المصريين المغتربين بالكويت

[mohamed abd el hamid]

ممكن سؤال يا midosa

هل هناك اى مصاريف او مولات تم دفعها الى مكتب السفر !!!!؟؟؟

[midosa]

بصراحة هو مكنش فى اى وسيط او مكتب بينى وبين الشركة يا استاذ محمد ...

الشركة كانت طلبه عدة وظائف عادى على الانترنت ، وانا كل فترة باخد جولة على النت

اشوف الجديد واقدم الـ CV بتاعى فى اكتر من شركة ، وكان منها الشركة اللى انا رايح عليها

فوجئت بيهم بيتصلوا بالتليفون ، وسئلونى كام سؤال ، وقالى هنبقى نتصل بيك ..

بعديها بيومين بالضبط لقيتهم باعتين العرض على الايميل ، وعايزين راى فى اسرع وقت ..

يمكن اللى مخلينى سعيد بالموضوع دا ، انى مكنتش حطه فى دماغى ، وانه لما حصل

كان بينى وبين الشركة من غير وسيط او شركات وهمية .. الحمد لله رب العالمين

وانا المفروض دلوقت فى انتظار الفيزا قالولى هيبعتوها فى خلال عشرة ايام

وانا تحت امرك فى اى استفسار ....

[herohero]

هيروهيرو

انا مختلف معاك قلبا وقالبا

بس هرجعلك تاني لما الناس تبتدي ترجع هنا تاني

انتظرني

يا استاذ تامر انا يشرفني اختلافك معايا لانه هيفيدني وهيضيف ليا

وماتنساش ان الوالد كان مدرس ف الكويت 30 سنة -مدرسة البيروني

-مدرسة شملان بن علي

-مدرسة عمار بن ياسر

وعارف والله العظيم هي اد ايه مهنة متعبه بل مرهقة الوالد كان مدرس رياضيات وعارف اد ايه التعب بتاع التدريس وخاصه ف الكويت لانك مش بتدرس حضرتك مهمتك تروض الطلبة وعارف اد ايه المعاناة

لكن استاذي الفاضل انا بتكلم ع مبدأ العقد شريعه المتعاقدين خاصه ان حضرتك عارف ان الوضع ف مصر بالنسبة للمعلم ليس بالجيد معرفش انا بعيد عن ارض الواقع ف الكويت لكن بقول ان دايما لما اتفاوض يكون عندي أوراق ضغط قوية والا هيكون تفاوضي لا طائل منه

وعموما يشرفني اختلاف حضرتك معايا عشان تضيف ليا

وكل تحيه وتقدير ومعزة لحضرتك

[حوريةعين]

السلام عليكم

يارب الجميع يكون بخير

انا بجد اترددت كتير قبل ما اكتب لاني كنت واخدة موقف من المنتدي والديكتاتورية من البعض

بس قولت ديوانيتنا الحمد لله مفهاش الا الحب

العزيزة الحبيبة الجميلة قلب أبيض

بحبــــــــــــ ــــــــــــــك

فانت فعلا قلب هذا المنتدي

وحشتينـــــــــــــــــــى

[أهااات روح]

السلام عليكم ورحمة الله وبركاته

والله ياأستاذ تامر انا شايفة انو مش غلط لما تطالب بحقك لو فعلا انت مش واخد حقك بس المهم التوقيت الى تطالب فيه بالحق ده

وبصراحة التوقيت ده صعب جدا فى ظل الاوضاع فى العالم العربى وكمان فى نهاية العام الدراسى يعنى لو كنتو طالبتو بحقوقكو من اربع ولا خمس شهور بيتهيقلى انهم كانو ممكن يفكرو ويحطو الموضوع فى اعتبارهم لكن دلوقتى اى دولة ومش شرط الكويت خايفة من اى قلق بسيط ممكن يحصل فبالتالى يكون الرد سريع ومرفوض

بس فيه حاجة ضايقتنى فى الموضوع ان هنا فئة المدرسين تشمل جنسيات متعددة بس الاعلام او الكلام الى اتقال عموما خص المدرسين المصريين ليييه؟؟؟!!!!1

[قلب ابيض]

]

المطر في مصر ريحته طينة جميلة ، أنما المطر هنا ريحته رمل :closedeyes:

ودي أكتر حاجة بتضايقني في الكويت الصحراء والرمال

نفسي في مناظر خضراء وطينة سودا زي مصر

روحنا رحلة عائلية في العيد الوطني كان نفسي تكونوا معانا لمزرعة في العبدلي

أنا قولت أوعى بقى هتلاقي الخضار على اليمين والشمال وتمد إيدك تقطف من على الشجر والكلام بتاع جناين مصر

ولكن كانت المفاجأة .. بلاش أقول والناس اللي راحت مزارع العبدلي والوفرة عارفة الكلام كويس

كلامك مظبوط جدا يا غريب ..المزارع فى الغبدلى او الوفره تحسها زى المنتزه يعنى استعدادات لقضاء يوم جميل وربما جو جميل ولكن احساس الخضره والزرع او الفلاحه بمعنى اصح ..لاء لا يقارن مع مصر ودون تحيز طبعا

اما ريحه التربه نفسها سواء بعد المطر او بعد رى الارض فامليوووووون لاء تراب وطينه مصر لها احساس تانى ولا يستشعره الا عاشق ترابها او فلاح مصرى ...

متفقين يا اهاات الروح ويا غريب bv:-

بمجمل كلامى بقى عايز احكى موقف رائع لسه حاصل قدام عينى من سيكة (سيكة = من شوية صغننه)ولما كلوا فبكل تلقائية رمى شنطة الاكل من شباك العربية على الارض

مع ان ما بينه و ما بين صندوق القمامة دقيقة واحدة مشى و على رجل واحدة :closedeyes:

المهم الكلام دا حصل فى مجية شاب ظريف حاطط اديه الاتنين فى جيبه والشنطة على كتفه و حاطط سماعات MP3 فى وداانه

وعمال يدندن مع الاغنية اللى بيسمعها..

شاب مين الشباب اللى لما الناس الكبار زى والدى ووالدتى يشفوهم يمصمصوا شفايفهم ، ويقولوا هما دول جيل المستقبل :sad: :protest:

المهم علشان مطولش ، الشاب دا شاف صاحبنا وهو بيرمى شنطة الاكل من العربية على الارض

فكان رد فعله بسييييط جدا ، بكل بساطة جاب الشنطة من على الارض وبص للراجل

وقالوا جمله بسيطة : يا فندم احنا خلاص نضفنا

وقام رايح على صندوق القمامة وحط فيه الشنطة وكمل طريقه يدندن على الاغنية اللى بيسمعها ... bnd5::

وصاحبنا اياه كان شكلوا وحششششششش ، و وشه كله جاب الواااان ، ودور عربيته وطيارة اختفى ... :P

بجد كان موقف رائع جدا ، لو كل واحد عمل كده فعلا البلد هتبقى نضيفة

انا اللى مضايقنى ان لما البلد هتبتدى تنضف فعلا ، انا هسافر :unsure:

يا ويلكم بالشباب ..شباب اجمل ايام كانت حلم لكل اب وام وماتخيلوش ان ولادهم هما الشراره اللى هتنور البلد بعدها

اهلا بيك يا ميدو ...بين اخواتك واهلك واسرتك هنا بالكويت

عجبنى اوى اللى ذكرته ده لانه بالفعل حصل قدام عينى فى مصر بس كان على شكل واحد بيقزقز لب وبيرمى قدامه وهو واقف فى طابور البنك فى الشارع

ياااااااااااااااااه على حلاوتك يامصر وولادك بيهتموا بيك

بيطبطبوا على كتفك ويبوسوا ايديك بعد عمرك اللى فنتيه عشانهم وكان هايضيع عشان شويه افاقين وحراميه كانوا عاوزين يلوثوا تاريخك

الله عليك يا محمد انت واصحابك وولادى لما ايديكم تبقى فى ايد بعض دايما وترفعوا مصر دايما لفوق

واوعى تزعل انك هتسافر وتسيبها ...معقول هاتنسى الحاجه ولدتك عشان سافرت ؟؟

يبقى اكيد مش هاتنسى ام الدنيا مهما بعدت ..انت ان شاء اله هاتكون سفير لجيلك بأخلاقك وعلمك وعملك عشان الكل يعرف هنا وفى كل مكان ان مصر ولاااده ومصر بلد الخير والعطاء دايما ومهما حصل

يا جبل ما يهزك ريح

اهلا بيك يا محمد

السلام عليكم

يارب الجميع يكون بخير

انا بجد اترددت كتير قبل ما اكتب لاني كنت واخدة موقف من المنتدي والديكتاتورية من البعض

بس قولت ديوانيتنا الحمد لله مفهاش الا الحب

العزيزة الحبيبة الجميلة قلب أبيض

بحبــــــــــــ ــــــــــــــك

فانت فعلا قلب هذا المنتدي

وحشتينـــــــــــــــــــى

" حوحوووو ..ما عاش اللى يزعلك ..هو مين ده شاورى بس عليه من بعيد "بس اوعى يشوفك والنبى

المسامح كريم وبعدين الكلام ده قبل 25 يناير ...احنا ولاد النهارده وبكره ان شاء الله اجمل

مشتاقه للحديث معاك .....هااااا مش هوبا بقى ؟؟؟

[قلب ابيض]

انا معاك يا اهات فى رايك ...المطالب اللى طالبوها المدرسين مطالب مش خياليه ومن حقهم يعرضوا طلباتهم زى ما من حق الوزاره ترفض

ولكن التوقيت خاااااطىء جدا ..هو الظاهر نشوه التغيير خللت اللى هنا اتحروا هما كمان ...بس اللى اتقال وانا معاه فعلا ...عاوز تغير غير فى بلدك انت هنا وافد مش مواطن ..والعقد شريعه المتعاقدين

انا معاك ان الحياه اسعار غليت مش زى قبل كده .. وخصوصا السكن ..ولكن ماتقولش حسنه وانا سيدك

ومش وقته ..فى نص العام الدراسى

ووقت فيه قلق من اى تهييج للشعب فى كل مكان مش بس هنا او هناك

وتهديد بالاستقاله الجماعيه مش حلو خااااالص دلوقتى

والنتيجه كانت ايه ؟؟

اللى زعلنى بقى فعلا وجداااااااا هو اختصاص الجنسيه المصريه من المدرسين على انها هى كل الوافدين فى وزاره التربيه

يعنى اصبح هناك اسبوتلايت على المصرى فقط....ومش بس فى التربيه لاء

ده اتعمم ونزله شتيمه وسخريه مالها اول من اخر على المصريين ...

ولانى مؤدبه واخلاقى لاتسمح بذكر او الرد عن ما ذكر هنا ...اقدر اوجز الموضوع بأنى قد اصيبت بكتئاب والله العظيم استمر لايام على الرغم من بعدى عن العمل الحكومى تماما او حتى الاحتكاك به الا انى شعرت بأن هناك دائما من يرى ان لا يجب ان تعلو العين فوق الحاجب

ولم يفكر لحظه فمن هو اكثر اهميه ..العين ولا الحاجب؟؟؟؟

شكلى خرفت صح ؟

اقولكم .....اى مغترب فى اى بلد متغرب لها لازم يعى ويتأكد انه مهما طالت بيه الايام او العشره فأنت فيها ضيييييييف ولست من اهلها ..عامل بالحسنى وبما يرضى الله ولا يهينك ....وفى النهايه

ارفع راسك فووووووق انت مصرى

[midosa]

يا ويلكم بالشباب ..شباب اجمل ايام كانت حلم لكل اب وام وماتخيلوش ان ولادهم هما الشراره اللى هتنور البلد بعدها

اهلا بيك يا ميدو ...بين اخواتك واهلك واسرتك هنا بالكويت

عجبنى اوى اللى ذكرته ده لانه بالفعل حصل قدام عينى فى مصر بس كان على شكل واحد بيقزقز لب وبيرمى قدامه وهو واقف فى طابور البنك فى الشارع

ياااااااااااااااااه على حلاوتك يامصر وولادك بيهتموا بيك

بيطبطبوا على كتفك ويبوسوا ايديك بعد عمرك اللى فنتيه عشانهم وكان هايضيع عشان شويه افاقين وحراميه كانوا عاوزين يلوثوا تاريخك

الله عليك يا محمد انت واصحابك وولادى لما ايديكم تبقى فى ايد بعض دايما وترفعوا مصر دايما لفوق

واوعى تزعل انك هتسافر وتسيبها ...معقول هاتنسى الحاجه ولدتك عشان سافرت ؟؟

يبقى اكيد مش هاتنسى ام الدنيا مهما بعدت ..انت ان شاء اله هاتكون سفير لجيلك بأخلاقك وعلمك وعملك عشان الكل يعرف هنا وفى كل مكان ان مصر ولاااده ومصر بلد الخير والعطاء دايما ومهما حصل

يا جبل ما يهزك ريح

اهلا بيك يا محمد

ايه دا ؟ :) ايه الكلام الجامد دا ؟ :blush2:

انا مش عارف اقول ايه بصراحة ... :)

اصل انا مش وخد على الكلام الجميل دا :P

متشكر لحضرتك اوى ، انا كده مش هبقى فى غربة بقى ، مدام فى ناس جامدة كده :)

طيب بما ان انا شاب استغلالى ، اسمحيلى استغل الكلام الجميل دا واسئل سؤال واحتمال اتنين :happy:

اولا : انا لما اجى ان شاء الله الشركة الى انا رايحها هتبقى هى الكفيل ؟ ولا نظام الكفيل اتلغى ؟

ثانيا : ودا الاهم بصراحة ... الكشف و التحاليل اللى هعملهم فى الكويت ، دا موضوع راعبنى جدا ، هو انا الحمد لله معنديش حاجة

بس مضمنش بصراحة بعد المياه الملوثة الى بنشربها والفراخ المهجنة اللى بنكلها ، ولحمة الققط الجامدة اللى بنسلقها

ايه اللى - لا قدر الله - ممكن يرجعنى او يمنعنى من الاستكمال ، ولا الشركة ممكن تخلص الموضوع دا منها لنفسيها من غير تحاليل وكشوفات ؟

بس والنبى متقوليش كلام حلو وجميل تانى :P ، علشان مش بعرف ارد عليه وبتحرج اوى :blush2:

[noname]

اخيرا بدأت الديوانية تدب فيها الروح مرة اخرى

اشكر اختي اهاات روح لتلبية الدعوة والعودة لبيت العيلة

وكذلك انتظر كل من وجهت لهم الدعوة بالعودة

سؤال وعايز اجمع منكم الاراء حوله

هل تعتقد ان مطالبة المدرسين الوافدين في الكويت بتعديل اوضاعهم خطأ؟

انتظر اجابات مقرونه بأسباب

صباح الخير استاذ تامر

اعتقد ان مطلب المدرسين الوافدين بتعديل اوضاعهم لا خطأ فيه

لماذا ؟

لان المطالبة بالحق المشروع لا تعنى ان اطالب بها فى بلدى وفقط ولكن ما دمت اؤدى عمل للاخرين على اكمل وجه فيجب ان اثاب عليه كاملا

والا وهنا يثبت لى كامل الحق فى المطالبة بحقوقى ( كل حق يقابله التزام وكل التزام يقابله حق )

يا أخى العزيز لماذا نتردد دائما عندما نطالب بجزء من حقوقنا ولانتردد ابدا عندما نؤدى ما علينا

سر على بركة الله ولا تخشى فوات رزق مادامت خزائن الله مملوءة لا تنفذ

[الغريب]

السلام على الجميع هنا

أين أنت يا سمباااااااا ؟؟

@ ميدو .. تحب أجاوبلك أنا عن السؤالين ولا تنتظر لما مدام قلب أبيض تجهز الفطار المتين وتفطر وترد عليك ؟؟

آخر الأخبار ..

إستكمالا لمسيرتها "العفنة" في التحريض على الجنسية المصرية (بالرغم من أن غالبية العاملين بها مصريين بس للأسف طيبيين وملهمش شوكة)

نشرت جريدة العفن "الوطن سابقا" الخبر التالي :

بعد أيام من أزمة المدرسين في «فيس بوك»

مصر للكويت: وقف إعارة القضاة إلا إذا تمت مساواتهم بالكويتيين!

كتبت ابتسام سعيد:

بعد أيام معدودة من الازمة الصامتة للمدرسين المصريين في وزارة التربية ومطالبتهم بالمساواة في الرواتب والمكافآت مع نظرائهم الكويتيين، والتهديد بالاضراب والاستقالات الجماعية عبر التنسيق المشترك في موقع على «فيس بوك» يجمع المعلمين المصريين، بانت ملامح الازمة مشابهة ولكن على الصعيد القضائي في الكويت.

فقد علمت «الوطن» من مصادر موثوقة في الكويت بأن وزير العدل المصري الجديد المستشار محمد عبدالعزيز الجندي بصدد اتخاذ قرار يقضي بوقف الاعارات القضائية المصرية الى دولة الكويت حتى يتخذ المجلس الاعلى للقضاء الكويتي قراراً بمساواة المستشارين المصريين برواتب نظرائهم الكويتيين، أو تقليل الفجوة المالية بينهم.

وأكدت المصادر ان هذا القرار لو طبق بالفعل فإن من شأنه التأثير على المرفق القضائي في الكويت خصوصا ان هناك أكثر من 35 قاضيا مصريا سيقومون بتقديم استقالاتهم نهاية الموسم القضائي الحالي لذات السبب المشار اليه، الامر الذي سيترتب عليه شغر في هذه الوظائف القضائية بما يحمله ذلك في طياته من احتمالات تعطيل في فصل الاحكام.

وأشارت المصادر إلى ان وزير العدل المصري الجديد أعطى الحق للقضاة المصريين المستقيلين من القضاء المصري والذين يعملون في القضاء الكويتي بالعدول عن الاستقالة والعودة الى أعمالهم السابقة في القضاء المصري وبترتيب أقدميتهم السابقة.

وأنا أهدي جريدة الوطن لمحة وفاء لها

[samehmagdy]

ياااااااااااه وانا اقول النور كل كله جاى منين

ايوة كده نورى الدنيا هنا تانى

بجد الفتره دى كلنا محتاجين نبقى جنب بعض اكتر من كده

ولا ااااايه؟

عندك حق والله الدنيا نورت بماما قلب ابيض ونورت كمان وكمان بوجودك يا سموحة

واكيد بلمتنا تانى هتنور اكتر واكتر

ربنا يكرمك يا حاتم باشا دى منوره بوجودك وبوجود كل اخونا واخوتنا هنا فى بيت العيله

وربنا يزيد الحب فى الله والموده اللى بينا دايما يارب

[samehmagdy]

مسيو تامر

اكيد من حق اى واحد مش واخد حقه انه يطالب بحقه

بس زى ما بيقولو فى المثل

"اخدان الحق صنعه والجدع اللى يطلع حريف وهوه بياخد حقه "

فالوقت والاسلوب كان محتاج ترتيب اكتر من كده

وبعدين علشان تتفاوض وتهدد وتاخد حقك يبقى لازم يكون تحت ايدك ورق تضغط بيه والا هتكون بتحضر العفريت من غير ما تعرف تصرفه

ثانيا من حيث رد الفعل من بعض الناس المريضه نفسيا وهجومهم على المصريين بالذات والكلام المستفز اللى سمعناه

فعباره عن عقده نقص شديده منهم ناحيه المصريين بالذات

وزادت اكتر واكتر بعد الثوره وبعد ما حسو ان مصر راجعه تانى وكل واحد هيرجع لحجمه الطبيعى

وكان طبيعى ان الحكومه هنا تستجيب لرغبه الناس دى علشان متعملش اى قلق اى رد فعل ضد الحكومه فى الوقت دى

بس على فكره الموضوع دى هيبقى ليه مردود فى الفتره الجايه واعتقد انهم هيعيدو النظر تانى فى موضوع تعديل الاوضاع خاصه مع رغبه ناس كتير فى الرجوع لمصر الفتره الجايه مع تحسن الاوضاع قريب ان شاء الله

ومع سفر مدرسين بعض الجنسيات العربيه التانيه بعد تحسين اوضاعهم فى بلادهم

الاخ ميدو

اولا اهلا وسهلا بيك وسط اهلك وناس وكلنا هنا اخواتك

ثانيا بخصوص موضوع الكفيل فلسه موجود بس مبقاش زى الاول بقى فيه نسبه من الحريه

من ناحيه الكشف الطبى فاعتقد ان الموضوع دى بالذات محدش بيعرف يلعب فيها او يخلصه لو لا قدر الله كان فى حاجه فى التحاليل وبعدين انت لزياده الاطمئنان ابقى اعمل كشف وتحاليل بره على حسابك قبل ما تبداء فى الاجراءات لزياده الاطمئنان مش اكتر

وتوصل بالسلامه ان شاء الله

[cup cake]

وحشتونى وحشتونى وحشتونننى

اخباركم ايه كلكم

ايوه كده يا ماما قلب ابيض رجعتى الحياه لديوانيه تانى

اخبارك ايه يا بوسى محدش بيشوفك ليه لعل المانع خير

سمعتوا عن التجمع الى هيبقى يوم الجمعه الجايه 18 -3 فى منتزة الشعب الترفيهى للمصريين انا عن نفسى هروح انتوا بقى هتروحوا ولا لا هيبقى فى العاب و جوايز و اهم حاجه ان هيبقى فى اغانى وطنيه :egyflag: يعنى هيبقى تجمع ظريف والاولاد هينبسطوا

تيجى بالسلامه يا استاذ محمد بس المهم اقرا عقدك كويس و حلل فى اى معمل خاص قبل ما تيجى و ان شاء الله تنبسط هنا قوى

[تامر مصطفى]

وحشتونى وحشتونى وحشتونننى

اخباركم ايه كلكم

ايوه كده يا ماما قلب ابيض رجعتى الحياه لديوانيه تانى

اخبارك ايه يا بوسى محدش بيشوفك ليه لعل المانع خير

سمعتوا عن التجمع الى هيبقى يوم الجمعه الجايه 18 -3 فى منتزة الشعب الترفيهى للمصريين انا عن نفسى هروح انتوا بقى هتروحوا ولا لا هيبقى فى العاب و جوايز و اهم حاجه ان هيبقى فى اغانى وطنيه :egyflag: يعنى هيبقى تجمع ظريف والاولاد هينبسطوا

تيجى بالسلامه يا استاذ محمد بس المهم اقرا عقدك كويس و حلل فى اى معمل خاص قبل ما تيجى و ان شاء الله تنبسط هنا قوى

كب كيك

نورتي الباب مرة تانية

ياريت تحطي تفاصيل موضوع حديقة الشعب

انا عن نفسي لو نزلت من البلكونه رجلي هتشبك في سور حديقة الشعب

[cup cake]

بصى يا سيدى الخبر جاى فى موقع السفارة المصرية هيعملوا يوم للمصريين زى كل سنه بعنوان (فى حب مصر و الكويت ) يوم الجمعه الجاية فى منتزة الشعب الترفيهى بعد صلاة الجمعه و فى عروض للاطفال و فرق شعبية و مسابقات بعد صلاه العصر انا لقيتها فرصه لتغيير الجو و كمان نحس اننا فى مصر و على فكرة انا كمان الحديقة جنبى ان شاء الله انا و جوزى و الاولاد هنروح و ياريت تكون فرصه يتجمع فيها المحاوراتيه

http://www.egkw.com/ArticleDetail.aspx?id=9750

ده رابط الخبر

[cup cake]

كنت عايزة اسال لو حد يقدر يفيدنى انا ابنى هيتم ال3 سنوات الشهر الجاى يعنى على بدايه السنه الدراسيه هيكون عنده 3 سنوات و 5 شهور فهل ممكن يدخل مدرسه ولا لازم يتم 3و نص او اربعه؟ و ايه الفرق بين المدارس الامريكية و ثنائيه اللغه وايه احسن مدرسة فى السالميه او حولى ممكن اوديه فيها

ياريت يا جماعه الى عنده فكرة يعرفنى و ياسلام بقى لو تعرفوا كمان مصاريف المدارس دى كام تبقوا ريحتونى من اللف و المشورة

و شكرا مقدما

على جنب بقى سؤال للمدامات و الانسات حد يعرف محل لبيع العبايات بس تكون حلوة و شيك احسن انا مليش فى اللف و عايزة اشترى واحده لمامتى فى عيد الام (كل سنه و كل الامهات بخير و انا اولهم :wub: )

[تامر مصطفى]

بصى يا سيدى الخبر جاى فى موقع السفارة المصرية هيعملوا يوم للمصريين زى كل سنه بعنوان (فى حب مصر و الكويت ) يوم الجمعه الجاية فى منتزة الشعب الترفيهى بعد صلاة الجمعه و فى عروض للاطفال و فرق شعبية و مسابقات بعد صلاه العصر انا لقيتها فرصه لتغيير الجو و كمان نحس اننا فى مصر و على فكرة انا كمان الحديقة جنبى ان شاء الله انا و جوزى و الاولاد هنروح و ياريت تكون فرصه يتجمع فيها المحاوراتيه

http://www.egkw.com/ArticleDetail.aspx?id=9750

ده رابط الخبر

شكرا يا كب على المعلومات

بس هقولك على حاجة

ما دام موقع مصريون في الكويت هو اللي عامل اليوم المفتوح ده

يبقى متضايقيش نفسك اوي لو لاحظتي اي تصرفات بايخة

يعني مثلا لو مقدم الحفلة اتكلم مع الجمهور بطريقة مش ظريفة في لحظة من اللحظات

او لما يوزعوا جوايز وتلاحظي انهم بيوزعوا على ناس معينة هما عارفينهم

بس بشكل عام هو بيبقى تجمع جميل وكفاية انك تسمعي اغاني وطنية مصرية

طبعا الماما قلب ابيض اول الموجودين هناك

ان شاء الله اكون هناك مع اسرتي

سمبا وسامح وابو عمار وابلة حورية عين وهننتظر الغريب وحاتم وياريت الست بوسي تيجي هي واسرتها واتمنى ان جميع اعضاء الديوانية يكونوا موجودين

[midosa]

الغريب - samehmagdy - cup cake - قلب أبيض

متشكر لردودكم ومساعدتكم ، بجد انتوا ناس محترمة وانا حبتكم فى الله

عامة هى الشركة عملت فيا الخديعة -الحمد لله طبعا- وبعتولى الفيزا

هما قالوا كمان 10 ايام مش يومين ونص :P

وبجد القلق اللى كان عندى من السفر ، فعلا قل جدا بعد ما قرات تعليقاتكم الجميلة

وبما ان انا حالف انى ماكتبش تعليق الا ومعاه سؤال :)

خدوا بقى السؤال دا :P

س : ان شاء الله لما اوصل الكويت ، ينفع استئجر استديو بالباسور ولا لازم الاقامة تكون خلصت الاول ؟

اسمحولى بقى استئذن علشان والدتى خطفانى وقافلة عليا الاوضة و طلعت السبورة والقلم

وعمالة تدينى دروس فى الاقتصاد والتحويش والمستقبل

والموضوع دخل فى المعادلات الجذرية :sad: ، واحتمال جواز

[تامر مصطفى]

حتى هذه اللحظة انتظر منكم الردود والتعليقات على سؤالي بخصوص المطالبة تحسين وضع المعلمين

اتفرجوا على الفيديو ده على ما ارجعلكم

http://www.youtube.com/watch?v=VRk1wXcVnrg

[قلب ابيض]

الغريب - samehmagdy - cup cake - قلب أبيض

متشكر لردودكم ومساعدتكم ، بجد انتوا ناس محترمة وانا حبتكم فى الله

عامة هى الشركة عملت فيا الخديعة -الحمد لله طبعا- وبعتولى الفيزا

هما قالوا كمان 10 ايام مش يومين ونص :P

وبجد القلق اللى كان عندى من السفر ، فعلا قل جدا بعد ما قرات تعليقاتكم الجميلة

وبما ان انا حالف انى ماكتبش تعليق الا ومعاه سؤال :)

خدوا بقى السؤال دا :P

س : ان شاء الله لما اوصل الكويت ، ينفع استئجر استديو بالباسور ولا لازم الاقامة تكون خلصت الاول ؟

اسمحولى بقى استئذن علشان والدتى خطفانى وقافلة عليا الاوضة و طلعت السبورة والقلم

وعمالة تدينى دروس فى الاقتصاد والتحويش والمستقبل

والموضوع دخل فى المعادلات الجذرية :sad: ، واحتمال جواز

توصل بالسلامه ان شاء الله...السؤال بقى

انت لما توصل بالسلامه هاتنزل مباشره على حد تعرفه هنا؟؟؟؟

يعنى هايستقبلك حد من الشركه مثلا ؟؟ هايوفروا لك اقامه فى مكان ما لمده معينه؟؟

من جهه السكن بالباسبور اعتقد متاح لحين استكمال اوراقك ودق الاقامه.....

واعذرنى بقى الاجراءات القانونيه فى اى شىء ...الحمد لله ربنا يخللى ابو انور هو المسئول عنها ...واستنى هبابه كده ومسئول الشئون القانونيه والمساعد بتاعه هايردوا عليك من الديوانيه

طبعا كل واحد عارف نفسه ..؟؟؟

تامر ....ادعى لى يا ابن اخويا ربنا يعافينى واكون معاكم يااااارب

لانكم بجد وحشتونى جدااااااا...خاصه احمد سامح... cr((: هاموت عليه