الدوخة

[صعيدي]

حد يعرف ما هى احتملات أسباب الدوخة بالنسبة للرجال فى منتصف العمر

[Salwa]

ممكن تكون بسبب نقص نسبة السكر فى الجسم ...

او ممكن تكون انيميا او نقص فى نسبه الحديد .

ممكن تكون نتيجه لانخفاض الضغط.

وممكن تكون نتيجه توتر او قلق وتفكبر زياده عن اللازم ...

لابد من مراجعة الطبيب وعمل تحاليل للاطمئنان افضل من اى استنتاجات وهى دائما الاصح .

لابأس على الجميع.

سلامى.

[صعيدي]

الظريف انى عملت تحليل دم و كشف انف و اذن واشعة رنين مغناطيسى و كل حاجة تمام كل اللى لاحظه الاطباء زيادة فى نسبة الكلسترول بس مش للدرجة الخطيرة ولسه الدوخة بتييجى أحيانا :?

[ragab2]

كتبت سلوى

ممكن تكون بسبب نقص نسبة السكر فى الجسم ... 

او ممكن تكون انيميا او نقص فى نسبه الحديد . 

ممكن تكون نتيجه لانخفاض الضغط. 

وممكن تكون نتيجه توتر او قلق وتفكبر زياده عن اللازم ... 

لابد من مراجعة الطبيب وعمل تحاليل للاطمئنان افضل من اى استنتاجات وهى دائما الاصح . 

لابأس على الجميع. 

سلامى

الدوخة

عرض وليست مرض

وممكن كل الأسباب التى ذكرتها الأخت سلوى

وممكن أيضا التهاب الأذن الوسى

أو اختلال التوازن فى الجهاز العصبى الفرعى بين الجهاز العصبى السيمباثاوى والبارا سيمباثاوى نتيجة مشاكل بالجهاز الهضمى والقولون أو نتيجة تعاطى أدوية وزيادة السكر أيضا بالدم فى مرضى السكر حيث تفشل خلايا الجسم فى استخدام السكر لانتاج الطاقة والحيوية وضعف عضلات القلب وكسل الكبد تحدث الدوخة ولابد من اعادة العرض على الطبيب وعمل مزيدا من التحاليل لمعرفة مستوى وظائف الأعضاء

ألف سلامة

[بنت شعنونة]

هوا صحيح لا يفتى وفي المدينة مالك

بس انا ها احاول اعمل دكتورة يعني

"وش محرج"

استاذ صعيدي

ممكن تقولي الدوخة دي هل ليها صفات مميزة؟

يعني في وقت معين؟ وضع معين؟ يعني مثلا بتبقى بالنهار بس

ليل بس؟ لما تقف بس؟

حاجا كدا؟

[صعيدي]

أشكر جميع الاخوة و الاخوات اللى ردوا على الموضوع

الحكاية انى فى يوم صحيت فى منتصف الليل شاعر بدوخة شديدة و عدم المقدرة على حفظ التوازن قلت يمكن من التعب وكملت نوم والصبح لقيت الحالة كما هى و أزيد اتصلت بالاسعاف و فى المستشفى كانت الاسئلة و الفوحصات كالتالى

هل تدخن..............................................................لأ

هل تتعاطى كحوليات.................................................لأ

هل عندك تنميل فى أحد الاطراف(تم عمل فحص).....................لأ

هل عندك قابلية للقيئ .................................بدرجة ضعيفة جدا

هل عند ذغللة فى العين (تم عمل فحص).............................لأ

تم عمل تحليل دم..............نسبة كرات الدم الحمراء ازيد قليلا و كذالك الكولسترول

تحليل بول..............................................................سليم

رسم قلب.............................................................سليم

اشعة مقطعية على المخ .........................................سليم

اشعة رنين مغناطيس MRI..............................نقط بيضاء صغيرة جدا جدا فى الجانب الايسر من المخ قالوا انها غير مؤثرة

نم فحص الاذن الوسطى............................................سليم

التشخيص ازدياد نسبة كرات الدم الحمراء مع نسبة الكلوسترول أدت الى ازدياد لزوجة الدم مما أدى الى صعوبة وصول الدم الى بعض اجزاء المخ وده سبب الدوخة ...طيب الحل ايه ....شرب مزيد من المياه المعدنية و مراعاة الكلسترول فى الاكل

المهم تم تركيب محاليل وأدوية لاذالة الدوخة وبعدين روحت أخر اليوم و لكن لا أزال اشعر ببعض الدوخة و استمرت لمدة اسبوع تقريبا المشكلة انها احيانا تتكرر و لكن ليست بنفس الدرجة و حاسس ان الاطباء اللى هنا بالرغم ان لديهم امكانيات هائلة الا انهم غير ماهريين

[achnaton]

ؤؤؤ

[achnaton]

الأخ صعيدى

سلامتك .. من وصفك كده يتضح لى - صحيح انا مش طبيب بشرى وباعالج الآلات .. الا أن التجربة برضه بتنفع فى بعض الأحيان ..

اولا .. تبعد عن هذا المنتدى اللى مفيش فيه غير بلابيع رفع ضفط الدم باستثناء بلابيع الأخ رجب 2 والدكتورة شان والكثيرين فى باب الأبتسامات وبالذات تعليقات كروس فيلد وحشيش اللى حيقفل لنا المنتدى اما لأننا حا تموت من الضحك .. واما حيفضل يخبط فى الحلل ولكن نصيحة .. بلبوعة واحدة " يغنى حباية واحدة " من هذا الباب بترجعنى شباب .. وابتدى اكتب .. دة أولا ..

ثانيا .. ياريت تنتظم على حباية " اسبرين 100 مليجرام " كل يوم الصبح .. يعنى ولا مؤاخذة اسبرينة اطفال موجود بالأخزخانات ..

ثالثا .. اكبر كمية مياة ممكن تشربها يوميا اشرب ماء على قد ما تقدر وبطريقة منتظمة يعنى مش الصبح تشرب 2 لتر وطول النهار ولا نقطة .. لا .. باستمرار ..

وقبل كل ده وده .. الرياضة .. وافضلها واكثرها فاعلية الصلاة .. فهى لم تفرض علينا من فراغ .. وسبحان الطبيب الحكيم الرحيم القادر .. ففيها الشفاء من كل الأمراض ..

متمنيا لك الصحة والشفاء .. لك تحياتى

اخناتون المنيا

[ragab2]

ممكن

تجرب كبسولة مجموعة فيتامينات يوميا multivitamins

مع تناول قرص اسبرين كما ذكر أخونا الكبير عمدتنا فى ألمانيا الباشمهندس اخنانتون

مع الامتناع عن المحمرات والدهون والزيوت المغلية والمسلى صناعى أو طبيعى

مع استبدالهم بزيت الزيتون وزيت الذرة

وأن تكثر من الفواكه والخضراوات الطازجة

وألف سلامة