غير MB14 ومادا (على الفكرة العرض دى عشان حلاوة السلامة ) يا ريت ما نضيعش الفرصة دى من ايدينا بعدين يرجع فى كلامه وما نطلش حتى شيبسى فى الآخر .

س س مطلوب منك لغاية دلوقتى :

1- عدد واحد عجل مطبوخ وجاهز .

2- عدد واحد جيلى كولا عشان خاطر عيون مادا .

ها مين طلب تانى

مش سامع حاجة

:blink:

[عادل أبوزيد]

أعتذر عن التاخر فى المشاركة.

أعتقد هذا اللقاء سيكون له طابع مميز عما سبقه من لقاءات ربما مكان اللقاء و الذى إخترتموه و هو حديقة الأزهر سيكون له تأثير على حجم المشاركة.

نأتى لنقطة تنظيمية و هى هل هناك إقتراحات لأجندة اللقاء ؟ .. هناك بالضرورة ما سنتحدث فيه لكن لو زاد عدد المشاركين و أصبحت "الدردشة الجانبية" غير مستساغة فكيف سنملأ فترة اللقاء ؟

ربما يكون من الملائم أن يقوم كل منا بتحضير عدة نقاط و مقترحات للحوار .. من ضمن المقترحات مثلا "قراءات فى محاورات المصريين" حيث يقوم العضو بعرض أحد موضوعات المحاورات ... و الخيار له فى كيفية العرض أو القراءة

و أطلب من الفاضل فيلون كنج أن يقوم بزيارة حديقة الأزهر و يقوم بشرح كيفية الذهاب و مكان الجلوس تكلفة المكان .. الخ

و أرجو إقتراح صيغة دعوة ترسل إلى الأعضاء فى موعد ملائم

لم أتمكن من الإتصال بالفاضلة سلوى لمعرفة ظروفها و هل فعلا سيمكننا لقائها و ما قد يترتب على ذلك من إعادة النظر فى موعد اللقاء.

مدى علمى أن الفاضل كامل الجمل (سكوربيون) موجود حاليا بمصر و لكنى لا أعرف إرتباطاته

[Salwa]

مساء سعيد ..

بالأمس تأكدت ( ان شاء الرحمن ) انى سأكون معكم ..

لا توجد مشاكل ....يعنى حددوا مكان اللقاء وانا سوف اتابعكم من ( هناك ) ..

اسهل لى ..( قصدى لنا)....السوبر جيت ثم قولوا لى اقرب محطة ننزل فيها ؟؟

يعنى ميدان التحرير ؟؟ والا ايه ؟؟؟.......اقصد فين بالضبط ؟؟

افضل فى الوقت الحالى قضاء يوم فقط فى القاهرة ذهاب وعودة ....ثم بعدها لكل حدث حديث...

يوجد اسبوع لابد من قضائه مع الاسرة فى الساحل الشمالى ...ولم احدده للآن ..

بالنسبة لحديقة الأزهر الشريف.....اعتقد ان المكان اختيار موفق .

فى انتظار رأيكم الأخير ..

بالنسبة للمناقشات .......

بصراحة افكر فقط فى رؤيتكم .....

وربنا يديم المعروف ويجمعنا على خير ...

انا فعلا فعلا سعيدة لمجرد تخيل اننا سنكون معا .

ليس لدى اقوال اخرى ...........

[bentmasria]

استاذ عادل الاخوة والاخوات الافاضل اتمنى فعلا ان يتم هذا اللقاء على خير وسأكون انا ومادا اسعدكم فكم اريد ان يتعرف اليكم وان يكون بمثابة الابن للجميع ان شاء الله

بالنسبة لحديقة الأزهر

سعر التذكرة 15 جنيه وهى تشمل الدخول فقط طبعا وبالداخل مجموعة جلسات يمكن لوليد ان يختار لنا اكثرها هدوءا والمكان بشكل عام هادىء ومفتوح وله طابع جيد

مدام سلوى انا اسكن قريبا جدا من موقف السوبرجيت ويمكننى اصطحاب حضرتك انا ومحمد الى اللقاء باذن الله فقط ارجو تبلغينى تليفونك برساله وانا حكون على اتصال بحضرتك ونروح سوا

اتمنى نشوفك انا ومحمد قبلهم كلهم :blink: :D :D

عقبال ما تشوفى حفيدك يارب

استاذ عادل لو مطلوب منى اى اعدادات بلغنى وان شاء الله حاضرين

يارب كل المتحاورين ييجو

مادا ومامى