المصريين المغتربين بالكويت

[noname]

اهالى الديوانيه الكرام .....انا زعلانه جداااااا

بجد...مصر وحشتنى

كما لم توحشنى من قبل

الاول كان بيوحشنى الاهل بس

دلوقتى الهوا اللى فيها وحشنى

عاوزه اتنفس مصـــــــــــــــــــر

يعنى اعملها واسافر ؟؟؟

بس مش راجع تانى

[noname]

السلام علبكم

يا جماعه انا جيلي عقد عمل على الكويت في شركة تكييف براتب 120 دينار 8 ساعات عمل المهم اعمل ايه لو الشركة الي انا طالع عليه منفزتش الي متفق معايه عليه وهو اني السكن ووجبتين والموصلات من والى العمل مع العلم بان مش مكتوب في العقد اني السكن والموصلات والوجبات على الشركة وايضا مع العلم بان سمة الدخول مكتوب فيها سمة دخول اهلي وانا موهلي متوسط عاوز حد يكون ليه فكره عن الموضوع وبعد اد ايه ممكن اني انقال لو لقدر الله الشركة مش كويس انا ملقتش افضل من المصرين الموجودين هناك اني اسالهم وشكرك للجميع

اسمع كلام سمبا

اياك تفكر تقبل باقل من 250 دينار الحياه هنا غاليه جدا

وبعدين مصر والله احسن بكتير ... احسبها صح

[Simba]

توقعت هيئة الارصاد هبوب عاصفة ترابية تترواح سرعتها من 20 الي 50 كيلو متر

وتهيب بالمواطنين والمقيمين الحذر واخذ الحيطة اللازمة

http://www.kuwaitnews.com/index.php?option=com_content&view=article&id=10560:الداخلية-عاصفة-ترابية-خلال-يومي-الأحد-والاثنين-والطقس-غير-مستقر&catid=19:محليات&Itemid=174

[Simba]

انا بس حبيت ارد علشان ارفع الموضوع لاني لقيته اخر موضوع في الصفحة التانية

[أهااات روح]

السلام عليكم ورحمة الله وبركاته

ايه ياجماعة انتو رجعتو تغيبو تانى ليه( انا عارفة المفروض انا اخر واحدة اقول الكلام ده :sofa: )

ده حتى الجو كله تراب يعنى معظمنا فى البيت

طيب ادخلو طمنونا عليكو بصو بصة وروحوتانى بس متتاخروش كده

فين المواضيع الى مكنتش بتخلص والحاورات والمناقشات فين دا كله

[noname]

السلام عليكم

لا جديد بس حبيت افتح صفحة جديدة

[pocy]

السلام عليكم ورحمه الله وبركاته

اعتقد ان المعظم لسه فاكرنى ولا نستونى :protest:

الحمد لله على كل شئ من قبل ومن بعض مررت منذ فتره ببعض الظروف التى جعلتنى اقف مع نفسي قليلا لا بل كثيرا وكنت قد توقفت عن الكتاب رغما عنى لقد كنت ذاهده فى اشياء كثيره والحمد لله ع كل شئ من قبل ومن بعد احببت ان اسلم عليكم واقول انى كنت اتابعكم ولكن من بعيد اتمنى لكم جميعا السلامه فى هذا الجو المغبر واتمنى من الله عز وجل ان يجعل من مصر بلدا امنا واامنا ان شاء الله

اختكم فى الله

بوسي

[noname]

السلام عليكم ورحمه الله وبركاته

اعتقد ان المعظم لسه فاكرنى ولا نستونى :protest:

الحمد لله على كل شئ من قبل ومن بعض مررت منذ فتره ببعض الظروف التى جعلتنى اقف مع نفسي قليلا لا بل كثيرا وكنت قد توقفت عن الكتاب رغما عنى لقد كنت ذاهده فى اشياء كثيره والحمد لله ع كل شئ من قبل ومن بعد احببت ان اسلم عليكم واقول انى كنت اتابعكم ولكن من بعيد اتمنى لكم جميعا السلامه فى هذا الجو المغبر واتمنى من الله عز وجل ان يجعل من مصر بلدا امنا واامنا ان شاء الله

اختكم فى الله

بوسي

عودا حميدا

نرجو ان تستمر مشاراكتك دائما

حللت اهلا ونزلت سهلا

[قلب ابيض]

السلام عليكم ورحمه الله وبركاته

اعتقد ان المعظم لسه فاكرنى ولا نستونى :protest:

الحمد لله على كل شئ من قبل ومن بعض مررت منذ فتره ببعض الظروف التى جعلتنى اقف مع نفسي قليلا لا بل كثيرا وكنت قد توقفت عن الكتاب رغما عنى لقد كنت ذاهده فى اشياء كثيره والحمد لله ع كل شئ من قبل ومن بعد احببت ان اسلم عليكم واقول انى كنت اتابعكم ولكن من بعيد اتمنى لكم جميعا السلامه فى هذا الجو المغبر واتمنى من الله عز وجل ان يجعل من مصر بلدا امنا واامنا ان شاء الله

اختكم فى الله

بوسي

وهل يخفى القمر؟؟؟

معقوله يا بوسى انت تتنسى؟؟؟

انا عاوزه اوجز لك حكايه مرت بينا من 6 سنوات ..كنا فى حاله نشاط اسرى غير معهوده يعنى كل ويك اند مقدس لاتلات اسر هم اصدقاء لزوجى من ايام الدراسه وزوجاتهم كذلك صديقاتى من عمر اولادنا ...ويوم كان خميس وقتما كانت العطله الاسبوعيه خميس وجمعه وبدأنا نشد الرحال للطلعه...واتصلت بنا زوجه صديق منهم قائله الحقونى فلان تعبان ومش بياخد نفسه ...خرج زوجى وصديقه التالت فى سياره وجرى عليهم بالبيت واخدت انا زجته وانظلقنا بعدهم بتلت ساعه وهما بيتهم فى السالميه ونحن بخيطان وفى منتصف الطريق اتصل بى زوجى قائلا البقاء لله ....طبعا كانت صدمه لا ولن ننساها ..هاختصر لك اكتر كان علينا فى خلال يوم ونص او اتنين عالاكثر ..تسفير المرحوم وبناته الاطفال وزوجته وبيع شقتهم وعفشهم ولم كل محتويتها ..سبحان الله لم اذق طعم النوم لا انا ولا بيتى كله حاله من انعدام الوزن والتفكير الا فى توصيله واسرته لمصر بسلام ......وبعدها بحوالى اسبوع كما لو كان حالا عرفنا الخبر ....حزن شديد لفراق الاحبه كلهم

للان لم ننقطع بالسؤال عن ابناءه وزوجته وده حق الصديق على صديقه

الموضوع عندك مختلف ..عارفه

بس عاوزه اوصل لك ان الحزن فى القلب والحياه هاتمشى هاتمشى برضانا وغصب عنا

ماتخليش احزانك تسيطر عليك ..كفايه اللى عندك ومافيش بيت مافيهوش مشاكل ..ربنا يبعد عنك المشاكل يارب

اهتمى بنفسك اوووووى وقوى نفسك اووووى انت اساس البيت لو كنت كويسه عمر وابوعمر هايبقوا تمام

ولو انتى خستعتى شويه .....صدقينى البيت كله بيقع

عاوزاك بسبس بتاعتنا اللى كلمتها ترسم بسمه على وشنا ومشاركتها ولو بأسمها بس كفايه اننا نتفاءل

بوسى ....بجد وحشتينا كلنا يا ام عمر

[Simba]

اعتقد ان المعظم لسه فاكرنى ولا نستونى

هو حضرتك عضوة جديدة هنا يا فندم :closedeyes:

[samehmagdy]

السلام عليكم ورحمه الله وبركاته

ازيك يا ام عمر

مش عارف اقولك ايه بعد كلام ماما قلب ابيض ليكى

اكيد الحزن على فراق الاصدقاء والاحباب مفيش ليه غير الدعاء والصبر

ومن لم يتعظ بالموت فلا واعظ له

بس الدنيا لازم تمشى وتستمر لان هى دى سنه الحياه ومفيش حد هيخلد فى الدنيا كلنا هنمشى امتى بقى وازاى الله اعلم اللهم انا نسالك حسن الخاتمه

[samehmagdy]

صحيح يا جماعه هو الاجازة المرضيه فيها مشاكل للمغتربين

من كام يوم اتصبت انا وواحد صاحبى فى ماتش كوره وروحنا الرازى

صاحبى رجله اتجبست الدكتور اداله بالعافيه 3 ايام اجازة

وانا مرضيش يدينى ولا يوم :protest:

هو الدكاتره بيتحاسبو على عدد الايام دى وبيتخصم منهم نسبه ولا ايه

[pocy]

السلام عليكم ورحمه الله وبركاته

ماما قلب ابيض

لا اعرف كيف ارد لك جميل واحد من جمايلك على وخصوصا انا سبحان الله وبسم الله ماشاء الله عليكى كلامك اد ايه مريح وازاح عن نفسي حاجات كتير وربنا يرحم موتانا جميعا ويكرمهم فى اهلهم يارب ويكرمنا بحسن الخاتمه ان شاء الله ورحم الله صديق زوجك واكرم زوجته واولاده بالخير يارب وجعل ما فعلتوه فى ميزان حسانتكم احنا لحد الان لايصين فى الاجراءات فالاسره بكاملها قد ماتت وتم دفنهم فى السعوديه وهنا لا نستطيع فعل شئ الا لما تورد الينا شهاده الوفاه مع توكيل رسمي من الورثه بالتصرف لدفع ديون المرحوم من قسط سياره واجره شقه وبيع محتواياتها وبيع سياره زوجته واخد مستحقاته الماليه وربنا يتولانا برحمته يارب اللهم امين

وبجد جزاكى الله كل خير على وقوفك المستمر معى رغم تقصيري الشديد معك والله المستعان والله العظيم بحبك فى الله ياقمر

تامر والشهير بطموووووووووووووووووووره اخبارك ايه ؟؟؟؟؟؟؟؟؟؟واخبار الاسره الكريمه يارب تكونوا بالف صحه وسلامه ان شاء الله اخبار الوضع عندكم ايه فى المدرسه والله بجد ربنا يعين فئه المدرسين هنا ايا كانت جنسيتهم بجد متعبه متعبه متعبه ورغم ذلك ابحث عنها لان دوامها هو الوحيد الدوام المناسب للمراه فى الغربه

المهم طمنا عنك واحكيلنا كده شويه مواقف من اللى بيقابلك فى المدرسه

استاذ سامح ولا نقول ابو احمد ربنا يكرمك بيه يارب وفعلا مااحلى الدعوه بحسن الخاتمه

حرام عليك يا سمبا الا صحيح هو انت بتشتغل فى مستشفي اللى عند دوار العظام اصلي بفكر اروحها زياره ههههههههههههههه

فين باقي الاخوات والاخوه ام مروان والله الواحد مقصر معاها جدا فعلا وكب كيك فينها وفين حكايات لؤي ابنها يارب يكونوا بخير واهات روح بتغيبي كتير عننا بس المهم انك بترجعيلنا بالف سلامه امل حياتى فينها هى لسه زعلانه ولا ايه نتمنى ان تكون بخير حال وابوطبيخ واستاذي المبجل والفاضل والذي احترمه كثيرا حسن درويش والغريب يارب يكونوا بالف خير منذ فتره ولم اقرا او اسمع عنهم شئ ياريت حد يطمنا عليهم

[pocy]

كنت عايزه اناقش معاكم موضوع كده على هامش المحاورات

ايه رايكم فى زياده الرواتب وهل الافضل اننا نزود الراتب ولا افضل بدل ما يزودوا الرواتب يقللوا اسعار السلع بصراحه انا واحده من الناس زياده الرواتب في القطاع الحكومى سواء للاطباء او المدرسين او القطاع الادارى حتى بتيجي على بالسوء لان زياده المرتبات بتوازى جنبها ارتفاع اسعار وده اللى حصل بالفعل مع زياده الاطباء ومع المنح الاميريه فايه رايكم ؟؟؟؟؟؟؟؟؟؟؟؟؟ ولو انهم لو عملوا كده فهم هيزودوا قيمه الورقه او العمله

[أهااات روح]

السلام عليكم ورحمة الله وبركاته

عودا حميدا يابوسى

ربنا يجازيكو كل الخير ويرزقكو واهلهم الصبر والسلوان مش لاقيه كلام اقوله بعد كلام ماما قلب ابيض ربنا يديم المحبة والود بينكو يارب

بس انتى ادعيلهم واقرئى قران كتير وان شاء الله نفسيتك هتبقى احسن باذن الله

ونورتى الدوانية ومش عاوزينك تتاخرى علينا تانى والله يعينك ويباركلك فى عمر وابو عمر

[الغريب]

صحيح يا جماعه هو الاجازة المرضيه فيها مشاكل للمغتربين

من كام يوم اتصبت انا وواحد صاحبى فى ماتش كوره وروحنا الرازى

صاحبى رجله اتجبست الدكتور اداله بالعافيه 3 ايام اجازة

وانا مرضيش يدينى ولا يوم :protest:

هو الدكاتره بيتحاسبو على عدد الايام دى وبيتخصم منهم نسبه ولا ايه

لسه واحد صاحبي وأحنا بنلعب كورة بردو أيديه أتكسرت وجبسها في الرازي والدكتور قالو هتفك الجبس بعد ثلاث أسابيع، وقالو لو عاوزني أكتبلك أجازة بالثلاث أسابيع مفيش مشكلة :) بالرغم من أنها بسيطة يعني وكمان في إيديه

بس هو اليومين دوول فعلا في دوشة على موضوع الأجازة الطبية لأن حبايبنا الكويتيين تقريبا مبيروحوش دوام بسببها ، ويقال أنها كلفت الدولة ما يقرب من 250 مليون دينار خسائر ، فطبعا مفيش حد هيعوض الخسائر دي غير حضرتك وصحبك :lol:

[الغريب]

تبرعات من الجالية المصرية بالكويت لدعم الاقتصاد وأسر شهداء الثورة

توجه القنصل العام المصري بالكويت السفير صلاح الوسيمي بصحبة مجلس الجالية المصرية وعدد من رجال الأعمال المصريين وأبناء الجالية المصرية اليوم إلى شركة المزيني للصيرفة فرع السالمية بالكويت وذلك للتبرع لدعم الاقتصاد المصري ودعم اسر شهداء ثورة 25 يناير.

وقد توافدت إعداد كبيرة من أبناء الجالية المصرية بالكويت في مختلف الوظائف بالحكومة والقطاع الخاص الكويتي الى شركة المزيني للصيرفة للمساهمة والتبرع لدعم الاقتصاد المصري ودعم اسر شهداء ثورة 25 يناير مع الاخذ في الاعتبار أن شركة المزيني لا تتقاضى أي عمولات أو رسوم مقابل عملية التحويل للحسابات الخاصة بدعم الاقتصاد المصري وأسر الشهداء والمحولة لدى البنك المركزي المصري باسم مساهمات دعم الاقتصاد المصري وذلك في حسابين لدعم الاقتصاد المصري والثالث للتبرع لأسر شهداء ثورة 25 يناير.

وقال القنصل العام المصري بالكويت السفير صلاح الوسيمي أن مساهمات ابناء الجلية المصرية في دعم اقتصاد بلادهم يعكس شعورهم واساسهم بالانتماء الى الوطن الام مصر وحرصهم على

أن يكون لهم دور في دعم الاقتصاد المصري ودعم اسر شهداء ثورة 25 يناير الذين ضحوا بأرواحهم من اجل حياة افضل وغد مشرق بنور العدالة والحرية.

يذكر أنه يوجد بالكويت نحو 500 ألف مواطن مصري- وطبقا لبيانات الجهات الكويتية الرسمية ـ يعمل 36 ألف مصري في القطاع الحكومي مقابل 270 ألف مصري يعملون في القطاع الأهلي وتعد الجالية المصرية ثاني اكبر جالية بالكويت بعد الجالية الهندية.

وأكد القنصل العام المصري بالكويت السفير صلاح الوسيمي أن حملة تبرعات أبناء الجالية المصرية بالكويت ستستمر وان هناك قوة دفع جديدة لهذه الحملة تأتى انطلاقا من حب والتزام الجالية المصرية بالكويت تجاه وطنهم الام مصر واحساسا بالمسئولية الملقاة على عاتق المصريين العاملين بالخارج في النهوض باقتصاد بلادهم.

واشار السفير صلاح الوسيمي الى أن تحويلات المصريين العاملين بالكويت تأتى في المرتبة الثانية للعاملين المصريين بالخارج بعد الولايات المتحدة وقال انها بلغت في العام الماضي 5ر1 مليار دولار.

وكشف السفير الوسيمي في ختام تصريحاته لمراسل وكالة انباء الشرق الاوسط بالكويت اليوم عن أن هناك مشروعات تجارية واقتصادية سترى النور قريبا جدا سيقوم بها رجال اعمال مصريون بالكويت من اجل دعم الاقتصاد المصري وقال أن ذلك تم بمبادرة منة وقد لقيت استجابة كبيرة من رجال الاعمال المصريين بالكويت لافتا الى انه تم بالفعل تأسيس شركة كبرى في هذا الشأن سيكون لها دور مهم في عملية التنمية وتوفير فرص العمل للأيدي العاملة المصرية خلال الفترة المقبلة.

في شوية نشاطات حلوة للمصريين في الكويت لمساعدة البلد ، وكلها موجودة على الجروب ده

رابطة شباب النيل على الفيس بوك

[الغريب]

في مقال النهاردة في جريدة السياسة جميل جدا جدا جدا ، ومن أمتع المقالات التي قرأتها

المقال : حل "علماني" للأجور

كاتب المقال أستعار كلمة "علمانية" ليدلل بها على فصل المؤسسات بالكويت عن موضوع التكويت ، ولا يقصد منها المعنى القبيح الذي يعني فصل الدين عن السياسة.

ملخص المقال أن الكاتب "الكويتي" يرفض إغداق الأموال على المواطنين الكويتيين تحت بنود راتب الوظيفة لأن ده بيسبب حدوث فجوة في الرواتب بين الوافدين والمواطنين مما ينتج عنه سلبيات مضرة لبيئة العمل في الكويت ، ويقول إن كان المواطنون الكويتيون يستحقون ثروة هذه البلد فيمكن إعطائهم هذه الثروة من خلال باب آخر غير باب الرواتب ، بصراحة كلام جميل جدا

[Simba]

في مقال النهاردة في جريدة السياسة جميل جدا جدا جدا ، ومن أمتع المقالات التي قرأتها

المقال : حل "علماني" للأجور

كاتب المقال أستعار كلمة "علمانية" ليدلل بها على فصل المؤسسات بالكويت عن موضوع التكويت ، ولا يقصد منها المعنى القبيح الذي يعني فصل الدين عن السياسة.

ملخص المقال أن الكاتب "الكويتي" يرفض إغداق الأموال على المواطنين الكويتيين تحت بنود راتب الوظيفة لأن ده بيسبب حدوث فجوة في الرواتب بين الوافدين والمواطنين مما ينتج عنه سلبيات مضرة لبيئة العمل في الكويت ، ويقول إن كان المواطنون الكويتيون يستحقون ثروة هذه البلد فيمكن إعطائهم هذه الثروة من خلال باب آخر غير باب الرواتب ، بصراحة كلام جميل جدا

مقال جميل يا غريب بك

لكن للاسف هيفضل مقال

انا اللي سمعته قبل الثورات العربية ان كان فيه نية لزيادة 70 دينار غلاء معيشة لكل موظفي الدولة وافدين ومواطنين وبعد كده بقت 100 دينار للكويتين بس

عين بتوع السعودية وحشة :closedeyes:

[HDarwish]

مساء الخير