إشمعني أنا ....

[Lancelot]

يا جماعة نفسي أغير الأفتار (الصورة اللي علي جنب ديه) بتاعي .... دخت لحد لما لاقيت صورة حلوة ...

أهي ديه ....

40 * 160 و الحجم 5.7 كيلو بايت ...

المهم حاولت مرارا و تكرارا إني أحطها مفيش فايدة ... بيقولي إن الصورة أكبر من الحجم المسموح بيه وزنا و حجما ... المفروض إن أقصي حجم يكون 6 كيلو بايت .. و تكون 100 * 60 بسكل ....

إستسلمت للواقع المرير إن الصورة كبيرة و ماتنفعش .... لكن لاقيت ناس كتير أوي حاطة أفتار كبير أوي سواء وزنا أو حجما .... زي الأخوة محمد أبو زيد و سيدة أبو زيد و وايت هارت و دولفين و ناس تانية كتير ....

ساعدوني يا جماعة و النبي .... إزاي بتحطوا الأفتار .....

شكرا ....

لا فكرة ... الأخ أوبتمستك برضه عنده نفس المشكلة .... يا باشمهندس ممكن تشرح لنا مشكلتك .... بص للكاميرا و إتكلم ... "وش مذيع زي طارق علام" ....

[Spider]

بص يا لانسلوت

حقولك على سر متقولوش لحد!

ماشى؟

هناك 3 أماكن لوضع عنوان الصورة فى البروفيل... صح

أنت دائما تضع هذا العنوان فى المنتصف... صح

سيب المكان الأول

سيب التانى كمان

حط العنوان فى المكان الثالث والأخير بتاع ال offline وبعدين أدعيلى...

جرب وشوف النتيجة

سلام

[optimistic]

جرب وشوف النتيجة

انا هاجربها

و لو نفعت ليك عندنا انا و باشمهندس لانس عزومة تختارها

و شكرا يا سبايدر ربنا يوقعلك كل يوم دبانة في الشبكة بتاعتك

[Lancelot]

شكرا جدا يا أستاذ سبايدر .... نردهالك في الأفراح ... و العزومة محفوظة زي ما قال أوبتميستك ....

الصورة فعلا ظهرت لكنها كبيرة أوي ... يعني أوي أوي ...

أنا هأشوف إزاي أظبطها و بعدين أحطها ....

شكرا ....

[optimistic]

تمام التمام طريقة ممتازة ماعدا لو غيرو الصور على الموقع نفسه

الف شكر يا سبايدر باشا

[White heart]

Lancelot كتب:

لكن لاقيت ناس كتير أوي حاطة أفتار كبير أوي سواء وزنا أو حجما .... زي الأخوة محمد أبو زيد و سيدة أبو زيد و وايت هارت و دولفين و ناس تانية كتير ....

أهلا....أهلا

حد بينادى؟

و لا تزعل نفسك يا عزيزى، علاوة على ما أضافة العزيز "سبايدر"، أحب أضيف ان الصورة نفسها بها نقطه يجب ملاحظتها، السيف كصورة، رفيع و طويل و اضافة الى ذلك "فضى" اللون، و لهذا تعمد مصممة هذا الحجم حتى يظهر معالمه!! بعكس صورة أخرى بها درجات متفاوته من الألوان و درجات الضوء حيث يمكن التحكم بحجمها مع بقاء معالم الصورة واضحه الى حد ما!!

على العموم جرب واحدة من هؤلاء، و ان لم يعجبوك فقط "

أشر" الى و سأحاول ثانية و ثالثة، حتى ترضى...

بس ابقوا افتكرونى فى العزومه....

[Spider]

لا شكر على واجب يا جماعة

أنا أول ما جيت المنتدى لم أكن حتى أعرف كيف أضع صورة هنا ووجدت مساعدة كبيرة من الأخ فارو وكان صبور جدا لحد مفهمت

أنا بس لى سؤال صغير:

يعنى أيه Lancelot ?

بدور عليها فى القاموس مش لاقيها...

وبالمرة كمصرى يعنى لازم أسأل:

يعنى أيه optimistic ?

[optimistic]

هذه كلمة مقتبسة من الشعوب الغربية

و تعني انك في كل لحظة تنتظر الافضل

و هذا طبعا غير متوافر في شرقنا السعيد

[White heart]

Spider كتب:

يعنى أيه Lancelot ?  

بدور عليها فى القاموس مش لاقيها...

أتذكر أن العزيز Lancelot، كان قد شرح معنى هذا الأسم فى أحدى مداخلاته و بالتحديد فى موضوع :

اسباب اختيارك للوجو والاسم الحركي والتوقيع...

حيث كتب:

أنا إسمي لانسلوت و هو إسم أوروبي من العصور الوسطي و هو إسم ريتشارد جير البطل في فيلم الفارس الأول First Knight بطولة شون كونري و الجميلة جوليا أرماندو ... و الفبلم ده هو فيلمي المفضل لأسباب كثيرة يطول شرحها ... و الإسم ده أنا بأستعمله في كل المنتديات و في الشات بنفس طريقة الكتابة .. رغم إني بأكتبه غلط .. المفروض يكون Lancelot لكن أول منتدي جيت أشترك فيه لاقيت واحد واخد الإسم فرحت مغير طريقة الكتابة و علشان يكون الإسم واحد في كل الأماكن قررت أكتبه غلط علي طول ..

بينى و بينك يل عزيزى Lancelot، لو عايز رأيي، اللوجو الحالى بتاعك أحسن من السيف، راكب عليك تماما "فارس" و معروف طبعا ما هى صفات و أخلاق الفارس، لكن السيف..... "ذو حدين"

[butterflyspirit]

حد يعرف يقوللى ليه اللوجو بتاعى مش بيظهر خالص؟؟؟ و ازاى اضيف صورة للكلام هنا؟؟ و ليه السمايليز مش شغالة؟؟؟

[White heart]

butterflyspirit كتبت:

حد يعرف يقوللى ليه اللوجو بتاعى مش بيظهر خالص؟؟؟

أولا مرحبا بك بيننا، انا هاحاول أرد عليكى على قد استطاعتى و ممكن تعتبرية نوع من الترحيب و لو انها جت متأخرة حبتين!!

انا لاحظت حاجة غريبة فى عنوان الصورة بتاعتك:

' target='_blank'>http://www.egyptiantalks.org/bforums/image...atars/

3e7200073ee6cf26e7c60.gif

و حاولت الاقيها، فى المجموعة المخزنة على موقع المحاورات و لكنى لم أنجح، أى صورة موجودة حاليا فى الموقع مثلا دى:

عنوانها كالأتى:.gif

علشان كدة أنصحك ان تعملى Update للصورة لو كانت لسه موجودة، يعنى اعملى Log in و روحى فى Profile و امسحى القديمة و اختاريها تانى او غيرها!!! و نشوف.

[White heart]

butterflyspirit كتبت:

ازاى اضيف صورة للكلام هنا؟؟

بجانب المجهود المشكور الذى بذله العزيز Lancelot فى موضوع "كيف تكتب بالمنتدى" و اخرين، أخترت لكى هذا الموضوع لتطابقة عما تسألين عله يفيدك....

[White heart]

butterflyspirit كتبت:

ليه السمايليز مش شغالة؟؟؟

أتذكر انه منذ ان تعطل موقع المنتدى فى المرة الأخيرة، أن ذكر

العزيز "هشام عبد الوهاب" فى احدى مداخلاته شيئا بهذا الخصوص،

و لكن كعادتنا نحن "المصريين"، بنعمل من الفسيخ شربات!!

و تم ايجاد و تداول "وشوش" أكثر ظرفا و أدق تعبيرا، جعلت البعض يتمنى عدم ان تعمل تلك "السمايلز" ثانية..!!!!

[Spider]

Spider كتب:

يعنى أيه Lancelot ?

بدور عليها فى القاموس مش لاقيها...

أتذكر أن العزيز Lancelot، كان قد شرح معنى هذا الأسم فى أحدى مداخلاته و بالتحديد فى موضوع :

اسباب اختيارك للوجو والاسم الحركي والتوقيع...

حيث كتب:

أنا إسمي لانسلوت و هو إسم أوروبي من العصور الوسطي و هو إسم ريتشارد جير البطل في فيلم الفارس الأول First Knight بطولة شون كونري و الجميلة جوليا أرماندو ... و الفبلم ده هو فيلمي المفضل لأسباب كثيرة يطول شرحها ... و الإسم ده أنا بأستعمله في كل المنتديات و في الشات بنفس طريقة الكتابة .. رغم إني بأكتبه غلط .. المفروض يكون Lancelot لكن أول منتدي جيت أشترك فيه لاقيت واحد واخد الإسم فرحت مغير طريقة الكتابة و علشان يكون الإسم واحد في كل الأماكن قررت أكتبه غلط علي طول ..

بينى و بينك يل عزيزى Lancelot، لو عايز رأيي، اللوجو الحالى بتاعك أحسن من السيف، راكب عليك تماما "فارس" و معروف طبعا ما هى صفات و أخلاق الفارس، لكن السيف..... "ذو حدين"

عزيزى وايت هارت

أشكرك على أهتمامك

بس برضه العزومة لى لوحدى متحاولش

شكرا مرة أخرى وتحياتى

[White heart]

Spider كتب:

برضه العزومة لى لوحدى متحاولش

يا عزيزى و لا يهمك، انت تستحقها، انا مجرد ما أقراء لك و لباقى الأعزاء هنا مداخلة بأحس انى شبعت من أحلاها وليمه فى أحلاها عزومه...

و كفايه مثلا الواحد يخطف رجله على المطعم دة و هو ينسى يعنى ايه "جوع"، حتى و لو كان الأكل على الريحة....

تحياتى...

[butterflyspirit]

شكرا على مساعدتكم .... معلش باتعبكم معايا اصلى لسة جديدة

[Lancelot]

متشكر جدا جدا لأخوة سبايدر و وايت هارت علي مجهودهم و تعبهم معايا .... شكرا ...

يا أستاذ سبايدر .... أنا إسمي لانسلوت و ده إسم البطل في فيلم الفارس الأول زي ما وايت هارت شرح و إقتبس من موضوع الإسم و التوقيع .....

butterfly ... مرحبا بيكي في المنتدي مرة تانية ... و إحنا تحت أمرك في أي سؤال .....

[butterflyspirit]

مرحبا بيكي في المنتدي مرة تانية ... و إحنا تحت أمرك في أي سؤال

شكرا لك و انا فعلا استفدت كتير من شرحك لكيفية الكتابة فى المنتدى