ناوي تعمل أيه لما تستقر فى مصر ؟

[se_ Elsyed]

كنت بافكر فى ورشة أو مصنع صغير للملابس خصوصآ ملابس ألأطفال...

يا ترى ممكن يمشى ولا برضه زى غيره؟

تعالى جنبي يا مودي يابني وأقف فى صف الناس المنتجة وسيبك من صيد السمك والقاعدة تحت الشمسية .

شوف يا مودي مشروع زي اللى بتقول عليه ده يمشي تمام التمام لو عملت حاجتين :

1- دراسة جدوى صح ، وتركز فيها على أهم حاجة وهي التسويق .

2- إدارة صح تحت إشرافك .

أعرف ناس كتير بدءوا بأفكار زي بتاعتك دي فى شقة فى دور أرضي وماشاء الله بالصبر والمثابرة أصبح عندهم مصانع دلوقت خاصة أنهم أعتمدوا على عامل مهم جداً وهو وجود أيدي عاملة رخيصة جداً وهي البنات فى السن ما بين بعد انهاء الدراسة وقبل الزواج وهؤلاء غالباً ما يكونوا من حملة المؤهلات المتوسطة وبيفرحوا أوي لو أخدوا 150 جنية مرتب شهري ( ده كحد أقصى ) وبيتفانوا فى العمل لأنهم عندهم هدف وهو أن البنت بتجهز نفسها علشان تشتري بوتجاز من أبو أربع عيون أو غسالة أيديال .

أنوي أنت بس وأخوك س س لدراسات جدوى المشاريع الأقتصادية هايعملك صبورت ماحصلش .

[moody00x]

أنوي أنت بس وأخوك س س لدراسات جدوى المشاريع الأقتصادية هايعملك صبورت ماحصلش

والله عندى النية يا سيد وكمان متحمس جدآ للمشروع ده خصوصآ موضوع ألأطفال ده لأن أسعار الملابس بتاعتهم غالية فعلآ...وزى ما أنت شرحت كده بالظبط موضوع البنات والشغل ...السؤال المهم دلوقتى موضوع التسويق زى ما عمالين نسمع مفيش فلوس وإنعدام القوة الشرائية ووفاة المغفور له الجنيه وكل ده ...طب حد من ألأخوة الموجودين فى مصر يدلنا على حاجة ربنا يكرمكو

إدينى بقى دراسة الجدوى يا حاج سيد

وش واحد إستثمارى شكله سيظل يغكر ويفكر

[بنت شعنونة]

يا مودي المشروع دا هايل فعلا

والمشكلة مش ففي التسويق خااالص

الملابس عامة

وخاصة الأطفال و الحريمي

مافيهاش اييي مشكلة تسويقيه

انت لوو اشتريت او اجرت محل وخليته ع المحار وعملته مصدر توزيع لمنتجاتاك من المصنع ها تكسب دهب والناس ها تجيلك لحد عندك اصلا

المهم يكون الذوق راقي في التفصيل والموديلات

انما المشكلة الفعلية حاجتين اتنين

اولا التراخيص

ودي ممكن تعدي

وثانيا

الخاااامااااات يا فندم

هيا دي السبب ان الهدوم غالية اصلا

دا حسب معلوماتي المتواضعه والله اعلم يعني

[maksoof]

طيب خليهم أربع كراسى. والأخ الطفشان معاه حق: سمك الميه المالحة أحسن بكتير من المبه الحلوة (أنا أصلى من إسكندرية و بافهم فى السمك ) :)

و اللا الجمبرى الأزازى بتاع رشيد ! بخاطرك أنت بقى ! "وش جعان"

[الطفشان]

لهواة صيد الاسماك

في مصر و حول العالم

رجاء المشاركة هناك

http://www.egyptiantalks.org/bforums/viewt...opic.php?t=6680

[se_ Elsyed]

شفت يا عم مودي ، ونرجع نقول البلد أحوالها متأخرة ليه ، يعني أحنا عمالين نتكلم فى البيزنس وحجم أعمال بملايين الدولارت وييجي سي طفشان وسي مكسوف يقلبوهالنا صيادية وجمبري وميه مالحة وميه حلوة ..

سيبك منهم وتعالى نتكلم عالبزنيس .

بصي يا شنشن .. الراجل بيتكلم على مصنع يعني حتت يفتح محل دي مش مجدية ، لأن مستحيل أن محل يستوعب أنتاج مصنع ، يبقى التسويق للمحلات الآخرى أحسن ، بالإضافة انه ممكن ينزل أعلان ويطلب مندوبين مبيعات بالعمولة يسوقوا له الجن الأزرق ( أيه الأفكار اللى أنا عمال أبعترها ببلاش دي !!! )

أما بالنسبة للخامات فدي سهلة جداً جداً .

[se_ Elsyed]

على فكرة برضوا عندي مشروع إستيراد أكسسوارات حريمي ( كوليهات وحلقان وغوايش وتوك وبنس .. إلخ ) وده كله من تايوان الحاجات دي بتتباع بالكيلو هناك برخص التراب ... وأنتوا عارفين أسعارها فى مصر عامله أيه ....نــــــــــــــــار

- منذ سنة تقريباً دعيت لحضور إجتماع لبعض المصدرين وأصحاب المصانع التايوانيين وده كان معمول فى الغرفة التجارية بالرياض ، المهم روحت هناك وكانوا معظمهم ستات ( أنا فرحت ) لأن المجتمع السعودي ما بنشوفش فيه غير ذكور بس .

انا أخدتها حلوانه فى سلوانه وأتلموا عليه الستات التايوانيز ذوي الأحجام الصغيرة الحلوين دول - ما انا كنت عامل فيها رجل اعمال سفلية بأه - وعلى فكرة كلهم رؤساء مجالس إدارات وأصحاب مصانع وأخدت منهم برشورات وبزنيس كاردز ونبذات مختصرة عن انتاجهم وكان فيهم ناس من بتوع الأكسسوارات دول والموضوع سهل جداً وتخلص الصفقة وانت قاعد بالأيميل وخطاب الضمان البنكي .. وعيش ياعم.

لكن المشكلة القائمة فى مصر هي موضوع الأستيراد وتعقيداته وخفاياه !!!!!!!!!! ( وش فيه كام خبطه من الإحباط )

وبرضوا تسويق الحاجات دي فى مصر سهل جداً وزي الحلاوه .

[الطفشان]

يعني أحنا عمالين نتكلم فى البيزنس وحجم أعمال بملايين الدولارت

اللهم لا حسد!

[moody00x]

اللهم لا حسد!

إحنا بدأنا ....ده لسه بنحط ألأفكار....طيب

يا عم سيد ال 750 مليون دولار اللى هما نسبة 2% اللى من قيمة المشروع اللى أنا بعتهم ياريت تردهم تانى

[farasha79]

لو استقريت في مصر و فكره زي دي مش وارده تمامااااااااااااا . اول مشروع افكر فيه ازاي اروح بلد تانيه تاني

[goold]

أزيكم

على فكرة مشروع الحلاق رائع هو اى مشروع استهلاكى مش بيخسر يعنى كل الناس بتحلق ومشأ لله عددنا كثير بس بلاش توسع اوى يعنى بلاش تدفع وتتوسع فى الاول من رأس مالك كتير يعنى بالمشاركة استغنى عن ربحك من هذه المشاركة وسع بيها وخاف على راس المال الى معاك . لازم تبدأ بحاجة صغيرة يعنى اقصد يجزء من المبلغ والجزء الآخر فى البنك حتى اذا خسر مشروعه يبقه فى حاجة عنده . احسن فى ناس رجعوا تانى بعد ماخسروا كل رأس مالهم وبدأوا من جديد .

1 - هو فى حاجة شفتها عجبتنى كفاتيريا اولاً رأس مالها بسيط وبتشتغل من اول يوم هتجيب فلوس ومش عايزة فهلوة يعنى ممكن تمشيها وذى ما بتقول البنات احسن عماله انا شوفت كافتريا رائعه كل الى فيها بنات والمكان نظيف وماشى رائع . وشوفت فيها غرفة العاب الكترونية للأولاد لو مكان كبير تخصص جرء لذلك .

2- كمان لو تاخد ارض زراعية تعمل فيها تسمين بس قبل ما تنفذ المشروع يمكنك زيارة مزرعة تسمين ودراسة جميع الجوانب ويمكن التنوع يعنى ممكن بناء عنبر دجاج وارانب ووو حتى لو فشلت فى جزء يبقى الجزء التانى يعوض الخسارة وتضمن وجود سيوله من اكثر من جهه دخل اقصد .

3- موضوع الملابس يخوف شوية لان اكثر من مصنع لاصحابنا خسروا بسبب التوزيع ومنافسة المستورد .

4- كمان موضوع الكمبيوتر والنقال قطع الغيار والتصليح خصوصا ان البيوت امتلاءت اجهزة

5- شوفت حاجة كويسة العمارات الى بجوار الجامعات ممكن فى المحافظات لو القاهرة غالية يعنى لو هتشترى عمارة او حتى كم شقة حسب فلوسك او تشترى قطعه ارض وتبنيها شقق وتأجرها بقه للطلبه بيأجروا السرير للطالب بمبلغ وقدره وبنفس الوقت مش هتخسر لانك هتضع فلوسك فى عقار واكيد العقار مش بيخسر - يلا ناخد قطعتين جنب بعض ونبدأ المشروع ده دخل راسى اوى روحت شوفت الارض بجوار جامعه المنصورة وكمان شوفت ارض بجوار جامعه الزقازيق بس بابعد عن مصر خوفا من الكثييييييييييير .

وهحاول ادرس المشروع ده وانفذه . وممكن نعمل فرن فى اول دور والكافتريا ونسكن الطلبه ونأكلهم كمان .

6- فى ممكن تأجير فساتين افراح وكل الالتزامات الفرح . ورأس المال مش كثير المهم المكان .

بالتوفيق ،،

[Rabso]

لو استقريت في مصر و فكره زي دي مش وارده تمامااااااااااااا . اول مشروع افكر فيه ازاي اروح بلد تانيه تاني

الموضوع هنا لتقديم إقتراحات جدية بناءة لأبناء مصر """"الأوفياء فقط""" و ليس للسخرية من أحلى اسم في الوجود.

حب مصر ده شيء مزروع جوانا مهما بعدنا عنها و مهما كانت درجة عدم رضانا عن أي أوضاع فيها مش عاجبانا ... حب في رأيي لا يقل عن حبي لأبي و أمي .... لذلك صراحة استفزني أن أرى تلك الجملة مكتوبة في موقع """""""محاورات المصريين"""""""

وأعتذر عن الخروج عن الموضوع و أهديكي مقالة صغيرة قرأتها في بريد الأهرام تعَبٍر عما يجيش في صدور معظم المصريين المغتربين و أأسف لحال بعض المغتربين ممن ... و لا بلاش!!!!!!!

سر الكنانة‏!‏

لن يفهم معني هذا الكلام ويحسه بعمق سوي من اغترب وعاش في بلاد المهجر سنوات طويلة مثلنا‏!‏ في الغربة تصير العين انتقائية‏,‏ وتتأجج مشاعر الحس الوطني والغيرة القومية‏,‏ وتلتهب غريزة المقارنة‏,‏ فكل حاضر يذكرك بغائب‏,‏ وكل رفاهية هناك تذكرك بفقر هنا‏,‏ تغار من الشوارع النظيفة والفاترينات المرهفة‏,‏ والقطط والكلاب والأطفال السعداء‏!‏ تغار من روح الديمقراطية ومناخ الحرية وحب الانتماء وغيرة المواطنين علي أوطانهم‏.‏

ولكن العودة إلي مسقط الرأس والقلب غريزة كالجوع والعطش ولكنها غريزة نائمة يوقظها رعد الغربة وتنميها أمطاره‏,‏ وتبدو جلية في مرآة السنين الطويلة للبعد‏.‏

منذ عودتي الجزئية للاستثمار والحياة علي أرض وطني الأم وأنا أسافر كل شهر أو شهرين إلي فرنسا وطني الثاني الذي أدين له بكل رصيدي من الخبرة والمعرفة والتعليم والصداقات‏.‏

اسبوع واحد يزيدني عشقا وتلهفا للعودة إلي مصر برغم كل المعاناة التي يعرفها الجميع مع بعض موظفي الحكومة بعقدهم النفسية‏,‏ وبرغم الفوضي والبلطجة والتلوث بكل درجاته‏.‏

أسبوع واحد من التجول في الحي اللاتيني ومونمبارناس مرورا بسان دني وبيجال وحتي كنيسة مونمارتر‏,‏ فغابات بولونيا‏,‏ والاستمتاع بالجلوس علي مقاهي الشانزليزيه والسهر في الليدو والفرجة علي غرائب وعجائب المقيمين والسائحين‏,‏ ينتهي بنا الحال للتوجه إلي مكتب مصر للطيران وابتسامة عريضة وسعادة غامرة وأنت تطلب تأكيد مقعد العودة إلي أم الدنيا كما يسميها الفرنسيون‏.‏

وبرغم كل ما تراه وتعيشه وتحسه في عاصمة النور أو أي عاصمة أخري يظل هناك سؤال حائر لا أجد له إجابة شافية‏:‏

ماهو السر أو السحر في المحروسة مصر الذي يجعل ابناءها وزوارها يعشقونها إلي هذا الحد برغم كل التناقضات وتعدد السلبيات؟

محمود عمارة

أعتذر مرة ثانية يا سي السيد عن الخروج عن الموضوع :)

[kokowawa1979]

سؤال إلى فراشة :

ياترى انت مصرية !!!!

[farasha79]

بعد التحية

بصراحة ان مش شايفه في داعي للهجوم الدلئم على رأيي الشخصي .. كثير من الاعضاء قالوا انهم مش بيفكروا الاستقرار او العوده الى مصر ؟؟؟ مش بس انا ....

[Rabso]

بعد التحية

بصراحة ان مش شايفه في داعي للهجوم الدلئم على رأيي الشخصي .. كثير من الاعضاء قالوا انهم مش بيفكروا الاستقرار او العوده الى مصر ؟؟؟ مش بس انا ....

يبقى بصراحة أكثر و بأمانة أحب أنصحك "بدل ما ترجعي تشتكي بلا وجه حق من الردود" ياريت تبصي على عنوان الموضوع قبل ما تتفضلي بالكتابة بحيث يكون كلامك مفيد و ياريت أكتر تبصي على عنوان الموقع ككل .... كتاباتك تنفع بدرجة امتياز في موقع "محاورات كيف تكره مصر و المصريين" و ليس موقع "محاورات المصريين".

ياريت نرجع لموضوعنا.

[moody00x]

يا سلام عليك يا رابسو...... تغسل أكثر بياضآ...........وتزيل البقع .

[mizo1957]

رابسو / مودي

هو فيه ايه فراشه مقالتش حاجه غلط ؟

انا باحب مصر زي اي واحد فيكم و لا اطيق

اي اجنبي يتحدث عنها بسوء.

99 في المائه من اعضاء المنتدي مصريين و طول

النهار نازلين سلخ وانتقاد للاوضاع في مصر

ليس بدافع الهجوم و لكن بدافع البحث عن حلول.

كل خطا فراشه انها اختارت التوبك الغلط

وكان يجب ان تفتح توبك جديد بعنوان من منا

يريد العوده حاليا الي مصر .

ومن الممكن ان اكتب لك عن 50 سبب يدفعونني

الي عدم العوده في ظل الوضع الحالي بدون اتهام

في الجنسيه او الانتماء

تحياتي

[maksoof]

شفت يا عم مودي ، ونرجع نقول البلد أحوالها متأخرة ليه ، يعني أحنا عمالين نتكلم فى البيزنس وحجم أعمال بملايين الدولارت وييجي سي طفشان وسي مكسوف يقلبوهالنا صيادية وجمبري وميه مالحة وميه حلوة ..

سيبك منهم وتعالى نتكلم عالبزنيس .

ً

يا سى السيد أنا فاضل لى كام سنة و أطلع على المعاش لو فيه عمر و أبقى عملت اللى على و أخدت نصيبى من الدنيا و مش ناوى أشتغل بعد المعاش فيعنى هدفى بعد كده إنى أبقى عالة على المجتمع و أستمتع بكل لحظة منها (وش بيبتسم بخبث).

فمتسمعش كلام الناس اللى زيى و والله الواحد بيفرح لما يشوف شباب زيك بيفكروا و عندهم طموح و بتمنى لهم النجاح لإن إنتم بالرغم من سوء الحالة الإقتصادية فى مصر فعندكم فرصة إنكم تعملوا حاجة و الفرصة دى ما كانتش عندنا أيام ما عبد الناصر أمم كل حاجة و ماخلاش حد عنده أى أمل فى التقدم أو فى عمل أى أعمال خاصة إلا لو بقيت تاجر مخدرات أو حرامى ..

فقررت إنى أهاجر (طبعا بعد ما عبد الناصر نفق لإنه كان مانع السفر) و الحمد لله دلوقت مستعد أرجع مصر عشان أصطاد سمك تانى !

[se_ Elsyed]

شفت يا عم مودي ، ونرجع نقول البلد أحوالها متأخرة ليه ، يعني أحنا عمالين نتكلم فى البيزنس وحجم أعمال بملايين الدولارت وييجي سي طفشان وسي مكسوف يقلبوهالنا صيادية وجمبري وميه مالحة وميه حلوة ..

سيبك منهم وتعالى نتكلم عالبزنيس .

ً

يا سى السيد أنا فاضل لى كام سنة و أطلع على المعاش لو فيه عمر و أبقى عملت اللى على و أخدت نصيبى من الدنيا و مش ناوى أشتغل بعد المعاش فيعنى هدفى بعد كده إنى أبقى عالة على المجتمع و أستمتع بكل لحظة منها (وش بيبتسم بخبث).

فمتسمعش كلام الناس اللى زيى و والله الواحد بيفرح لما يشوف شباب زيك بيفكروا و عندهم طموح و بتمنى لهم النجاح لإن إنتم بالرغم من سوء الحالة الإقتصادية فى مصر فعندكم فرصة إنكم تعملوا حاجة و الفرصة دى ما كانتش عندنا أيام ما عبد الناصر أمم كل حاجة و ماخلاش حد عنده أى أمل فى التقدم أو فى عمل أى أعمال خاصة إلا لو بقيت تاجر مخدرات أو حرامى ..

فقررت إنى أهاجر (طبعا بعد ما عبد الناصر نفق لإنه كان مانع السفر) و الحمد لله دلوقت مستعد أرجع مصر عشان أصطاد سمك تانى !

وأنا علشان أثبتلك أن أحنا شباب جدعان قوي يا عم مكسوف ، هاديلك كارت شخصي مني توصية للسمك وهاتلاقيه جاي لحد صنارتك بدون أي تعب ولا قاعده تحت الشمس .. ولو تحب سيادتك كمان أنك تصاد معاه السلطات والعيش السخن ماعندناش مانع .

ده أنتم البركة بتاعتنا يا باشا واحنا عايشين بحسكم .. ربنا يمتعك بالصحة والستر .

نداء إلى مودي : إنت روحت فين يابني ده أحنا لسه فى أول المشروع .

رجاء إلى : رابسو ، فراشه ، ميزو ... مش عايز أي لغوصة فى التوبيك بتاعي .. ده بزينيس يا ناس يعني ماني توك ( وش زعلان علشان التوبيك أتحول إلى خناقة وشد شعر )

[الطفشان]

وأنا علشان أثبتلك أن أحنا شباب جدعان قوي يا عم مكسوف ، هاديلك كارت شخصي مني توصية للسمك

كدة مش نافع

مافيش اي challenge و لا حرفنة

يفتح الله!