enjisultan بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 طول عمرى موضوع تغير الساعة دا عامل لى مشكلة اولا لما كنت اسأل ماما هما لية بيغيروا الساعة فى الشتا والصيف والحركات دى تضحك عليا وتقولى عشان تناموا كتير والليل يطول ...ودا كان رد مرحلة ابتدائى واعدادى اما فى ثانوى فاصبحت ليها حجة اقوى تقولى تطبيقا لاغنية الاستاذ الفنان هشام عباس وهى (ليل الشتا طويل)فى رائعتة يا ليلة يا ليلة وانا اول عمرى الليلة وبما ان ماما كلمتها عندى سيف فلازمن اصدقها انما من سنتين لما اصبح الموضوع غير مرتبط ببداية الشتا واصبح مش عارفة لية ؟ يعنى غالبا هتتغير الساعة الاسبوع دا تقريبا هيخلوا المغرب يأذن الساعة 4.5 كما اسلفت فى حديثى بس اخر ميعاد للامساك عن الطعام غالبا هيطلع الساعة واحدة يلا مش بطال برضة بجد انا بيتهئ لى البلد الوحيدة اللى بتغير الساعة هى احنا بجد هل فى حقيقة علمية تستدعى تغير الساعة او ما هى السيجنيفكنس من التغير على العموم انا اكتشفت انا ماما طلعت مش عارفة لية بيغيروا الساعة برضة واعترفت لى انى كنت طفلة رخمة وباسأل نفس السؤال دا كتير يا ريت تشاركونا بأراكوا وذكرياتكوا وكم مرة روحتوا المدرسة على الحصة التانية عشان نسيتوا تغيروا الساعة واللى يعرف لية الساعة بتتغير يبقى سوبر يلا اقتباس ( يا بني إذا افتخر الناس بحسن كلامهم فافتخر بحسن صمتك ) . رابط هذا التعليق شارك المزيد من خيارات المشاركة
doha بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 امال يعني يغتتوا علينا بايه ؟ مالازم هيوجدوا طريقة .. وهتلاقيهم هم نفسها بيغيروها ومش عارفين ليه .. السبب على ماسمعت قبل كده هو توفير الطاقه .. قال ايه لما نختصر ساعه من اليوم هييجي وقت النوم اسرع فنطفي النور بدري بدري فنوفر كهربا !!! وقال ايه التقنية دي متبعه من ايام الحرب العالمية الثانيه وكانت كل الدول بتطبقها توفيرا للطاقه لغايه ماربنا فتحها عليهم ومبقاش عندهم مشاكل واحنا بس الي لسه بنستخدمها لغايه ربنا مايفرجها .. اقتباس ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
enjisultan بتاريخ: 18 أغسطس 2009 كاتب الموضوع تقديم بلاغ مشاركة بتاريخ: 18 أغسطس 2009 امال يعني يغتتوا علينا بايه ؟ مالازم هيوجدوا طريقة .. وهتلاقيهم هم نفسها بيغيروها ومش عارفين ليه .. السبب على ماسمعت قبل كده هو توفير الطاقه .. قال ايه لما نختصر ساعه من اليوم هييجي وقت النوم اسرع فنطفي النور بدري بدري فنوفر كهربا !!! وقال ايه التقنية دي متبعه من ايام الحرب العالمية الثانيه وكانت كل الدول بتطبقها توفيرا للطاقه لغايه ماربنا فتحها عليهم ومبقاش عندهم مشاكل واحنا بس الي لسه بنستخدمها لغايه ربنا مايفرجها .. ضحى ايوا انا سمعت الكلام دا يوفروا طاقة على اساس ان الناس هتنام بدرى بالايحاء اتفضلى اهة الساعة خمسة الصبح وكلنا لسة صاحين :lol: يا بنتى لو هما عاملين دى صح خدعة ولامؤاخدة احنا اجدع ولا ما بتفرق معانا الساعة خالص wst:: اقتباس ( يا بني إذا افتخر الناس بحسن كلامهم فافتخر بحسن صمتك ) . رابط هذا التعليق شارك المزيد من خيارات المشاركة
doha بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 لاه مش الغرض انهم يناموا بدري بالايحاء وانما لان هيبقى عندهم شغل بدري . يعني دلوقت شخص بيروح شغله الساعه سبعه الصبح لما تتقدم الساعة سبعه الصبح دي هتبقى فعليا سته الصبح اذا احنا بدأنا شغلنا بدري ساعه واستفدنا من النهار بساعه ابكر وبالتالي هنوفر ضوء معرفش حسبوها ازاي بس هي دي النظرية .. اقتباس ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
سهل جدا بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 (معدل) تغيير الساعة له أسباب اقتصادية تبدو منطقية إلى حد كبير للاقتصاديين كنت قرأت مقالة عن الموضوع ده.. فيه شرح لهذه الأسباب بالتفصيل.. والأخت ضحى أشارت إلى جزء منها.... لي عودة إن شاء الله.. تم تعديل 18 أغسطس 2009 بواسطة سهل جدا اقتباس ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ صدق الله العظيم رابط هذا التعليق شارك المزيد من خيارات المشاركة
محمد عبدالعزيز بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 السؤال هو: هل تغيير الساعة بيقلل أو بيزود عدد ساعات الصيام؟ أعتقد لأ لأن زى ما موعد آذان المغرب بيتقدم برضه موعد آذان الفجر بيتقدم وبالتالى مفيش تأثير على عدد ساعات الصيام وهو ده المهم بالنسبة لى. أما بقى ليه بيغيروها أصلاً فأنا كنت سمعت زمان فعلاً إنها لأسباب اقتصادية وأعرف إن دولة زى إتجلترا حتى الآن بتستخدم التوقيت الصيفى والتوقيت الشتوى. ولمعرفة مزيد من المعلومات عملت بحث فى جوجل ووصلت للنتائج دى: http://www.webexhibits.org/daylightsaving/index.html والصفحة دى فيها خريطة توضح الدول التى تستعمل التوقيت الصيفى حتى الآن: http://ar.wikipedia.org/wiki/%D8%AA%D9%88%...%8A%D9%81%D9%8A ومن خلال القراءة عن الموضوع ده وجدت إن الفائدة بتزيد كل مابيزيد بعد الموقع عن خط الاستواء, يمكن المعلومة دى تفسر ليه فى دول بتستعمل التوقيت الصيفى ودول تانية مش بتستعمله. وكل سنة وانتم طيبين اقتباس بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟ shawshank رابط هذا التعليق شارك المزيد من خيارات المشاركة
ahmedmohamed بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 تفتكروا بيعملوها ليه غير علشان نوفر فلوس استهلاك كهربا وده ثابت بالارقام انهم بيلاقوا ان استهلاك الكهربا بيقل ياريت ياجماعة بجد نبطل موضوع النقد المستمر بلا اى تناقش يعنى مش ممكن ان الحكومة عمرها مبتاخد قرار كويس ولا عمر حد عندها بيفهم ...اكيد والله عندهم شوية ناس بيفهموا والا مكنوش مصرين كل سنة يغيروا الميعاد اقتباس رابط هذا التعليق شارك المزيد من خيارات المشاركة
mamdowh بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 من أكثر المصائب التى تصيب أى مشروع فى مصر وقد تتسبب فى خسارة لا قدر الله هى الطاقة (الكهرباء والبنزين والغاز و.........) بكافة أنواعها لان اسعار الطاقة فى مصر تعتبر غالية وبالتالى كل شيء بيغلى قياسا على ذلك. وده هو السبب الرئيسى فى عملية تطبيق التوقيت الصيفى والشتوى, وفى حاجات تانيه بيعملوها علشان توفير الطاقة منها اغلاق المحلات الساعة 12 مساءاً فيما عدا الخدمات الهامه مثل الصيدليات وهكذا, كل ده لتوفير الطاقه. لكن للأسف وبرغم كل ما يحدث فالطاقة مازالت غاليه. اقتباس "يا ابن آدم إنما أنت أيام كلما ذهب يوم ذهب بعضك" الإمام العابد الحسن البصرى رابط هذا التعليق شارك المزيد من خيارات المشاركة
enjisultan بتاريخ: 18 أغسطس 2009 كاتب الموضوع تقديم بلاغ مشاركة بتاريخ: 18 أغسطس 2009 تفتكروا بيعملوها ليه غير علشان نوفر فلوس استهلاك كهربا وده ثابت بالارقام انهم بيلاقوا ان استهلاك الكهربا بيقل ياريت ياجماعة بجد نبطل موضوع النقد المستمر بلا اى تناقش يعنى مش ممكن ان الحكومة عمرها مبتاخد قرار كويس ولا عمر حد عندها بيفهم ...اكيد والله عندهم شوية ناس بيفهموا والا مكنوش مصرين كل سنة يغيروا الميعاد حضرتك دا نقد خفيف فى موضوعات خفيفة وهو احنا نقدر نتكلم انا بس باتناول الموضوع من ناحية اسالتى وانا صغيرة اقتباس ( يا بني إذا افتخر الناس بحسن كلامهم فافتخر بحسن صمتك ) . رابط هذا التعليق شارك المزيد من خيارات المشاركة
ايهاب سالم بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 يا جماعه خلينا موضوعيين التوقيت الصيفي فايدته واضحه جدا و انا لو بيدي القرار كنت خليته ساعتين مش ساعه اقتباس رابط هذا التعليق شارك المزيد من خيارات المشاركة
ايهاب سالم بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 (معدل) وقال ايه التقنية دي متبعه من ايام الحرب العالمية الثانيه وكانت كل الدول بتطبقها توفيرا للطاقه لغايه ماربنا فتحها عليهم ومبقاش عندهم مشاكل واحنا بس الي لسه بنستخدمها لغايه ربنا مايفرجها .. الدول اللي ربنا فتحها عليهم كلهم بيطبقوا التوقيت الصيفي عشان عارفين قيمته وعشان مهما ربنا فتحها عليهم بيفكروا دايما بطريقه إقتصاديه يقوم ربنا يفتحها عليهم أكتر تم تعديل 18 أغسطس 2009 بواسطة ايهاب سالم اقتباس رابط هذا التعليق شارك المزيد من خيارات المشاركة
enjisultan بتاريخ: 18 أغسطس 2009 كاتب الموضوع تقديم بلاغ مشاركة بتاريخ: 18 أغسطس 2009 يا جماعه خلينا موضوعيين التوقيت الصيفي فايدته واضحه جدا و انا لو بيدي القرار كنت خليته ساعتين مش ساعه صح يا باشمهندس ايهاب صح لو قدموا ساعتين وقدروا يحققوا المعادلة الصعبة وهى ان أذان المغرب يجى قبل العصر يبقى كدة مية مية اقتباس ( يا بني إذا افتخر الناس بحسن كلامهم فافتخر بحسن صمتك ) . رابط هذا التعليق شارك المزيد من خيارات المشاركة
سهل جدا بتاريخ: 18 أغسطس 2009 تقديم بلاغ مشاركة بتاريخ: 18 أغسطس 2009 في مقالة أهي تؤيد كلام من يعارض تغيير الساعة.. هل التوقيت الصيفى .. ضرورة اقتصاديـة ؟!19/03/2008 يبدو الحديث عن التوقيت الصيفي نوعا من الترف الفكري وهو تعبير مهذب عن الهرب من مناقشة قضايا حياتية ضاغطة بدءا من أزمة رغيف الخبز التي أصبحت لها ضحايا مرورا بارتفاع أسعار السماد الذي لا يزال غير متوافر وصولا ربما للتصاعد الحلزوني في أسعار حديد التسليح ودون تجاهل لمذبحة مافيا الأراضي في الوادي الفارغ او إغفال للحراك المجتمعي الذي تثيره تمثيلية عصام الحضري. لكن الرابط موجود والصلة قائمة بين هذه الأمور جميعا لأن محورها هو فلسفة اتخاذ القرار, وهل هي قائمة علي دراسة حقيقية, ثم هل تتم مراجعة القرار في ضوء مايفرزه التطبيق وصولا الي إما مواصلة تطبيقه أو إدخال تعديل عليه أو العدول عنه تماما؟ الهدف من زيادة ساعة للتوقيت الرسمي هو تبكير أوقات العمل للاستفادة أكبر قدر ممكن من ساعات النهار التي تزداد تدريجيا من بداية الربيع وذلك توفيرا للطاقة. تاريخيا كان بنجامين فرانكلين وهو أمريكي أول من طرح فكرة التوقيت الصيفي عام1784 لكن الفكرة لم تتحقق الا إبان الحرب العالمية الأولي حيث أجبرت الظروف الأطراف المتحاربة علي البحث عن سبل للحفاظ علي الطاقة ألمانيا كانت الاولي في اتخاذ الاجراء ثم تلتها بريطانيا. مصر عرفت التوقيت الصيفي للمرة الأولي إبان الحرب العالمية الثانية من منتصف أبريل الي منتصف سبتمبر وذلك عام1941 وحتي انتهاء الحرب. بعد قيام ثورة1952 تم اللجوء الي الاجراء عام1957 كوسيلة للحفاظ علي الطاقة وتوفير استخدام الكهرباء, ولم يستمر ذلك أكثر من عامين الغي العمل به بعدهما تكرر العمل بالقانون وتم الغاؤه بعد ذلك أكثر من مرة وهو لايزال قائما حتي الآن.لكن أحدا لم يشرح لماذا ألغي العمل بهذا التوقيت ثم أعيد العمل به وما الذي حققه. ليس هناك بيان واحد يحدد كم الطاقة التي تم توفيرها نتيجة اللجوء الي التوقيت الصيفي لمدة خمسة أشهر كل عام بل أنه وفقا لتصريحات بعض المسئولين في قطاع الكهرباء فإن التوقيت الصيفي لم يعد يحقق أي توفير في الكهرباء بسبب زيادة استهلاك الكهرباء وارتفاع درجة الحرارة والتوسع في استخدام اجهزة التكييف وسهر المواطنين حتي الصباح أمام التليفزيون. علي مدي سنوات بح صوت الدكتور جمال غوردون استشاري الغدد الصماء في مقالات عديدة بأن التوقيت الصيفي ضار بالصحة ومكدر للحياة الطبيعية لأنه يؤدي الي احداث خلل في جهاز التوقيت الداخلي للانسانالساعة البيولوجية حيث ان هناك تغييرات حيوية تحدث عند بزوغ ضوء الشمس منها افرازات الغدد وسيطرة المركز المخي المنظم للحرارة وقد نظمت الطبيعة هذا التغير النمطي للظلام والنور بشكل تدريجي طبقا لاختلاف الأيام. ولآن سامر الحي لايطربهم ـ كما يقول المثل ـ فقد وقعت تحذيرات الدكتور غوردون علي آذان صماء ربما لأنه ليس خواجة لكن الخواجات أكدوا ماسبق أن حذر منه الطبيب المصري. ففي المانيا كشفت دراسة ألمانية حديثة قام بها علماء من جامعة لودفيج ـ ماكسيميليان في مدينة ميونيخ وأجريت علي نحو55 ألفا أن تغيير التوقيت الصيفي والشتوي يشكل عبئا كبيرا علي الإنسان أكثر مما كان معروفا حتي الآن. وفي الولايات المتحدة حذر خبراء من الآثار السلبية للتوقيت الصيفي وماينبثق عنه من مشاكل في النوم جراء تقديم التوقيت ساعة واحدة وقالت طبيبة الأعصاب الأخصائية أبارجيتا فيرما في مركز معالجة اضطرابات النوم في معهد الميثودية العصبية في هيوستن, إن احدي مشاكل التوقيت الصيفي ان الإيقاعات اليومية للناس ـ أي ساعاتهم الداخلية ـ تخرج عن دورة تعاقب الليل والنهار. بعيدا عن الآثار البيولوجية للتوقيت الصيفي وفي غيبة أي بيانات عن الجدوي الاقتصادية التي تحققت نتيجة تطبيق هذا النظام فإن ثمة أمرين يدعوان الي التوقف أمام هذا القرار. الأول وهو يدخل في باب الكوميديا السوداء وصدر عن جهاز حكومي منذ أعوام قليلة يقول إن متوسط زمن العمل في المصالح الحكومية27 دقيقة فقط,وهو واقع حتي مع افتراض أنه تغير ليصبح ساعة كاملة وليس عدة دقائق لايستوجب شقلبة حياة الناس. الثاني أن هذا التوقيت يلغي خلال شهر رمضان رغم أنه من الناحية الواقعية فإن التوقيت لايعني زيادة في عدد ساعات الصوم التي تبقي هي دون تغيير وأن التغيير يتم فقط مراعاة لبعد نفسي لدي الصائمين. غير أن شهر رمضان منذ عامين مضيا وحتي أحد عشر عاما قادمة سوف يحل خلال فترة التوقيت الصيفي مما يعني الغاء جزئيا للتوقيت الصيفي ثم اعادة تطبيقه إحدي عشرة مرة الأمر الذي يعني ارتباكا لا مبرر له شركات الطيران العالمية مثلا تحدد مواعيد رحلاتها قبل شهور من بدء العمل بها فهل نستطيع إبلاغ هذه الشركات مقدما بمتي يتم إلغاء التوقيت خلال شهر سبتمبر القادم وأيضا في الأعوام القادمة توافقا مع شهر رمضان الذي لانعرف موعده إلا مع ظهور الهلال؟ المصدر اقتباس ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ صدق الله العظيم رابط هذا التعليق شارك المزيد من خيارات المشاركة
icehearted girl بتاريخ: 19 أغسطس 2009 تقديم بلاغ مشاركة بتاريخ: 19 أغسطس 2009 علي فكرة يا انجي المغرب هتبقي 6 ونص مش 4 ونص وبعدين يابنتي حنا الدولة الوحيدة تقريبا اللي بنعمل كدا يعني في حاجة تميزنا فيها..سيبك من اعداء انجاح دول :wub: اقتباس عفـــــــــــوا نيوتن.. أنـــــــــا... ســـــــــــــــر الجاذبيـــــــــة رابط هذا التعليق شارك المزيد من خيارات المشاركة
enjisultan بتاريخ: 20 أغسطس 2009 كاتب الموضوع تقديم بلاغ مشاركة بتاريخ: 20 أغسطس 2009 استاذ سهل شكرا على المقال بس انت ما قولتش انت مع ام ضد ام مش فارقة ايس عاملة اية يا بنتى 4.5 دا من باب الهزار انا واخدة بالى انة هيبقى 6.5 /7 وما قولتيش رجلك عاملة اية دلوقتى (التمزق فى الاربطة ) اقتباس ( يا بني إذا افتخر الناس بحسن كلامهم فافتخر بحسن صمتك ) . رابط هذا التعليق شارك المزيد من خيارات المشاركة
enjisultan بتاريخ: 20 أغسطس 2009 كاتب الموضوع تقديم بلاغ مشاركة بتاريخ: 20 أغسطس 2009 شكرا لاستاذ محمد عبد العزيز على المواقع الاساذ ممدوح لو ان تغير التوقيت ممكن دا يرخص اسعار الطاقة يبقى انا مع انهم يرجعوا الساعة ساعتين مش ساعة اقتباس ( يا بني إذا افتخر الناس بحسن كلامهم فافتخر بحسن صمتك ) . رابط هذا التعليق شارك المزيد من خيارات المشاركة
enjisultan بتاريخ: 20 أغسطس 2009 كاتب الموضوع تقديم بلاغ مشاركة بتاريخ: 20 أغسطس 2009 اليوم استعدوا للتغير اقتباس ( يا بني إذا افتخر الناس بحسن كلامهم فافتخر بحسن صمتك ) . رابط هذا التعليق شارك المزيد من خيارات المشاركة
icehearted girl بتاريخ: 20 أغسطس 2009 تقديم بلاغ مشاركة بتاريخ: 20 أغسطس 2009 استاذ سهل شكرا على المقال بس انت ما قولتش انت مع ام ضد ام مش فارقةايس عاملة اية يا بنتى 4.5 دا من باب الهزار انا واخدة بالى انة هيبقى 6.5 /7 وما قولتيش رجلك عاملة اية دلوقتى (التمزق فى الاربطة ) جيجي حبيبة هارتي :wub: وحشاني كتن كتن :sad: انا الحمدلله تمام خلاص بقيت العب كورة تاني اقتباس عفـــــــــــوا نيوتن.. أنـــــــــا... ســـــــــــــــر الجاذبيـــــــــة رابط هذا التعليق شارك المزيد من خيارات المشاركة
enjisultan بتاريخ: 20 أغسطس 2009 كاتب الموضوع تقديم بلاغ مشاركة بتاريخ: 20 أغسطس 2009 حمد على السلامة يا ست ايس وكل سنة وكل الناس بخير ورمضان كريم ويارب كل الناس تفرح وتحقق كل اللى نفسهم فى يار ب يارب اقتباس ( يا بني إذا افتخر الناس بحسن كلامهم فافتخر بحسن صمتك ) . رابط هذا التعليق شارك المزيد من خيارات المشاركة
doha بتاريخ: 20 أغسطس 2009 تقديم بلاغ مشاركة بتاريخ: 20 أغسطس 2009 اليوم استعدوا للتغير هي هتتغير اليومين دول ؟ ليه؟ مش المفروض بتتغير مرتين مرة في شهر مايو ومرة في اكتوبر ولا حصل تغير في الخطه وانا معنديش خبر؟ اقتباس ..إذا دعتك قدرتك على ظلم الناس فتذكر قدرة الله عليك .. رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.