عندما يطرق الفتور باب الحياة الزوجية

[فنان محتار]

على راى ممدوح فرج cld: ( هاى بكلمك انت ) عااااااااايز تفضفض هنا مكانا نحن الازواج mfb: المقهورين موعدنا هنا كل يوم بعد الساعة 10 بالليل كل واحد مراته مخلياه شايف الوان السما السبعة اتنين بس اسود واسود يبقى مكانه هنا يجى يحكى يمكن يرتاااااااااح بس اوعى تتقفش لاحسن تكون نهايتك وحشه .. نحن غير مسؤلين .. wst:: احنا اول ناس هنبيعك ..

هنا هتلاقى الحل كل الحل حبيت تنغص عليها عشتها هنقدملك الخطط وعليك التنفيذ ..

عايز تنام وتسيبها شغالة .. عندنا المنوم ..

عايز تشغلها على ( السيلنت ) نستبهالك ..

عايز ترتاح خالص .. عندنا البنزين ......................................لحظة يوجد حلول اخرى لسه هتتعب وتنضف الشقة ..

ولو كل دا مش عاجبك هنقولك .. روح يابنى ........... وتعالى بسرعة ...

وفى النهاية نرجو من الجنس ال((يالـ))طيف ان يتحملونا فنحن بشر ولنا طاقتنا قبل مننفجر وسعتها هنعوركم ونقولكم (( بخخخ)) وكل يوم منده dtcv: ادى الرجالة ولا بلاش وباى بقى وعلى لقاء مع اول حدوته .. :D

تم تعديل 23 نوفمبر 2008 بواسطة Scorpion

[Vanco alex]

فكره كويسه اوى فكره الفضفضه دى

وهبدأ انا بأول حدوته

انا طول عمرى رومانسى وبحب الحب جدااااااااااا

وماكنتش ارضى لنفسى الا مستوى معين من الحب

وكنت بستغرب اوى لما بشوف اتنين متجوزين ويتخانقو

كنت اسأل نفسى هما مش المفروض برضه واخدين بعض عن حب

ولا لما كنت اسمع عن المشاكل اللى فى المحاكم

ولا ان واحد قتل مراته

ولا ولا ولا .........

مش المفروض كل اتنين بيتجوز بيكون مروا الاول بقصة حب

وعلى اساس الحب ده اتجوزا

المهم

انا لما كنت فى الجامعه حبيت انسانه وكانت هى كل حياتى

واستمرت علاقتنا تقريبا سنه

ولكن فى الآخر ماحصلش نصيب

والموضوع انتهى وخلاص

وخلصت جامعه واشتغلت

واتعرفت على انسانه تانيه

وحصل نصيب واتجوزنا

انا طبعا مش هطول عليكم ازاى حصل الجواز

ولا حتى ازاى اتعرفت عليها

لأنى تقريبا مش عارف ازاى ده حصل

هى طبعا حاجه غريبه

ولكن ده والله اللى انا حاسس بيه وعايشه

انا حاسس انى بحلم

مش عارف ازاى اتجوزت

انا عايش فى حالة توهان

حاسس انى غلطت ولكن ازاى اصلح غلطتى

خصوصا انى عندى طفل منها دلوقتى

طول عمرى كنت بحلم اكون اب

واول ماعرفت انها حامل حسيت انى بغرق

واتمنيت ان الحمل ده مايتمش

كنت اتمنى انى اكون اب من انسانه بحبها

طيب وهى زنبها ايه

هى انسانه محترمه جدا وبتحبنى اوى اوى

واستحملت جفائى كتير اوى

وده اللى بيعذبنى كمان

مش عارف اعمل ايه

هل اعيش وخلاص عشان خاطر الطفل

وافضل عايش فى الغيبوبه اللى انا فيها

ولا افوق واقول لا وابحث عن انسانه احبها

مابقدرش اقولها كلمة حب

كل ما اجى اتكلم معاها احس ان فى جبل فوق لسانى مش قادر احركه

حاسس انى بظلمها معايا ومش قادر اعمل اى حاجه

بفكر اتجوز تانى

لكن بقول ازاى

بفكر اسافر كندا واعتبر نفسى ماتجوزتش وابدأ من هناك من الاول

ولا كده هكون بضحك على نفسى

سورى لوكنت طولت عليكم

بس اهى فضفضه

ياريت اللى عنده نصيحه

يقولهالى لوجه الله

اعمل ايه

تم تعديل 16 نوفمبر 2008 بواسطة Vanco alex

[ام بلال]

حضرتك على ما أظن تشتكي من عدم وجود حرارة الحب الذي كنت تتمناه أن يكون بينك وبين زوجتك صح ولا أنا غلطانة.

ممكن أقول رأيي ولا المكان ده للرجالة فقط .

على فكرة أنا إنسانة محايدة جدا في المواضيع ديه.

على فكرة كمان كان نفسي أفتح موضوع بإسم " الفتووووووووووووووووووووور في العلاقة الزوجية من المسئول عنها هو ... أم ...هي....أم هؤلاء"

وبما أنكم يا معشر الأزواج فتحتم الموضوع فليكون من باب التناصح ونعرف مشكلتنا وعيوبنا كزوجات إيه فهل تسمحون بذلك ؟؟؟؟

أستأذن صاحب الموضوع الأصلي ..، حتى أرد على الأخ المحتار لعله يجد حلا عندي لمشكلته.

....

[MZohairy]

لاحظت حاجه مهمه قوي في اوروبا

الراجل و مراته سواء شباب أو عواجيز

ماشيين و ماسكين ايد بعض او حاطط ايده على كتفها و هي كمان زي ما يكونوا لسه مخطوبين wst::

الكلام ده مبيحصلش عندنا بتاتا ولا في اي بلد عربي wst::

اعتقد الحر هو السبب :closedeyes:

الحر بيزهق الناس و بيخليها قرفانه من بعض و بتبعد عن بعض md2:

و البرد بالعكس بيخلي الناس تقرب من بعض :wub:

بردوا البيوت يعود الحب

و الله الموفق -_-

[ابو حودة]

الى الاخ vanco على ما يبدو وكما ورد في رسالتك ان زوجتك سيدة محترمة وحنونة وعليه المشكلة عندك انت وهي انك تحاول ان تبحث عن الحب الضائع ( بتاع الجامعة ) او حرارة الحب كما قالت الاخت ام بلال

انا عندي رأي يمكن يعجبك زي ما بنقول في الشغل حب ما تعمل لتعمل ما تحب اعمل كده كمان في الجواز والمسألة دي زي ما الجماعة بتوع التنمية البشرية بيقولوا ان الفكر السئ يولد شعور سئ وعدم راحة بعقبه سيطرة على العقل تؤدي الى تصرفات سلبية وعليه حاول تفكر بشكل ايجابي عن ايجابيات الطرف التاني ( اقول ذلك لنفسي أيضا ) ساعات بانجح وساعات لا لكن دائما بحاول

وكما عايز اقولك حاجة فيه مسلسل لمحمود ياسين وبوسي اسمه اللقاء الثاني فكرة المسلسل لو حدث اللقاء بعد الفراق بمدد طويلة 20 سنة مثلا هل تتخيل ان حب الجامعة يمكن يولد زواج ناجح ( ممكن اه وممكن لا ) يعني نفس الاحتمال القائم

[someonedb]

قريت كتاب زمان - مش عربى طبعا - اسمه انجح الازواج الزوج الممثل الكتاب اعجبنى جدا وقررت انفذ اللى فيه حتى اعيش حياة طبيعية مش هقول سعيدة ولا رومانسية ولا بطيخ بس هقول حياة هادئة

ملخص الكتاب يقول ان الزوج السعيد هو الزوج الممثل الجيد طب ازاي ؟

اولا الزوجة احيانا كتيرة لاتحتاج من الزوج الا ان يسمعها لاتطلب حل ولا تطلب نصيحة فقط اسمعها فكن ممثل جيد ومستمع جيد لما تقوله زوجتك برغم ان 99% من كلامها لامعنى له ولايهمك بشىء ... يعنى انت راجع من الشغل دماغك خلية نمل بتفكر فى المشاكل اللى فى الشغل وبتفكر كثيرا تسيب الشغل بتفكر فى المدارس بتاعة العيال ياترى مدارس محترمة وغالية ولا تعمل زي غيرك اي مدارس وخلاص .. بتفكر فى توفير مصروف البيت لمدة سنة قادمة - وهذه اكبر غلطة بيغلطها الازواج - انه بيفتكر ان جلب الرزق بالتفكير الكثير - ابدا الرزق مقسوم ولو امنت بذلك هتستريح - نرجع لموضوع التمثيل .

لو لقيتها بتحكيلك على امها اللى راحت للدكتور والدكتور قالها ان سنانها محتاجة مش عارف ايه وان اختها جابت امبارح من كارفور زيت ورك النملة ومرات اخوها اتخانقت معاه علشان الشقة عايزة تتبيض ويجددوا العفش - عارف كله كلام ملكش انت علاقة بيه اصلا - بس لازم تسمعه وتشارك فيه ولو بابتسامة . wst::

هل فكرت مرة انك تمثل دور نور الشريف فى فيلم حبيبى دائما يعنى تمسك ايدها وتقولها احلى حاجة حصلتلى فى دنيتى كانت انتي والشىء الجميل اللى بيهون علي حياتى وجودك معايا - طبعا الكلام ده ياثقله على الازواج - متعرفش ليه ( وانا واحد منهم ) علشان مكونش كداب ... قبل كده كان الكلام ده سهل وسلس ويطلع بسرعة وبحرارة بس الان بعد العيال وبعد سنين الزواج اصبح ثقيل ثقيل كانه جبل - المهم اتمرن على التمثيل وشوف النتائج المبهرة.

مثل الحب اللى فى دماغك واللى فى قلبك وحطه امام زوجتك ولو مش ليها - ازاي ؟ اقولك ازاي

شوفت فى فيلم اجنبى واحد صحى من النوم وكتب رسالة لحبيبته - طبعا مش مراته - :ninja:

كتبلها بحبك واجمل حاجة فى حياتى وجودك لما تقري الرسالة دى اعرفى اني بفكر فيكى - وراح لزق الرسالة على باب الثلاجة.

قلت فى نفسى انا همثل الدور ده - وفعلا الصبح صحيت - لوحدى - زمان كانت بتصحينى وتفطرنى الان لافطار ولا صحيان ولا يحزنون.

المهم كتبت الرسالة بقلم ماركر خطه كبير ولزقتها على الثلاجة فى المطبخ وانا بطفح كباية عصير اغير بيها ريقى ع الصبح .

ورحت لزقتها بسلوتيب على باب الثلاجة وتوكلت على الله رحت الشغل- مش هقول على اللى حصلي لما رجعت من الشغل - لانه محدش هيصدقنى

والله ثم والله البيت كانه جنة - لا وايه اوضة النوم مهيئة لشهريار - وياعيال يالا خليى بابا يرتاح لسه راجع من الشغل تعبان

وغدا ملوكى وهى كانها فتاة اعلانات تستعد لعمل بروفة اغنية جديدة مع عمرو دياب - مع فارق الوزن طبعا wst::

انما مش مهم فضلت شاري راحتى وعايش فى تبات ونبات كام يوم على هذا المسلسل .

تمثيلة الهدية الغبية : فكرت بدون مناسبة تجبلها هدية ولو حاجة ملهاش لازمة فى الحياة يعنى مثلا بنسة شعر على شكل فراشة زى بتاعة تايتنك لا بلاش موضوع بتاعة تايتنك - احسن هتقلب بغم لو مراتك شافة الفيلم

لان اول حاجة هتفكر فيها انك معجب بالبطلة ....... :blink:

تمثيلة يوم راحة والغدا بره والكثير الكثير من التمثيليات اللى تخلى حياتك حلوة ولو لايام وهكذا هى الحياة ....

واهي فضفضة ع الماشى ..... ولنا لقاء

[Vanco alex]

حضرتك على ما أظن تشتكي من عدم وجود حرارة الحب الذي كنت تتمناه أن يكون بينك وبين زوجتك صح ولا أنا غلطانة.

ممكن أقول رأيي ولا المكان ده للرجالة فقط .

على فكرة أنا إنسانة محايدة جدا في المواضيع ديه.

على فكرة كمان كان نفسي أفتح موضوع بإسم " الفتووووووووووووووووووووور في العلاقة الزوجية من المسئول عنها هو ... أم ...هي....أم هؤلاء"

وبما أنكم يا معشر الأزواج فتحتم الموضوع فليكون من باب التناصح ونعرف مشكلتنا وعيوبنا كزوجات إيه فهل تسمحون بذلك ؟؟؟؟

أستأذن صاحب الموضوع الأصلي ..، حتى أرد على الأخ المحتار لعله يجد حلا عندي لمشكلته.

....

العزيزه ام بلال

شكرا لمشاركتك ليا فى مشكلتى

واتشرف طبعا بهذا

واعتقد الموضوع ده مفتوح للجنسن

مش يجوز احنا يارجاله نكون مخطئين

انا فعلا كنت اتمنى ان حراره الحب اللى كنت بحسها قبل الزواج مع الفتاه اللى اتمنيت اكون زوجها

تكون موجوده حاليا

حقيقى انا عيشت فتره مع الانسانه دى بنيت معاها كل احلامى

ولما انتهت العلاقه حسيت ان كل اللى بنيته لمستقبلى راااااااااااااااح وانتهى

وكانت كل تصرفاتى بدون احساس ولا ترتيب

عشان كده لما فوقت وفكرت فى اللى حصل حسيت انى كنت فى غيبوبه

قعدت افكر فى الانسانه اللى اتجوزتها ازاى وعلى اى اساس اخترتها

هل على اساس عائلى ولا اجتماعى ولا ثقافى ولا دينى

المفروض الواحد بيفكر ويحدد مواصفاته قبل مايختار

انا مش فاكر خالص انى عملت كده

فكرت كتير جداااا فى الانفصال ولكن حبى لأبنى كان بيمنعنى

طيب وهى مش حرام اعيش معاها وانا مابحبهاش

فى الوقت اللى هى بتحبنى فيه جداااااااااااااا

انا حاسس فعلا انى برتاح لما بحكى مشكلتى هنا

لأنى عمرى ماحكيت لحد على اللى جوايا

حتى والدى ووالدتى مع ان والدتى حاسه انى مش مبسوط

بس بحاول اخبى اللى جوايا

انا بس اللى عايش فيه بقالى 3سنين

وبحاول اهرب من الاحساس اللى بيقتلنى ده مش قادر

ارجوكم ساعدونى اعمل ايه

وياريت يا أم بلال لو عند حل لمشكلتى بعد اذن الاستاذ فنان محتار صاحب التوبيك تساعدينى

واشكر كل الأخوه اللى شاركونى بأرائهم

[Vanco alex]

لاحظت حاجه مهمه قوي في اوروبا

الراجل و مراته سواء شباب أو عواجيز

ماشيين و ماسكين ايد بعض او حاطط ايده على كتفها و هي كمان زي ما يكونوا لسه مخطوبين wst::

الكلام ده مبيحصلش عندنا بتاتا ولا في اي بلد عربي :)

اعتقد الحر هو السبب :closedeyes:

الحر بيزهق الناس و بيخليها قرفانه من بعض و بتبعد عن بعض md2:

و البرد بالعكس بيخلي الناس تقرب من بعض :wub:

بردوا البيوت يعود الحب

و الله الموفق -_-

أخى العزيز

اعتقد مفيش مقارنه بينا وبين اوروبا

الناس دى ماعندهاش اى مشكله

يعنى روابط الزواج مش موجوده

هو بيحب زوجته عايش معاها

مابيحبهاش عادى يشوف غيرها

وهى كمان كذلك

اما نحن مربوطين

هناك عواطف دفينه صعب جدا التغلب عليها

زى مثلا حبى لأبنى

وتفكيرى فى مستقبله

هيكبر يلاقى امه وابوه منفصلين

وده ممكن يؤثر عليه

وهى دى النقطه الوحيده اللى معيشانى فى الصراع ده

اعتقد لو ماكانش فيه اولاد كنت قررت الانفصال من زمان

لأنى فى اللحظه دى كنت هفكر فى زوجتى بس

هفكر ازاى ماظلمهاش معايا

عشان كده كنت هفضل انى اسيبها احسن ماعيش معاها وانا مش معاها

[Vanco alex]

الى الاخ vanco على ما يبدو وكما ورد في رسالتك ان زوجتك سيدة محترمة وحنونة وعليه المشكلة عندك انت وهي انك تحاول ان تبحث عن الحب الضائع ( بتاع الجامعة ) او حرارة الحب كما قالت الاخت ام بلال

انا عندي رأي يمكن يعجبك زي ما بنقول في الشغل حب ما تعمل لتعمل ما تحب اعمل كده كمان في الجواز والمسألة دي زي ما الجماعة بتوع التنمية البشرية بيقولوا ان الفكر السئ يولد شعور سئ وعدم راحة بعقبه سيطرة على العقل تؤدي الى تصرفات سلبية وعليه حاول تفكر بشكل ايجابي عن ايجابيات الطرف التاني ( اقول ذلك لنفسي أيضا ) ساعات بانجح وساعات لا لكن دائما بحاول

وكما عايز اقولك حاجة فيه مسلسل لمحمود ياسين وبوسي اسمه اللقاء الثاني فكرة المسلسل لو حدث اللقاء بعد الفراق بمدد طويلة 20 سنة مثلا هل تتخيل ان حب الجامعة يمكن يولد زواج ناجح ( ممكن اه وممكن لا ) يعني نفس الاحتمال القائم

فعلا زوجتى انسانه حنونه وبتحبنى

هتستغرب لو قولت لك ان حبها ده بيعذبنى

لأنى ماستاهلهوش

على فكره كل اللى بحكيه ده بحاول كمان اخبيه عن زوجتى

هو اه انا مقصر جدا من ناحية الكلام

يعنى مثلا الكلام فى الحب

المناسبات زى غيد الحب

مابقدرش اكدب فيه

زى ماقولت بحس انى لوكدبت فى انى اقولها بحبك وكل عيد وانتى طيبه هنكشف

وتعرف انى مابحبهاش

بحس ان فيه حد ماسك لسانى

مش قادر

بتعذب لوحدى

بحاول اهرب بعيد

بسافر

اروح

اجى

عشان مانكشفش

ربنا يهدينا لما يحب ويرضى

[Vanco alex]

قريت كتاب زمان - مش عربى طبعا - اسمه انجح الازواج الزوج الممثل الكتاب اعجبنى جدا وقررت انفذ اللى فيه حتى اعيش حياة طبيعية مش هقول سعيدة ولا رومانسية ولا بطيخ بس هقول حياة هادئة

ملخص الكتاب يقول ان الزوج السعيد هو الزوج الممثل الجيد طب ازاي ؟

اولا الزوجة احيانا كتيرة لاتحتاج من الزوج الا ان يسمعها لاتطلب حل ولا تطلب نصيحة فقط اسمعها فكن ممثل جيد ومستمع جيد لما تقوله زوجتك برغم ان 99% من كلامها لامعنى له ولايهمك بشىء ... يعنى انت راجع من الشغل دماغك خلية نمل بتفكر فى المشاكل اللى فى الشغل وبتفكر كثيرا تسيب الشغل بتفكر فى المدارس بتاعة العيال ياترى مدارس محترمة وغالية ولا تعمل زي غيرك اي مدارس وخلاص .. بتفكر فى توفير مصروف البيت لمدة سنة قادمة - وهذه اكبر غلطة بيغلطها الازواج - انه بيفتكر ان جلب الرزق بالتفكير الكثير - ابدا الرزق مقسوم ولو امنت بذلك هتستريح - نرجع لموضوع التمثيل .

لو لقيتها بتحكيلك على امها اللى راحت للدكتور والدكتور قالها ان سنانها محتاجة مش عارف ايه وان اختها جابت امبارح من كارفور زيت ورك النملة ومرات اخوها اتخانقت معاه علشان الشقة عايزة تتبيض ويجددوا العفش - عارف كله كلام ملكش انت علاقة بيه اصلا - بس لازم تسمعه وتشارك فيه ولو بابتسامة . :wub:

هل فكرت مرة انك تمثل دور نور الشريف فى فيلم حبيبى دائما يعنى تمسك ايدها وتقولها احلى حاجة حصلتلى فى دنيتى كانت انتي والشىء الجميل اللى بيهون علي حياتى وجودك معايا - طبعا الكلام ده ياثقله على الازواج - متعرفش ليه ( وانا واحد منهم ) علشان مكونش كداب ... قبل كده كان الكلام ده سهل وسلس ويطلع بسرعة وبحرارة بس الان بعد العيال وبعد سنين الزواج اصبح ثقيل ثقيل كانه جبل - المهم اتمرن على التمثيل وشوف النتائج المبهرة.

مثل الحب اللى فى دماغك واللى فى قلبك وحطه امام زوجتك ولو مش ليها - ازاي ؟ اقولك ازاي

شوفت فى فيلم اجنبى واحد صحى من النوم وكتب رسالة لحبيبته - طبعا مش مراته - :)

كتبلها بحبك واجمل حاجة فى حياتى وجودك لما تقري الرسالة دى اعرفى اني بفكر فيكى - وراح لزق الرسالة على باب الثلاجة.

قلت فى نفسى انا همثل الدور ده - وفعلا الصبح صحيت - لوحدى - زمان كانت بتصحينى وتفطرنى الان لافطار ولا صحيان ولا يحزنون.

المهم كتبت الرسالة بقلم ماركر خطه كبير ولزقتها على الثلاجة فى المطبخ وانا بطفح كباية عصير اغير بيها ريقى ع الصبح .

ورحت لزقتها بسلوتيب على باب الثلاجة وتوكلت على الله رحت الشغل- مش هقول على اللى حصلي لما رجعت من الشغل - لانه محدش هيصدقنى

والله ثم والله البيت كانه جنة - لا وايه اوضة النوم مهيئة لشهريار - وياعيال يالا خليى بابا يرتاح لسه راجع من الشغل تعبان

وغدا ملوكى وهى كانها فتاة اعلانات تستعد لعمل بروفة اغنية جديدة مع عمرو دياب - مع فارق الوزن طبعا wst::

انما مش مهم فضلت شاري راحتى وعايش فى تبات ونبات كام يوم على هذا المسلسل .

تمثيلة الهدية الغبية : فكرت بدون مناسبة تجبلها هدية ولو حاجة ملهاش لازمة فى الحياة يعنى مثلا بنسة شعر على شكل فراشة زى بتاعة تايتنك لا بلاش موضوع بتاعة تايتنك - احسن هتقلب بغم لو مراتك شافة الفيلم

لان اول حاجة هتفكر فيها انك معجب بالبطلة ....... :closedeyes:

تمثيلة يوم راحة والغدا بره والكثير الكثير من التمثيليات اللى تخلى حياتك حلوة ولو لايام وهكذا هى الحياة ....

واهي فضفضة ع الماشى ..... ولنا لقاء

انا فكرت فى كل ده

انا تقريبا حياتى كلها مع زوجتى تمثيل فى تمثيل

الا فى حته حبيبى دائما

مش قااااااااااااااااااااادر

بحاول اوصلها انى مابتكلمش كويس

عشان ضغط الشغل

والقرف اللى الواحد بيشوفه بره

وهى بتصدق

وبتلتمس لى العزر

وانا بتعذب

مش قادر

هفضل كده لحد امتى

هل فيه حل يخلينى احب زوجتى

لدرجة انى فكرت انى ممكن يكون معمول لى عمل

مع انى مابقتنعش بالحاجات دى

لكن السحر موجود فى القرءان

الله المستعان

[ام بلال]

الأستاذ اضل" فانكو أليكس ":

لا تستطيع أن تقول أنك عندما تزوجت هذه المخلوقة لم تجد فيها أي شيء طيب ؟؟؟؟

عارف حضرتك ما هي مشكلتنا ؟؟؟ نظرنا لأمور حياتنا "بعين الذبابة" :wub: وليس" بعين النحلة"، نرى السيء و نتغاضى عن كثيييييييير من الحسن .

هل تظن حضرتك أن أي قصة حب بريئة انتهت بالزواج ( رغم تحفظي على هذه النقطة) ، بعد أول سنتين ثلاثة من العلاقة الزوجية ،

ظل الحب ملتهبا ، من الوقائع التي حولي والتي لا مجال لسردها، وهي كثيييييييييرة ، صدقني لا فرق ،أحيانا كثيرة عندما يكون

الزواج مبني فقط على نظرية ابن حلال وبنت حلال ومواصفات كويسة ، يكون الزواج أكثر استقرارا ، بل سبحان الله ، ولأن الإنسان

مواقف ،تقوى علاقة الحب بعد الزواج ويصبحا عاشقين . عارف ليه ؟؟؟ لأن" مراية الحب عامية" wst:: ، الشيء الأساسي الذي يجذب أي

شخص لأي شخصة هو غالبا المظهر ، وهو يأتي في الدرجة الأولى، وتجد كل شخص يتزين ويظهر أفضل ما عنده ، لأنه بيحب ، حتى

لو الطرف الآخر استفز ، ضايق ، عمل أي شيء ، هناك غشاوة على العين كثيفة بسبب العاطفة ، ثم تم تتويج ذلك بالزواج ، ماذا

يحدث ؟؟؟ أكيد الفترة الأولى مفعمة بالرومانسية :) بتاعة الأفلام " الخايبة" واسمحوا لي أقول كده ، وهقول ليه فيما بعد .ثم يأتي

الأطفال وتزيد المسئوليات و في خضم الإحتكاكات الحياتية مثل : شدة غضب ، جوع ، ولد بيصرخ ، أكل اتحرق ، غلطة لسان ، ازمات

مالية ....الخ غالبا تسقط الأقنعة

وانت وبختك بعدها ، ان كان فعلا الأصل لكلا الطرفين معدنه ذهب ... ذهبت معاها المشاكل ، وإن كان المعدن صفيح ...طبعا أنتم

عارفين النتيجة ....صوتهم واصل لآخر الشارع. mf-:

يعني بالعربي هناك عوامل لإستمرار الحياة الزوجية ودوامها :

--أولها الإحترام المتبادل بين الزوجين وده مهم جدا ، الله يرحم أمي : كانت تقول" الإحترام خط أحمر مغلظ لا تتعديه ولا يتعداه ".

--لفظ الطلاق لابد من إلغاؤه من قاموس حياة شخصين ارتبطوا وحياتهم طبيعية ، لأنها زلزال أي أسس حلوة اتبنت بينهما

-- قيام كل طرف بالواجبات التي عليه قدر استطاعته ، ولا مانع من التطوع لمساعدة الطرف الآخر

--الحقوق الزوجية قبل حق الأطفال ، لأننا من كنا سبب في وجودهم ، وذوبان شخصية أحد الطرفين في " العيال " يخلق مشاكل لا حصر لها.

--الإخلاص ووقفة الجدعان كل طرف للآخر عند الشدائد ، وبصراحة العلاقة الإنسانية تدوم من " الإنسان موقف " الندل يظهر من موقف

ورد فعل والعكس بالعكس .

-- الرغبة الحقيقية في التغير لصالح العلاقة الزوجة mft: ، ولا يكون المبدأ : أنا كده عاجبك ولا لأ

إذا استمر صدك لعواطف زوجتك الجياشة ، صدقني قد تندم يوما على جفاف تلك العواطف ، وستكون حضرتك السبب ، ولا تلومها عندها.

أخي الفاضل ، الرسول الكريم أباح الكذب على الزوجة ( اللي بتسموه تمثيل ) لعل الله يحدث بعد ذلك أمرا فيقلب القلوب ، أقترح عليك

إذا كنت لا تقوى على المواجهة بالتمثيل :

أكتب لها رسالة في ورقة وضعها لها في مكان ( مثل فعل someonedb )

ارسل لها رسالة بالمحمول تحوي كلة " ربنا يبارك فيك ويخليكي ليه" مثلا ،

المرأة جبلت على العطاء والتضحية ، بعض الأزواج يظن أنها تحكي كثرة ما واجهت مع الأبناء ..و.... و.... إلخ لأنها تطلب مساعدة وهي في الواقع تحتاج لدعوة جميلة من زوجها " ربنا يقويكي انت الخير والبركة" بس ... للأسف يكون رد فعل الزوج :

" يعني انت عاوزاني أسيب الشغل واقعد انظف واطبخ.......و.... " وما تخلصش من الكلام .

التعدد رغم أنني من المؤيدين له وبقوة ، إلا أنك لن تحل به مشكلتك ، غالبا ستجرحها وتطلب الطلاق ، والولد يضيع بين زوجين منفصلين .

وبعدين ايش دراك إن الأخرى ستسعدك md2: ، قد تأتي على النقيض ، أو تأتي ولا تحبها لأن حضرتك تبحث عن حب بنفس القوة الذي وجدته في علاقة في الجامعة، ساعتها هتعمل إيه هتتزوج تاني ؟؟؟؟

يا أخي فتور العلاقة الزوجية بعد طووووووووول سنوات الزواج يعاني منه أزواج عشقوا بعض جدا في بداية الحياة الزوجية ، وقد سماه دكتور استشاري في العلاقت الزوجية :

"أنه يشبه هدوء انسياب الماء في النهر ، بعد عنف اندفاع الشلال في بداية مجراه، ويدل على قوة العلاقة الزوجية" :closedeyes:

وهو في رأيي تشبيه رائع .

عاوز تعرف انت في نعمة ولا لأ ، ارمي ودنك لمشاكل الناس وتطوع لحلها ، تعرف قيمة مراتك .

عارف مشكلتنا ايه ؟؟؟ نطلب الكمال فيمن يعاشروننا ، ونحن نمتليء بالعيوب ، عاوزها : جميلة: ممشوقة القوام ، شعرها ناعم ، بيضاء بحمرة ، عيونها كالغزلان ، خدودها كالورود، أنفها كالنبقة، ....)ومتدينة ، وذات حسب ونسب ، وأصيلة، وغنية

عارف حضرتك( بما أنني كنت مغرمة بتوفيق راسين في الحلال) كل من طلب تلك المواصفات حصل له شيء من اتنين :

----تزوج في الخمسينيات من امرأة أربعينية فيها عكس كل الصفات السابقة :old:

----أو تزوج واحدة حسناء ، وتغاضى عن الباقي من الصفات ، وطلعت روحه بما تعني الكلمة من معنى. bsh:) -_-

نصيحة أخيرة ، من أخت لك ، هناك علاج سحري يجلب المحبة ، وهو الدعااااااااااااااااااااااااااء ، ويا سلام لو يكون قبل الفجر بربع ساعة ، ركعتين ودعوة مركزةفي السجود ، أن يؤلف الله قلبكما ، ويصلح ذات بينكما ، ويفك عقدة لسانك ولسان كل المتزوجين" وتقول لها من قلبك يوما ما بحبك من قلبك" ربنا يوفقك

[elshafey]

يا جماعة ........

الجواز بيبقي جنة رائعة ..........

حتي يأتي الاطفال ........

ايوة هما احلي حاجة في الدنيا مش في الجواز بس ......

بس الست بتنسي نفسها وبتنسي جوزها .........

ماعرفش المعادلة بتكون ازاي بس لازم تحقق الموازنة ........

والمشكلة ان الراجل مابيعرفش يساعد كتير في الاول .......

يعني لا ينفع يرضع ولا يعرف يغير ولا يعرف ياخد باله من الطفل لأن دي مش من ضمن الفطرة اللي ربنا ادهاله ........

لازم الست تقدر تحقق التوازن في النقطة دي .......

بس لازم الراجل يساعد طبعا ........

بس الست تاخد المبادرة وتبدأ ........

واكيد الارجل هيخلي عنده دم ويساعد ....

تحياتي

[Vanco alex]

الأستاذ اضل" فانكو أليكس ":

لا تستطيع أن تقول أنك عندما تزوجت هذه المخلوقة لم تجد فيها أي شيء طيب ؟؟؟؟

عارف حضرتك ما هي مشكلتنا ؟؟؟ نظرنا لأمور حياتنا "بعين الذبابة" وليس" بعين النحلة"، نرى السيء و نتغاضى عن كثيييييييير من الحسن .

هل تظن حضرتك أن أي قصة حب بريئة انتهت بالزواج ( رغم تحفظي على هذه النقطة) ، بعد أول سنتين ثلاثة من العلاقة الزوجية ،

ظل الحب ملتهبا ، من الوقائع التي حولي والتي لا مجال لسردها، وهي كثيييييييييرة ، صدقني لا فرق ،أحيانا كثيرة عندما يكون

الزواج مبني فقط على نظرية ابن حلال وبنت حلال ومواصفات كويسة ، يكون الزواج أكثر استقرارا ، بل سبحان الله ، ولأن الإنسان

مواقف ،تقوى علاقة الحب بعد الزواج ويصبحا عاشقين . عارف ليه ؟؟؟ لأن" مراية الحب عامية" ، الشيء الأساسي الذي يجذب أي

شخص لأي شخصة هو غالبا المظهر ، وهو يأتي في الدرجة الأولى، وتجد كل شخص يتزين ويظهر أفضل ما عنده ، لأنه بيحب ، حتى

لو الطرف الآخر استفز ، ضايق ، عمل أي شيء ، هناك غشاوة على العين كثيفة بسبب العاطفة ، ثم تم تتويج ذلك بالزواج ، ماذا

يحدث ؟؟؟ أكيد الفترة الأولى مفعمة بالرومانسية بتاعة الأفلام " الخايبة" واسمحوا لي أقول كده ، وهقول ليه فيما بعد .ثم يأتي

الأطفال وتزيد المسئوليات و في خضم الإحتكاكات الحياتية مثل : شدة غضب ، جوع ، ولد بيصرخ ، أكل اتحرق ، غلطة لسان ، ازمات

مالية ....الخ غالبا تسقط الأقنعة

وانت وبختك بعدها ، ان كان فعلا الأصل لكلا الطرفين معدنه ذهب ... ذهبت معاها المشاكل ، وإن كان المعدن صفيح ...طبعا أنتم

عارفين النتيجة ....صوتهم واصل لآخر الشارع. :wub:

يعني بالعربي هناك عوامل لإستمرار الحياة الزوجية ودوامها :

--أولها الإحترام المتبادل بين الزوجين وده مهم جدا ، الله يرحم أمي : كانت تقول" الإحترام خط أحمر مغلظ لا تتعديه ولا يتعداه ".

--لفظ الطلاق لابد من إلغاؤه من قاموس حياة شخصين ارتبطوا وحياتهم طبيعية ، لأنها زلزال أي أسس حلوة اتبنت بينهما

-- قيام كل طرف بالواجبات التي عليه قدر استطاعته ، ولا مانع من التطوع لمساعدة الطرف الآخر

--الحقوق الزوجية قبل حق الأطفال ، لأننا من كنا سبب في وجودهم ، وذوبان شخصية أحد الطرفين في " العيال " يخلق مشاكل لا حصر لها.

--الإخلاص ووقفة الجدعان كل طرف للآخر عند الشدائد ، وبصراحة العلاقة الإنسانية تدوم من " الإنسان موقف " الندل يظهر من موقف

ورد فعل والعكس بالعكس .

-- الرغبة الحقيقية في التغير لصالح العلاقة الزوجة :wub: ، ولا يكون المبدأ : أنا كده عاجبك ولا لأ

إذا استمر صدك لعواطف زوجتك الجياشة ، صدقني قد تندم يوما على جفاف تلك العواطف ، وستكون حضرتك السبب ، ولا تلومها عندها.

أخي الفاضل ، الرسول الكريم أباح الكذب على الزوجة ( اللي بتسموه تمثيل ) لعل الله يحدث بعد ذلك أمرا فيقلب القلوب ، أقترح عليك

إذا كنت لا تقوى على المواجهة بالتمثيل :

أكتب لها رسالة في ورقة وضعها لها في مكان ( مثل فعل someonedb )

ارسل لها رسالة بالمحمول تحوي كلة " ربنا يبارك فيك ويخليكي ليه" مثلا ،

المرأة جبلت على العطاء والتضحية ، بعض الأزواج يظن أنها تحكي كثرة ما واجهت مع الأبناء ..و.... و.... إلخ لأنها تطلب مساعدة وهي في الواقع تحتاج لدعوة جميلة من زوجها " ربنا يقويكي انت الخير والبركة" بس ... للأسف يكون رد فعل الزوج :

" يعني انت عاوزاني أسيب الشغل واقعد انظف واطبخ.......و.... " وما تخلصش من الكلام .

التعدد رغم أنني من المؤيدين له وبقوة ، إلا أنك لن تحل به مشكلتك ، غالبا ستجرحها وتطلب الطلاق ، والولد يضيع بين زوجين منفصلين .

وبعدين ايش دراك إن الأخرى ستسعدك :wub: ، قد تأتي على النقيض ، أو تأتي ولا تحبها لأن حضرتك تبحث عن حب بنفس القوة الذي وجدته في علاقة في الجامعة، ساعتها هتعمل إيه هتتزوج تاني ؟؟؟؟

يا أخي فتور العلاقة الزوجية بعد طووووووووول سنوات الزواج يعاني منه أزواج عشقوا بعض جدا في بداية الحياة الزوجية ، وقد سماه دكتور استشاري في العلاقت الزوجية :

"أنه يشبه هدوء انسياب الماء في النهر ، بعد عنف اندفاع الشلال في بداية مجراه، ويدل على قوة العلاقة الزوجية"

وهو في رأيي تشبيه رائع .

عاوز تعرف انت في نعمة ولا لأ ، ارمي ودنك لمشاكل الناس وتطوع لحلها ، تعرف قيمة مراتك .

عارف مشكلتنا ايه ؟؟؟ نطلب الكمال فيمن يعاشروننا ، ونحن نمتليء بالعيوب ، عاوزها : جميلة: ممشوقة القوام ، شعرها ناعم ، بيضاء بحمرة ، عيونها كالغزلان ، خدودها كالورود، أنفها كالنبقة، ....)ومتدينة ، وذات حسب ونسب ، وأصيلة، وغنية

عارف حضرتك( بما أنني كنت مغرمة بتوفيق راسين في الحلال) كل من طلب تلك المواصفات حصل له شيء من اتنين :

----تزوج في الخمسينيات من امرأة أربعينية فيها عكس كل الصفات السابقة :wub:

----أو تزوج واحدة حسناء ، وتغاضى عن الباقي من الصفات ، وطلعت روحه بما تعني الكلمة من معنى. :wub: :wub:

نصيحة أخيرة ، من أخت لك ، هناك علاج سحري يجلب المحبة ، وهو الدعااااااااااااااااااااااااااء ، ويا سلام لو يكون قبل الفجر بربع ساعة ، ركعتين ودعوة مركزةفي السجود ، أن يؤلف الله قلبكما ، ويصلح ذات بينكما ، ويفك عقدة لسانك ولسان كل المتزوجين" وتقول لها من قلبك يوما ما بحبك من قلبك" ربنا يوفقك

انا ماقولتش ان مافيهاش شئ طيب بالعكس هى انسانه حنونه

ولكن قولت انى مش قادر احبها

حاسس ان فيه حواجز بينى وبينها

يا ام بلال المشكله انا بعترف انها عندى انا

هقولك على حاجه

انا طول عمرى كنت بحلم بمواصفات معينه

طبعا اى واحد بيتجوز بيدور اول شئ على الدين

والعائله ودى حاجات اساسيه

وفيه حاجات خاصه بتختلف من واحد للتانى

زى الشكل بيضا قمحيه

طويله ولا قصيره

عينيها سودا زرقا خضرا

دراستها جامعيه متوسطه ....

شعرها اصفر اسود ....

وزى ماقولت الانسانه اللى كنت مرتبط بيها

ايام الجامعه كانت فيها كل اللى انا عاوزه

وماحصلش نصيب

ولما اتجوزت الانسانه دى اكتشف

بعد الجواز ان مش هى اللى انا كنت بحلم بيها

مش ده الشكل

ولا دى الطباع

فيه اختلاف كبير فى التفكير بينى وبينها

مع انها جامعيه

طيب هل اتغاضى عن كل شئ كنت بحلم بيه

طيب وازاى اقدر

بالنسبه بقى لمشاكل الناس

انا اول واحد كنت بستغرب اوى من المشاكل دى

وكنت دايما بسأل نفسى سؤال

هو ليه الزوجين يفضلو مع بعض لحد مايوصلو للمشاكل دى

ليه ماتكونش حياتنا بسيطه واللى مش مستريح مع واحده

يسيبها ويشوف غيرها

لأن ممكن ربنا يرزقه بواحده احسن من مراته وهى كمان

ربنا يرزقها بواحد احسن منه

لحد ما اتجوزت وعرفت

انا جيت فى مره بتكلم مع زوجتى فى موضوع التعدد

طبعا بتكلم المفروض قدامها بهزار

وقولت نفترض مثلا جيت فى يوم واتجوزت عليكى واحده تانيه

قالتى لى طبعا من حقك بس من حقى كمان انك تطلقنى

قولتلها والاولاد ذنبهم ايه

قالت و طالما بتفكر فى الجواز يبقى ماتفكرش فى الاولاد

قولت بس ده حق ربنا ادهولى

دخلنا بقى فى جدال

والموضوع من البدايه المفروض قدامها انه هزار

ولكن فى قرارة نفسى كنت بحاول اتخيل رد الفعل

عشان كده بفكر الف مره قبل ما اخد قرار فى اى شئ

بدعى ربنا دايما انه يهدينى

واخرج من العذاب ده

[moheltohamy]

والله أنا يا سادة يؤسفني اقول إني مع الحل البسيط...

لو فعلاً مش لاقي نفسك معاها ؛ يبقى بكل بساطة تنفصلوا!

سواء لقيت نفسك مع غيرها أو ما لقيتش! وبدل مانتا حاسس بالرثاء لنفسك كده على طول ؛ يمكن تحس بقيمة ما كان معك وترجع لها تاني عن اقتناع! ولو ما رجعتش ؛ يبقى تحصيل حاصل.

وأنا مش مقتنع إني أضحي بنفسي وحياتي عشان خاطر ابني! لو ما كنتش أنا سعيد ، مش هاعرف أسعده. وإبني ده في يوم من الأيام هتكون ليه حياته وهاكون أنا على هامش حياته. وساعتها مش هيكون جمبي - المفروض - غير شريكة حياتي.

تتخيل نفسك بعد 30 سنة معاها في اللحظة دي؟ لو لأ ، يبقى ما تضيّعش وقت... واترك الحياة معها ؛ وعيش مع نفسك!

بس قبل ما تعمل كده... ما جرّبتش تاخدوا أجازة من بعض؟

جرّب تبعدوا عن بعض شويّة الأول (اعتبرها بروفة) ، وشوف الدنيا هتكون ماشية ازاي ، وبعدين ابقى قرر إيه أفضل ليك كما تحس.

وحاول برضه تاخد هدنة مع نفسك ، وتحاول تبدأ من تاني معاها... A new start... It's NEVER too late!

ممكن جداً تكون انتا اللي معاك المشكلة والسبب فيها. جربت تقول لها بتحب إيه ونفسك في إيه؟ جرّبت تمثل شوية وتشوف النتيجة هتكون إيه؟! قصدي طبعاً تشوف إحساسك إنتا ساعتها؟

هاديلك مثالين:

جربت الخطط المستخبية بتاعت أعياد الميلاد ، والتحايل بكل شكل إن مفيش حاجة تنكشف قبل آخر لحظة؟

جرّبت تفاجئها بهدية بدون مناسبة ؛ وأقوللك أحلى وقت تعملها فيه... عيد ميلادك انتا! :happy:

لو فاجئتها بموقف من دول أو من وصفات زميلنا someonedb ، وتشوف الفرحة في عينيها... هل ده بيفرق معاك؟ هل بيحرّك أي حاجة جواك؟!

لو الإجابة لأ... يبقى اتّكل على الله وسيبها ؛ الموضوع تحصيل حاصل... ما تضيّعش من عمرك وعمرها!

ودعواتي لك بالتوفيق دائماً في حياتك... أياً كان خط سيرها :lol:

[Vanco alex]

والله أنا يا سادة يؤسفني اقول إني مع الحل البسيط...

لو فعلاً مش لاقي نفسك معاها ؛ يبقى بكل بساطة تنفصلوا!

سواء لقيت نفسك مع غيرها أو ما لقيتش! وبدل مانتا حاسس بالرثاء لنفسك كده على طول ؛ يمكن تحس بقيمة ما كان معك وترجع لها تاني عن اقتناع! ولو ما رجعتش ؛ يبقى تحصيل حاصل.

وأنا مش مقتنع إني أضحي بنفسي وحياتي عشان خاطر ابني! لو ما كنتش أنا سعيد ، مش هاعرف أسعده. وإبني ده في يوم من الأيام هتكون ليه حياته وهاكون أنا على هامش حياته. وساعتها مش هيكون جمبي - المفروض - غير شريكة حياتي.

تتخيل نفسك بعد 30 سنة معاها في اللحظة دي؟ لو لأ ، يبقى ما تضيّعش وقت... واترك الحياة معها ؛ وعيش مع نفسك!

بس قبل ما تعمل كده... ما جرّبتش تاخدوا أجازة من بعض؟

جرّب تبعدوا عن بعض شويّة الأول (اعتبرها بروفة) ، وشوف الدنيا هتكون ماشية ازاي ، وبعدين ابقى قرر إيه أفضل ليك كما تحس.

وحاول برضه تاخد هدنة مع نفسك ، وتحاول تبدأ من تاني معاها... A new start... It's NEVER too late!

ممكن جداً تكون انتا اللي معاك المشكلة والسبب فيها. جربت تقول لها بتحب إيه ونفسك في إيه؟ جرّبت تمثل شوية وتشوف النتيجة هتكون إيه؟! قصدي طبعاً تشوف إحساسك إنتا ساعتها؟

هاديلك مثالين:

جربت الخطط المستخبية بتاعت أعياد الميلاد ، والتحايل بكل شكل إن مفيش حاجة تنكشف قبل آخر لحظة؟

جرّبت تفاجئها بهدية بدون مناسبة ؛ وأقوللك أحلى وقت تعملها فيه... عيد ميلادك انتا! :h!!!h:

لو فاجئتها بموقف من دول أو من وصفات زميلنا someonedb ، وتشوف الفرحة في عينيها... هل ده بيفرق معاك؟ هل بيحرّك أي حاجة جواك؟!

لو الإجابة لأ... يبقى اتّكل على الله وسيبها ؛ الموضوع تحصيل حاصل... ما تضيّعش من عمرك وعمرها!

ودعواتي لك بالتوفيق دائماً في حياتك... أياً كان خط سيرها :blush2:

الأخ العزيز دكتور التهامى

انا سعيد جدا لمشاركتك ليا فى مشكلتى

انا بالفعل بعيد عنها بقالى فتره

وطبعا حجتى انا بشتغل

ولكن احساسى كل يوم بيتأزم من ناحيتها

وضميرى بيعزبنى

يعنى مثلا لما اتصل اطمن عليهم

بيكون الكلام مفيش

قليل جداااا

ادخل ع النت عشان اكلمهم بحاول انى ماخوضش فى مواضيع

ودايما الآقى نفس بسأل بس على ابنى

وهى الآقيها مستنيانى بلهفه

وانا مش هنا خاااالص

انا بتعزب عشان عارف انى مش قادر اديلها الحب اللى هى عاوزاه

ولاحظت انى بتكلم بس عشان اسأل عن الواد وخلاص

بس هى مابتحاولش تكبر المشاكل

بالنسبه لموضوع الهدايا

انا بقول لحضرتك انى اساسا مابقدر ش اقول كلمة بحبك

يبقى ازاى هجيب هديه

!!!!!!!!!!!!!!!!!!!!!!!!!!!!!!

[ام بلال]

هسأل حضرتك سؤال : هل هناك فعلا حاجات مضايقاك فيها ؟؟

مثلا طريقة لبسها، مدى اهتمامها بنفسها ، ألفاظها ، ردود أفعالها ، ثقافتها ، عدم اهتمامها بما تحب متابعته ، وإذا كانت الإجابة بنعم .

هل إذن جربت تصارحها ، بما يضايقك فعلا منها ، الصراحة فعلا راحة ،

في حوارك حاول تبدأ بذكر ايجابيتها ، ومدى حرصك على العلاقة بينكم ثم اذكر لها ما يضايقك فيها ‘ وبما أنها تحبك _على حسب كلامك_

أتوقع هتحاول تتغير ،

هناك طباع يمكن للإنسان أن يتعايش ويتكيف معها وهناك صفات صعب جدا التكيف معها وتستحيل معها الحياة الزوجية ، هي من أي

نوع؟؟؟؟

صحيح أن هناك في السنة إمرأة جاءت تشكو للرسول أنها لا تحب زوجها ولا تعيب عليه خلقا ولا دينا ، إلا أنها كرهت الكفر بعد الإيمان _

سبحان الله من شدة كرهها له كزوج_ والرسول أباح لها الخلع منه،

وأيضا قصة أبا زرع و أم زرع ، وهي كانت العكس ، الرجل هو اللي كان يحب زوجته وهي لا .

الطلاق حل إذا سدت كل الطرق وفشلت كل محاولات الإصلاح ، ولكن فكر وحاول جيدا بكل الطرق لعل الله يجعل لك مخرج ، ربنا يوفقك

ويرزقك سعادة الدارين وأسرتك الصغيرة.

[Vanco alex]

هسأل حضرتك سؤال : هل هناك فعلا حاجات مضايقاك فيها ؟؟

مثلا طريقة لبسها، مدى اهتمامها بنفسها ، ألفاظها ، ردود أفعالها ، ثقافتها ، عدم اهتمامها بما تحب متابعته ، وإذا كانت الإجابة بنعم .

هل إذن جربت تصارحها ، بما يضايقك فعلا منها ، الصراحة فعلا راحة ،

في حوارك حاول تبدأ بذكر ايجابيتها ، ومدى حرصك على العلاقة بينكم ثم اذكر لها ما يضايقك فيها ‘ وبما أنها تحبك _على حسب كلامك_

أتوقع هتحاول تتغير ،

هناك طباع يمكن للإنسان أن يتعايش ويتكيف معها وهناك صفات صعب جدا التكيف معها وتستحيل معها الحياة الزوجية ، هي من أي

نوع؟؟؟؟

صحيح أن هناك في السنة إمرأة جاءت تشكو للرسول أنها لا تحب زوجها ولا تعيب عليه خلقا ولا دينا ، إلا أنها كرهت الكفر بعد الإيمان _

سبحان الله من شدة كرهها له كزوج_ والرسول أباح لها الخلع منه،

وأيضا قصة أبا زرع و أم زرع ، وهي كانت العكس ، الرجل هو اللي كان يحب زوجته وهي لا .

الطلاق حل إذا سدت كل الطرق وفشلت كل محاولات الإصلاح ، ولكن فكر وحاول جيدا بكل الطرق لعل الله يجعل لك مخرج ، ربنا يوفقك

ويرزقك سعادة الدارين وأسرتك الصغيرة.

والله يا ام بلال كلامكم بيريحنى جداا

من يوم ما التوبيك ده اتفتح وانا بعتبره المنفس الوحيد ليا

لأنى ماقدرش اتكلم فى الموضوع ده مع اى حد

وجزاكم الله خير

بالنسبه لموضوع........ فيها حاجه بتضايقنى

فعلا حاجات

انا متجوز بقالى تقريبا اكتر من سنتين ونصف او 3سنين

من اول ماتجوزنا كنا بنتخانق يوميا

وطبعا مش عاوز اقول لك ان ممكن الحاجه الواحده نتخانق عليها اكتر من مره

بمعنى ايه

انا طبعا ليا تفكير معين وبفترض ان زوجتى تكون فاهمه تفكيرى

ولما اطلب منها مثلا تعمل حاجه معينه انا عاوزها

فى اى شئ لبس

كلامها

فى اى حاجه

تجادل ونتخانق عليها

وفى الآخر تعترف انها غلطانه

واقول الحمد لله

بدأت تفهم

وتيجى تكرر نفس الحاجه

اللى اتخانقنا عليها قبل كده

عاوز اجيب مثال بس مش عارف

اه

حقول على حاجه بس هى للفهم فقط

مثلا لو هى طبخت وكترت الملح فى الاكل

اقولها مابحبش الملح الكتير

تقول لا الملح الكتير بيخلى طعم الاكل حلو ( جداااااال )

وفى الآخر تقول خلاص المره الجايه مش هحط ملح خاااالص

اقولها لأه حطى ملح معقول

خليه مظبوط

تيجى تنسى او تطنش وتكتر ملح تانى فى الأكل

اقوم بقى اتخنق منها ومن مخها والنار تولع فيا

وهكذا

انا وصلت معاها الآن لمرحله عدم الوعى

يعنى تعمل ماتعملش

تقول ماتقولش

لأنى خلاص ماعنتش قادر اجادل

مع طول الفتره اللى عشتها معاها استتنتجت ان لو طولت معاها اكتر من كده

هتكون المحصله زيرو

مع كتر المشاكل اللى كانت بينا كنت بقول جايز بكره نقدر ناخد على بعض

ولكن بالعكس ماكنش فيه اى تحسن

وكانت عصبيه اوى

يعنى لما كنا نتخانق كانت بتفقد كل اعصابها

وتغلط جامد

ولما مامتها كانت تدخل مابينا

دايما ماكانتش تغلطها ابدااااااا

وجعتلكم دماغكم

يارب تكونو جميعا عايشين فى سعاده وهنا

[فنان محتار]

يا جماعة الحكاية كلها خدعة خدعة كبيرة نقدر نقول نصباية ..

عارفين انا عندى 26 سنة وعندى طفلين واحد 4 سنين والتانى 3 .. :blush2:

وسنة فى الخطوبة ولحد ما حضر علينا جوز العفاريت يبقى المجموع خمس سنين ولسه باتكلم وعادى ياعنى لسه عادى :P

بقالى خمس سنين خمس سنين سيبكم من الكلام بتاع بتحبها ولا لا انا بموت فيها وبتاع الهدوء وبتاع علشان انا الهدوء عندى زى المايه والهواء من غير هدوء اموت علشان كده ريح بالك وسيب اللى تاعبك دا كلة كلام فى الهوا خليك فى الطراوة كوووووووول

خلاص يا بهوات انت عارف رسم القلب ( الشباب ) لما الخط يفضل يفط يفط يفط ينزل وينط يطلع وينزل يلف يدور ويدور ويلف

وفى النهاية ( الزواج ) اخرتها -------------------------------------- طيييييييييييط كبيرة مستمرة بلا انقطاع :h!!!h:

وقد سمى علماء ابحاث الزواجلوجى هذه المرحلة التى تصلها بعد الطفل الاول من الزواج تسمى حالة ( الانبطاح المدعوم بالغرز !! )

اى انه لا يكفى ان تكون منبطحاً ولكن هناك حالة من الضغط تؤدى الى حالة من الغرز فى الساقية حتى انك لا تدرك هل انت الطور المتسبب فى دوران الساقية ام انك اصبحت الساقية نفسها التى تسير خلف طور لا يعى ما يفعل ..

وفى ظل حالة الانبطاح المد ....... بابا باااااااااااااااااااااااااااااااااااااااااابا ما ترد ياخى .. :unsure: ( دا صوت الواد بينده )

انا بقى ( بصوت واطييييييي ) عايز ايه يا حيلتها :blink: ..

الواد .. حيلت مين يا بابا وبعدين انت موطى صوتك ليه ؟؟ وبتعمل ايه على الكمبوتر (الواد بينسى نص الحروف) عايز اعمل زيك

انا .. خلاص حبكت ... طيب خد ربع جنيه حات بيه حاجة حلوة md2: ..

الواد .. يعنى ايه ربع يا بابا انا عايز كنيه واحد كبييييييييل .. (وهنا تدخل مراتى )

:happy: مراتى ست حساسة رومانسية صوتها تسمعه بالعافية هادييييييييييية ومسالمة بالطبع (ملحوظة دا كان ايام الخطوبة )

أدلت زوجتى بدلوها فى الموضوع ايهما اصلح ( الربع ام الجنية ) ايه يا حبيبى ربع الجنيه ايه ما لغوه من زمان اطلع بعشرة للعيال ..

طبعا الصغير سمع ان فيها فلوس جه جرى وفط قعد على رجليا وطبعاً نظر وفى عينيه نظرة لا يعرفها سوى من تعرض للوقف اما ظابط شرطة فالحاجب واحد مرفوع والتانى نازل وينظر لى من فوق لتحت وهو يقول ( انت مش قبضت ووديت السغل لللاجل هات الحلاوة بقى يا قسطة ) mfb:

طبعا اخرجت ما معى وانا فى حالة ازبهلال تام :blink: ( من مزبهل ) ولكن هذا هو جيل المستقبل الذى تغن له الملك شعبولا فى انشودته الرائعة :blink: ( البانجو مش بتاعى هما اللى رمونى عليه )

ولنا لقاء اخر ورايا لوحتين ادعولى يطلعوا زى ما انا اعايز .. سلام

[ام بلال]

هسأل حضرتك سؤال : هل هناك فعلا حاجات مضايقاك فيها ؟؟

مثلا طريقة لبسها، مدى اهتمامها بنفسها ، ألفاظها ، ردود أفعالها ، ثقافتها ، عدم اهتمامها بما تحب متابعته ، وإذا كانت الإجابة بنعم .

هل إذن جربت تصارحها ، بما يضايقك فعلا منها ، الصراحة فعلا راحة ،

في حوارك حاول تبدأ بذكر ايجابيتها ، ومدى حرصك على العلاقة بينكم ثم اذكر لها ما يضايقك فيها ‘ وبما أنها تحبك _على حسب كلامك_

أتوقع هتحاول تتغير ،

هناك طباع يمكن للإنسان أن يتعايش ويتكيف معها وهناك صفات صعب جدا التكيف معها وتستحيل معها الحياة الزوجية ، هي من أي

نوع؟؟؟؟

صحيح أن هناك في السنة إمرأة جاءت تشكو للرسول أنها لا تحب زوجها ولا تعيب عليه خلقا ولا دينا ، إلا أنها كرهت الكفر بعد الإيمان _

سبحان الله من شدة كرهها له كزوج_ والرسول أباح لها الخلع منه،

وأيضا قصة أبا زرع و أم زرع ، وهي كانت العكس ، الرجل هو اللي كان يحب زوجته وهي لا .

الطلاق حل إذا سدت كل الطرق وفشلت كل محاولات الإصلاح ، ولكن فكر وحاول جيدا بكل الطرق لعل الله يجعل لك مخرج ، ربنا يوفقك

ويرزقك سعادة الدارين وأسرتك الصغيرة.

والله يا ام بلال كلامكم بيريحنى جداا

من يوم ما التوبيك ده اتفتح وانا بعتبره المنفس الوحيد ليا

لأنى ماقدرش اتكلم فى الموضوع ده مع اى حد

وجزاكم الله خير

بالنسبه لموضوع........ فيها حاجه بتضايقنى

فعلا حاجات

انا متجوز بقالى تقريبا اكتر من سنتين ونصف او 3سنين

من اول ماتجوزنا كنا بنتخانق يوميا

وطبعا مش عاوز اقول لك ان ممكن الحاجه الواحده نتخانق عليها اكتر من مره

بمعنى ايه

انا طبعا ليا تفكير معين وبفترض ان زوجتى تكون فاهمه تفكيرى

ولما اطلب منها مثلا تعمل حاجه معينه انا عاوزها

فى اى شئ لبس

كلامها

فى اى حاجه

تجادل ونتخانق عليها

وفى الآخر تعترف انها غلطانه

واقول الحمد لله

بدأت تفهم

وتيجى تكرر نفس الحاجه

اللى اتخانقنا عليها قبل كده

عاوز اجيب مثال بس مش عارف

اه

حقول على حاجه بس هى للفهم فقط

مثلا لو هى طبخت وكترت الملح فى الاكل

اقولها مابحبش الملح الكتير

تقول لا الملح الكتير بيخلى طعم الاكل حلو ( جداااااال )

وفى الآخر تقول خلاص المره الجايه مش هحط ملح خاااالص

اقولها لأه حطى ملح معقول

خليه مظبوط

تيجى تنسى او تطنش وتكتر ملح تانى فى الأكل

اقوم بقى اتخنق منها ومن مخها والنار تولع فيا

وهكذا

انا وصلت معاها الآن لمرحله عدم الوعى

يعنى تعمل ماتعملش

تقول ماتقولش

لأنى خلاص ماعنتش قادر اجادل

مع طول الفتره اللى عشتها معاها استتنتجت ان لو طولت معاها اكتر من كده

هتكون المحصله زيرو

مع كتر المشاكل اللى كانت بينا كنت بقول جايز بكره نقدر ناخد على بعض

ولكن بالعكس ماكنش فيه اى تحسن

وكانت عصبيه اوى

يعنى لما كنا نتخانق كانت بتفقد كل اعصابها

وتغلط جامد

ولما مامتها كانت تدخل مابينا

دايما ماكانتش تغلطها ابدااااااا

وجعتلكم دماغكم

يارب تكونو جميعا عايشين فى سعاده وهنا

الأستاذ الفاضل:

معنى الحب الحقيقي هو قدرة الإنسان الحقيقية على إسعاد من يحب وليس كلمات تقال ليل نهار ، ثم تقصير في كل شيء ، بص ...

أنا عندي إقتراح حلو جدا ، إجلس مرة في ساعة تجلي واكتب كل ما يضايقك منها فعلا ، و كل ما تريد أن تغيره في نفسها ، ولتكن

رحيما ،( يعني لا تجعل الأسئلة أصعب من اختبار الفيزياء بتاع الثانوية العامة)، ثم ببساطة إرسلها لها في رسالة رقيقة ، وشوف رد

فعلها ايه ؟؟؟

أما الحموات كفانا الله وإياكم شرهن ورزقنا خيرهن ، فهم بالفعل لهم تأثير السحر، إما يخربوها أو يصلحوها، وذلك من كلا الطرفين ( أم

الزوج و أم الزوجة) تدخل الأهل عموما شيء مزعج للحياة الزوجية ، إلا إذا كان هناك ضرورة، وياريت توضح لها أن هذا التدخل يضايقك

وياريت يكون حل مشاكلكم بينكما فقط.

كن صريح يا أخي الفاضل ولو لمرة في حياتك ، قل لها كده بالعربي أنا أترك البيت وأحب أن أغيب لأن هناك أمور تزعجني منك وهي : كذا ...وكذا ...وكذا.

مسألة الإحترام هي خط أحمر لابد ألا يتعداه أحد الطرفين مهما كانت الظروف .

ومصيبة لو بتشتم أمام الأبناء ... ياإلهي ... ، ستفاجأ أن ولدك يناديك ويشتمك بنفس ألفاظها ، هذه مصيبة .

حاول في الحلول المقترحة لنرى قد يصلح معها ، أنت يا أخي الفاضل لا تبحث عن حب مفقود بل حياة طبيعية ، أعانك اللع ربنا يهديها لك.

[ام بلال]

نسيت أقول حاجة مهمة جدا وهي :

إبدأ حوارك معها بكلمة ممكن تقولي لي ما الذي لا يعجبك في ؟؟؟ إذا هي أخرجت مكنون صدرها ، قد تجد في شيء أو أشياء تجعلها فعلا بهذا السلوك ، ثم بعدها أذكر لها ما يضايقك فيها.

في حاجة حلوة جدا كان الإستشاريين الأسريين بيحكوا عنه :

" إذا أشرت بإصبعك لمن أمامك بالإتهام ، فانظر ستجد أنك تشير لمن أمامك بإصبع واحد( السبابة)) وتشير لنفسك بثلاث أصابع( الوسطى والخنصر والبنصر)،

لذلك كن عادلا عند الإستماع لها.