اراكم بخير

[فــيــروز]

الاخوه الاعزاء

ساتغيب لبضعة ايام للقيام باجازه قصيره فى ...

شرم الشيخ ;)

طبعا سافتقدكم جميعا و سافتقد المنتدى جدا

وارجو ان اراكم على خير ان شاء الله

ويا رب مايكونش فيه حد فى نفسه ضيق او زعل منى .. وذا كان فيه يبقى اكرم منى ويعفو و يصفح .. اتمنى لكم وقت سعيد واوقات طيبه دائما .. و اتمنى ان القاكم على خير

السلام عليكم و رحمة الله و بركاته

[Scorpion]

فيروز...Enjoy your vacation....

أجازة مستحقة... و عالعموم .... كل الفنادق هناك عندهم Internet point... يعني معندكيش حجة...

شايف سي السيد مزأطط و عمال يوزع شربات يمين و شمال... يا تري ليه ليه ليه؟؟؟ ...

ترجعي بالسلامة....

[أسامة الكباريتي]

بكل خطوة سلامة بإذن الله ..

بس خلي بالك من الطيران ;)

ومن الأتوبيسات كمان ups:

والتاكسيات بتخوف ;)

مفيش أحسن من المشي ;)

أو العودة إلى الوسائل القديمة .. عربة كاررو مثلا والا حنطور ..

والا أقوللك ..

اركبي هودج على جمل

أو

اركبي حصان أبيض

ربنا يوفقك في رحلتك وترجعيلنا بالسلامة .. آخر نشاط وحيوية ..

[الأفوكاتو]

تروحى و ترجعى بالسلامة

[wa7d]

مع ألف سلامة وترجعى بالسلامة . شرم الشيخ مره واحده يابختك ياست ..

[Lighthouse]

تروحي وترجعي بالسلامة يافيروز واجازة سعيدة يارب lo:: f((:

ولو اني زعلانة منك قوي قوي ;)

ازاي تسافري وتسيبيني لوحدي ل س س يستفرد بي في غيابك ;)

على العموم معلش

ح استناكي لما تيجي وتاخدي بتاري منه ;) ( وش واحدة عايزة توقع س س في مصايب وبلاوي وخلاص ups: )

تروحي بالسلامة وتنبسطي وتتفسحي كويس ليكي ولينا وماتنسيش تعرفي لنا ليه سموها شرم الشيخ ( اصل نفسي اعرف صراحة واهي الفرصة جت فيكي ;) )

في رعاية الله :) :)

[ragab2]

تروحى

وترجعى بالسلامة

ان شاء الله

هتوحشنا مداخلاتك

[achnaton]

غيرى إسمك هناك يا فيروزة المنتدى .. والا سرقك الأسرائيليون ..كما سرقوا فيروز سينا .. وفى رعاية الله ذهابا واياب وحتوحشينا .. تكونشى دى رحلة من الرحلات المعروفة إياها .. بتاعة ركوب الهودج .. او المرشيس المزين بالورود .. قوللى يا فيروز واسعدينا .. تمنياتى الطيبة برحلة طيبة وكل سنة وانت طيبة .. وممكن برضه تضحى هناك على جبل سانت كاترين ..

اخناتون المنيا

[Salwa]

تروحى وتيجى بالسلامة يافيروز وحاولى تستمتعى بكل لحظة من الأجازة ..متفكريش فى حاجة

خالص...

حاتوحشينا ..وكل سنة وانتى طيبة.

سلامى.

[DARWEEN]

أنتي لحقتي يافيروز تطيري القرشين اللي عملتيهم من الأشراف

lo:: f((: :) :) ;)

ماشي ياست الكل أجازه وشرم الشيخ كمان ... تروحي وتيجي بالسلامه

جتنا نيله في حظنا الهباب ;) ;)

دا مش قر ولا نق .... دا حسد بس

trch: trch: ;) ups:

[maksoof]

أجازة سعيدة بإذن الله يأ فيروز و إنشاء الله ترجعى بالسلامة و إوعى تختفى زى أخونا الطفشان!!

و أمانة و إنتى هناك تشوفى لو محتاجين مشابك غسيل

;) ;) ;)

[حشيش]

مع السلامة...سافرى على ( فلاش اير)...بيقولوا انها هايلة ;) ;) ;)

[مصرى]

و إوعى تختفى زى أخونا الطفشان!!

عشان ترجعى بالسلامة بلاش طابع البوستة وبلاش نصايح حشيش ;)

[se_ Elsyed]

أيه المفاجات دي ...

س س بقى أخر من يعلم ؟ ;)

على العموم تروحي وترجعي بالسلامه ...

ماتنسيش تاخدي معاكي بولوبيف وسلمون وشوية معلبات تاني ..... والزعانف إوعي تنسي الزعانف ..

أنتم السابقون ... انا رايح هناك إن شاء الله في شهر 8 الجاي .... إديهم خبر يا ف ف ... يا سلام أما الإشراف ده كان كنز ومستخبي ...

أيه ده ... حجر وإنزاح من على قلبي ..... دلوقت ممكن أخد راحتى في باب المناقشات

[عصام]

أرزااااااق....... gjy::

[Farida]

تروحى و تيجى بالسلامه بيقولوا هناك الأسعار مولعه ... اتفسحى و انبسطى و اتمتعى بالمناظر الجميله و خصوصا المركب اللى ليها قاع زجاجى بيقولوا منظر الأسماك رائع ياريت تكتبى لنا يومياتك هناك .......

[se_ Elsyed]

أرزااااااق....... mc(:

يا ناس يا شر كفاية قر

هذا من فضل ربي .

وبعدين انا توفيراً لأموال المنتدى إخترت إني أطلع شرم الشيخ علشان ماكلفكومش :P يعني كنت ممكن اختار جزر الآزور او هاييتي ودي كانت متوافرة :P :P :P ....

لكن الواحد لسه في قلبه شوية رحمه برضوا .. وانا وفيروز أخترنا شرم الشيخ واعتقد الأفوكاتو اختار جزر الكناري ... ولانسلوت باينه طالع جمصه mf( وأبن مصر هايخد بدل الأجازة وهايقضيها في البيت .. ;)

إنتوا مش متصورين إحنا بنتعب قد أيه ... mc: me0: ax: fsh:: s-: mf-:

فهل مش من حقنا أننا نأخد أجازة علشان نرجع فريش ونعرف نشرف عليكم ؟ pps:

ما ترد يا عم إسو ياللي رميت الكلمة وجريت

كل واحد بس عمال يتكلم من بعيد ويقولك أنا لو بقيت في الإشراف هاعمل وهأسوي .. انا لو بقيت رئيس جمهورية بدل جمال هاعمل البدع ...

تعالى ياخويا أنت وهو وورينا نفسك ... أدي قصر الحكم موجود اهو ورينا هاتعمل أيه

وعلى رأي الصحفي اللامع سمير رجب " ورينا لعبك " :D :lol: gjy::

[bibo]

فهل مش من حقنا أننا نأخد أجازة علشان نرجع فريش ونعرف نفشر عليكم

gjy:: mc(: :lol: pps: mf-: mc: mf( :P

بألف سلامه تروحى وترجعى بالسلامه يا فيروزتنا يا نوارة المنتدى رمز الذوق العالى والاخلاق الرفيعه

[عصام]

ما ترد يا عم إسو ياللي رميت الكلمة وجريت

أولا أنا ما جريتش....أصل أنا ما باخافش....وماليش كبير.....ماشى؟ pps: mc(:

ثانيا إنت ليه دايما تربط أى مناقشه بموضوع الإشراف؟..... gjy::

ثالثا أنا ما قصدتش أى حاجة..انا كنت بافكرها بأشهر كلابجى (قصدى كبابجى واسمه أرزاق) هناك علشان لو ليها فى المشويات!!! :lol:

تم تعديل 26 يناير 2004 بواسطة esssothegreat

[Lancelot]

ولانسلوت  باينه طالع جمصه  gjy::

فيه تسريب أخبار بيحصل في المنتدي ده ..... نهاركوا زي بعضه .... لازم أعرف من اللي قال لسي السيد علي السر الخطير ....

فيروز .... تروحي و ترجعي بالسلامة ...