هل تشترى الامل .. ام انه الوهم

[الباشمهندس ياسر]

قالوا مرة ان طه حسين اشترى الامل لمدة اسبوع

كان ف فرنسا و كان متزوج و ظروفه كانت ضنك ع الاخر و ف مرة م المرات اشترى ورقة اللوتارية

المدام قالتله بتشترى ورقة لوتارية ف ظل الظروف اللى احنا فيها دى

قالها انا بشترى امل هعيش عليه اسبوع بحاله

يا ترى انت ممكن تدفع كام و تشترى الامل او الوهم بمعنى اصح

و هل حصل و اشتريته قبل كده؟

و النتيجة كانت ايه؟؟

طمنونى

اصل انا اشتريت الامل او الوهم .....او الترماى بمعنى اصح

و النتيجة انى خسرت معنوياتى و لسه زعلان لغاية دلوقتى

و خسرت فلوس كتييييييييييييير

[بركة]

ممكن نفهم أنت اشتريت ايه يا باشمهندس

وبعد كده نشارك

[fatfouta]

العزيز الباشمندس ياسر

انا يعز عليا انك زعلان

بس والله مافاهمه حاجة...عاوزة افهم عشان حتى اقولك ماتزعلش

توضيح اكتر عشان نفهم لو سمحت وماتزعلش

[MoHaMMeD EgYpT]

ربنا يكون في عونك و يا ريت تقولنا علي اللي حصلك علشان نقدر نفهم و نساعدك و لو معنويا حتي و صدقني طول ما انت عايش ما تفقدش الامل و يمكن الحاجة اللي خسرت فيها فلوسك ماكنتش رزقك من الاول و يمكن ربنا كاتب لك رزق احسن منه

والله انت غالي علينا كلنا في المحاورات و اعتبرنا كلنا معاك و فضفض لنا صدقني هتستريح

تم تعديل 24 أبريل 2009 بواسطة MoHaMMeD EgYpT

[لولا]

ياسر ..

خليك ديما فاكر ..

عمال اقع واقوم

انفض في الهدوم

وامشي خطوة كمان

القى الطريق يبان

مش زي ما كان زمان

بالعكس اسهل كتير..

عمر طاهر

لولا

[سهران]

و أنا كمان هاقول للأخ الفاضل ياسر ......... من غير حتى ما نعرف الموضوع ............ تذكر جيدا .... ربما منع فأعطى و ربما أعطى فمنع .........

أن شاء الله ستجد في المنعة منحة تسعد بها بعد حين ......

تحياتي ... ودعواتي .

[doudy]

الاخ العزيز ..ياسر

الزعل مش هيرجع اللى راح و الدنيا متستاهلش اننا نضيع و قت فى الحزن و الحسرة

ربنا يعوضك احسن منها و دى اعتبرها خبرة جديدة اكتسبتها و علمت حضرتك درس

متفكرش كتيير فى الحاجات الللى تزعلك اللى جاى احسن باذن الله

تحياتى لحضرتك

دودى :)

[se_ Elsyed]

مش كل حاجه يعملها او يقولها المشاهير تبقى قاعدة واقوال مآثورة

ما فعله طه حسين هو الوهم بعينه وليس الامل

الامل نصنعه بايدينا

الامل هو التفاؤل

الامل هو السعي والعمل والنتيجة تأتي من الله

اما لوتاريه وضربة حظ وكلام من ده ... فاذا كانت تُعطي املاً .. فهو امل كاذب وعواقبة في حالة الفشل هي عوافب وخيمه ...

-----------------------

اوعى تكون خيبة الامل دي يا ياسر ناتجة عن محاولتك تخيل شكل سين سين ؟

خلاص يا سيدي .. انا زي مانت قلت تخين ومكعبر وطولي 120 سم وشعري مكتكت وبأكل لحوم البشر ..... اتبطست بقى ؟

[ام بودى]

اخى العزيز جدا ياسر الحزن شعور طبيعى فينا كبشر نحزن لفقد شئ عزيز ونحزن لاننا اسأنا التقدير ونحزن اذا اخفقنا اما ان تقول انك خسرت معنوياتك فهذا يأس وليس حزن فالحزن شعور نبيل ومهيب اما اليأس شعور هدام وكرية يقول ربنا جل وعلا «قل ياعبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم»[سورة الزمر الآية :53]. وتذكر اخى الكريم ان الضربة التى لا تقتلك تقويك وقد نقلت لك هذا الكلام عن التفاؤل : تفاءلوا بالخير تجدوة اعقلها وتوكل ان من اشقاة ربة انتمو لن تسعدوة لا تشكو للناس جرحا انت صاحبة من لا يجيد الرقص يقول ان الارض مائلة ما فائدة الدنيا الواسعة اذا كان حذاؤك ضيق اطيب امنياتى لك بهدوء النفس وراحة البال ..تحياتى

[أحمد سيف]

شوف يا عم ياسر ... يمكن تلاقي الكلمتين اللي أنا هاقولهم بعاد شويه عن السؤال أو ممكن ما يكونش ليهم علاقة أساسا باللي تقصده

لكنها فكره جت في بالي النهارده وأعتقد أنها يتجاوب على أسئلة كثير في حياتنا

أعتقد إن الإنسان دائما عنده خوف من المستقبل لإنه مجهول بالنسبة له ... والإنسان عدو ما يجهل

علشان كده بيحاول يضحي بجزء مما يملكه في الحاضر لكي يحصل على أمان أكثر في المستقبل

اللي بيشتري ورقة يا نصيب بيدفع فلوس مقابل أمل انه يكسب ما يحقق له بعض أحلامه وتطلعاته

وعلى الجانب الآخر تماما من يشتري بوليصة تأمين يعلم مسبقا أنه يمكن ألا يستخدمها بل ويعلم كذلك أن العائد المتوقع منها (احتمال استعمالها مضروب فيما سيحصل عليه إذا استعملها) أقل من ثمنها ولذلك فإن شركات التأمين تحقق أرباحا ولكنه رغم ذلك يقبل هذه الخسارة في سبيل الأمان في المستقبل

ولكي نبتعد عن الجدل حول مشروعية التأمين ...خليني أضربلك أمثلة أخرى

الشركات اللي بتبيع المنتج وعليه ضمان ... غالبا بتضيف تكلفة هذا الضمان على سعر المنتج وبتكون كسبانه من وراء ذلك ... ولكن الناس على استعداد لدفع هذا المبلغ الإضافي بل وتطلبه إذا لم يكن موجودا

اللي بيحوش فلوس وهوا عارف إنه ممكن يموت في أي لحظه من غير ما يستمتع بيها ... ولكن قيمة وجود قدر معين من الأمان في المستقبل تدفعه للادخار

اللي بيحط فلوسه في مشروع عارف انه بيضحي بشئ مضمون في سبيل عائد مجهول ... ولكنه رغم ذلك يحاول أن يضمن مستقبله

اللي بيشتري ماركة غاليه بيدفع مبلغ إضافي ليحصل على منتج أكثر موثوقية ... يعني احتمال انه يتعطل أقل من غيره ... نوع آخر من التأمين

مئات الأمثلة في حياتنا تثبت أننا ندفع الكثير لكي نشتري الأمان ونتجنب المخاطر في المستقبل

حتى في موضوع مثل الهجرة لكندا ... لو حللت الدوافع التي تجعلنا نفكر في هذا الموضوع فستجد أن الأمان المستقبلي هو سبب مهم وراء هذا القرار إن لم يكن السبب الأهم

لذلك تجد أناسا وضعهم ممتاز في الخليج ورغم ذلك يعملون جاهدين للهجرة لتحقيق هذا الأمان المفقود

لو حللت سلوكنا وقراراتنا اليومية ستجد أننا ندفع الكثير من حاضرنا من أجل مستقبل يقينية (Certainity)

بعد ما دوشتك بالكلام ده كله خليني أجاوب على السؤال

في بعض الأحيان نشتري الأمل ... وفي بعض الأحيان نشتري الوهم ... ولكننا دوما نحاول أن نشتري الأمان

[الباشمهندس ياسر]

يعلم الله تبارك و تعالى حجم سعادتى بهذه المشاركات المباركة

اخوانى الاعزاء جدا جدا

ايون .. اتنين جدا

ربنا يكرمكم و متزعلوش ابدا ابدا

ممكن نفهم أنت اشتريت ايه يا باشمهندس

وبعد كده نشارك :lol:

ع راسى و الله يا اختى

بس مينفعش

ليس كل قيل يقال ...

العزيز الباشمندس ياسر

انا يعز عليا انك زعلان

بس والله مافاهمه حاجة...عاوزة افهم عشان حتى اقولك ماتزعلش

توضيح اكتر عشان نفهم لو سمحت وماتزعلش

كفاية منك يا اختى كلمة متزعلش

ربنا يطمنا عليكى

ربنا يكون في عونك و يا ريت تقولنا علي اللي حصلك علشان نقدر نفهم و نساعدك و لو معنويا حتي و صدقني طول ما انت عايش ما تفقدش الامل و يمكن الحاجة اللي خسرت فيها فلوسك ماكنتش رزقك من الاول و يمكن ربنا كاتب لك رزق احسن منه :lol:

والله انت غالي علينا كلنا في المحاورات و اعتبرنا كلنا معاك و فضفض لنا صدقني هتستريح

الله يعزك يا ابو حميد

اهم حاجة انك قمت بالسلامة

سيبك انت .. هى الحياة على كل لون

ياسر ..

خليك ديما فاكر ..

عمال اقع واقوم

انفض في الهدوم

وامشي خطوة كمان

القى الطريق يبان

مش زي ما كان زمان

بالعكس اسهل كتير..

عمر طاهر

لولا

تصدقى بفكر اعملها توقيع

ولا بلاش توقيعات

كفاية كل واقعة وواقعة الواحد عمال ياخدها

ههههه ... الحياة ابسط من كده

تسلمى لولا

و أنا كمان هاقول للأخ الفاضل ياسر ......... من غير حتى ما نعرف الموضوع ............ تذكر جيدا .... ربما منع فأعطى و ربما أعطى فمنع .........

أن شاء الله ستجد في المنعة منحة تسعد بها بعد حين ......

تحياتي ... ودعواتي .

صدقت

ما منعك الا ليعطيك

ربنا يجزيك خير يا استاذنا

الاخ العزيز ..ياسر

الزعل مش هيرجع اللى راح و الدنيا متستاهلش اننا نضيع و قت فى الحزن و الحسرة

ربنا يعوضك احسن منها و دى اعتبرها خبرة جديدة اكتسبتها و علمت حضرتك درس

متفكرش كتيير فى الحاجات الللى تزعلك اللى جاى احسن باذن الله

تحياتى لحضرتك

دودى :)

الغالية دودى عندنا

يا مرحبا يا مرحبا

ان شاء الله اللى جاى احسن

متنسينيش من دعائك

مش كل حاجه يعملها او يقولها المشاهير تبقى قاعدة واقوال مآثورة

ما فعله طه حسين هو الوهم بعينه وليس الامل

الامل نصنعه بايدينا

الامل هو التفاؤل

الامل هو السعي والعمل والنتيجة تأتي من الله

اما لوتاريه وضربة حظ وكلام من ده ... فاذا كانت تُعطي املاً .. فهو امل كاذب وعواقبة في حالة الفشل هي عوافب وخيمه ...

-----------------------

اوعى تكون خيبة الامل دي يا ياسر ناتجة عن محاولتك تخيل شكل سين سين ؟

خلاص يا سيدي .. انا زي مانت قلت تخين ومكعبر وطولي 120 سم وشعري مكتكت وبأكل لحوم البشر ..... اتبطست بقى ؟

يا عمنا يا ابو قلب ابيض

انا مش بقلد حد ... و دماغى اكبر من كده

الحوار كله .. انى لما قعدت اعيد حساباتى

افتكرت الكلمتين اللى فاتوا عشان اقول لنفسى

و ايه يعنى ... ما كل الناس بتغلط ..

هى دى القصة كلها يا نجم

المهم

اوعى تكون ناوى تاخد الالف دولار بتاعت الرهان اياه

احسن و ربنا المعبود اللى ف الحساب ما يكمل الف دولار

و الكريدت كاردز كلها يمكن تقف على اول الشهر لو ابويا حفظه الله متدخلش و انقذنى

و يمكن العملية تكبر و ينزلوا اسمى ف قائمة الممنوعين م السفر و تبقى هيصة و زمبليطه بقى

و اللى رايح يشمت و اللى جاى يزغرد

ييييييييييييييييييييييييه

دنيا غرورة يا عم س س

سيبك انت

اخبار الواد عمر... مش تقله يعقل بقى و يبطل دوشة

اخى العزيز جدا ياسر الحزن شعور طبيعى فينا كبشر نحزن لفقد شئ عزيز ونحزن لاننا اسأنا التقدير ونحزن اذا اخفقنا اما ان تقول انك خسرت معنوياتك فهذا يأس وليس حزن فالحزن شعور نبيل ومهيب اما اليأس شعور هدام وكرية يقول ربنا جل وعلا «قل ياعبادى الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم»[سورة الزمر الآية :53]. وتذكر اخى الكريم ان الضربة التى لا تقتلك تقويك وقد نقلت لك هذا الكلام عن التفاؤل : تفاءلوا بالخير تجدوة اعقلها وتوكل ان من اشقاة ربة انتمو لن تسعدوة لا تشكو للناس جرحا انت صاحبة من لا يجيد الرقص يقول ان الارض مائلة ما فائدة الدنيا الواسعة اذا كان حذاؤك ضيق اطيب امنياتى لك بهدوء النفس وراحة البال ..تحياتى

لله الامر من قبل و من بعد

ادعيلى معاكى و انتى بتصلى و كل حاجة هتبقى زى الفل ان شاء الله

شوف يا عم ياسر ... يمكن تلاقي الكلمتين اللي أنا هاقولهم بعاد شويه عن السؤال أو ممكن ما يكونش ليهم علاقة أساسا باللي تقصده

لكنها فكره جت في بالي النهارده وأعتقد أنها يتجاوب على أسئلة كثير في حياتنا

أعتقد إن الإنسان دائما عنده خوف من المستقبل لإنه مجهول بالنسبة له ... والإنسان عدو ما يجهل

علشان كده بيحاول يضحي بجزء مما يملكه في الحاضر لكي يحصل على أمان أكثر في المستقبل

اللي بيشتري ورقة يا نصيب بيدفع فلوس مقابل أمل انه يكسب ما يحقق له بعض أحلامه وتطلعاته

وعلى الجانب الآخر تماما من يشتري بوليصة تأمين يعلم مسبقا أنه يمكن ألا يستخدمها بل ويعلم كذلك أن العائد المتوقع منها (احتمال استعمالها مضروب فيما سيحصل عليه إذا استعملها) أقل من ثمنها ولذلك فإن شركات التأمين تحقق أرباحا ولكنه رغم ذلك يقبل هذه الخسارة في سبيل الأمان في المستقبل

ولكي نبتعد عن الجدل حول مشروعية التأمين ...خليني أضربلك أمثلة أخرى

الشركات اللي بتبيع المنتج وعليه ضمان ... غالبا بتضيف تكلفة هذا الضمان على سعر المنتج وبتكون كسبانه من وراء ذلك ... ولكن الناس على استعداد لدفع هذا المبلغ الإضافي بل وتطلبه إذا لم يكن موجودا

اللي بيحوش فلوس وهوا عارف إنه ممكن يموت في أي لحظه من غير ما يستمتع بيها ... ولكن قيمة وجود قدر معين من الأمان في المستقبل تدفعه للادخار

اللي بيحط فلوسه في مشروع عارف انه بيضحي بشئ مضمون في سبيل عائد مجهول ... ولكنه رغم ذلك يحاول أن يضمن مستقبله

اللي بيشتري ماركة غاليه بيدفع مبلغ إضافي ليحصل على منتج أكثر موثوقية ... يعني احتمال انه يتعطل أقل من غيره ... نوع آخر من التأمين

مئات الأمثلة في حياتنا تثبت أننا ندفع الكثير لكي نشتري الأمان ونتجنب المخاطر في المستقبل

حتى في موضوع مثل الهجرة لكندا ... لو حللت الدوافع التي تجعلنا نفكر في هذا الموضوع فستجد أن الأمان المستقبلي هو سبب مهم وراء هذا القرار إن لم يكن السبب الأهم

لذلك تجد أناسا وضعهم ممتاز في الخليج ورغم ذلك يعملون جاهدين للهجرة لتحقيق هذا الأمان المفقود

لو حللت سلوكنا وقراراتنا اليومية ستجد أننا ندفع الكثير من حاضرنا من أجل مستقبل يقينية (Certainity)

بعد ما دوشتك بالكلام ده كله خليني أجاوب على السؤال

في بعض الأحيان نشتري الأمل ... وفي بعض الأحيان نشتري الوهم ... ولكننا دوما نحاول أن نشتري الأمان

تعرف لما متلاقيش حاجة تقولها قدام كلام زى الفل

انا فعلا ممبقاش عارف اعبر و بكتفى بكلمة واحدة

انت فعلا تستاهل بوسة ع الكلام ده

مع تمام احترام مقامك الكريم يا باش مهندس احمد

فعلا هو ده الموضوع ببساطة تاااااااااااااااامة

رغم انى لما خسرت و قعدت احسبها

شكرا بحجم الموضوع كله على هذا الراى الكريم

[سهل جدا]

الأخ العزيز الباشمهندس ياسر

ازيك يا باشا عامل إيه؟! واحشنا كثير

إن شاء الله تكون بخير دائما

شوف يا هندسة

الواحد ممكن يخسر فلوس في حاجة؛ لكنه يكون كسب مقابلها أشياء كثيرة معنوية هو مش واخد باله منها

هانقترض إنك خسرت فلوس في مشروع تجاري مثلا

الفلوس اللي انت خسرتها ديه هي في الحقيقة مش خسارة , وإنما دروس من الحياة بمقابل مادي

كل رجال الأعمال والتجار الناجحين أو أكثرهم فشلوا في الأول وخسروا أموال ومنهم اللي كان هايتسجن ويتخرب بيته ومنهم ومنهم..

لكن في الحقيقة كانت خسارتهم المادية هذه دروسا لهم في مشاريع وأفكار أخرى كانت سبب نجاحهم

لأن الإنسان الذكي بيتعلم من الأخطاء

أو ممكن تقول إن الفشل مع الإنسان الطموح بيكون دافع أكبر له للاستمرار والنجاح

إن شاء الله ما أكونش خرجت برة الموضوع كتير

دمت بود

[الباشمهندس ياسر]

سهل جدا

شكرا يا غالى على كلامك العالى

حلو جو الجناس و السجع ده

فعلا كلامك صح

بيقولوا ان محدش بيتعلم بالساهل

يلا

كتبت علينا خطى مشيناها و من كتبت عليه خطى مشاها

شكرا على مشاعرك النبيلة

و ابقى ادعيلنا معاك

[icehearted girl]

كنت لسه هقلك الكلام دا

مش اتعلمت؟

يبقي مخسرتش حاجة يابشمهندس :rolleyes:

[أحمد سيف]

ايه يا باشمهندس ... الموضوع شكله بجد ... خليتنا نقلق عليك

وأنا اللي كنت فاكر الحكايه خسارة بسيطة في باكو ولا اثنين ... والموضوع كان فضفضه

لكن أيا كانت المشكله أو حجم الخسارة ... انت أدها وأدود يا عم ياسر ... والبني آدم هوا اللي بيعمل الفلوس ...واللي عملها أول مره هايعرف يعملها ويعمل أكثر منها كل مره

وتأكد يا أخي الكريم أن المال الحلال لا يضيع وسوف يعوضك الله ما هو أفضل منه

أنا هاحكيلك تجربة شخصية ... وأنا في الجامعة كنت مقيم لوحدي في البيت لظروف سفر الأهل للخارج ... وحصلت سرقة لمبلغ كان مرسلا لي من الأهل لتوصيله لبعض المعارف ... والمبلغ كان بمقاييس الأيام دي كبير خصوصا لطالب ... وحصلت مشكلات كبيرة بسبب هذه الحادثة وفي النهاية استعوضنا ربنا في هذا المبلغ ومضت الحياة

بعد 14 سنه وجد والدي شخصا يطرق عليه الباب ويخبره أنه من سرق المبلغ ولكنه تاب ويريد أن يعيده ... فقال له الوالد انه مسامح فيه واعتبره صدقه.

بعد هذه الحادثة أصبحت مؤمنا بأنه طال الزمن أو قصر فسيعود الحق لأصحابه ... وإن لم يعد في هذه الحياة الدنيا فما عند ربك خير وأبقى.

أنا كنت قرأت في أحد موضوعاتك أنك تريد أن تبدأ مشروعا عند عودتك الي مصر ... وأعتقد أن لهذا علاقة بما حدث ... لكن كما قال أحد الإخوة فمافيش حد بيتعلم ببلاش ... والضربه اللي مش هاتكسرك هاتقويك ... والحمد لله انها جت وانت لسه صغير وما عليكش التزامات كثير علشان تقدر تعوضها ... أنا شفت ناس حصل معاهم الموقف ده وعندهم خمسين سنه وضاع فيها شقى عشرين سنه غربه ... تصور نفسك بعد عشرين سنه غربه وعندك أولاد في الثانوي والجامعة ويحصل معاك اللي حصل ... واحمد ربنا على المكروه الذي أصابك ... وهو الذي لا يحمد على مكروه سواه

[Alshiekh]

ياباش مهندس ياسر

ماتشتريش الوهم ولاالسمك فى البحر

ضياع الفلوس زعله عمره قصير

احنا اللى بنعمل الفلوس

بنعملها علشان نصرفها او نضيعها فى شيئ مفيد ، ولو ضاعت منا مش لازم نزعل ، لاننا زى ماعملناها حانعمل غيرها

عملنا فلوس كثير وضاع مننا فلوس كثير

اشتريت شقة فى وقت ما

ازيلت مع 31 شقة أمام عينى ، على يد المحافظ الجوسقى

صاحب العمارة نقلوه المستشفى ..... مات ..... تحويشة العمر وقتها راحت .... زعلت وبعد شويتين اشتريت شقة غيرها ، اقل طبعا فى المستوى من التى ازيلت ، لكن الدنيا مشيت.

عملت فلوس تانية وكل ما افتكر اد ايه كنت زعلان ، ابتسم واقول الحمد لله ان الحادثة دى علمتنى انى ما أحترمش الفلوس ... جاءت راحت مش مهم ، تروح ونعمل غيرها ، ندعو الله ان يبارك لنا فى عملنا وصحتنا وفى عيالنا وفى اللقمة اللى بنأكلها .

المهم ان احنا نتعلم ... ونحمد الله على الصحة والستر دول اهم حاجة

[بركة]

لو عملنا زيارة لأي مريض هنقول الحمد لله الذي عافانا

ولو زعلنا على فلوس راحت يبقى الحمد لله الذي عافانا من مرض كنا ممكن نصرف عليه نفس الفلوس

يبقى لما الفلوس تروح واحنا زي الفل يبقى لازم نشكر الله

والدنيا لازم تعلمك ومحدش بيتعلم ببلاش وكلنا اتعلمنا بفلوس

المهم : اللهم أأجرني في مصيبتي واخلفني خيرا منها .

[doha]

انك تعيش الوهم ( بمزاجك ) وانت عارف وشبه متأكد انه وهم فده بالتأكيد ( مش صح )

لكن انك تعيشه ( مخدوع فيه ) ومعتقد انه شيء حقيقي وهينتهي بالي انت كنت متوقعه ثم تفاجأ انك ( حسبتها غلط ) وانك رجعت تاني لنقطه الصفر نتيجه غلطتك دي فده برغم ظاهره السيء الا انه شيء ابدا ( مش بطال )

تجربة زي كده هتعلمك حاجتين .. اولا هتخليك اكثر حذرا في المستقبل من الوقوع في خطأ مماثل .. وثانيا وده الاهم عرفتك الاحساس الجميل لما حلمك يتحقق .. سواء كان حلمك ده شيء نفسك تفوز بيه او مكانه معينة عاوز تكون فيها او هدف محدد كان نفسك توصل ليه .. الشعور ده في حد ذاته هيكون حافز ليك انك تكرر التجربة ثاني وثالث بس مع تجنب الاخطاء الي خلتها تفشل في المرة الاولى ..

ايا كان الي خسرته يااستاذ ياسر فمحدش بيقولك كون بطل وادعي انك مش زعلان عليه لكن بقولك خلي زعلك ده ( في حدود ) والي يعينك على كده هو تفكيرك بانك برغم كل شيء لسه موجود وعايش وايدك في مكانها رجلك في مكانها اهلك حواليك الحمد لله اذا جات بعد كده في الفلوس مش مشكلة ابدا المهم ان كلنا بخير وسليمين وطز في الفلوس تروح وتيجي في اي وقت ..

اخرج من سلبيات التجربة كلها ايا كانت وركز على القادم ازاي ترجع تعيش ( الوهم ) الي كنت عايشه بس ورجلك على الارض مش طاير في السما ..

تم تعديل 25 أبريل 2009 بواسطة doha

[محمد عبدالعزيز]

يا عم ياسر, اللى يشوف بلاوى الناس تهون عليه بلوته, ومادام انت سليم وبصحتك يبقى ماخسرتش حاجة.

صدقنى الكلام ده عن تجربة شخصية.

أخوك كان على وش أبوبة, يعنى كنت قربت أبقى أب, وكنت سبت الشركة اللى بشتغل فيها عشان أعمل بيزنس خاص, وكنت فى الأيام دى بلعب فى البورصة بمبالغ صغيرة وبخبرة صغيرة على قدى برضه, والحمد لله كنت بكسب كويس -حاجة كده تجيب مصاريف البيت- رغم صغر المبالغ, وفى هوجة المصرية للاتصالات عينى زغللت ونسيت كل اللى قرأته واتعلمته عن البورصة, ورحت داخل بكل اللى معايا على أمل إنى فى خلال أسبوع أو أسبوعين أبيع وأكسب.

وعنها يا معلم الانهيارات ابتدت وكل أسبوع أقول استنى الأسبوع اللى بعده يمكن ربنا ينفخ فى صورتها وأقلل الخساير شوية, مفيش فايدة برضه كل يوم أقل من اللى قبله.

ابتديت أتزنق بقى واحتاج فلوس عشان لسه ماشتغلتش, اضطريت طبعاً أبيع بالخسارة, وكانت الخسارة تقريباً 30%.

كان درس تمنه غالى جداً طبعاً, بس الحمد لله اتعلمت منه ومابقتش أتهور عشان اللى بيتهور بيتعور.

ورغم كل ده الحمد لله ابتديت فى البيزنس بتاعى والحمد لله ماشى كويس. يعنى أى مشكلة مهما كانت مش نهاية العالم, المهم إنك تكون سليم وتقوم تانى وكله يتعوض إن شاء الله.

الأمل هو الحياة يا باشمهندس, أنا شخصياً لو فقدت الأمل يبقى الحياة مالهاش لازمة عندى.

خلى عندك أمل ياباشمهندس وبإذن الله تفتكر الأيام دى وتضحك عليها.

واعلم أنه ما أصابك لم يكن ليخطئك, وما أخطأك لم يكن ليصيبك.

[SoSo R]

صباحك سعيد يا باشمهندس:

مش عايزة أقولك كلام مكرر و إن الفلوس بتروح و تيجى...و هى دى الحقيقة

بس عايزة أرد و أقول حاجة تانية

ما فيش أى حاجة فى الدنيا تستاهل إنك تزعل عليها...لأن ما فيش حاجة بتدوم...دوام الحال من المحال

تأكد إن الحلو بيخلص و الوحش كمان بيخلص...و الحياة أقصر مما تتخيل

يبقى ألحق أستمتع بيها بدل ما تضيعها فى زعل و ندم...ألحق حسها...ماحدش عارف فيه إيه قدام

طول ماأنت عندك حاجات تشكر عليها ربنا...يبقى ما فيش سبب للزعل...و أكيد علطول نعمه مغرقاك حتى لو نسيت أو مش واخد بالك

الحاجة التانية اللى عايزة أقولها:

لو فعلا فيه حاجة بتزعل...يبقى أنك تفقد حد غالى عليك

مش قصدى الموت...و لكن تفقده معنويا

حد عزيز على قلبك...فجأة يختفى من حياتك لأى سبب...وما فيش فى إيدك أى حيلة

حد قريب منك كنت بترتاحله يضيع ومن غير مقدمات أو أسباب تستوعبها...ساعتها تزعل

كمان حد كنت فاكره حاجة و طلع حاجة تانية خالص و خاب أملك فيه...ساعتها تزعل بجد

الفلوس بتتعوض لكن الناس و الأعزاء عمرهم ما بيتعوضوا !!!

تحياتى

سوسورانى