ألووو .. بابا فين ؟ طب ماما فين ؟

[se_ Elsyed]

والله يا جماعة كنا زمان نترعب من ذكر إسم الأب أمامنا

أو لما كانت الام تقول للطفل " والله لما ييجي باباك من الشغل لأقوله "

وكان الأب ومن بعده الام يمثلا السُطلة العُليا في الدنيا بالنسبة للطفل ..

ويا سلام لو الطفل عمل مصيبة في المدرسة وقالوا " يُستدعى ولي أمره " .. بتبقى كارثة ونهاية العالم

أنا مره ضرب واحد صاحبي وكنت كبير وقد ضرفة الباب وفي أولى ثانوي .. وتم توجيه خطاب بإستدعاء ولي أمري ... وأُسقط في يدي وقلت . والله وروحت في الوبا يا س س

.. وتفتق ذهني عن فكرة جهنمية ودفعت رشوة لأختي الكبيرة - أكبر واحده فينا واكبر مني بـ 4 سنوات - وخليتها تيجي معايا المدرسة وقابلنا الناظر على اساس إن بابا وماما مسافرين .. وعدى الموضوع ومن بعدها بقيت ماشي جنب الحيط واللي يضربني أنفعل واقول له " ربنا يسامحك " :sad: ...

كل ده عشان بابا او ماما ما يوصلهمش إني شقي أو باتعفرت في المدرسة ..

حتى لما طلعت الجامعة كنت أجلس مرة في المدرج .. تقريباً في تانية بكلية التجارة ... وأضع أمامي على البنش جراب النضارة الشمس .. ومافيش ثواني مالقتهاش قدامي ... فطيحت في العيال اللي في البنش اللي أمامي لإن ماكانش في جنبي غير إتنين صحابي .. ودول معايا من أعدادي ولو سرقوا فمش هايسرقوا زميلهم في العصابة .. وجبت الأمن للعيال دي وكانوا ييجي 4 بنات منهم إتنين توأم وعيلين صبيان .. واخدتهم لحد المرحوم العميد حسن غلاب .. اللي أصدر لهم خطابات إستدعاء ولي أمر .. لقيت العيال أغمى عليهم وعياط وشقلبه وحركات .. والله روحت متنازل عن المحضر ومن ساعتها بقينا أصدقاء بس النضارة ما رجعتش ..

اللي عايز اقول له :

هما الناس اللي عيالهم البنات بيخرجوا شبه عرايا من البيت .. او الست هانم بتلاقيها راجعه من عند الخياطة او من عند صاحبتها الساعة 2 بالليل ... أهاليهم فين ؟

وحتى الأولاد ... ومهما كبر الشاب .. فطالما لسه بياخد مصروف ومازال عيل صغير غير متحمل للمسئولية يبقى من حق الأب والام غنهم يسألوه ويعاقبوه إن أمكن ... فالعيال البايظة دي أهاليها فين ؟

كان زماننا قمة البوظان هو إنك تدخن سجاير فرط في الخباثة أو تتقفش مره وإنت رحتك دخان .. يا نهار مش فايت ... ده كده فيها جونتانمو أو لو إستعملوا معانا الحرمة يبقى نتحول لأبو غريب ؟

إمبارح عبد الرحمن الأبنودي بيحكي إنه وهو صغير في ثانوي تم إستدعاء أبوه لإنه نط من فوق سور المدرسة وكان أبوه ناظر مدرسة أخرى يعني في سلك التعليم .. فراح ابوه وفي طابور المدرسة قدام الناس مسك الميكرفون وقال للناظر يعبط إبنه ويظبطه امام الجميع

أنا إتبسطت قوي من فيلم محمد هنيدي الأخير اللي طالع فيه مدرس وبيستخدم العنف والشدة المقبولة مع العيال المتدلعة واللي مش في دماغها ..

المهم بقى لي إسبوع باتابع حلقات وائل الأبراشي على قناة دريم برنامج " الحقيقة " اللي جايب فيه شوية عيال لا تفهم هما صبيان ولا بنات ولا جنس تلات ولا جنس لسه نازل في السوق ومسميين نفسهم <<<<< إيموز >>>> جايه من emotions يعني عيال عاطفيين ومرهفي الأحساس ... أنا أول مره اسمع المصطلح ده وأخر حاجه أعرفها كانت الهيبيز في الستينات وبأشوفهم في أفلام الأبيض والأسود

أنا مش هاتكلم كتير ولكن إليكم تقرير عن الإيموز من موقع محبط .. لسه النهاردة طازه على خلفية حلقات برنامج الحقيقة

شذوذ وإلحاد وتعذيب

"الأيمو" خليفة عبدة الشيطان في مصر

محيط – أمل المصري

حالة جدل خطيرة صاحبت ظهور جماعة الأيمو ـ التي تغوي أعضائها من جيل الشباب وتدعو إلى إظهار العاطفة بشكل يخلو من الأخلاق وتقوم بممارسات شاذة تلفظها قواعد السلوك القويمة ـ تحت شعار " العاطفة قوة لا تخجلوا منها " نعم إنهم شباب "الأيمو" الذين أصبحوا خلفاءً لعبدة الشيطان وظاهرة جديدة اجتاحت مجتمعنا العربي إلى أن وصلت إلى مصر.

اتهمت جماعة " الايمو " بالتوظيف الخاطئ للعاطفة والدعوة إلى الشذوذ الجنسي والإلحاد ، والألم الجسدي بمعنى إذا أصابك ألم نفسي فتنساه بالألم الجسدي وإيذاء الجسد وتعذيبه، ولكن المثير أن تدخل هذه الجماعة مصر وأن ينضم إليها الكثير من الشباب ليصبحوا إيموا مصريين متهمين بالشذوذ الجنسي وعبادة الشيطان ولا يبالون بنظرة المجتمع لهم ويتفاخرون بأنهم من شباب الأيمو!

بانكس + ماسوشية = ايمو

ولكي نعرف أكثر عن مراهقين " الأيمو " كان لابد وأن نقترب منهم فهم يتميزون ببعض الصفات مثل الحزن والاكتئاب .. والخجل .. ويعانون من التشائم والصمت ويطلق عليهم في علم النفس Emotive Driven Hardcore Punk أى ذو نفسية متمردة حساسة.

ومراهقين الأيمو دائما يسمعون موسيقى الروك أو الميتال، حيث تتحدث كلماتها عن الحزن والألم وتدعو إلى العزلة وعدم التعامل مع الآخرين وأخرى تدعو إلى الكفر بالله.

و أتت كلمة Emo اختصاراً لـEmotion والتي تعني الانفعال والإحساس، بدأت كتيار موسيقي في موسيقى الهارد روك في أوائل الثمانينات، لتتحول في بداية الألفية الثالثة إلى "ستايل" ونمط حياة لجماعات معينة. بدأت تظهر هذه الجماعات في واشنطن، ويعتبر علماء الاجتماع أنهم تطور طبيعي لجماعات البانكسpunk الشبه منقرضة.

الاب الروحي لجماعه الايمو في مصر

الإيمو تمثل نوعا من الانسحاب والعزلة عن السياق العام المحيط وعدم التعامل معه ، ولهذا فإن الاكتئاب والتشاؤم والحزن من صفات " الأيمو "، ويلبسون في العادة ملابس قاتمة أو سوداء، سراويل ضيقة جدا أو فضفاضة جدا، أغطية المعصم، وهذه الملابس تحمل أحيانا كلمات من أغاني الروك المشهورة ، أحزمة مرصعة بقطع معدن ، أحذية سوداء وقديمة ، النظارات ذات الأطراف العريضة السوداء ، الحلق في أجزاء الجسد إضافة إلى رسومات الجماجم والألوان القاتمة.

يفضلون الشعر الأسود الداكن جدا أو الأحمر اللون، ويميل ذكور الإيمو إلى قلب شعرهم إلى الأمام الأمر الذي يغطي تقريبا نصف وجوههم، وتميل فتيات الإيمو إلى وضع الكحل بكثافة حول منطقة العينين، إضافة إلى وضع المساحيق الكثيفة والداكنة.

إيمو الفيس بوك

وعلى الفيس بوك انتشرت الكثير من المجموعات التي جمعتها الفضول لمعرفه المزيد عن شباب الأيمو وأخذوا من هذه المجموعات وسيلة للتعارف على شباب الايمو مختلفي الجنسيات.

مجموعة just EmO وهو من أكبر مجموعات الايمو على الفيس بوك، حيث استقطب الكثير من الشباب وانضم إليه 371 عضو ا أثارهم الفضول لمعرفه المزيد عن شباب الأيمو ، فتقول روان محمود " جروب لذيذ .. احب استايل الايمو " ، اما محمود أكرم من مصر فعلق قائلا " انضممت للجروب لمشاهدة الايمو " ، و شهاب من الأردن قال : " 90% من شباب الأردن من الأيمو وهم مجرد استايل ليس اكثر من ذلك وتعالوا شوفوا بنفسكم " ، وضحى حمدان من الاردن ايضا فكتبت تقول " أنا بحب استايل الايمو جدا " ، ومن السعودية سارة التي أحبت الجروب كثيرا ووضعت صورة لفتاة من الايمو.

وفريدة إحدى أعضاء المجموعة ترى أن الكثيرين ينتقدون هذه الثقافـــة لما فيها من أزياء غريبة و يعتبروهم مجانين و متخلفين ، لأنهم يقومون بشق أنفسهم و جرح أنفسهم وأحيانا يفكرون في الانتحار و لا يريدون إكمال حياتهم بهذا العالم ، ولكن هناك بعض منا من يقوم بتقليدهم بهدف لفت الانتباه فقط ، كما أن من ينتمي لهذه الجماعة و الثقافة سيرى أن حياته ستتغير للأسواء ، فليس الأيمو مجرد "مظهر"!.

حقيقة الأيمو في مصر

والغريب في الأمر هو انجذاب شباب مصر إلى هذه الظاهرة فماذا حدث لهؤلاء الشباب فهل يبحثون عن الانتماء المفقود ؟ وهل البحث عن الانتماء أحيانا يكون بحث عن الضياع ؟ وهل سبب انضمامهم إلى هذه الجماعة هي الإحباطات المعيشية والاجتماعية ؟ ولماذا اجتمعوا في سيتي ستارز بمدينة نصر؟

كل هذه الاسئلة يجيب عنها بعض من شباب الايمو المصريين الذي استضافهم وائل الابراشي في برنامج " الحقيقة " على قناة دريم.

شريف حسني وهو الأب الروحي للايمو كما يلقبونه ويقول :" لا يوجد مبادئ معينة ونهج معين لجماعات الايمو فكل البشر لديهم عاطفة ولكننا نحن الايمو لا نخجل من الاعتراف بها أمام الجميع ، وبداية انضمامي إلى الايمو عندما أصابتني نوبة من الاكتئاب وعلى النت قراءة عن مجموعة الأيمو وأعجبت بفكره تعبيرهم عن مشاعرهم ولهذا قررت عمل مجموعة على الفيس بوك ثم دخل على الجروب أكثر من 150 فردا وتعرفنا على بعض".

فالأيمو طريقة معيشة وتفكير وليس ملبس ومظهرفقط فنحن لا نمتلك قاعدة ، ثم اكتشفت على الجروب ان هناك في

مصر من يقلدون ما يفعله ايمو الغرب عن طريقة تعذيب نفسهم وتقطيع ايديهم لكي يتخلصون من الالم النفسي بالالم الجسدي وكانوا تقريبا ثلاثة افراد ، وفؤجئت بوجود اعضاء علي الفيس بوك مكتئبين جدا وابتعدوا عن اصدقائهم لانهم حساسين للغاية ، ولا يوجد اصدقاء يفهمونهم ، ولهذا قررت عمل اجتماع معهم في سيتي ستارز بمدينة نصر وحضر الاجتماع بعض الاعضاء من القاهرة والإسكندرية".

ويكمل شريف قائلا :" نحن في مصر لا نتبع أسلوب الأيمو في الغرب فنحن لا نقطع أيدينا ولا ننتحر ولكن هناك بعض الشباب الذين يقلدون الغرب ولكن ليس بهذه الطريقة البشعة".

ونفى شريف أن يكون شباب الايمو المصريين يقلدون الغرب في كل تصرفاتهم قائلا :" فنحن لسنا جماعة ولا تجمعات، فنحن بعض الشباب الذين يفصحون عن مشاعرهم ليس أكثر".

أما دينا نشأت فهي إحدى عضوات الايمو سابقا والتي كانت لا يعنيها نظرة المجتمع لها ولا تخف من إلصاق تهم الشذوذ لها والإلحاد وعبادة الشيطان قائلة: "لا اهتم بلوم الناس على مظهرى فكنت أحبه كثيرا ولكنني اللآن تركت مظهر الايمو نظرا لكثرتهم في مصر ، فقد دخل شباب مصريين ولقبوا أنفسهم بالايمو لإعجابهم بطريقة اللبس وموسيقى الروك فمعظمهم ليسوا إيمو حقيقيين ، فأنا أعجبت بالموسيقى ولكن لخوفي من الاتهامات الشديدة التي توجه لهم تركت مظهرهم ، ولكن لا يوجد تجمعات لشباب الأيمو في مصر بل شباب يستمعون للموسيقى واللبس وتجمعهم بعض الصفات المشتركة".

احمد عبد المنعم ـ أحد أعضاء الأيمو ـ في مصر يرى أن الموضوع عبارة عن وجود بعض الشباب يمرون بمشكلة أو أزمة ويبحثون عن أصدقاء يتحدثون إليهم ويفهمونهم، فهناك بعض الشباب يواجهون بعض المشاكل ولكن المجتمع يهمشهم مثل الإدمان فالشباب مقتنع أن الرجولة مرتبطة بالإدمان ولهذا فإن المشاعر ماتت بين الشباب وأصبحنا نستهزئ بمظهر الناس بغض النظر عن ما بداخلهم، ولهذا فنحن لا نخجل من كوننا شباب يعبر عن مشاعره الداخلية كالبكاء أمام الجميع بغض النظر عن شكلنا، أما مسألة تقطيع الأيدى فهو مرض نفسي يصيب الكثيرين ولكننا مجرد أصدقاء تجمعنا بعض الصفات فنحن نختلف عن أيمو الغرب كليا.

ويكمل أحمد قائلا :" خرجنا على الهواء في هذا البرنامج لكي تفهمنا الناس ونبرأ أنفسنا ونقول إننا مجرد مجموعة شباب عندهم مشاكل اجتمعنا لكي نحلها".

حكاية أمير سعد لا تختلف كثيرا عن أحمد وشريف وأيضأ كلامه فيقول :" ليس لدي أصدقاء غير أحمد فهو جاري ولهذا تعرفت على أصدقاء جدد عن طريق انضمامي لجروب الأيمو على الفيس بوك فأعجبوني وفهموني واستمعوا لي ، أما شكل شعري فأنا منذ فترة وأنا تسريحة شعري هكذا وأنا لا اقطع أيدي ولا شاذ ونحن لا نعبد الشيطان بل مؤمنين ولا علاقة للشكل بالإيمان".

الدم احد طقوس الايمو

ولأن آراء هذه الشباب تثير الدهشة والخوف في اّن واحد فكان لابد من أن يتدخل علم النفس ليدرس هذه الظاهرة فيقول دكتور يحيى الأحمدي أستاذ علم النفسي التربوي :" للآسف أفكار هؤلاء الجماعات ينطبق مع فكر الماسوشية الذين يهربون من الألم النفسي بإيذاء الجسد، ولهذا لابد وأن نتفق أن هؤلاء الشباب ظاهرة لابد من دراستها فما المانع أن يعبر هؤلاء الشباب بعواطفهم والبحث عن أصدقاء بعيدا عن التقليد الغربي وهؤلاء الشباب يطمئنون مع وجودهم مع أصدقاء مثلهم وتحت راية واحدة وموسيقى واحدة ، مثلا لوجود شاب عنده ضعف جنسي فيحاول أن يلجأ لرد فعل مضاد ليثبت عكس هكذا ولهذا يصنف ضمن الشواذ".

ولهذا لابد وأن يعرف هؤلاء الشباب إذا كانوا هدفهم واحد وهو إظهار مشاعرهم والتعرف على أصدقاء جديدة فإن هناك أعراف وتقاليد لابد وأن نحترمها ونتبعها، كما يجب أن يتخلى هؤلاء الشباب عن المظهر الذي يدخلهم دائرة الشبهات فإذا كان لبسهم يتشابه مع جمعات الايمو لابد وأن يتخلوا عن هذا المظهر وأن نظهر عواطفنا ونحل مشاكلنا بعيدا عن تقليد الغرب

وإليكم الصور المُدعمة للموضوع .. وياريت ما حدش يكون لسه واكل ويشوف الصور عشان الترجيع وكدهوت

الصورة دي تستاهل حلقة من المفتش كرنبو .. عشان نعرف نفرق الصبيان والبنات

وأقترح إننا نجيب جردل ميه ونسقط فيه العيل من دول .. لو بألل يبقى بنت ولو غطس تحت يبقى واد .. ولو لا غطس ولا بألل يبقى اللهم أحفظنا مجهول المنشأ ومالوش مِله

تابع فوازير كرنبو

أعوذ بالله من الخبث والخبائث ... إنصرفي ... إنصرفي أيتها الأرواح الشريرة .. إنصرفي عليكي اللعنة ..وو لا تأذينا ولا نأذيكي

[سهل جدا]

أعوذ بالله .. إيه الأشكال ديه

الحمد لله الذي عافانا

هي فعلا نفس الأشكال اللي شوفناها في عبدة الشيطان

[~Heba~]

" نعم إنهم شباب "الأيمو" الذين أصبحوا خلفاءً لعبدة الشيطان وظاهرة جديدة اجتاحت مجتمعنا العربي إلى أن وصلت إلى مصر.

فعلا ده اللى خطر فى بالى اول ما قريت الموضوع

اصلا الشباب المراهق دايما بيحب يلفت النظر يتقاليع غريبة بس الملاحظ ان ده بيظهر بشكل اكبر عندهم فى الغرب والسبب طبعا الفراغ الروحى لان الغوا الدين تقريبا من حياتهم

و شبابنا مشكلتهم المقابلة انهم بيتجهوا للدين بطريقة متهورة ايضا و كله للفت النظر

بالنسبة لجروب الفيس بوك الخاصة بالجماعة دى...انا كنت دايمة حاسة بأن الفيس بوك ده مش حيجيبها البر و اكيد له مساوئ برغم مميزاته فى تجميع الشباب على هدف سامى لكن فى الأمر ده اظن اتضح انه محتاج رقابة و متابعة

على فكرة يا سين سين انا مفهمتش ايه علاقة بابا و ماما اللى فرأس الموضوع بحكاية الأيمو

و سلطة الاباء اصلا ملهاش مكان هنا لان دول شباب كبار و فى مرحلة المراهقة و حكاية السلط عليهم دى بتجيب نتيجة عكسية

و بعدين انت بهدلت العيال زمايلك فى الجامعة عشان النضارة

[شاب مصري]

العيال دي يتحقلهلها زيرو ويتبعتوا على الجيش

الخدمة العسكرية

هينضفوا ويعرفوا ان الله حق ويسيبوهم من الـ....... احم احم اللي هما فيه ده

الريس جمال عبدالناصر مرة شاف مجلة مصرية عاملة مسابقة للشباب لاجمل نظرة عين (أجمل تسبيلة)

راح أمر بجمع العيال البايظة دي وحلقولهم زيرو وبعتوهم على الجبهة

بجد والله ملهمش حل تاني

المخ لما يروح في داهية ويتقلوظ زي مخهم كده يبقى محتاج ثورة عملية والمناقشة لن تؤدي الا الى جدال وهبل في هبل

ملهمش حل تاني

يا اما الى الجيش او الى الصحراء لاستصلاح الأراضي

لحد ما يتربوا

وبعد كده هيرجعوا زي الفل مش هنحتاج اي مجهود معاهم لانهم هيرجعوا بمخ سليم.

[الباشمهندس ياسر]

ع فكرة

ليس من سمع كمن راى

انتوا ظالمين الشباب دول فعلا

الايمو يا جماعه

شاب

تعليم عالى دائما

وسط اجتماعى عالى دائما

مرتاح ماديا جدا جدا برده دائما

لكن

مع كل اللى فات ده

مش لاقى نفسه

بس مش اكتر

[الترجمـان]

بالإضافه إلى ماقاله الأخ البشمهندس ياسر

فمعظم هؤلاء الشباب الذين يسيرون إلى استخدام تقاليع صارخة مثل عبدة الشيطان والأيمو يعانون من حالات مرضية نفسية

كضعف الشخصية وعدم وجود مناخ عائلي متوازن يحتوي مثل هؤلاء الشباب, يهتم بهم ويشجعهم على الظهور والتميز في مجالات أو هوايات صحية وغير شاذة ...

قهي حالة تدفعهم إلى التمرد والسير عكس الطريق وخلق واقع آخر افتراضي يتوافقون معه ويضعون له شروطهم وقوانينهم الخاصة ..

تم تعديل 11 مارس 2009 بواسطة الترجمـان

[osmel33]

عارف يا سين سين أنا مرة كنت باتكلم مع واحد صديق والدي اللى يرحمهم جميعاً

على الشباب البايظ ده قالى جملة مش هاقدر انساها قاللى "العيال دى ظهرت علشان

الشبشب اختفى" طبعاً فاهم ....

[MoHaMMeD EgYpT]

الشباب دول اتعدوا من الغرب و فعلا معظم الشباب في اوروبا و امريكا و الغرب عموما بيعمولوا كده انا عندي اصحاب اجانب عاملين كده بالضبط بس ده ستيل بس مش شرط عبدة الشيطان و الكلام ده و فعلا العقل نعمة واللي في الغرب اللي بيعملوا كده اساسا بيبقي مش متدينين يعني لا مسيحين ولا حتي مسلمين ولا حتي بيؤمنوا باي ديانة فعلشان كده هما free

و انا عندي اصحاب كتير من الغرب طبعا emo هو في نوع تاني كده برده بس مش فاكره و برده شبه الemo و فعلا مدمنين روك و ميتل اما العبد لله اللي هو انا ولا بتاثر بالكلام التافه ده

و انا كمان شوفت عرب emo واحد من الامارات و راح كندا فجر هناك و واحد من مصر و راح اسبانيا فجر جامد اوي و واحد من الجزائر راح فرنسا ضاع و فجر بجد الواحد يشوف حالهم يحزن من كتر الافعال السيئة اللي بيعملوها هناك و خصوصا المصري اللي قالت لكم عليه عنده girl friend و طبعا مش متجوزين و راح لها اسبانيا و راح دراسة و بعد كده كمل 12 شهر معاها علاقة طبعا انتم فاهمين و بعد كده اخد اقامة علشان علاقتهما بقت اطول من 12 شهر و كلوا في الحرام و لحد دلوقتي ما اتجوزهاش و تشوف البنت دي تقرف بنت شبه الايمو دول بالضبط و شكلها شبه مش تمام و الواد كمان ضاع علي الاخر و بيشرب و بيشرب مخدرات و سجائر و مروق علي الاخر و عايش حياته زي الغرب بالضبط و فجر زيهم و اكتر كمان ده غير الصور اللي عنده بالهبل لييه و للبنت في اوضاع زبالة و بوس و الكلام ده يعني بجد الشاب ضاع و بيضيع عمره و الاماراتي راح كندا فجر جامد و بقا شغال في فرق الروك و بيغني و فجر علي الاخر و طبعا عند girl friend و نفس الشئ بالنسبة للمصري لكنه اوحش كمان لانه ابتدي يتغير و يبقي زي الايمو دول اما الاخير اللي هو من الجزائر هقول ايه ولا ايه ده بيشتغل في بار ده اقل شئ اقوله و نفس القصة بالنسبة للمصري و الاماراتي انا طبعا نصحتهم كتير اوي بس لا حياة لمن تنادي و الاماراتي اول واحد خلع و الجزائري فين و فين بنتكلم و المصري برده فين و فين بنتكلم و الله حاجة تقطع القلب لما تشوف مناظرهم

انا ليا وقفة مع الموضوع ده بس اعذروني مش فاضي حاليا لكن انا ليا وقفة و ان شاء الله هنقشها بس لما افضي

تم تعديل 11 مارس 2009 بواسطة MoHaMMeD EgYpT

[newcomer]

وكان الأب ومن بعده الام يمثلا السُطلة العُليا في الدنيا بالنسبة للطفل ..

]

هيه دى المشكلة ......

لما تنازل الأب و الأم عن السلطة دى

ساعات للشغالة.....للسواق....للجيران.....

و ساعات بيتنازلوا عنها للأولاد !!

و بعد لما الأولاد بيكبروا ....يفتكر الاب و الام انهم ليهم سلطة

و انهم من حقهم يوجهوهم و يمنعوا و يمنحوا.....و كده

بس بيبقى خلاص بقى It's too late

برضه اناكنت باستغرب كده زى حضرتك بالظبط ....لما بشوف

الشباب الصغير دول ......ازاى خرجوا من البيت؟؟؟؟؟

اكيد دول عايشين لوحدهم.....يا حرام!!!

و بعدين ....لما لقيت انهم كتيييييير اوى

قلت مش معقول....ان كل دول ايتام ......و لا اهلهم مسافريين علطوول!!!

كتيير منهم هاتلاقى اهاليهم عايشين معاهم و مش مسافريين و لا حاجة

لكن شايفين ان هيه دى الشياكة و الدليل على الرقى

و علشان ايه الكبت؟؟ و خلاص بقى الافكار القديمة دى راحت عليها

و زيهم زى غيرهم...... يعنى احنا بنشقى و نتعب ليه

خليهم يعيشوا حياتهم......بكره الدنيا هاتربيهم.......

يعنى هايبقوا اقل من زمايلهم......اهو الدنيا كلها كده

و.....و......و..... تسمع مبررات و كلام .....تحاول تفهمه او تلاقيله منطق....

؟؟؟؟؟؟؟؟؟؟؟؟؟؟؟؟؟؟؟؟؟

طبعا ....لازم ندعى ربنا انه يعافينا و يعافى اولادنا مما ابتلاهم به

و طبعا اذا اى حد ربنا كرمه فى اولاده ....لازم يبقى عنده يقين

ان ده فضل و توفيق و هدايه من عند ربنا سبحانه و تعالى

[صفاء]

عارف يا سين سين أنا مرة كنت باتكلم مع واحد صديق والدي اللى يرحمهم جميعاً

على الشباب البايظ ده قالى جملة مش هاقدر انساها قاللى "العيال دى ظهرت علشان

الشبشب اختفى" طبعاً فاهم ....

:ninja: :) :ninja: :lol: :sad: :wub: wst:: :lol: :lol:

[MoHaMMeD EgYpT]

الشباب دول اتعدوا من الغرب و فعلا معظم الشباب في اوروبا و امريكا و الغرب عموما بيعمولوا كده انا عندي اصحاب اجانب عاملين كده بالضبط بس ده ستيل بس مش شرط عبدة الشيطان و الكلام ده و فعلا العقل نعمة واللي في الغرب اللي بيعملوا كده اساسا بيبقي مش متدينين يعني لا مسيحين ولا حتي مسلمين ولا حتي بيؤمنوا باي ديانة فعلشان كده هما free

و انا عندي اصحاب كتير من الغرب طبعا emo هو في نوع تاني كده برده بس مش فاكره و برده شبه الemo و فعلا مدمنين روك و ميتل اما العبد لله اللي هو انا ولا بتاثر بالكلام التافه ده

و انا كمان شوفت عرب emo واحد من الامارات و راح كندا فجر هناك و واحد من مصر و راح اسبانيا فجر جامد اوي و واحد من الجزائر راح فرنسا ضاع و فجر بجد الواحد يشوف حالهم يحزن من كتر الافعال السيئة اللي بيعملوها هناك و خصوصا المصري اللي قالت لكم عليه عنده girl friend و طبعا مش متجوزين و راح لها اسبانيا و راح دراسة و بعد كده كمل 12 شهر معاها علاقة طبعا انتم فاهمين و بعد كده اخد اقامة علشان علاقتهما بقت اطول من 12 شهر و كلوا في الحرام و لحد دلوقتي ما اتجوزهاش و تشوف البنت دي تقرف بنت شبه الايمو دول بالضبط و شكلها شبه مش تمام و الواد كمان ضاع علي الاخر و بيشرب و بيشرب مخدرات و سجائر و مروق علي الاخر و عايش حياته زي الغرب بالضبط و فجر زيهم و اكتر كمان ده غير الصور اللي عنده بالهبل لييه و للبنت في اوضاع زبالة و بوس و الكلام ده يعني بجد الشاب ضاع و بيضيع عمره و الاماراتي راح كندا فجر جامد و بقا شغال في فرق الروك و بيغني و فجر علي الاخر و طبعا عند girl friend و نفس الشئ بالنسبة للمصري لكنه اوحش كمان لانه ابتدي يتغير و يبقي زي الايمو دول اما الاخير اللي هو من الجزائر هقول ايه ولا ايه ده بيشتغل في بار ده اقل شئ اقوله و نفس القصة بالنسبة للمصري و الاماراتي انا طبعا نصحتهم كتير اوي بس لا حياة لمن تنادي و الاماراتي اول واحد خلع و الجزائري فين و فين بنتكلم و المصري برده فين و فين بنتكلم و الله حاجة تقطع القلب لما تشوف مناظرهم

انا ليا وقفة مع الموضوع ده بس اعذروني مش فاضي حاليا لكن انا ليا وقفة و ان شاء الله هنقشها بس لما افضي

و زي ما قال الباشمنهدس ياسر فعلا هما مظلومين و فعلا حياتهم كئيبة جدا و حياتهم كلها مملة و حياتهم تصعب علي اي حد يعني مثلا انا عندي واحد منهم من انجلترا والله حياته كلها كئيبة و بيكره انجلترا و عايش في منطقة زبالة هناك ده لدرجة انه قالي انه نفسه يجي و يقعد في مصر قلت له يا عم الهجرة صعبة و مش اي حد بيجي مصر :ninja: بهزر طبعا قلت له تعالي في اي وقت و قلت مصر فعلا هتعجبك :) و اديني بحاول اساعده لكن هو عموما مش زي عبدة الشيطان و الكلام ده لكنه مدمن روك و ميتل و مظبط شكله شوية زيهم بس انا قلت له شكلك كده زي الزفت و احسن ارجع طبيعي و اديني بحاول اقنعه يرجع طبيعي زي ما كان و فعلا حياته صعب جدا و تخيل في بلده و اصحبه يتعدوا علي الصوابع من قليتهم و احنا بقا بيقرووووووووا علينا علشان احنا مصريين :lol: بجد ما بهزرش ناس كتير عاجبهم مصر اوي اللي من فرنسا و اللي من امريكا و اللي من نيوزيلندا .......الخ والله انا خايف مصر حد ينشها عين :ninja:

[se_ Elsyed]

أعتقد إننا ممكن نلخص مشكلتهم في عدة محاور :

1- دول شباب ضايع ومش لاقيين أي قدوة في حياتهم ...

زيهم زي الشباب دول بالظيط

«فيس بوك» ملكى: برقيات تهنئة لـ«فؤاد» وحملة لتصحيح تاريخ «فاروق»

كتب محسن سميكة ١٥/ ٣/ ٢٠٠٩

الملك فاروق

٩٥٥٠ شاباً وفتاة، أعضاء جروب «الملكية المصرية» على الفيس بوك، أرسلوا برقية تهنئة إلى الملك السابق أحمد فؤاد الثانى بمناسبة عيد ميلاده جاء نصها: «نتقدم لجلالتكم بخالص التهانى بمناسبة عيد ميلادكم راجين من الله أن يعيده على جلالتكم والأسرة المالكة بكل خير وسعادة، إذ نحتفل معكم للمرة الثانية بهذه المناسبة الغراء. يسعدنا أن نتذكر مع جلالتكم ما قمنا به من محاولات لإحياء وتصحيح تاريخ أسرة محمد على بعد ما شابها من تشويه مؤسف فى العقود الماضية».

عمر أحمد، طالب الفرقة الثانية، بتجارة القاهرة، ومؤسس الجروب، أكد أن التاريخ المصرى أخطأ كثيراً فى حق العيلة المالكة والملك فاروق الذى أنصفه المسلسل التليفزيونى «الملك فاروق».

وقال: المسلسل أوحى لى بفكرة الجروب ونشر الموضوع بين أصدقائى، خاصة داخل الجامعة، فقررنا التواصل مع بقية أفراد العائلة المالكة مثل الملك أحمد فؤاد الثانى والأميرة فوزية شقيقة الملك فاروق لمساعدتنا على كشف الحقائق الكاملة عن أفراد العائلة، واستجاب لنا الملك فؤاد، وأرسل برقية شكر رداً على برقيتنا التى هنأته بعيد ميلاده، وشجع فكرة الجروب وأمدنا بوثيقة طلاقه من الملكة فضيلة.

عمر أكد أنه شكل فريقاً من ٢٠ عضواً من الجروب لزيارة الأميرة فوزية لتهنئتها بعيد ميلادها ٨٨، ووجه الدعوة لكل محبى الملك فاروق والعائلة المالكة للانضمام إلى جروبه على الفيس بوك، وإحياء ذكرى رحيل الملك فاروق فى ١٨ مارس المقبل فى مسجد الرفاعى، لقراءة الفاتحة على روحه وزيارة القصور الملكية.

ملكية إيه وملوخية إيه مش عارف انا ؟

لكن عندهم حق طالما حاسين بالكبت السياسي وإنها مش فارقه معاهم وإن شالله تولع

2- غياب دور الأب والأم وده مهم جداً ... وتقريباً بابا يا إما مسافر وسايبهم أو بيشتغل شغلانتين وتلاته في اليوم عشان المعايش صعبه وماما مش بخمسين إيد عشان تعمل كل حاجه بنفسها ..

3- الصورة القاتمة للمجتمع من حولهم من ظروف إقتصادية صعبة لظروف سياسية أصعب لهوجة في الفتاوى والبرامج والقنوات الدينية اللي بقى سبوبة لغياب لدور التقويم السلوكي بالمدارس والجامعات .. ما هو مادة الدين مش عالمجموع يا عم الحج ..

كل ده بيخليهم زي اللي بيهرب من الواقع إلى الخيال مع المخدرات .. وبالتالي هما عايزين يصرخوا ويقولوا إحنا أهو ما تنسوناش .. فبيعملوا أي حاجه شاذة وغريبة عشان يبقوا مميزين حتى لو بطريقة خاطئة ..

وكما قلت ... أين دور المجتمع في تقويم سلوك مثل هؤلاء بدل طاقتهم ما تذهب هباءً ويبقوا عالة على المجتمع ؟

يعني مين يقول لهم كده غلط أو إنتو رايحين على فين ؟

[زعلان]

لا يعم سين في فرق كبير بين شبابا الايمو شباب عودة الملكية

شبابا الايمو شباب ضايع محتاج حد يساعده

شبابا الملكية شبابا حتى لو اختلف بعضنا سياسيا معهم شباب عارف بيعمل ايه وليه وده حقهم

[se_ Elsyed]

لا يعم سين في فرق كبير بين شبابا الايمو شباب عودة الملكية

شبابا الايمو شباب ضايع محتاج حد يساعده

شبابا الملكية شبابا حتى لو اختلف بعضنا سياسيا معهم شباب عارف بيعمل ايه وليه وده حقهم

حقهم أجيب واحد مش مصري يحكمني تاني ؟

حقهم نرجع نظام البهوية والبشاوية ونرجع نشتغل عندهم في السُخرة ؟

حقهم لو إتكلمت أو فتحت بؤك بس يقول لك " إنت بتعيب في الذات الملكية ؟ ويعيش مولانا وبطيخ مولانا وأنتم عبيد إحساننا .. وهات الكرباج يا عثمان عشان أجلد الفلاح ده " ؟

قد يكون النظام الجمهوري عندنا كارف على ملكي وفيه فساد .. لكن يظل لدينا هامش حريه وأقدر أشلفط أجدع راس في البلد اللي هي بلدنا أساساً لإنهم موظفين عندنا .

أما المليكة فالعكس .. بتبقى بلدهم وإحنا عايشين عندهم او عبيد عندهم

لا يا عم .. مش عايز ارجع ألبس طربوش تاني وأبقى سين سين أفندي أبو طربوش .. أو أروح اتقدم لإنجي يروح ابوها جالدني بالكرباج واخوها يضربني ببندقية الرش بتاعت العصافير ويخلع لي عيني ..

وبعدين شوفت ؟

ده أحنا لسه بنقول يا هادي وبنتكلم عن الملكية .. روحت ساحب مني لقبي الكامل وهو " سين سين " وقايل لي " يا عم سين "

اومال لما ندخل في الجد هاتقولي إيه ؟

[زعلان]

يا سين سين افندي شكلك اتكويت بنار الملكية

يعني هي الجمهورية النهارده مش اسوا من نظام الملكية و بعدين علشان ما نخرجش عن الموضوع ونبعد نبقى نتكلم في الملكية في موضوع منفصل يا سين سين بيه مفيش ايقون طربوش هنا