****شلالات نياجرا ****

[madzoro]

سبحان الله و ما شاء الله و لا اله الا الله

ربنا يرزقنا و يسهلنا الهجرة ..... ادعيلنا يا هندسة ربنا يكتبلنا الخير سواء هجرنا و لا ما هجرناش

صور جميلة جدا هل من مزيد

ربنا يجازيك خير و يبارك فيك

بالتوفيق

[alaashabana]

مينفعش اشوف الصو رالجميلة دى وانت تعبت فيها يا بشمهندس ومكتبش كلمة شكر بسيطة ليك

بجد فعلا الواحد لما بشوف الاماكن دى بيبقى عندة امل فى الحياة..

وانت فعلا ما شاء الله عليك ربنا يحرسك يارب ويسعدك فى حياتك..ويفرحك دائما زى ما اسعدتنا بالصور

[HDarwish]

أيوة كده يا هندزة

رجع تاني للمحاورات روحها الحلوة ... بدل الجو اللي بئاله فترة مش صافي

شكراً على الصور

تحياتي ليك ولأصدقائك

[Nassarlink]

ماشاء الله ما شاء الله مشاء الله

ايه الروعه دي و الجمال ده

سبحان الله سبحان الله سبحان الله

اوعدنا يارب

طبعا دي مش اول مره اشوف فيها شلالات نياجرا

لكن كل مره بشوفها احس ان في حاجه جديده فيها بتزيد روعتها

سيبك من الطبيعه الجميله الي ربنا خالقها في كل مكان

سواء شلالات او ثلوج او صحاري اوجبال او وديان او بحار

سواء في كندا ولا مصر ولا سوريا ولا الهند

المهم الناس الي لما بتشوف الجمال ده مش بس بتتفرج عليه وتمصمص شفايفها

لكن لما تشوف دوامات في جزء من النهر تعمل عليه مشروع تلفريك علشان تزيد من روعة المكان

وعلشان ناس اكتر ممكن تستفيد من الروعه دي

ولما تشوف شلالات ضخمه زي دي تعمل مشروع يزيد من روعه الشلالات :lol:

وناس تانيه لما يكون عندها ثلث آثار العالم في مدينه واحده :lol: عندها شوف بتعمل فيها ايه

حد فيكوا راح زار اهرامات الجيزه قريب

هيسحرك روعة المكان ومن ناحيه تانيه الريحه الجميله الي هتشمها هناك _ مش عاوز اقول كلمات مش مناسبه_

وكمان التجديد المستمر في المنطقه العالميه دي !!!

الغريبه ان حتي العسكري بتاع شرطة السياحه شكله -استغفر الله العظيم- prt: bv:-

كفايه كده احسن انا تعبت وطار من دماغي الحجرين الي شربتهم- من الصور الي الي شفتها من الباشا الكبير

بس خلاص :shs:

[Ebn Sina]

والله انت دايما مفاجاتك رائعة يا باشمهندس ايهاب...والصور اللى حضرتك اضفتها رائعة

وكلامك عن تورنتو والصور اللى بتنشرها كل مرة عن اماكن سياحية فى تورنتو بتخلينى افكر جديا انى باذن الله اعمل لاندنج فى كيبيك و اطلع فريرة على تورنتو زى صديق الدرب اينشتاين ما عمل

ربنا يوفقك دايما...وتمتعنا بصورك الجميلة

[لولا]

بصراحة دخلت من غير ما حد يا خد باله ابص فى ركن كندا flrt:

وإذ بى فجأة الاقى نفسي مخبوطه فى دماغى ببص كدا ايه دا الاقيها صور الرحالة الكبييييير

إيهاب سالم وشلالات نياجرا وكان من الصعب اوى اوى امشي من غير ما اثبت حالة

الخبط اللى حصلتلى دى هنا :amb: وخلت دماغى غصب عنى غصب عنى غصب عنى تفتكر جمال رحلات

القناطر عندنا وسحرها mf) اييييييييييييييييييييييه بس يا ايهاااااااب ديما بتفكرنا بكل حاجه حلوه angl:: .

تسلم ايدك يا شيخ نفس تأثير حلقه دكتور الشامى عن التعليم فى كندا

أخرج بقى بشويش قبل ما حد يشوفنى يادوبك الحق اشترى حبل قبل المحلات ما تقفل :hang:

تم تعديل 29 أكتوبر 2008 بواسطة لولا

[arora]

كفاااية حرااااااااااااام

ارحموا من فى الارض يرحمكم من فى السماء !!!!!!!!

بالراحة علينا يا ايهاب وارحم المعذبيبن فى طابور الهجرة

جميل جميل جميل

بل رائع واكثر من رائع

ربنا ادى الانسان عقل مبدع وقدرات رائعة ليظهر ماحبى الله ارضه بصورة رائعة !!!!!!

يا سلام لو نتعلم ؟؟؟؟؟؟؟؟؟

[دعاء]

:blink:

تسلم ايديك يا باشمهندس ايهاب على هذه الصور رائعة الجمال

وهذا ذوق منك جدا انك تشارك اخوانك فى المنتدى فى هذه المناظر الطبيعية الخلابة لكندا

بارك الله فيك وشكرا جزيلا لك

:blink:

[ahmed_saleh]

الف شكر يا هندسة على مجهودك الحلو ده و ربنا يبارك بالكاميرا و صاحبها و عايزين مشاركات مستمرة كده ...

بالنسبة للي عايز يركب المركب دي هل لازم يلبس مايوه يعني ... انا حاسس انه بيتغرق بمياه الشلالات و لا ايه ؟؟

[ايهاب سالم]

بالنسبة للي عايز يركب المركب دي هل لازم يلبس مايوه يعني ... انا حاسس انه بيتغرق بمياه الشلالات و لا ايه ؟؟

و الله ضحكتني من قلبي يا عم أحمد ..

لأ بيلبسوا معاطف من البلاستيك زي دي

[ايهاب سالم]

[hamdy farag]

اوصاف جميلة لشلالات نياجارا.شكرا جدا استاذ ايهاب..اتمني ان توصف لنا بالتصوير المدينة من الداخل و الشوارع في تورنتو.يقولوا عنها في بعض البلاد في المغرب مدينة السلام.شكرا مرة اخري.

[bent misr]

بجد رووووووووووووووووووعه يا باش مهندس ايهاب

احنا صحيح تعبنا نفسيا :) وادمرنا معنويا :)

لكن لا ننكر انك بعثت فينا الامل ان ممكن نعيش حياه نظيفه

وجميله يوما ما :)

احنا متابعين معاك وياريت المزيد من الصور على قدماتقدر :)

[om reham]

اخي ايهاب طلبنا منك انا واخي Einstein ان تزودنا بمعلوما عن Mississauga كيف تقيمها مع london ارجو ان لا تبخل علينا ولو كنت حكيت فنرجو ان تدلنا حتي الواحد يجمع معلومات ويقرر اين سيستقر

[ايهاب سالم]

اخي ايهاب طلبنا منك انا واخي Einstein ان تزودنا بمعلوما عن Mississauga كيف تقيمها مع london ارجو ان لا تبخل علينا ولو كنت حكيت فنرجو ان تدلنا حتي الواحد يجمع معلومات ويقرر اين سيستقر

أخت / أم ريهام

أعذريني فأنا لا أتذكر متى طلبتي مني ذلك ... عموما انا لا اعلم شئ عن لندن .. أخونا د / الشامي أدرى مني بها

أما مسيساجا فأنا أرشحها لأي عربي يريد الأستقرار في أونتاريو و تحديدا في منطقة تورونتو الكبرى

فهي تجمع مميزات كثيره مثل كثرة العرب و المسلمين بها و إنتشار المساجد و محلات المنتجات العربيه و لقربها من وسط مدينة تورونتو تسهيلا لمن يعمل هناك مثلي

كما أنك لو سكنتي في الجنوب منها ستكونين بالقرب من بحيرة أونتاريو و تتمتعي بالتنزه على ضفافها في الصيف و عندما يكون الجو معتدل في الربيع او الخريف

مسيساجا مدينه جميله بها حدائق و متنزهات كثيره و نظام مكتبات رائع و شبكة مواصلات عامه فعاله لمن لا يملك سياره في أول وصوله

طبعا أنا أرشحها لأي مهاجر جديد

[ايهاب سالم]

أفضل مكان للتزود بعلومات عن مدينة مسيساجا هو موقع مدينة مسيساجا

www.mississauga.ca

[اسكندرية تانى]

تحياتى يا باشمهندس ايهاب

و فعلا بتبعث الحياة للمنتدى بمشاركاتك المتميزة

اللهم بلغنا مسيساجا...........آمين

[halah]

الاستاذ الفاضل ايهاب

جزاك الله خيرا عن الصور الجميله و المعلومات القيمه ودى حاجه مش جديده عليك

انت دايما بتدينا أمل فى الحياه اننا ماشيين صح فى موضوع الهجرة و انه فعلا يستاهل التعب

[hany shokry]

besra7a row3a fe3lan

enta keda hatkhaliny afkar eny aseeb italia we agy canada

7iah sa3eida we mawafaka en sha allah we ta7iaty le zomalaek

hany milano

[om reham]

شكرا لك علي شرحك و قد كنت طلبت منك هذا في توبيك اخي einstein (حمدلله علي السلامه وعوده حميده موفق إن شاء الله في إمتحاناتك .صراحه مداخلتك تركت أخون ايهاب سالم يضهر وينور المنتدي ولي سآل صغير لأخي إيهاب شوقولك في لندن ?وما وجه المقارنه مع مسيساجا .)