خلاص هتنزل المرة دي ...لكن اعملي حسابك المرة الجاية .....

[احمد هادي]

يااااه

ده الجواز طلع سهل اوي وصعب اوي يا جدعان

الحكاية ببساطة اني إذ فجأة اتجوزت

بسرعة كده وفي 5 ايام

اتكعبلت انا وهي في بعض

قلنا نقرا الفاتحة ....

وبعدين قلنا ...طب ما نخليها شبكة ...

وبعدين حسينا اننا نعرف بعض من سنين مش من ايام

قلنا علي رأي أخونا اللمبي تاسع يوم العيد نخليها شكبة وكبت كباب

أخوكوا لما لقي الموضوع ماشي والدنيا حلوة

قلت لنفسي بما ان كتب الكتاب جواز مع ايقاف التنفيذ

نخليها دخلة

المهم في الآخر لقينا نفسنا قدان عمو الشيخ مأذون وقولي ورايا وزوجتك نفسي وألف مبروك يا عريس

مشكلتي انا ومراتي اننا ابتدينا من الآخر

يعني الناس بتعرف بعض وبعدين بتتجوز

احنا بقي نختلف عن الآخرين

اتجوزنا وبعدين بدأنا نعرف بعض

احيانا بنختلف في وجهات النظر

وحد فينا لازم يقنع التاني

أو يتنازل

خصوصا انه انا وهي في غربة ومفيش طرف تالت ممكن نأخد رأيه في اي موقف بيننا

أيها المتزوجون من المتحاوريين

عندي لكم سؤال ....

فاكرين ايام زواجكم الاولي ....

فاكريت أول خناقة وأول زعل وأول مشكلة ؟

ممكن تفيدوني في الموضوع ده وتقولولي

ايه هي المواقف اللي الواحد ينفع يتنازل فيها؟

وايه المواقف اللي لا يمكن كلمته تنزل الارض؟

تحياتي

تم تعديل 2 أكتوبر 2009 بواسطة احمد هادي

[mama nona]

الف مبروك استاذ احمد

وربنا يبعد عنكم الخناق والمشاكل ان شاء الله

:lol:

[احمد هادي]

الله يبارك فيكي

وربنا يسعد ايامك يارب

بس هو فيه حياه زوجيه من غير مشاكل ؟؟؟

[maksoof]

سر سعادتى الزوجية هو إننا إتفقنا من الأول إن فى المواقف المهمة القرار حيكون قرارى أنا و فى المواضيع اللى مش مهمة حيكون قرارها هى.

و الحمد لله بقالنا 35 سنة متجوزين و لغاية دلوقت ما صادفناش ولا حتى موقف واحد مهم

(مترجم)

[ذهبية]

الف الف مبروك على الزواج اللى بسسسسسسسرعة الصاروخ

بص يا سيدى اصعب سنة فى الجواز كلة السنة الاولى سواء انت تعرف مراتك من شهر او سنة او حتى ايام

اختلاف الطباع و العادات فى بيتك وانت مع اهلك و هى كمان بالتالى المووضع بيكون صعب شوية لحد ما انتم الاتنين بتعملوا بيت خاص بيكم لة قواعدة الخاصة المختلفة بالطريقة اللى تريحكم

و شوف بقى اللى هتعملة فى السنة دى هيكون اساس هتمشى علية حياتك كلها

يعنى لو عودت مراتك لو زعلتها انها هى الىل تصالحك هتفضل كدة العمر كلة معاك و العكس صحيح والمثل بيقولك ابنك على ما تربية و جوزك على ما تعودية او مراتك على ما تعودها

انت اتعامل بطبعتك و شخصيتك بس بشرط تعمل قاعدة ضغيرة كدة معاهافى الاول تقولها فية كل الىل بتحبة و كل اللى بتكرهة و اسمع منها هى كمان و حسسها انك مهتم جدا باللى يسعدها و بجد حاول تعملة لها طالما فى استطاعتك

لاحظ جدااا جدا ان السيدات عاطفيات جداااو اى لمسة فيها رقة او رومانسية هتفرق معاها جدا

ومتخليش اى خصام بينكم يدوم اكتر من ساعة مش يوم اختلفوا اة لكن خصام لا

و اهممممممممم حاجة اوع اى حد يتدخل فى خصامك لا انت تروح تحكى لاهلها و لا هى كمان اكتر حاجة بتحرق الست لو حست انها قاعدة فى الشارع اللى رايح جاى عارف ادق تفاصيل حياتها

والكلام دة ليها هى كمان دى تكون اول نصيحة تقولة لها و تحذرها منة

انت كرجل وخبرتك اكبر منها لازم تفهمها و تصبر عليها لحدما هى من نفسها هتتعود على طبعك بس نتيجة جوازك السريع جداااااا

اعتقد قبل ما تفكر فى الخصام و الخناق فكر الاول فى الحب العاطفة

يعنى انت لازم دة يكون همك الاول ازاى تخليها تحبك وانت كمان تحبها علشان ما ياتى اى موقف لخلاف تقول اول كلمة انا اتسرعت

ربنا يسعدك و يوفقك يارب

ذهبية

[عنبو]

maksoof مشاركة بتاريخ اليوم, 05:36 AM

سر سعادتى الزوجية هو إننا إتفقنا من الأول إن فى المواقف المهمة القرار حيكون قرارى أنا و فى المواضيع اللى مش مهمة حيكون قرارها هى.

و الحمد لله بقالنا 35 سنة متجوزين و لغاية دلوقت ما صادفناش ولا حتى موقف واحد مهم

(مترجم)

بجد انا مبطلتش ضحك لما قريتها جااااااااااااااااااااااااااااااااااااااااامده :sad:

بما انى ليس من اصحاب الخبره فمعرفش اقولك حاجه

بس برضه فيه قاعده ممكن تمشى عليها كل حاجه هنتناقش فيها لو حد فينا اقنع التانى يبقى خلاص طيب افرض كل واحد نشف دماغه يبقى اكيد راى الراجل هو اللى هيمشى ليه لانه برده هو اللى البيت مسؤل منه فى الاول والاخر

[النسر المصري]

ا

يعنى لو عودت مراتك لو زعلتها انها هى الىل تصالحك هتفضل كدة العمر كلة معاك و العكس صحيح والمثل بيقولك ابنك على ما تربية و جوزك على ما تعودية او مراتك على ما تعودها

طبعا ده في حالة اذا رضخ الطرف المراد تعويده للآخر....لازم يرضخ عشان يبقى اسمه اتعود .....وفي حالات كتييييييييييييييييييييييييييير لا يرضخ طرف لآخر....وينتهي قصتهم بالانفصال اخيرا!!!!

و اهممممممممم حاجة اوع اى حد يتدخل فى خصامك

دي اهممممممممم حاجه فعلا

وكانت احدى الشروط اللي شرطها على مراتي قبل ما حتى نبدأ نتعرف على بعض ...وهو اذا ماقبلت فهو قرار لا يقبل النقض فيه...بمعنى في حالة المخالفه..لن يكون هناك عقاب...بل سنصل للنهاية بسرعة الهاوية...

وصدقوني ٩٠٪ من مشاكل الزوجية بسبب انهم يشركون الآخرين في حياتهم الشخصية

كونوا صناع قرار

كونوا صناع حياة زوجية

[muhamed]

عندي لكم سؤال ....

فاكرين ايام زواجكم الاولي ....

فاكريت أول خناقة وأول زعل وأول مشكلة ؟

ممكن تفيدوني في الموضوع ده وتقولولي

ايه هي المواقف اللي الواحد ينفع يتنازل فيها؟

وايه المواقف اللي لا يمكن كلمته تنزل الارض؟

تحياتي

اولا الف مبروك و ربنا يسعدكم و يهدى حالكم و يرزقكم الذرية الصالحه

سؤالك ده اللى يجاوب عليه هو انتى مش حد تانى

لان الكلام ده بيختلف من شخص لاخر و ايضا يتوقف على شخصية المدام

و اهم حاجه على حسب اهمية موضوع الخلاف

لو موضوع مهم و اساسى بيبقى بالتوافق و الاقناع و بنسى خالص حاجه اسمها تنازل

لكن بقى لو موضوع مش مهم و مش اساسى

و صلنا لاحلى نقطه و دى ليها معزه جامده عندى

برفض التنازل و اتمسك برأى

[ذهبية]

يا استاذ نسر مصرى

موضوع مين يرضخ لمين دة موضوع مفتوح حسب المشكلةو الشخصيات و حسب الحب بين الطرفين ومدى اقتناعهم ببعض و عايزين ينجحوا الجواز ولالا

انا شايفة علشان الراجل يوصل لمرحلة ان يقدر يمشى كلمتة على مراتة لازم يكون فية الاول رصيد من الحب فى قلب المراءة لان بالحب بيفتح كل الابواب المغلقة

تانى حاجة انة يكون لدية الحجة و الاقناع والصبر

و يحسس مراتة انة مش بيعندمعاة و برضة مفيش مانع لو مشى كلامها فى بعض الامور علشان هى تحس انة بيهتم بيها و برايها

ومع وجود الاولاد الحياة بتتغير و بيكون للاولاد دور كبير فى تقريب وجهات النظر مع العشرة بين الزوجين بيفهموا بعض

و ربنا يوفقك يارب

ذهبية

[سهيلة]

roseop: :lol:

الف الف مبروووووووووووووووك اخيرا استاذ احمد هادى عملها ودخل القفص الذهبى

ربنا يسعدكم

وعقبال اللى لسه ف المنتدى

بص يسيدى

انا مع دهبيه ف كلامها

اول سنه جواز اصعب سنه واكتر سنه فيها مشاكل عن تجربه انا وكللللللللللللللل صحباتى وقرايبى

بعد كدة الحياة بتبقى اسستمت والامن استتب

كل واحد عرف كويس اوى شخصية التانى وموش متفاجىء من اى تصرف بل متوقعه كمان

هيه موش حرب كلام مين هيمشى

لا طبعا

مع وجود التفاهم اللى تكلم عليه ده والحب هتلاقى تنازل طرف للاخر عشان موش عاوز يزعله

دمتم بحب وسعادة وربنا يرزقكم الذريه الصالحه

[النسر المصري]

roseop: :lol:

الف الف مبروووووووووووووووك اخيرا استاذ احمد هادى عملها ودخل القفص الذهبى

ربنا يسعدكم

وعقبال اللى لسه ف المنتدى

بص يسيدى

انا مع دهبيه ف كلامها

اول سنه جواز اصعب سنه واكتر سنه فيها مشاكل عن تجربه انا وكللللللللللللللل صحباتى وقرايبى

بعد كدة الحياة بتبقى اسستمت والامن استتب

كل واحد عرف كويس اوى شخصية التانى وموش متفاجىء من اى تصرف بل متوقعه كمان

هيه موش حرب كلام مين هيمشى

لا طبعا

مع وجود التفاهم اللى تكلم عليه ده والحب هتلاقى تنازل طرف للاخر عشان موش عاوز يزعله

دمتم بحب وسعادة وربنا يرزقكم الذريه الصالحه

أنا أندد بتصريحات الدكتوره سهيلة التي تحرض المرأة على انتهاك قوام الرجل عليها

أندد

وأشجب

وأستنكر