الجزيرة والعربية ... وإعلام المهلبية

[se_ Elsyed]

إستمراراً لمسلسل" أسد علينا وفي الحروب نعجةٌ "

أورد موقع العربية نت بالأمس خبر براءة الشيخ عيسى بن زايد أخو رئيس دولة الإمارات من تهمة تعذيب شخص أفغاني وإذاعة هذا الشريط المصور على النت ...

أنا شخصياً شاهدت الكليب العام الماضي تقريباً وبالفعل شيء مقزز وأنتهاك لعرض إنسان .... مهما كانت تهمته .. وساعده في ذلك افراد شرطة يرتدون الملابس الرسمية ..

وبالفعل تم توقيف المتهم .. وتحويلة للمحاكمة بعد ما تدخلت منظمات حقوق إنسان عالمية والموضوع بقى فضيحة بجلاجل والإدارة الأمريكية أبدت أنزعاجها الشديد ..

والله أكبر ولله الحمد

حصل أمبارح على البراءة ؟

ليه يا جدعان ... ده كل شيء كان عالمكشوف أهو والواد طلع عينه ؟

قال لك في حيثيات البراءة " وهي فريده من نوعها على مر التاريخ "

قال لك أصل الشيخ كان تحت تأثير المخدر ومش مسئول عن اللي بيعمله ..... هههههههههههههههه

والظاهر إن ضباط الشرطة كانوا متخدرين هما كمان .. والظاهر إن اللي صور الموقف بكاميرة فيديو عالية الووضح هو كمان كان متخدر

آه نسيت اقول لكم ... اللي صوروا الموضوع إتنين أمريكان من أصول لبنانيه ... هأ هأ هأ .. دول بقى أتحكم عليهم بخمس سنين سجن بتهمة التشهير بالشيخ وأتحدى إذا كان أتلمس شعره من جلدهم ..

كده تسليك ... وكده توليع

مش ده المهم

القاضي يتحمل نتيجة حكمة

والمتهم اللي أخد براءة مش هايفلت من عقاب ربنا

والمحامي اللي لكلك القضية حسابة أيضاً عند ربه

لكن المهم إن الجزيرة والعربية اللي عاملن إسود على أي خبر يخص مصر ولو كان خبر " نشل محفظة موظف في أتوبيس عام " وهاتك يا تعليق وتهكم .. وكما كتبت من قبل .. فاتحينها دورة مياة عمومية خصوصاً العربية ..

إذا بهم يا سادة ... وأنا أتابع الخبر من أمس ..

إذا بهم يدخلوا يشطبوا أكثر من 90 % من تعليقات القراء على الخبر ويضعوا مكانها نقاط ... ويتركوا جميع التلعيقات اللي من عينة

يحيا العدل

هي دي الشفافية ولا بلاش

بهذا أثبتت الأمارات إنها دولة محترمة

وهلم جرا

هههههههههههههههههههههه

في منظر مخزي وموقف من ناس عديمي الحياء ولا يهمهم ما يقال عنهم

بُصوا معايا كده

http://www.alarabiya.net/articles/2010/01/10/96942.html

[التونسى]

وأوضح "أن الأدوية والعقاقير التي تناولها الشيخ بتدبير المتآمرين تجعل سلوك الإنسان عدوانيا وغير مسؤول عن أفعاله".

تصدق بجد ملعوبه وفى الجون .. مين المحامى الفتك ده اللى لعبها صح الصح :lol:

انا شفت الكليب برده وقريت عنه فى جرايد اجنبيه .. مش عارف اقول ايه واعلق بايه .. على حكم القضاء

يحيا العدل brd::

يحيا العدل wst::

مهما طغى الظلم وتجبر .. ولك يوم يا ظالم :ninja:

[صبح]

حسبنا الله ونعم الوكيل

http://www.metacafe.com/watch/yt-S6iah50uvk0

عامة لا أستغرب ما فعلوه فهم فيه سواء

[engmido]

يحيا العدل

بس اوعى حد يخش يشطبها ههههههههه

وللعلم طبعا الظلم ما يرضيش حد بس ده برده مينفيش ان دولة الامارات تعتبر من افضل الدول العربية

على الاقل خالص بتحترم الناس بتاعتها...........صح كده؟؟؟

شكرا

[أسد]

معلش ..

علشان أنا نفسي مسدودة ..

مش قادر أعلق

الناس دي بتستهبل أحلى إستهبال في الدنيا ..

وحيثيات حكم .. بهلوانية .. حلزونية .. أكروباتية ..

خرافات ..

[msayed]

كويس إن الأفغانى ماخادش إعدام لأن القانون بيقول لو الكبير مخمور ما تقربش منه وإلا تستاهل إللى ها يحصل لك.

صحيح فين قناة الجزيرة فى الموضوع؟ سيبك من العربية فدى معروفة من أول يوم إنها ال"عبرية" لكن فين الجزيرة؟

طب حتى يجيبوا برنامج عبارة عن نقط وخلاص من غير ما يقولوا حاجة.

[أبو محمد]

لكن المهم إن الجزيرة والعربية اللي عاملن إسود على أي خبر يخص مصر ولو كان خبر " نشل محفظة موظف في أتوبيس عام " وهاتك يا تعليق وتهكم .. وكما كتبت من قبل .. فاتحينها دورة مياة عمومية خصوصاً العربية ..

إذا بهم يا سادة ... وأنا أتابع الخبر من أمس ..

إذا بهم يدخلوا يشطبوا أكثر من 90 % من تعليقات القراء على الخبر ويضعوا مكانها نقاط ... ويتركوا جميع التلعيقات اللي من عينة

يحيا العدل

هي دي الشفافية ولا بلاش

بهذا أثبتت الأمارات إنها دولة محترمة

وهلم جرا

هههههههههههههههههههههه

في منظر مخزي وموقف من ناس عديمي الحياء ولا يهمهم ما يقال عنهم

بُصوا معايا كده

http://www.alarabiya.net/articles/2010/01/10/96942.html

أنا كمان قرفان زى أخويا "أسد" .. ومعنديش نفس أبص معاك ....

لكن عندما يدخل "المصريون الجدد" يلطمون الخدود ويشقون الجيوب وهاتك ياشتيمة فى مصر علشان مافيهاش محامين أفذاذ زى محامين الإمارات .. ولا قضاة شرفاء مثل قضاة الإمارات .. إبقى قول لى .. عشان بحب اقرا كلام العينة دى من المصريين :blink:

[مغتربة]

ازاى يا سى السيد تنسى اهم حيثيه من حيثيات الحكم

ان المواطن الافغانى لما رفع الدعوه رفعها بسبب الضرب ( و ليس التعذيب )

ايوه و الله العظيم هما قالوا كده

ناهيك عن التجاهل التام لكل الصحف الاماراتيه ( العربيه )امس للخبر كانه لم يحدث اساسا

اصل هتكتب هتقول ايه فاختاروا البعد عن المشاكل

[miramikhail]

هى العربية أنا ما بسمعهاش خالص تقريبا بس الجزيرة و برغم أستفزازى الشديد أى حاجة تحصل وحشة ولا حلوة أحب أدخل أشوف بيقولوا أية طبعا الحاجة الكويسة ما يجيبوش سيرتها خالص مادم تخص مصر و الحاجة الوحشة يضربوها فى عشرة ما دام تخص مصر برضة.

بس الحقيقة الموضوع ده ما دخلتش أشوف قالو أية بس الواحد لازم يدخل على السيت عشان يقرفهم شوية أحسن ساعات ببقى حطأ و الصراحة الواحد عنده عيال محتاجينة برضة لسه

[khaleds]

العربيه .ديتها معروفه

الجزيره .. معاك فى موقفها من مصر و المناقض لموقفها لكثير من البلدان العربيه لكن لو دققت

الجزيره ما هى الا انعكاس للوطن العربى

بتشوف الجماعه دول عايزين ايه وبتقدمهلهم

مصر اكبر دوله فى المنطقه

اكتر دوله شعبها بيكره حكومته

اكتر شعب واخد حقه بايده

وعندها اقوىمعارضه

رحم اغلب الحركات والافكار زى الاخوان والعروبه والذى منه

مصر اكبر دوله عربيه علما وتقدما

مصر اكبر نظام فاسد

الخلاصه مصر اكتر دوله يمكن نقدها والطلب عليها كبير

كل القضايا الى مهتمين بيها ..الجزيره مهتمه بيها لان احنا الغطاء بتاعها .. فامتقدرش تفتح على نفسها جبهات بداعى الامانه الصحفيه و والحياديه وتقف لوحدها .. ساعتها يبقى الجزيره هتغرق

تم تعديل 14 يناير 2010 بواسطة khaleds

[msayed]

عيب الجزيرة الوحيد والبقعة السوداء إللى فيها عدم إقترابها من قطر ولو من بعيد بل بالعكس لو قطر دخلت فى عداوة مباشرة مع نظام آخر ستجدها مع النظام القطرى.

أما باقى الدول العربية فرأينا تقارير وتحليلات متميزة سواء بالسلب أو بالإيجاب

وبالفعل مصر من الدول المغرية لأى قناة كبيرة أن تتناولها بالتحليلات لإهتمام كل العرب بأخبارها وللحراك السياسى والإجتماعى الموجود بها هذه الفترة.

فستجد فى أى مناسبة تقرير مصور من مصر

فى دخول رمضان ودراسة عادات الشعوب فيه- فى الأعياد -فى المظاهرات ضد العراق -

شاهدت فى برنامج الجريمة السياسية خلقة عن إغتيال حسن البنا وحلقة عن إغتيال السادات، فى البرنامجين لا تشعر بتوجه معين للقناة وخاصة أن المعلقين فى الفيلمين كانوا كتاب مصريين معروفين من كل الإتجاهات.

وكلنا نتذكر البرنامج المميز "سرى للغاية" الذى عرض مشكلة الأسرى المصريين ثم إغتيال يحيى المشد

يعنى الخلاصة إن القناة مش ضد المصريين ولكنه ضد حكومة مصر التعبانة وأحيانا بتزودها فتظلم مصر حبتين كما حدث فى مشكلة مباراة الجزائر.

عاوزين تعرفوا ليه فيه ناس بتكره قناة الجزيرة كره فظيع وبتلغى حسناتها مقابل سيئاتها أدخلوا على اليوتيوب وإبحثو عن كل هذه الكلمات -الشيخ طنطاوى قناة الجزيرة- لتعلموا كيف يمثل "الكبار" مصر فى الميديا.

تم تعديل 14 يناير 2010 بواسطة msayed