نداء لأبطالنا في جنوب أفريقيا ... أنتم مثال للشرف

[محمد يوسف]

بصفتي مواطن مصري

أوجه طلب ونداء

لأعضاء بعثتنا في جنوب أفريقيا

عدم مغادرة جنوب أفريقيا بدون رد إعتبار لشرفنا وسمعتنا

ووجوب إعتذار رسمي من كل الجهات التي مست شرف المصريين جميعاً

لذا أطالب بحملة وطنية للوقوف في وجه أي أحد يسيء لسمعتنا في أي مكان

[محمد يوسف]

كتب أحد المواطنين على أحد المنتديات

كتب ماهو شعور كل مصري مخلص لبلده

فمصر هي الوطن وليس الحكومة فقط

عندما يقال على فرد مصرى فى الخارج اى تجاوزات فإنها تكون اهانه لشعب مصر جميعا فما بالك اذا كان هذا الفرد يمثل مصر وما بالك انه فريق باكمله وما بالك انه يمثل مصر فى ثانى اكبر بطوله كره كدم دوليه الا وهى بطوله كاس القارات لقد صعب على كثيرون ان يرون منتخب مصر منتصر على ابطال العالم دون ان يفقدو هذا الفوز معناه فبرغم ان لاعبى منتخب مصر هم من سريقوا فان وبكل سذاجه قالت الشرطه الجنوب افريقيه لبعد نفسها عن مسئوليه القبض على السارق التى على ما اعتقد انا شرطه غير قادره على ذلك فادعت ان لاعبى منتخب كبير بحجم منتخب مصر ياتون بنساء الى حجرتهم قبل لقاء هام مثل لقاء امريكا هل يعقل ذلك واذا كان ذلك حقا هل يصدق احد ان محمد ابو تريكه قدوه شباب مصر فى الاخلاق والادب يفعل مثل ما تدعى به الشرطه الجنوب افريقيه انه حقا هراء اننى اطالب بتدخل على اكبر مستوى حتى اذا وصل الى سياده الرئيس محمد حسنى مبارك بالتدخل الفورى لرد اعتبار لاعبى منتخب مصر والكره المصريه والشعب المرى كافه واطالب الكابتن حسن شحاته ولاعبيه ان لا يلعبون فى اى مباراه قادمه سواء وديه او رسميه الا بعد ان يستلمو اعتذار رسمى من كل جهه تكلمت عن سمعه وشرف لاعبينا اكرر كل جهه سواءداخل مصر او خارجها وانا استنكر من الاستاذ عمرو اديب ما الرد الذى كان يريده من احمد حسن او محمد ابو تريكه عندما طعنهم فى شرفهم هل كان ينتظر ان يكون الرد بكلمه نعم نحن فعلنا ذلك بالطبع كان لابد من الاعبين ان يدافعو عن انفسهم وارجو ان تصل رسالتى الى كل لاعبى المنتخب والجهاز ان يتصعد الموقف الى اعلى المستويات وفى النهايه اقول ان لاعبينا فعلوا ما عليهم ولكنه حال كره القدم يوم لك ويوم عليك .

[نصير]

خبر يؤكد براءة اللاعبين المصريين

صار المنتخب البرازيلي هو ثاني ضحايا السرقة في جنوب إفريقيا بكأس القارات، بعدما أعلن مسئولو المنتخب عن تعرضهم للسرقة.

وقال المتحدث الرسمي للمنتخب البرازيلي رودريجو بايفا تعرض مدرب السامبا كارلوس دونغا للسرقة يوم الجمعة الماضي، ولكنه لم يعلن عن السرقة ويبلغ السلطات المحلية إلا يوم الأحد.

وأشار بايفا إلى أن دونغا اكتشف فقدان بعض الأموال والملابس من الفندق المخصص لإقامة المنتخب البرازيلي، ومن المتوقع أن تكون السرقة قد حدثت خلال رحلة السفاري التي قام بها المنتخب خلال أحد حدائق الحيوان.

وتعد تلك هي ثاني حوادث السرقة التي تتعرض لها المنتخبات المشاركة بالبطولة، حيث تعرض المنتخب المصري لفقدان أموال من بعض اللاعبين في غرفهم بالفندق المخصص لإقامتهم، والتي أدعت خلالها بعض الصحف المحلية قضاء لاعبو المنتخب المصري لسهرة حمراء وفقدانهم للنقود خلالها وهو ما نفته بعثة الفراعنة بصورة قاطعة.

[

color=#4169E1]

الرابط :

http://artonline.tv/sports/newsdetails.aspx?newsID=14527

تم تعديل 22 يونيو 2009 بواسطة نصير

[محمد يوسف]

نشكركم برغم الخسارة

[هشام عبد العزيز]

فعلا نشكركم

برغم الخسارة الغير متوقعة

[se_ Elsyed]

وسعت قوي من الصحف الجنوب أفريقيه لما قالوا إن محمد أبو تريكه كان من ضمن الخمسة اللي معاهم فتيات ليل في غرفهم في الفندق ..

[حسام يوسف]

وسعت قوي من الصحف الجنوب أفريقيه لما قالوا إن محمد أبو تريكه كان من ضمن الخمسة اللي معاهم فتيات ليل في غرفهم في الفندق ..

يعنى هية المشكلة بس فى أبوتريكة؟

ولو ماكانش من الخمسة حسب زعمهم وكذبهم يبقى اوكية عادي؟

هوة فيه ايه يا جماعة؟

تم تعديل 22 يونيو 2009 بواسطة حسام يوسف

[doudy]

وسعت قوي من الصحف الجنوب أفريقيه لما قالوا إن محمد أبو تريكه كان من ضمن الخمسة اللي معاهم فتيات ليل في غرفهم في الفندق ..

طبعا ابو تريكة لايمكن يعمل كدة دة متدين و يعرف ربنا

دة اما بيشوف واحدة ست بيحط وشه فى الارض

حسبى الله و نعم الوكيل

تم تعديل 22 يونيو 2009 بواسطة doudy

[se_ Elsyed]

وسعت قوي من الصحف الجنوب أفريقيه لما قالوا إن محمد أبو تريكه كان من ضمن الخمسة اللي معاهم فتيات ليل في غرفهم في الفندق ..

يعنى هية المشكلة بس فى أبوتريكة؟

ولو ماكانش من الخمسة حسب زعمهم وكذبهم يبقى اوكية عادي؟

هوة فيه ايه يا جماعة؟ :sad:

لأ يا ريس مش كده

أصلهم جابوا من ضمن الأسماء إسم واحد بالذات معروف إنه ... ولا بلاش ..

وبعدين اللي عايز يعمل حاجه زي كده ... يقوم يجيبهم في غرف الفندق اللي البعثة كلها موجوده فيها وغالباً ما بيبقى كل إتنين لعيبه مقمين في غرفة ...

أرجو أن تتضح الحقيقة بأقصى سرعة وألا ترحل بعثتنا من هناك بدون رد شرف ..

وأنا قصدت أبو تريكه لإنه معروف يا ريس لنا جميعاً ..

وكان في من ضمن الخمسة ناس يمكن نعرف اسمائهم بس وما شوفناش لهم ماتش دولي حتى ... فهمتني ؟

[حسام يوسف]

وسعت قوي من الصحف الجنوب أفريقيه لما قالوا إن محمد أبو تريكه كان من ضمن الخمسة اللي معاهم فتيات ليل في غرفهم في الفندق ..

يعنى هية المشكلة بس فى أبوتريكة؟

ولو ماكانش من الخمسة حسب زعمهم وكذبهم يبقى اوكية عادي؟

هوة فيه ايه يا جماعة؟ :sad:

لأ يا ريس مش كده

أصلهم جابوا من ضمن الأسماء إسم واحد بالذات معروف إنه ... ولا بلاش ..

وبعدين اللي عايز يعمل حاجه زي كده ... يقوم يجيبهم في غرف الفندق اللي البعثة كلها موجوده فيها وغالباً ما بيبقى كل إتنين لعيبه مقمين في غرفة ...

أرجو أن تتضح الحقيقة بأقصى سرعة وألا ترحل بعثتنا من هناك بدون رد شرف ..

وأنا قصدت أبو تريكه لإنه معروف يا ريس لنا جميعاً ..

وكان في من ضمن الخمسة ناس يمكن نعرف اسمائهم بس وما شوفناش لهم ماتش دولي حتى ... فهمتني ؟

يعنى أنت يا س س باستثناء أبوتريكة -تصدق اللى حصل؟

وحاطط انه احتمال يكون حصل؟

وفين؟

في معسكر للمنتخب فى بطولة قارية وسط تغطيات اعلامية دولية من دول مشاركة فى البطولة ومن دول لم تشارك؟

يا جماعة ده كان ناقص الواد مهيب الهضبة دة يطلع للاعيبة فى الحمام من كتر تواجده معاهم؟

هوة فيه ايه؟ :sad:

[حسام يوسف]

الأخوة الأفاضل الاعزاء اللى بيدافعوا عن الهباب اللى اسمه أديب ده

نقطة نظام لو سمحتم

أولا لو هنتكلم عن الكورة بشكل نقدي

اللياقة البدنية للاعب المصري أضعف من مثيلتها لدى الأوربى أو اللاتيني أو حتى الخيول الأمريكية

مصر لعبت ماتشين تقال بلغة الكورة مع البرازيل وايطاليا أيام 15و18يونيو

وده أكثر من طاقتهم

لو كان الموضوع والكذب والافك اياه حصل طيب ما باقى الفريق مش قادر يجر رجله

همة خمسة ولا كل الفريق؟

هنفترض ان فيه واحد مش محترم بيعمل الكبائر دي

تفتكروا يعملها فى معسكر فى بطولة كل كاميرات وعدسات العالم رصداها؟

يا جماعة ده تيم الحياة والحيطة اللى اسمه مهيب ناقص يطلع لهم ويعمل لقاءات مفاجئة فى الحمام

ايه الكلام الغير معقول أبدا ده

الهزيمة بسبب انهيار اللياقة البدنية بعد معركتين نار قدام أبطال عالم

وباستثناء الحضري فكل الفريق كان مرهق جدا

النقطة التانية

اللى بيعمله الهباب اللى اسمه أديب ده مش اعلام

دي قلة أدب

واعلام زي الصحافة الصفراء بالظبط

يعنى ينفع أذيع خبر نقلا عن مصادر غير نزيهة بالمرة وأقول وأنا مالى

ده همة اللى قالولى

(وش فردوس عبد الحميد فى مسلسل أنا وأنت وبابا فى المشمش)

أى حد من حضراتكم ممكن ييجي حد من بتوع الشتايم والمدونات ويقول عليه أسفل كلام

أجى أنا بقى وأنشره؟

دي قلة أدب مش اعلام

والمثل بيقول

ما شتمك الا اللى بلغك

أدعو كل المنتدي للمشاركة فى خطوة رمزية ومعنويةللتوقيع على بيان يرفض سفالات عمرو أديب

ويجدد الشكر والثقة فى منتخبنا الوطنى اداريين وفنيين ومدربين ولاعبين

ولو على شكل مدونة الكترونية

فهذا أقل واجب ناحية هؤلاء الأبطال

هل هناك من معي فى الفكرة؟

[elfakhrany]

هنشوف النهاردة ايه اللى هيحصل من المنتخب ومن عمرو أديب

[se_ Elsyed]

عمرو أديب إعلامي ..

وأي إعلامي بيرقص طرباً عندما يسمع خبر مثل هذا يا حسام ...

وإسمه إيه ده لما بيقع بتكتر سكاكينه

ولو كان منتخبنا كسب أمبارح وتأهل .. كانوا قالوا إن موضوع بنات الليل أعطاهم دفعه معنوية للامام ... :sad:

لكن أهو فرح والكل بيشارك فيه والهزيمة لها أب واحد ...

ما تقوليش لياقه بدنية ولياقه إجتماعية

حسن شحاته أفتكس أمبارح أفتكاسات غير كروية بإراحته لمحمد حمص المتألق وصاحب هدف الفوز في إيطاليا

ونزول جدو أحمد حسن

ونزول المحمدي اللي ما بيعرفش أبجديات الكورة

وأحمد عبد الغني اللي محتاج يمشي وفي جيبه طاسة الخضه أصله بيخاف من شكل الكورة المدورة

[حسام يوسف]

عمرو أديب إعلامي ..

وأي إعلامي بيرقص طرباً عندما يسمع خبر مثل هذا يا حسام ...

وإسمه إيه ده لما بيقع بتكتر سكاكينه

ولو كان منتخبنا كسب أمبارح وتأهل .. كانوا قالوا إن موضوع بنات الليل أعطاهم دفعه معنوية للامام ... :sad:

لكن أهو فرح والكل بيشارك فيه والهزيمة لها أب واحد ...

ما تقوليش لياقه بدنية ولياقه إجتماعية

حسن شحاته أفتكس أمبارح أفتكاسات غير كروية بإراحته لمحمد حمص المتألق وصاحب هدف الفوز في إيطاليا

ونزول جدو أحمد حسن

ونزول المحمدي اللي ما بيعرفش أبجديات الكورة

وأحمد عبد الغني اللي محتاج يمشي وفي جيبه طاسة الخضه أصله بيخاف من شكل الكورة المدورة

يبقى نتكل على الله ونشنع على خلق الله؟

ونرميهم بالكبائر؟

هية بقت كدة؟

انا مش عاجبنى المنتخب فنيا خالص امبارح

والله العظيم ما نمت من الضغط اعالى

انما الأخلاق والشرف لأ

[محمد يوسف]

ياجماعة المنتخب فنياً كان زفت ..ده مش موضوعنا

الموضوع رد شرف وكرامة المصري المُهان

المطلوب بدون جدل ( وكل واحد حر ) عاوزين نوصل رسالة للأعبين إننا معاهم ونساندهم لتأكدنا من كيد الكلام ده وبالأخص اللي إتقال في جنوب إفريقيا

وأطالب تصعيد الموضوع لأعلى مستوى في الفيفا وجنوب أفريقيا

ووزارة الخارجية

[محمد افندى]

على كل حال المنتخب المصرى ادى مبارتين من افضل مبارياته على الاطلاق مع منتخبين عالميين هم البرازيل وايطاليا وبغض النظر عن نتيجة مباراة امريكا التى كنا نود له الفوز بها نشكر المنتخب المصرى لاعبين ومدربين وحظ اوفر فى البطولات القادمة وبالنسبة لموضوع الفتيات اعتقد انه غير حقيقى لصعوبة الامر لوجود المدربين والاعلاميين وبعض زوجات اللاعبين وهى قصة مفبركة من الصحافة بجنوب افريقيا اما عن عمرو اديب فدة بيهيص فى الهيصة زى ما تفضل الاخ سين سين

[MZohairy]

نداء لأبطالنا في جنوب أفريقيا ... أنتم مثال للشرف

و الخيبه التقيله

[محمد يوسف]

نداء لأبطالنا في جنوب أفريقيا ... أنتم مثال للشرف

و الخيبه التقيله

نتحدث عن الأخلاق مش الكورة

الماتش خسارة وبعده فوز وخسارة مش مهم

المهم هل تعتقد أن أبناء مصر في هذا المحفل العالمي ممكن تنحدر أخلاقهم لهذه الدرجة

متأكد من أخلاقهم وتدينهم

[MZohairy]

اكثرالناس تدينا و خلقا ياسيدي

بس اكثر الناس خيبه ايضا

لاعبون و مدرب

[adrianocrespo]

قبل كيل الاتهامات للمنتخب

او

الدفاع عنه مجامله

اري انتظار التحقيقات

او اعتذار الجانب الجنوب افريقي

او تقديم شكوي من الجانب المصري