اريد النصيحة من اخواني في عرض عمل في السعودية

[amgedahmed]

السلام عليكم

تحية طيبة وبعد

اريد من سيادتكم باداء النصيحة من اصحاب الخبرة في عرض العمل التالي

1- مجموعة الحسين والعفالق في الاحساء في السعودية

2- الوظيفة محاسب رئيسي وقائم باعمال رئيس الحسابات

3 - الراتب 4500 ريال وبدل انتقال 400 ريال سعودي

4- بدل سكن 12000 ريال

مع العلم انني اعمل في شركة اشخاص في مصر متوسطة الحجم رئيس حسابات بمرتب شهري 3200 جنيه

ما رايكم يعتبر عقد كويس ولا اخليني في شغلي احسن

[almasry]

خبرتك كام سنة ؟

[amgedahmed]

خبرتك كام سنة ؟

شكرا لكيا اخي عن اهتمامك انا خريج عام 2000 خبرتي 8 سنوات

[دكتور مصري]

السلام عليكم

تحية طيبة وبعد

اريد من سيادتكم باداء النصيحة من اصحاب الخبرة في عرض العمل التالي

1- مجموعة الحسين والعفالق في الاحساء في السعودية

2- الوظيفة محاسب رئيسي وقائم باعمال رئيس الحسابات

3 - الراتب 4500 ريال وبدل انتقال 400 ريال سعودي

4- بدل سكن 12000 ريال

مع العلم انني اعمل في شركة اشخاص في مصر متوسطة الحجم رئيس حسابات بمرتب شهري 3200 جنيه

ما رايكم يعتبر عقد كويس ولا اخليني في شغلي احسن

القوة الشرائية لمبلغ 3200 جنيه اكبر من القوة الشرائية لمبلغ 4500 ريال سعودي حيث ان الاسعار اعلى من مصر بكثير و خاصة اسعار الخدمات

بدل السكن منخفض حيث ان السكن غالي الان جدا في السعودية و ربما تدفع من جيبك 2000 او 3000 ريال اضافية على بدل السكن لاستئجار شقة معقولة (هذا اذا كنت تنوى اصطحاب العائلة طبعا)

بالتوفيق

[iloveegypt]

السلام عليكم

تحية طيبة وبعد

اريد من سيادتكم باداء النصيحة من اصحاب الخبرة في عرض العمل التالي

1- مجموعة الحسين والعفالق في الاحساء في السعودية

2- الوظيفة محاسب رئيسي وقائم باعمال رئيس الحسابات

3 - الراتب 4500 ريال وبدل انتقال 400 ريال سعودي

4- بدل سكن 12000 ريال

مع العلم انني اعمل في شركة اشخاص في مصر متوسطة الحجم رئيس حسابات بمرتب شهري 3200 جنيه

ما رايكم يعتبر عقد كويس ولا اخليني في شغلي احسن

نفس الوظيفة محاسب ونفس العرض جيه لواحد قريبى وزيادة عليه سيارة +4 تذاكر طيران سنويا+اجازة شهر سنويا مدفوعة الراتب

وكان مرتبه فى مصر 2300ج ورغم ذلك رفض

بص انت لو مش متزوج العرض معقول بس لو عندك اولا د وخصوصا ف مدارس يبقى مصر احسن واواعى تقول اجرب علشان هتندم

[DIA ELDIN]

هوا انا من رأيي برضوا زي ما الاخ الفاضل قال القوة الشرائية لراتبك في مصر اعلى من القوة الشرائية للراتب اللي في عرض العمل

لكن قبل اي حاجة المفروض تصلي استخارة وربنا هيفعلك الصالح ان شاء الله

[amgedahmed]

شكرا لكم يا اخواني جميعا على اهتمامكم

ان شاء الله يكون جهدكم في ميزان حسناتكم

[عصام أبوالفتح]

السلام عليكم

تحية طيبة وبعد

اريد من سيادتكم باداء النصيحة من اصحاب الخبرة في عرض العمل التالي

1- مجموعة الحسين والعفالق في الاحساء في السعودية

2- الوظيفة محاسب رئيسي وقائم باعمال رئيس الحسابات

3 - الراتب 4500 ريال وبدل انتقال 400 ريال سعودي

4- بدل سكن 12000 ريال

مع العلم انني اعمل في شركة اشخاص في مصر متوسطة الحجم رئيس حسابات بمرتب شهري 3200 جنيه

ما رايكم يعتبر عقد كويس ولا اخليني في شغلي احسن

تأكد ان الفيزا لمهنة محاسب وتوكل على الله وسافر لان العرض كويس وموضوع القوة الشرائية ده انتهى تماماً ًمن سنة .. الاسعار بقت واحدة .. يمكن مصر أغلى بسبب الجشع والاحتكار وعدم تحرير التجارة

ربنا يوفقك

[tarek nokia]

خليك في مصر مافيش فرق غير الغربة

[عاشق الترحال]

السلام عليكم ورحمة الله وبركاته

انا عاوز أقولك أن المعيشههنا فى السعوديه مش بالغلاء الفاحش وأظنها في رأيي عاديه وخصوصا أن المرتبات هنا بالنسبه للأسعار كويسه ومعقوله أحسن من مصر لأنه فى الحين اللى متوسط راتب الموظف 400 أو 500 أو 600 جنيه هتلاقى كيلو اللحمه ب35 أو 40 جنيه وده بمقارنه بسيطه أما هنا لو فرضنا أنك هتاخد 4500 فكيلو اللحمه مثلا 30 ريال شتان الفرق بين مصر والسعوديه ( القوة الشرائيه ) كما تفضل الزميل فى رسالته من قبل .

وبالنسبه للسكن أنا مثلا هنا في جده ودي تعتبر المعيشه فيها غاليه أسعار السكن وشقق لوكس تتراوح بين 1000 ريال إلى 2000 ريال شهريا تبعا لمساحه الشقه وتشطيبها وموقعها. بس أقدر أقولك أن 1200 ريال بدل سكن توفر لك شقه كويسه ونظيفه غرفتين أو تلاث غرف وحمامين وصاله وموقعها كويس كمان خلينا نقول بالكتير 1400 ريال وتقدر تلاقى ده بسهوله مش كلام عالفاضى وتأسس شقه بألفين أو ألفين ونصف ريال ومتنساش انها مش شقه هتعيش فيها طول عمرك!!!!!!!!!!!!!!!!!!!!

بس ده كله يتوقف على بعض الأسئله اللى تسألها لنفسك

1 أنت مرتبك كام فى مصر وبيقضي التزاماتك ولا لأ ؟

2 هل أنت متزوج ؟ وعندك أولاد ؟ وهل فى دراسة ولا لأ؟

3 هل أنا هقدر أعيش فى المستوى اللى يريحنى وهتبقى لي شئ بعد الأكل والمصاريف والذى منه؟ ولا هتغرب عالفاضى؟

عاوزك تعرف أن الغربه دي لها ثمن مبيحسوش إلا اللى عاش فيها!!!!!!!!!!!!!!!!!!

فيه حاجات كتيره لازم تتحسب قبل متسيب الحبل اللى في ايدك وتمسك حبل تاني علشان متقلش ياريتني

اللى فى ايدي قلتهولك بالنسبه للعيشه والمصاريف والتكاليف والباقى عليك انت وعلى ظروفك أنت أعلم بها من أى حد

وعلى العموم لو أحتجت أي حاجه راسلني

وعاوزك تصلي أستخاره كده بعد متحسبها كويس أوك!!!!!!!!!!!!!!!!!!!

تم تعديل 21 أكتوبر 2008 بواسطة عاشق الترحال

[amgedahmed]

شكرا لجميع من نصحني في الله ربنا يجعله في ميزان حساناتكم انا عاوز اعرف من الذين جربوا الغربة ايه تمن الغربة وخاصة اني مرتاح لعملي ودخلي في مصر

انا كنت عاوز اسأل هل هي فرصة كويسة خسارة تروح ولا خليني زي ما انا طالما انا مرتاح

[almasry]

سؤال محيير ماحدش يقدر يرد عليه غيرك ( من الآخر )

كل الآراء مجرد نصائح وتجارب

[pedosamra]

اعتقد ان بالنسبه والتناسب يبقي مصر افضل

[konokono]

ثمن الغربه يااخي العزيز لاسف ياريت انت اللي هتدفعه بس من فراق لزوجتك او لاهلك او لاصحابك او لو انت هتسيب اولاد ويبقى علاقتك بيهم مش اكتر من مجرد حواله بتروح لهم كل شهر يعني باختصار ممول او شريك فيهم براس المال وده شيئ مش هتحس بيه دلوقتي هتحس بيه بعد مااولادك يكبروا وتخليهم يعيشوا ف مصر وفكره انك تقول مش هطول لا انسى لان لاسف مصر من سيئ لاسوأ او ع الاقل ف نظر اللي بره كده لان انا مثلا اتربيت بره مصر ف الكويت وعيشنا عمرنا كله هناك كنت لما بنزل الاجازة اخري خروج وزياره للاهل والنتيجه لما دخلت الكليه عانيت معاناه فظيعه اسلوب الحياه المنظم واللي مترتب قوي لقيته غير كده ف مصر ماانكرش انه ف الاول تعبت لكن بعد كده حبيته هتقولي حبيت الفوضى هقولك حبيت الحياه لاسف مصر رغم سلبياتها بس فيها روح وحياه المهم عيشت فمصر واتخرجت واشتغلت وللاسف برده كان دايما بقارن بين مصر والكويت وماراتحتش الا لما مشيت بعد 4 سنوات من العمل ف مصر وكان وضعي المادي كويس ووضع الاسره كمان كويس يعني زي ما بيقولوا مش محتاج سفر بس المشكله انك مابتبقاش متاقلم فالتمن والدي بيدفعه لان اضطريت اسيبه دلوقت فتحس ان الادوار بتتبدل هو سابني مع والدتي وقت ف حياتي الجامعيه ودلوقتي انا بسيبه ف وقت انا مقتنع ان وجودي معاه هيسعده لكن بيشوفني زهقان من الزحمه زهقان من الفوضى اللي ف نظر صحابي شيئ عادي لانهم ما شافوش الا كده ، فالتمن انك هتشوف يا سيدي العزيز وبمجرد هتشوف هتبدا تقارن وهنا المشكله بتاعت كل المصريين بمجرد يسافر لسنه او سنتين شوف ف الاجازة رايه ايه وتبدا رحله الغربه اللي مالهاش وقت وانا واحد من الناس ورثت الغربه وشكلي هورثها للي بعدي

عرفت بقى الثمن

انا مش بقول ان الغربه وحشه بالعكس فيه عائد مادي وحياه مريحه بتمشي ف شارع فاضي شويه عن مصر ف احترام لادميتك لكن فيه ثمن وهو ده اللي بقوله

وربنا يوفقك يارب ف اي مكان تروحه