تشيز .. كنافة .. مشمش .. ممكن يعملو ايه؟

[بندق أفندى]

الحر ممكن يسوى الأسفلت هذه الأيام .. عشان كده المشمش ببلاش .. لأنه الشمس جايباه غصب عنه .. نتفرج ولا نستثمره؟

مش عارف الفكرة جت ازاى بس أهى جت .. لأنى لقيت كنافة قدامى ومعايا مشمش وعندى جبنة ..

الكنافة هنفركها فى زبده بدرجة حرارة الغرفة ..

المشمش هنقطعه أنصاف ونشيل البذر .. المستوى أوى منه هناخده نضربه فى الخلاط مع عصير ليمونة كبيرة و3 ملاعق سكر وبشر قشر الليمونة دى

ثم نكثفع على النار كأنه قمر الدين ..

هنرص الكنافة فى فاع الصينية كما فى بسكويت التشيز كيك .. وهننشر عليها الجبن أى نوع جبن غير مالح (هنا اخترت جبن قشقوان بقرى عشان هو المتاح ).. ودخلته الفرن عشر دقائق أو لحد ما جبن يسيح ويعمل طبقة عازلة على الكنافة ..

نرص المشمش المقطع عليها ثم نصب عليه المشمش المكثف .. ثم ندخله فرن متوسط لمدة 35 دقيقة

هنكون عاملين شربات خفيف كمية قليلة .. كوب ماء عليه نص كوب سكر مع قليل من القرفة نكثفه بالغليان قليلا ..

بعد ما نخرج الصينية هصبه من الأجناب بحرص حتى يصل للكنافة حتى تصير مسكرة وطرية وهنا وعافية

[أبوعمار]

حلوة الوصفة دي

دخلت دماغي

ولازم أخلي أم عمار تعملهالي

وتدخل معدتي ان شاء الله

[عبير يونس]

ياااااااااااااااه يا أستاذ بندق

من زمان مشوفناش حضرتك

و راجع لنا بوصفة هايلة كالعادة

ميرسي يافندم

[SoSo R]

ياااااااااااااااه يا أستاذ بندق

من زمان مشوفناش حضرتك

و راجع لنا بوصفة هايلة كالعادة

ميرسي يافندم

أزيك يا مصرية عاملة إيه؟؟

على فكرة الموضوع قديم مووت من شهر يونيو 2009

بس فعلا بندق أفندى مختفى من زمان

ومن ساعتها و المطبخ بينش

ياريت يعرف إن إحنا بنسأل عليه

هو ليه صور الوصفة مش باينة عندى؟؟؟

[عبير يونس]

ياااااااااااااااه يا أستاذ بندق

من زمان مشوفناش حضرتك

و راجع لنا بوصفة هايلة كالعادة

ميرسي يافندم

أزيك يا مصرية عاملة إيه؟؟

على فكرة الموضوع قديم مووت من شهر يونيو 2009

بس فعلا بندق أفندى مختفى من زمان

ومن ساعتها و المطبخ بينش

ياريت يعرف إن إحنا بنسأل عليه

هو ليه صور الوصفة مش باينة عندى؟؟؟

ازيك انتي يا سوسو

واحشاني يا جميل

بجد انكسفت اوي ان الموضوع قديم:wub:

بس من فرحتي اني شفت موضوع للاستاذ بندق ما بصيتش ع التاريخ

يللا بشرة خير

[بندق أفندى]

اى خدمة

[SoSo R]

اى خدمة

حمد الله ع السلامة

يعنى لازم نيجى و نفتح التلاجة نشوف فيها إيه عشان حضرتك تظهر؟؟؟

أنا حسيت إنى تخنت لما بصيت ع الصورة:protest:يعنى بتاع ألفين كالورى على كمية السكر اللى فيها

و الناس هنا مجانين هيلثى فود و الهجص ده:closedeyes:و بياكلوا بروكلى قال و انا بصراحة مش باطيق ريحته

ما علينا

عايزة مساعدة منك يا بندق أفندى...

أنا عندى كنافة بس مش عندى مشمش و ما شفتوش هنا...

تانى حاجة القشقوان دى تتطلع إيه بأة بالأنجليزى و هل الريكوتا تصلح كبديل؟؟؟

أا مرة جبتها و عملتها للمكرونة بس ما عرفش للكنافة إيه الحل؟؟؟

إنجدنى ...زى ما قلتلى هتلاقى كوارع فى كندا

عايزة أقلك إنى ما طبخطش كرشة فى الكويت و طبختها فى كندا...شفت الدنيا

:egyflag: عظيمة يا مصر يا أرض اللوا

يلا مستنية ردود تفصيلييييييييييييية

ربنا مل يحرمكش منى:P

[بندق أفندى]

الراكوتا حاجة رائعة فى كل حاجة خصوصا الحلويات

جبنة القشقوان kashkaval

هى جبنة تركية طعمها اقرب للزبدة وبتكون ملحها قليل وفلسفة استخدامها هنا عشان تعمل عازل

ممكن ندهن الكنافة زبدة وهى خيوط طويلة وبعدين نلفها مع الجنبة كأنها صباع محشى

او زى المبرومة اللى هى بتكون خط كنافة بيتبرم عشان يشيل المكسرات جواه

وتدخل الفرن وبعدين يتحط عليها شربات .. بس

[SoSo R]

الراكوتا حاجة رائعة فى كل حاجة خصوصا الحلويات

جبنة القشقوان kashkaval

هى جبنة تركية طعمها اقرب للزبدة وبتكون ملحها قليل وفلسفة استخدامها هنا عشان تعمل عازل

ممكن ندهن الكنافة زبدة وهى خيوط طويلة وبعدين نلفها مع الجنبة كأنها صباع محشى

او زى المبرومة اللى هى بتكون خط كنافة بيتبرم عشان يشيل المكسرات جواه

وتدخل الفرن وبعدين يتحط عليها شربات .. بس

بندق افندى ..ميرسى ع الإفادة

الريكوتا اللى كنت جايباها كانت شبه الزبادى شوية ...تفتكر تنفع تبقى عازل ولا لأ

الحاجة التانية..

ما حلتليش موضوع المشمش...هل الكومبوت المعلب يحل محلها

لو لأ يبقى احلها إزاى عشان اعمل كنافة مبتكرة و ادخل فيها فاكهة ...بس بلاش تفاح عشان مش غاوياه

[بندق أفندى]

الراكوتا حاجة رائعة فى كل حاجة خصوصا الحلويات

جبنة القشقوان kashkaval

هى جبنة تركية طعمها اقرب للزبدة وبتكون ملحها قليل وفلسفة استخدامها هنا عشان تعمل عازل

ممكن ندهن الكنافة زبدة وهى خيوط طويلة وبعدين نلفها مع الجنبة كأنها صباع محشى

او زى المبرومة اللى هى بتكون خط كنافة بيتبرم عشان يشيل المكسرات جواه

وتدخل الفرن وبعدين يتحط عليها شربات .. بس

بندق افندى ..ميرسى ع الإفادة

الريكوتا اللى كنت جايباها كانت شبه الزبادى شوية ...تفتكر تنفع تبقى عازل ولا لأ

الحاجة التانية..

ما حلتليش موضوع المشمش...هل الكومبوت المعلب يحل محلها

لو لأ يبقى احلها إزاى عشان اعمل كنافة مبتكرة و ادخل فيها فاكهة ...بس بلاش تفاح عشان مش غاوياه

اعتقد والله اعلم الكومبوت ما ينفعش لأنه مستوى أصلا

بس ممكن تستخدمى قالب الكيك المدور المفرغ من الداخل وتعمل حلقة كنافة محشية موز مثلا

او محشية راكوتا

وبتكون رائعة كنت دايما آكلها من ايد خالتى بنفس الطريقة