انقذوا الحرم المكي ؟؟

[skyed]

هل يعقل ان يتم احاطة الحرم المكي بكل هذه الابراج الشاهقة القبيحه و التي اصبحت اعلي من الحرم المكي و تحجب رؤيتها للقادم و تحجبها و كأنها شيء يخجل منه !!!

و الاهم ما يحدث لك و انت هناك !!! انها تصرف النظر عن الخشوع لله انت في الحرم و تنظر الي السماء او المستوي العادي ...و كل من ذهب يعرف الكلام اللي انا بقول

عليه ده ...... ايه ده !!! افيال ابرهة الحبشي الجديدة اللي بتصرف الانتباه عن الكعبه ولا ايه ديه ؟؟؟؟؟

و حجة انها عشان الحجاج و يكونوا بالقرب من الحرم و الكعبه هذه حجة فاضيه ! يمكن البناء في اي مكان اخر انا ليس خبير بمكة ولكن هناك الكثير من الصحراء هناك و

يمكن البناء فيها بيعدا عن قدسية الحرم و مادام الموصلات متوفرة لازم يكون البناء في توسع افقي و يكون علي طراز اسلامي جميل يمشي مع روحينات المكان!

يا اخي مفيش دولة في العالم تجروء علي علي فعل الكلام ده مع اثارها مش اكثر مكان مقدس لنا نحن المسلمين !!!

شيء غريب و مقزز فعلا !!!

[skyed]

[عاشق الترحال]

أخي الفاضل مش فاهم وجهة نظر إعتراض حضرتك عالمباني

بس عالعموم حضرتك لو رحت الوقتي هتلاقي فيه توسعات حوالين الحرم وتم إزالة مباني كتير أوي حوالين المسجد الحرام لأعمال التوسعه والكلام ده بدأ من حوالي سنتين .

أما بالنسبة للمباني العاليه فحضرتك لو معاك ستات وأطفال أو رجال وخصوصا لو كان أعمارهم كبيره هتعرف أنه لازم يبقوا قريبين من الحرم علشان ميتبهدلوش وخصوصا في في مواسم العمره والحج والزحام الشديد .

والله كلمة حق بأقولها بكل حياديه الله يجزاهم خير عن المجهود الي بيعملوه في توسعة الحرم والإهتمام به ونظافته وإستيعاب الأعداد الكبيره من الحجاج والمعتمرين .

وإن كنت بتتكلم عن المنظر فمش فاهم حضرتك تقصد أي منظر الناس راحه تعبد ربنا وزمان كان الشكل عباره عن البيت الحرام وحواليه صحراء جرداء لا زرع فيها ولا ماء ومع ذلك كان الناس بتروح علشان تحج .

الناس راحه علشان تحج وتعتمر وربنا يغفر لها ويتقبل منها مش راحه تتفسح .فبالتالي يلاقوا خدمه ورعايه ونظافه وأمن وأمان وده الحمد لله وبفضل الله موجود .

ألا تتفق معي أنه من باب أولى أننا كمسلمين الأجدر بنا أن نزيل النجاسه من حوالين المسجد الأقصى

تم تعديل 16 فبراير 2010 بواسطة عاشق الترحال

[znaty]

اخي العزيز ..الله يكرمك :lol:

انت لو عارف طبيعة مكة كويس هاتعرف انا ماعتش فيها شبر ينفع يتبني عليه

وان فعلا مالهاش حل غير كدة

سعادتك مكة محاطة بجبال قاسية من الاربع جهات ولا يمكن بناء اماكن لسكن الحجاج وتوفير سهولة الانتقال من والى الحرم ..وخصوصا اوقات الصلوات الخمسة وايام رمضان اللي اصعب بكتير من ايام الحج ..لو الفنادق دي فوق الجبال

دة لو فرضنا اصلا ان فيه اماكن تنفع فوق الجبال

يبقي لاما مكانها كدة زي ماهيا حول الحرم ..لاما بره مكة اصلا ..والحل التاني مستحيل فعلا خصوصا في المواسم وشاق جدا على الحجاج والمعتمرين التنقل بين الحرم ةالسكن 5 مرات يوميا ..يبقي موش هايصلوا اصلا في الحرم

دة احنا في نفرة عرفات الى المزدلفو بنقعد من 4 الى 8 ساعات في 12 كم بس

واعداد الحجاج والمعتمرين ما شاء الله في زيادة كل سنة

يبقي تحلها ازاي ...تاخد مساحة افقية حول الحرم لتوسعة صحن الطواف ,,وتعوض المساحة دي راسيا في الفنادق المقامة بعد التوسعه ..ولا اعتقد ابدا ابدا ان فيها مشكلة شرعية

وبعدين وانت في الحرم ...اقوي عبادة هيا الطواف وبعدها النظر الى الكعبة وبعدها الصلاة

يعني المفروض ان نظرك معلق بالكعبة ..بجد انا بجد صعوبة بالغة في النظر لاي مكان بره الكعبه ..ودة الطبيعي جدا

في امان الله

[الغريب]

هل يعقل ان يتم احاطة الحرم المكي بكل هذه الابراج الشاهقة القبيحه و التي اصبحت اعلي من الحرم المكي و تحجب رؤيتها للقادم و تحجبها و كأنها شيء يخجل منه !!!

و الاهم ما يحدث لك و انت هناك !!! انها تصرف النظر عن الخشوع لله انت في الحرم و تنظر الي السماء او المستوي العادي ...و كل من ذهب يعرف الكلام اللي انا بقول

عليه ده ...... ايه ده !!! افيال ابرهة الحبشي الجديدة اللي بتصرف الانتباه عن الكعبه ولا ايه ديه ؟؟؟؟؟

و حجة انها عشان الحجاج و يكونوا بالقرب من الحرم و الكعبه هذه حجة فاضيه ! يمكن البناء في اي مكان اخر انا ليس خبير بمكة ولكن هناك الكثير من الصحراء هناك و

يمكن البناء فيها بيعدا عن قدسية الحرم و مادام الموصلات متوفرة لازم يكون البناء في توسع افقي و يكون علي طراز اسلامي جميل يمشي مع روحينات المكان!

يا اخي مفيش دولة في العالم تجروء علي علي فعل الكلام ده مع اثارها مش اكثر مكان مقدس لنا نحن المسلمين !!!

شيء غريب و مقزز فعلا !!!

وجهة نظرك تبناها بعض العلماء وتم تداول الأمر بشكل متوسع في المملكة بين العلماء وبين المسلمين حول هيبة بنية الحرم في ظل البنى العالية المجاورة..

لاتقلق .. بصراحة الحرم بأيد أمينة حريصة دوما على إمتاع المسلمين بالمشاعر والأماكن المقدسة

[MZohairy]

دة احنا في نفرة عرفات الى المزدلف و بنقعد من 4 الى 8 ساعات في 12 كم بس

7 كيلو بس يا زناتي من عرفات لمزدلفه

و حوالي 3 كيلو من مزدلفه لمنى

و حوالي 3 كيلو من منى للحرم (كوبري الملك عبد العزيز)

[Mercedes]

السلام عليكم و رحمة الله و بركاته

بصراحة من خلال زيارتى للمسجد الحرام فى الحج و العمرة خلال الأعوام التلاتة الماضية, لاحظت أن الحكومة السعودية :waf: - ربنا يديها الصحة- لا تدخر أى جهد فى تيسير الحج و العمرة و أداء مشاعر الحج بالدات, دا حتى واحد صديقى سعودى, كان قالى أن ميزانية الحرمين الشريفين ميزانية مفتوحة لا حدود لها .

و أكيد التوسعة مع المبانى الحالية هى أفضل الحلول بالنسبة للجغرافيا القاسية لمكة المكرمة.

ربنا ييسر اللى فيه الخير

MERCEDES S430

[عاشق الترحال]

دة احنا في نفرة عرفات الى المزدلف و بنقعد من 4 الى 8 ساعات في 12 كم بس

7 كيلو بس يا زناتي من عرفات لمزدلفه

مظبوط يا ريس

و حوالي 3 كيلو من مزدلفه لمنى

أفتكر أنهم 5 كيلو مش 3 كيلو

و حوالي 3 كيلو من منى للحرم (كوبري الملك عبد العزيز)

تقريبا كده

[msayed]

ما أعلمه أن كل هذه العمارات تكون بتصريح يعطى للحكومة السعودية الحق فى هدمها فى اى وقت لتوسعة الحرم.

[Alrefaey]

الاخون جزاهم الله خيرا قالو ماودت اقوله وزيادة

بالفعل منطقة الحرم ومكة اصبح ليس فيها شبر للبنى حتى بنو فوق الجبال ونحتوا الجبال لعمل الانفاق وعمل الفنادق

بل بالعكس انا لو منهم اجعل مكة كلها ناطحات سحاب وذلك للاسباب الاتية :-

الزحام الشديد وعدم استيعاب المبانى الحالية لكثافة سكان الحج والعمرة

توقف حركة المرور تماما ايام الحج ورمضان لكل الطرق المؤدية الى البيت الحرام

مكة هى عاصمة الامة الاسلامية ومنذ سنوات كان الانسان يشعر بالخجل من ردائة الفنادق المتهالكة حول الحرم حتى ان مهاتير محمد حينما كان يزور مكة منذ سنوات استغرب وقال فيما معناه عاصمة العالم الاسلامى واغنى بلاد الارض ولايوجد ناطحة سحاب واحدة ,مسلمى اوربا وامريكا يااخى الكريم بيعتقدو ان المملكة شوية جمال وخيم ونخلتين فلابد ان تظهر عاصمة العالم الاسلامى كالعروس مع كامل الاحتفاظ بهيبتها الدينيه المقدسة

شىء اخير وهو متعلق بالناحية الامنية وانى لأتمنى ان تحيط ناطحات السحاب حول البيت الحرام من جميع الجهات

[الأقصرى]

تسلم ايدكم اللى وضحت كثير من الامور

قلت اقراء ردودكم بعدين اكتب ردى

لقيتكم بس الله ما شاء الله كتبتم اكثر ما كنت حقوله

بارك الله فى الجميع

[الغريب]

ما أعلمه أن كل هذه العمارات تكون بتصريح يعطى للحكومة السعودية الحق فى هدمها فى اى وقت لتوسعة الحرم.

وأحب أضيف لكلامك أن أبراج الحرمين التي تظهر في الصور هي وقف الملك عبد العزيز رحمه الله للحرم يعني كل الدخل الذي يأتي منه يدخل مباشرة في أعمال الحرم

[skyed]

لقد تم استعابي الي الكثير مما ذكرتم و شكرا لكم كثيرا و ان كنت أختلف في بعض الامور الصغيرة بخصوص طريقة بناء هذه الابراج ولكن شكرا لكم علي اي حال