لماذا يصمت المجتمع الدولي عن ظاهرة القرصنة بالصومال ؟

[se_ Elsyed]

إيه الإستهبال اللي بيحصل ده ؟

أكثر من 80 سفينة من ضمنها ناقلات عملاقة تُختطف من قِبل بعض الرعاع بما يُعرف بـ " بونت لاند الصومال " وذلك منذ يناير 2008 وحتى الان وأنتهت باكبر عملية إختطاف او قرصنة بالتاريخ .. وهي إختطاف ناقلة بترول سعودية منذ يومين وعلى متنها إتنين مليون برميل بترول يقدر سعرهم بـ 100 مليون دولار بالإضافة إلى ثمن الناقلة العملاقة اللي عاملة كإنها مدينة متحركة ...

ناهيك عن العملية المُضحكة اللي تمت منذ 3 شهور ومازلت المشكلة قائمة وهي إختطاف سفينة أوكرانية كانت متوجهة إلى كينيا وهي تحمل صفقة سلاح رسمية والمسلحين خطفوا السفينة أمام الصومال وعلى متنها 30 دبابة قتالة ومدافع وأسلحة وذخيرة .........!!!!!!!!!!!!!

ولسه موضوع الناقلة السعودية ما بردش يروحوا خطفين سفينة إيرانية أخرى بالأمس !!!!!!!!!!!

إيه في إيه ؟

ومين ساكت ومصهين على ما يحدث ؟

وفين الأساطيل الأمريية والأوروبية اللي واجعين دماغنا بها قدام شوية عيال راكبين مراب صيد متهالكة ومعاهم بنادق ورشاشات عتيقة ؟

[newcomer]

الشىء السخيف ان فية تحليل بيقول ان ممكن تكون كل دى تمثيلية علشان تدويل البحر الاحمر و اسرائيل تدخل فى الموضوع و فية تحليل تانى اكثر سخافة بيقول انها برضة تمثيلية غرضها ضرب اقتصادنا لان قناة السويس السنة دى حققت ارباح غير مسبوقة و دة طبعا بيضايق ناس كتير......

الحقيقة تحليلين اسخف من بعض و يارب مايكنوش صح

[Sherief AbdelWahab]

فيه سفينة مصرية خطفها القراصنة قبل كدة ، وفي أوقات سابقة كانت السفن الصغيرة ومراكب الصيد اللي بتسافر أريتريا تصطاد هدف تنقنق فيه فرق بلطجية البحر الأحمر..

وطبعاً لا حياة لمن تنادي..

خلص الكلام

[Scorpion]

وفين الأساطيل الأمريية والأوروبية اللي واجعين دماغنا بها قدام شوية عيال راكبين مراب صيد متهالكة ومعاهم بنادق ورشاشات عتيقة ؟

العملية مالهاش دعوة باساطيل امريكية و لا موزمبقية يا ابو السيد .... شوية عيال بلطجية مستبعيين عايشين في دولة مالهاش حكومة من اصله .. و لقوا سبوبة آخر جمال .....

حتفيد ايه البوارج و القوات و القنابل الذرية حتي قدام واحد مستبيع و ممكن بقنبلة مولوتوف يطير المدينة المتنقلة دي زي ما وصفتها .. و هي أساسآ عبارة عن قنبلة متحركة .... يعني محتاجة هباااااابة نار عشان تولع لوحدها و يطير معاها 100 مليون دولار بترول ....إ يه رأيك بجااااااااا ؟؟

الموضوع حله بمنتهي البساطة و اللي اتأخر لحد ما الفاس وقعت في الراس .... هو ان علي المتضرر حماية مصالحه .... يعني الدول اللي المتضررة و علي راسها مصر عشان قناة السويس لازم يشتركوا مع بعض و يعملوا جمعية و اللي ياخدها الأول يأمن بيها النقل البحري في الحتة دي ... و دول زي ما قلت مجرد عصابات غير منظمة ... يعني العملية مش حتحتاج بوارج حربية هلامية .... هما كام لانش حربي علي كام هليكوبتر و ارزع .....

بس خلاص

[Virus]

وفين المجتمع الدولي من اللي بيحصل في الصومال نفسها؟؟؟

وفين المجتمع العربي من الوقوف بجانب دولة عربية مشاركة في جامعة الدول؟

وفين الرئيس مبارك مبيروحش يزورهم ليه زي جنوب السودان؟ ولا عشان معندهمش بترول؟!!

وفين أمير قطر مبيتدخلش ليه؟؟ ولا عشان معندهومش كباريهات؟؟!!

[se_ Elsyed]

الموضوع في اليومين الأخيرين أخد منحني خطير ويُنذر بأعمال وأفعال جادة من جانب الدول المتضررة من تلك الظاهرة الهمجية وعلى رأسها

السعودية - مصر - السودان - اليمن - الأردن

وذلك بعد أن اعلنت بعض الشركات العملاقة في مجال النقل البحري دراستها لموضوع تحويل مسار ناقلاتها من البحر الاحمر إلى طريق رأس الرجاء الصالح الذي يلتف حول القارة الأفريقية حرصاً على سلامة ناقلاتها من هؤلاء البرابرة ...

وأتوقع أن يكون هناك عمل شبة عسكري موجه ضد هؤلاء ......

- أعلنت المجموعة الخاطفة لناقلة البترول السعودية عن طلبها مبلغ 25 ملون دولار للأفراج عن ناقلة البترول المختطفة .....!!!!!! بيحلموا .

ولا أدري لماذا السكوت عن ضرب البنية التحتية والموانيء المتهالكة التي يجر إليها الخطافون السفن التي يختطفونها ؟

ولا ادري لماذا لا تدرس تلك الدول المعنية ضرورة أن ترافق سفنها المهمة زوارق حربية لحمايتها على الأقل في تلك المنطقة ؟

أيضاً قرات خبر عن إن مجموعات مُسلحة من المحاكم الإسلامية الصومالية تحركت صوب مناطق نفوذ القراصنة لمحاولة تخليص ناقلة البترول السعودية .. وعلى ما يبدوا إنهم يكنون معزة خاصة للسعودية .. لكن

لا أتمنى ان تكون تلك التحركات غير مدروسة فيحدث ما لا يُحمد عقباة ..

فناقلة البترول هذه أشبة ما تكون بنقنبلة نووية متحركة ..

2 مليون برميل بترول .... حاجة مهولة .. وأي عود كبريت ممكن يدمر دول بحالها ... ناهيك عن التوث البيئي اللامحدود

[rar]

موضوع القرصنة ده بيفكرني بأيام طالبان ما قرروا يدمروا تمثالي بوذا... موضوع لوي دراع عشان المجتمع الدولي يعترف بالواقع ان طالبان هي القوة المسيطرة علي أفغانستان... و اللي عايز يكلم الشعب الأفغاني... يروح لهم بعد ما أيبك و أقطاي و شجرة الدر كلهم ماتوا...

اذا كان العالم شايف ان المحاكم الاسلامية لا تستحق أن تحكم... و مع ذلك مش عايز يبعت قوات كافية ل"فرض" حكومة أخري أيا كانت... يعني الشعب الصومالي يرقص علي السلم ولا يعمل ايه؟؟

الدنيا فعلا بقت قرية صغيرة... و نظام الطناش ما عدش ينفع... لأن جزء صغير متألم هيعمل صديد حواليه... يا تفرض الديمقراطية و ترضي باللي هاتجيبه (انت و الشعب اللي انتخبها)... يا تفرض الديكتاتورية و توفر القوات اللي تحميها... انما تجاهل الموضوع كليا كده نهايته زفت...

[abo_sameer]

القرصنه مش جديده على المجتمع الدولي , كما في قرصنه جويه مع التطور الي بنعيشه اصبح هناك قرصنه بحريه .

في اعتقادي المساله كانت عباره عن مراكب صيد صغيره بتخظف اي مركب تاني . و احلوت العمليه معاهم وجابت مكاسب . والفكره بعد كدا تمخمخت في راس كبير ورتب ليها . افضل من بفكر اكبر فكر مش عربي تلاقي فيه عصابات مافيا كانت ورا الموضوع بعد ما شافت النتائج الصغيره بتكسب . واهم رمو بالعيال البحاره الصوماليين مقابل ثحنه من الملالين تعطي ليهم لو قدرو ينفذو العمليه .؟؟

طب ازاي هيقبضو الثمن والفديه .؟؟

سيناريو الاخر في ظل السياسه الدوليه القذره مع تناقص اسعار النفط . واميركا بيهمها دايما زعزعه الاستقرار العالمي , فبتدت تحرك العصابات النايمه ؟ عشان العالم يستنجد باميركا للقضاء على عصابه حمادي وتوتو .؟؟؟؟ وتبتدي اسعار النفد ترتفع او تستقر عن سعر معين . او ترتفع اسعار التامين وهو دا اللي مودي اميركا في ستين داهيه ما فيش سيوله في اميركا . لما بتبتدي اموال التامين تتدفق اكيد الوضع الاقتصادي الامريكي سينتعش اكثر

[محمد دغيدى]

موضوع القرصنة موضوع شائك وأعتقد أن أكثر من جهة ضالعة فيه

[أبو محمد]

القذافى قام بالواجب يا جماعة .. إطمئنوا

الأهرام

الصفحة الأولى

44623 ‏السنة 133-العدد 2009 فبراير 7 ‏12 من صفر 1430 هـ السبت

القذافي‏:‏ ما يحدث قبالة سواحل الصومال

ليس قرصنة‏..‏ ولكنه دفاع عن لقمة العيش‏!‏

نيروبي ـ د‏.‏ب‏.‏أ‏:‏

دافع الزعيم الليبي والرئيس الجديد للاتحاد الإفريقي معمر القذافي عن عمليات القرصنة المنتشرة بشدة قبالة سواحل الصومال‏.‏ وذكرت صحيفة ديلي ناشون الكينية أمس أن القذافي أكد أن ما يحدث قبالة سواحل الصومال ليس قرصنة‏,‏ وإنما دفاع عن النفس‏,‏ ودفاع عن لقمة عيش الأطفال الصوماليين‏.‏

حقا

عدو عاقل خير من صديق جاهل

[سهل جدا]

مش عارف ليه حاسس إنها تمثيلية كبيرة عشان الدول الخبيثة اللي انتو عارفينها تجد مبرر للتدخل في هذه المنطقة

موقع الصومال كما نعلم ، موقع في منتهى الأهمية، كما في الخريطة

القذافى قام بالواجب يا جماعة .. إطمئنوا

عدو عاقل خير من صديق جاهل

والله أنا ساعات بحس إن القذاف ده دماغة كبيرة (أحيانا مش دايما)

وساعات بيقول كلام يبدو للجميع إنه كلام فارغ، لكنه كلام عميق

مش عارف هي بتيجي معاه بالصدفة , ولا في ناس حواليه بتغششوا ngh:

وعلى فكرة الاستيلاء على أساطيل الدول المحاربة ليس فيه شيئا من الناحية الشرعية

يعني حلاااال

بس الدول المحاربة فقط, وليس الدول المجاورة المسالمة

لو يركزوا على الدول المحاربة بس يبقوا عيال جدعان ومية مية

[se_ Elsyed]

شكل القذافي كده ماعندوش حتى مراكب صيد بساريا ...

ويارب يارب ينقلوا نشاطهم قدام سواحله عشان ياكلوا عيش وفينو من عنده ...

[Sherief AbdelWahab]

أحلى حاجة في كلام الأخ العقيد مسألة لقمة العيش..

في الصومال بيسرقوا عشرات ناقلات البترول وسفن الصيد علشان لقمة العيش ، وهنا الكبير والصغير بيسرق علشان لقمة العيش..

هوة العيش دة كله مش مكفيهم؟

لو العالم دي صادقة مع نفسها كانت تقول إنها بتسرق علشان البيتي بان!

طبعاً فيه ناس في بلادنا أكيد حتدافع عن القرصنة ، وكان ممكن تلاقي اللي يدافع عن القرصنة في إعلام الحزبوطني والمال السياسي لو ما كانتش فيه سفن مصرية "كبيرة" اتخطفت.. (أما مراكب الصيد دي بساريات ومعليهاش من وجهة نظر المدافعين بني آدمين)..

القرصان اللي بيسرق علشان قرصان وبيقول إنه قرصان يا دوب قرصان .. أما القرصان اللي بيسرق وعايز يعمل نفسه بطل وغلبان دة أوله كلمة ما تتقالش هنا.. :sad:

القراصنة في بحارنا بقوا أكثر من المراكب.. والسمك..

خلص الكلام

[Sherief AbdelWahab]

وعلى فكرة الاستيلاء على أساطيل الدول المحاربة ليس فيه شيئا من الناحية الشرعية

يعني حلاااال

يعني كدة بالطريقة دي أي دولة مختلفة مع الميول الثقافية والأيديولوجية للسادة القراصنة حتبقى "دولة محاربة" وحتبقى أساطيلها حلالاً زلالاً ولو كانت أساطيل سمك لناس غلابة بحق وحقيق.. إلا بقى لو السادة القراصنة الأفاضل فاكرين اللي على مراكب الصيد "صيادين قروش يا ولة" - مع الاعتذار لـ"جميل راتب" في فيلم "الكيف"! :sad:

خلص الكلام

[Sherief AbdelWahab]

سيلاحظ من يقرأ هذه السطور تحاملي على نفسي لخروج التعبيرات بأفضل وأكثر الأشكال "أدباً"..

أو تي في ، أرسلت مراسلتها "منى عراقي" لعمل تقرير عن ظاهرة القرصنة في الصومال ، ونظامها - إن فرض أن فريق كرة القدم الذي يحكم البلاد الصومالية نظام حكم لا سمح الله - وبات واضحاً أن السيدة "منى عراقي" التي استمعت إلى وجهة النظر القرصانية بدأت تميل إلى القول بأن الصيادين المصريين كانوا يصطادون "في الممنوع" وأن القراصنة أصحاب حق كما قال الأخ العقيد، ودعت ضمناً لأن يكون هناك صندوق مخصص لدفع فديات المخطوفين على يد هؤلاء العصابات.. وقالت أن القراصنة عرضوا عليها أن تكون وسيطاً في صفقة الإفراج عن الرهائن المصريين المحتجزين هناك..وأن الذي يعوق "المسائل" هم أهالي الضحايا الذين "تعنتوا" في مسألة الدفع ، وأن أفراد الدويلات الصومالية خاصةً بونت لاند ينتظرون وعلى أحر من الجمر أن تعترف بهم مصر ، ولم يختلف كثيراً كلام مندوبة وزارة الخارجية..

والحتة اللي جاية دي شديدة .. آل إيه : حيهددوا قناة السويس!

مين يقدر يبقى مؤدب وهو بيسمع كل هذا الكم من القرف والقذارة؟

أكبر خطأ ارتكبته الدبلوماسية المصرية في تاريخها هو الاعتراف بالنظام الصومالي الحالي الذي لا يهمه إلا نفسه ، ويتواطأ ضمناً مع عصابات إجرامية ، ولا يقربها خوفاً منه على كراسيه ، وتواجد فرقة المابيت شو تلك بقيادة الشيخ شريف على قمة النظام في الصومال قد يعرض البلاد إلى تطبيق الفصل السابع من ميثاق الأمم المتحدة عليه ، على أقل تقدير ، وسيجلب قوات أجنبية وفوضى عارمة إلى المنطقة ، لكن هذا "الشخص" الذي ارتضى أن يكون سفير بلاده في مصر من نفس الولاية التي توجد بها تلك العصابات-لزوم السمسرة طبعاً.. وإلا هاتوا دليل يفند الكلام دة- لا يعي ولا يريد أن يعي خطورة هذا السيل العرم من الحماقات التي يرتكبها بحق بلاده ومواطنيه الذين يرزحون تحت فقر مدقع..

قلب المعايير الأخلاقية بهذا الشكل شيء صادم ومحزن للغاية ، ومخجل أن يأتي من مصريين ضد مصريين ، وتكرار هذا السلوك مع سلوك وأفكار الاعتصاميين التي تتعامل باستخفاف مع المصريين سيضعف وبشدة من موقف مصر إذا تعرض أي من رعاياها لمكروه خارج الحدود ، وما أكثر المكاره هذه الأيام..

تهديد البهوات لقناة السويس يحتمل معنيين ، الأول عن طريق غلق باب المندب ، والثاني عن طريق دخول قطع من مراكبهم المياه الإقليمية المصرية ، وواثق أنه لو وسوس لهم الشيطان بمحاولة الاقتراب من المياه الإقليمية المصرية والبلطجة على مركب صيد صغير في مصر فإنهم لن يتمكنوا من رواية ما سيحدث لهم إذا تجرأوا وفعلوها .. وستقوم أسماك البحر الأحمر بالواجب وزيادة..

مطلوب موقف دبلوماسي صارم أمام الأشياء البشرية التي تحكم الصومال وتهدد بجر المنطقة التي فيها منابع النيل إلى جحيم يعلم الله وحده نهايته..

بالمناسبة ، لا أستبعد أن يتعرض الصيادون المصريون المختطفون ، أو أي طاقم لمركب مصري يختطف هناك لحملة تشويه من الإعلام المغرض تبدأ من اتهامهم بالصيد في الممنوع وقد تصل إلى العضوية في تنظيم القاعدة.. قد يرى منكم هذه الفرضية كلاماً فارغاً ، لكن المصيبة أنه لا يحدث على أرض الواقع سوى ما نراه جميعاً من سخف الحديث..

خلص الكلام

[Sherief AbdelWahab]

لماذا بدأت أشتم رائحة "أولاد العم" في موضوع القراصنة ، خاصةً مع ازدياد تسليحهم بطريقة قد تحولهم إلى جيش سري على غرار الجيوش السرية لبارونات المخدرات في كولومبيا ، والتي أشرف على تدريبها عدد من ضباط الاحتياط في الجيش الإسرائيلي كما هو معلوم للجميع؟

قراصنة الصومال.. هل هم صبية تل أبيب في القرن الأفريقي؟

خلص الكلام

[بنت الاصول]

طيب فيييييييييين حكومة الصومال

وفين موقف امريكا وفين موقف الدول اللى تضررت

يعنى رايحين يضربو افغانستان عشان بن لادن

وسايبين شوية حرامية متخلفين يخطفو سفن عملاقة

السؤال الاخير ازاى اصلا السفن دى معندهاش وسيلة دفاع

هى مركب صيد ماشية فى البحر

دى سفينةةةةةةةةةةةةةةة

سفينةةةةةةةةةةة

[miramikhail]

أنا شبة متأكده من أن المقصود بالحاكية دية قناة السويس و مصر طبعا و الحاجة التانية زياده عدد البحرية المريكية و طبعا أسرائيل عند باب المندب يعنى كده مسكونا من كل ناحية.

و اللى بيأكد ده ناس مش لاقية تأكل جابوا السلاح ده منين و الأجهزة الدقيقة اللى بتمكنهم من دخول المياة الدولية و أنا فكرة أنى سمعت تحليل بيقول أن الأجهزة دية ذات تقنية عالية يعنى لازم يدربوا عليها أزاى ؟؟؟ حاجة تانية القتل اللى فى الصومال ده أكيد حد بيمولة لأن الناس معاها سلاح زى ما بشوف فى الأخبار و شكل الرجالة أكنهم ماكلوش بقى لهم سنة برضة ملحوظة غريبة ناس ما بتكلش وريحة تشترى سلاح و تقتل فى بعض مش حاجة تشكك أن فية حد بيدفع ولا أية؟؟