التشطيب وسنينه

[HanaaOsama]

مفيش فكيره كده للتراس على الماشى ؟

فكره زي ايه مش تراس مفتوح عادي و اكيد مرتبط بالشكل الخارجي للعماره و علي العموم في ناس دلوقتي بتعمل حائط التراس بدل الدهان سيراميك شكله عامل زي الحجر بس جميل

[طبيبة مصرية]

الاخت طبيبه مصريه

شكرا لكلماتك الرقيقة -_-

بس معلش سؤال ايه الباركيه الي اتلصق ده هل قصدك dhf ولا ايه ؟

الاخت هناء

كلماتى كانت بسيطة جدا ولاتوفيكى حقك وما شاء الله عليكى واضح انك انسانة خدومة جدا ومخلصة جدا لما حد يسالك عن حاجة..........

انتى كنتى فين وانا بشطب شقتى؟؟؟؟؟؟؟؟ :lol:

بارك الله فيكى :lol:

ردا على سؤالك لا هو مشdhf يا ريته كان dhfكان هيبقى حلو طبعا

انا تشطيب شقنى كان من 7 سنين وكان ساعتها الdhf لسه يعتبر جديد وكان غالى........

والباركيه المسمار اللى بيتعمل له ارضية خشب الاول من 3 طبقات تقريبا وبعدين يركب عليها المسمار برضه كان غالى اوى........

وانا كنت عايزة اعمل غرفتين النوم الكبار خشب فكان قدامى حلين يا اما الخشب الموسكى او الباركيه اللزق وانا كنت شفته قبل كده فى شقة عمى وكان تنفيذه حلو بس عندى طلع تنفيذه وحش اوى واعتقد ده بسبب اننا ما ادناش فرصة بين تركيب البلاط ولزق الباركيه فالبلاط كان لسه فيه رطوبة وده سبب ان اللزق فك فى اماكن كتيرة .........

[طبيبة مصرية]

الاخت طبيبة مصرية

شكرا ليكى ولكلماتك الجميلة

متزعليش على ال الغلطات ال حصلت عندك

خليها كده زى ما هى وعند نزولك للاستقرار يمكنك التعديل زى ما انتى عايزة

هتتكلفى شوية بس اكيد هتوصلى لنتيجة كويسة ان شاء الله

انا كمان عندى غلطات كتير فالشقة ومش عجبانى بس هاعمل ايه

انا كنت وصلت لمرحلة انى نزلت مخصوص مالسفر وبقيت اخرج من الصبح مع الصنايعية واقعد على ايديهم وهما شغالين ادور ورا كل واحد بيعمل ايه واقسم لهم المهام

بس انا دايما بقول لزوجى انه انا اتعلمت فتشطيب الشقة دى والشقة الجاية بقى نصلح الغلط ال حصل معانا قبل كده

:lol: -_- :blink: (ده بقى بيكون رد فعل زوجى لما بقوله كده )

بس اهم حاجة اتعلمتها انه الصنايعيى ال هجيبه يتشغل عندى لازم يورينى شغل ليه فى اى مكان تانى قبل ما يشتغل علشان اقدر احكم على شغله كويس ولا لأ

ماما نونا

الف شكر على ردك الجميل الرقيق :lol:

انا مش زعلانة خالص دى حاجة فات عليها 7 سنين ده انا لما بفتكر المواقف اللى حصلت وقتها باقعد اضحك...........

وانا فعلا بفكر زى ما حضرتك بتقولى انى ااجل الفكرة كلها لحد ما انوى انزل مصر اجازة طويلة بمشيئة الله..............

وكلام حضرتك مضبوط مية فى المية فعلا اهم حاجة العامل تكون ايده حلوة ويكون شاطر............

تصورى حضرتك ان فيه شقة فى عمارتى كانت بتتشطب بعد شقتى بسنتين تقريبا فمرة دخلت اتفرج عليها لقيتها تحفة بكل معنى الكلمة العمال ايديهم حرير والشغل كله تحفة رغم ان الخامات المستخدمة من سيراميك واخشاب ودهانات كانت ارخص بكتير من اللى انا كنت شارياه..........

[president]

مش فاهمة يعني ايه "دا ديكور خارجى واخد من الرابع لغاية فوق " !

المهم لو جزء العمود ده باتجاه الخط الاحمر يعني بجوار المكتبه و المكتبه هتبتدي من عنده يبقي مش محتاج ديكور لانه مش هيكون بارز في الحاله ديه

اما لو في اتجاه الخط الاخضر في الحاله ديه هيكون بارز و باين ممكن يتعمل فيه شغل " في صورة عندي هدور عليها "

كان قصدى ان العمود ده ديكور فى واجهة العماره والقعده بتاعته او الكرسى طالع من اول الرابع لغاية فوق عشان كده مش باين فى الرسمه انما واكل من اول الرابع

وانا طالع .

هل يوجد شباك بغرفة النوم فوق السرير المرسوم بالرسم الكروكي ؟

لا يوجد

يعني كده مفيش تهويه لغرفة النوم الا البلاكونه و لو اتقفلت مكتب مش هيكون في مكان لتهويه الاوضة

لأ ماهو تقفيل المكتب هيكون الوميتال بشباك .

هل الشقة علي الطوب الاحمر؟

محاره ( نص تشطيب)

مع وجود المحاره فعشان تعمل حائط " طوب جبلي " يبقي تقشر المحارة في الجزء ده او في دلوقتي دهان يعطي شكل الطوب " و ده علي المحاره بدون تقشير "

مش متذكره اسمة دلوقتي لكن هو موجود في الصوره الي بعتها قبل كدا داخل الحائط " المدور الاخضر " الي تخته رخامه و مفتوح فيه شباك للمطبخ

يعني بالسباكة الخارجيه ديه ينفع تغير مكان الحوض في الحمام ؟

ايوه يافندم

[president]

مفيش فكيره كده للتراس على الماشى ؟

فكره زي ايه مش تراس مفتوح عادي و اكيد مرتبط بالشكل الخارجي للعماره و علي العموم في ناس دلوقتي بتعمل حائط التراس بدل الدهان سيراميك شكله عامل زي الحجر بس جميل

فعلا حضرتك عندك حق فى موضوع الشكل الخارجى . ماعتقدش ينغع اغيره .

انا مش عايز ابقى بتقل عليكى . بس تحبى ننقل على ايه . ياريت غرفة النوم الرئيسيه عشان حاسس فيها بقلق .

هاقول لحضرتك تصورى . هاحتفظ بغرفة الملابس . وكان فى مداخله للأخت ضحى فيها صور للموضوع ده . فعلا الصور كانت جميله

طيب روح الغرفه بالنسبه لى عايزه كلايسك .

فعلى الأقل هاعمل دولاب بس مش كامل يعنى ضلفتين ولا تلاته ياترى فعلا فى حاجه كده ؟

وعايز ركنه صفيره فى زاويه وبرده هيكون فى واجهتها lcd بس صغير ممكن 21 بوصه على الحيطه .

جزء المكتب . الصراحه انا شفت افكار فى ايكيا لأستغلال المساحات الصغيره وعملها كمكاتب . الصراحه حاجات روعه واستغلال للمساحه أكتر من رائع .

فى موضوع الأستاذ سى السيد حكاياتى مع ديكوراتى شغل الحيطه اللى فوق السرير حاجه تحفه فعلا ولو طعمناه باضاءه خفيفه اعتقد هيبقى اجمل .

اعتقد ان المشكله دلوقتى فى التوزيع .

شكرا لحضراتكم

[president]

الاخت طبيبه مصريه

شكرا لكلماتك الرقيقة wst::

بس معلش سؤال ايه الباركيه الي اتلصق ده هل قصدك dhf ولا ايه ؟

الاخت هناء

كلماتى كانت بسيطة جدا ولاتوفيكى حقك وما شاء الله عليكى واضح انك انسانة خدومة جدا ومخلصة جدا لما حد يسالك عن حاجة..........

انتى كنتى فين وانا بشطب شقتى؟؟؟؟؟؟؟؟ :)

بارك الله فيكى :)

الصراحه يأخت طبيبه مصريه . انا بقيت محرج من ذوقها . اوقات كتير بحاول أتأخر فى الرد عشان متقلش عليها .

فعلا كلمات الشكر مش هتكفيها حقها هيا وماما نونا .

وان شاء الله فى التشطيب الجاى تطلع شقتك زى مانت عايزه واحلى .

تحياتى

[HanaaOsama]

لو حضرتك هتعمل خلفية جبس زي الي عند " سي السيد " تراعي المسافات بين السرير و الكنبة

[HanaaOsama]

فكره لعمود بارز

تم تعديل 15 ديسمبر 2009 بواسطة HanaaOsama

[HanaaOsama]

الصراحه يأخت طبيبه مصريه . انا بقيت محرج من ذوقها . اوقات كتير بحاول أتأخر فى الرد عشان متقلش عليها .

معلش معلش ماهو كله بحسابه ( اااه قصدي بثوابه بثوابه )

[mama nona]

مفيش فكيره كده للتراس على الماشى ؟

فكره زي ايه مش تراس مفتوح عادي و اكيد مرتبط بالشكل الخارجي للعماره و علي العموم في ناس دلوقتي بتعمل حائط التراس بدل الدهان سيراميك شكله عامل زي الحجر بس جميل

جميلة الفكرة وعمليه لانه بيكون سهل التنظيف

ووممكن تبنى جدار صغير عالجانبين وتزرع فيه

واعمل حسابك فالكهربا على ابليكات فالجدران ال ي=تكون على شكل فانوس

لزوم القعدات الهادية الرومانسية

[mama nona]

الاخت طبيبة مصرية

ان شاء الله ربنا يكرمك وتعدليها وتكون على ذوقك ان شاء الله

وممكن بعد ما نخلص شقة الاستاذ president

تدينا مواصفات شقتك والتشطيب الحالى فيها واحنا نقترح عليكى اقتراحات التعديل المناسب ليها

[mama nona]

لو حضرتك هتعمل خلفية جبس زي الي عند " سي السيد " تراعي المسافات بين السرير و الكنبة

التوزيعة كده حلوة بس عندى تعليقات

ا- التهوية الاساسية للغرفه هى البلكونة ولو حطينا المكتب مكان البكونه كده التهوية اتعدمت حتى لو كنا هنفتح الشبابيك الالوميتال

وهل يعقل انى انى افتح الشبابيك وعندى فالمكتب اوراق وحاجات مهمة

المكتب ده لازم يكون له مكان له خصوصيته ده رأيى ولا ايه؟

كمان متنساش انه فيه حمام فالغرفه فلازم تكون جيدة التهوية

2- لو هتعمل زى الجبس ال عمله سى السيد لازم تكون القبة ال فالنص بالضبط على نصف السرير

بمعنى انه فالتنفيذ لازم يتشرح لل بيصمم بالصور علشان يكون متخيله

3- ممكن نستبدل الستارة ال هناء اقترحتها بحاجة تانية

انك تغلف مكان باب البلكونه بخشب ويتعمل فيه شكل ديكورى بسيط

والخشب ده يندهن بلون غرفة النوم ونعمل باب جرار ضلفتين يفتح من جوة المكتب علشان نكون فصلنا المكتب عن غرفة النوم

وصلت الفكرة ولا ايه؟

والستارة برده اقتراح كويس بس الفكرة انك لو بتشتغل فالمكتب ال فغرفة النوم مش هيعرف ينام لغاية ما تخلص

صح ولا ايه؟

[mama nona]

بالنسبة للريسبشن الدخلى انا مش محبذة فيه اى فواصل بين السفرة والصالون لان المساحة يدوب

ولو فصلتهم اكيد هتبان المساحة ضيقة

انما الحواجز تكون حوالين الليفنج اوكى باى ان كانت الطريقة

وممكن تفكر على فوكبرة جديدة للمكتب برة

[mama nona]

حاجة كمان مهمة اوى لازم تحطها فاعتبارك

ارتفاع السقف

لو غرفة النوم موجودة فعلا لازم تقيس اعلى ارتفاع فيها وتعمل حسابك على الارتفاع ده لان اغلب العقارات التجارية بيكون السقف فيها قليل حوالى 280مثلا

انا عندى حصلت مشكلة وقت تركيب السيراميك لانى كنت عاملة صرف للمكيفات وده بياخد من الرتفاع ووقت تركيب السيراميك واجهنا المشكلة انه الارتفاع هيكون اقل من 265و الدولاب عندى 265

اضطرينا نعدل البلاط من برة الشقة من على السلم علشان نضبط الارتفاع

لان كمان كانت النجارة خلصت وكنا هنضطر نقصر الابواب كمان

[president]

لو حضرتك هتعمل خلفية جبس زي الي عند " سي السيد " تراعي المسافات بين السرير و الكنبة

تصور جميل جدا .فعلا ماشاء الله على ذوقك . ياه دا غرفة النوم خلصت بسرعه .

جميله قوى فكرة العمود . وعلى فكره الستاير دى أخت اللى عندنا فى شقتنا دلوقت بنفس الألوان ونفس التصميم .

مفيش فكيره كده للتراس على الماشى ؟

فكره زي ايه مش تراس مفتوح عادي و اكيد مرتبط بالشكل الخارجي للعماره و علي العموم في ناس دلوقتي بتعمل حائط التراس بدل الدهان سيراميك شكله عامل زي الحجر بس جميل

جميلة الفكرة وعمليه لانه بيكون سهل التنظيف

ووممكن تبنى جدار صغير عالجانبين وتزرع فيه

واعمل حسابك فالكهربا على ابليكات فالجدران ال ي=تكون على شكل فانوس

لزوم القعدات الهادية الرومانسية

تمام كده التراس .

اعتقد كده الحمد لله اكير عقباتى كانت فى تصور غرفة النوم والريسيشن بتراسه . كلها انتهت الحمد لله

غرف النوم الخاصه بالأطفال شفت حاجات جميله للأطفال فى كتالوجات وكانت فى افكار جميله للأخت لماضه مصريه كانت لذيذه أوى.

السلام عليكم و رحمة الله و بركاته

حبايبي الحلوين...

احب انوه انا ماليش في قصة الداكورات دي خاااااااااااااالص

بس لما تيجي بقي عند غرف الاطفال.....انا احب ادلي بالجردل بتاعي

اولا.....ابوس القدم.... خلوه فيه مساحااااااااااااااااااات و بلاش الكربسة في العفش دي.....كان ليا استاذ بيقولي المشكلة عندنا في مصر في حجم قطعة الاثاث مش في ضيق المساحات (يعني نعمل كورسي انتريه مثلا.... مع انه لشخص واحد بس ياكل كل الصالة و تنطر تستغني ع الكنبة)

انا بتخيل دايما غرفة الاطفال تبقي بتحكي قصتهم المفضلة.... و دي بنبتديها من اول الباب و ناخد القصة من اول حيطة و دوران داير علي الحيطان.....يعني انا بحب اليس في بلاد العجائب (اينعم هي الاوضة مش ليا...بس حبة حلم بقي)

ممكن الباب يبقي علي شكل قلب كبير...... و أرانب كده عشان باني باني (ما اظنش حد فاكره)

و بعدين لما نخش الاوضة.....لازم نلاقي اليس .....ممكن بتجري (ايوة بحب الرسومات اللي فيها حركة)

و ممكن نعمل الدولايبي علي شكل ورق كوتشينة (لا مش هنعلم العفاريت لعبة هي العروسة فين.....وش كريم عبد العزيز حرامية في تايلاند) بس ده كان جزء مهم من قصة اليس

يا ريت برضه الدولايب تبقيفي طول الطفل أو اعلي منه شوية عشان يتعود انه يحط هدومه لوحده

ممكن بقي يبقي فيه مكتب و هنا ممكن يبقي علي شكل قوالب طوب (المذاكرة هي ايه غير حاجات صغيرة فوق بعض....وش ممثل مش عارفاه في فيلم جواز بقرار جمهور)

....و رف الكتب و القصص يبقي واخد شكل هامبتي دامتي (البيضة اللي بتتكلم)

السرير يبقي شكل تاااااااااااج.....لان احلي كائن هيبقي نايم فيه

و اهم حاجة لازم يبقي فيه نجوم فوسفورية في السقف..... و نجوم نازلة بحبال رفيعة كده عشان لما نطفي النور تنور في الضلمة و تخيله باصص للسما

الشباك اللي في الاوضة بقي يا ريت يبقي علي شكل مصباح سحري....الله مش هو ده اللي بيخليه يشوف عالم جديد(الا إذا كان بيبص ع المنور )

مش عارفة اعمل ايه تاني

انا نسيت حاجة

بس ركن اللعب يبقي متحرك يعني ممكن يبقي صندوق للعب و كورسي في نفس الوقت

مش عارفة الاوضة كده هيبقي شكلها حلو و لا ايه

بس بالطريقه دى الواحد محتاج يغير ديكورات الغرفه فى كل مرحله سنيه .

فى حاجه تانيه نفسيه فى الموضوع انا عايز الطفل يحب غرفته بس متبقاش مملكته . عن حالات امامى الطفل

كثير العزله فى غرفته سيصبح اكثر انطوائيه وعزله عن اسرته .

على العموم كلى أذان صاغيه لأى كبسولات ديكوريه .

تحياتى

تم تعديل 15 ديسمبر 2009 بواسطة president

[president]

التوزيعة كده حلوة بس عندى تعليقات

ا- التهوية الاساسية للغرفه هى البلكونة ولو حطينا المكتب مكان البكونه كده التهوية اتعدمت حتى لو كنا هنفتح الشبابيك الالوميتال

وهل يعقل انى انى افتح الشبابيك وعندى فالمكتب اوراق وحاجات مهمة

المكتب ده لازم يكون له مكان له خصوصيته ده رأيى ولا ايه؟

ماهو عشان خصوصية المكتب انا متخيله هنا . ولو على تهويه الحمام من الخمام نفسه انما تهوية الغرفه هتتاثر للدرجاتى ؟؟؟؟؟؟؟؟؟؟؟؟؟

3- ممكن نستبدل الستارة ال هناء اقترحتها بحاجة تانية

انك تغلف مكان باب البلكونه بخشب ويتعمل فيه شكل ديكورى بسيط

والخشب ده يندهن بلون غرفة النوم ونعمل باب جرار ضلفتين يفتح من جوة المكتب علشان نكون فصلنا المكتب عن غرفة النوم

وصلت الفكرة ولا ايه؟

وصلت الفكره فعلا وجميله جدا انا فعلا ميال ليها اكتر من الستاره .

[HanaaOsama]

التوزيعة كده حلوة بس عندى تعليقات

ا- التهوية الاساسية للغرفه هى البلكونة ولو حطينا المكتب مكان البكونه كده التهوية اتعدمت حتى لو كنا هنفتح الشبابيك الالوميتال

وهل يعقل انى انى افتح الشبابيك وعندى فالمكتب اوراق وحاجات مهمة

المكتب ده لازم يكون له مكان له خصوصيته ده رأيى ولا ايه؟

ماهو عشان خصوصية المكتب انا متخيله هنا . ولو على تهويه الحمام من الخمام نفسه انما تهوية الغرفه هتتاثر للدرجاتى ؟؟؟؟؟؟؟؟؟؟؟؟؟

وضع المكتب هنا لان اعتقد مفيش مكان غيره في الشقة ينفع مكتب و بالنسبة للتهويه طالما الستاره مفتوحة اكن مفيش جائط و الحمام فيه شباك علي المنور

و بالنسبة للمكتب اكيد هيكون عليه كمبيوتر و المكتبه فيها كتب و الاوراق يبقي استاذ president يحطها في الدرج عشان متطرش :lol:

و اكيد كمان الالوميتال فيه سلك

3- ممكن نستبدل الستارة ال هناء اقترحتها بحاجة تانية

انك تغلف مكان باب البلكونه بخشب ويتعمل فيه شكل ديكورى بسيط

والخشب ده يندهن بلون غرفة النوم ونعمل باب جرار ضلفتين يفتح من جوة المكتب علشان نكون فصلنا المكتب عن غرفة النوم

وصلت الفكرة ولا ايه؟

وصلت الفكره فعلا وجميله جدا انا فعلا ميال ليها اكتر من الستاره .

لما فكرت في كدا الاول لقيت ان بكده التهويه هي الي هتبقي معدومة و كمان " الضوء " مش هيكون في اي ضوء في الغرفة الا اذا فتحت باب المكتب ! يبقي هيكون غالبا مفتوح و بعيدن الستاره تكون خفيفة و هي لمجرد ان اول ما حد يتدخل الاوضة ميشوفش المكتب direct

و علي العموم كله حسب رؤية و استخدام استاذ president

تم تعديل 16 ديسمبر 2009 بواسطة HanaaOsama

[HanaaOsama]

كانت فى افكار جميله للأخت لماضه مصريه كانت لذيذه أوى.

اهو موضوع الاخت لماضة ده ضحكني جدا هو بجد خبالها فطيع جميل جدا بس هاتلي الصنايعي الي هينفذ الكلام ده و مش هيبص من فوق لتحت :lol:

و خصوصا

السلام عليكم و رحمة الله و بركاته

حبايبي الحلوين...

الشباك اللي في الاوضة بقي يا ريت يبقي علي شكل مصباح سحري....الله مش هو ده اللي بيخليه يشوف عالم جديد(الا إذا كان بيبص ع المنور )

[HanaaOsama]

في نقطة نسيناها في الريسبشن

لو حضرتك هتعمل وزرات ارضية في البورسيللن ( اطارات ) تراعي المسافات بين الاطار و الحائط يعني لو هتعمل تحت السفرة يبقي الاطار جواه السفرة و الكراسي و لو في الصالون يبقي جواه ترابيزه الصالون و السجاده بتاعتة و برضة لا يدخل تحت الكنب و الكراسي

و نقطة تانية لو هتعمل سلمة في الجزء الخارجي للريسبشن لازم يكون في تصرف في شباك البلاكونه الالوميتال لان زي ما فهمت انه راكب

[president]

في نقطة نسيناها في الريسبشن

لو حضرتك هتعمل وزرات ارضية في البورسيللن ( اطارات ) تراعي المسافات بين الاطار و الحائط يعني لو هتعمل تحت السفرة يبقي الاطار جواه السفرة و الكراسي و لو في الصالون يبقي جواه ترابيزه الصالون و السجاده بتاعتة و برضة لا يدخل تحت الكنب و الكراسي

و نقطة تانية لو هتعمل سلمة في الجزء الخارجي للريسبشن لازم يكون في تصرف في شباك البلاكونه الالوميتال لان زي ما فهمت انه راكب

عندك حق فى موضوع الأطارت . سؤال هو برده بيبقى فى وزرات فى الرخام .

اللى انا فهمته أخر مره ان الجزء الخارجى لليفنج مش محتاج سلمه والسلمه تكون للجزء الداخلى (السفره والصالون ) صح كده ولا ايه؟

سؤال بقى محيرنى . هيا السفره متبقاش سفره من غير نيش وبوفيه ؟ وهدفهم الأساسى الشكل ولا عشان نحط فى الأطقم بتاعتنا وشوية الكريستالات.

يعنى تبقى مشكله لو سفره شيك ترابيزه بكراسى وحواليهم شغل جامد . انا مش معترض عليهم . انا معترض على انهم لازم يلزقوا .

انا حاسس ان النيش ده كان بنقول للناس بصوا شوفوا احنا عندنا ايه؟

ينفع سفره من غير نيش وبوفيه -طبعا الكلام ده بينى وبينكم - انما وقت الجد البوفيه والنيش قبل السفره نفسها tot:: ؟

تحياتى