ليه الناس بقت بوشين؟

[goodnewss]

بقالي سنه باخد صدمه ورا صدمه كنت عارفه إن في ناس بتكذب بس كنت فاكراهم مضطرين كنت عارفه إن في ناس بتكره بس كنت فاكراهم قليلين كنت عارفه إن في ناس بتحسد بس كنت فاكراهم باينين ليه الناس بتكره بعضها؟ وبيتمنوا لبعض الشر ليه؟

[goodnewss]

السنه دي بالذات صادفت مواقف كتير بعضها حصلت لي وبعضها شفته بعيني وسمعته بوداني والمواقف دي كترت قوي فقلت آخد موقف إيجابي وماسكتش يمكن الناس مش حاسه بعيوبها ومحتاجه حد ينبههم وحاحكيلكم حكايات بتحصلنا كلنا

[se_ Elsyed]

يا جود نيوز

الانسان منذ ان خلق ادم الى ان تقوم القيامة جواه والشر ... فلا الناس كلهم اشرار ولا كلهم طيبين .. واحنا لازم نتأقلم مع ذلك ونتعايش مع الصنفين

[goodnewss]

ليه دايما سوء الظن؟ ده فلان لما قال كذاكذا كان يقصد كذا وفلانه لما عملت كذا كانت عايزه كذا ليه مش بنريح نفسنا؟ يعني لما واحد يهرش يبقي بيهرش عشان عايز يهرش ولما حد يقول سلام عليكم يبقي عايز يسلم علينا كده بكل بساطه مش لازم يعني يكون فرد في عصابه وبيعمل كده عشان دي كلمه السر

[goodnewss]

أيوه طبعا في ناس طيبين وفي ناس أشرار بس لما يكون الشر من غير سبب ونسبه الاشرار اكتر بكتير من الخير تبقي حاجه تخوف طب إيه رأيك في واحد قاعد في بيته ولا شاف حد ولا كلم حد من كام يوم فجأه يلاقي تليفون وناس بتتخانق معاه ويقولك انت عارف كويس انت عملت إيه .يطلع واحد ماهانش عليه يسيبك في حالك فوقع بينك وبين صاحبك ده بس عشان يضحك شويه واستلقي وعدك بقي ياسيدي مع إنك اصلا مش فاهم هو في إيه؟

[goodnewss]

هانظم افكاري في نقط و بعدين اتكلم عن كل حاجه لوحدها.عيوب الناس: 1.سوء الظن 2.الغيبه 3.النفاق 4.ان يكون الشخص إمعه 5.الحقد 6.السلبيه

[goodnewss]

أولا:سوء الظن .لما تجيلك اوامر تحط جدول نبتجيات طوارئ عشان انفلونزا الخنازير للاسبوع الجاي فتتصل بزميلك الغايب تسأله اي يوم يناسبك وتقوله إن يوم الجمعه في الجدول فيرد عليك إن أي يوم ماعدا الخميس ولقيت انت فرصه إنك تشيله من الجدول خالص مع العلم إن النبتجيات دي بلوشي و تنزل انت يوم الجمعه وتاخد كمان يوم الاثنين مع ملاحظه إن مافيش بدل النبتجيه راحه الصبح والله وبعدين مديرك يحط جدول لباقي الشهر ويحط زميلك ده يوم الجمعه وانت برضه تتحط في الجدول فصاحبك ده يجي يقول من وراك إنك استغليت غيابه وفرضت عليه جدول معين لمصلحتك مع إنك ريحته خالص في الاسبوع إلحطيت جدوله

[goodnewss]

إيه ياجماعه هو انا هافضل أكلم نفسي ولا إيه؟

[goodnewss]

انا محتاجه اتكلم قوي فاهكمل و خلاص. عايزه اتكلم عن اضرار الحقد علي الحاقدين .ارتفاع ضغط الدم والجلطات والذبحه الصدريه والسكر ده غير التجاعيد البتزيد في الوجه يعني البيحقد بيضر نفسه في الوقت نفسه ممكن المحقود عليه يكون عايش حياته عادي و مبسوط و صحته كويسه فرساله لكل حاقد ارحم نفسك

[goodnewss]

حاكلمكوا عن الغيبه .فيها تلت انواع الاول المغتابين ودول ناس بيتكلموا وحش عن ناس غايبه التاني الإمعه ودول بقه لما يسمعوا كلام وحش عن اي حد يشتركوا فيه بحماس وده فلان قال وعمل وده فعلا وحش مع إن ده ماحصلش و قدام الشخص ده بيكون حبيبه وكمان ممكن قوي يشتم الناس دي .التالت بقه السلبيين دول يسمعوا وبس مع إنهم عارفين إن الكلام غلط لكن يقولوا وانا مالي وفي ناس بقه تصدق اي حاجه وحشه وخلاص وتمصمص شفايفها وتقول إييه لاوالله

[Ahmed Unknown]

إيه ياجماعه هو انا هافضل أكلم نفسي ولا إيه؟

بصراحة انت افترضتى فرض سوء بكل الناس من حولك و ان كل الناس او اغلبيتهم وحشن

و طبعا الفرض ده خاطىء لأن فى ناس كتير كويسين و اكتر من الوحشين

بس هيه طبيعة الانسان ان بينسى الحسنه و يتذكر الاساءة

بمعنى اخر لو رجتعى بذاكرتك كام سنه ورا ايام ما كنتى طالبة على سبيل المثال و حددتى فتره معينه خلينا نقول سنه و حاولتى تفتكرى كل الاحداث اللى حصلت فيها

هتلاقى نفسك فاكره ان فى واحده اتخانقت معاكى وواحده اخرى اغتابتك وواحده تالته عملت موقف بايخ و هكذا

و طبعا اللى حصل فى الفتره دى ان فى مواقف كتير جدا حصلت ان فى ناس اشادت و مدحت فيكى و اصدقاء كويسين جدا عرفتيهم

بس هيه دى طبيعة الانسان و هى تذكر الاساءة و المسيئين

[goodnewss]

استاذ احمد انا الفتره الحضرتك بتقول عليها ماحصليش فيها حاجه وحشه من حد دي اجمل فتره فحياتي وكل الاعرفهم كانوا بيحبوا بعض المشكله إني لقيت كل حاجه اتقلبت في فتره قصيره قوي وكنت عايزه اعرف ليه و محتاجه حد يقول لي معلش وعموما انا ارتحت خلاص وممكن اكتب عن احلي ذكرياتي لو عايزين تسمعوها .مشكلتي إني كنت طفله وعجزت فجأه

[الباشمهندس ياسر]

الناس نسيت انها هتموت

بس مش اكتر

[goodnewss]

صح يا باشمهندس ياسر انا كنت ناويه اتكلم في الموضوع ده ماحدش بيفكر قبل مايتصرف ياتري هايرضي ربنا ولا هايغضبه بس الظاهر ماحدش عاجبه الموضوع ده فلو عايزين نقفله وهو كذلك ولو عايزين تحذفوه كمان ماشي مش عايزه حد يزعل مني انا آسفه

[pink rose]

هدي نفسك بس يا goodnews الدنيا يا حبيبتي فيها الكويس و فيها الوحش من اول خلق آدم الي ان يرث الله الارض و من عليها

هوني على نفسك و ما تاخديش الامور على صدرك كده لحسن تتعبي و في الاخر ما حدش هايغير حد

الحل الامثل انك تعاملي الله في الناس و تسلمي امرك له وحده و هو ان شاء الله قادر انه يبعد عنك السوء و ربنا يجعل الخير اللي بتعمليه في ميزان حسناتك

لكن يا حبيبتي تزعلي و تضايقي و تقهري في روحك كده مش هاتستفيدي حاجه

عارفه انا هاقولك على موقف حصلي ايام ما كنت باشتغل

حضرتي كنت اخصائية مكتبات في مدرسة ثانوي بنين و العياذ بالله ربنا ما يرجع الايام دي المهم جت واحدة اتعينت معايا بعد سنة و نص كده من بداية شغلي و كانت هي بتشتغل من قبل مني في المجال دا بس كانت واخدة اجازة اسرية لمدة 8 سنين فالدنيا اتغيرت و انا شغالة فعلا يعني ايدي في الشغل زي ما بيقولوا غير اللي كان في اجازة طويلة و راجع

المهم عشان ما اطولش عليكي كانت شايلاني على راسها و زعلانة ان الناس كلها و الولاد في المدرسة بيحبوني طب انا ذنبي ايه بالله عليكي

كانت تودي شغلها للتوجيه يردوا عليها ان دا شغل طفلة في ابتدائي طب انا ليا ذنب في كده تطلع عليا بقى كلام مش لطيف و تقولي في وشي ما هم العيال بيحبوكي و بشتغلوا معاكي و انا لأ

كنت باتضايق و اتنرفز بصراحة و اشيل في نفسي و بعدين جيت في يوم كده قولت هو انا حارقه دمي ليه ما تولع المدرسة باللي فيها

مش هي عاوزة تشتغل طيب هاهريها شغل

اتصلت بالموجهة بتاعتنا و حكيت ليها الحوار كامل

قالتلي خلاص انا هاجي و هاقسم الشغل بينكم و جت الست و شيلتها الطين كله بما انها قديمة في المهنة عني و انا اخت الحاجات الفنية بس يعني فهرسة تصنيف الخفيف اوي في الشغل

الاول فرحت بنفسها و بعدين حست انها اتدبست بقت تيجي تقولي معلش يا ريم ساعديني الحاجات كتير في الاول بصراحة كنت باقولها لأ انا ورايا شغلي و مش فاضية كنت باعمل كده بصراحة تأديب ليها بجد لانها اول ما جت الشغل كنت باعاملها كويس جدا و من قلبي لا بنافق و لا باروح اتكلم عليها من وراها باعاملها بقلب بجد بس هي اللي جابته لنفسها

بعد فترة صعبت عليا و بقيت اساعدها و علاقتنا بقت كويسة جدا

الدنيا مش مستحملة وجع قلب و اضغان و احقاد على ايه احنا ناقصين ذنوب

ربنا يهديلك طريقك يا رب و يقربلك ولاد الحلال و يبعد عنك شياطين الانس و الجن

تم تعديل 14 مايو 2009 بواسطة remo

[mama nona]

على فكرة انا حاسة بيكى لانى مريت بنفس الظروف ال انتى بتمرى بيها

بس بعد فترة هتلاقى الدنيا ضحك ولعب وجد وحب

هتلاقى فترة الدنيا تسود وبعدين تلاقيها نورت

انا مريت بنفس الفترة بعد ما اتخرجت واتعينت جديد وكانت دىاول تجارب لى فالدنيا ولما كان يحدث اى مموقف زى ال بتحكيه ده اروح لوالدى واقوله الله يسامحك انك ربتنى بالطريقة دى وأقوله ليه معلمتنيش انالدنيا غابة كله بياكل فبعضه وبقيت احس ان الدنيا توقفت عندى عندلنقطة السود دى .

كان يقولى انا علمتك الصح وال لازم تكونى عليه وانتى اكتسبى الخبرة واعملى لنفسك الشخصية ال تحبى تكونى عليها يإما خير يإما شر

ولما جيت الغربة لقيت ان الامور اصعب من ال فمصر وياااااما مريت بظروف بس الحمد لله خلاص اتعودت ان الدنيا يوم لك ويوم عليك

يوم هتنبسطى ويوم هتتنكدى

هونى على نفسك الدنيا مش مستاهلة اى حاجة

وخليكى فحالك واتفرجى عالناس والدنيا وواحدة واحدة هتلاقيكى اتعودتى عليها .

وبالتوفيق

[goodnewss]

ميرسي ياجماعه ربنا يخليكوا انا حصلي مواقف كتير وبعضها من ناس عمري ماتخيلت ان يحصل منهم كده بس انا نسايه درجه أولي ودماغي كبيره اوي لكن المره دي اصدقاء اعزاء غلطوا فبعض قدامي وانا ماهانش عليا

[emano]

ميرسي ياجماعه ربنا يخليكوا انا حصلي مواقف كتير وبعضها من ناس عمري ماتخيلت ان يحصل منهم كده بس انا نسايه درجه أولي ودماغي كبيره اوي لكن المره دي اصدقاء اعزاء غلطوا فبعض قدامي وانا ماهانش عليا

goodnewssبصى والله الكلام الى بتقليه بيحصلنا كلنا والواحد فعلا

بيجيله اكتئاب وحزن

يعنى والله انا جرتى بتتكلم عنى كتير وتشفنى تقول احلى كلام بيبقى هاين عليا اقلها ده انتى بتقولى

عنى كذا وكذا بس زوجى بيقلى كبرى متفتحيش على نفسك قلنا وقال ومين الى قلتلك وووو

بس فعلا بزعل قوى بيبقى نفسى اقلها ليه بتشتمى فى من وراى

بس اقول ايه ربنا يهدى

على رلى المهندس ياسر نسين الموت

[عنبو]

اولا السلام عليكم ورحمة الله وبركاته

بالنسبه لموضوع الغيبه لانه الموضوع ده بيزعلنى اقوى وانا فى موضوع الغيبه بتبع مثل ما سبك الا اللى بلغك فمثلا مثلا (( لازمه ) لو جه واحد صاحبى اقلى فلان الفلانى اقال عليك كذا وكذا طبعا بمسك صاحبى ببستفه بستفه تمام واقولى لما انت سمعت عنى الكلام ده لاما رتد غيبتى لاما مش تيجى تقولى وطبعا هو الراجل ماكنش بيبقى عارف يتصرف ازاى ؟؟لكن طبعا بعد كده بيقىزى الاسد اول لما تيجى سيرتى بالشر تلاقيه تمام وانا اساسا لو عرفت ان فيه واحد جاب سيرتى بالوحش بزعل طبعا لكن باجى بينى وبين نفسى اقول والله اللى عارفنى عمره ما هيصدق عليا الكلام ده ولو صدق يبقى هو زيه مش تمام وهو اساسا عاوز يصدق يبقى بناقص من العمليه دى كلها وانا اللى كسبان لانهم اخدوا من سياتى او اخدت انا من حسانتهم

اما بالنسبه لموضوع الحقد فده شىء فظيع جدا بكره الانسان الحقود والحسود واحسن حاجه البعد عن الناس دى تمام وبكتفى يبقى الموضوع سلام سلام ده لو اتقابلنا ليه نعرف بعض ويعرف عنى كل حاجه لا خلينى بعيد اسحن وربنا يشفيه من المرض اللى هو فيه وعمره ما بعيش سعيد لانه دائما مش راضى على حاله

اما بالنسبه لموضوع ان الناس نسيت انها هتموت لا الناس مش نسيت انها هتموت ولا حاجه بس الناس اجلت موتها شويه يعنى تقول انا مثلا هموت بعد 10 سنين لو لما اكبر شويه او لما امرض وساعتها هيبقى عندى فتره اتوب الى الله الشيطان مناهم بالدنيا ودى مشكله على راى واحد حجه وعمره تكفر كل اللى فات وللاسف فيه ناس مقتنعه بالمبدا ده جدا ولا فى دماغهم يعنى تقعد تقولهم ان انت لما تعمل ذنب فانت بتنتهك حرمتين حرمة الله حرمة الفرد فانت لما تعمل عمره او حج ربنا هيسامحك فى حرمته لكن حرمة الفرد اللى مثلا انت هتكت عرضه مش هيسامح فيها فالموضوع مش سهل بس تقول ايه وكانك بتاذن فى مالطه !!!!!!!!!!!!!!

[goodnewss]

بعض الناس يا إيمانوا بيعملوا كده كهوايه او إن ده العادي واحيانا بيكون موقف دفاعي يعني الناس بتفترض إن هايتعمل فيهم كده فبيعملوا هما الأول