عودة الطيور المهاجرة

[se_ Elsyed]

بألاحظ اليومين دول بإن الزملاء الذين كنت اعتبرهم من صقور المنتدى قد عادوا من فترة البيات الصيفي وأعني هنا على سبيل المثال :

الأفوكاتو

أبو يوسف

وسيد مرزوق اللي تعبنه بحث عنه في كل حتة

حمدالله على سلامتهم وفي إنتظار مشاركاتهم ...

تم تعديل 24 ديسمبر 2003 بواسطة se_ Elsyed

[حشيش]

الكلمات: السيد حشيش.....الألحان: حلمى حشيش.....التوزيع: محمد حشيش

[Scorpion]

عودت الطيور المهاجرة....

معلهش يابو السيد.. انت عودتهم علي ايه بالظبط ؟....

بغض النظر علي اللي عودتهم عليه.. سلام مربع كبير قوي للطيور اللي بترجع لعشها مرة تانية.. و سلام مربع و مكعب و مثلث خاص جدآ لحبيبنا الأفوكاتو...

:angry:

[الأفوكاتو]

أشكرالأخوة س س و سكوربيون و كل من رحب بعودة الطيور المهاجرة.

و الطيور لم تكن مهاجرة, و لكنها كانت صامتة, و أحيانا يكون الصمت أبلغ من الكلام.

شكرا مرة أخرى على مشاعركم الطيبة.

[se_ Elsyed]

الكلمات: السيد حشيش.....الألحان: حلمى حشيش.....التوزيع: محمد حشيش

وكان حرامي ألحان ؟!!!!

بس أنت نسيت حاجة علشان تُحبك العملية .. ان الغناء لـ : لمطرب الأجيال عبد العزيز حشيش .

سكوب كتب

معلهش يابو السيد.. انت عودتهم علي ايه بالظبط ؟....

مابتصدقوا جنازة وتشبعوا فيها لطم .. يا ساتر

على العموم أختي لايت هاوس نبهتني وعدلت الكلمة من عودت .. إلى عودة ... دي ضريبة الغربة وإستخدام اللغة الإنكليزية على رأي أخوانا الشوام .

الأفوكاتو كتب

و لكنها كانت صامتة, و أحيانا يكون الصمت أبلغ من الكلام.

مش إشكال طب ما أنت ممكن تعبر عن الصمت ده بالكتابة ولتكن كتابة سرية حتى .. يعني أفتح لنا توبيك فاضي كده وأحنا هانعرف كنت عايز تقول أيه ..

فاكر أخونا البنا لما فتح توبيك " سكوت هانصور "

ملحوظة : أي حد هايقولي في غلط إملائي أو الهمزة بدل ماتكون تحت السطر المفروض تكون في نص السطر .. هابطحوا .... بس هي fsh:: hlwn:

[Scorpion]

أبو السيد كتب :

ملحوظة : أي حد هايقولي في غلط إملائي أو الهمزة بدل ماتكون تحت السطر المفروض تكون في نص السطر .. هابطحوا ....

معلهش يا ابو السيد... مش قادر... أسمها " هابطحه "... ال "وا" بتكون للجمع.. يعني لو كتبنا :

رأيت سكوربيون مبطوحةّ رأسه بعد مقابلته لسي السيد الأخيرة

مبطوحآ : أسم مفعول قام مقام (بطح ) جاء بعده نائب الفاعل مرفوعآ متصلآ بضمير ( رأسه) و هكذا قام اسم المفعول مقام الفعل المسند الي نائب الفاعل إذ يمكن أن يقال :

رأيت سكوربيون بُطحت رأسه...

أنا قلت اللي hlwn: me0: يخلص ضميري.. و الل هيمد أيده عليا هلم عليه أمة لا الله الا الله..

[se_ Elsyed]

أنا قلت اللي hlwn:  me0:  يخلص ضميري.. و الل هيمد أيده عليا هلم عليه أمة لا الله الا الله

[color=royalblue]هذا وقد تم العثور على سنيور سكوربيون مبوطحاً ومسجى على الأرض في أحدى أزقة روما القديمة ... وتبذل شرطة إسكوتلنديارد كل وسعها للوصول إلى الجناة وإن كانت هناك شبهات تحوم حول تورط المذكور في أعمال مشبوهة مع المافيا في جزيرة صقلية ...

هابطحوا وهاموتوا .... أهي دي بالذات انا قاصدها يا سكوب مش عارف ليه باستغلس اكتب تاء مروبطة ماعليهاش نقطتين في أخر الكلمة... بأحس أنها قارعه ....

[إبن مصر]

عذرا يا سى السيد !!!!!

ان استعمالك لهذه الكلمات ان دل على شىء انما يدل على كبت كبير لمشاعر دام انغلاقها فى عقلك الباطن ضد كل ما هو مألوف من عادات وتقاليد تلقيناها فى المدارس فى حصه اللغه العربيه مما اثر بالسلب على كيانك النفسى فى خلق كل هذه الرغبه المكنونه فى التدمير واستخدامك لالفاظ تحوى استعمال القوه الجسديه بعنف ضد من هم اقل منك حجما فتدل على اسغلال للأنا فى داخلك حتى طغت على الانا العليا الكامنه فى غياهب عقلك الباطن مما يعرضك فى المستقبل للعديد من الصدامات والتصادمات مع اسقاطاتك النفسيه فى اللاوعى المستتر لديك مع انماء شعورك بالغربه خاصه مع استمرارك لفترات طويله بدون تنفيس عن كل هذه الخيالات فى السابق مما اظهر هذه العقده جليه فى العديد من كتاباتك وخاصه التى تتعرض فيها لمدلولات كلمات الاخرين .

ولذلك فانى انصح بان تتوقف عن الالتفات الى اليسار لمده حتى تعتاد على النظر بموضوعيه من زاويه يمينيه تردك الى الطريق القويم للجنس البشرى .

ابن مصر

محلل نفسى ونجار hlwn:

استاذى الغالى الافوكاتو..

الحمد لله على السلامه

[se_ Elsyed]

عذرا يا سى السيد !!!!!

ان استعمالك لهذه الكلمات ان دل على شىء انما يدل على كبت كبير لمشاعر دام انغلاقها فى عقلك الباطن ضد كل ما هو مألوف من عادات وتقاليد تلقيناها فى المدارس فى حصه اللغه العربيه مما اثر بالسلب على كيانك النفسى فى خلق كل هذه الرغبه المكنونه فى التدمير واستخدامك لالفاظ تحوى استعمال القوه الجسديه بعنف ضد من هم اقل منك حجما فتدل على اسغلال للأنا فى داخلك حتى طغت على الانا العليا الكامنه فى غياهب عقلك الباطن مما يعرضك فى المستقبل للعديد من الصدامات والتصادمات مع اسقاطاتك النفسيه فى اللاوعى المستتر لديك مع انماء شعورك بالغربه خاصه مع استمرارك لفترات طويله بدون تنفيس عن كل هذه الخيالات فى السابق مما اظهر هذه العقده جليه فى العديد من كتاباتك وخاصه التى تتعرض فيها لمدلولات كلمات الاخرين .

ولذلك فانى انصح بان تتوقف عن الالتفات الى اليسار لمده حتى تعتاد على النظر بموضوعيه من زاويه يمينيه تردك الى الطريق القويم للجنس البشرى .

ابن مصر

محلل نفسى ونجار

hlwn:

استاذى الغالى الافوكاتو..

الحمد لله على السلامه

وتفتكر يأسطى قصدي يا دكتور فيه امل .. قصدي يعني ممكن لو خدتلي كام جلسة كهربا من أم 220 ميجا فولت على كام جلسة زار .. يعني اخف وارجع زي الاول ولا هاتبقى فيه أثار الحكيم قصدي أثار جانبية ... ؟

المعذب س س

[Lighthouse]

ايه ده

انا اسمي مكتوب

شكرا يا س س

ماشافوهمش وهم بيكتبوا شافوهم وهم بيصلحوا لبعض hlwn:

يعني يااخي ابعت لك رسالة خاصة واذرف الدموع خوفا من زعلك مني

تقوم ايه

تيجي في المنتدى وتعرف الكل اني صلحت لك الكلمة

طيب كنت قول اي حاجة هههههههههههه

دحرج لي اي مبلغ من تحت لتحت

ولا هو كله مجانا كده

ياساتر عليكم

مافيش رغيف حواوشي ولا حتى كوباية حمص شام hlwn:

ياللا

الاجروالثواب عند الله

لايت هاوس

من امام مجمع اللغة العربية

وباصلح بوابير جاز بعد الضهر

hlwn:

[إبن مصر]

الاستاذ الفاضل سى السيد

( رشفه من كوب الماء المثلج hlwn: )

ان تعرضك لجلسات الكهرباء لن يفيد على المدى البعيد ولكن من زاويه اخرى قد يؤجل الانهيار النفسى المصاحب لشعورك بالاضطهاد من طبقات مختلفه!!! hlwn:

لذا اعتقد ان استعمالك بعض جلسات الكهرباء وبفولتات متصاعده قد يفيد فى الوقت الراهن .

وانصحك بان تتوقف كليا عن الاتيان باى افعال من شأنها ان تعيد الى عقلك الباطن ذكريات قد يكون نسيها او تناسها محاولا العبور عليها من مرحله الانغلاق الفكرى الى الانفتاح التعاملى فى زمن اختفت منه كل مقومات الاستسلام للمصائر المعلومه فى زمن الامتناهى من سقطات الاحتجاب الاعملى من .....من..... وهكذا

وشكرا

ابن مصر

محلل نفسى ومبيض محاره

[Mohammad Abouzied]

يعني بتغلط في النحوي يا سي السيد وعملي فضايح في المنتدى والحجة استعمالك للغة الانجليزي

طيب مأنا بتكلم هندي على طول على رئ رشيد طريد المنتديات العربية

يعني لما اغلط عادي جدا

[Mohammad Abouzied]

الاستاذ الفاضل سى السيد

( رشفه من كوب الماء المثلج  hlwn: )

ان تعرضك لجلسات الكهرباء لن يفيد على المدى البعيد ولكن من زاويه اخرى قد يؤجل الانهيار النفسى المصاحب لشعورك بالاضطهاد من طبقات مختلفه!!! hlwn:

لذا اعتقد ان استعمالك بعض جلسات الكهرباء وبفولتات متصاعده قد يفيد فى الوقت الراهن .

وانصحك بان تتوقف كليا عن الاتيان باى افعال من شأنها ان تعيد الى عقلك الباطن ذكريات قد يكون نسيها او تناسها محاولا العبور عليها من مرحله الانغلاق الفكرى الى الانفتاح التعاملى فى زمن اختفت منه كل مقومات الاستسلام للمصائر المعلومه فى زمن الامتناهى من سقطات الاحتجاب الاعملى من .....من..... وهكذا

وشكرا

ابن مصر

محلل نفسى ومبيض محاره

اكيد كنت قاعد مع محبط

[هشام عبد الوهاب]

الف حمد الله على السلامة لكل من عادوا للكتابة .

استاذنا الكبير الأفوكاتو ...سعدت جدا بعودتك

----------------------

وترحيب خاص للأستاذ الفاضل taha ... وحشتنا جدااااااااااااااااااااااا

ونسمع احلى سلام مربع للجدعان كلهم hlwn: hlwn: hlwn:

hlwn: hlwn: lo:: lo:: lo::

[Katamando]

اييييييييييييييييييييييييييييييييه

دنيييييييييييييييييييييييييييييييييييييييييا

لا تدوم على حاااااااااااااااااااااااااااااااااااااااال

كل شيء فيها مؤقت

وكل شيء فيها جايز

كاتاماندو المرعب

من أمام شاشة الكمبيوتر في مقر العمل

القــــــــــــــــــــــــــــــــــــــــــــــاهرة

[فــيــروز]

سؤال بره الموضوع hlwn:

صورة مين دى يا سكوربيون؟ ملفته للنظر جدا جدا hlwn: مين هه مين؟ hlwn:

[Scorpion]

مجرد واحد مصري يا فيروز.... اي واحد.... بسيط... مسالم... شايل هم بيته و بلده و اهله علي كتافه.... الصورة دي هي انا من جوايا...

[فــيــروز]

مجرد واحد مصري يا فيروز.... اي واحد.... بسيط... مسالم... شايل هم بيته و بلده و اهله علي كتافه.... الصورة دي هي انا من جوايا...

حلوه حلوه حلوه hlwn: hlwn: hlwn:

[هشام عبد الوهاب]

اهلا اهلا ......... ايوه كده هللوا ورا بعض ... مليون مرحب بعودة كاتاماندو (الجزء الثانى )

يظهر لازم ندبح ............ ياجماعه حد يشوفلنا جزار .

[se_ Elsyed]

اهلا اهلا ......... ايوه كده هللوا ورا بعض ... مليون مرحب  بعودة كاتاماندو (الجزء الثانى )

يظهر لازم ندبح ............ ياجماعه حد يشوفلنا جزار .

أي خدمة يا إتش .. شوفت بركات التوبيك بتاعي أهو الطيور عماله ترجع والمفروض نقفل عليهم القفص ونقصص ريشهم علشان مايلوفوش على غيرنا تاني...

مافيهاش بقى رقية العملية دي .. أبقى سوبر مومبار أو حتى سوبر مان ... :angry:

س س ... فرارجي وصاحب مسمط كُل وشكر