السكن في كندا

[Byte]

انا كمان اؤيد الطريقتين ، وجود جمعية غير هادفة للربح لمساعدة القادمين الجدد، او قيام مصريين بتأجير غرف في بيوتهم باسعار اقل من السوق ، لا يوجد ما يمنع

[Mike]

ماشي يا عم...........

ح تأجرلي الاوضه عندك بكام؟ :notify:

[freefreer]

ليك انت ببلاش يا مايك .. علشان انت ليك كوسة ..  :inlove:

[alipapa]

الأخوة الأعزاء أحس من مداخلاتكم أنها دعوة لجميع المصريين للرحيل الى كندا واللة فكرة , أهو نسيب البلد للريس والى معاة يسكنوها مفروشة ومن العائد يسدو ديون مصر ولما نرجع نلاقيها خالية من الديون ولكنى حاسس انة لم نرجع حتكون الديون تضاعفت وحيقوللنا

دة لزوم البنية التحتية ما أنتم بوظتم كل حاجة قبل ما تمشوا

أخوكم من الجانب ألأخر من الأطلنطى

[Byte]

ايه باعم مايك ، انت مش قاعد في امريكا، ايه اللي يخليك تفكر تأجر غرف في كندا؟

وبعدين انا كنت باتكلم بجد المره دي ، فهناك مصريين كتير عالويلفير وانا شايفها مساعدة مزدوجة للطرفين   :xmas:

[meshmesh]

ايه ارخص المناطق للسكن فى تورونتو؟

[freefreer]

بعيدا عن وسط المدينة .. فى الشرق - الشمال - الغرب .. الصاوى ساكن شرق فى وسط العرب .. انا ساكن شمال غرب .. و المنطقتين رخاص .. و عندك مسيساجا كمان

[Masrawy Abroad]

عندي سؤال مهم ولكن أرجو من السادة عدم التريقة وخاصة ممن لم يسافروا لخارج الدول العربية

يا ريت يا جماعة كندا تفيدونا كيف تغلبتم على مشكلة (الشطافة)

في الحمام حيث أنها شيء لم نتعود على عدم وجوده أبداً فهو موجود بالعالم العربي فقط ولن تجده خارجه

- طبعا المعلومة دي قد تكون خافية على كثيرين ممن لم يسافروا بره ولكن سيفاجئوا بها في خلال اقل من 10 ساعات من وصولهم :colgate:

وبالتالي لا يتعكننوا ويسألوا عليها وتبقى مشكلة  :angry:

- كيف يمكن حل هذه النقطة عند تاجيرنا سكن؟ أم اننا يجب ان نرضى بالوضع ونتكيف عليه؟ (طيب في بيتنا بس) بره البيت مش مهم

:turn:  :turn:

معذرة لغرابة الاستفسار ولكنه هام فعلا

:nervous:

[freefreer]

مهم فعلا .. و سارد قريبا ان شاء الله

[skamel]

In Montreal there is a company that supplies "shatafa" for $120 including installlation ,,i dont have the phone no. now , but once i get i will post it here , as i am in Kingston now and i will be back in Montreal in the week-end inshaa Allah.

[Mike]

الواحده ب 120 أخضر !!!!!!!!

لعبت معاك يا ريد ........

لا كباب وكفته ....... ولا الشغل مع الفرارجيه

وانت رايح تعمل لاندنج خد كل الوزن بتاعك شطافات صيني معتبره اللي الواحده منها بعشرين جنيه ..... يعني ممكن تاخد معاك حوالي 1000 قطعه . .... تبيع الواحده هناك بخمسين دولار فقط (علشان تسحب البساط من تحت شركه مونتريال)....وتبقي دي بدايه اقتحامك لعالم البيزنس في كندا

وادعي لي!!!!  

:colgate:

[freefreer]

أخى العزيز مصراوى .. اظن ان الأخوة ردوا باستفاضة على موضوع الشطافة .. و لم يعد لك حجة واحدة للتردد فى تشريف كندا بقدومك ..

فقط اردت ان اضيف انى وجدت فى الجرائد العربية التى توزع مجانا فى المحلات العربية و الباكستانية اعلان عن شطافة شكلها فاخر .. و بها امكانيات التحكم فى حرارة و قوة اندفاع المياة .. و كانت على ما اذكر بحوالى 300 دولار كندى طبعا  ..

تحب احجزلك واحدة ..  :inlove:

[Horizon]

وااااااااااااااااااو مكنتش عارف ان مشكلتى مع الشطافة مشكلة قومية      الحمد لله اتحلت (راجع متطلبات المهاجر الجديد للمزيد من المعلومات)

انا كنت ناوى اروح على تورنتو  عشان اخلص من مشكلة الفرنساوى هنا فى مونتريال  وشرط اجادتها عشان  الاقى شغل  لكن من الكلام اللى بيتقال هنا يا  جدعان واضح ان المعيشة اغلى بكتير من هنا  الارقام اكبر بنسبة 30% تقريبا  بالنسبة للايجار وحاجات تانية  ......... اضاهر اننى لازم ارطم بالفرنساوى  :baaa:

[freefreer]

و مالة الفرنساوى .. اسهل من الأنجليزى ميت مرة  :P  :P

[meshmesh]

it is prefered to go to "safe" hostel , not anyone that you find on internet, i prefere the "hostelling international" at 74 church st, down town, it takes about 20$ from members and 23$ from non-members , to be a member go to beyout-el-shabab in el manyal st.

and there are also private rooms about 70$/day.

i write "safe" hostel , because the first one i went it was with good price -20$- including breakfast, 30 minute daily internet access, free lockers .........but i discovered it was in unsafe area - china town- nearby downtown .

when u find poor , homeless, "hebys",........etc

so later on i moved to the hostelling international.

[زرقاء اليمامة]

الاخوة الاعزاء

اتمنى ان تزودونا بخبرتكم في بعض الامور المتعلقة بالسكن  في كندا  يعني مثلا قرات في احد الموضوعات التي تفضلتم بالتحدث فيها ان الاحياء الفقيرة ممتلئة بالمهاجرين وطبعا دة  اكيد بسبب رخص اسعار الثمن فيها  فسؤالي   هل فيه احياء راقية واسعار السكن فيها معقولة ؟ ويا ليت تفيدونا ببعض الامور عنها

[Byte]

اي حي في تورونتو حي راق ، المهم تبعدوا عن وسط البلد

كندا مافيهاش الاختلافات الطبقية في الاحياء، زي ارض الجولف وحكر عزت في مصر

[freefreer]

أنا لم أرد متعمدا .. لأفسح المجال لمن هم اقدم منى .. لرد أشمل

[زرقاء اليمامة]

الأخوة الأفاضل

نبهنى ريد هورس ان موضوع الأحياء الفقيرة والمملوءة بالمهاجرين  والذى ذكر فى بعض المداخلات السابقة كان متعلقا ببعض الدول الأوربية واظن ايضا امريكا وليس موجودا فى كندا وكلامه مطابق لكلام الأخ بايت ..انا طرحت السؤال بطريقة خطأ  انا اقصد اى السؤال عن الأحياء الآمنة  والتى لايوجد فيها نسبة جريمة و فيها جاليات عربية حتى يطمئن قلب الواحد شوية خاصة على الأطفال

[freefreer]

والتى لايوجد فيها نسبة جريمة

اطمئنى تماما .. كندا أمان  ..  ولا أظن انها تقارن بامريكا