هما فاكرنها سايبة !!!

[Amr Radwan]

حاجة غريبة جدا ..

الفترة الاخيرة بدأت اسمع حاجات غريبة بتحصل من اليهود الصهاينة داخل و علي الحدود المصرية .. نذكر بعضها .. قتل الجنود المصريين (الخطأ المتعمد) علي الحدود من قبل الجنود الصهاينة و الاكتفاء بالسكوت من الطرفين الصهيوني و المصري ، دخول قوات خاصة و طائرات هليوكبتر اسرائيلية لانقاذ السياح اليهود في الحبيبة سيناء اثناء السيول و الفيضانات الاخيرة ، من عدة اعوام وقت حدوث تفجيرات طابا دخلت سيارات الاسعاف الاسرائيلية الي الاراضي المصرية لنقل السياح خارج الحدود المصرية ..

و من كام يوم .. تخريب متحف في الشرقية يحمل بعض اثار مجزة بحر البقر من قنابل و حقائب المدارس ملوثة بدماء الاطفال و ذلك بعد زيارة مفاجأة لوفد اسرائلي لها ..

و اليوم ..

إسرائيل تبحث عن رفات جنودها بالإسماعيلية.. وحالة من الغضب تسود المدينة

اضغط للتكبير

صورة أرشيفية لجنديين إسرائيليين - رويترز

احفظ الخبراطبعأضف تعليق ارسل2/16/2010 1:52:00 AM

متابعة: مهند الشناوي -

انتابت حالة من الغضب شوارع مدينة الإسماعيلية، بعد أن قام وفد إسرائيلي بأعمال حفر في فناء مدرسة بالمدينة، بحجة البحث عن رفات جنود إسرائيليين، لقوا مصرعهم خلال حرب 1973 بمنطقة أبو عطوة.

وشهدت المنطقة المذكورة معركة الدفرسوار الشهيرة بين مصر وإسرائيل، التي تم خلالها تدمير 7 دبابات إسرائيلية، وهو ما دفع الجانب الإسرائيلي لإرسال وفد لإجراء عمليات حفر بمدرسة أبو عطوة الثانوية "مكان المعركة".

وذكر الأهالي، حسب تقرير قناة المحور الفضائية مساء الاثنين، أنهم فوجئوا ببعض الأجانب يحفرون بفناء المدرسة، ثم عرفوا فيما بعد أنهم إسرائيليين يبحثون عن رفات جنود يحملون نفس جنسيتهم، لقوا مصرعهم منذ 33 عامًا.

وفي السياق ذاته، قال الدكتور إبراهيم الجعفري عضو مجلس الشعب: "تقدمنا ببيان عاجل في المجلس لنعرف إذا كان هذا الوفد أتى إلى مصر باتفاقات رسمية بين البلدين، أم بجهد شخصي من أحد الإسرائيليين"، وأضاف صلاح الصايغ وهو برلماني أيضًا: "على حكومتنا أن تتصرف بشكل مماثل، وأن تطالب حكومة إسرائيل برفات جنودنا الذين استشهدوا هناك".

http://www.masrawy.com/News/Egypt/Politics...6/ismailia.aspx

انا عاوز افهم حاجة .. هما فاكرينها سايبة ؟؟ هي بلد ابوهم يتفسحوا فيها كده ؟؟ و يحفروا في مدارسها ؟؟ و يقتلوا اولادها ؟؟

[aimen]

مع احترامى لك يا استاذ عمر

بس هى فعلا سايبة .....لو متابع الأخبار تلاقى فى نفس الأسبوع كان فيه ترحيل لمجموعه من المرشدين الإسرائيلين اللى بيقولوا للسياح انهم من انشئ الهرم الأكبر

وتلاقى الدكتورة ماجدة اللى رفعت قضية على طالبة لأنها بتقول لها ان هناك دولة اسمها فلسطين

خلينا فى الحاجات المصيرية

كعيد الحب ؟ والجدار اللى حيحمى حدود مصر من الرعاع بتوع حماس اللى افسدوا الناس فى مصر وسببوا كل المشاكل ...دا حتى يا مؤمن ...معهد الأورام اتضح انه مشكلته انهم هربوا الأسمنت لغزة ...اه نسيت وأنابيب البوتجاز ...

ابو عمر ....

اتذكر قول الزعيم ابو جمال فى خطبه " يا راجل ارمى ورا ظهرك "

وفى قول اخر " كبر دماغك "

[عاشق الترحال]

سمعت الخبر فعلا من يومين في أحد برامج التوك شو ولم أتفاجأ لأنها فعلا وببساطه

( بلد أبوهم )

وأي كلب عندهم يقدر ياخد حقه فى بلدنا أكتر مني ومنك يا ولاد البلد

وأظن مش محتاج أحلف ولا أجيب أمثله علشان تصدقني ومع ذلك إفتكروا معايا

فاكرين الجاسوس عزام وقصة الطلبه اللي قيل أن إسرائيل خطفتهم وتم استبدالهم بهذا الجاسوس

فاكرين الشهيد سليمان خاطر الله يرحمه

وفاكرين جنودنا الأسرى اللي إتقتلوا في عتليت http://www.youtube.com/watch?v=Jkuk2RAR9VI

وفاكرين كام واحد من الجنود والمدنين عالحدود إنصاب وإتقتل بحجة أنهم أصابوه بالخطأ !!!!!

عارفين أنهم بيدخلوا بلدنا في شرم والغردقه وسيناء ويعملوا اللي هما عاوزينه وأنت يا مصري متقدرش تقول بم هناك !!!

فاكرين أبو حصيره ولا نسيتوه !!!

أقول كمان ولا كفايه علشان تصدق أنها بلد أبوهم يا عمنا

[عاشق الترحال]

نسيت أقولك

أنه لما نصدر الغاز لإسرائيل بترااااب الفلوس ونسيب المواطنين في البلد يتمرمطوا علشان أنبوبه غاز

تبقى ساااايبه

والغريبه يا أخي أن حكومتنا تقفل باب المساعده في وش الفلسطينين وتفتحه عالبحري لليهود

قول أنت بقى , تبقى سايبه ولا ..

[Mercedes]

السلام عليكم و رحمة الله و بركاته

بالشكل اللى انتم قولتوه ده, ما تبقاش سايبة, دى تبقى حاجة تانية!!!!!! :waf:

هى المشكلة كلها فى الجماعة اللى واقفين على اليمين فى الصورة اللى أنا حاططها دى. cld:

مشكلته أنه فاكر أنه لما يعمل كده, هيفضل عايش و مبسوط و متنغنغ فى حضن أمريكا, لكن لو حاول يرفع راسه و يقول (لأ) حتى لو بصوت واطى, رقبته هتطير زى ما طارت رقبة اللى قبله.

هيييييييييييييييييييه, ربنا ياخده أخد عزيز مقتدر.

MERCEDES S430

[engtaha]

سيبوها سايبة لاهلها علشان هما اصحابهاواحناضيوف عليهم

[mfarag]

اكيد

هى

سايبة

انتوا لسة عارفين

[ابراهيم الموجى]

اه سايبه واللى مش عاجبه يشرب من البحر

وانا مش عاجبنى واللى زى يحصلنى :roseop:

[ابو محمود]

بحمد الله نذكركم اخواتى أن الفساد يذداد ويذداد انما لينتهى فكلما ذادت امواجة ضربآ للحق تأكدو ان خطواتة تسرع وتجرى نحو نهايتة أن شاء الله

[عاشق الترحال]

بحمد الله نذكركم اخواتى أن الفساد يذداد ويذداد انما لينتهى فكلما ذادت امواجة ضربآ للحق تأكدو ان خطواتة تسرع وتجرى نحو نهايتة أن شاء الله

كلامك مظبوط يا أستاذ محمود مصطفي

فأشد أوقات الليل ظلمة. هى ما قبل بزوغ الفجر

:lol: :lol: smk: :sad:

[Amr Radwan]

بحمد الله نذكركم اخواتى أن الفساد يذداد ويذداد انما لينتهى فكلما ذادت امواجة ضربآ للحق تأكدو ان خطواتة تسرع وتجرى نحو نهايتة أن شاء الله

كلامك مظبوط يا أستاذ محمود مصطفي

فأشد أوقات الليل ظلمة. هى ما قبل بزوغ الفجر

:aslam: :king: bv:- bv:-

انا فعلا مقتنع جدا جدا بكده ... بس ساعات الواحد بيحس ان مرارته اتفقعت من اللي بيشوفه و بيسمعه ..

اية اللي يخلينا كمصريين (حكومة و شعب) نشوف ده و نسكت او بمعني ادق (ندير وشنا الناحية التانية) و لا اكننا شوفنا حاجة ..

طبعا احنا كشعب و مواطنين بنقول الحكومة عاوزة كده و عشان كده ساكته .. طيب الحكومة عاوزة كده ليه ؟؟ ساكته ليه ؟؟

هل هما سايبينهم بمزاجهم و لا مضغوط عليهم و احنا مش فاهمين حاجة ..

يعني برده نقدر نقول ان 80 مليون مواطن لا يرقي تفكيره انه يفهم مغزي و هدف السكوت الحكومي ؟؟!!

في الازمة الاخيرة بتاعت ماتش الجزائر احترمت السكوت الحكومي المصري و التأني في الرد و التعامل مع الموضوع بحكمة .. بس في النهاية حسيت ان الحكمة بهوأت شويتين من الحكومة .. لان فيه خط صغير جدا اسمه الحكمه و يفصل بين الانبطاح و السكوت من ناحية و الردود العنيفة و الغير حكيمة من ناحية تانية .. طيب دلوقتي الجزائر ما سلمتش مصر حصتها من الغاز الطبيعي و ده خلي مصر تبقي في ازمة الغاز الحالية !!! هنعمل اية كحكومة ؟؟ هنفضل برده ساكتين ؟؟! و نتعامل مع الموضوع بحكمة ؟؟!

نرجع لموضوعنا ...

الفكرة انها سياسة عامة في التعامل مع اي دولة سواء اسرائيل او اي دولة اخري ..

و ادينا بنتفرج ..