دجاج مخلى .. بالكرات الأخضر .. مش سريع جدا بس لذيذ جدا

[بندق أفندى]

اليوم أكلتنا فراخ (حد يقولى كل يوم فراخ فراخ هو مفيش لحمة؟) آه مفيش لحمة عشان هنا مفيش بتلو ..

والغنم عشان تشترى كويس لازم تشترى كتف أو فخد او ربع على بعضه .. هيطلع ييجى 5 كيلو .. ومش معقول أقعد آكل فيهم 6 شهور ..

لأنه بطبيعتى لا أحب اللحم وآخر لحم أكلته هو لحم العيد فى مصر .. المهم

الدجاج كان سليم انا خليته .. وتبلته من الليلة السابقة بملح وفلفل أسود وليمون وخل عنب وزيت زيتون وثوم مفروم وبصل مبشور وزنجبيل مفروم .. وزبادى ..

عند الشوى قطعت ورق الكرات المبيت أدناه .. وخلطته مع باقى الزبادى بعد ما حطيت الدجاج على الجرل ..

عند اقتراب نضج الدجاج نضعه مع الدجاج فيكون تركيز للنكهه ويعطى نكههته ..

الجزء الأبيض فى قلاية مع قليل من زيت الزيتون وخل العنب أيضا .. وملح وفلفل أسود ثم يضاف لهم البطاطس المشوية ..

وهيطلع الطبق بالشكل ده .. الغرض من وضع الكرات وطهوه بهذا الشكل هو الحصول على طعم بين البصل المخلل وبين الكرات المحشى وحصل ..

كان يمكن اضافة الكريمة للبصل مع البطاطس لتصبح أكلة فرنسية أو الصويا صوص لتصبح أكلة صينية .. وبالهنا

[Amr Radwan]

وقعتك بيضة يا بندق افندي .. يا عم و الله ريقي بيجري لما بشوف صور الاطباق الشهية اللي بتعملها ..

تسلم ايدك .. و اكيد هقابلك .. و اقولك علي اختراعاتي :lol: في مجال الطبخ و اللي عادة ما بتعمل مشاكل بيني و بين زوجتي بسبب الفوضي اللي بعملها في المطبخ عشان اعمل اختراع واحد بس ..هههههههههه

تحياتي لك :phar:

[بندق أفندى]

وقعتك بيضة يا بندق افندي .. يا عم و الله ريقي بيجري لما بشوف صور الاطباق الشهية اللي بتعملها ..

تسلم ايدك .. و اكيد هقابلك .. و اقولك علي اختراعاتي :sad: في مجال الطبخ و اللي عادة ما بتعمل مشاكل بيني و بين زوجتي بسبب الفوضي اللي بعملها في المطبخ عشان اعمل اختراع واحد بس ..هههههههههه

تحياتي لك md2:

أهلا وسهلا بيك يا عزيزى .. على فكرة كثير أدخل المطبخ وأنا أرتدى قميص أبيض وكرافت .. وأخرج منه كما دخلته ..

بدون أى خسائر ..

لو نظمت تفكيرك وعملت خطة فى ذهنك هتقلل الجهد والوقت وهتطلع بأحسن نتيجة .. خصوصا لو بتشتغل على عزمة فيها 30 ولا 35 شخص فى رمضان مثلا (يعنى لاوقت محدود قبل الفطار)

[لولا]

مسأله عزومه 30 و 35 وخطه وهدف دى عايزلها موضوع منفصل يا عم بندق ..

دا احنا غلابه .. انتا فاكرنا زيك cr((:

استمر انتا بس فى الوصفات ومتنساش اخواتك الغلابه فى المحاورات bv:-

على فكره ممكن تعمل مع الفراخ دى "فتوتشينى ساده " تبقى عزومه ميه ميه وشيك جدا .

لولا

[بندق أفندى]

ده الكرات المستخدم او ما يعرف بال LEEKS

او الكرات أبو الدلايل بتاع المحشى

[بندق أفندى]

مسأله عزومه 30 و 35 وخطه وهدف دى عايزلها موضوع منفصل يا عم بندق ..

دا احنا غلابه .. انتا فاكرنا زيك cr((:

استمر انتا بس فى الوصفات ومتنساش اخواتك الغلابه فى المحاورات bv:-

على فكره ممكن تعمل مع الفراخ دى "فتوتشينى ساده " تبقى عزومه ميه ميه وشيك جدا .

لولا

لا ي لولا هانم دى وجبة متكاملة .. البطاطس اللى فيها والكرات هم النشويات والسلطة ..

أما لافوتتشينى له قصة طويلة عريضة ..

[ترنيم]

والله أنا بشوف وصفاتك دايما وكلها ما شاء الله ..........دايما ممتعنا بارك الله فيك cr((: bv:-

[لولا]

مسأله عزومه 30 و 35 وخطه وهدف دى عايزلها موضوع منفصل يا عم بندق ..

دا احنا غلابه .. انتا فاكرنا زيك cr((:

استمر انتا بس فى الوصفات ومتنساش اخواتك الغلابه فى المحاورات :cry1:

على فكره ممكن تعمل مع الفراخ دى "فتوتشينى ساده " تبقى عزومه ميه ميه وشيك جدا . :sad:

لولا

لا ي لولا هانم دى وجبة متكاملة .. البطاطس اللى فيها والكرات هم النشويات والسلطة ..

أما لافوتتشينى له قصة طويلة عريضة ..

امممممممم .. كمان الوجبه مدروسه يا بندق

انا بسجل نفسي تلميذة فى مدرسة حضرتك يا فندم .. اصل ماما قالتلى لو عملت اى طبق رئيسى اعملى معاه مكرونه او رز حسب الصنف..

محدش خلاويص قاللى أخد المسائل م الناحيه الغذائيه .. بس سعيده جدا ان ابدأ افكر فى الوجبات بالشكل دوت .. انا بكتفى بس انها تكون صحيه

قدر الإمكان ودى حاجه برضه اتعلمها من ماما .

ميرسي جدا يا بندق bv:-

لولا

[بندق أفندى]

والله أنا بشوف وصفاتك دايما وكلها ما شاء الله ..........دايما ممتعنا بارك الله فيك :roseop:

الله يخليكى يا ترنيم هانم .. اسم كمان جميل ..

[بندق أفندى]

مسأله عزومه 30 و 35 وخطه وهدف دى عايزلها موضوع منفصل يا عم بندق ..

دا احنا غلابه .. انتا فاكرنا زيك

استمر انتا بس فى الوصفات ومتنساش اخواتك الغلابه فى المحاورات :cry1:

على فكره ممكن تعمل مع الفراخ دى "فتوتشينى ساده " تبقى عزومه ميه ميه وشيك جدا . :blush:

لولا

لا ي لولا هانم دى وجبة متكاملة .. البطاطس اللى فيها والكرات هم النشويات والسلطة ..

أما لافوتتشينى له قصة طويلة عريضة ..

امممممممم .. كمان الوجبه مدروسه يا بندق

انا بسجل نفسي تلميذة فى مدرسة حضرتك يا فندم .. اصل ماما قالتلى لو عملت اى طبق رئيسى اعملى معاه مكرونه او رز حسب الصنف..

محدش خلاويص قاللى أخد المسائل م الناحيه الغذائيه .. بس سعيده جدا ان ابدأ افكر فى الوجبات بالشكل دوت .. انا بكتفى بس انها تكون صحيه

قدر الإمكان ودى حاجه برضه اتعلمها من ماما .

ميرسي جدا يا بندق

لولا

والله القصة مش دراسة بمعنى الدراسة .. هى بالسليقة .. لكن لما بتفكرى فى الأكلة بتلاقيها متوازنة ..

شوفى عادات الانجليز او الفرنسيين فى الأكل هتلاقى المكرونة أو الرز عندهم قليلة بس فيه بدايل أخرى .. أهمها البطاطس

عموما بعد سنة من التخلص من أكل فول الصباح اليومى والالتزام قدر الامكان بالأكل البيتى وزنى نزل حوالى 8 كيلو بدون أى ريجيم وبدون حتى محافظة فى الأكل .. فقط نو فوووووووووووول .. نو جنك فوود الا فيما ندر .. نو بيبسى ..