أنا أفهم فى الدين أكتر منك ومن اللى خلفوكى

[Amr Radwan]

في زيارة لفضيلة الشيخ طنطاوي شيخ الازهر لاحد المعاهد الازهرية في مدينة نصر شاهد طالبة ترتدي النقاب فما كان منه الا ان امرها بخلع النقاب و انفعل و تطاول عليها بالكلام بقوله "أنا أفهم فى الدين أكتر منك ومن اللى خلفوكى" , و بعد ان خلعت النقاب قال لها "«لما إنت كده أمال لو كنت جميلة شوية كنت عملتى إيه؟»" بالله عليكم هل هذه طريقة للكلام و النقاش و خاصة لاحد كبار رجال الدين في الدولة ؟!؟!

انا طبعا لا اناقش فرضية النقاب و لكن اتكلم عن اسلوب رجل دين حكومي في زيارة ميدانية !!! و هل الدين الاسلامي حكرا علي شيخ الازهر ؟؟!؟ و هل يتحمل شيخ الازهر العقاب من الله عز و جل لو كان خلع النقاب امر يغضب الله عز و جل ؟؟ و في النهاية ... قرار بمنع ارتداء النقاب في المعاهد الازهرية ...

اري ان المعاهد الازهرية يجب تغير اسمها الي .. المعاهد الطنطاوية الفرنسية لخلع النقاب

و عجبي

شيخ الأزهر يجبر طالبة على خلع «نقابها».. ويعلن عزمه إصدار قرار بمنع دخول «المنتقبات» المعاهد

كتب أحمد البحيرى 5/ 10/ 2009

طنطاوى

أجبر الدكتور محمد سيد طنطاوى، شيخ الأزهر، إحدى الطالبات المنتقبات على خلع نقابها، أثناء جولته التفقدية لمعاهد الأزهر للوقوف على مدى استعدادها لمواجهة انتشار فيروس «H1N1» المعروف باسم «أنفلونزا الخنازير»، معلناً عزمه إصدار قرار رسمى بمنع دخول المنتقبات معاهد الأزهر.

فوجئ طنطاوى أثناء جولته التفقدية فى معهد فتيات أحمد الليبى بمدينة نصر، أمس الأول، بإحدى الطالبات فى الصف الثانى الإعدادى ترتدى النقاب داخل الفصل، فانفعل بشدة وطالبها بضرورة خلع نقابها قائلاً: «النقاب مجرد عادة لا علاقة له بالدين الإسلامى من قريب أو بعيد، وبعدين إنت قاعدة مع زميلاتك البنات فى الفصل لابسة النقاب ليه؟».

ولم تجد الطالبة أمامها وسيلة أخرى فى مواجهة إصرار شيخ الأزهر على خلع النقاب سوى تنفيذ الأمر بخلعه وكشف وجهها، فرد طنطاوى قائلاً: «لما إنت كده أمال لو كنت جميلة شوية كنت عملتى إيه؟».

وردت إحدى المدرسات بالمعهد قائلة: «إن الطالبة تقوم بخلع نقابها داخل المعهد لأن كل المتواجدات فيه فتيات، ولم تقم بارتدائه إلا حينما وجدت فضيلتك والوفد المرافق تدخلون الفصل».

وطلب شيخ الأزهر من الطالبة عدم ارتداء النقاب مرة أخرى طوال حياتها، فقالت إنها تقوم بارتدائه حتى لا يراها أحد، فرد طنطاوى منفعلاً: «قلت لك إن النقاب لا علاقة له بالإسلام وهو مجرد عادة، وأنا أفهم فى الدين أكتر منك ومن اللى خلفوكى».

وأعلن طنطاوى على الفور عزمه إصدار قرار رسمى بمنع ارتداء النقاب داخل المعاهد الأزهرية، ومنع دخول أى طالبة أو مدرسة المعهد مرتدية «النقاب».

وشملت جولة طنطاوى التفقدية أيضاً مجمع معاهد مدينة نصر، وفتيات المنطقة السادسة. وشدد خلال جولته على ضرورة لصق الإرشادات الخاصة بمواجهة فيروس «أنفلونزا الخنازير» فى الأماكن الظاهرة بالمعاهد الأزهرية، والاهتمام بغرف الرعاية الصحية والنظافة الدائمة فى الفصول الدراسية ودورات المياه وتطهيرها بصفة مستمرة على مدار اليوم، مع التأكيد على عدم تجاوز الكثافة المسموح بها داخل الفصول.

http://www.almasry-alyoum.com/article2.aspx?ArticleID=228178

[النيل حبيبي]

ولم تجد الطالبة أمامها وسيلة أخرى فى مواجهة إصرار شيخ الأزهر على خلع النقاب سوى تنفيذ الأمر بخلعه وكشف وجهها، فرد طنطاوى قائلاً: «لما إنت كده أمال لو كنت جميلة شوية كنت عملتى إيه؟».

وردت إحدى المدرسات بالمعهد قائلة: «إن الطالبة تقوم بخلع نقابها داخل المعهد لأن كل المتواجدات فيه فتيات، ولم تقم بارتدائه إلا حينما وجدت فضيلتك والوفد المرافق تدخلون الفصل».

وطلب شيخ الأزهر من الطالبة عدم ارتداء النقاب مرة أخرى طوال حياتها، فقالت إنها تقوم بارتدائه حتى لا يراها أحد، فرد طنطاوى منفعلاً: «قلت لك إن النقاب لا علاقة له بالإسلام وهو مجرد عادة، وأنا أفهم فى الدين أكتر منك ومن اللى خلفوكى».

لالالالالالالالالالالالالالالالالاتعلييييييييييييييق

[Amr Radwan]

http://www.youtube.com/watch?v=rdXKF8f6GbE

[doha]

بغض النظر عن موقفي الشخصي ( المتحفظ ) على طنطاوي الا اني لا ارجح ان مانسب اليه في هذا الخبر صحيح ..

لايمكن لشخص في دبلوماسية طنطاوي وهدوءه المشهور عنه ان يخاطب طالبة تكاد تكون طفلة بمثل هذا الكلام ( امال لو جميلة شويه ,, افهم منك ومن الي خلفوكي )

اعتقد الخبر به تفاصيل غير صحيحه او مروي بطريقة ما مخالفة لما حدث فعلا ..

اتوقع ان يصدر تكذيبا ما للخبر ..

ا

[Amr Radwan]

انا اتمني ان اري شيخ الازهر في صورة اخري غير التي دائما اشاهدها و اسمع عنها .. في كل مواقفه

مثل مصافحة بيرريز بحرارة و ابتسام و غيرها و الافضل ان لا اسمع تعقيب له لان تعقيبه بيكون عذر اقبح من ذنب مثل رده بعد مصافحة بيريز "ما كنتش اعرفه .. انا عرفت بعد كده ان ده بيريز !!!!!!! " هل اي واحد عدا ال 10 سنوات من عمره لا يعرف من هو شمعون بيريز ؟ مش شيخ الازهر اللي عدا السبعين !!!!

عموما ..

اتمني فعلا ان اسمع موقف ايجابي جيد لشيخ الازهر

[aimen]

سبعين مين يا حاج ...

الراجل بيلعب فى ال81 ...

فى رأيى دا كله امتداد للتدين المغشوش ...دائما ما نلتفت الى الصغائر ونترك الكبائر .....

بالمناسبة ما سمعنا صوته بخصوص احداث المسجد الأقصى الأخيرة ولا الكبير ما ادالوش اذن

اه اصل دى حاجات توافه انما الحجاب والنقاب دى من عظائم الأمور ...اللى لازم كلنا نحاربها ...

تم تعديل 5 أكتوبر 2009 بواسطة aimen

[Amr Radwan]

http://www.youtube.com/watch?v=CSWcG6aLjmo

ده حوار صوتي له بخصوص سلامه علي بيريز .. "انا ماشي كده و واحد سلم عليا .. سلت عليه !!!" و لا يعرف ان هناك حصار علي غزة !!! و اللي عملوا الكلام ده (--) ولاد (--) شوف الفيديو و انت تسمع بنفسك العبارات و الالفاظ

تم تعديل 5 أكتوبر 2009 بواسطة Amr Radwan

[Morial]

ولوكنت فظا غليظ القلب لانفضوا من حولك صدق الله العظيم رغم ان عقلي لا يستوعب ان يصدر مثل هذا التصرف عن رجل دين حتي وان كان مولانا في الكتاب فما بالنا بشيخ الازهر ألا انني انصحه ولوجه الله ان يتأمل معني الايه الكريمة قبل ان يدعي انه يفهم في الدين اكثر من طالب الاعدادية

[عبير يونس]

بغض النظر عن موقفي الشخصي ( المتحفظ ) على طنطاوي الا اني لا ارجح ان مانسب اليه في هذا الخبر صحيح ..

لايمكن لشخص في دبلوماسية طنطاوي وهدوءه المشهور عنه ان يخاطب طالبة تكاد تكون طفلة بمثل هذا الكلام ( امال لو جميلة شويه ,, افهم منك ومن الي خلفوكي )

اعتقد الخبر به تفاصيل غير صحيحه او مروي بطريقة ما مخالفة لما حدث فعلا ..

اتوقع ان يصدر تكذيبا ما للخبر ..

ا

أنا مع كلام الأخت ضحى

مش ممكن يصدر مثل هذا الكلام من رجل في منصب شيخ الأزهر

أكيد في لبس في الموضوع

معقول يقول للبنت الكلام ده؟؟؟!!!

مش مصدقة و انتظر تكذيب

:rolleyes:

[د هشام ابراهيم]

لو صح الكلام ده عنه فاكرم له انه يستقيل .... إيه الفرق بينه و بين دعاة التعصب و الغلو لو اتبع نفس الأسلوب الفج الجاف في فرض رأيه و تفسيره ...سواء اختلفنا أو اتفقنا مع الفكر ... الطرح خاطيء تماما

ما زلت أعتقد إن سبب رئيسي في تدهور حال البلد كلها هو تدهور حال الأزهر و رجالاته

ادعو الله أن يكون الخبر غير صحيح

[الدكتورة أم أحمد]

السلام عليكم ورحمة الله وبركاته

لك الله يا إسلام مادام هذا هو فعل مَن مِن المفترض أنهم حماة الإسلام والعقيدة

من حسن الحظ أن الشيخ الطنطاوي ممن يحترمون الآخر ويدعون إلى احترامه

وإلا فلا ندري ماذا كان سيحدث لهذه الطفلة

وأسأل الله لنا وله حسن الخاتمة

[mandoo]

http://www.youtube.com/watch?v=CSWcG6aLjmo

ده حوار صوتي له بخصوص سلامه علي بيريز .. "انا ماشي كده و واحد سلم عليا .. سلت عليه !!!" و لا يعرف ان هناك حصار علي غزة !!! و اللي عملوا الكلام ده (--) ولاد (--) شوف الفيديو و انت تسمع بنفسك العبارات و الالفاظ

بعد إستماعى للحوار الصوتى مع فضيلة شيخ الأزهر لا أجد تعليق أقيم وأبلغ مما قاله الشيخ وجدى غنيم .....

http://www.youtube.com/watch?v=CrjLvpi3gMs...feature=related

[MZohairy]

اشك في صحة هذا الخبر

و ان صح فارجعه الى كبر سن الشيخ

و ربنا يحسن ختامنا

[MZohairy]

العلماء لحومهم مسمومه

[مصري المصري]

هذا الشخص ليس بمخرف .. إنه يعي جيداً ما يفعله ..

إنه تاجر من تجار الدنيا ..

أحسبه ممن قال الله فيهم .. (إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلًا أُولَئِكَ لَا خَلَاقَ لَهُمْ فِي الْآخِرَةِ وَلَا يُكَلِّمُهُمْ اللَّهُ وَلَا يَنْظُرُ إِلَيْهِمْ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ)

حسبنا الله ونعم الوكيل ..

[newcomer]

{ مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ }

{ يَاأَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }

يا جماعة خلينا نصبر شوية قبل ما نهاجم او نصفق

الاول زى ما حد من الافاضل قال : خلينا نراعى سن الراجل

و الضغوط اللى عليه فى سنه دى

و بعدين دى رواية شفهيه ما حدش شاف تسجيل للكلام ده

بعدين اذا فعلا حصل ماحدش قال البنت و لا المدرسة اتكلموا معاه ازاى

( طبعا ما فيش حاجة تبرر الشتيمة)

بس اكيد هاتكون حاجة تغيظ لو لقيت ناس من عمر احفاد احفادك

بيتناقشوا معاك فى علم ضيعت عمرك بتدرسه و واخد فيه كام دكتوراه

و الله و اعلم بالطريقة اللى اتكلموا بيها

لأن مش معقول اى حد طبيعى هايدخل على ناس بيتكلموا معاه بادب

و يشتم فيهم ( ده مع افتراض انه حصل)

افتكر برضة السنة اللى فاتت كان فيه موضوع شبيه

برضه بيتشتم فيه الشيخ لما سلم على بيريز

اللى كان مدعو فى سفارة احدى الدول العربية

و تقريبا كان نفس منهج المناقشة

ما حدش ناقش و لا شتم الدولة العربية اللى دعت بيريز

بس الاسهل و اللى كتير مننا اتعود عليه

انه الراجل اتشتم و كأنه هو السبب فى احتلال فلسطين

و هاقول زى ما قلت برضة السنة اللى فاتت

شيخ الازهر مش قريبى و لا عندى صلة بيه

لكن بصراحة حسيت بالغيرة

لما دولة عربية بقالها كام شهر بتغير فى شكل حياتها

و بتغير فى حاجات كانت بتعتبر من الثوابت عندها

زى السماح بوجود دور عرض سينيمائيه او الاختلاط فى مدارس و جامعات

ما سمعناش حد بيسب و بيشتم فى شيوخ و أأمة الدولة دى

و سمعنا "انه بناء على الادلة الشرعية كذا و كذا .....و اسألوا اهل الذكر....

و........و........ شفنا كل احترام لعلماء الدولة دى.....و من الكل

يا ريت نساعد بعض ......ان ما يبقاش دمنا مستباح للناس كلها

نزعل و نتضايق لو استوثقنا من الخبر

بس ما نهدرش دم اللى بيغلط

ربنا يهدينا و يهديه و يغفر له و لنا

[اميره]

انا للأسف مش بوافقك الرأى ياnewcomer لأنك بتدافعى وكأنو ملاك واحنا ظالمينو ومفهمتش يعنى ايه خلينا نراعى سن الراجل طيب مافى ناس اكبر منو ولكن محترمين وواعيين لما يقولوه واذا كان كبر وبيخرف ليه موجود لحد دلوقتى فهمونا بقا ولوكنت شاهدتى 90 دقيقه كنت تأكدتى من الخبر بوجود الصحفى احمد البحيرى صحفى بجريدة المصرى اليوم وكان حاضر للواقعه وتكلم عنها . و البنت زى ماورد على لسان الصحفى ماقالت غير كلمتين انا لبساه عشان مش عايزه اكشف وجهى وانا ماشيه بالشارع غلطت يعنى البنت كفرت يعنى ياشيخ الازهر ياصاحب الدين والفضيله . واذا افترضنا ان حدث نقاش بينه وبين البنت يسمعها مش يشتمها ويجبرها على خلع النقاب ويقولها امال لو حلوه شويه كنت عملتى ايه بذمتك دا أسلوب عالم وشيخ فاضل ذو مكانه يحتذى بها ولا أسلوب شخص ********************* وبعدين انتو ليه مستغربين انو يحصل منو كدا هو دايما كدا كل فتره يطلع بمصيبه وفضيحه وبعدين حضرتك ازاى بتبررى موقفه وسلامه على شمون بيريز اولا احنا مالناش دعوه بالدوله الى استضافته أحنا نتكلم فقط على المصيبه ازاى شيخ ومش اى شيخ للأسف شيخ الازهر ويسلم بكل حب وود على قاتل الأبرياء الى ذكرهم ربنا فى القرأن بأن ليس لهم عهد ولادين ميعرفش هو الحته دى ولا يمكن نسى القرأن الى بيقرأه . والدوله الى بتقولى بتحاول تغير فى منهج حياتها أعلم انك تقصدى السعوديه والجامعه المختلطه وليس له اى علاقه بالموضوع الذى نتكلم فيه هناك فرق لأن الشيخ هو الى معترض على مبدأ الاختلاط والملك أقاله هذه كارثه ثانيه .. وهذه هى وجهة نظرى تجاه الموضوع مع تحياتى

[MZohairy]

الملك عبد الله رجل ذو كاريزما خاصه و الكل مجمع عليه

و قراره بإقالة هذا الشيخ هو تطور في الفكر السعودي تجاه التقهقر الديني الزائل قريبا بإذن الله

[أسد]

تم حذف بعض المداخلات لاحتوائها على سب في حق الشيخ طنطاوي وشخصه .. وهذا السباب لا يبطبقعليه إنتقاد أو إختلاف في الرأي مهما كان ..

وبغض النظر عن مكانة الشيخ طنطاوي كشيخ للأزهر ومفتي سابق لمصر .. ومهما كان سبب إالإختلاف معه .. فلا يصح أن يطلق عليه تلك الألفاظ التي نعت بها من بعض الأخوة

رجاء أخذ كل هذا في الإعتبار .. وسيتم حذف أي تعليق خارج عن حدود اللياقة .. وآداب المحاورات ..

شكراً لتفهمكم

أسد

فريق الإشراف

[HDarwish]

http://www.alraimedia.com/alrai/Article.aspx?id=159563

الخبر في جريدة الراي ولاحظو تعليقات القُرّاء