متابعة كأس الأمم الأفريقية - انجولا 2010

[د هشام ابراهيم]

الكابتن :happy:

[د هشام ابراهيم]

الهداف :happy:

[ذهبية]

الف الف مبرووووووووووووووك ومليون مبروووووووووووك بصراحة جدوو دة ولد لعيب جاب الجون ون تو مع زيدان روعةةةةة

فرحة مصر النهاردة فى التلفزيونات و الشوراع ملهاش حل

بصراحةةة الكرة عرفت تجمع شعب مصر كلة

رفعتى راسنا يا مصررررر فى وسط العالم كلةةةةةةة

[د هشام ابراهيم]

السد :happy:

[om marawan]

[صـــــقـــــر]

عفوااااااااااااااااا ممونع الاقتراب والتصوير

كاس الامم الافريقية احتكار مصرررررررررررررررررررى

حقيقى ربنا يفرح الشعب المصرى الطيب كمان وكمان :happy: :egyflag: :egyflag:

متتخيلووووووووووش منظر الناس فى جدة عاملة ازاى وتفاعل السعوديين وغيرهم من الجنسيات بامانة حاجة تشرف

يارب ارفعنا كمان وكمان الهم ءامين

[om marawan]

[om marawan]

معلش الصورة اللى فاتت كانت صغيرة :blush2:

أبطااااااااااال أفريقيا ربنا يحفظهم يااااااااارب

بنحبكم كلكم فرحتوووووووووووووووووووووووناااااااا

وترجعوا لبلدكم بألف سلامة

تم تعديل 31 يناير 2010 بواسطة om marawan

[om marawan]

روراوة بيه خرج بعد الماتش يتهم الحكم بالرشوة وهدد وتوعد بانه هيعمل على ايقاف الحكم عن التحكيم ثانية

واللى قريته كمان انه الحكم بالفعل تقدم بتقرير شكوى ضد تصرف شاوشي المشين

واللى لمحوا له بعض المعلقين امبارح بس ان فيه كلام فى الكواليس عن كزودجا بانه أفسد المباراة وتسبب فى اثارة لعيبة الجزاير !!!!!!!!!

عموما كل ده بشكل او باخر وراه " روراوة " وممكن يكون عاوز يوقف الحكم باى شكل حتى ولو كان بسبب عدم طرد شاوشي

بالمناسبة ماحدش يعرف هو أبو تريكة فين ؟؟؟؟؟؟

أصل حتى بركات ظهر فى تعليق بعد الماتشات فى احد القنوات مش فاكرة ايه وكمان بيكتب مقال فى موقع رياضى اسمه فى الجول

انما ابو تريكة مختفى خالص من ساعة ماقالوا بيتعالج وهيجيب كوتشى مخصوص

الراجل ده بطل مصر ومش هننساه طبعا

[أسامة الكباريتي]

كان من الأجدى للفريق الجزائري لعب المباراة بالطريقة الراقية التي اعتمدها المنتخب المصري .. وكنا سنشاهد كرة قدم رائعة بحق بين صنوين كبيرين ..

لكن العصبية والعنف طبعان يتسم بهما أهلنا في شمال إفريقية .. وإن كانت تتفاوت في حدتها بين شعب وآخر .. من ليبيا حتى المغرب .. ربما يختلف عنهم شعب موريتانيا في ذلك ..

الشحن الإعلامي في الجزائر ومصر قبل مباراة القاهرة كان المسؤول المباشر عن الانفلاتات والتشنجات والتصرفات غير المسؤولة .. مهما كانت محدوديتها ..

وماتلاها في السودان أيضا ..

مصر تداركت الموقف وحاولت النزول بالريتم إلى مستوى بطولة كرة قدم إفريقية وضعت اجتيازها بامتياز نصب عينها .. وقد كان لها .. وهي صاحبة الباع الطويل والتاريخ العريق ..

أما الجزائر .. فلم يقدر أحد فيها على الخروج عن المود المتشنج ..

فكان أن حصدوا العلقم الذي طالما ازدردوه ..

بقي أن نقول وبكل هدوء

أين كانت بلاد العرب عام 1934 فيما أذكر عندما ارتفع على مصر خفاقا على ساريته بين فرق بطولة كأس العالم يا ترى؟

لنعطي أنفسنا الحجم المناسب حتى لا يصيبنا الانفجار من الانتفاخ الزائف .. وهذه آفة الكثيرين في عالمنا العربي..

ولنترك المعلم "حسن شحاتة" يخطط بهدوء للمنعطفات القادمة التي أعتقد جازما أنه قد وضعها نصب عينه يوم أن طعم المنتخب بالنجوم البراقة التي خلبت الألباب ..

تم تعديل 1 فبراير 2010 بواسطة أسامة الكباريتي

[أسامة الكباريتي]

خرجوا يهتفون:

"مصر يا أم الدنيا"

غزة تحتفل بفوز المنتخب المصري بـ"كأس أفريقيا" وتعتبره انتصارًا للشعب الفلسطيني

[ 31/01/2010 - 10:49 م ]

غزة - المركز الفلسطيني للإعلام

خرج مئات الفلسطينيين مساء اليوم الأحد (31-1) إلى شوارع قطاع غزة ابتهاجًا بفوز المنتخب المصري بلقب "بطولة كأس الأمم الأفريقية" في نسختها السابعة والعشرين للمرة السابعة في تاريخها والثالثة على التوالي؛ وذلك بعد فوزها على غانا في المباراة النهائية بهدفٍ مقابل لا شيء.

وسار المئات من الفلسطينيين بشكلٍ عشوائيٍّ سيرًا على الأقدام وفي مواكب سيارات ودراجات نارية في شوارع مدينة غزة المكتظة بالسكان، وهم يرفعون الأعلام المصرية ويهتفون بأسماء لاعبيها فور انتهاء مباراتهم ضد منتخب غانا العنيد.

وهتف الفلسطينيون باسم اللاعب المصري محمد جدو الذي سجَّل هدف الفوز الوحيد في المباراة النهائية قبل نهايتها بثلاث دقائق، وتُوِّج هدافًا للبطولة بتسجيله خمسة أهداف.

وردَّد المحتفلون العبارة المصرية التي باتت شهيرة لهذا اللاعب "عايز تهدو.. هاتلو جدو".

ورغم عدم مشاركة النجم المصري محمد أبو تريكة في البطولة بسبب الإصابة فإن اسمه كان على شفاه المحتفلين الذين استذكروا له تعاطفه مع قطاع غزة في النسخة السابقة من البطولة.

وظهر تأييدٌ كبيرٌ لمنتخب مصر رغم التوتر الحالي بين القاهرة وحركة المقاومة الإسلامية "حماس"؛ بسبب تشييد مصر "الجدار الفولاذي" على الحدود بينها وبين غزة بهدف منع "تهريب" الأسلحة والبضائع التجارية إلى القطاع.

ومنعت الشرطة الفلسطينية مئات الفلسطينيين من الاقتراب من منطقة الشريط الحدودي بين الأرضي الفلسطينية والمصرية، لكن ساحة بوابة صلاح الدين قرب الحدود في رفح جنوب قطاع غزة تحوَّلت إلى مسرحٍ للاحتفالات بعدما توافد مئات الشبان.

وقال المواطن محمد سليمان وهو يهتف مع أقرانه "مصر يا أم الدنيا": "إن فوز مصر بالبطولة يعد انتصارًا للشعب الفلسطيني بشكلٍ عامٍّ وغزة بشكلٍ خاصٍّ بحكم العروبة والجغرافيا التي تجمع الشعبين".

واعتبر فادي ماضي (في الثلاثينيات من العمر) أن بطولة أفريقيا وتشجيع المنتخب المصري كانت فرصة سانحة لسكان غزة للهرب من واقع الحصار والأزمات السياسية.

وتحظى كرة القدم المصرية بشعبيةٍ في الأراضي الفلسطينية التي لا تشهد ممارسة منظمة لها بحكم واقع الاحتلال الصهيوني.

وفي مدينة غزة ازدحمت منطقة الجندي المجهول في منطقة الرمال غرب المدينة المكتظة بالمحتفلين؛ ابتهاجًا بالفوز المصري بعد أن تابعوا المباراة بشغفٍ كبيرٍ في المقاهي العامة.

وأطلق عشرات الشبان الألعاب النارية والأعيرة النارية في سماء غزة لحظة إطلاق حكم المباراة صفارة النهاية، وشهدت محلات بيع الزينة في غزة خلال أيام بطولة أفريقيا في أنغولا تهافتًا على شراء الأعلام المصرية وصور نجومه.

وقال أسامة مرجان وهو يرفع علم المنتخب المصري: "إننا نشعر أن المصريين يمثلون أيضًا بلدنا؛ لذلك نشجعهم".

وحمل كثير من السيارات والشبان العلمَ المصري، وارتدى بعض الأطفال ملابس فريق منتخب مصر في غزة.

وقال خالد أحمد، وهو أحد عشاق كرة القدم في غزة: "مبروك لمنتخب مصر"، وظل أحمد يرقص في باحة الجندي المجهول على الرغم من مغادرة أقرانه المكان بعد ساعة من الاحتفالات.

[عاشق الترحال]

الحمد لله رب العالمين

ربنا وفقنا وكسبنا البطوله ورجعنا بالكاس

وطبعا الناس اللي في جده شافوا المهرجانات اللي كانت فيها طول الليل

بس كان نفسي أبقى في مصر ساعتها . الفرحه والإحتفاليه بيبقى ليها طعم تاني هناك

حاجه كده بطعم النيل وريحة ترابها وطيبة أهلها وأنت كمان في حضنها عاوز فرحه وإحتفال بقى أجمل من كده !!!!

ياللي في الغربه زيي إسمع كده

متلاقيش مثالها ست كل عصر ...... ضلة جنب نيلها تسوى الف قصر

حلوه بلادي السمره بلادي الحره بلاااااااااااااااااااااادي

( تحيا مصر )

[عاشق الترحال]

بالمناسبه سؤال تكتيكي لحضراتكم ؟؟؟

هو اللاعب بتاع غانا اللي كان حاطط بزازه في بقه :blush2: :lol:

وبيرضع فيها في الإحتياطي مكنش لسه إتفطم ولا أيه

تم تعديل 1 فبراير 2010 بواسطة عاشق الترحال

[أبو عمر المصري]

مبرووووووووووك لمصر :lol: بكل نصر لكل ناسها الطيبين :: :blush2:

الفرحه حلوه يا أهل مصر كان نفسي نفرح من سنين

فرحان بمصر واهلها ومن كل ألبي باؤلها

دا المصري مين أدو يا ناس دا المصري مين أدو يا ناس

مليان حماس يهتف لها

من اجمل ما سمعت في حب مصر من الجميل حسين الجاسمي

شكرا لحسين الجاسمي وشعب الكويت المحب لمصر وكمان الف الف مبروووووووك لكل ولاد بلدي الطيبين وكمان الف الف مبروك لكل عربي بيحب مصر من قلبه بجد بنحبكم يا أحبااااااب مصر

تم تعديل 1 فبراير 2010 بواسطة أبو عمر المصري

[Abu Reem]

الف مبروك لكل المصريين في كل مكان

على كورنيش قطر كان الالاف من المصريين والقطريين يحملون اعلام مصر ، واتقفل الكونريش ومحدش بقى عارف يروح ولا ييجي والكل كان في فرحة هيسترية حتى القطريين كانوا يخرجون من اسقف السيارات ويلوحون بالأعلام المصرية ،،،،

وكانت الاعداد والفرحة اكثر مما حدث في 2008 ،،،،

طبعا التوانسة بعضهم اقتنع بفوز مصر والبعض كان متعاطف مع الجزائر معرفش ليه ، رغم ان التوانسة راقيين جدا مش عارف ايه حيخليهم يحبوا الهمج

ملحوظة: مش عارف فين الأخ ( جبار سنج ) اللي كان دايما يجيب اخبار الاستفزازات الجزائرية دائما قبل ماتش الجزائر،،، ليه لم يظهر ويكتب لنا تعليقاتهم....وليه حتى لم يظهر ليبارك ..!!!! شيء غريب !!!!؟؟؟؟ :blush2:

[لونا]

ألف مبروووووووك لكل مصر

بس مش ملاحظين إن كل اللعيبة بدون أي إستثناء كانوا بيلعبوا روعة

يعني مش بس أحمد حسن و جدو و الحضري و أحمد فتحي

كمان وائل جمعة .. مدافع حربي

و سيد معوض.... كان ماسك الملعب من أوله لآخره (قبل الإصابة )

و فتح الله كان ممتاز في المباريات السابقة

هاني سعيد و المحمدي و حسام غالي و حسني عبد ربه

بجد بجد كلهم كانوا ممتازين و بيلعبوا برجولة كدة و إخلاص

ربنا يبارك فيهم

على فكرة أنا مش متابعة قوية للكورة

و لكن المرة دي كنت باتابع من كل قلبي

:blush2: :lol:

[MZohairy]

أسد في بطولة أفريقيا خير الف مره من قرد في بطولة العالم

[عاشق الترحال]

ملحوظة: مش عارف فين الأخ ( جبار سنج ) اللي كان دايما يجيب اخبار الاستفزازات الجزائرية دائما قبل ماتش الجزائر،،، ليه لم يظهر ويكتب لنا تعليقاتهم....وليه حتى لم يظهر ليبارك ..!!!! شيء غريب !!!!؟؟؟؟ :blush2:

جبار سيــــــــــــــــــــــــــنغ ...... تهابي هيه . كيوموجي مبارك بادكيو ناي ديي .

متقلقش يا أبو ريم أنا بعتله رساله بالهندي أهوه علشان يحضر في التو والحال .

عارف الإسم ( جبار سينغ ) ده بيفكرني بأفلام أميتبتشان القديمه وهو بيقول

بابووووووووووو ناهي بابوووووووو

جبار سينغ : كيت ني أهادمي تي

أميتابتشان : دو آدمي .

جبار سينغ إظهر وبان عليك الأمان وقلنا الجزائر بتقول لمصر أيه

هذا وإلا ....هذا وإلا .... أيه

آه ياني ياني ياني ..... مش هلعب كوره تاني

تم تعديل 1 فبراير 2010 بواسطة عاشق الترحال

[عاشق الترحال]

إهداء لكل مصر

تم تعديل 1 فبراير 2010 بواسطة عاشق الترحال

[om marawan]

ملحوظة: مش عارف فين الأخ ( جبار سنج ) اللي كان دايما يجيب اخبار الاستفزازات الجزائرية دائما قبل ماتش الجزائر،،، ليه لم يظهر ويكتب لنا تعليقاتهم....وليه حتى لم يظهر ليبارك ..!!!! شيء غريب !!!!؟؟؟؟

أخر مرة شفته كان فى موضوع بوتفليقة قبل ماتش مصر والجزائر اللى كسبنا فيه 4 صفر بفضل الله قصدي 7 صفر زى ماقال الفاضل أبو محمد

4 اهداف كروية و 3 أخلاقية

على كورنيش قطر كان الالاف من المصريين والقطريين يحملون اعلام مصر ، واتقفل الكونريش ومحدش بقى عارف يروح ولا ييجي والكل كان في فرحة هيسترية حتى القطريين كانوا يخرجون من اسقف السيارات ويلوحون بالأعلام المصرية ،،،،

الكويت على الرغم من انه كان فيه برق ورعد ومطر شديد جداا لكن الناس برضه خرجت واحتفلت

احنا ماعرفناش ننزل عشان البرد والولاد

لكن شفنا الزفة بتلف الشوارع حتى جيراننا اللبنانيين خرجوا بالاعلام المصرية يشاوروا لكل العربيات والبيوت اللى بتشجع