تحياتى من كيبيك سيتى

[خالد المسلم]

السلام عليكم ورحمه الله وبركاته

ده اول مشاركه ليا فى منتدى محاورات المصريين

حتى انى بسال نفسى سؤال هل ممكن الواحد يفكر فى موضوع الهجره من غير ما يدخل فى محاورات المصريين

انا قدمت كيبك من فتره

اانا مش شاركت قبل كده بس كنت قارئ نهم لكل ما كتب ومش قادر اقولكم المنتى فادنى قد ايه

انا حاليا خلصت الكشف الطبى

اه

نسيت انا بالمناسبه صيدلى واعمل فى السعوديه من خمس سنين تقريبا

ومريت بمراحل كتير زى الفيش والتشبيه فى السعوديه والكشف الطبى من السعوديه الخ

ويشرفنى انى اشارك معاكم

بالتوفيق وباذن الله نهاجر كلنا وربنا يقدملنا خير هذه الهجره ويبعد عنا شرها اللهم امين

[Nassarlink]

السلام عليكم ورحمه الله وبركاته

ده اول مشاركه ليا فى منتدى محاورات المصريين

حتى انى بسال نفسى سؤال هل ممكن الواحد يفكر فى موضوع الهجره من غير ما يدخل فى محاورات المصريين

انا قدمت كيبك من فتره

اانا مش شاركت قبل كده بس كنت قارئ نهم لكل ما كتب ومش قادر اقولكم المنتى فادنى قد ايه

انا حاليا خلصت الكشف الطبى

اه

نسيت انا بالمناسبه صيدلى واعمل فى السعوديه من خمس سنين تقريبا

ومريت بمراحل كتير زى الفيش والتشبيه فى السعوديه والكشف الطبى من السعوديه الخ

ويشرفنى انى اشارك معاكم

بالتوفيق وباذن الله نهاجر كلنا وربنا يقدملنا خير هذه الهجره ويبعد عنا شرها اللهم امين

وعليكم السلام ورحمة الله وبركاته

اولا مبروك علي التقديم لكيبيك

وبعدين مبروك اللفايل نمبر

وبعديين مبروك لتحديد موعد المقابله

ثم مبروك للنجاح في المقابله

وبعديها مبروك للتقديم فيدرال

ومبروك للكشف الطبي

انت شايف حرمت نفسك ازاي من كام مبروك

مش مني بس ده من كل الاعضاء

المهم مبروك انك قررت تشارك معانا بعد ماكنت مستمع بس

احنا منتظرين مشاركات اكتر ولا وني واخد علي خاطري منك

واعتقد ده بردوا راي كل الاخوه هنا

متتأخرش علينا تاني

بس استسمحك تكتب تفاصيل التقديم بتاعتك في التوبيك بتاع الدين قدموا لكيبيك ونجحوا في مقابلات شهر 3 و 4

علشان الموضوعات متتلخبطش

وشكرا علي تعاونك معانا

تم تعديل 10 أبريل 2009 بواسطة Nassarlink

[jessika]

ياريت تقلنا يا دكتور خالد المسلم قدمت امتى الفيدرال وجالك امتى الكشف الطبى ؟وهل اتصلوا بيك فى الفيدرال فى شغلك للتاكد من شغلك؟ ولا كنت مقدم تامينات

[دعاء]

اخواتى واخواتى الافاضل وحشتونى جدا

انا اسفة جدا على التاخير بس كان عندى مشكلة فى النت بقالها 4 ايام كان شبه فاصل وماكنتش عارفة ادخل على الموقع

شكرا على ردود افعالكم تجاه اللى انا باكتبه

واسفة على بعض المداخلات الغير مناسبة لكنى افضل عدم الخوض فى الموضوع ده ونكمل موضوعنا احسن

انا مش عارفة الحلقة دى اتكلم عن ايه بالتحديد

بس ممكن احكى لكم عن زيارتنا لمكتب خدمات المهاجرين

الحقيقة المكاتب دى موجوده فى مناطق كتير من المدينة وهى مخصصة لتعريف المهاجرين بعض المعلومات اللى ممكن تساعدهم فى خطواتهم الاولى فى البلد

فى الاول جوزى راح لوحده وقالهم ان احنا مهاجرين جدد وعايزين نعرف بعض المعلومات فقابلته موظفة وقالت له ان احنا بنعمل محاضرات عامة بيحضرها كل المهاجرين الجدد لتعريفهم بالاوراق الرسمية المطلوبة وكيفية اسستخراجها وتوجيههم من ناحية دراسة اللغة الفرنسية وهكذا

قالها المحاضرات دى بتبقى باى لغة قالت له بالفرنساوى قالها انه مش بيعرف يفهم فرنساوى قالت له فى الحالة دى بتكون المقابلة شخصية مش عامة وفعلا حددت له ميعاد علشان نروح كلنا

وفى الميعاد المحدد روحت انا وجوزى والاولاد التلاتة علشان البنت الكبيرة فى المدرسة

كانت الموظفة فى انتظارنا ودخلتنا على غرفة كبيرة زى قاعة المحاضرات كده واديتنا ورق زى ابليكيشن واحدة لى وواحدة لجوزى علشان نملاه

واديت للبنتين رسومات وكل واحدة علبة الوان علشان يتسلوا بيها لحد ما احنا نخلص

واخدت مننا ( اللاندينج بيبر والسى اس كيو والباسبورات وعملت منهم نسخ )

وبعد كده جت قعدت قدامنا وبدات تورينا شكل الكروت اللى احنا هانستلمها طبعا احنا قولنا لها ان احنا عملناهم خلاص

ووريتنا الورق بتاع منحة الاطفال ( احنا كنا مليناه بس لسة لم نرسله ) هى راجعته معانا وكملنا المعلومات الناقصة وحطيناه فى الاظرف مع نسخ من اوراقنا وقال لنا انه دلوقتى جاهز على الارسال

اما الابليكيشن اللى مليناه عندها كان علشان تعليم اللغة الفرنسية فى جامعة لافال ( عرفنا ان تعليم اللغة الفرنسية فى جامعة لافال له عائد شهرى من الحكومة بس مانعرفش كام لحد دلوقتى ) هى حطت الورق بتاع اللغة فى ظرف وبرضه مع نسخ من اوراقنا وقالت انها هى اللى هاترسله بنفسها

وقالت لنا ان فيه مكتب فى الداون تاون يساعد المهاجرين فى ايجاد سكن وايجاد عمل ( كانت نصيحتها اننا مانفكرش فى العمل دلوقتى وقالت على الاقل 6 شهور علشان يكون مستوانا فى اللغة بقى احسن ) ( وقالت لجوزى بعد ماتخلص دراسة الفرنساوى ممكن نروح مكتب الهجرة تانى للمساعدة فى اختيار العمل) بس لما روحنا المكتب ده قالولنا انه لازم يكون فيه ميعاد سابق لانهم مشغولين جدا وقالولنا ادونا رقم التليفون واحنا هانحدد ميعاد ونبلغكم بيه فى التليفون ولكن للاسف بقالنا اسبوع وماحدش اتصل بينا

المهم قعدنا فى المقابلة دى حوالى ساعة وتلت عرفتنا فيها على نظام المواصلات وكل حاجة تقولها تدينا موقعها على النت لان البلد هنا ماشية بالنت

نصيحتى لكل المهاجرين الجداد انهم يدوروا على اقرب مكتب مساعدة للمهاجرين من المكان اللى هاينزلوا فيه لانه اكيد بيدى معلومات مهمة واذا كانت المعلومة مش عندهم ممكن يوجهوك للمكان اللى ممكن يفيدك

المهم احنا دلوقتى فى انتظار دورنا فى كورسات اللغة الفرنسية فى جامعة لافال

وفيه جنب البيت مكتب تانى لمساعدة المهاجرين بس مش حكومى بندرس فيه انا وجوزى لحد ماييجى دورنا فى الجامعة

( على فكرة انا بنتى لم يطلب منها شهادة التطعيمات بتاعتها عند التقديم للمدرسة )

ان شاء الله احاول اكون معاكم اول باول علشان احكى لكم عن التجارب اللى مرت علينا واتصرفنا ازاى والله المستعان

شكرا جزيلا على حسن الاستماع

:blink:

[safar]

الحمدلله على السلامة يا أخت دعاء ، و نتمنى أن الله ييسر لكم أموركم، وفي رأي أن تعلم اللغة هو فرصة لوضع بذور لتعريف الناس بالإسلام الحق وليس كما يتم الإعلان عنه في وسائل الإعلام الموجهة.

مع تحياتي للجميع

[torontoz]

تسجيل متابعة....

[ايناس احمد]

نورتى المنتدى يادعاء كنا مفتقدينك

شكرا ياحبيبتى على معلوماتك القيمه وربنا معاكو ان شاء الله

بس انتى مش حتحاولى تدورى على شغل دلوقتى ولو مؤقت ليكى او لزوجك ربنا يوفقكو ان شاء الله

[torontoz]

نورتى المنتدى يادعاء كنا مفتقدينك

شكرا ياحبيبتى على معلوماتك القيمه وربنا معاكو ان شاء الله

بس انتى مش حتحاولى تدورى على شغل دلوقتى ولو مؤقت ليكى او لزوجك ربنا يوفقكو ان شاء الله

[somayasaleh]

بسم الله ما شاء الله علي حضرتك يا مدام دعاء ..... المختصر المفيد دائما

تسلم ايديك..... وجزاك الله كل خير علي ما تقدميه من وقت ومعلومات لباقي الاعضاء

تسجيل متابعة للاستفادة :blink: dct::

[Nassarlink]

الف شكر يا مدام دعاء علي اهتمامك بينا

واحنا مقدريين الظروف

ربنا يبارك لك

مقولتلناش الجو اليومين دول عامل ايه

يعني برد ولا خلاص الشتاء بدأ ينتهي

[منى عبدون]

حمداللة على السلامة يا دعاء كنا مستنيينك بفارغ الصبر بس طبعا مقدريين اللى انتى فية وربنا يكرمك ويوفقك فى مشوارك

[مجبورة ان شاء الله]

السلام عليكم

عودن حميدا ليك يا دعاء نورتى المنتدى وربنا معكم ومزيد من الاحداث فى سياق حلقات جديدة

[omneya]

مبروك اولا يا مدام دعاء واتمنى لك حياه سعيده فى كيبك

ثانيا :انا عندى استفسار صغير على تطعيمات الاطفال الصغار هل مكتب خدمات المهاجرين يرشدك على اماكن الدكتره هناك لمتابعه صحه الاطفال واعطائهم التطعيمات ؟؟؟؟اذا عند حضرتك معلومه ارجو افادتى بها

مع جزيل الشكر :blink:

[دعاء]

مبروك اولا يا مدام دعاء واتمنى لك حياه سعيده فى كيبك

ثانيا :انا عندى استفسار صغير على تطعيمات الاطفال الصغار هل مكتب خدمات المهاجرين يرشدك على اماكن الدكتره هناك لمتابعه صحه الاطفال واعطائهم التطعيمات ؟؟؟؟اذا عند حضرتك معلومه ارجو افادتى بها

مع جزيل الشكر

اهلا بيكى يا امنية

ربنا يكمل لكم مشوار الهجرة على خير وان شاء الله توصلوا كندا بالف سلامة

بصى يا سيتى انا كمان عندى ابن صغير 6 شهور وليه تطعيمات

التطعيمات مش مرتبطة خالص بالتامين الصحى اطمنى اول ما تيجى تتجهى على طول لمكتب خدمات المهاجرين القريب ليكى هما ان شاء الله هايرشدوكى للمكان اللى تطعمى بنتك فيه وبعد فترة التلات شهور ودخولكم فى التامين الصحى هايوجهوكم لدكتور العائلة الاقرب لسكنكم

علشان هنا مهم جدا ان كل اسرة يكون ليها الطبيب الذى يتابع الاسرة وتكونوا متسجلين عنده

بالتوفيق ان شاء الله

[دعاء]

اخوانى واخواتى الافاضل شكرا لكم جزيلا على ردودكم ومشاركتكم

الاستاذ نصار

بخصوص الجو الحقيقة هو مش مستقر لحد دلوقتى يوم فيه مطر تلج ويومين مطر عادى متواصل ويوم تلاقى الشمس طالعة شوية

يعنى عرفت ان شهر ابريل هنا بيبقى شهر عدم الاستقرار بس التلج معظمه ساح دلوقتى بس لسة المساحات الخضرا ( وهى كبيرة وشاسعة جدا فى كيبيك سيتى ) دبلانة من اثر اكوام التلج اللى كانت مغطياها ومازلنا فى انتظار المساحات الخضراء الطبيعية التى تسر النظر فعلا

الاستاذ تورنتو

شكرا لاضافة الصور علشان انا مش باعرف اضيف صور للاسف

يا جماعة .. الصورتين دول من الشارع اللى انا ساكنة فيه وغالبية المنطقة ( sainte foy ) زى الشكل ده علشان اختى ام ريهام كانت طالبة صور للمنطقة اللى انا ساكنة فيها والاستاذ تورنتو حقق لها طلبها

خواطر سريعة : ( وخاصة جدا )

- كيبيك سيتى مدينة هادية وجميلة ومش زحمة

- كل حاجة بتمشى بالراحة وبهدوء وعاجبانى قوى سواقة العربيات هنا غير طبعا النظام الذى لا يختلف عليه اتنين الا ان الناس بتسوق برضه بهدوء جدا وعلى اقل من المهل

- فى الاشارات بتكون المسافة بين كل عربية والتانية مترين

- لازم اى بائع او موظف او حتى سواق الاتوبيس يشكرك على الشرا او التعامل معاه او حتى على ركوب الاتوبيس لازم يكون فيه جملة ( merci , bonne journee )بالاضافة للابتسامة طبعا

- من الملاحظ ان 97 % من العمالة هنا سيدات ( بائعات - سواقات للاتوبيس - عسكرية مرور - موظفات حكوميات - مدرسات ........ ) كلهم ستات wst::

- مازلت اشعر بنظرات الاستغراب تجاهى من حيث الحجاب وعدد الاطفال

- حاسة ان الناس العواجيز هنا اكتر بكتير من الشباب والاطفال

- كل المحلات حتى السوبر ماكت لازم ينزل بروشور اسبوعى بالعروض اللى بيعملها على المنتجات علشان كده تلاقى الناس هنا عايشة على العروض ويستنوا البروشورات دى من الاسبوع للاسبوع علشان السلعة اللى هما محتاجينها ينزل عليها عرض او تخفيض كويس ويشتروها

- الاسعار ممكن تكون زى مصر او ارخص شوية ( وخاصة المنتجات الغذائية ) بس اذا الواحد بقى عنده عمل مستقر وراتب ثابت كويس هاتكون المعيشة رخيصة ومريحة

باشكركم جزيلا على متابعتكم لى

وشكرا ايضا على حسن الاستماع

:happy:

[somayasaleh]

اخوانى واخواتى الافاضل شكرا لكم جزيلا على ردودكم ومشاركتكم

الاستاذ نصار

بخصوص الجو الحقيقة هو مش مستقر لحد دلوقتى يوم فيه مطر تلج ويومين مطر عادى متواصل ويوم تلاقى الشمس طالعة شوية

يعنى عرفت ان شهر ابريل هنا بيبقى شهر عدم الاستقرار بس التلج معظمه ساح دلوقتى بس لسة المساحات الخضرا ( وهى كبيرة وشاسعة جدا فى كيبيك سيتى ) دبلانة من اثر اكوام التلج اللى كانت مغطياها ومازلنا فى انتظار المساحات الخضراء الطبيعية التى تسر النظر فعلا

الاستاذ تورنتو

شكرا لاضافة الصور علشان انا مش باعرف اضيف صور للاسف

يا جماعة .. الصورتين دول من الشارع اللى انا ساكنة فيه وغالبية المنطقة ( sainte foy ) زى الشكل ده علشان اختى ام ريهام كانت طالبة صور للمنطقة اللى انا ساكنة فيها والاستاذ تورنتو حقق لها طلبها

خواطر سريعة : ( وخاصة جدا )

- كيبيك سيتى مدينة هادية وجميلة ومش زحمة

- كل حاجة بتمشى بالراحة وبهدوء وعاجبانى قوى سواقة العربيات هنا غير طبعا النظام الذى لا يختلف عليه اتنين الا ان الناس بتسوق برضه بهدوء جدا وعلى اقل من المهل

- فى الاشارات بتكون المسافة بين كل عربية والتانية مترين

- لازم اى بائع او موظف او حتى سواق الاتوبيس يشكرك على الشرا او التعامل معاه او حتى على ركوب الاتوبيس لازم يكون فيه جملة ( merci , bonne journee )بالاضافة للابتسامة طبعا

- من الملاحظ ان 97 % من العمالة هنا سيدات ( بائعات - سواقات للاتوبيس - عسكرية مرور - موظفات حكوميات - مدرسات ........ ) كلهم ستات wst::

- مازلت اشعر بنظرات الاستغراب تجاهى من حيث الحجاب وعدد الاطفال

- حاسة ان الناس العواجيز هنا اكتر بكتير من الشباب والاطفال

- كل المحلات حتى السوبر ماكت لازم ينزل بروشور اسبوعى بالعروض اللى بيعملها على المنتجات علشان كده تلاقى الناس هنا عايشة على العروض ويستنوا البروشورات دى من الاسبوع للاسبوع علشان السلعة اللى هما محتاجينها ينزل عليها عرض او تخفيض كويس ويشتروها

- الاسعار ممكن تكون زى مصر او ارخص شوية ( وخاصة المنتجات الغذائية ) بس اذا الواحد بقى عنده عمل مستقر وراتب ثابت كويس هاتكون المعيشة رخيصة ومريحة

باشكركم جزيلا على متابعتكم لى

وشكرا ايضا على حسن الاستماع

:happy:

الله ينور عليكي يا مدام دعاء.....

ما شاء الله المختصر المفيد.... وايجابية في الرد..... ربنا يوفقكم لما فيه الخير

متابعة .... لللاستفادة

[Nassarlink]

- من الملاحظ ان 97 % من العمالة هنا سيدات ( بائعات - سواقات للاتوبيس - عسكرية مرور - موظفات حكوميات - مدرسات ........ ) كلهم ستات wst::

- مازلت اشعر بنظرات الاستغراب تجاهى من حيث الحجاب وعدد الاطفال

- حاسة ان الناس العواجيز هنا اكتر بكتير من الشباب والاطفال

-

باشكركم جزيلا على متابعتكم لى

وشكرا ايضا على حسن الاستماع

:happy:

اختانا الفاضله دعاء

احنا الي بنشكرك علي اهتمامك بينا

وشعورك الطيب تجاهنا

وده سببه طبعا طيب اصل حضرتك

كلامك عن ان العماله ستات بقي في عنصريه ضد الرجاله ولا ايه انا كده خفت علي نفسي

وبالنسبه لموضوع العواجيز الكتير اعتقد ده امر طبيعي في مدينه كيبيك بسبب انها مش زي مونتريال معظم المهاجرين بيروحوا عليها

اما عن عدد الاطفال ده بسبب ثقافتهم المختلفه عننا الشرقيين انهم في الغالب لو انجبوا بيكتفوا بطفل واحد علشان هم معتقديين ان السعاده ان الانسان يكون حر بدون قيود علشان يعرف يحقق ذاته وان الاطفال اكبر قيد ممكن يورط فيه الانسان نفسه

اما احنا سعادتنا في القيود دي وفي اننا نشوف اولادنا احسن مننا

وكل ما تيزيد عندنا التزاماتنا تجاه اولادنا كل ما بتزيد السعاده عندنا وبنعتبر ده انجاز في حد ذاته

ربنا يكرمك ويوفقك

وفي انتظار وصف لكل ماهو محيط بيكم مهما كان صغير وغير ملفت للنظر

تحياتي ليكي من المنصوره سيتي

[omneya]

مبروك اولا يا مدام دعاء واتمنى لك حياه سعيده فى كيبك

ثانيا :انا عندى استفسار صغير على تطعيمات الاطفال الصغار هل مكتب خدمات المهاجرين يرشدك على اماكن الدكتره هناك لمتابعه صحه الاطفال واعطائهم التطعيمات ؟؟؟؟اذا عند حضرتك معلومه ارجو افادتى بها

مع جزيل الشكر

اهلا بيكى يا امنية

ربنا يكمل لكم مشوار الهجرة على خير وان شاء الله توصلوا كندا بالف سلامة

بصى يا سيتى انا كمان عندى ابن صغير 6 شهور وليه تطعيمات

التطعيمات مش مرتبطة خالص بالتامين الصحى اطمنى اول ما تيجى تتجهى على طول لمكتب خدمات المهاجرين القريب ليكى هما ان شاء الله هايرشدوكى للمكان اللى تطعمى بنتك فيه وبعد فترة التلات شهور ودخولكم فى التامين الصحى هايوجهوكم لدكتور العائلة الاقرب لسكنكم

علشان هنا مهم جدا ان كل اسرة يكون ليها الطبيب الذى يتابع الاسرة وتكونوا متسجلين عنده

بالتوفيق ان شاء الله

اشكرك جدا جدا يا مدام دعاء و جزاك الله كل خير و اتمنى لك حياه سعيده ان شاء الله :rolleyes:

[المتفائلة]

ماشاء الله يا مدام دعاء حاجة تفتح النفس وكلمات الشكر اصبحت عاجزة عن التعبير لكى يكفى تعبك واهتمامك فى الرد على الجميع ان شاء الله موفقة والله يبارك لكم فى اولادكم وعقبال الجميع المنتظرين ان شاء الله :rolleyes:

[ناوية ع الهجرة]

اختي دعاء ماشاء الله عليكي ربنا يبارك لك يارب ويوفقكم في حياتكم الجديدة وكلمات الشكر لا توفيكي حقك

بصراحة اي حد في مكانك كان هينشغل بحياته الجديدة لكن حضرتك مصرة انك تكتبي كل شئ

جزاكي الله خير عن تعبك ووقتك وتسجيل متابعة