مدارس جده

[زهره]

السلام عليكم و رحمه الله و بركاته سعدت بالانضمام لهذا المنتدى الجميل و اشكر جميع الاخوه و الاخوات على المعلومات القيمه و المفيده الموجوده و ان شاء الله تكون فى ميزان حسناتهم

لو ممكن نفتح موضوع عن المدراس بجده

و انا بنتى فى مدرسه حراء بالعزيزيه فى الصف الاول الابتدائى و المصاريف 8000 ريال و 200 ريال شهريا

ياريت كل واحد يكتب تجربته مع المدارس حتى تكون مفيده للاخريين

[زهره]

http://www.djis.edu.sa

http://www.edugates-school.com

http://www.gis.sch.sa

http://www.zsi.sch.sa

http://www.alhekma.edu.sa

http://manaratschools.net

بعض المواقع لمدراس عالميه فى جده

و سمعت عن مدرسه النبلاء و و مدرسه الامم يا ريت لو حد جربهم يقول مستوى المدارس ايه و هل فيه طلبه مصريين ام لا

انا كتبت عن الموضوع ده لان احنا بقى لنا كام شهر فقط فى جده خبرتنا محدوده و عايز ه اقدم لبنتى تانيه و مش عارفه استمر فى حراء لو فيه مدرسه تانيه مستواه افضل و و بنفس السعر

برجاء المساعده و شكر

[بركة]

السلام عليكم

عزيزتي زهرة بالنسبة لمدرسة حراء جيدة لكن بها مشكلة ألا وهي المدرسين

فإن منهم هنود وباكستان على مصريين وبالنسبة للجنسيات الاسيوية مشكلة نطق اللغة عندهم غير نطقنا لها بالمرة

بالنسبة ليا أنا سألت واحدة صاحبتي عن مدرسة كويسة وهي لها سنين في جدة ونصحتني بمدرسة

أكتر من رائعة مدرسين وادارة وموقع ومباني واهتمام هذه المدرسة هي زهرة الصحراء بالحمرا

أرى أنك قد وضعتي الرابط بتاعها في مشاركتك http://www.zsi.sch.sa/

والمصروفات لسنة تانية العام القادم حوالي 11000ريال بس بصراحة يستاهلوا كل ريال فيه وزيادة

ولو لك أكتر من طفل لك خصم جيد

وأي استفسار أنا تحت أمرك

تم تعديل 24 أبريل 2009 بواسطة بركة

[زهره]

الف شكر اخت بركه على الرد و هى فعلا مدرسه زهره الصحراء سمعت انها جيده جدا

و كلامك مظبوط بالنسبه لمدرسه حراء ان المدرسين هنود وباكستان و مصريين

و معظم الطلبه فيها مصريين و مديره المدرسه مصريه و بيدرسوا منهج العربى المصرى

[ياره]

سؤالي متعلق برضه بالمدارس الانترناشيونال .هو يا تري ايه المؤهل بتاع المدرسين؟؟؟؟؟؟؟؟؟؟ لاني اتجرات وسالت المديره فردت عليه بكل فخر انتي فاكرهم مدرسين عاديين لا لا لا لا..اولا دول امريكين وانجليز والمصريين منهم جامعه امريكيه وعلوم(معاهم دكتوراه)ولو تربيه يبقي برضه معاهم دكتوراه و.................................كان فاضل تقول دول اطباء ومش اي اطباء دول اخصائيين واستشاريين كمان

[بركة]

بالنسبة لمدرسة أولادي زهرة الصحراء فكلهم خريجات جامعة تخصص المادة التي يدرسونها

وصاحبة المدرسة سيدة لبنانية على خلق وفي غاية الذوق وتنتقي المدرسات بعناية

وهم من الجنسية اللبنانية غالبيتهم والقليل مصريين ولا هنود أو باكستان على الاطلاق.....

[زهره]

انا اعتقد ان فيه مشكله فى التعليم كل مدرسه بيقى فيها قصور فى مكان معين العربى- الدين-اللغه و و لو ده كله موجود يبقى القصور فى المدرسين

فيه ناس بتقول ان التعليم البريطانى اقوى من الامريكى و ناس تانيه تقول لا الامريكى احسن علشان بيشغل المخ الصراحه الموضوع صعب

و ناس تقول المدارس الهندى احسن من الباكستانى و العكس

يا ريت اللى جرب مدارس تانيه يكتب خبرته للافاده

و اخت بركه لو ممكن تشرح عن نظام و طريقه التدريس فى المدرسه و هل نسبه الخصم 5% كما هو مكتوب فى موقع للطفل التاني ام اكثر

و جزاكم الله كل خير

[بركة]

أولا بالنسبة لنسبة الخصم بتاخدي 5% لكل طفل من الاتنين و 10% لكل طفل لو بقوا تلاتة

ثانيا بالنسبة للمناهج والتدريس دي شرحها يطول بس أحب أطمنك أن المدارس الأخرى من الهندي

والباكستاني بها معلمين كتير ليسوا متمكنين من اللغة ولديهم أخطاء بديهية بلإضافة لغرابة

طرق تدريسهم دا كفاية انهم بيدرسوا الدين بالانجليزي هي ناقصة!!!!!!!!

( وده طبعا عشان مدارسهم متظبطة على أولاد بلدهم ) والعربي 3 مرات في الاسبوع بس.......

أما عندي الولاد بياخدوا الدين بالعربي وده مهم عشان الولاد يحسوا باللي بيتقال ويفهموا ديننا ويحبوه

وبالنسبة للعربي منهج لبناني رائع وممتع وبيشغل المخ وبيبقى كل يوم وفي

بعض الايام بيبقى 2 حصة في اليوم ......

والباقي لو تحبي راسليني على الخاص وأنا أرسلك رقم تليفوني

وتحت أمرك برده على العام ........

تم تعديل 28 أبريل 2009 بواسطة بركة

[زهره]

السلام عليكم و رحمه الله و بركاته

كان الاستاذ ابو حوده بيسأل عن المدارس فى جده

هذه بعض مواقع لمدارس فى جده

http://www.gis.sch.sa

http://www.coralschool.net

http://www.german-school-jeddah.org

http://www.ibo.org/school/001118

http://www.jischool.org

http://www.aisj.edu.sa

http://www.maisdevelopers.com/ngs/index.htm

http://www.littlehouseschools.com/main_g/index.php

http://www.jpgs.org/index.php?ref=HOME

http://www.pisj-azizia.com/Index.html

http://www.alwahaschool.com/

http://www.alfaisal-school.com/ar/index.php

هذه مداخله سابقه عن المدارس فى جده[/color]

http://www.egyptiantalks.org/invb/?showtopic=40007

موقع يشمل اسماء بعض المدارس العالميه فى جده و ارقام التليفونات

http://www.jeddahedu.com/international.htm

مصاريف الصف الاول الابتدائى فى بعض المدارس

مدرسه هلا العالميه المصاريف 5000 ريال + 1000 تسجيل بخلاف الكتب و الباص(مدرسه هندى)

مدرسه انوار المشاعل المصاريف 5000 ريال + 500 تسجيل بخلاف الكتب و الباص (مدرسه باكستانى)

مدرسه ابحر العالميه المصاريف5500 ريال + 500 تسجيل بخلاف الكتب و الباص ( مدرسه باكستانى)

مدرسه حراء العالميه المصاريف 8100 شامل الكتب + 500 تسجيل + 200 ريال الباص فى الشهر ذهاب و عوده (مدرسه هندى و المديره مصريه)

مصاريف الكى جى بتقل حوالى 500 ريال

مدارس منهج امريكى

مدرسه سيدار العالميه 10000+1500 كتب+ 500 تسجيل +الباص 3000 ذهاب و عودة

مدرسه بوابه المعرفه 10000+ 1600 كتب+ 1000 تسجيل + الباص 2500 ذهاب و عوده

مدرسه الامم حوالى 11000.00 بخلاف الكتب و الباص

مدرسه النبلاء 10000 ريال بخلاف الكتب و الباص

مدرسه الحجاز 8800 ريال + 1500 كتب + الباص 2500 ذهاب و عوده

يا رب يكون الموضوع مفيد لجميع الاخوه و الاخوات اللى بيسألوا عن المدارس فى جده

[ابو حودة]

شكرا للاخت زهرة انا ان شاء الله هانتقل الى جدة الشهر القادم من اول اغسطس وعندي ولدين الاول هيدخل كي جي 1 والثاني هيدخل جريد 1

واحد صاحبي قالي على مدرسة تامر العالمية عاوز اعرف اسعارها ايه لاني باحاول اتصل بالمدرسة مش بيردوا

مدرسة زهرة الصحراء المبلغ الاجمالي للاثنين و طريقة الدفع ازاي وهل التقديم في شهر اغسطس بعد ما اجي من مصر

وشكرا مرة تانية

[زهره]

السلام عليكم و رحمه الله و بركاته

مفيش داعى للشكر احنا كلنا اخوه فى المنتدى

موقع مدرسه زهره الصحراء لتوضيح المصاريف لعام 2008-2009 و يوضح طريقه الدفع

http://www.zsi.sch.sa/page8.php

اعتقد ان يتم التقديم فى شهر اغسطس مفيش مشكله

بالنسبه لمدرسه ثامر حسـأل لحضرتك

يا ريت لو اى واحد عنده معلومات عند مدارس جده يضفها لافاده و شكرا

[بركة]

السلام عليكم اخونا ابوجودة

بالنسبة لمصاريف زهرة الصحراء

مصاريف كي جي 1 هي 9000 ريال دفعة اولى 4000 ريال

مصاريف جريد 1 هي 11500 دفعة اولى 5500 ريال

تدفع في اول اكتوبر وبخصم 5% على التاني

المصاريف شاملة الكتب لكي جي 1 والملابس 200 ريال

الجريد 1 الكتب بحوالي 1700 والملابس 200 ريال

المصروفات شاملة حمام السباحة

بالنسبة لثامر العالمية بتزيد عن زهرة الصحراء حوالي 1500 او 2000

للطفل الواحد في اي جريد

تم تعديل 11 يونيو 2009 بواسطة بركة

[سهل جدا]

يا جماعة انتو عمالين تتكلموا على المدارس العالمية بس

بصراحة بالنسبة لي هاتكون غالية أوي

عندي 3 أولاد ما شاء الله (ولسه إن شاء الله ناوي أكمل الدستة) لما أدفعلي في الواحد حوالي 12 ألف ريال في السنة يعني الثلاثة ب 36 ألف بصراحة مبلغ كبير

ما عندكوش بدائل ..

يعني مثلا مدارس خاصة عادية من أم 4 آلاف أو 5 بالكثير

[زهره]

استاذ سهل جدا

فى حدود معلوماتى ان المدارس الخاصه هى المدارس الاهليه و المصاريف تقربيا مثل العالميه

[زهره]

استاذ سهل جدا

فى حدود معلوماتى ان المدارس الخاصه هى المدارس الاهليه و المصاريف تقربيا مثل العالميه

[elrasy]

متابع

[mama nona]

سؤال الحلقة ؟

هوينفع اقدم لبنتى فى مدرسة التيرم التانى ؟؟

تم تعديل 2 مارس 2010 بواسطة mama nona

[the consultant]

يا جماعة . حد يعرف حاجة (غير الموقع الالكتروني) عن مدارس منارات جدة و دار جنه. و مقارنتهم ب زهرة الصحرا . بإذن الله بنتي داخلة السنة اللي جايه 2010/2011 كي جي و كمان لو حد يفيدنا في التقديم بيبدأ امتى عشان السنة متروحش عليها لانها اساسا حتكمل 5 سنوات ان شاء الله شهر اكتوبر .

جزاكم الله خيرا

[ترنيم]

السلام عليكم ورحمة الله

كيف حالكم اخوانى ...يارب تكونوا جميعا بخير

هحكى لكم عن ما اعرفه عن المدارس فى جدة لان الموضوع دا اتهرينا فيه من السنة اللى فاتت

فى 3 انواع من المدارس :الحكومى ودا غالبا مش كتير من المصريين بيدخلوا ولادهم فيه وطبعا المدرسة

كلها سعوديين وتعليم الانجليزى مش كتير وبنخاف على الولاد فيها من حجات كتير .

النوع التانى هى المدارس الاهلية الخاصة وفى طبعا منها بنات وبنين ودى تقريبا مصاريفها مقاربة من

مصاريف الانترناشونال لكن المدرسين فيها اغلبهم سعوديين وكذلك الطلبة وبيدرسوا فيها انجليزى تقريبا

الانترناشونال وبردوا ما رضيت ادخل بنتى فيها الصراحة خفت عليها والمدارس دى بردوا ما فيها مصريين كتير

اما النوع التالت فهو الانترناشونال ودا كتير من المصريين بيدخلوا ولادهم فيه ومصاريف المدارس فيه بتبدأ من

3 او اربع الاف الى ما شاء الله

من الانترناشونال دى اللى بيدرس المنهج الانجليزى ومنهم اللى بيدرس الامريكانوكل واحد له مزاياه وعيوبه

وكل واحد ولى يفضله

المدارس الباكستانى والهندى الحق المدرسين معظمهم باكستان وهنود وفعلا لهم لكنة غريبة شوية وبعدين

لاحظت انهم عنيفين شوية مع الولاد وبنتى اصلا فرفورة لو حد نفخ فيها بتلاقى اللولى نازل من عينيها على طول

فهربت منهم بردوا

رحت السنة اللى فاتت اقدم لها فى الكون ودى سمعتها كويسة جدا والمدرسيين معظمهم لبنانيين واللغة عندهم

كويسة هى كانت داخلة جريد 1 كان لازم يتعمل لها امتحان للدخول وطبعا ما كنا عارفين

وكان لازم تكون بتعرف تقرا وتكتب انجليزى كويس فما قبلوها فقدمت لها فى الآفاق والسنة دى نقلتها وبردوا لازم

تعمل امتحان قبل ما يقبلوها واحنا مرتاحين مع المدرسة دى الحمد لله

هى مشابهه جدا لزهرة الصحراء وتقريبا المصاريف مقاربة منها جدا فرق الف او الفين ريال

بالنسبة للثامر اعرف انها كويسة جدا ولكن معظم اللى كان اولادهم فيها نقلوهم منها لانهم نقلوا مكان المدرسة

واللى اخدت مكانها هى الكون (اخدت مبنى المدرسة يعنى اللى امام السفرة الايرانية)

بالنسبة للمنارات بردوا هايلة واللى بتمتاز بيه عن الكون ومثيلاتها انها بتهتم بالناحية الدينية اكتر ودى طبعا حاجة

كويسة جدا ومطلوبة علشان توازن الولاد والحق لولا انها بعيدة عن مكان السكن بتاعنا كنا دخلنا بنتى فيها

دار جنى بردوا كويسة بس ما اعرف حد من اصدقاءنا فيها لانها بعيدة عنا شوية

كلهم بيعملوا خصم على الطفل التانى والتالت بيتراوح من 5 الى 10 فى الماية

لما يكون السن 5 سنوات دا كدا على كى جى3 لان عندهم هنا كى جى 3 سنوات بس لازم تعرفيها شوية

انجليزى وماث عشان امتحان الدخول دا.

اى استفسار تانى انا تحت امركم يارب اكون افدتكم باللى اعرفه

[ترنيم]

ماما نونا:اعتقد انه ينفع بس مش متاكدة ولو تحبى ممكن اسألك

the consultant : لو حضرتك تحب ممكن اجيبلك التليفونات هى ليست معى لكن هسألك عنهم وممكن حضرتك

تتصل بالدليل وتعرفها منهم