التعليم الجامعي في مصر إلى أين؟

[somebody]

سؤال يحتاج إلى جواب

خاصة مع الأموال الطائلة التي يتم إنفاقها على التعليم الجامعي سنويا سواء من جانب الدولة أو من جانب الأسر المصرية

هل الجامعات تقدم ما بحتاجه سوق العمل ؟؟؟؟؟؟؟؟

إن مصر تحتاج إلى عدة أمور أساسية إذا أرادت أن ينتعش اقتصادها :

1- الزراعة وتعمير الصحراء (بعمل مشاريع على أرض الواقع)

2- التعمير وبناء المدن الجديدة

3- توسيع المحافظات تدريجيا

___________________________________

تم تعديل 7 أكتوبر 2008 بواسطة somebody

[blbl]

استاذ somebody يجب ان نفرق بين التعليم والبحث العلمي بدون بحث علمي ملائم للبيئة المصرية وموجه لحل مشاكلنا المحلية في اطار مواردنا المحدودة مفيش امل ان البلد تتقدم . فلكي يكون الخريج مؤهل للانتاج وحل المشاكل في سوق العمل يجب ان يكون استاذه مؤهل وعلي وعي بسوق العمل ومشاكلة. فمثلا اذا كان الاستاذ لايعرف كيف يتعامل مع ملوحة التربة المرتفعة فهل تتوقع ان يعرف الطالب. او اذا كان الاستاذ يعرف تكنيك يستخدم في الدول الغنية ولكنة مكلف جدا فهل تتوقع ان يسخدمة الطالب فيما بعد.

الجامعات تحتاج الي اعادة تقييم فبدلا من الصرف علي 50 جامعة والناتج صفر لابد من التركيز. فيتم اختيار 6-5 جامعات تغطي مصر وهذه الجامعات ستكون القاطرة وستكون جامعات بحث وتعليم واساتذتها تحاسب سنويا علي انعكاس ابحاثهم علي حل مشاكل المنطقة. باقية جامعات مصر هي جامعات تدريس فقط بدون ابحاث ويحاسب الاستاذ علي اساس جودة الخريج. ويصاحب هذا التقسيم تخفيض اعضاء هيئة التدريس ومعاونيهم وزيادة عدد ساعات العمل لمن تبقي ورفع مرتبة. عمل اهداف تدريسية مختلفة لجامعات البحث وجامعات التدريس. بمعني جامعات البحث ستهتم جدا بالمستوي النظري لخريجيها. فمثلا مهندس التصميم او تخصصات دقيقة من الاطباء هي التي ستتخرج من جامعات البحث بينما مهندس التنفيذ او دكتور الباطنة سيتخرج من جامعات التدريس. طبعا كلهم مهندسين او دكاترة ومفيش فرق في المرتب لكن الفرق في الاعداد من اليوم الاول لوظيفة. طبعا ديه مش افكاري لكن انا شفت سستمز كتيرة للتعليم ضربتهم في بعض وطلعت بالافكار ديه.

[أحمد سيف]

استاذ somebody يجب ان نفرق بين التعليم والبحث العلمي بدون بحث علمي ملائم للبيئة المصرية وموجه لحل مشاكلنا المحلية في اطار مواردنا المحدودة مفيش امل ان البلد تتقدم . فلكي يكون الخريج مؤهل للانتاج وحل المشاكل في سوق العمل يجب ان يكون استاذه مؤهل وعلي وعي بسوق العمل ومشاكلة. فمثلا اذا كان الاستاذ لايعرف كيف يتعامل مع ملوحة التربة المرتفعة فهل تتوقع ان يعرف الطالب. او اذا كان الاستاذ يعرف تكنيك يستخدم في الدول الغنية ولكنة مكلف جدا فهل تتوقع ان يسخدمة الطالب فيما بعد.

الجامعات تحتاج الي اعادة تقييم فبدلا من الصرف علي 50 جامعة والناتج صفر لابد من التركيز. فيتم اختيار 6-5 جامعات تغطي مصر وهذه الجامعات ستكون القاطرة وستكون جامعات بحث وتعليم واساتذتها تحاسب سنويا علي انعكاس ابحاثهم علي حل مشاكل المنطقة. باقية جامعات مصر هي جامعات تدريس فقط بدون ابحاث ويحاسب الاستاذ علي اساس جودة الخريج. ويصاحب هذا التقسيم تخفيض اعضاء هيئة التدريس ومعاونيهم وزيادة عدد ساعات العمل لمن تبقي ورفع مرتبة. عمل اهداف تدريسية مختلفة لجامعات البحث وجامعات التدريس. بمعني جامعات البحث ستهتم جدا بالمستوي النظري لخريجيها. فمثلا مهندس التصميم او تخصصات دقيقة من الاطباء هي التي ستتخرج من جامعات البحث بينما مهندس التنفيذ او دكتور الباطنة سيتخرج من جامعات التدريس. طبعا كلهم مهندسين او دكاترة ومفيش فرق في المرتب لكن الفرق في الاعداد من اليوم الاول لوظيفة. طبعا ديه مش افكاري لكن انا شفت سستمز كتيرة للتعليم ضربتهم في بعض وطلعت بالافكار ديه.

والله وجهة نظر ممتازة يا بلبل ... نحن فعلا نحتاج إعادة تنظيم للتعليم والبحث العلمي ليكون ملائما لاحتياجاتنا وظروفنا

[somebody]

أستاذة مش أستاذ

وأرحب بكل الاقتراحات البناءة

تم تعديل 8 أكتوبر 2008 بواسطة somebody

[جويرية]

انا شايفة ان التعليم كله مفروض يتلغي

من اول الروضة لغاية الجامعة

وتبقي في دراسات حرة في جميع المجالات

و يلغوا الشهادات دي خالص

و أي شركة عايزة موظفين تعمل تدريب 3 شهور للموظفين و اللي ينجح تاخده

و الأطفال يتعلموا في البيت عن طريق النت بدون اي أمتحانات

[أحمد سيف]

انا شايفة ان التعليم كله مفروض يتلغي

من اول الروضة لغاية الجامعة

وتبقي في دراسات حرة في جميع المجالات

و يلغوا الشهادات دي خالص

و أي شركة عايزة موظفين تعمل تدريب 3 شهور للموظفين و اللي ينجح تاخده

و الأطفال يتعلموا في البيت عن طريق النت بدون اي أمتحانات

لا تعليق :blush2: :ninja: :sad: wst::

[جويرية]

أيوة ده الحل الشرعي من وجهة نظري

نظام فاشل يبقي لازم يتلغي

الطالب بيقعد يحفظ لمدة 16 سنة و بعدين الشغل بيبقي مختلف تماما عن اللي حفظه

يبقي ايه المبرر ان يفضل النظام الفاشل ده

و لا هوه المبرر هوه تحطيم الجهاز العصبي للأطفال من كتر حشو الذاكرة بمواد ملهاش لازمة و تعريضهم لأمتحانات و لا كأنها الحرب العالمية التانية

و طبعا الخراب ده يستاهل أن يصرفوا عليه 40 مليار جنيه ميزانية ما يسمي بالتعليم

يعني أيه الصلة بين 4 سنين دراسة في كلية تجارة و بين موظف في البنك بتديلله الشيك يقولك هات البطاقة و بعدين يديللك الفلوس ، و لا ايه الصلة بين الدراسة في كلية صيدلة و بين الصيدلي تقوله عايز الدوا الفلاني يروح يناولهولك من علي الرف و بعدين يحاسبك علي سعره

كل الناس بتقول الدراسة حاجة و الشغل حاجة تانية

أنا مش ضد العلم تماما بالعكس انا بتمني ان يبقي فيه دراسات حرة في جميع المجالات ، بس تكون بدون امتحانات

يعني يبقي العلم للعلم

يعني الطفل ابتداء من سن 6 سنين يبقي في مدارس لتعليمه القراءة و الكتابة بس ، تكون الدراسة فيها كام شهر او بالكتير سنة وحدة ، و بعد كدة كل واحد يعلم اولاده بمعرفته

ممكن تجيبيلنا الدليل الشرعي على الكلام ده

دليل من الكتاب أو السنة الصحيحة

ويا ريت الإخوة اللي بيقولوا إن حل المشكلات كلها هو في تطبيق الشريعة يقولوا لنا هل هم موافقين على كلام الأخت جويرية بخصوص هذا الحل الشرعي (كما تقول) لمشكلة التعليم

قال تعالى: {وتلك القرى أهلكناهم لما ظلموا وجعلنا لمهلكهم موعدا} (سورة الكهف:59)، وقال سبحانه: {وما ظلمناهم ولكن كانوا هم الظالمين} (سورة الزخرف:76)، وقال: {والله لا يحب الظالمين} (سورة آل عمران:57)، وقال: {ولا يظلم ربُك أحدًا} (سورة الكهف:49)، وقال: {وما ربك بظلام للعبيد} (سورة فصلت:46)، وقال: {ألا إن الظالمين في عذاب مقيم} (سورة الشورى:45)، والآيات كثيرة في القرآن الكريم تبين ظلم العبد لنفسه، وأن هذا الظلم على نوعين: الشرك، وهو أعظم الظلم كما بينا، والمعاصي، قال تعالى: {ثم أورثنا الكتاب الذين اصطفينا من عبادنا فمنهم ظالم لنفسه ومنهم مقتصد ومنهم سابق بالخيرات بإذن الله ذلك هو الفضل الكبير} (سورة فاطر:32)، أما ظلم العبد لغيره بالعدوان على المال والنفس وغيرها، فهو المذكور في مثل قوله تعالى: {إنما السبيل على الذين يظلمون الناس ويبغون فى الأرض بغير الحق أولئك لهم عذاب أليم} (سورة الشورى:42).

يبقي بظلم الطالب لما اتعب ذاكرته بحفظ مواد مش حتنفعه في وظيفته

العلم مهم اكيد بس ممكن يكون مجرد أطلاع و قراية بس مش ، علي مدي 16 سنة حفظ و امتحانات و منافسة عشان يكون متفوق ، و الأب يشجع الطالب و يجبلله هدايا عشان يكون متفوق ، و الأم تقول ما حدش يزعج بنتي عشان تعرف تذاكر

و في الأخر يلاقي أنه عشان يلاقي وظيفة بعد التعب ده كله محتاج ياخد كمان كورسات لمدة سنتين

طيب ليه بقي النظام العسكري بتاع المدارس ده ، و الطالب ميقدرش يذاكر في البيت لازم يحضر في المدرسة و مش مسموح ليه بالغياب

و ليه الواحد عشان يدخل أي كلية لازم يكون درس قبلها 12 سنة

ده مجرد أقتراح ان يبقي فيه نظام بديل للتعليم الحالي ، بيقرق بين وظيفتيين للتعليم

التعليم عشان الوظيفة و ده بيتم داخل الوظيفة نفسها و بيكون عن طريق تدريبات مستمرة للعاملين في الوظيفة دي

و التعليم عشان يكون الفرد مواطن صالح في المجتمع ،

للأأسف الأمتحانات ما هيا ألا أختبار لقوة الذاكرة ، و قدرتها علي استيعاب اكبر قدر من المواد الدراسية

كان ليا تجربة احب أقولها في مجال التعليم ، جايز توضح قصدي

في فترة لمدة سنتين كنت كل يوم أسمع محاضرة أو أتنين و أقرا كتب و أقرا في النت

الحمد لله ده أداني خلفية عن العلوم الشرعية لا بأس بها

طيب الكلام ده كان بدون حفظ و لا صم في الكتب و لا مذاكرة

طيب ما نطبق حاجة زي دي علي الطلبة ، و نعرف ان ذاكرة الأنسان ده شئ غالي جدا ، ومفيش داعي أرهق الطالب بالحفظ ، و تبقي كل المواد الدراسية للأطلاع و القراءة فقط ، وده حيدي للطلبة فرصة أن هما يدرسوا مواد دراسية أضعاف اللي هما بيدرسوها

[Sherief AbdelWahab]

إذا كانت لا الحكومة ولا الشارع يعيان أهمية التعليم.. وإذا كان المال السياسي والأحزان الشرعية وغير الشرعية تسعى لتسييس التعليم الجامعي.. فماذا ننتظر؟

خلص الكلام

[blbl]

يا استاذة جوبرية مش عشان احنا بنطبق السيستم غلط يبقي نلغيه خالص. اولا حكاية التعليم من منازلهم منتشر في الخارج للعائلات المحترمة والمحافظة ولكن لابد ان يمتحن الطالب شهادات معينة في النهاية. لان التحصيل شغلت الطالب واهله وتقييم التحصيل هو شغل النظام.

دول كتير بيكون النجاح تلقائيا لطلاب المدارس حتي اعدادي.

كون ان السيستم عندنا ملئ باشخاص over qualified ديه مشكلة توظيف مش تعليم. اي صيدلية في العالم المتقدم تقوم علي عدد محدود جدا من الصيادلة وجيش جرار من المساعدين. الصيدلي يحضر الكثير من الادوية يشرح للمريض الاعراض الجابية للدواء وقائمة التحذيرات او التعارض مع ادوية اخري. احيانا كثير يتصل الطبيب ليناقش الصيدلي في دواء معين للمريض. اما احضار الدواء من علي الارفف والحساب وخلافة يقوم به مساعد الصيدلي وهو قد يكون طالب من كلية الصيدلة يعمل ليصرف علي نفسه او اي حد تاني فهو مش اكثر من كاشير. المشكلة ان عندك الاف من خريجة الصيدلة في مصر كل عام ومعندكيش شركات ادوية او معامل تستوعب هذه الاعداد يبقي الحل ان احنا نقلل عدد الخريجين مش نلغيهم. نفس الحال لموظفي البنوك بصي كام واحد خريج تجارة وكام واحد غير جامعي علي الاطلاق.

[جويرية]

يا استاذة جوبرية مش عشان احنا بنطبق السيستم غلط يبقي نلغيه خالص

.

مش قصدي يلغوه خالص و لا دي دعوة للجهل ، أقصد يلغو ا التعليم بشكله الحالي

التعليم ليه هدفين اما الوظيفة و ده مهما كان الخريج متفوق في دراسته فهو لما بيتعين بيشتغل أبسط الوظائف في الشركة اللي حيشتغل فيها و بيتعلم داخل الشغل من الخبرة أو ممكن يستعين بكتب يقرا منها أو ممكن يسأل زمايله الللي أقدم منه

أما الوظيفة التانية للتعليم هو أعداد مواطن صالح في المجتمع و ده بييجي عن طريقة دراسة الأخلاق و تعاليم الدين اللي بتحث علي حسن المعاملة

أما اللي بيحصل عندنا ان الطالب يقعد يدرس أسباب فشل الحملة الفرنسة علي مصر و تشريح دودة البلهارسيا

ماشي الكلام ده مهم مقلناش عنه حاجة

بس يتقري قراية مفيش داعي أن يحفظهم عن ظهر قلب ،

يعني لما طالب يقعد 8 ساعات في المدرسة و طبعا مفروض الكلام اللي خده ده يحفظ5 في البيت و الحفظ ده محتاج 5 ساعات يوميا

طيب ايه أهمية الكلام ده عشان يتحفظ

و بعدين كتاب مكون من 500 صفحة , الطالب بيستلم و رقة الأسئلة بيضا يرجعها زرقا ، أزاي بقي ، هوه قعد سنة كاملة من عمره ، معاه عشر كتب كل كتاب 500 صفحة يعني عنده 5000 صفحة خزنهم في ذاكرته و مفروض يمتحن فيهم ، عشان يبتدي الرحلة الشاقة بتاعتة اللعام الجديد

الكلام ده في طول المراحل التعليمية خاصة في المرحلتيبن الأعدادي و الثانوي

يكغي التعليم أنه يعلم الطالب مهارة القراءة و الكتابة و مهارة الحساب

اولا حكاية التعليم من منازلهم منتشر في الخارج للعائلات المحترمة والمحافظة ولكن لابد ان يمتحن الطالب شهادات معينة في النهاية. لان التحصيل شغلت الطالب واهله وتقييم التحصيل هو شغل النظام

ممكن يكون فيه بديل للأمتحاتنات

عمل ابحاث أو المدرس يناقش الطلاب بدون أمتحان و يشوف مدي أستيعابهم للمادة

.

دول كتير بيكون النجاح تلقائيا لطلاب المدارس حتي اعدادي

دي فكرة جميلة و يا ريت تطبق عندنا

فعلا كدة الطالب حيتعلم صح و بدل ما يقعد يحفظ في 10 مواد طول السنة ، كفاية حيستوعبهم و و يفهمهم بس و بعدين يبقي عنده و قت فاضي ممكن يمارس اي هواية ة أو ممكن يدرس مواد تانية

النظام التعليمي الحالي كل هدفه هوه التعطيل ، أن الطالب يقعد كانه مشلول و قاعد علي كرسي خشب و مش بيشتغل و مش بيستفيد حاجة

.

كون ان السيستم عندنا ملئ باشخاص over qualified ديه مشكلة توظيف مش تعليم. اي صيدلية في العالم المتقدم تقوم علي عدد محدود جدا من الصيادلة وجيش جرار من المساعدين. الصيدلي يحضر الكثير من الادوية يشرح للمريض الاعراض الجابية للدواء وقائمة التحذيرات او التعارض مع ادوية اخري. احيانا كثير يتصل الطبيب ليناقش الصيدلي في دواء معين للمريض. اما احضار الدواء من علي الارفف والحساب وخلافة يقوم به مساعد الصيدلي وهو قد يكون طالب من كلية الصيدلة يعمل ليصرف علي نفسه او اي حد تاني فهو مش اكثر من كاشير. المشكلة ان عندك الاف من خريجة الصيدلة في مصر كل عام ومعندكيش شركات ادوية او معامل تستوعب هذه الاعداد يبقي الحل ان احنا نقلل عدد الخريجين مش نلغيهم. نفس الحال لموظفي البنوك بصي كام واحد خريج تجارة وكام واحد غير جامعي علي الاطلاق.

سمعت عميد كلية بيقول ان قبول الطلاب في الجامعات دي عشان المجتمع عايز كدة و ان هوه عايز يقلل عدد المقبولين ، بس في ضغوط علي الجامعات عشان تقبل أعداد زيادة

طيب اذا كان مصر مش بتصنع دوا أصلا يبقي ليه عاملين كليلات للصيدلة

في نظام تعليمي بقترحه أن الطفل من 6 سنين لغاية 10 سنين يتعلم القراءة و الكتابة و الحساب و يتعلم دروس في الدين و الأخلاق و المعاملات

و بعدين من سن 10 سنين يبقي فيه مصانع مثلا للأجهزة الكهربائية للنسيج ، الطفل يشتغل في المصنع و كل يوم في داخل المصنع تبقي في محاضرات لمدة ساعة أو ساعتين يوميا ، ومش في الجغرافيا و التاريخ و العلوم بس ، تبقي دراسة في علوم كتيرة جدا

المهم بعد الرعب اللي بيعملوه للطلبة في المدارس الكل بينجح

لأن مدير المدرسة مطلوب منه نتيجة معينة قدام الإدارة

فبعد ده كله لازم النتيجة تترفع الي حد معين

طيب ليه بقي نتعب الطلبة في الحفظ

[جويرية]

إذا كانت لا الحكومة ولا الشارع يعيان أهمية التعليم.. وإذا كان المال السياسي والأحزان الشرعية وغير الشرعية تسعى لتسييس التعليم الجامعي.. فماذا ننتظر؟

خلص الكلام

التعليم مهم جدا

بس لما يكون تعليم

لكن حايا اللي موجود هوه حفظ للمقرارات دراسية لمدة 16 سنة ،

يعني مذيع يدرس في كلية أعلام 4 سنين و بعدين تبقي كل وظيفته انه يقعد علي كرسي قدام الضيف كأنه قاعد في بيته و يسأل الضيف أسئلة و كمان هوه مش بيسأل من دماغه ، دي الأسئلة دي حد كاتبها

طيب أيه العلاقة بين الدراسة في كلية اعلام و بين الكلام ده

برده مننكرش أهمية الكلام اللي بيدرسوه في كلية الأعلام ، بس ممكن الكلام ده تتم دراسته بطريقة تانية ، انه يبقي عبارة عن دورات تدريبية للموظفين و ياخدوا حوافز علي الدراسات دي

أنا شايفة أن سن العمل المناسب اللي مفروض الواحد يشتغل فيه هوه سن 15 أو 16 سنة

[blbl]

التعليم ليه هدفين اما الوظيفة و ده مهما كان الخريج متفوق في دراسته فهو لما بيتعين بيشتغل أبسط الوظائف في الشركة اللي حيشتغل فيها و بيتعلم داخل الشغل من الخبرة أو ممكن يستعين بكتب يقرا منها أو ممكن يسأل زمايله الللي أقدم منه

ويا تري زمايلي او الدورات حتشرحلي كيمياء وفيزيا ورياضة واحياء وميكانيكا وبعدين التخصص العام وبعدين التخصص الدقيق وبعدين تكنيك واليات العمل. يا استاذة جوبرية لما الموضوع سهل كدة اومال شركة زي بوينج مليانة اساتذة جامعة صابقين وحاملي دكتوراة لية. لماذا تقوم بعض الشركات العملقة بالاستثمار في مواردها البشرية وتدفع مصاريف الماجستير او الدكتوراة للعاملين بها. لماذا تتحرك بعض الدول نحو اعتبار الماجستير هو اقل مؤهل دراسي للحصول علي رخصة العمل. حضرتك بتبصي علي نوعية واحدة من الوظائف اللي بيشتغلها اي حد ولا تنظري الي الاف الوظائف والتيي تتطلب علم مكثف

[ابو محمود]

سؤال يحتاج إلى جواب

خاصة مع الأموال الطائلة التي يتم إنفاقها على التعليم الجامعي سنويا سواء من جانب الدولة أو من جانب الأسر المصرية

هل الجامعات تقدم ما بحتاجه سوق العمل ؟؟؟؟؟؟؟؟

إن مصر تحتاج إلى عدة أمور أساسية إذا أرادت أن ينتعش اقتصادها :

1- الزراعة وتعمير الصحراء (بعمل مشاريع على أرض الواقع)

2- التعمير وبناء المدن الجديدة

3- توسيع المحافظات تدريجيا

_ __________________________________

التعليم الجامعى الى اين فى مصر ؟؟؟؟

الى دورة المياة

اسف هذة هى الحقيقة المؤلمة

[somebody]

جزى الله خيرا كل من شارك في الموضوع

أختي جويرية كنت أتحدث عن التعليم الجامعي ودوره في اقتصاد مصر وأن مصر في الوقت الحالي تحتاج للزراعة والهندسة لماذا؟؟؟؟؟؟؟؟؟؟؟؟

لأن مساحة الصحراء فيها كبيرة والمساحة المزروعة متركزة على جانبي النيل

ولأن الزراعة هي أساس الاقتصاد في أي دولة لو ازدهرت الزراعة هتزدهر التجارة والصناعة .........والاقتصاد

أما التعمير لأنه سيعالج مشكلة التكدس السكاني

لعل هذه الفكرة تخفف من مشكلة البطالة

________________________________________________________________________

جزاكي الله خيرا يا أختي جويرية على ما قدمتيه في هذا الموضوع

تم تعديل 12 أكتوبر 2008 بواسطة somebody

[جويرية]

انا شايفة ان التعليم كله مفروض يتلغي

من اول الروضة لغاية الجامعة

أحاول أوضح شوية الجملة اللي كتير مستغربين منها

التعليم في الروضة

ده كدة أولا البداية غلط ، الطفل مفروض ميتعلمش الكتابة قبل سن 7 سنسن أو 6 ، لكن اللي بيحصل انهم بيعلموا الأطفال الكتابة وهما في الروضة وده غلط لأن الطفل أصلا مش بيعرف يتحكم في مسكة القلم ، طيب يتعلم الكتاببة أزاي

الغريب انهم بيقعدوا يقولوا عايزين نحل ظاهرة عمالة الأطفال ، مع أن مش صعب ان الطفل يشتغل يناول مفكات أو العدة ، طيب ما تعليم الكتابة اصعب من الكلام ده

اما ليه بقي في الروضة بيستعجلوا و يعلموا الطفل الكتابة

عشان يسكتوا الأطفال ، ميقدروش يسيبوا الأطفال يلعبوا علي طول ، ممكن طفل يزق التاني يعوره او يخبطه في عينه ، فبتبقي بس راحة يمكن نص ساعة او ساعة بس للأطفال عشان يلعبوا ،

في ألعاب ممكن تعلم الأطفال و دي مش بتتوافر في كل الحضانات لأنها +غالية و بعدين الأطفال بيستهلكوا الألعاب دي بسرعة

كل ما كانت الحضانة غالية في مصاريفها كل ما بقت الرعاية أفضل

قي امهات بقي عايزة تخلص من أطفالها عشان تنام ، لأنها طول اليل سهرانة بتتفرج علي الأفلام و المسلسلات ، وفي امهات تاني بتبقي مقاطعة جيرانها فطبعا الطفل مفيش حد يلعب معاه ، فتقوم مودياه الحضانة

سعر الحضانة دي 50 جنيه او 100 جنيه

يا تري ايه مستوي الخدمة بالسعر ده؟؟؟؟؟؟؟؟

تم تعديل 12 أكتوبر 2008 بواسطة جويرية

[جويرية]

التعليم ليه هدفين اما الوظيفة و ده مهما كان الخريج متفوق في دراسته فهو لما بيتعين بيشتغل أبسط الوظائف في الشركة اللي حيشتغل فيها و بيتعلم داخل الشغل من الخبرة أو ممكن يستعين بكتب يقرا منها أو ممكن يسأل زمايله الللي أقدم منه

ويا تري زمايلي او الدورات حتشرحلي كيمياء وفيزيا ورياضة واحياء وميكانيكا وبعدين التخصص العام وبعدين التخصص الدقيق وبعدين تكنيك واليات العمل. يا استاذة جوبرية لما الموضوع سهل كدة اومال شركة زي بوينج مليانة اساتذة جامعة صابقين وحاملي دكتوراة لية. لماذا تقوم بعض الشركات العملقة بالاستثمار في مواردها البشرية وتدفع مصاريف الماجستير او الدكتوراة للعاملين بها. لماذا تتحرك بعض الدول نحو اعتبار الماجستير هو اقل مؤهل دراسي للحصول علي رخصة العمل. حضرتك بتبصي علي نوعية واحدة من الوظائف اللي بيشتغلها اي حد ولا تنظري الي الاف الوظائف والتيي تتطلب علم مكثف

-

ألاف الوظائف عايزة علم مكثف و بس ملايين الوظائف مش عايزة تخصص

ممكن يتحسب عدد الوظائف اللي محتاجة دراسة متخصصة

يا تري حتكون كام في المية من عدد الخريجين يا تري 1% أو 5 %

الأفضل هو دراسة التخصص مباشرة

يعني مثلا خريج تجارة هوه في الكلية بيدرسة محاسبة شركات و محاسبة بنوك و عدد كبير من التخصصات ، و في النهاية هوه بيشتغل في مكان واحد بس

حتي في دراسته لمحاسبة البنوك

هوه بيدرس أزاي أسس محاسبة البنوك

طيب لما ييجي يشتغل في بنك ، حد لسة حيستناه يحط أسس محاسبة البنك

و لا هوه النظام متأسس ووظيفة الموظفين بس يدخلوا بيانات

طيب ما ممكن طلبة كلية تجارة دول كلهم يشتغلوا في أول سنة للدراسة و داخل الشغل يتم أعطائهم دورات تدريبة

تم تعديل 12 أكتوبر 2008 بواسطة جويرية

[جويرية]

طيب عشان نعرف كام سنة بيهدرها التعليم من عمر الأنسان

نقارن بين واحد عنده عمل حر تاجر يعني ، بيجيد القراءة و الكتابة

واحد جامعي واخد 16 سنة تعليم

هما الأتنين متقنين لشغلهم و كويسين في حياتهم علي المستوي الأنساني

طيب اللي اهدر 16 سنة من عمره في الحفظ يا تري المعلومات الزيادة اللي عنده أيه فايدتها

و لا هيا معلومات ممكن يدخل بيها برامج للمسابقات

تم تعديل 12 أكتوبر 2008 بواسطة جويرية

[blbl]

التعليم ليه هدفين اما الوظيفة و ده مهما كان الخريج متفوق في دراسته فهو لما بيتعين بيشتغل أبسط الوظائف في الشركة اللي حيشتغل فيها و بيتعلم داخل الشغل من الخبرة أو ممكن يستعين بكتب يقرا منها أو ممكن يسأل زمايله الللي أقدم منه

ويا تري زمايلي او الدورات حتشرحلي كيمياء وفيزيا ورياضة واحياء وميكانيكا وبعدين التخصص العام وبعدين التخصص الدقيق وبعدين تكنيك واليات العمل. يا استاذة جوبرية لما الموضوع سهل كدة اومال شركة زي بوينج مليانة اساتذة جامعة صابقين وحاملي دكتوراة لية. لماذا تقوم بعض الشركات العملقة بالاستثمار في مواردها البشرية وتدفع مصاريف الماجستير او الدكتوراة للعاملين بها. لماذا تتحرك بعض الدول نحو اعتبار الماجستير هو اقل مؤهل دراسي للحصول علي رخصة العمل. حضرتك بتبصي علي نوعية واحدة من الوظائف اللي بيشتغلها اي حد ولا تنظري الي الاف الوظائف والتيي تتطلب علم مكثف

-

ألاف الوظائف عايزة علم مكثف و بس ملايين الوظائف مش عايزة تخصص

عشان كده هما بيعلموا الالاف ديه وباقي الوظائف بعتمد علي مؤهلات متوسطة او طلاب.

[جويرية]

برده خريج سياحة و فنادق بيشتغل في فندق ، ممكن يشتغل في الريسبشن ، أو بيشتغل في المطبخ

طيب برده ده ملوش صلة بالدراسة

اذا كان معظم الخريجين الدراسة ملهاش صلة بالعمل

برده مش شايفة حد متفق معايا في الرأي ، ان مفروض يبقي الشغل الأول و بعدين الدراسة

و ان مفروض سنوات الدراسة متزيدش عن 5 سنين أجمالي

[somebody]

أختي جويرية جزاكي الله خيراً

اتفق معكي على أن الطفل لا ينبغي أن يتعلم القراءة والكتابة في وقت مبكر جداً (الحضانة)

كما أنك ذكرتي وجود ألعاب تعليمية هذا شيء جميل حقاً

ولكن أريد أن أسألك سؤالاً

إذا لم يتعلم الطفل القراءة والكتابة كيف سيصلي كيف سيقرأ القرآن؟؟؟؟

_________________________________________________

هناك كلمة قرأتها في الموضوع وأحب أن أسجل إعتراضي عليها كلمة (والنبي) اعتقد أن الإنسان يحلف بالخالق وليس بالمخلوق حتى وإن كان هذا المخلوق خير خلق الله محمد صلى الله عليه وسلم

________________________________________________

أتفق مع الأخت جويرية أن الطلبة يشتغلوا من أول سنة كتدريب

________________________________________________

كما أتفق معها أن سنوات الدراسة متزيدش عن 5 سنين

________________________________________________