اي القسمين تفضل (هوااااها خليجي)

[the consultant]

في الخليج (_خاصة السعودية و اخص بالذكر جدة عشان انا فيها ) ينقسم المصريين الى قسمين اساسيين قد يتفرع منهم اكثر من قسم بس خلينا في الاساس

القسم الاول :قسم الغربة السياحية

مقضيها , وهدفه انه عايش كويس , يركب 4×4 بغض النظر عن الري سل برايس , و بغض النظر عن بنزينها او صيانتها او حتى قصطها اللي ممككن يقص 1/3 مرتبه . ودة في الغالب لما ينزل مصر بيحمل يا ريس و مش بيسترخص ما شاء الله. و طبعا بيضعف ادام الاوكازيون دة غير الاكل برة. و ممكن ياخد اسبوع العيد في ماليزيا او تركيا مثلا هو و المدام و الاولاد.

القسم الثاني : قسم الغربة الحرفية

ده بقى ممكن يظبط سكنه جنب صديقه اللي معاه عربية عشان يروح معاه الشغل كل يوم . و لو جاب عربية اكيد حتكون ياريس او كورولا عشان زي ما بيقولوا (التويوتا شيك مع صاحبها يصرفه في اي وقت ( شيك بنكي يعني , مش من الشياكة) . ممكن يتنازل عن صحبة الزوجةو الاولاد لمدة قد تتطول او تقصر لانه مش رايح يتفسح. و لما ينزل مصر اكيد حيحاول يقتصد قدر الامكان في الهدايا (شبرا كفاية)

سؤالي ليس من اي القسمين انت , بل اي القسمين تفضل اللي حيحرم نفسه (مهما اختلفت الدرجات يعني مش لازم يكون بينزل يملا المياه من الجامع عشان مايجبش مياه) ولا تفضل اللي مقضيها و عايش اليوم بيومه ( و برده مش شرط يكون سفيه بس مش حارم نفسه ولا اللي حواليه من حاجة)

[مغتربة]

القسم الاول :قسم الغربة السياحية

مقضيها , وهدفه انه عايش كويس , يركب 4×4 بغض النظر عن الري سل برايس , و بغض النظر عن بنزينها او صيانتها او حتى قصطها اللي ممككن يقص 1/3 مرتبه . ودة في الغالب لما ينزل مصر بيحمل يا ريس و مش بيسترخص ما شاء الله. و طبعا بيضعف ادام الاوكازيون دة غير الاكل برة. و ممكن ياخد اسبوع العيد في ماليزيا او تركيا مثلا هو و المدام و الاولاد.

اوعى تكون بتتكلم عليا

اصل انا لسه راجعه من رحله لتركيا فى عيد الاضحى

:) :lol:

عموما تقدر تقول ان انا و زوجى من النوع الاول و كمان كل اصدقائنا هنا و بصراحه حاسه ان النموذج الثانى معدش ليه مكان اوى او يمكن يكون طالع على عقد تعبان بالعافيه يكفيه و يحوش منه

انا بتكلم عن الامارات لان انا فى الامارات مش عارفه الوضع فى السعوديه بقى ايه

و هنا المغريات اكبر من اى حد يتصور و العيشه غاليه نار

و الله ممكن لو حد راتبه مليون درهم يخلصوا على اخر الشهر

برضه نموذج الاسراف ده انا مش بحبه

خير الامور دايما الوسط

و دا راى ناس كتير هنا و خصوصا انهم شافوا الجيل السابق ليهم الى طلع و حوش و عمل الحركات دى

فى الاخر متهناش بيها

الى صرفها على علاجه و الى عمل بيها مشروع و فشل و الى صرفها على ولاده و برضه مش عاجبهم لانهم عايزيين مستوى معين يليق بولاد الى بقاله (.......) سنه فى الخليج

و الى للاسف مات و تحول الموضوع لميراث

فالكل هنا وجهه نظره انه يتمتع شويه بتعبه و الا هنتحول كلنا بالنسبه للاخرين لمطابع بنكنوت

[Clinical chemist]

حضرتك جيت على الجرح لأنى رافض لغاية دلوقتى 4 عروض فى السعودية والامارات رغم ان اقل واحد فيهم 3 اضعاف مرتبى فى مصر وده لانى ارفض بشده فكرة السفر للعمل فقط......انا من النمط الاول اللى عايز يتمتع هو واسرته بالطول والعرض بدون اسراف او سفه طبعا ولكن انا بحسبها على اساس ان العرض يكون على وظيفة تكافىء وضعى المهنى الحالى او تقترب منه حتى وكمان يكون كافى اولا لعيشه مرفهه ودراسه مميزة لأولادى ثم ثم ثم ياتى بند الادخار طويل المدى.

ادعوا معاى ان انتظارى ميطولش :)

[doha]

وكذلك جعلناكم امة وسطا ..

النوعين خطأ بالتاكيد والوسط مفيش احسن منه يعني الواحد يعيش كويس اوي بس مينساش نفسه ويفتكر ان راتب او وضع السعوديه دائم ويصرف على هذا الاساس . .

[the consultant]

القسم الاول :قسم الغربة السياحية

مقضيها , وهدفه انه عايش كويس , يركب 4×4 بغض النظر عن الري سل برايس , و بغض النظر عن بنزينها او صيانتها او حتى قصطها اللي ممككن يقص 1/3 مرتبه . ودة في الغالب لما ينزل مصر بيحمل يا ريس و مش بيسترخص ما شاء الله. و طبعا بيضعف ادام الاوكازيون دة غير الاكل برة. و ممكن ياخد اسبوع العيد في ماليزيا او تركيا مثلا هو و المدام و الاولاد.

اوعى تكون بتتكلم عليا

اصل انا لسه راجعه من رحله لتركيا فى عيد الاضحى

:blush2: :FN:

عموما تقدر تقول ان انا و زوجى من النوع الاول و كمان كل اصدقائنا هنا و بصراحه حاسه ان النموذج الثانى معدش ليه مكان اوى او يمكن يكون طالع على عقد تعبان بالعافيه يكفيه و يحوش منه

انا بتكلم عن الامارات لان انا فى الامارات مش عارفه الوضع فى السعوديه بقى ايه

و هنا المغريات اكبر من اى حد يتصور و العيشه غاليه نار

و الله ممكن لو حد راتبه مليون درهم يخلصوا على اخر الشهر

برضه نموذج الاسراف ده انا مش بحبه

خير الامور دايما الوسط

و دا راى ناس كتير هنا و خصوصا انهم شافوا الجيل السابق ليهم الى طلع و حوش و عمل الحركات دى

فى الاخر متهناش بيها

الى صرفها على علاجه و الى عمل بيها مشروع و فشل و الى صرفها على ولاده و برضه مش عاجبهم لانهم عايزيين مستوى معين يليق بولاد الى بقاله (.......) سنه فى الخليج

و الى للاسف مات و تحول الموضوع لميراث

فالكل هنا وجهه نظره انه يتمتع شويه بتعبه و الا هنتحول كلنا بالنسبه للاخرين لمطابع بنكنوت

والله انا كنت في الامارات و عرفت من الاول اني مش حنفع لاني ضعيف ادام المغريات الكتير اللي عندكو ولو استمريت في الامارات حطلع غالبا مديون و نصحوني بالسعودية حيث امكانية التوفير لعدم وجود مغريات و لكني اكتشفت ان الموضوع مش موضوع مكان الموضوع موضوع طبيعة الشخص اللي ممكن يخلق لنفسه طرق للصرف و لو في الصحرا و سبحان الله برده اللي حواليا نفس الكلام .

[the consultant]

حضرتك جيت على الجرح لأنى رافض لغاية دلوقتى 4 عروض فى السعودية والامارات رغم ان اقل واحد فيهم 3 اضعاف مرتبى فى مصر وده لانى ارفض بشده فكرة السفر للعمل فقط......انا من النمط الاول اللى عايز يتمتع هو واسرته بالطول والعرض بدون اسراف او سفه طبعا ولكن انا بحسبها على اساس ان العرض يكون على وظيفة تكافىء وضعى المهنى الحالى او تقترب منه حتى وكمان يكون كافى اولا لعيشه مرفهه ودراسه مميزة لأولادى ثم ثم ثم ياتى بند الادخار طويل المدى.

ادعوا معاى ان انتظارى ميطولش :blush2:

والله انا شايف ان الواحد يعيش كويس و يستثمر في ولادة بمعنى انه يعلمهم احسن تعليم طالما هو من النوع الاول و البعض ينصح بان النوع الاول احسن له انه يدبس نفسه في اقساط يعني يقسط شقة في مصر مثلا بحيث انه يبقى ملزم بتجنيب جزء من الدخل لان مجرد الادخار مع النوع الاول صعب جدا . انا عن نفسي معرفش اتبنى فكرة حط مبلغ على جنب كل شهر و كانه مجاش (يعني حضحك على نفسي طيب مم انا عارف انه جه و شايفه بطرف عيني :FN: و اكيد حزوره قبل الشهر)) .

على فكرة و انا في مصر كنت كدة بالظبط و خطة التدبيس نجحت فدبست نفسي في 2 ماجستير قعدت ادفع في تمنهم 3 سنين :lol:

وعموما ربنا معاك و انشاء الله يجيلك الافر اللي انتا مستنيه ;)

[rewsha]

انا شايفه ان زمان تقريبا كل الناس اللي كانت بتسافر(من 20_30)سنه كده كان اغلبهم من النوع التاني .اللي بيسافر علشان غرض التحوييش وبس

وقليل قوي لما تلاقي حد مسافر وموضوع الفلوس مش في دماغه

لكن دلوقتي النوع الاول هوه المنتشر اللي بيركب 4×4وبيعيش كويس ومش مهم هوه حوش قد ايه

لاْن كمان اغلب الناس دلوقتي بتستثمر في اولادها موضوع التعليم بدل ما تحوش لهم فلوس للزمن

الحمد لله باعتبر نفسي اقرب للنوع الاول مش التاني

سواء ايام ما كنت في مصر ,او لما جيت هنا الرياض .لان في الاخر ماحدش واخد منها حاجه وماحدش ضامن عمره

فالواحد من حقه يتمتع بالفلوس اللي بيجيبها

ومايحرمش ولاده من اي حاجه نفسهم فيها طالما قادر على كده .

بس الذكي بقه

هوه اللي يقدر يجمع بين النوعين دول ويدمج مابينهم ويعمل صنف جديد(قصدي نوع تالت)وسط يعني

لان ماحدش ضامن ان دخله يستمر طول عمره بدون تغيير

وصعب ان الواحد يكون عايش في مستوى مادي معين (مرفه يعني) وبعدين لو الزمن جار عليه لاْي ظرف من الظروف ما يقدرش يتعايش مع التغيير اللي حصل له

والشاطر اللي يستفيد من النماذج اللي بيشوفها قدامه

و في الاخره اقول الايه الكريمه (ولاتجعل يدك مغلولةً الى عنقك ولا تبسطها كل البسط فتقعد ملوماً محسوراً) صدق الله العظيم

[وافدة هنا و عاملة بالخارج]

صراحة الموضوع رائع و مهم و يناقش شعاري الذي رفعت مؤخرا

أعرف هدفك من الغربة ؟

و في الحقيقة علشان نكون بنتكلم من واقعية و صراحة لازم نفرق و احنا بنتكلم عن الخليج زمان من 30 سنة و الخليج الآن

يعني زمان كان ممكن تحوش قوي و تعمل فعلا فلوس و الناس الللي سافرت في السبعينات الثمنينات كان بيحوشوا غصب عنهم مهما كان مستوي المعيشة يعني

مفيش مغريات كتير

مفيش عايل بيقوله عايز بلاك بيري و لا وي و لا اي فون

المرتب كبير و الحياة رخيصة و غيره

أما الآن فمش مزاجك تحوش يعني مش هنقول رفاهية لكن في مصطلح مهم أهم من الرفاهية مصطلح عيشه كريمة تليق بيه و بوظيفته

و إذا فعلا هذا على القد يجد المتوفر لا يساوي شئ فيقول خلاص كاني أعيش و هو العمر واحد

صدقوني معظم من ذهب الخلبج في التسعينات معرفش يحوش

نرجع نقول إننا بالصراحة و في منا ناس تكسف و زمايل تلاقيهم لابسين لبس و الله يحزن لدرجة إن مديرة المدرسة عندنا اشترت لإحدي المدرسات عباءة محترمة لان مظهرها لا ليلق بمهابة المعلم

مع ان بالصراحة اللبس هنا على الكل المستويات و تقدر تشتهري كل شهر طقم جديد

يعني القسم الاول فرض نفسه للظروف السابقة و القسم التاني موجود و لكن اصبح قليل يعني مثلا في الكويت كان معروف ان الوافد بيركب العربيات المستعمل دلوقتي معظم وكالات السيارات عميله الاساسي وافد

و الدنيا ماااااشية

و بعدين في كلمه قالها الشيخ الشعرواي رحمة الله عليه ابني ابنك و لا تبنلوش و هي حكمة رائعة

[the consultant]

صراحة الموضوع رائع و مهم و يناقش شعاري الذي رفعت مؤخرا

أعرف هدفك من الغربة ؟

و في الحقيقة علشان نكون بنتكلم من واقعية و صراحة لازم نفرق و احنا بنتكلم عن الخليج زمان من 30 سنة و الخليج الآن

يعني زمان كان ممكن تحوش قوي و تعمل فعلا فلوس و الناس الللي سافرت في السبعينات الثمنينات كان بيحوشوا غصب عنهم مهما كان مستوي المعيشة يعني

مفيش مغريات كتير

مفيش عايل بيقوله عايز بلاك بيري و لا وي و لا اي فون

المرتب كبير و الحياة رخيصة و غيره

أما الآن فمش مزاجك تحوش يعني مش هنقول رفاهية لكن في مصطلح مهم أهم من الرفاهية مصطلح عيشه كريمة تليق بيه و بوظيفته

و إذا فعلا هذا على القد يجد المتوفر لا يساوي شئ فيقول خلاص كاني أعيش و هو العمر واحد

صدقوني معظم من ذهب الخلبج في التسعينات معرفش يحوش

نرجع نقول إننا بالصراحة و في منا ناس تكسف و زمايل تلاقيهم لابسين لبس و الله يحزن لدرجة إن مديرة المدرسة عندنا اشترت لإحدي المدرسات عباءة محترمة لان مظهرها لا ليلق بمهابة المعلم

مع ان بالصراحة اللبس هنا على الكل المستويات و تقدر تشتهري كل شهر طقم جديد

يعني القسم الاول فرض نفسه للظروف السابقة و القسم التاني موجود و لكن اصبح قليل يعني مثلا في الكويت كان معروف ان الوافد بيركب العربيات المستعمل دلوقتي معظم وكالات السيارات عميله الاساسي وافد

و الدنيا ماااااشية

و بعدين في كلمه قالها الشيخ الشعرواي رحمة الله عليه ابني ابنك و لا تبنلوش و هي حكمة رائعة

و الله انا فرحت ان حضرتك علقتي على الموضوع و فرحت اكتر انك الره دي متفقة معايا . ملحوظة سريعة السعودية حتكون اسهل بالنسبة للمدرسة صاحبتك كله عبايات و سودة :closedeyes:

فعلا الدنيا مشية و بتعدي و انا اول مرة اسمع جملة ابني ابنك ولا تبنلوش بس جزاكي الله خير عليها بصراحة اكدتيلي مبدأ مهم في حياتي.

[dongol]

اللي انت عايشة في مصر هتعيشه في الخليج

و صعب الواحد يغير طباعة لمجرد انه غير المكان اللي عايش فيه و مرتبه زاد شوية

البخيل علي نفسه و اهله في مصر هيفضل بخيل في الغربه و هيكون همه التحويش

و الانسان العادي في مصر هيفضل عادي برضه في الغربه و مش هيفكر انه يموت نفسه من الجوع علشان يحوش

دنجل

[وافدة هنا و عاملة بالخارج]

الله انا فرحت ان حضرتك علقتي على الموضوع و فرحت اكتر انك الره دي متفقة معايا .

ربنا يكرمك و يبارك فيك و بعدين احنا قولنا الاختلاف في المحشي لا يفسد للود قضية :sad: :)

حتكون اسهل بالنسبة للمدرسة صاحبتك كله عبايات و سودة

المرة ده هختلف معاك تاني انت متهيللك الوضع في السعودية اصعب لان داخل المدارس بيكون في تباري باحدث الصرعات و التسريحات و اللبس باعتبار انه مجتمع نسائي

لكن في الكويت ممكن يكون التوجيه راجل و مدير الادارة يمر فبيكون بالداخل زي الخارج لكن السعودية الوضع اصعب بكتير

انا اول مرة اسمع جملة ابني ابنك ولا تبنلوش بس جزاكي الله خير عليها بصراحة اكدتيلي مبدأ مهم في حياتي.

حقا سيدي فكم من بيوت مبنية و بداخلها حطام بشر

كمان الشيخ الشعرواي كا بيقول فلوسك هي اللي بتصرفها اللي بتحوشها ده فلوس ناس تانية انت تجمعها لهم

و هذه الحقيقو و مال الكنزي للنزهي

دمتم بخير

[وافدة هنا و عاملة بالخارج]

اللي انت عايشة في مصر هتعيشه في الخليج

و صعب الواحد يغير طباعة لمجرد انه غير المكان اللي عايش فيه و مرتبه زاد شوية

البخيل علي نفسه و اهله في مصر هيفضل بخيل في الغربه و هيكون همه التحويش

و الانسان العادي في مصر هيفضل عادي برضه في الغربه و مش هيفكر انه يموت نفسه من الجوع علشان يحوش

صدقت و الله يا دنجل

بس في ناس بتبقى في مصر كويسة و لما بتسافر بيجلها حالة صرع ده أنا شفت نماذج لو كتبت عنها هألف كتاب يضاهي كتاب انيس منصور حول العالم

تم تعديل 29 ديسمبر 2009 بواسطة وافدة هنا و عاملة بالخارج

[tarek nokia]

الحمد لله كل حاجة بنفسي جبتها ومعيش عيالي واهلي من غير حرمان والي حرموا نفسهوم وعيالهم ياخسرو فلوسهم بالبورصة يا اما اضحك عليهم واتتنصب عليهم عيش حياتك باعتدال ولا اسراف ولا بخل ربنا بحب الكريم وبيكرموا والبخيل بيهدوا وربنا يهد كل بخيل مديق على عيالو ا وبعدين يموت ويدعو عليه بدل مايدعولو وبالفعل اغلب المصريين ابتدو يغيرو نبرة البخل الي كانت منتشرة قوي

[dongol]

اللي انت عايشة في مصر هتعيشه في الخليج

و صعب الواحد يغير طباعة لمجرد انه غير المكان اللي عايش فيه و مرتبه زاد شوية

البخيل علي نفسه و اهله في مصر هيفضل بخيل في الغربه و هيكون همه التحويش

و الانسان العادي في مصر هيفضل عادي برضه في الغربه و مش هيفكر انه يموت نفسه من الجوع علشان يحوش

صدقت و الله يا دنجل

بس في ناس بتبقى في مصر كويسة و لما بتسافر بيجلها حالة صرع ده أنا شفت نماذج لو كتبت عنها هألف كتاب يضاهي كتاب انيس منصور حول العالم

اللي بيجيله صرع لما يسافر ده بيبقي ساكت في مصر غلب لان حواليه اهله و صحابه و بيبقي مش عايز حد ينتقض بخله فبيحاول يجاري الناس اللي حواليه

و لما بيسافر طبعا بيبقي لوحده و ماحدش عارف هو عايش ازاي فبيبتدي يطلع مواهبه الدفينه في البخل و التحويش

الرسول عليه الصلاة و السلام بيقول ايه (طبعا فيما معناه)

"ليس لك من مالك الا ما اكلت فأفنيت او لبست فأبليت أو تصدقت فأمضيت"

الباقي اللي حضرتك بتحوشه ده فلوس الورثة اللي انت مش هتنتفع بيها

دنجل

[the consultant]

لحد دلوقتي كل اللي مشارك بيعتبر نفسه من القسم الاول :blink: ( تاني حقول ان القسم الاول يشمل المسافة بين اقصى اليمين و يمين الوسط) هل معنى كدة ان الصورة التانية انقرضت و لا اصحابها مش عايزين يكلموا ( بالرغم بردة انها بتغطي المساحة بين اقصى اليسار و يسار الوسط) wst::

[قطرة ندى]

وكذلك جعلناكم امة وسطا ..

النوعين خطأ بالتاكيد والوسط مفيش احسن منه يعني الواحد يعيش كويس اوي بس مينساش نفسه ويفتكر ان راتب او وضع السعوديه دائم ويصرف على هذا الاساس . .

بتعجبنى آراء ضحى

ولا تجعل يدك مغلولة الى عنقك ولا تبسطها كل البسط فتقعد ملوما محسورا

[MemoG]

انا شايفة ان الواحد يعيش عيشة كريمة بمعنى انو يشتري كل حاجة نفسوا فيها بس باعتدال

محرمش نفسي عشان احوش قرشين ويمكن ملحقش اتمتع بيهم

وماصرفش كل اللي حلتي وارجع اندم لو حصلنا لقدر الله اي حاجة تمنع الشغل

وسعتها مش هلاقي حق الدواء وامد ايدي للناس واتحسر علي حالي بعد ماكنت

عايش في ترف ومعملتش حساب الزمن ومأمنتش مستقبل ولادي باي شي

يعنى خير الأمور الوسط علي رأي الأخت ضحى

وانا وزوجي مشيين بالمبدأ ده

[وافدة هنا و عاملة بالخارج]

انا شايفة ان الواحد يعيش عيشة كريمة بمعنى انو يشتري كل حاجة نفسوا فيها بس باعتدال

محرمش نفسي عشان احوش قرشين ويمكن ملحقش اتمتع بيهم

وماصرفش كل اللي حلتي وارجع اندم لو حصلنا لقدر الله اي حاجة تمنع الشغل

وسعتها مش هلاقي حق الدواء وامد ايدي للناس واتحسر علي حالي بعد ماكنت

عايش في ترف ومعملتش حساب الزمن ومأمنتش مستقبل ولادي باي شي

يعنى خير الأمور الوسط علي رأي الأخت ضحى

وانا وزوجي مشيين بالمبدأ ده

في الحقيقة حضرتك وصلتي من وجه نظري لمربط الفرس وهو الندم

عيش بحيث لا يأتي يوما تندم عليه

يوما تندم على ما حرمت نفسك منه و تحرمك منها شيخوختك و أولادك قهرا

تم تعديل 31 ديسمبر 2009 بواسطة وافدة هنا و عاملة بالخارج