مقارنة العادات الشخصية في شعوب العالم

[moody00x]

سؤال رخم جه على بالى

ليه فى أوروبا وأمريكا والدولة المتقدمة مفيش شطافات فى دورات المياه؟؟؟؟

__

بعد اذن الاخ مودي

تم فصل المداخلات في موضوع مستقل

الادارة

الطفشان

[Cleo]

سؤال رخم جه على بالى

ليه فى أوروبا وأمريكا والدولة المتقدمة مفيش شطافات فى دورات المياه؟؟؟؟

علشان فى البلاد الإسلامية لازم الواحد يكون جسمه نظيفا من الدنس حتى تتم طهارته بالوضوء و يتكمن من أداء الصلاة... أما فى البلاد غير الإسلامية فهم يكتفون "بالتنشيف" بورق التواليت..

و الأدهى من ذلك أنهم لا يغسلون أيديهم بعد الخروج من الحمام....

(وش واحد هايغمى عليه من القرف)

[moody00x]

طيب من الناحية الطبية والعلمية ....مع تقدم الدول دى مش برضه واصلهم إن الموضوع ده خطر ومضر ومسبب لأمراض وقرف؟

وبعدين مش قادر أفهم يعنى بيهتمو قوى بالروايح المعطرة فى البانيو والشاور

وبالبرفانات ومزيلات العرق وبيسيبو موضوع زى ده إزاى بس

(نفس الوش اللى قالت عليه كليو)

[Proud Muslim]

لا أظن أن عدم استعمال الماء في موضوع التطهر هذا له ضرر ..فلا ننسى اخوتي أن رسول الله صلى الله عليه و سلم كان يستجمر !!

و هذه وصلة بها المزيد :

أحكام صلاة المريض وطهارته

الشيخ عبد العزيز بن باز - رحمه الله - .

http://www.kalemat.org/sections.php?so=va&aid=112

و منها :

فالاستنجاء بالماء واجب لكل خارج من السبيلين كالبول والغائط.

وليس على من نام أو خرجت منه ريح استنجاء، إنما عليه الوضوء. لأن الاستنجاء إنما شرع لإزالة النجاسة ولا نجاسة ها هنا.

والاستجمار يقوم مقام الاستنجاء بالماء ويكون بالحجارة أو ما يقوم مقامها، ولا بد فيه من ثلاثة أحجار طاهرة فأكثر، لما ثبت عن النبي  أنه قال: { من استجمر فليوتر } ولقوله  أيضا: { إذا ذهب أحدكم إلى الغائط فليذهب معه بثلاثة أحجار يستطيب بهن فإنها تجزئ عنه } [رواه أبو داود]. ولنهيه  عن الاستجمار بأقل من ثلاثة أحجار [رواه مسلم].

ولا يجوز الاستجمار بالروث والعظام والطعام وكل ما له حرمة، والأفضل أن يستجمر الإنسان بالحجارة، وما أشبهها كالمناديل واللبن - اليابس من التراب والجص - ونحو ذلك، ثم يتبعها الماء. لأن الحجارة تزيل عين النجاسة والماء يطهر المحل، فيكون أبلغ، والإنسان مخير بين الاستنجاء بالماء أو الاستجمار بالحجارة وما أشبهها، أو الجمع بينهما. عن أنس  قال: { كان النبي  يدخل الخلاء فأحمل أنا وغلام نحوي إداوة من ماء وعنزة فيستنجي بالماء } [متفق عليه]. وعن عائشة رضي الله عنها أنها قالت لجماعة من النساء (مرن أزواجكن أن يستطيبوا بالماء فإني أستحييهم وإن رسول الله  كان يفعله) قال الترمذي: هذا حديث صحيح.

وإن أراد الاقتصار على أحدهما فالماء أفضل، لأنه يطهر المحل ويزيل العين والأثر، وهو أبلغ في التنظيف، وإن اقتصر على الحجر أجزأه ثلاثة أحجار إذا نقي بهن المحل فإن لم تكف زاد رابعا وخامسا حتى ينقي المحل، والأفضل أن يقطع على وتر، لقول النبي : { من استجمر فليوتر }، ولا يجوز الاستجمار باليد اليمنى، لقول سلمان في حديثه: { نهانا رسول الله  أن يستنجي أحدنا بيمينه }، ولقوله : { لا يمسكن أحدكم ذكره بيمينه وهو يبول ولا يتمسح من الخلاء بيمينه }، وإن كان أقطع اليسرى أو بها كسر أو مرض ونحوهما، استجمر بيمينه للحاجة ولا حرج في ذلك، وإن جمع بين الاستجمار والاستنجاء بالماء، كان أفضل وأكمل.

[الطفشان]

و الأدهى من ذلك أنهم لا يغسلون أيديهم بعد الخروج من الحمام....

بيغسلوا يا كليو

أو على الاقل وسط المتعلمين منهم الذين اتعامل معهم يوميا

و كما اوضح براود، في الاسلام جائز الاستجمار بالحجارة

(لانها كانت صحراء)

و المهم التنظيف، بأي وسيلة كان

[الطفشان]

نقطة تانية:

بعض الشعوب يستخدمون الشطاف

مثلا، في جنوب فرنسا عندهم شطاف، على ما ذكر لي

و ايضا في صقلية

و لا ننسى ان البيديه Bidet اخترع في فرنسا، و انتقل الى بعض الدول الاخرى

اذن البعض يستخدم الماء

و بمناسبة العادات

هناك عادة اخرى

هل تعلم لماذا يوجد حنفية للماء البارد و حنفية للماء الساخن بدون خلاط على الاحواض في انجلترا؟

فكر قليلا؟

و لماذا توجد دائما سدادة؟

السبب هو ان حوض الماء الجاري في انجلترا هو البديل عن الطشت قبل وجود الماء في مواسير

فكان الخادم يأتي بالماء في طشت و يغسل الشخص وجهه و ينف ثم يحلق ذقنه، كله بنفس الماء!

ثم لما جاء الماء الجاري، اصبحوا يسدوا الحوض و يفعلوا نفس الشئ

فلا حاجة لوضوء مثلا من ماء جاري (المية اما ثلج قارس او حميم يغلي!)

اما عندنا

فمن زمان و يوجد ابريق الوضوء التركي

و له قاعدة فيها حوض و فوقه مصفاة

فيتوضأ الشخص او يغسل ايده بعد الاكل

و الماء المستعمل لا يعاد استعماله ابدا

و الحكاية قديمة في شمال اوروبا

فقد حكى احمد بن فضلان البغدادي سفير الخليفة من ألف عام عن نفس العادات في بلاد اسكاندينافيا

و من شاهد منكم فيلم The thirteenth warrior المقتبس من هذه القصة، سيرى كيف انهم يفعلون ذلك و كيف ان البطل و عمر الشريف رد الطشت و هو في حالة قرف شديد

[Proud Muslim]

و من شاهد منكم فيلم The thirteenth warrior المقتبس من هذه القصة، سيرى كيف انهم يفعلون ذلك و كيف ان البطل و عمر الشريف رد الطشت و هو في حالة قرف شديد

هو فعلا الفيلم مقتبس من قصة حقيقية ؟؟

البطل كان اسمه أحمد بن فهلان على ما أذكر .. هو قريب من أحمد بن فضلان فعلا !!

أنا فعلا استغربت جدا من الفيلم ده .. و بعدين الفيلم أظهر المسلمين العرب و هم متعلمون و متحضرون و نظيفين .. و هذه نقطة تحسب له .. و كنت باقول .. يا ميت ندامة على تلك الأيام .. زمن

قرأت مرة أحد المقتطفات من كتاب لأسامة بن منقذ عن الحملات الصليبة و تأريخها ( لا أذكر اسم الكتاب ) , و تكلم فيه عن أن الصليبيين في مصر تعلموا الكثير و الكثير من عادات النظافة الشخصية في الحمامات العربي ( المغربي ) , و منها عادة الاستحداد و تنظيف الجسد , و عندما رأوا أن المسلمين يستحدون .. تعجبوا جدا من هذا .. و كأنه شيء في منتهى الغرابة أو اختراع مثلا !!

[BenNeal]

معلش.. بما ان الشئ بالشئ يذكر و علشان احنا بنكلم عن آداب "بيت الأدب" .. فانا هأكلم عن واحدة من "آداب المائدة"

انا لما كنت اروح الغدا مع زمايلى اول ما جيت امريكا كنت اتنقط لما يقولوا لى "would you please pass the salt" او الفلفل او الزبده لما يكونوا فى الجزء بتاعى من التربيزة رغم انه او انها مدوا اديهم 2 سنتى ها يجيبوه... بس لأ... لازم يقرفونى و يشغلونى.. بس طبعا كنت فى الآخر بناولهم الحاجة اللى عاوزينها و انا بقول فى سرى: "يعنى مش قادرين تمدوا اديكم يا ولاد الxxx ..... تطفحوه بالسم".

فين و فين لما عرفت ان ده من آداب المائدة و انه لا يصح ان تتجاوز الى منطقة الآخرين. بس بالرغم من معرفتى بهذا التفسير مازلت لا اطيق هذاالسؤال"would you please pass the salt".

[الطفشان]

و من شاهد منكم فيلم The thirteenth warrior المقتبس من هذه القصة، سيرى كيف انهم يفعلون ذلك و كيف ان البطل و عمر الشريف رد الطشت و هو في حالة قرف شديد

هو فعلا الفيلم مقتبس من قصة حقيقية ؟؟

البطل كان اسمه أحمد بن فهلان على ما أذكر .. هو قريب من أحمد بن فضلان فعلا !!

أنا فعلا استغربت جدا من الفيلم ده .. و بعدين الفيلم أظهر المسلمين العرب و هم متعلمون و متحضرون و نظيفين .. و هذه نقطة تحسب له .. و كنت باقول .. يا ميت ندامة على تلك الأيام .. زمن

ايوة القصة حقيقية

كاتب السيناريو شكله عمل ال d الى h

و ابن فضلان كان سفير للخليفة لبلاد البلغار و الخزر (شرق روسيا، نهر الفولجا، الخ، قبل البلغار ما ينزحوا الى بلغاريا التي نعرفها في شرق اوروبا)

عشان يعلمهم الاسلام

و بعدين خطفه جماعة من الفايكنج

و اخذوه لاسكندينافيا

و وصف بلادهم و عاداتهم

و الشفق القطبي (قال زي الاشباح في السما)

و اليوم الطويل في الشمال (قال انه صلى العشاء و الفجر بعدها بساعة)

و شوية خرافات (الناس المتوحشين)

و الكتاب غير كامل لاسف فلا نعرف كيف انهت قصته

http://history.al-islam.com/names.asp?year=310#n1522

و وصفه للروس موجود على النت بالانجليزي

http://www.google.com/search?hl=en&ie=UTF-...-8&q=ibn+fadlan

قرأت مرة أحد المقتطفات من كتاب لأسامة بن منقذ عن الحملات الصليبة و تأريخها ( لا أذكر اسم الكتاب ) , و  تكلم فيه عن أن الصليبيين في مصر تعلموا الكثير و الكثير من عادات النظافة الشخصية في الحمامات العربي ( المغربي ) , و منها عادة الاستحداد و تنظيف الجسد , و عندما رأوا أن المسلمين يستحدون .. تعجبوا جدا من هذا .. و كأنه شيء في منتهى الغرابة أو اختراع مثلا !!

انا قرأت مقتطفات من كلام اسامة بن منقذ

و هناك استاذ تاريخ في احد الجامعات هنا

ينشر مقتطفات من تاريخ العالم

و هذه المقتطفات من كتب اسامة

و اسمه ديوان الاعتبار

http://www.fordham.edu/halsall/source/usamah2.html

http://www.humanities.ccny.cuny.edu/histor.../13thcpiety.htm

http://www.humanities.ccny.cuny.edu/histor...lamonpiracy.htm

[moody00x]

كما اوضح براود، في الاسلام جائز الاستجمار بالحجارة 

(لانها كانت صحراء) 

و المهم التنظيف، بأي وسيلة كان

أنا برضه مافهمتش حاجة...يعنى إلأستجمار الرسول صلى الله عليه وسلم أقره فقط فى حالة عدم وجود الماء..يعنى رخصة زى التيمم بدل الماء فى حالة الوضوء...ولا ده كان أمر طبيعى للمجتمع البدوى والبيئة الصحراوية؟؟؟؟

بصراحة موضوع الأكتفاء بالتوليت بيبر ده شئ مقزز...

[Proud Muslim]

أنا برضه مافهمتش حاجة...يعنى إلأستجمار الرسول صلى الله عليه وسلم أقره فقط فى حالة عدم وجود الماء..يعنى رخصة زى التيمم بدل الماء فى حالة الوضوء...ولا ده كان أمر طبيعى للمجتمع البدوى والبيئة الصحراوية؟؟؟؟

الأخ العزيز moody00X

طبعا كما قال الشيخ ابن باز ان ذلك يجزيء عن الماء في حالة عدم وجوده أو ندرته يعني كما في البيئة الصحراوية .. بس الأصل هو الماء بلا شك في ذلك .. فهو أفضل وسيلة لتحقق الطهارة ..بس لو مش موجود يبقى نعمل ايه ؟؟

و هذه العادة مازالت موجود عن البدو في سيناء .. الاستجمار بالأحججار .. و اانا كنت أعجب .. ايه القرف ده .. و بعد ذلك علمت أسباب ذلك و أن الرسول كان يفعل ذلك ..

طبعا في حالة عدم وجود ماء .. و عدم وجود أحجار ..يبقى لو فيه مناديل مثلا تجزيء كما قال الشيخ

والاستجمار يقوم مقام الاستنجاء بالماء ويكون بالحجارة أو ما يقوم مقامها

أصل لو مافيش حجارة و لا ماء .. يبقى ايه الحل ؟؟

[se_ Elsyed]

أول ماجيت هنا فى دول الخليج كنت وما زلت بأقرف جداً لما أشوف حد قاعد جنبي بياكل بأيده ( يعني من غير معلقة ) ولما تيجي تسأل بعض الناس يقولك أصل دي سنة عن النبي ( ص ) !!! بالله ده كلام ؟!!

يعني لو كان فيه معالق على عهد النبي ماكنش أستعملها.

[Proud Muslim]

و الله يا أستاذي الفاضل se_elsayed

موضوع أنها سنة ..أيوه .. و لكن هم عادتهم كده .. بطبيعتهم البدوية .. و بعضهم يحب أن يصبغ عادته بصبغة دينية حتى يوقف الشخص الآخر عن التحدث عن تلك العادة .. يعني النقاب من عادات البدو و أهل الخليج مثلا .. فهو يصمم على الرأي القائل بفرضيته علشان هذه عادة عندهم !!

موضوع لو كان في معالق كان هايستخدمها و لا لأ ... الله أعلم بصراحة !!

المشكلة ليست في ان تأكل بيدك .. و لكن أن تصمم بالأكل بيدك في مواضع ما ينفعش فيها اليد ؟؟

يعني واحد بياكل ملوخية و رز .. و يصمم انه ياكل بايده .. يبقى بصراحة ده تنفير من السنن !!

لكن واحد بياكل فول .. بياكل فراخ مثلا .. يبقى عادي .. مش لازم يعني الواحد يشذ عن من حوله و بعد كده يقول سنة !!

و المشكلة الأخرى .. أن بعض المساكين يجعلون الأكل بأكثر من ثلاثة أصابع بدعة .. هنا المشكلة فعلا .. !!

[ابو يوسف]

فين و فين لما عرفت ان ده من آداب المائدة و انه لا يصح ان تتجاوز الى منطقة الآخرين. بس بالرغم من معرفتى بهذا التفسير مازلت لا اطيق هذاالسؤال"would you please pass the salt".

هذه الآداب حرص عليها الاسلام من قرون .. الم يقل الرسول (صلى الله عليه و سلم ):

"يا غلام . سم الله و كل بيمينك و كل مما يليك " ... ؟

و هذا سلوك حسن ... خاصة لو قارناه بما يحدث على بعض موائدنا ...

ممكن تلاقى واحد عايم على الترابيزة من اولها لاخرها علشان ياخد حاجة و شايط فى طريقه كوباية الماية ... و طبق الشوربة ...

(وش واحد بياكل من طبق اللى جنبه !)

[ابو يوسف]

و الله يا أستاذي الفاضل se_elsayed

موضوع أنها سنة ..أيوه .. و لكن هم عادتهم كده .. بطبيعتهم البدوية .. و بعضهم يحب أن يصبغ عادته بصبغة دينية حتى يوقف الشخص الآخر عن التحدث عن تلك العادة .. يعني النقاب من عادات البدو  و أهل الخليج مثلا .. فهو يصمم على الرأي القائل  بفرضيته  علشان هذه عادة عندهم !!!!

عزيزى براود مسلم ...

لا اريد ان اخرج عن الموضوع .... بس انا مش فاهم يعنى ايه سنة ؟؟؟

الم يكن ابو جهل و ابو لهب يأكلون بأيديهم ..طبقاً لما تقتضيه البيئة التى يحيون فيها ؟؟؟

لماذا نركب سيارات و ليس جمال ؟؟؟

لماذا نعيش فى ابراج مكيفة و ليس فى خيام ؟؟؟

حدسى يقول لى ... أن الرسول لو بعث فى هذا العصر .. لاستخدم كل ما اقتضاه هذا العصر .... و الله أعلم

[صعيدي]

بمناسبة العادات اليكم هذه العادة الغريبة فى اليابان

جرت العادة فى كل شعوب العالم ان البانيو للإغتسال و لكن فى اليابان الوضع مختلف اولا يغتسل اليابانى فى مكان بجوار البانيو ويغسل جسمه جيدا و بعد ذلك ينزل البانيو للإسترخاء وللاستجمام المقرف فى الموضوع ان نفس المياه فى البانيو لا تتغير الا بعد ان يستخدمها كل أفراد الاسرة واحدا تلو الاخر ومن العادات الغريبة ايضا احيان يستحم الرجل مع ابنائه وبناته حتى سن البلوغ

أما بالنسبة للتوليت فهو عيشة فى اليابان وتخيلو اننى لم استطيع استخدامه فى البداية لان كل شيى الكترونى يعنى زرار للتشطيف وأخر لدرجة حرارة المياه وزرار لاسلوب ضخ مياه التشطيف وزرار للتجفيف وأخر للسيفون يعنى مش ناقص غير زرار يساعدك فى إرتداء ملابسك. هذا عن التوليت الغربى المودرن وهذا لا يمنع وجود تواليت يابانى كلاسيكى شبيه بالتواليت البلدى عندنا زمان الظريف انك تجد النوعين فى كل مكان.

[Proud Muslim]

فى البداية لان كل شيى الكترونى يعنى زرار للتشطيف وأخر لدرجة حرارة المياه وزرار لاسلوب ضخ مياه التشطيف وزرار للتجفيف وأخر للسيفون يعنى مش ناقص غير زرار يساعدك فى إرتداء ملابسك. هذا عن التوليت الغربى المودرن وهذا لا يمنع وجود تواليت يابانى كلاسيكى شبيه بالتواليت البلدى عندنا زمان الظريف انك تجد النوعين فى كل مكان

الموضوع ده غريب فعلا بس حقيقي .. واحد صاحبي راح اليابان .. و لما لقى الموضوع غريب جدا .. قام بتصوير الحمام .. و شفت صور غريبة جدا .. كل حاجة لها زرار !!

:lol: :lol: :lol:

حتى قوة مياه الشطاف لها زرار .. و الحرارة ..ناقص فعلا زرار يقوم الواحد و يلبسه هدومه !!

[الطفشان]

الحمام بتاعهم زي البلدي عندنا تمام

بس بغطاء من الجزء الامامي

لمنع "الطرطشة"

[se_ Elsyed]

كنت منبهر جداً من عادات الزواج عند الهنود لأن الزوجة فى كثير من المدن الهندية هي اللى بتدفع المهر ،

فقولت اكمل بأه معاهم طقوس الزواج نظامها أيه هناك ، وتقريباً كان كل كلامي مع هنود مسلمين ، فكلهم اجمعوا ان موضوع عذرية البنت فعند الزواج فى الهند حاجة كده فانتازيا أو زي الديناصورات أنقرضت ، ووجدتهم يتندروا ويضحكوا من اننا نحن العرب مازلنا متمسكين بذلك .... فقولت سبحان الله ياما فى الدنيا ناس طيبين.

اما عن الفلبينيين ، فحدث ولا حرج ... طيابة الدنيا فيهم ، والموضوع ده مش موجود فى أجندتهم أساساً ، لدرجة أنا سألت كام واحد فيهم ، لو أكتشفت أن زوجتك بتعرف شخص آخر هاتعمل أيه ... لقيته سكت ومش مستغرب .. روحت متقل العيار وقولتله بصراحة بأه قفشتها مع واحد تاني هاتعمل أيه يا حبوب ، قال لي اولاً هاقول للاخ ده يمشي وأجيب المدام وأناقشها بكل هدؤ وأسألها أنتِ عملتي كده ليه ؟ ......... يا حبيبي .

وقريباً جاء لي أحدى الموظفين الفلبينيين يطلب أجازة ، فبسأله عن سبب الأجازة ، والراجل جاوب بكل طيابة أنهم بعتوله فى الكفر وقالوله تعالى بسرعة مراتك ماشية على حل شعرها ... وبيحكيلي التفاصيل ، وعلى فكره الراجل نزل ورجع وبراءة الأطفال فى عينيه وكأن مافيش حاجة حصلت.

ففعلاً الحمد لله على نعمة الأنسانية والغيرة والدم الحامي اللى عندنا .

[BenNeal]

.....وبعدين مش قادر أفهم يعنى بيهتمو قوى بالروايح المعطرة فى البانيو والشاور وبالبرفانات ومزيلات العرق وبيسيبو موضوع زى ده إزاى بس

(نفس الوش اللى قالت عليه كليو)

ماتنساش ان اخذ دش و اتنين فى اليوم حاجة مقدسة عند الكثير من الأمريكيين. كما ان نكتهم و تعليقهم على الناس ذوى رائحة الجسم الكريهة (BO) معروفة جدا. انا عايش فى تكساس و هى ولاية حر و رطووووبة جدا و لكن نادرا ان اصادف احدا له نفس الرائحة التى تحدثت عنها الأخوات عضوات المنتدى فى موضوع آخر عن دولة اخرى.

يقال ان قلة الاستحمام منتشرة فى اوروبا...