أرجو ترشيح طبيب متخصص في جراحة " الجهاز الهضمي " بالقاهرة

[se_ Elsyed]

لي صديق سألني بالأمس على طبيب متخصص في جراحة الجهاز الهضمي بس يكون استشاري وبالقاهرة ..

ينوبكو ثواب .. ارد على الراجل أقول إيه ؟

ويا سلام كمان لو كان الطبيب يعمل بمستشفى محترم عشان الأمكانيات ... يبقى تمام كده

[shiko]

...اعتذر سيدى ..

بس ممكن توضيح اكثر ...يعنى نوع الجراحة ..جراحة عامة

ولا زراعة كبد مثلا

ولا استأصال ؟؟

كمان المستشفى كبيرة ولا متوسطة ولا ايه ؟؟

وان شاء الله ربنا يقدرنا نساعده

تم تعديل 21 مارس 2010 بواسطة shiko

[shiko]

استاذ د.سراج زكريا

استاذ جهاز هضمى وكبد

دكتور مؤتمن واستاذ كبير نحسبه على خير

واتهيألى انه عيادته فى ميدان الباشا فى المنيل

-------------------

هناك مستشفى عسكرى اخر

المركز الطبى العالمى ......وده على طريق مصر اسماعيلية الصحراوى بعد الشروق ..وده مستشفى فعلا محترم علاوة على كونه مستشفى عسكرى وفيه نخبة من افضل الاطباء

ومستشفى وادى النيل فى ح القبة ...وده مستشفى تابع لجهاز المخابرات وبرضه فيه نخبة من الاطباء فى جميع التخصصات

وكلاهما يستقبل مدنيين باسعار معقولة جدا

وان شاء الله لو محتاج ارقام التليفونات ..اجيبهم لحضرتك

تم تعديل 21 مارس 2010 بواسطة shiko

[se_ Elsyed]

شكراً يا شيكو ...

تسلمك إيدك

[doha]

في المنصورة مركز كامل متخصص في جراحات الجهاز الهضمي فقط .. وفيه كل الاساتذة والاستشاريين بس للاسف مش عارفة مكانه بالظبط فين يمكن الزملاء في المنصورة يفيدوك عن الموضوع ده اكتر ..