أروووووووووح لمين؟؟

[Om Zayd]

السلام عليكم و رحمة الله و بركاته

بصراحة مش قادرة أسكت أكثر من كده

أعرب د.الجنزوري عن ضيقه وقلقه إزاء عودة لجوء أصحاب المطالب الفئوية إلى أسلوب الاعتصام وقطع الطرق البرية وعبر السكك الحديدية، وهو أمر مجرم قانونا لما يتسبب فيه من ضرر عمدي بمصالح المواطنين..لا يمكن لأحد أن يحصل على حقه من خلال إلحاق الضرر بالآخرين .. مناشداً العقلاء من كل الاتجاهات بإقناع كل من يقوم بقطع الطريق بالعدول عن هذا الأسلوب الضار وغير القانوني.

ده حضراتكم من الصفحة الرسمية لمجلس الوزراء المصري الشقيق

أنا كنت كاتمة في نفسي و ساكتة رغم معاناتي و كثيير ممن أعرف من قطع الطريق و تجاهل الدولة لهذه المصيبة

لكن بعد ما قال ما قاله

حسبنا الله و نعم الوكيل

[Om Zayd]

عارفة ان فيه هيقول .. ان ايدي الداخلية مقيدة "حقوق الانسان و كده" و ان الحل لا يمكن ان يكون أمنيا حتى بعد الثورة

ماااااااااشي .. متفقة تماما ان الحل الأمني وحده لا يكفي

لكن المصيبة لما رئيس الوزراء بذات نفسه يقول كده

مش وزير الداخلية و لاّ مدير الامن

[عصام أبوالفتح]

وعليكم السلام يا أم زياد .. متضايقيش .. امسكى الميكروفون وافترضى انك رئيسة الوزراء واتفضلى اتكلمى معانا :

هاتقولى ايه ؟

[Om Zayd]

أولا .. قنوات اتصال حقيقية مع الناس

مينفعش الناس ميبقاش قدامها طريق غير مخالفة القانون عشان تتسمع و يستجيبوا لمطالبهم

بالمناسبة .. فين المحليات؟؟ هه؟ فيييين؟؟

أولا تاني برده .. مستناش الأزمة تحصل

مش عندنا مراكز بتجمع معلومات و تعمل دراسات و تستطيع التنبؤ بالازمات؟؟

ما بالنا لما تكون الازمات معروفة و محفوظة و احيانا مصنوعة

ثانيا

قانون يطبق بحسم و قوة و حرفية

و ليس بعنف مفرط يزيد النار اشتعالا

[عصام أبوالفتح]

أولا .. قنوات اتصال حقيقية مع الناس

مينفعش الناس ميبقاش قدامها طريق غير مخالفة القانون عشان تتسمع و يستجيبوا لمطالبهم

بالمناسبة .. فين المحليات؟؟ هه؟ فيييين؟؟

أولا تاني برده .. مستناش الأزمة تحصل

مش عندنا مراكز بتجمع معلومات و تعمل دراسات و تستطيع التنبؤ بالازمات؟؟

ما بالنا لما تكون الازمات معروفة و محفوظة و احيانا مصنوعة

ثانيا

قانون يطبق بحسم و قوة و حرفية

و ليس بعنف مفرط يزيد النار اشتعالا

يا أم زياد الكلام اللى حضرتك قولتيه ده ممكن جدا اسمعه من اى حد على اى موقف ... من فضلك كلمينا على اللى حصل .. مجموعة ناس سقط مرشحهم فقطعوا الطريق ... معلومات ايه اللى هاتتنبا بكده وعربية قتلت ست وولادها .. وحرق مقر اللجنة الانتخابية .. انتى رئيسة وزراء هاتقولى ايه ...؟ .. او كنتى مستنية تسمعى منه ايه ومسمعتهوش ؟

[Om Zayd]

قطع الطريق نتيجة الحوادث -الليهيا نتيجة سوء التخطيط والعشوائية- أصبح عادة

(أسبابها معروفة .. و طرق تجنبها من الاصل معروفة)

الانتخابات و ما يحيط بها من أزمات و ما تستتبعه نتائجها من أحداث لا يحتاج ضربا بالودع حتى نحتاط له

و المفروض انه تم تأمينها .. أم ان التأمين ينتهي بإعلان النتيجة؟؟

[عصام أبوالفتح]

قطع الطريق نتيجة الحوادث -الليهيا نتيجة سوء التخطيط والعشوائية- أصبح عادة

(أسبابها معروفة .. و طرق تجنبها من الاصل معروفة)

الانتخابات و ما يحيط بها من أزمات و ما تستتبعه نتائجها من أحداث لا يحتاج ضربا بالودع حتى نحتاط له

و المفروض انه تم تأمينها .. أم ان التأمين ينتهي بإعلان النتيجة؟؟

برضو ده مش تصريح رئيسة وزراء ... كلمينا بصفتك متعينة من اسبوعين وحصل الكلام ده من فضلك

[se_ Elsyed]

صوت أهلي إتنبح في الموضوع ده من شهور

وسألتمس العذر لبعض هؤلاء المعتصمون اللي خرجوا من هدومهم وهاسأل السيد رئيس الوزراء وحاشيته ... تفتكر حضرتك تقدر تعيش قد إيه من غير أنبوبة غاز .. على فرض إنك لسه بتستخدم الانبوبة ؟

ومين المسئول عن كده ؟

ومين اللي بيذل الشعب في عز الشتا وبيخليهم يسفوا التراب ؟

أعقتد إن الخلط بين مجرم مرشحه سقط في الإنتخابات او بيطالب بمطلب خاص شاذ ويطلع يقطع طريق ده نقطع رقبته على طول

لكن اللي بيصرخ من الظلم وماحدش سامعه .. ده نعمل معاه إيه يا ناس ؟

لكن أرجع واقول إن كل مسئول لازم يراعي ربنا وينزل للناس

عاجبني الجولات بتاعت وزير الداخلية

لكن لا مؤخذه لما كل شوية ينزل القرى والنجوع والمدن بنفسه .. أومال البهوات الآناتيخ من مديرين امن لباقي القيادات بيعملوا إيه ؟

[Om Zayd]

بعد إذنك يا ريم هرد هنا عشان مبوظش لاستاذ محمد موضوعه

و لما يكون رد رئيس الوزراء الذي معه "كل الصلاحيات" هو التالي .. يبقى نعمل إيه؟؟

http://www.egyptiantalks.org/invb/index.php?showtopic=131531&view=findpost&p=821782&hl=&fromsearch=1

بصي يا ام زيد هاقولك حاجه حصلت من 3 اسابيع كده

بابا كان رايح يجددلي الاجازة السنوية بتاعتي

المهم راح الادارة التعليمة اللي شغلي تابع ليها

لقى زحمة ايه يا جماعة قالولوا لو ليك مصلحة النهاردة فوت علينا وقت تاني

النهاردة في اعتصام

ليه يا جماعة

اعتصام عشان في ناس ما قبضتش حوافز سنة 83

و الله العظيم لولا اني عارفه ما شاء الله سمع بابا كويس كنت قولت عليه سمع غلط

و قعدت اتأكد تاني منه على السنة و يأكدلي انها 83

اديني عقلك بقى لحسن انا عقلي ضرب

لما كل واحد عاوز حاجه صحيح حقه بس بالطريقة دي

المفروض رئيس الوزراء يعمل ايه

و بعدين لما يكون حقي دا يتسبب في ان بلدي يجيلها انذار زي اللي في الخبر اللي اضافه استاذ محمد

يبقى يغور حقي قدام ان بلدي ما يحصلهاش اي ضرر

هو اللي بيحب بلده لازم يكون دا تصرفه

شوفي يا ريم.. لما الناس تلاقي ان اللي بيقطع الطريق و يضرب عن العمل هو الذي يستمَع له و له فرصة اكبر في تلبية مطالبه مهما كانت.. ساعتها مقدرش الوم اللي بيعمل ده لوحده.. للاسف اللوم يقع أيضا على من لا يستجيب الا بهذه الطريقة

فيه كثير بيستعبطوا

أقولك مثال ألطف

كابلات التليفونات تكرر سرقتها

مدير السنترال بيدعي انهم طلبوا من الشرطة تامين الكابلات .. قالوله .. مش فاضيين .. بنأمن الانتخابات

و ادي الانتخابات خلصت و التليفونات لسة مرجعتش

ناس بتقول ان العصابة اللي بتسرق دي لها ناس جوة متواطئة معاهم

و ناس بتقول .. و ناس و ناس

بالمناسبة .. لما الموضوع طلع في الجرايد .. رجعت التليفونات ,.. اسبوعين تلاتة و قالوا اتسرقت تاني

لا و بتيجي الفواتير عااادي جدا

فييييين مسئولية الحكومة هنا؟؟

[عادل أبو عمر]

السلام عليكم و رحمة الله و بركاته

بصراحة مش قادرة أسكت أكثر من كده

أعرب د.الجنزوري عن ضيقه وقلقه إزاء عودة لجوء أصحاب المطالب الفئوية إلى أسلوب الاعتصام وقطع الطرق البرية وعبر السكك الحديدية، وهو أمر مجرم قانونا لما يتسبب فيه من ضرر عمدي بمصالح المواطنين..لا يمكن لأحد أن يحصل على حقه من خلال إلحاق الضرر بالآخرين .. مناشداً العقلاء من كل الاتجاهات بإقناع كل من يقوم بقطع الطريق بالعدول عن هذا الأسلوب الضار وغير القانوني.

ده حضراتكم من الصفحة الرسمية لمجلس الوزراء المصري الشقيق

أنا كنت كاتمة في نفسي و ساكتة رغم معاناتي و كثيير ممن أعرف من قطع الطريق و تجاهل الدولة لهذه المصيبة

لكن بعد ما قال ما قاله

حسبنا الله و نعم الوكيل

و عليكم السلام و رحمة الله وبركاته

أختنا الفاضلة أم زيد

فقط وددت أن أذكرك إننا معندناش حكومة أصلا .. و لا يمكن وجود حكومة حقيقية مستقرة في الوضع الحالي المتأزم ..

اسمحيلي بالتشبيه التالي

لو فيه حد مثلا عنده عمارة و أجر كل الشقق و بعدين سافر مع أولاده لفترة طويلة .. مثلا تلاتين سنة ..

المستأجرين دول طلعوا مجرمين و حرامية .. ماسابوش حاجة في العمارة .. حتى أساسات العمارة لعبوا فيها .. و من فجرهم باعوا العمارة لنفسهم و عايزين يورثوها لولادهم

ولاد صاحب العمارة قرروا يرجعوا ويطردوا المستأجرين و فضحهم و عقابهم .. و كانوا فعلا شجعان و طردوهم .. وبعدين وكلوا محامي يقوم لهم بإجراءات إثبات الملكية

الولاد الشجعان اللي رجعوا دول معندهمش حتة تانية يسكنوا فيها .. و اضطروا ينتظروا في الشارع لغاية المحامي ما يخلص إجراءاته و يسلمهم العمارة ..

الكارثة إن المحامي اللي أصبح وكيل أصحاب العمارة لم ينسى أنه كان وكيل المستأجرين .. فماعت القضية في ظل أخطاء مقصودة و غير مقصودة

إيه الحل ودلوقتي و احنا عندنا ..

عمارة هلكانة من كثرة الشقوق و تردي حالة البناء .. ولاد صاحب العمارة الشجعان ... المستأجرين المجرمين .. المحامي اللي موع القضية

إصلاح العمارة صعب فعلا يا أم زيد قبل استلامها ..

الأسوأ هو اختلاف أولاد صاحب العمارة في اسلوب الإصلاح منهم من يدعو للترميم بحرص و منهم من يدعو للتنكيس بسرعة

مع إن الوضع و الوقت مش وقت اختلاف .. و مفيش حل غير إن أصحاب العمارة يتفقوا ... و من غير اتفاقهم متفكريش في حالة العمارة ..

كل ده مش دفاع على فكرة لكنه إقرار إن الحقائق كلها واضحة .. فلا عذر لأصحاب العمارة

لا عذر لأصحاب العمارة في إنهم يفكروا في نفسهم بأي شكل يؤدي لتأخير استلام العمارة .. ثم بعدها بداية الإصلاح الحقيقي ..

مجرد راي

تحياتي لحضرتك

[Om Zayd]

إصلاح العمارة صعب فعلا يا أم زيد قبل استلامها ..

تحياتي لحضرتك يا فندم

متفقة مع حضرتك جدا

انا مش عايزة منهم إصلاح

يمكن زمان أول ما د.عصام مسك كان عندي اعتقاد انه من الميدان و ممكن نبتدي نصلح البلد

رغم انها حكومة انتقالية

أيامها زوجي قالي متعيشيش الوهم

فيه حاجات كثير مش هتخليه ينجح

دي حكومة انتقالية

بعد شوية بقى كل اللي عايزاه من الحكومة الانتقالية انها تهتم بالامور الملحة

فقط

الأمن

الأسعار

حد أقصى للأجور

و للآن هذا ما أطلبه من د. الجنزوري.. الذي من المفترض انه يحوز صلاحيات رئيس جمهورية

هل ترون ان تصريحه آنف الذكر يسهم في زيادة أم مواجهة مشكلة قطع الطريق؟

[عادل أبو عمر]

و للآن هذا ما أطلبه من د. الجنزوري.. الذي من المفترض انه يحوز صلاحيات رئيس جمهورية

هل ترون ان تصريحه آنف الذكر يسهم في زيادة أم مواجهة مشكلة قطع الطريق؟

بالتأكيد تصريح الجنزوري مش بس معالجش المشلكلة ده كمان شجع أي طرف عنده نية إن الطريق مفتوح بدون أي عقبات اللهم إلا بعض الأسف و الاستنكار ..

فيه بس توضيح حضرتك إن د. الجنزوري صلاحياته - في نظري - لا تمتد للأمن اللي ييقوم به فعليا الجيش .. لأن الشرطة حاليا لا أرى لا أسمع لا أتكلم مع إنها هي من يفترض فيه مواجهة هذا النوع من المشاكل .. و إنشاء الله ربنا يكرمنا بمن يقوم بتطهير هذا الجهاز من أساسه لأنه نسى فعلا إنه في خدمة الشعب و ليس سيد الشعب ..

[عصام أبوالفتح]

السادة والسيدات المواطنين والمواطنات

ابلغ باسم الحكومة المصرية التى تمثلكم استنكارنا الشديد لقطع الطرق وتعطيل المصالح الحكوميه من أجل مطالب فئوية وسيتم توجيه تهمة الابتزاز لكل من حاول الاستمرار فى هذا الفعل أو ذاك فى صباح الغد وسيواجه الأمن قطاع الطرق بكل قوة وحزم فى حالة المقاومة والحكومة تخلى مسئوليتها عن أى ضحايا أواصابات قد تحدث نتيجة لذلك . كما سيتم ملاحقة المذنبين قضائيا عن أى أضرار مادية للممتلكات العامة أو الخاصة نتيجة ما حدث أو سيحدث . وندعو وسائل الاعلام المختلفة للتواجد فى الساعة السادسة صباحا لتغطية فتح الطرق لكشف وتسجيل أى ممارسات غير قانونية.

عاشت مصر وعاش الشعب

[عصام أبوالفتح]

يلى هذا الاعلان من رئيس الوزراء اعلان من الوزير أو المحافظ او المسئول المباشر بتوضيح الموقف القانونى للمطالب الفئوية التى جرى تصعيد الاحتجاج بشأنها والاجراء المتخذ أو الاستقالة فى حالة عدم وضع حلول أو تبرير

 

[ابراهيم عبد العزيز]

عارفة ان فيه هيقول .. ان ايدي الداخلية مقيدة "حقوق الانسان و كده" و ان الحل لا يمكن ان يكون أمنيا حتى بعد الثورة

ماااااااااشي .. متفقة تماما ان الحل الأمني وحده لا يكفي

لكن المصيبة لما رئيس الوزراء بذات نفسه يقول كده

مش وزير الداخلية و لاّ مدير الامن

السلام عليكم ورحمة الله وبركاته أم زيد

ولماذا أيدي الداخلية غير مُقيدة عند التعامل مع المتظاهرين ؟؟؟

وأين كانت حقوق الإنسان في موقعة البالون وماسبيرو ومحمد محمود ومجلس الوزراء ؟؟

طيب لو نزلت قوات الأمن وتعاملت بقوة مع أفراد قطعوا طريق أو سكة حديد , هل سيخرج أحدا ليلوم الحكومة في هذه الحالة ؟؟؟

إذا قامت قوات الامن بالتعامل القوي مع بلطجية إحتلوا مدن سكنية تحت الإنشاء , هل سيخرج أحد ليلوم الحكومة ؟؟

تم تعديل 14 يناير 2012 بواسطة ابراهيم عبد العزيز

[Om Zayd]

السادة والسيدات المواطنين والمواطنات

ابلغ باسم الحكومة المصرية التى تمثلكم استنكارنا الشديد لقطع الطرق وتعطيل المصالح الحكوميه من أجل مطالب فئوية وسيتم توجيه تهمة الابتزاز لكل من حاول الاستمرار فى هذا الفعل أو ذاك فى صباح الغد وسيواجه الأمن قطاع الطرق بكل قوة وحزم فى حالة المقاومة والحكومة تخلى مسئوليتها عن أى ضحايا أواصابات قد تحدث نتيجة لذلك . كما سيتم ملاحقة المذنبين قضائيا عن أى أضرار مادية للممتلكات العامة أو الخاصة نتيجة ما حدث أو سيحدث . وندعو وسائل الاعلام المختلفة للتواجد فى الساعة السادسة صباحا لتغطية فتح الطرق لكشف وتسجيل أى ممارسات غير قانونية.

عاشت مصر وعاش الشعب

جميل جدا

باستثناء حكاية استنكارنا الشديد .. فقط ان ما يحدث جريمة و ستتم مواجهتها بكل حسم بالطرق القانونية

أيضا أن على من لديه مظلمة ما أن يتوجه لمكتب مخصص لذلك في منطقته

[Om Zayd]

السلام عليكم ورحمة الله وبركاته أم زيد

ولماذا أيدي الداخلية غير مُقيدة عند التعامل مع المتظاهرين ؟؟؟

وأين كانت حقوق الإنسان في موقعة البالون وماسبيرو ومحمد محمود ومجلس الوزراء ؟؟

طيب لو نزلت قوات الأمن وتعاملت بقوة مع أفراد قطعوا طريق أو سكة حديد , هل سيخرج أحدا ليلوم الحكومة في هذه الحالة ؟؟؟

إذا قامت قوات الامن بالتعامل القوي مع بلطجية إحتلوا مدن سكنية تحت الإنشاء , هل سيخرج أحد ليلوم الحكومة ؟؟

و عليكم السلام و رحمة الله و بركاته

لم أقل أن هذا رأيي .. قلت أن هناك من قد يقول هذا

[ابراهيم عبد العزيز]

السلام عليكم ورحمة الله وبركاته أم زيد

ولماذا أيدي الداخلية غير مُقيدة عند التعامل مع المتظاهرين ؟؟؟

وأين كانت حقوق الإنسان في موقعة البالون وماسبيرو ومحمد محمود ومجلس الوزراء ؟؟

طيب لو نزلت قوات الأمن وتعاملت بقوة مع أفراد قطعوا طريق أو سكة حديد , هل سيخرج أحدا ليلوم الحكومة في هذه الحالة ؟؟؟

إذا قامت قوات الامن بالتعامل القوي مع بلطجية إحتلوا مدن سكنية تحت الإنشاء , هل سيخرج أحد ليلوم الحكومة ؟؟

و عليكم السلام و رحمة الله و بركاته

لم أقل أن هذا رأيي .. قلت أن هناك من قد يقول هذا

نعم أم زيد أعلم أنه ليس رأيك بالطبع

وأنا أرد على من يقول هذا الرأي وليس على سيادتكم

تحياتي

[Om Zayd]

أحمد خالد توفيق ناله من "الحب" جانب

والمزيد من المروريات

by أحمد خالد توفيق on Monday, 16 January 2012 at 13:57

ع

ندما يبدأ المقال بالعبارة المنحوسة (كنت أنوى أن أستكمل الحديث عن كذا..)، تدرك على الفور أن هناك كارثة تمنع استكمال المقال، ولكننا لن نتوقف اليوم. سوف نكمل ما بدأناه عن المرور، لكن لا بد من كلمة عن إبراهيم أصلان الأديب الجميل. رحل إبراهيم أصلان فى هدوء من دون ضجيج، كما هى عادته فى كل شىء، وهو الذى عرفناه أول مرة من روايته الأشهر (مالك الحزين) عندما تحولت إلى فيلم (الكيت كات).. وهو صاحب (حكايات فضل الله عثمان) و(عصافير النيل). خسارة عظيمة للأدب كخسارتنا القريبة فى عم خيرى شلبى وفنان الكاريكاتير العظيم حجازى.. حجازى وإبراهيم أصلان من طنطا على فكرة.. إن قائمة الأسماء المهمة الراحلة تزداد طولا، والعزاء الوحيد هو أن هذا البلد لم يجف، ولم يصبه العقم قط.. فى مكان ما هناك إبراهيم أصلان آخر، ما زال يشكل وجدانه ولغته وأفكاره..

الآن أحكى لك قصة مرورية مسلية لها مغزى أخلاقى كالعادة..

كان هذا هو الأحد.. اليوم الأول من العام.. كنت عائدا من القاهرة على الطريق الزراعى بين قليوب وقها. الساعة العاشرة مساء. كنت فى السيارة مع ابنى، وقد لاحظنا أن هناك زحاما غير معتاد.. السيارات فى العادة تكون كأسماك فى علبة السردين، لكنها اليوم أقرب إلى قالب العجوة المكبوس، كما يصفه الساخر محمد عفيفى.. أى أنه يجمع بين التلاصق والتفاعل أيضا.

بشكل ما شققنا الطريق حتى دنونا من المقدمة. هنا تبين لنا أن هناك ثلاث سيارات (تريللا) تمشى فى صف واحد -كتفا لكتف- بسرعة 5 كيلومترات تقريبا.. لا يوجد شىء أمام هذه الشاحنات.. الطريق مفتوح تماما ربما حتى بنها. أما عن السيارات حولنا فقد تعالت آلات التنبيه، وأعلى منها كان السباب.. اتحرك يا لوح.. دا انت سواق ابن جزمة.. يا حيوان.. يا سواق يا رمة..

لكن لا جدوى.. السيارات تمشى ببطء قدرى كأنها ليست من هذا العالم، وبدأنا نفطن إلى أن هذا السير البطىء متعمد. لكن لماذا؟ الأغرب أن السيارات الثلاث بلا أرقام.. لقد نثروا الوحل والطين عمدا على اللوحات، فلا يمكنك أن تعرف رقم أى سيارة.. فقط أعرف أنها من الغربية. قلت لابنى إننى أتوقع أن هذا سطو مسلح.. على الأرجح ستتوقف السيارات فجأة وينزل منها رجال يحملون أسلحة آلية.. لكن ماذا تفعل؟ لا بد أن تمشى بسرعة.. من يمشى خلفك؟

الآن صار هناك صف طويل لا آخر له من السيارات الغاضبة.. يستطيل مع الوقت حتى أعتقد أنه يصل إلى شبرا.. الكل يضغط آلة التنبيه كالمجنون. الأمر خطير فعلا، لأننا أمضينا ساعة فى مسافة قدرها أربعة كيلومترات!

انفتحت فجوة على اليمين، فهرعت ثلاث سيارات تتسابق لاجتياز الاختناق، وكادت سيارتى تتحطم.. هنا أغلق صاحب التريللا اليمنى الثغرة.. إنه يعبث بنا إذن..

ومن نافذة التريللا اليمنى أخرج أحدهم سيجارة -حشيش على الأرجح- ناولها إلى واحد فى التريللا الوسطى، والسرعة كما هى.. لا تتجاوز خمسة كيلومترات فى الساعة.. واضح أنهم يستمتعون بوقتهم وأنهم غير قلقين.. هل هو إضراب جديد أو احتجاج من سائقى الشاحنات؟ لا أعرف. لقد صارت الموضة المعاصرة هى قطع الطريق، ومن لا يقطع الطريق اليوم إنسان متخلف..

الآن صار الأمر خوارقيا يمت إلى عالم ما وراء الطبيعة.. هناك فيلم رعب شهير لسبيلبرج اسمه (المبارزة) عن شاحنة تطارد سائق سيارة صغيرة بلا سبب، ولا نعرف أبدا من كان يقودها. هناك كذلك فيلم (القافلة) الذى يحكى عن احتجاج الشاحنات التى تقطع الطرق فى الولايات المتحدة كلها..

كنت أفكر فى أن أنزل وأهرع لإحدى هذه الشاحنات، لكن التعلق بها وهى تتحرك أمر غير وارد طبعا، نظرا إلى لياقتى، فاتصلت بشرطة النجدة.. شرطة النجدة أعطتنى رقم قيادة المرور، وبعد محاولات عنيفة رد على شخص متعاطف.. قلت له إننا نتعرض إلى عملية قطع طريق غير مفهومة، تمارسها ثلاث شاحنات.. قلت له إنهم طمسوا لوحات السيارات عمدا، وقلت له إن المشكلة ليست فردية.. والله العظيم ليست فردية.. لأن الطريق السريع قد صار خاليا بالكامل من قها إلى بركة السبع أو أبعد.. كل سيارة وضعها حظها العاثر على الطريق فى تلك الليلة السوداء هى محبوسة من شبرا حتى قها.. قلت له إن أى سيارة دورية تمشى عكس الاتجاه نحو قها ستظفر بقطاع الطريق هؤلاء. فوعدنى بأن يتصرف..

بعد ربع ساعة لم يحدث أى شىء.. اتصلت مرة ثانية ليسمع منى -نفس الرجل- القصة فى دهشة.. أى سيارة دورية تمشى عكس الاتجاه نحو قها ستظفر بقطاع الطريق هؤلاء. ياه.. معقولة؟… طيب.. ثم يعد بالتصرف..

تناول صديقنا فى السيارة هاتفه المحمول وطلب ذات الرقم (ليشعروا أن المشكلة كبيرة)، هنا سمعته يكلم رجلا مندهشا. يحكى له كل شىء من البداية.. طمسوا لوحات السيارات عمدا، والطريق السريع قد صار خاليا بالكامل من قها إلى بركة السبع، وأى سيارة دورية تمشى عكس الاتجاه نحو قها ستظفر بقطاع الطريق هؤلاء. وعده الرجل أن يتصرف وبدا مندهشا جدا كأنه لم يسمع عن شىء كهذا من قبل.. وسأل بإخلاص عن مكان هذه السيارات..

هنا بعد مرور نحو ساعتين فى هذه المهزلة، غلى الدم فى أحد ركاب سيارة ملاكى تمشى جوارنا.. ترجل منها شاب شرب من لبن أمه جيدا، واندفع نحو الشاحنة، وتعلق فى الباب.. هنا شعر الباقون بأنهم تراخوا فى حقهم أكثر من اللازم وترجلوا من سياراتهم وانقضوا على الشاحنات. الأمر خطر لأنهم لو ظفروا بالسائقين لمزقوهم إربا بلا تردد.. أنا كانت مشكلتى هى العودة لدارى، فماذا عمن كانت مشكلته هى اللحاق بمريض أو زوجة تضع؟ لقد تعلق عدد من الشباب الغاضب بالشاحنات.. وأدرك السائقون أن النهاية قريبة فعلا…

هكذا فتح الأوغاد الطريق لتتدفق آلاف السيارات المحشورة خلفهم، ومررنا بالشاحنة اليمنى ونظرنا بحقد إلى سائقها.. هنا فهمت أبعاد القصة.. حيوان مستهتر مخمور يلبس قبعة بابا نويل الحمراء وسعيد بنفسه جدا.. لقد قرر أن يمرح مع رفاقه فى أول السنة، ولعله رهان كذلك. سببته بأعلى صوتى سبة بذيئة، ناسيا أن ابنى فى السيارة معى، فقال الفتى متظرفا:

- «أدينا فتحنا الطريق.. وانتو برضه لسه ماشيين واحدة واحدة».

أطلقت سبة أخرى. تمنيت لو استطعت أن أوقف السيارة لأهشم وجهه أو أحرق سيارته. على كل حال كانت الدروس المستفادة من هذه القصة كثيرة:

رجل واحد فقط.. رجل شجاع ضحى بنفسه، وبهذا حرر آلاف السيارات التى كانت تمشى كالخراف وراء السيارات الثلاث. كان هذا الفتى الشجاع كافيا كى ينهض الجميع، وقد عرف سائقو الشاحنات أنهم لو توقفوا لكانت النهاية.. تحياتى له.. لقد جاء من ذات المصنع الذى جاء منه الشاب الذى يقف أمام المدرعة فى الصورة الشهيرة.

الشعب المصرى ليس على ما يرام.. فعلا ليس على ما يرام، وأذكر كلمة الساخر السكندرى جلال عامر فى حوار قديم له مع هشام عبيه، عندما قال: أنا لست حانقا على الترزى فقط.. القماشة نفسها مش تمام..

كل إنسان لديه درجة تحمل ينفجر بعدها.. أنا كنت على استعداد للقتل أو حرق السيارات الثلاث بلا لحظة ندم..

الشرطة لم تعد بعد.. فإن كانت قد عادت، فقيادة المرور لا تفعل شيئا.. فإن كانت تفعل، فهى تكره العمل بين قليوب وقها بشدة.

لسانى بذىء للأسف ولم أفطن لهذا من قبل.

بس خلاص.

أحمد خالد توفيق

[طبيبة بالخارج]

وعليكم السلام يا أم زياد .. متضايقيش .. امسكى الميكروفون وافترضى انك رئيسة الوزراء واتفضلى اتكلمى معانا :

هاتقولى ايه ؟

لأ يا أخ عصام نقدنا لحد ليس معناه ان عندنا الحل البديل يعني لو حضرتك انتقدت مستوى الخدمة في مستشفى و اشتكيت آجي أنا كطبيبة في المستشفى و أقول لك تعالى اشتغل مكاني و وريني حتعمل إيه؟

في مشكلة ملاحظاها من زمان هي اننا كمصريين لسنا مقتنعين ان ممارسة السياسة هي مهنة زي أي مهنة تانية لازم الخبرة و المعرفة بكافة التفاصيل التي تكون سرية في أغلب الأحيان أو حتى غير معروفة للعامة فلا ينفع نحط نفسنا مكان أحد المسئولين لأننا ببساطة لا نعرف خيوط اللعبة كاملة. طبعا كلامي ده على افتراض ان المسئول شخص شريف و نيته حسنة

هي بس النقطة اللي لي عليها تعليق ان في بعض الأحيان المصارحة الواضحة من المسئولين للشعب ممكن تكون الحل