العداء بين المدنية الحديثة و العظام

[جويرية]

1) تصميم المطابخ

المطخ ده شكله حلو بس فيه

ملحوظة أن اللي حيشتغل في المطبخ ده مش حيقعد كل شغله و هوه واقف

يعني ممكن ربة المنزل تقضي أكتر من 7 ساعات يوميا في المتوسط و هيا واقفة

وده طبعا سبب مشاكل لستات كتير بيعانوا من دوالي الساقين أو من خشونة في الركبة

طبعا في مطابخ مساحتها كبيرة ممكن يتحط فيها كراسي و ترابيزة بس ده مش متوافر غالبا مع مساحات الشقق المحدودة دلوقتي

لو لاحظنا زمان ان الستات ماكنوش بيشتغلوا وهما واقفين ابدا ، بتغسل أو بتطبخ أو بتخبز و هيا قاعدة

يتبع

[جويرية]

2) كراسي المدسة أو مدرجات الجامعة طبعا الكراسي الخشب دي مش مريحية ، مفروض أن الكرسي ياخد أنحنائات الضهر ، الكراسي دي عشان الواحد يقعد بالكتير نص ساعة مش يقعد عدد ساعات اليوم الدراسي 8 ساعات

ده بقي الكرسي اللي مفروض الواحد يقعد عليه لو القعدة حطول

فمفروض الدولة توفر لطلبة المدارس كراسي زي دي ، طبعا مش حينفع يبقي الحل ان يلغوا الكراسي في الفصل و العيال يستربعوا علي الأرض ، مش يبقي الحل أن الطالب المغلوب علي امره يقعد لمدة 16 سنة * متوسط 8 ساعات يوميا ، ده كله كفيل بأنه يؤثر تأثير سلبي شديد علي العمود الفقري

يتبع

[جويرية]

3 ) نفس الكلام برده علي كراسي السفرة

اللي يقعد علي الكراسي دي لازم يقعد في نص الكرسي عشان يعرف ياكل ، يعني مش حيبقي ساند ضهره

فانا بقترح نلغي موضوع السفرة ده خالص و ناكل علي الأرض

الجلسة الصحية علي الطعام اسمها ( الأقعاء ) و دي جلسة الرسول صلي الله عليه و سلم

يتبع

تم تعديل 19 سبتمبر 2008 بواسطة جويرية

[جويرية]

4 ) شيل الطلبات و احنا جايين من السوبر ماركت او السوق

شفت ستات كتير بيشتكوا ان هما كانوا بيشيلوا طلبات كتير و ده علي مدي سنين أثر علي عظام الكتف و اليد

اليد كلها مفصلات مفصل الكتف و الرسغ و الأصابع و دي كلها مش بتستحمل الشيل

لو خدنا بالنا ان صور الفلاحات زمان كانوا بيشيلوا الجرة علي دماغهم مش علي أيديهم

[جويرية]

5 ) المراتب

المراتب الأسفنجية مش صحية ، عشان المرتبة عاملة زي المسطرة ، و المرتبة مفروض تاخد شكل الجسم ، زمان كانوا بيقولوا مرتبة من ريش النعام ، و دي طبعا حتبقي مريحية جدا

الصورة دي كمان بتوضح أن المرتبة فيها حديد كمان

[جويرية]

6 ) السراميك

الأسطح الحالية أكيد شكلها أجمل و أحلي من زمان

بس برده المشكلة أنها مش صحية ، يعني مش بتمتص الحرارة و عاملة زي القزاز و بتخلي المكان كله رطوبة ، و الرطوبة دي بقي عدوة العظام ، ده غير الأرضية السيرامك دي ناس كتير بتتعرض لوقعات و ممكن يسبب ده ليها كسور في العظام

[جويرية]

الشقق الصغيرة و الشوارع الضيقة

ده تصميم لشقة صغيرة ، لكن كمان في شقق اصغر من كدة يمكن نص المساحة دي كمان

الشقق الصغيرة و الشوارع الضيقة ، ممكن نلاقي حجرة في البيت أو أكتر مش بتدخلها الشمس خالص

و مكان من غير شمس حيبقي مرتع للأمراض و الأوبئة ، خاصة برده نسبة الرطوبة العالية بتأثر علي العظام