أعضاء نفتقدهم 2

[moody00x]

أشكركم جميعآ على السؤال...

كنت فى أجازة إستجمام فى إسكندرية وبالتحديد فى المعمورة...

ودى أول مصيف ليا من 6 سنين....المهم وانا هناك جه فى بالى حكاية شعنونة والمايوه الشرعى...ولا لقيت شرعى ولا جنائى حتى...

المهم رجعنا لكم تانى وشكرآ مرة تانية على السؤال

[linux]

حمد لله يا أخى moody00x و الله الواحد أنبسط أنك رجعت لقواعدك سالما ... على الله تكون أستمتعت بالمصيف.

[Lancelot]

مودي ...... حمد لله علي سلامتك يا باشا ... نورت بيتك و مطرحك ....

طبعا يا سيدي .... المعمورة بقي .... من لقي مصيفه نسي أصحابه (أنا متأكد إن المثل مكنش كده ... بس ده إصدارة 2003) ....

لايت هاوس .....

علي مين ... ده أنا لانس و الأجر علي الله ... ده أعرف اللي ميعرفوش الناس التانية (أي حاجة برضه) .... بس سؤال صغير .... اللي بيصفر ده بقي ... بتعمليه إزاي ... إنتي قولي و أنا هأقول علي طول ... (وش يونس شلبي في مسرحية مدرسة المشاغبين)....

[Lighthouse]

لايت هاوس .....

علي مين ... ده أنا لانس و الأجر علي الله ... ده أعرف اللي ميعرفوش الناس التانية (أي حاجة برضه) .... بس سؤال صغير .... اللي بيصفر ده بقي ... بتعمليه إزاي ... إنتي قولي و أنا هأقول علي طول ... (وش يونس شلبي في مسرحية مدرسة المشاغبين)....

ياسلام عليك يالانس يااخي

لازم تكسفني يعني

بس برضه مش ح اقول لك

[Lancelot]

عيـــــــــــــــــــــــــــــــــــــــــــــــــــــب ..... ده إحنا خبرة برضه ...(وش محمد صبحي في مسرحية الجوكر) .....

بس بصراحة ... وشوش كيوت cute خالص ....

[amir]

من مـده طويله لم أقرا شئ من الأخت فريده

نرجو ان يكون المانع خير

اما الست امينه فمن ساعة ما راحت تدور على سعاد و محدش سمع عنها حاجه ، أرجو ان سعادما تكونش أكلاتها

أرجعى يا ست امينه صندوق الحاجه الساقعه فى انتظارك

[Farida]

الأخ العزيز أمير لا تتصور كيف ان سؤالك عنى رفع كتير من معنوياتى اللى بصراحه فى الحضيض !!!!! انا فعلا بقالى مده مش باكتب لعدة اسباب اولها حالتى النفسيه السيئه من المشرفين على فى الرساله و انشغالهم بأعمالهم الخاصه عن العلم و قرأة الأبحاث و العك ده غير مبالين بالطالب او الوقت اللى بيضيع و السنوات اللى بتهدر و نقط البحث اللى بتقدم و المراجع اللى بتتغير كل ثانيه....ثانيا فاتورة التليفون الى جت الشهر ده نار اصلى بطلت اروح الشغل و بقيت ادخل من البيت كتير .... ثالثا و ده الأهم ان معاد الولاده قرب جدا جدا و بالتالى ابتدت الهلاوس و القلق يسيطروا على من اول انى ممكن اروح فيها و الخوف على ولادى من بعدى الى ان لا قدر الله تحصل مشاكل من اللى بنسمع عنها للمواليد و غيره ..... يعنى المواضيع بايظه معايا من كل النواحى ........ دعواتكم كلكم و النبى انا فعلا محتاجاها قوى ... و شكرا يا امير يا بن الأمرا على السؤال...

[amir]

الأخت فريده

تمنياتى لك بالنجاح و التفوق

و ربنا معاك فى الولاده و تقومى بالسلامه و معاك عروسه حلوه

والعرسان كتير بس هى تشاور

[MuslimaEgyptian]

السلام عليكم ورحمه الله وبركاته

لقد عدت لقد عدت

بجد بجد جزاكم الله خيرا على السؤال..إنما نعمل إيه بقى فى مشاغل الحياه ..نفسى أعرف بتجيبوا وقت منين تكتبوا فيه؟؟؟ "وش واحد مستعجل بيبص فى الساعه".أنا بقالى سنه كل يوم أقول هدخل النهارده ألاقى اليوم عدى هوا...يا ريت تكتبولى التكتيكات بتاعتكم علشان منقطعشى الصله كده تانى إن شاء الله.وحتى المداخله دى بقالى أسبوع بكتب فيها لغايه ما قرأت مداخله الأستاذ عادل فقلت مبدهاش وخشى بقلب جامد

عقلى الباطن -trademark- أمال تيته بقى كانت بتقضى يومها إزاى ومعاها عشر أولاد تربيهم ومن غير أليات الزمن الحديث

بس كنت متبعاكم من بعيد لبعيد.. وكان نفسى على الأقل أدخل وأقول للأخوه سى السيد وليونكس وكروسفيلد وحشيش(بعد التعديلات) وآخرون..خفه دم المصريين مش ممكن أبدا (بقى هارفارد برضه ليها فرع بطنطا؟؟) .ربنا يسعدكم دايما وتطل السعاده دى على إخواننا فى كل مكان بالأرض ينقصه العدل والأمان وبالأخص فى فلسطين والعراق..

والآن تعليقات فى السريع وإن لم أذكر إسما، فتأكدوا إن كل حرف قرأته قد حفر فى ذهنى إنطباع وذاكره ما أسعدتنى وإن تعلمت منها كنت شاكره، وإن أختلفت معها.. فزادتنى إيمانا بما أؤمن به.:

الأخوه هشام، كليو (كل ده شغل؟) ، براود مسلم، جولد، الطفشان (الجماهير تناديك)، فريده: نتذكركم دائما بكل خير..ربنا يخليكم ويديم المشاعر الطيبه.

الأخ سي السيد: ألف مبروك لقدوم على(إسم جميل -ماشاءالله)، تروه رجلا صالحا إن شاء الله ويكون إسم على مسمى.

مبروك أيضا للأخ متفائل والأخت أبو تمام

كروس فيلد: ألف مبروك،ربنا يتمم لكم بخير إن شاءالله ويغمركم بالسعاده والهناء فى رحابه.

شانا: ألف مبروك التخرج، إن شاء الله ترتاحى فى تعينك الجديد ويضيف إليكى من خبره ونمو فى مجالك.

فريده: تقومى بالسلامه إن شاء الله إنت والبيبى.أخبار جميله ما شاء الله...و بالنسبه للبنات، إنتى على حق فى إحتياج الأمه لأمهات تربى رجالا بمعنى الكلمه...أنا حاسه إنهم بقوا شئ منقرض (مع الأعتذار لرجال المنتدى المحترمون) نحن فعلا محتاجين سيدات ولاده مثل من أبرزن صلاح الدين والإمام البنا...ربنا يقويكى، الأمه فى إنتظار هؤلاء..وربنا يعينك على مسؤلياتك ويسهلك أمورك كلها إن شاء الله..

الأخت الكبيره سلوى عاشقه الأسكندريه: حمدالله على السلامه والى جانب حادث الموكب، إن شاء الله تكونى إستمتعتى بأجازتك. "وش واحده عاشقه للقاهره راكبه فلوكه ومياه النيل تجرى بين أصابعها لغايه ما إصطتدموا بكيس شيبسى فاضى كان طافف على سطح النيل (حصل بجد) ولكن لم تؤثر على عشقها لها" (كل ده إيموشن).(على فكره أنا بهزر والله، مناكفه إسكندرانيه-قاهريه بريئه..

جولد: حمدالله على السلامه..وربنا يحط فى طريقك مليون فرن بلدى وأفرنجى وكل الأصناف، لا تفقدى الأمل فى حلمك.

الأستاذ الزميل Scorpion: أناشدك ألا تفقد الأمل فى الحوار والبحث

والتواصل والتفكر الذى رجوته حتى وإن لم يتحقق بالمنتدى...وان كان نم خلاف، فهذا يحدث ما بين الأسره الواحده..فما بالك بأهم الأمور التى تتعلق بحياتنا ومصيرنا فى هذه الدنيا ألا وهى العقيده..فالمقصد على ماأظن وكان خيرا...وربما نستطيع التحاور من جديد طبقا لمعايير وقواعد محدده تنظم الحوار، إن شئت. ربنا يهدينا جميعا ويرشدنا الى الصواب.

آراكم فى ساحه الحوار إن شاء الله "وش واحد بيشمر كمامه"

عذرا للإطاله..والسلام عليكم ورحمه الله وبركاته..

[Lancelot]

حمد لله علي سلامتك يا مسلمة إيجيبشان ..... منورة المنتدي من تاني .... (إقفلوا الباب بسرعة لأحسن تمشي تاني) .... أوعي تمشي تاني ... مفهووووووووووووووم ....

[Salwa]

الاخت الحبيبة فريدة...

ليه بس نفسيتك تعبانة كدة ؟؟؟

المفروض تبقى اسعد واحدة فى الدنيا ....عارفة يعنى ايه حايكون عندك طفل ؟؟؟ حياة جديدة .....كل حاجة لها معنى تانى ......

حاتلاقى نفسك كانك انتى نفسك بتتولدى من جديد .......

تخيلى واحد بيربى نفسه على مزاجه ؟؟؟؟

روقى دمك وابتسمى .....كل حاجة فى الدنيا دى لها حل ....طالما فينا رغبة فى الحياة .

ومسألة الرسالة برضه ......اللى فى نصيبك حاتشوفيه وبلاش النظرة دى للامور ....

نحن نصنع حظنا يافريدة .......تفائلى ....

وباذن الله كل خير ....ربنا يسعدك ويتمم لك على خير ...

الاخت الفاضلة مسلمة مصرية .

الف حمدلله على السلامة ....وانا بقول المنتدى انهاردة نوره زائد حبتين ...اتارى الطيور المهاجرة بدأت فى العودة .

لك وحشة فعلا.......

مبروك الزواج ولو انها متأخرة شوية .

وفى انتظار ان تسعدينا بكلماتك الطيبة فى هذه الايام المباركة ...

وهذا ليس بغريب عليك يا اختى الفاضلة

سلامى.

[فــيــروز]

ربنا يقومك بالسلامه يا فرفوره

واوعى تنسى نصيبى فى المغات

خليها على الله و باذن الله تقومى بالسلامه و ترجعى تشاركى فى المنتدى وتعملى للنونو عضويه ذهبيه :-)

[se_ Elsyed]

ألف حمد لله على سلامة الرجوع يا مسلمة إجيبشان ... انا قولت مش معقول يطل علينا شهر رمضان بعد 29 يوم وإنت مش معانا بمسابقاتك الدينية الجميلة ( على فكره انا ليه عندك هدية من السنة اللي فاتت لإني جاوبت على سؤال صح .... لو سمحتي أنا عايز 5 $ ... ارجو الإطلاع على باب الإقتصاد .. موضوع هو الدولار بكام النهاردة )

[Farida]

انا فعلا كنت محتاجه كلماتكم جدا و الله و متشكره قوى يا أختى الغاليه سلوى لكلماتك المشجعه انا فعلا ربنا كارمنى اخر كرم بس الظلم هو اللى مش بارضى بيه و لما ما أقدرش اقاومه الا بقلبى فقط بتأثر جامد .... و على فكره انا أمى و ابويا مواليد اسكندريه يعنى انا اسكندرانيه بالوراثه و باموت فى هوا البحر و ريحة اليود .....

اختى فيروز انا باعتبرك اختى بجد و بحبك فى الله و مش باندم انى ما كتبتش فى موضوع ما علشان بالاقى افكارى مكتوبه بايديكى علشان كده انا مطمنه على حقوق المرأه فى المنتدى !!!!!

اما رفيقه الكفاح و الشحططه فى المنتديات مسلمه وحشتينى جدا و الله و الف الف مبروك على الزواج و ربنا يكرمك بالذريه الصالحه يارب و تكملى دراستك بس ما تعمليش زى و تبلطى فى الخط سنين و سنين و حمد لله على السلامه انا فعلا حا أفتقدكم الفترة الجايه بس دعواتكم معايا .....

بالمره اسمحولى ارحب بعودة زيزو و ارابيسك للكتابه تانى

[بنت شعنونة]

فريييييدة حمدالله ع السلالامة وربنا معاكي يارب وتقومي بالسلامة ان شاء الله يااااارب

مسلممممممممة فييييييييين الغيبة دي

نورتينا والله : :)))))

حمدالله ع السلالالالالالالالامة

موووووووديييييييي

اخييييييراااااااااا رجععععععععععععععععععت

حمدالله على السلالالالالالالالامة

[DARWEEN]

شعنونه ......

هوا أنتي قاعده على باب المنتدى كل واحد ييجي داخل تقومي تقفي يابنتي نفسي مره واحده ألحق أسلم على حد قبلك

عقديتنيييييييييييييييييييييييييييييييي

السلام حسب مدة الغياب .....

مسلمة ... مودي ... فريده

وحشتونا كلكم وبعد كده يوم الغياب بخمسه دولار ....

الطفشان ومصري وشاكوش طولوا قوي ماكنتش أجازه ولا مشغوليات شغل مهما كانت .... حد ينادي عليهم

[مصرى]

عـــــــــــدنا ....

شكرا عزيزى داروين ولكل سائل كريم

رحلة ميدانية طويلة أعقبها أجازة .. والحمدلله

[بنت شعنونة]

حمدالله ع السلالالالالالالامة استاذ مصري

كدا فاضل نتطمن على منمااااااااااااان وعلى استاذ ابو فصاااااااااااد وفراشة

دول وحشونا جداااااااا

[مصرى]

الله يسلمك ياشانا

وكمان عمنا الطفشان .. كنت متصور أنه رجع من فترة !!

[achnaton]

أخيرا .. نورت يامصرى .. إمتعنا بقى بقدر حرمانك لنا من مداخلاتك .. وأزعق معايا .. إنت فين يا طفشان .. أرجع الجو أمان ..