أين هؤلاء الأعضاء ؟ نفتقدهم

[achnaton]

والله سعدت جدا لم شفت العزيز مصرى وشواله لسه مليان .. وسوف تزيد سعادتى عندما ارى ابننا العزيز مودست وتكمل ونعمل فرح وحاجرى على جدى الشيخ حسن استأذنه فى جايزة تفوق جديده عندما تنورنا منارة المنتدى بتاعة زمان .. وترجع لنا بخير وسلام لتنير الطريق للفيروزة الجميلة اللى بتخلى الموقع له طعم ورائحة .. ربنا ما يحرمنا منكم .. وارجعوا بقى .. دى اللمة حلوه .. والبيت واسع وكبير .. وما احلى الرجوع اليه . :unsure: :ph34r: :o .

تم تعديل 18 أبريل 2006 بواسطة achnaton

[الأفوكاتو]

وما اخلى الرجوع اليه

يبدوا أن لسان الأخ العزيز إخناتون قد حدف شمال, نتيجة تواجده أكثر من ربع قرن خارج مصر.

تذكرنى باليونانيين الظرفاء الذين كانوا يقولون " آحر خلاوة"

( مزاح العواجيز مع بعض)

تم تعديل 18 أبريل 2006 بواسطة الأفوكاتو

[ماركيز]

مكانش باسوورد اللى بيننا

عيب تنسونى كده :lol:

[الأفوكاتو]

لم ينساك أحد يا عزيزى ماركيز, فأنت دائما على البال, و لكن لأن معظمنا يراك فى المنتديات الأخرى, فلا نلاحظ توقفك عن المشاركة.

و على كل حال, نقول,

حمد الله بسلامة العودة.

[tarek_almeghallawy]

أين المدهش

الصحفي المحترف

صاحب الأخبار المستخبية

العضو الومضة

الذي ظهر نجماً

واختفى فجأة

[عصام]

أين سكوربيون؟

[ماركيز]

دخولى المنتديات الاخرى لتيسر الدخول احيانا اما انا فالقى صعوبات فى الدخول فانا من اشد المؤيدين للمحاورات المصرية واذكرها بالاحترام فى كل مكان

[الأفوكاتو]

عزيزى ماركيز

لم أعاتبك لزيارتك منتديات أخرى, فأنا أيضا جوال,

أردت فقط الإشارة إلى أننا لم ننساك, لأننا نراك, و لا يهم أين نراك.

تحياتى.

تم تعديل 20 أبريل 2006 بواسطة الأفوكاتو

[هادي]

الراجل ده فين !!!!

أخ عزيز

وعضو من الذين احبهم

غاب عنا منذ فترة

اسمه shawshank

بصراحه واحشني جدا جدا موت خالص بالص مالص ...

ونفسي أبعت له سلامي الخاص جدا والكبير جدا جدا جدا

[ATHENA]

عم كفاية...اظهر بأه وحشتنا

[kokowawa1979]

أخونا الفاضل النسر المصري إختفى فجأة !!!

وبصراحة قلبي واكلني من بعد بدء جحافل التتار المسماه بالشرطة البيزنطية المصرية عملياتها في سينا !!!

إظهر وبان يانسر عليك الأمان

[عصفور طاير]

فين مسافر زاده الخيال ؟ بقالي فترة طويلة لم أره.. يارب يكون بخير

[Guest النسر المصري]

أخونا الفاضل النسر المصري إختفى فجأة !!!

وبصراحة قلبي واكلني من بعد بدء جحافل التتار المسماه بالشرطة البيزنطية المصرية عملياتها في سينا !!!

إظهر وبان يانسر عليك الأمان

أعز وأغلى وأعظم ؤزكبر زمالكاوي صديق وحبيب هو انت ياكوكوواوا

ربنا يكرمك .... الحمدلله انا بخير دلوقتي..أ

أدخل على الموضوع بتاع اين النسر..وهتعرف اتلفاصيل....وربنا يكرمك ياغالي

[سهيلة]

فين بنت شعنونة

مختفية من فترة يا رب يكون المانع خير

وفين دكتور خالد

حد يعرف عنهم حاجة

[بنت شعنونة]

سهيلة..

انا موجودة..

لكن تصدقيني لو قلتلك اني اوقات احس بالأحتياج؟ عشان كدا مش بظهر كتير؟

كلام غريب اوي مش كدا؟

اوقات احس اني محتاجا اوي عمي كفايا.. لكن مش بلاقيه هنا زي ما كنا زمان..

اوقات بحس اني محتاجا اسمع استاذ شرقية عشان ارجع للتوازن النفسي و العقلي لكن مش بلاقيه

اوقات بحس اني محتاجا هشام عبد الوهاب عشان يسندني لما اقع وبرضه مش بلاقيه

اوقات بحس اني محتاجا ماما سلوى لكن مش بلاقيها

اوقات احس اني محتاجا فاكتس ريسيرش.. فالكون ايجيبت..سكوب..عمي ابوفصاد ..مدام ابو تمام

ليونكس..المهندس..استاذ متفائل.. استاذ مكسوف

يااااااااه ناس كتير اوي

و الناس دي كلها عظيمة بجد يا سهيلة..ومهما حكيت مش ممكن تتصوري انا بحبهم قد ايه

بحبهم فعلا و بحق وحقيقي وجدا جدا كمان :(

انا متاكدا دلوقتي انه فيه ناس كتير ها تقرى كلامي وتقول اني بهبل او بقول اي كلام مجاملات

لكن فعلا

الكلام دا من قلبي

كتير جدا لما كنت افقد توازني في الدنيا

الناس دي كانت بتلحقني

سواء كانوا عارفين

او ما عرفوش

صدقيني يا سهيلة

صحيح ما انكرش انه فيه ناس تانية دلوقتي واقفين جنبي وانا بحبهم اوي وهما عارفين نفسهم

لكن تقولي ايه في الطمع

او الحزن

او ما اعرفش اسميه ايه

اهو اي كلام و السلام.. سامحوني :(

[الرافعي]

الأخ الكريم طارق المغلاوي

بعد النجومية والتركيز والحضور الملفت لانتباهنا ... أين أنت ؟

أرجو أن تكون بخير، وتعود إلينا في أسرع وقت ممكن ... فقد أطلت

مع خالص التحية

[sendrella119]

الموضوع ده احلي موضوع في المنتدي

white heart

فعلا ... فعلاوة على كل من ذكرهم الزملاء الأعزاء، هناك الكثيرين ممن أفتقدهم، و أخشى اذا ما شرعت فى تذكرهم، أن أنسى أحدهم .... و لكن لا بأس - جل من لا يسهو.

( انا بأعتبر الموضوع دة مش بس فرصة للتعبير عن افتقادنا لبعض الأقلام و الأراء و الشخصيات المؤثرة، و لكن كمان لمسة وفاء )

بالمناسبة انا لقيتها برضه فرصه ممكن تساعد الأعضاء الجدد انهم يتعرفوا بطريقة مباشرة على الأعضاء القدام

انت قلت اللي عايزة اقوله

لاني شعرت اثناء قراءتي للموضوع انني فاتني الكثير والكثير

من الاشياء الجميلة

ولكن نتمني عودة جميع الاعضاء المذكورين باسرع وقت :excl:

يا قلب ابيض اللينكات مش شغالة

بتيجي الرسالة دي

عفوا , تم إيجاد خطأ إذا كنت غير متأكد من إستخدام الخاصية أو أنك لا تعلم سبب حدوث هذا الخطأ الرجاء الرجوع لملفات المساعدة

استنصاد ده ولا ايه :wub:

[khedr]

الدكتورطارق المغلاوي

وحشتنا جدا ...

.لعل المانع خير

الدكتوره صفاء

نسمه العصاري .....

وحشتي النت كله

بنت مصريه

زاد البعد ياسيدتي عن اهلك

بودي

ملك الاكلات والمطبخ

الرجيم نشفنا الحقنا

د.خالد

بعد كل المظاهرات التي لم تقم للقضاه

لازلت بعيد

فيروز

التي لاقت اكبر عمليه ترحيب في المنتدي

لازلتي بعيده

الشاعر الكبير ابو احمدين

وحشتنا وعد احمد عمر عاد

عد لتمتعانا معا

عودوا جميعا نحن نحبكم وننتظركم

[واحد تاني]

yasovinas

هذا العضو

متغيب

من كام يوم

انت فين؟

اظهر وبان

عليك الامان

[khedr]

yasovinas

هذا العضو

متغيب

من كام يوم

انت فين؟

اظهر وبان

عليك الامان

ياسو ياغالي

ياحبيب الليالي

ليه بعيد يا غالي

والله ما بتغيب عن بالي

اوعي

اوعي تتأخر

عننا كتير ياحبيب الكل الغالي