للمهتمين بعالم الدهانات والديكورات

[se_ Elsyed]

عشان ما تحتارش في الدهانات وإختيار الألوان ومعرفة إيه الموضه الحالية

أرجو إن الموقع ده يفيدكم

وعندي كمان كام موقع عن الديكورات لو تحبوا يعني

وإدعوا لنا

عالم الألوان والدهانات

[بركة]

طبعا شكرا جزيلا ونحب جدا جدا

وهندعي لك يا س س

:rolleyes:

[سهل جدا]

يعني عشان انت حاطط لنا رابط لموقع متخصص عن الدهانات , تقوم ملون الكلام كده :)

حلوة ديه

يا ريت يا أستاذ سين لو عندك مواقع للديكورات كويسة تدلنا عليها مشكورا

[se_ Elsyed]

ده موقع شركة عمرو حلمي للمطابخ

هي في الحقيقة أوض نوم بس مسمينها مطابخ

:) :huh: md2:

مطبخنا يا مطبخنا

تابع صفحة المطابخ اللي بتخلي الواحد يولع في العلبتين اللي عنده ومسميهم مطبخ

تعقيد لأقصى حدود

ماذا أقول ... بعد ان قيل كل ما يجب أن يُقال ... إتعقد يا معلم

للمهتمين بشغل الحديد الفروجيه

حديد على حديد ... يفعل الله ما يريد

كفايه عليكو الجرعة دي النهاردة عشان نفسياتكو ... أنا عارف في ناس هاتولع في بيوتها وفي نفسها ... لكن هي الدنيا كده

ناس تركب مرسيدس وناس تركب توك توك

[سهل جدا]

الله يسامحك يا حاج سين

ليه كده يا عم , دا ديكورات خرافية

بيتهيألي تمن ديكور أي مطبخ من اللي شوفتهم دول يفرش شقة من الشقق بتاعتنا

اللهم لا عيش إلا عيش الآخرة :)

أخويا الله يمسيه بالخير لما كنت أقوله الجملة ديه يقولي: دا قصر ديل يا أزعر

[eslam elmasre]

السلام عليكم

عندي شويه صور مطابخ بس ما بعرفش ازاي ارفع الصور

ممكن حد يقولي ازاي ارفع الصور بس بطريقه ممله شويتين لاني فهمي علي ادوا في موضوع الكمبيوتر