دور محاورات المصريين فى مواجهة الأزمة الإقتصادية

[الباشمهندس ياسر]

الأستاذ الفاضل ياسر

انت زعلت ليه دلوقتي

مش أنت قايل بنفسك

يا جماعه فعلا نفسى افهم

طيب يا سيدي .. إذا كنت حضرتك مش فاهم ليه الربا حرام

قولي وأنا أشرحلك, وما تخافش عندي صبر في توصيل المعلومة مهما كان مستوى فهم اللي قصادي

وإذا ما كنتش فهمت أنا ليه جبت المثال بتاع الرقاصات قولي بردو وأنا أشرحلك

لأن واضح من كلامي إني لا أشبه, وإنما أرد على الحجة اللي سعادتك جبتها

وهي حكاية فتح بيوت الناس, وكنت عاوز أقول إن لو كان سبب فتح بيوت الناس من شيء حرمه ربنا فلا قيمة له..

و بعدين اسمحلى بقى

انت مستوى فهمك للقضايا مش كافى علشان تقنع بيه اى حد

رمتني بدائها وانسلت :wub:

استاذ سهل

متشكر جدا على المستوى الرائع لكلامك و اخلاقك العالية

رجاء حار جدا

احتفظ لنفسك بمستوى فهمك الاكثر من رائع لقضايا الدين تحديدا

[osmel33]

تحية إلى كل من شارك فى هذا الموضوع للإيجابية الواضحة والإخلاص الظاهر فى وضع أفكار بناءة تفتح أبوابا للأمل وأبوابا للعمل ..

الأفكار قيمة .. وأعتقد أننا فى "محاورات المصريين" نستطيع أن نستفيد ونفيد إذا نظمنا "نهر الخير" هذا فى أبواب تكون فى متناول الأعضاء والزوار

يمكن أن تكون أبوابا فرعية لباب "مسائل اقتصادية" على النحو الآتى :

بنك الأفكار : توضع فيه كل الأفكار المبدئية أو التى وصلت إلى إحدى مراحل تطورها

دراسات جدوى : توضع فيه دراسات جدوى بعض أفكار البنك

إدارة أعمال : توضع فيه أسس إدارة المشروعات ذات الجدوى

وهكذا

هذا مجرد تصور مبدئى أضعه كعضو فى "محاورات المصريين" .. وكلى ثقة من أن الأفكار القيمة ستتوالى

ندعو الله أن يوفق الجميع إلى ما فيه خير البلاد والعباد

الأخ الكريم أبو محمد أنا موافق على كلامك فى موضوع بنك الأفكار ده وأعتقد ان المنتدى فيه

كل الكوادر اللى ممكن تستفيد من بعضها وده تأييد للإقتراح

تم تعديل 10 مارس 2009 بواسطة osmel33

[aimen]

بأفكر فى انشاء محطة تحلية للمياة

مشروع مطلوب جدا ....طبعا لأن مستوى مياة الشرب فى مصر بقى حاجه تكسف ...فى طنطا اسمع بوجود 20 شركة أو محطة خاصة للمياة ....

يحتاج فقط لشقة فى الدور الأرضى توضع بها المحطة وكمان سيارة تويوتا للتوزيع ومجموعة عمال

المحطة ممكن شراؤها بمبلغ 45-80 الف جنيه مصرى ...

كمان هناك تفكير لإنشاء هايبر على صغير

مصنع للكرتون

مشروع تربية الأغنام

موضوع مستوصف طبى ومعمل تحاليل

اخيرا ظهر فى الأفق موضوع استيراد وتصدير مواد غذائية من مصر ( البطاطس والبصل ) ومن السعودية اى منتجات اخرى

دى شوية افكار ....

وفقنا الله واياكم الى ما يحب ويرضى

[pink rose]

السلام عليكم

ايه رايكم يا جماعة في انه يكون في قسم مخصص للوظائف خاص بكل بلد

يعني مثلا قسم خاص للوظائف الشاغرة في السعودية او قطر او او

يعني واحد فعلا شايف ان الشركة اللي هو فيها محتاجة ناس في قطاع معين يكتب ان في شغل في المكان الفلاني

اكيد في ناس بتدور على شغل افضل و احسن او اللي مش لاقي شغل لحد دلوقتي او اللي الكفيل مطلع عينه و نفسه يلاقي مخرج تاني

اظن انها هاتكون مساعدة لطيفة بين الاخوة و بعض

[زعلان]

توقيت الاقتراح اكثر من رائع في ظل الازمة المالية العالمية :sad: حاليا الشركة عندنا بتمشي الموظفين و الوضع مش حتلاقيه مختلف في اغلب الشركات

بالطبع في بعض الشركات بتوظف بمرتبات اقل من الناس الي بتمشيهم

[pink rose]

بس برضه هاتلاقي في شركات محتاجة ناس و في اعلانات وظايف كتير

احنا نعرض المطلوب و كل واحد و نصيبه بقى ممكن حد يرضى بالمرتب القليل كل واحد و ظروفه

المهم اننا نتحرك و نعمل حاجه تفيد الناس

[pink rose]

اعلان لوظيفة نسائية لحملة الماجستير

بجامعة الاميرة نورة بنت عبدالرحمن

فترة التقديم من يوم السبت 17/3/1430هـ حتى نهاية دوام الاربعاء 28/3/1430هـ في مقر الجامعة

[Advisor]

إقتراج جيد و ملائم جدا لظروفنا الإقتصادية ، ليتك أضفته إلى موضوع دور محاورات المصريين فى مواجهة الأزمة الإقتصادية.

جارى بحث النواحى الفنية لتنفيذ هذا الإقتراح.

[hanzalah]

قد يكون من المفيد أن يبدأ الاشخاص المتحمسون للفكرة بكتابة بعض البيانات التي تساعد في اخراج الافكار والمشاريع الى النور

المشارك في النقاش هو أحد ثلاثة

شخص لديه مال وليس لديه وقت

شخص لديه خبرة وليس لديه مال

شخص لديه خبرة ومال ولكنه غير كافي للبدء بمفرده ويبحث عن شريك

وارى أن نكتب معلومات أكثر تفصيلا.. مثلا

1) يكتب أنه ينتمي الى اي نوع من الانواع الثلاثة

2) يكتب المبلغ الذي سيشارك به في المشروع (لو كان مشارك بالمال فقط)

أو (لديه مال غير كافي لتنفيذ فكرته ويبحث عن شريك جاد)

3) يخبرنا أنه ممكن يساعد في تخصص كذا أو كذا .. (لو لديه الخبرة و لديه الوقت ولا يملك المال)

عند عرض الافكار

لابد ان تكون الفكرة واضحة في ذهن صاحبها ليعرضها بالفتاصيل المفيدة

تراودني فكرة انشاء جميعة مثل جمعية احمد عرابي مثلا لاستصلاح الاراضي

اتمنى ان يساعدنا السادة اصحاب الخبرة القانونية في صياغة العقود التي تضمن حقوق كل الاطراف

المشاريع التكاملية لها فرصة اكبر على الصمود

فمثلا تربية دواجن مع وجود ارض لزراعة الضرة والصويا مع انشاء مجزر

وهكذا

شكر لجهود جميع الاخوة المشاركين

[Virus]

مشروع يصلح لشركة مساهمة..

الاستثمار في مجال الخدمات البترولية استثمار قليل المخاطر لحد كبير...خصوصا مع انهيار أسعار البترول..حيث تبرز قدرة الشركات الصغيرة على المنافسة مع الكبيرة لانخفاض مصاريفها التشغيلية (Overheads) ..وأيضا لأن الشركات المنتجة تتجه لاستئجار للشركات الصغيرة ذات الأسعار الأقل رغبة منها في تقليل النفقات(OPEX) لأقصى حد..

الشركة ستحتاج مبدئيا لرأس مال كبير.. حوالي 10 مليون جنيه على أقل تقدير (20 إلى 30 مساهم) .. والخبرة والعلاقات شرط أساسي..أما نوع النشاط فهذا له حديث آخر

[الباشمهندس ياسر]

مشروع يصلح لشركة مساهمة..

الاستثمار في مجال الخدمات البترولية استثمار قليل المخاطر لحد كبير...خصوصا مع انهيار أسعار البترول..حيث تبرز قدرة الشركات الصغيرة على المنافسة مع الكبيرة لانخفاض مصاريفها التشغيلية (Overheads) ..وأيضا لأن الشركات المنتجة تتجه لاستئجار للشركات الصغيرة ذات الأسعار الأقل رغبة منها في تقليل النفقات(OPEX) لأقصى حد..

الشركة ستحتاج مبدئيا لرأس مال كبير.. حوالي 10 مليون جنيه على أقل تقدير (20 إلى 30 مساهم) .. والخبرة والعلاقات شرط أساسي..أما نوع النشاط فهذا له حديث آخر

انوى انت بس ومتقلقش

العلاقات ...ان شاء الله موجوده و ناس عامله شركات موجوده برده

الخبرة...كتر الله منها .. بس الغالى تمنه فيه و ابو بلاش برده موجود

انوى و متقلقش خاااااااااااااااالص

[~Heba~]

احنا ليه مش بنفكر فى الاستثمار الزراعى

بلدنا اصلا زراعية و فرصتها فى المجال ده اكبر لانها فقيرة نوعا ما فى الموارد التانية

نفسى نلاقى طريقة نزيد بيها انتاجيه الارض لان دى مشكلة مصر بعد بناء السد العالى و توقف النيل عن الفيضان و حجز الطمى و بالتالى قلة خصوبة الارض

[الباشمهندس ياسر]

بلدنا اصلا زراعية و فرصتها فى المجال ده اكبر لانها فقيرة نوعا ما فى الموارد التانية

ايه يا باشمهندسة

هو حضرتك مصدقة ان البلد فقيرة ولا ايه

:)

[عادل أبوزيد]

تم إضافة قسم رئيسى بعنوان "معا فى مواجهة الأزمة الإقتصادية" و ثلاث أقسام فرعية أحدها لفرص الإستثمار فى مصر و قسم يتقبل الإعلانات من الجميع - ليس بالضرورة أن يكون صاحب الإعلان عضوا مسجلا فى محاورات المصريين - عن فرص الإستثمار فى مصر أو عن البحث عن عمل فى مصر ، و القسم الثالث إعلانات أيضا و لكن عن السعودية و دول الخليج.

[Advisor]

اعلان لوظيفة نسائية لحملة الماجستير

بجامعة الاميرة نورة بنت عبدالرحمن

فترة التقديم من يوم السبت 17/3/1430هـ حتى نهاية دوام الاربعاء 28/3/1430هـ في مقر الجامعة

تم تنفيذ إقتراحك ليتك تضعين هذا الإعلان مع مزيد من التفاصيل - لو أمكن - فى قسم إعلانات وظائف السعودية الذى أضيف نتيجة إقتراحاتكم هنا.

تم تعديل 18 مارس 2009 بواسطة Advisor

[بحار الغربة]

السلام عليكم ورحمة الله وبركاته

الاخوة الافاضل

انا شاب فى الرياض وماتتخيلوش قلقى وخوفى من المستقبل لاننى فى عمل لا اشعر فيه بالمتعة وبخاصة هنا وغير مضمون مستقبلا وهو عمل يعتمد من الدرجة الاولى

على الاحتكاك بالجمهور السعوديين ( وما اسوأ هذه الاعمال ) ولكن الحمد لله انا احسن من كتير ...

المهم انى مقبل على زواج وفى نفس الوقت مش متخيل نفسى مستقر هنا انا واسرتى ... نفسى انزل مصر واعمل مشروع انتاجى استفيد منه وافيد البلد واعيش

حياتى اللى بحلم بيها

بس مشكلتى انى خايف .... ودى مشكلة غالبية اللى هنا

ساعات بفكر فى انى اعمل مشروع هنا فى الرياض .... مشروع بسيط يعنى مثلا اوزع سلعة معينة على البقالات حتى لو هاكسب فى الشهر 400 ريال بجانب شغلى

انا بس عاوز اكسر حاجز الرهبة اللى عندى وعدم ثقتى بنفسى فى ادارة المشروعات

ساعات اقول لاخويا فى مصر ما تشترى خروفين تربيهم واهو بالمرة تكسب خبرة التربية وندبحهم على العيد ياعم

ليا زميل عمل مشروع اعلاف اسماك من 6 شهور وصرف على المشروع ده حوالى من 250 الى 300 الف جنيه

كلمته امس قالى ما شاء الله ارباح الموسم ده غطت التكاليف بتاعة المشروع وزادت يعنى كسب فى الموسم ده حوالى 300 الف جنيه ماشاء الله

ساعات اقول انزل مصر واغامر واتعلم وده الصح بس فين القلب الميت

انا برده فكرت فى تربية الاسماك فوق اسطح المنازل هنا فى الرياض بس لو عملت كده مع حرارة الجو دى هالاقى السمك ف نفس اليوم مسلوق وجاهز على الاكل

[بحار الغربة]

ممكن حد يرد يا جماعة

[نبيل محيسن]

من يريد مواجهة الازمة الاقتصاديه فليدعو الى تطبيق ورقة العمل المقدمه " نهاية مشكلة الاسكان الان " وهى تقضى على 40% من مشاكل مصر على الاقل بدون فلوس من الحكومه فقط قانون يوافق علىه مجلس الشعب وبل هى تقضى على مشكلات لن تستطيع اى حكومه مصرية ان تقضى عليها

ورقة العمل والكتاب موجوديين فى المنتدى تحت اسم " نهاية مشكلة الاسكان الان "

تم تعديل 7 يوليو 2009 بواسطة نبيل محيسن

[أحمد سيف]

من يريد مواجهة الازمة الاقتصاديه فليدعو الى تطبيق ورقة العمل المقدمه " نهاية مشكلة الاسكان الان " وهى تقضى على 40% من مشاكل مصر على الاقل بدون فلوس من الحكومه فقط قانون يوافق علىه مجلس الشعب وبل هى تقضى على مشكلات لن تستطيع اى حكومه مصرية ان تقضى عليها

ورقة العمل والكتاب موجوديين فى المنتدى تحت اسم " نهاية مشكلة الاسكان الان "

عزيزي المهندس نبيل ... مشكلة الإسكان كما كنا نفهمها في السبعينات والثمانينات أصبحت شيئا من الماضي ... في مصر حاليا وحدات سكنية مكتملة أو تحت الإنشاء تكفي جميع المصريين المقيمين في مصر ... المشكلة هي في النظام الفاشل الذي ما زلنا نطبقه والمتمثل في قانون الإيجارات القديم والدعم العشوائي وعدم وجود سجل عقاري أو قوانين واضحة تحفظ الحقوق ... مع كامل احترامي للمجهود الذي بذلته حضريتك في الكتاب والموضوع المذكور فأنا أرى أن الحل يتلخص في ثلاث كلمات ... دعوا السوق يعمل ... المشكلة في مصر ليست مشكلة إسكان ولكنها مشكلة نظام وعقليات

[نبيل محيسن]

عزيزي المهندس نبيل ... مشكلة الإسكان كما كنا نفهمها في السبعينات والثمانينات أصبحت شيئا من الماضي ... في مصر حاليا وحدات سكنية مكتملة أو تحت الإنشاء تكفي جميع المصريين المقيمين في مصر ... المشكلة هي في النظام الفاشل الذي ما زلنا نطبقه والمتمثل في قانون الإيجارات القديم والدعم العشوائي وعدم وجود سجل عقاري أو قوانين واضحة تحفظ الحقوق ... مع كامل احترامي للمجهود الذي بذلته حضريتك في الكتاب والموضوع المذكور فأنا أرى أن الحل يتلخص في ثلاث كلمات ... دعوا السوق يعمل ... المشكلة في مصر ليست مشكلة إسكان ولكنها مشكلة نظام وعقليات

الرد:

ورقةالعمل تحل مشاكل متعددة وليس مشكلة الاسكان فقط وان شاء سانزل دور الكتاب فى حل مشاكل مصر مثل الزراعه - الصناعه ............................زالخ 14 قطاع فى مصر فيكفى ان نعرف ان ثمن الوحدات الغير مستغله كما قال الدكتور ممدوح حمزة 779 مليار جنيه اى اكثر من ديون مصر وثمن الشقق الغير مستغله فى اخصاء 1986 كان يعادل ديون مصر

وورقة العمل تناقش وتضع تصور للقضايا التى ذكرتها سيادتكم من ايجار وتمليك