دعوة إلى تكوين إتحاد ملاك

[مهندس تحكم]

متهيألي المهلة قليلة قوي علي انها تتبني عن طريق اتحاد ملاك....

اقل مدة علشان الاتحاد ينجح في البناء ...مش اقل من سنتين ونصف ...دة علي اعتبار ان ممكن يحصل توقف مؤقت في تدفقات الاموال اللازمة للبناء ....دة غير برضة ان ممكن احد الاعضاء يخرج لاي سبب وممكن دة يتسبب في البحث عن شريك جديد....يعني كل الامور واردة الحدوث ...وعلشان كدة يفضل تكون مهلة البناء اطول ما يمكن....

الموضوع مش عاوز تهيئات

انتم طلبتم اراضى تخصيص و ااضى التخصيص محددة بمهلات

حتى اراضى القرعات محددة بمهلات

اللى مش عاوز مهلات ياخد اراضى بعيدا عن المدن الجديدة

مفيش حد بيستطيع ياخد كل المميزات

و بعدين الجهاز مش بيدقق لو انت يدوب بنيت بدروم و ارضى و شطبت و اجهاتهم و كملت بعدين

و اعتقد لو مجموعة الاتحاد مقدرتش تعمل ده فى المهلات يبقى ....

الموضوع ما فيش فية تهيئات

....انا لما قولت بيتهيألي .... كنت باحاول اعرض رأيي بصفتي مستفيد من الاتحاد وعضو فية ....

من الواضح ان الناس كلها عارفة ان في مهلات للاراضي بغض النظر عن كونها تخصيص او قرعه ....بس برضة في اراضي مهلتها مريحة ولسة جديدة زي القرعه الخامسة مثلا ....3 سنين ونصف

اية ايلي يخلي واحد يرمي شقي عمرة في ارض تخصيصها هاينتهي بعد 13 شهر......ويحط رقبتة تحت رحمة الظروف او ان جهاز المدينة ما يخدش بالة منة....

مع احترامي لعرض حضرتك.....مهلة السنة لا تكفي اطلاقا لبناء الارض...حتي التشطيب الخارجي وصلاحية وحدة للسكن كما تنص شروط جهاز المدينة....

وانا شايف ان ايلي طمع و سقع ارض لحد ما المهلة اقتربت علي الانتهاء احسن لة انة يسلمها للجهاز تاني ....يمكن حد يستفيد منها بعد ما تتباع تاني في قرعه تانية وتاخد مهلة جديدة ....مش يطلب فيها 1000 جنية للمتر .....

الاتحاد زية زي اي مشروع ....لازم يتعمل لة تخطيط ....ودراسة مخاطر....والمخاطر ايلي انا عرضتها حصلت وبتحصل ومن السهل انها تحصل تاني في اي مشروع ....علشان كدة الوقت هنا عامل مهم جداااا خصوصا ان المنطقة لا تصلح للسكن في خلال عام او عامين او حتي ثلاثة اعوام.....يبقي لزومة اية اننا نشتري ارض باقي عليها سنة وشهر.... مغامرة ومخاطرة مالهاش داعي ...

وواضح برضة ان المهندس اشرف لما تكرم وذكر مواصفات الارض المناسبة للبناء....تفضل وطلب مهلات كبيرة ....علشان يبقي في سهولة في التدفقات المالية ....وتحسبا لاي ظرف قد يؤخر اكتمال البناء...

عموما شاكر لحضرتك محاولة المساعدة في ايجاد ارض مناسبة....

تم تعديل 31 يناير 2010 بواسطة مهندس تحكم

[عطر الجنة]

من غير انفعال

ازاى سنة و شهر ستكون غير كافية لعمل اساسات بدروم و ارضى

اعتقد انى واضحة فى كلامى ازيد من اللازم

انا قلت مهلة سنة و شهر للاساسات

و اعتقد ان تكلفة بناء اساسات مع هيكل بدروم و ارضى مش كتير ثم سنة اخرى لتشطيبهم

و بعدين من اين ستاتى بارض عمارات لها مهلة اكثر من كده

على فكرة مهلة اراضى التخصيص فى العائلى هى اللى لسه كبيرة لان مهلتهم اتحسبت بعد الترفيق

لانها لسه مترفقة من وقت غير بعيد

و انا اشك فى ان هناك مهلة تفوق السنتين لاى ارض معلن عنعها الا بعد سؤال الجهاز

و خلاص خد اراضى قرعة خامسة غالية و لا تزعل نفسك

ولا يضطر صاحب الارض يسلمها للجهاز

تحياتى

[مهندس تحكم]

الاخت الفاضلة / عطر الجنة...

انا مش منفعل والله ولا حاجة.....

حكاية مهلة الاساسات دي ...انا ما فهمتش انها خاصة للاساسات وبس....فهمتها علي انها مهلة كلية للارض...

وزي مانتي شايفة وحاسة من كلامي .....انا بافضل مهلة طويلة لان......عملية البناء عملية مشتركة مع اكثر من 5 افراد....كلنا ممكن نقول ان احنا هانبقي جاهزين إن شاء الله ....

ولكن قد تحدث ظروف لاي منا.....ساعتها البناء لو اتأخر هايضر الكل....خصوصا اراضي العمارات مساحتها كبيرة وبناءها مكلف ولا يستطيع القيام بة شخص منفرد ...الا اذا لو كان ربنا عاطية ومليونير...(ربنا يعطي ويرزق الناس كلها ).....

وعلشان كدة الفترة الزمنية المريحة هاتبقي مريحة في التدفقات المالية ....ولو حتي حد حب يخرج من الاتحاد هايبقي سهل يدور او يعلن عن حد يدخل مكانة....غير لما نكون مضغوطين في الوقت....ومش عارفين نتصرف..

أرجو انك ما تفهميش كلامي علي انة حدة وانفعال....وارجو معذرتك لو كلامي وصل بالمعني دة...

عموما انا مقدر والله مجهوداتك...ومساعدتك مش لينا بس لكل ايلي بيبني في الشروق.....واكيد ما حدش هايجبلنا الارض غيرك......

وفعلا من غير مبالغة ....حضرتك والمهندس أشرف من اكثر موارد الموقع هنا.....جزاكم الله عنا خير الجزاء..

[morganahmed]

حصلنا :blush2:

على

الكاس

الحمد الله

مبروك علينا

وعلى كل العرب حبايبنا :lol: :roseop: :roseop: :roseop:

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

أتعجب كثيراً لنهاية هذا الموضوع و الذي بدأت في طرح فكرته في 20 ديسمبر الماضي حيث وجدت إقبالاً كثيرا غير متوقع من الأعضاء على الدخول و الإشتراك فيه سواء في المنتدى العام أو على الخاص لدرجة أنني كنت أستقبل يومياً 3طلبات للمشاركة في الموضوع 000 المهم أننا كتبنا و تكلمنا و تحاورنا كثيراً في هذا الموضوع و لكن مع مرور الوقت إستطعت بفضل الله تكوين أكثر من 6 إتحادات في مناطق العمارات و الإسكان العائلي 0

و بموافقة الجميع بدأت التحرك الفعلى لتنفيذ المشروع فقمت بعمل الآتي :-

1- بدأت في البحث عن الأراضي وذلك بالإتصال بالسماسرة أو متابعة الجرائد و خاصة الوسيط حتى وجدت بصعوبة أراضي بالفعل تحقق لكل إتحاد ما يريده و بأسعار مناسبة لا نحلم بها جميعاً 0

2- تم الإتفاق المبدئي مع مكتب إستشاري كبير ليتولى عملية التصميم 0

3- تم الإتفاق المبدئي مع أكبر شركة مقاولات في مصر لتتولى عملية توريد خرسانة جاهزة بمعرفتها لي حيث أنني كنت قد عزمت الأمر على إستخدام خرسانة جاهزة 0

4 - تم الإتفاق المبدئي مع أكبر شركة مقاولات مصرية لتتولى عملية الإشراف على التنفيذ بنفسها مقابل نسبة 7 % من حجم الأعمال و هو نسبة لا نحلم بها جميعاً 0

5- تم الإتفاق المبدئي مع مستشار قانوني ليتولى عملية إعداد عقود الأرض و عقود المشاركة 0

6- قمت بحساب تكلفة البناء التقديرية بناء على ما سبق و قد وجدت أن تكلفة المتر ستتراوح مابين 1000 جنيه و 1100 جنيه شامل ثمن الأرض 0

الأخوة الكرام / أعضاء المنتدى

بعد هذا المجهود الذي بذلته و الوقت الذي ضاع مني و بدون أي مقابل أتقاضاه نظير هذا التعب الذي لا يعلمه إلاّ الله في سبيل أن أفي بوعدى للجميع بدأت بالإتصال بالسادة الراغبين في الإشتراك لنبدأ خطوات جادة في التنفيذ بشراء الأراضي و البدأ في الأعمال ففوجئت بإنسحاب الغالبية العظمى منهم للأسباب التالية :-

1- منهم من يرى أن التكلفة عالية جداً !!!! 0

2- منهم من يرى أنه غير جاهز مالياً حالياً 0

3- منهم من يرى أن مديننة الشروق بعيدة جداً و لا تصلح للإستثمار 0

4- منهم من يرى أن هناك مخاطرة شديدة عند الدخول في مثل هذا الأمر و خاصة عند توريد الأموال 0

5- منهم من إنسحب بدون إبداء أي سبب لإنسحابه 0

بناء علي ما تقدم فإنه يؤسفني أن أعلن للجميع إنهاء هذا الموضوع و فشله 0

و قدر الله و ما شاء فعل و الحمد لله على كل شئ 0

مهندس / أشرف محمد

تم تعديل 5 فبراير 2010 بواسطة أشرف محمد

[ElRayes]

أخى الكريم / المهندس أشرف

هذا شئ متوقع وكما قلت لك قبل ذلك إنى حاولت أكثر من مرة وفشلت عند ِراء الأرض لانسحاب الأعضاء

ولكن يكفيك من كل هذا 3 أشخاص وأنت الرابع لتفيذ هذا المشروع وأنا ان شاء الله معك وانا ساكون فى مصر على اول شهر مارس

وبالتالى يتبقى شخصين فقط وأعتقد إنك تستطيع ان تلاقى هذين الشخصين بسهولة من كل هذا العدد

[ziad]

اخي العزيز اشرف بيه

ارجوك بلاش تزعل

ده اكيد في مصلحتك

العدد الكتير دائما مشكله ,مش هتقدر تجمع سبع تمن أشخاص علي قرار واحد وكمان هيدفعو فلوس

ارجوك كمل الفكره لكن علي شكل اصغر

اربع الشخص وانت خامسهم هو افضل شيء

آه الفلوس ممكن تبقي أكتر لكن راحه البال اهم

[مهندس تحكم]

لا تحزن يا باشمهندس أشرف...واحتسب وقتك ومجهودك عند الله ..

قدر الله وما شاء فعل...الاختلاف و التراجع في الاول افضل بكتير من الاختلاف و التراجع في منتصف الطريق....ودة امر كان متوقع...وعلشان كدة كنت بافضل الاراضي ذات المهلات الطويلة...تحسبا لانسحاب احد او اغلب الاعضاء ...

عموما ربنا يوفقك لما فية الخير إن شاء الله ...انت رجل فاضل وبتساعد الناس دون انتظار مقابل او حتي كلمة شكر وإن الله لا يضيع اجر من احسن عملا..

[عطر الجنة]

طبعا قدر الله و ماشاء فعل

طبعا المهندس م اشرف مخسرش شئ بل اكتسب خبرة فوق الخبرة

لكن الخاسرين الحقيقيين هم من تخلوا عن الفكرة و سيروا فى الغد القريب مدى خسارتهم

السعر لغاية 1400 جنيه للمتر نصف تشطيب فى المنطقة الثامنة و السابعة فى اول و تانى خط سعر ممتاز

بالمواصفات التى اعلن عنها لان المتر بيباع فيها من 1800 جنيه الى 2000 جنيه الان

انا عارفة ان الناس معظمها كان مفكر انهم حياخدوا المتر باقل من كده بكتييييييييييييير

و للاسف معرفوش يحسبوها صح

الغلطة الوحيدة فى الموضوع ان كان لازم يكون فى شخص منظم للالية دى و يكون مسئول عن كل خطوة فى المشروع

ماديا و معنويا اى يستقبل التدفق المالى و يسئل عن انجازات المبنى

و هو مايسمى بوكيل اتحاد الملاك

لكن ..............................

[hyoussif]

أوافق على الانضمام الى اتحاد الملاك المقترح وان يتم تسعير كل شقة على حدة حسب تميزها ومستعد لتولى الشؤون المالية للمشروع بحكم خبرتى وتخصصى

طبعا قدر الله و ماشاء فعل

طبعا المهندس م اشرف مخسرش شئ بل اكتسب خبرة فوق الخبرة

لكن الخاسرين الحقيقيين هم من تخلوا عن الفكرة و سيروا فى الغد القريب مدى خسارتهم

السعر لغاية 1400 جنيه للمتر نصف تشطيب فى المنطقة الثامنة و السابعة فى اول و تانى خط سعر ممتاز

بالمواصفات التى اعلن عنها لان المتر بيباع فيها من 1800 جنيه الى 2000 جنيه الان

انا عارفة ان الناس معظمها كان مفكر انهم حياخدوا المتر باقل من كده بكتييييييييييييير

و للاسف معرفوش يحسبوها صح

الغلطة الوحيدة فى الموضوع ان كان لازم يكون فى شخص منظم للالية دى و يكون مسئول عن كل خطوة فى المشروع

ماديا و معنويا اى يستقبل التدفق المالى و يسئل عن انجازات المبنى

و هو مايسمى بوكيل اتحاد الملاك

لكن ..............................

لقد عرضت خدماتى فى هذا الموضوع من البداية ومازلت على استعداد لاحيائه من جديد بشرط عقد مقابلات شخصية للتعارف للجديين فى الانضمام لهذا الاتحاد او وكلائهم ولايتم الاتفاق من خلال تليفونات او انترنت اوتحويلات وتكون الاتفاقات وجها لوجه للمصداقية و الامان وطبعا كل المشاركين اهلا لها ولامانع من نشرها على الموقع للمتابعة العامة وذلك لحساسية موضوع الفلوس جدا وخاصة فى هذه الايام وبالاخص مع المغتربين وفد كنت واحد منهم منذ فترة وجبزة ومتفهم جدا للاسباب التى دفعتهم للانسحاب ولاتنسوا ان علم الادارة سواء شؤون ادارية او مالية او اقتصادية او تسويقية00000000 الى آخره يستطيع الان ان يرفع دول ويحط اخرى فلا تحزن يابشمهندس اشرف فانهض من جديد واستمر لتحقيق هدفك من خلال مجموعة عمل كل فيما يخصه والباشمهندسة عزة لديها كل الحق

[أشرف محمد]

بسم الله الرحمن الرحيم

الأخوة الكرام / أعضاء المنتدى

تحية طيبة وبعد 000

أبدأ مشاركتي بتقديم خالص الشكر و التقدير لكل من كتب في هذا الموضوع بعد إعلاني فشله سواء على العام أو الخاص أو إتصل بي تليفونياً وقد لفت نظري بعض الأمور في هذه المشاركات أريد أن أوضحها للجميع و لكن أرجوا منكم عدم إعتبار هذا الكلام محاولة مني لإحياء الموضوع مرة أخرى 0

أولاً كيفية حساب التكلفة التقديرية للمشروع :-[/color]

سبق و أن أعلنت أن التكلفة التقديرية ستكون في حدود من 1000 إلى 1100 جنيه للمتر و تحليل هذا الرقم يتم كالتالي :-

1- الأرض = 1050 جنيه للمتر × 648 م2 = 680 ألف جنيه بالرخصة 0

تكلفة المباني :-

أساسات = 125 ألف جنيه 0

خرسانات للبدروم و الأرضي و الثلاثة أدوار متكررة = 100 ألف جنيه × 5 أدوار = 500 ألف جنيه 0

حفر + مباني + أعمال كهرباء عمومية + صحي عمومي = 235 ألف جنيه 0

إجمالي تكلفة البناء = 125 ألف + 500 ألف + 225 ألف = 860 ألف جنيه 0

إشراف هندسي 7 % = 60 ألف جنيه 0

إجمالي التكلفة 680 ألف ثمن الأرض + 860 ألف المباني + 60 ألف إشراف = 1.6 مليون جنيه 0

متوسط تكلفة العضو = 1.6 مليون جنيه ÷ 8 أفراد = 200 ألف جنيه 0

معنى هذا أن التكلفة الحقيقية لبناء وحدة سكنية بمسطح 195 م2 + مكان جراج يسع عدد 2 سيارة = 200 ألف جنيه 0

و بمقارنة هذه التكلفة بالسعر السوقي التي تفضلت و ذكرته أستاذتنا الفاضلة عطر الجنة نجد أن السعر السوقي = 195 م2 × 1800 جنيه للمتر + 30 ألف الجراج = 381 ألف جنيه 0

يعنى تكلفة هذا العرض كان نصف التكلفة لو تم الشراء من السوق 0

ثانياً نقطة الضمانات و الأمان :-

1- كان سيتم إعداد عقود موثقة تضمن لكل واحد حقوقه وتلزمه بواجباته 0

2- أعتقد أن تكليف أكبر شركة مقاولات في الشرق الأوسط ( نفتخر جميعاً بأن يتم وضع إسمها على أراضينا ) بتنفيذ المشروع كان سيعطى للجميع الثقة الكاملة في الأعمال 0

3- تصوير مراحل العمل أول بأول كما أعلنت مسبقاً سيعطى المزيد من الآمان و الإطمئنان 0

4- سبق و أن أعلنت أن جميع المصاريف سيتم نشرها على المنتدى العام حتى تكون متاحة للجميع سواء كانوا أعضاء مشتركين في الإتحاد أم لا 0

الأخوة الكرام

أسأل نفسي و أسألكم بما يرضي الله ماذا أفعل أكثر من هذا ؟

هل في حالة الرغبة في شراء شقة من السوق ستجدون كل هذه الضمانات ؟

صحيح و الله صدق ما قاله لي أحد الأعضاء في إحدى رسائله الخاصة لي بأننا لا نحب ولا نجري إلاً وراء من يضحك علينا و يخدعنا 0

الأخوة الكرام

1- أين الآن من كان يقترح تحويل هذا الموضوع إلى جمعية إسكان ؟

2- أين الآن من كان يقترح تحويل هذا الموضوع إلى شركة مساهمة ؟

3- أين الآن من كان يقترح تشكيل مجلس يتولى مراقبة الأعمال و تشكيل لجنة تراقب أعمال المجلس ؟

4- أين الآن من كان يقترح فصل السلطة التنفيذية عن السلطة التشريعية !!! ؟

أليست هذه هي بعض المشاركات في الموضوع ؟؟؟؟

والله واضح فعلاً أن الموضوع كان مجرد تضييع للوقت والتسلية ليس أكثر من هذا !!!!

الأخوة الكرام

على مدى 50 يوم كاملة تحركت هنا و هناك أعقد الإجتماعات و جهاً لوجه أتناقش و أتحاور و أجري و أبحث و أتفاوض و أتفق و يعلم الله وحده كم كانت ظروف عملي وظروفي الأسرية قاسية خلال هذه الفترة و لكنى تحاملت على نفسي كل هذا العناء في سبيل إنجاح الفكرة 0 و في الآخر هذه هي النهاية المتوقعة !!!!

بالله عليكم كيف تطلبون مني الإستمرار بعد كل هذا ؟

لا و الله لن أقبل على نفسي أن أكون وسيلة للتسلية يتسلى بها العضو في غربته و لن أسمح بتكرار ماحدث مرة أخرى 0

مهندس / أشرف محمد

تم تعديل 10 فبراير 2010 بواسطة أشرف محمد

[hyoussif]

لك الحق وكل الحق فى كل كلمة قلتها وتأكد ان اعمال الخير لاتذهب هبائا وزى مابيقولوا اعمل الخير وارميه البحر جعله الله فى ميزان حسناتك فهى زكاة مهنتك وخبرتك وهدى نفسك فأكيد رد الخير سيكون اخير منه ان شاء الله

[tanash]

[quote]لك الحق وكل الحق فى كل كلمة قلتها وتأكد ان اعمال الخير لاتذهب هبائا وزى مابيقولوا اعمل الخير وارميه البحر جعله الله فى ميزان حسناتك فهى زكاة مهنتك وخبرتك وهدى نفسك فأكيد رد الخير سيكون اخير منه ان شاء الله

[tanash]

السلام عليكم

الاخ الفاضل المهندس اشرف

الناس بتنسي ولكن ما عند الله لا يضيع ان لم تجده الان ستجده بعد حين ويمكن تتذكر تعبك حينها وتقول هذانتيجة مجهودي

ما عند الله لايضيع وربنا يبارك لك ان شاء الله

[tanash]

لا و الله لن أقبل على نفسي أن أكون وسيلة للتسلية يتسلى بها العضو في غربته و لن أسمح بتكرار ماحدث مرة أخرى 0

انا لم اكتب في هذا الموضوع من قبل ولكن نظرا لخدماتك في هذا المنتدي رايت ان اكتب حضرتك كنت قاسي علي نفسك في هذ التعبير لااحد يستطيع ذلك وانت لست هذا الشخص

الموضع ان المغتربين مش وقفين عل ارض صلبه يعني ممكن تقول عندهم افكار كتيرة وفيه تخبط في افكارهم

وده جزء من الحالة التي لانعيشها

والمجهود ان شاء الله لن يضيع يعني ما لم يفعل ما هذه المجموعة ممكن يكون مع مجموعة غيرها ودي مشاريع قائمة في مصر واعرف ناس عملوها وناجحة جدا

ولكن علي نطاق صغير وخصوصا في البداية

ولك كل التقدير والاحترام

[ElRayes]

السلام عليكم ورحمة الله وبركاته

الاخ الفاضل المهندس أشرف

أعلم تماما أن لك الحق فى كل ما ذكرته الا شئ واحد فقط

"لا و الله لن أقبل على نفسي أن أكون وسيلة للتسلية يتسلى بها العضو في غربته و لن أسمح بتكرار ماحدث مرة أخرى "

أعلم إنك بذلت مجهود عظيم فى هذا الموضوع ولكن لا يجب ان تعمم هذا على كل الناس وان كان ينطبق على معظمهم

وأنا مقدر الحالة والصدمة اللى انت بتمر بها لان لى تقريبا نفس التجربة ولكن على نطاق محدود وتقريبا حدث لك ما حدث معى وقد ذكرت لك هذا الموضوع فى اول مشاركة لى.

وكما قلت سابقا فانى يشرفنى معرفة رجل مثلك بصرف النظر عن اى شئ أخر

ولو رجعت فى قرارك وقررت استكمال الاتحاد حتى وان اقتصر على وعليك فقط فان شاء الله سأثبت لك إنك كنت مخطئ عندما عممت الجملة السابقة

[ابو حودة]

فكرة اتحاد الملاك هذه عرضتها على احد اصدقائي هنا في السعودية

قبل فتح هذا الموضوع وقررنا تنفيذها انا وهو واثنين نختارهما من اصدقائنا

وذلك لعلمي بما لها من فائدة على الجميع ولكن تم تأجيل الموضوع لعدم جاهزيتي ( توفير المال اللازم حاليا ) ممكن على منتصف هذا العام

ان شاء الله لكن دائما عندما نبدأ موضوع مثل هذا يجب ان نضع كل الاحتمالات ولا نهمل اي منها حتى لا نحزن اذا تحقق هذا الاحتمال

على الرغم من صعوبة تحققه

ما حدث انك بسبب الاقبال المبالغ فيه من قبل الاعضاء لم تتوقع ان يفشل المشروع

ولكن يجب ان تضع في اعتبارك ان خسارة معركة ليست نهاية الحرب

تمنياتي لك بالتوفيق يا بشمهندس اشرف

[عطر الجنة]

م / اشرف

حضرتك قدرت التكلفة الفعلية صح الصح

اسمحلى الا فى بعض الجوانب

مثل تمن الارض فتمن الارض فى الخطين الاول و الثانى فى المنطقة السابعة و الثامنة اكثر من ذلك بكثير

فمثلا القطعة 134 فى المجاورة الثانية المنطقة الثامنة عرضت على صاحبها 600 الف و مرضيش

رغم ان لسه عليها 7 اقساط * 34 الف

وده اللى بيباع المتر فيه للقبلى 1800 جنيه و البحرى 2000 جنيه

كمان تكلفة المبنى و تشطيب الواجهات بالصورة المرضية تتعدى 225 او 235 الف فى ظل الاسمنت ابو 560 جنيه للطن من 10 ايام

و طبعا احتمال كبير انه زاد

طبعا متر الارض ابو 1050 جنيه فمتر الشقة عليه ب 1650 جنيه

و ده طبعا سعر خيالى انك توصل بمتر الشقة الى 1100 جنيه فقط تكلفة بالمستوى ده

رجاء من الناس الجدية فعلا و تعيد حساباتها

و تعمل اتحاد ملاك لكن يكون هناك شخص يرتضيه الجميع يكون مسئول امام ربه ده اولا و امام الملاك عن كل صغيرة و كبيرة

و مش مهم النسبة التى سياخذها نظير الادارة فهى ستكون تافهة عندما توزع على 8 اشخاص

موقع الشروق سيكون خطير عندما يتم عمل الطريق الذى يسير بحذا مدينتى و يصل الى المنيب

و يربط مدينتى بالقاهرة الجديدة

فضلا عن مترو الانفاق الذى ستكون احدى محطاته على بوابة الشروق الاولى من طريق الاسماعيلية

يعنى حتة البعد دى انسوها

ده حيكون مجتمع جديد فيه كل حاجة

اى العبور و الشروق و بدر و مدينتى و الرحاب و القاهرة الجديدة و طبعا المدينة الجديدة فى المنطقة الفاصلة بين المقابر و مدينتى

و دى فنادق و مناطق ترفيهية و فيلات و عمائر على مستوى

الشروق يا اخوة الخير فيها

الجامعة البريطانية و الجامعة الفرنسية و الجامعة العربية المفتوحة ( ستفتتح هذا العام ) و الجامعة اللبنانية

و اكاديمية الشروق و كمبردج و معهد الاعلام العربى و ده الموجود الان

اى مدينة مختلفة ذو طابع خاص

تحياتى

[أشرف محمد]

بسم الله الرحمن الرحيم

الأخوة الكرام / hyoussif - tanash - ElRayes - أبو حودة

شكراً كثيراً و جزاكم الله كل خير على كل ما كتبتوه و أرجوا أن أكون أنا دائماً عند حسن ظنكم بي 0

أخوكم مهندس / أشرف محمد

[أشرف محمد]

بسم الله الرحمن الرحيم

أستاذتنا الفاضلة دائمة العطاء / عطر الجنة

تحية طيبة وبعد 000

جزاكي الله كل خير بكل حرف كتبتيه لصالحي بالمنتدى وو فقكي الله دائما لما فيه الخير و السعادة وجعل ذلك في ميزان حسناتك 0

أخوكي / مهندس أشرف محمد