حاله غريبه تسود مجتمعنا

[احمد مطر]

فى الحقيقه المره دى انا هتكلم فى مشكله يمكن تخص كتير من الناس راى كل الناس لانو حاسس انها مش حاله فرديه دا حال مجتمع وبما انى عارف الناس الى هنا بتتكلم جديا وبتحترم اى موضوع طالما متجاوزش حدود الادب والاحترام واداب الحوار عشان كده هطرح موضوعى بداية يجماعه انا واحد زى غيرى من الشباب الى فى مصر بتحاول تبنى نفسها على قد ماتقدر ومش بنقد كل الناس انا بس بعبر عن حاله انا شايفها للاسف حاله تثبت اننا مش مصر ال شوفناها وبنشوفها فى التلفزيونات او الى بتقوله الناس مصر ام الطيبه والجدعنه والخير وسيبكم من موضوع الحضاره لان للاسف دا عدى زمنه من زمان قوى وانا مش من الناس الى بتحب تتكلم فى حاجه ربنا يعوض عليها كتير انا الى شايفه دلوقت ان المجتمع والناس بقيت بكل اسف مصلحة ثم مصلحة ثم مصلحة نفسى طبعا ناس هتقولى انت شايف نفسك يعنى انت الى فيهم هقوله لا طبعا لانى انا كمان اكيد واحد من الناس الى موجوده فى وسط المجتمع بس يمكن انا من وسط الناس الى بتاخد على دماغها المهم انا الى شايفه ان محدش دلوقتى بقى بيحب مبدأ المساعده او الحب طبعا مش حب ولد وبنت الى بقى دلوقت ضحك على الدقون الولد بيضحك على البنت والبنت مش عارف مصدقه ولا بتحاول تصدق للفراغ العاطفى الى حاصل عندها او ان الولد يكون معاه حبتين فلوس فمبدأ يالا هى الدنيا مصالح انما الى اقصده حب الناس لبعض الى للاسف حتى انا شخصيا مش لاقيه دلوقت الاهل بيهربوا من العنصر الفقير او الى مستواه مش قدهم حتى لو كانوا اخوات مش خال ولا عم ولا ابن عمه ولا خال حتى لو كان فى يوم من الايام انت شيلت من ايدك وايديته للناس دى والسبب بيخافوا لحسن الفقير دا او الى معندوش بوزيشن عالى دا يضر شكلهم العام وفى نفس الوقت حتى المساعده محرمه عليه دا ميسواش طالما ممعهوش ودا حاجه مكنتش فى مجتمعنا كانت كل الناس بتحب بعض الجار والاهل والغريب قبل القريب دلوقت ممكن يكون الغريب احسنلك مش قوى يعنى بس احسنلك من اهلك على الاقل لما تيجلك ضربه منه هتقول اه دا مش من دمى ولحمى اما بقى بخصوص المستقبل والحياه العمليه فحدث ولا حرج دلوقتى لازم تكون معاك ماديات كبيره جدا وشبكة علاقات رهيبه عشان تعرف تعيش صح وسط المجتمع لكن غير كده وبداية من الصفر فرصتك موجوده صحيح انما هتشوف ايام سوده لان محدش هيبقى عايزك تكبر كله عاوزك صفر على الشمال وهيحاول يدمرك كل ماتكبر خطوه ودى طبعا مصيبه تانيه الناس قلوبها بقيت حجاره مش بتشوف الى بدأ من الصفر بيعانى قد ايه مرمطه وبهدله

المجتمع دلوقت بقيت نظرته لكل حاجه نظره ماديه كده ليه وليه اختفاء الحب بين الناس ليه الظلم وبعد الناس عن بعض ياريت كل واحد يقول وجهة نظره اكمل كلامى بقى

ممكن يكون فى حد انت فاكره صاحبك او واحد من الاهل زى ماقولت وقاعد ينصح فيك واعمل كذا وكذا وانا معاك وان شاء الله لو فى ايدى هساعدك ووقت الجد (بالسلامه السلامه ياحبيب قلبى) على راى سميره سعيد انا معرفكش واو يتحجج والله دا حصل كذا او كذا يعنى

وممكن كمان يحاول يتمنظر عليك ويتهمك بالفشل ويوجعك بكلامه وحركاته ونظراته حتى لو من دمك او من الناس الى بتعتبرهم هما مصدر قوتك فى الدنيا ومحدش هيعيش لوحده يعنى لازم يكون معاه حد يتسند عليه حتى على الاقل وقت ضعفه يشتكى همه ليه لو ملقيش دا تعتقدوا ايه النتيجه برضو هنتظر تعقيبكم على النقطه دى .

تعتقدوا لما واحد يحاول انو يتطور ويحاول بعمل حاجه زى الى عاوز يدرس تانى او يطور نفسه بدورات ولغات ويكتشف ان كل حاجه بمبالغ محترمه عشان ياخد طريق صحيح وهو اصلا بيحاول ياخد دا عشان يتطور ويبنى مستقبل ينفع بيه نفسه ومجتمعه وياخد بيه خبرات فى الدنيا هيعمل ليه اخر مايزهق ويطفش لانو مش قادر يبنى مستقبله خصوصا الناس البعيده عن الاماكن الى بتدى منح وخلافه الى هى اصلا احيانا مشترطه حاجات تعجز او مش بتكفى الناس عشان محدش يقولى فى منظمات وهيئات بتساعد فى الكلام دا لان كمان فى كتير منها بيمشى برضه ببركة الناس الى معاه يعنى يبقى معاه وياخد حاجة الى ممعهوش او يتمرمط لحد ماحد يتعطف عليه ويساعده عشان الموضوع دا وطبعا دا بيشمل كل حاجه كل حاجه فى مجتمعنا زى التعليم الى كل سنه عامل ازمه وايام الامتحانات الطالب اتممقت عينه وعمل كل الى يقدر عليه وجاب مجموع خرافى وبرضو بيعقدوقها ليه لو معاه هيدرس بره او فى اماكن تانى منها تعليم

مش هنسى ابدا لما واحد قالى شاف واحد كان مقدم فى (الثانويه الجويه) فمش عارف العسكرى ولا مين ساله وسطتك مين قاله ربنا

قاله وصدقونى دا على حد ماسمعت (خليه ينفعك)و لاحول ولاقوة الا بالله حتى ربنا مبقيش باقى فارق عندهم

صحيح ومنها راحه المهم احنا سيبنا من المشاكل الاقتصاديه انا بس بدى امثله على حاجات عشان يبقى موضوعى واضح

الناس الى عندها مواهب ومش لاقيه حد واتنططت فى كل مكان واتمرمطت اخر ماتزهق هتعمل ايه مجالات بشكل عام ولناخز على ذلك الناس الى بتخترع كل يوم حاجات وارمى ولا يعرفوهم او باقى المواهب الى بجد مواهب ومش لاقيه طريقها وغيره من الى ممكن ميكونش عنده موهبه اصلا بيعدى عشان معاه الى يساعده ومعاه متطلبات العصر الى طبعا انتم عارفنيها

فى النهايه واخر مالواحد يزهق وحتى يفكر يهاجر يلاقى نفسه قدوامه عقده تانى التكاليف قال يعنى هى ناقصه وهو لو كان الواحد لقى فى بلده ناس تساعده كان هيفكر فى هجره وتعب وشقى فى مكان تانى طبعا مش معنى كده انى مع الناس الى بتهاجر بطريقه غير شرعيه لانو مش ضامن اى حاجه وممكن ميقدرش يعمل اى حاجه

قال تعالى :-

فَامْشُوا فِي مَنَاكِبِهَا وَكُلُوا مِنْ رِزْقِهِ)الملك :

قال تعالى : ( إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ

فِي الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُولَئِكَ مَأْوَاهُمْ جَهَنَّمُ وَسَاءَتْ مَصِيراً )سورة النساء/97 .

قال القرطبي – رحمه الله - :

والمراد بقوله ( ألم تكن أرض الله واسعة ) : المدينة ، أي : ألم تكونوا متمكنين قادرين على الهجرة والتباعد ممن كان يستضعفكم ؟ وفي هذه الآية دليل على هجران الأرض التي يُعمل فيها بالمعاصي .

" تفسير القرطبي " ( 5 / 346 ) .

وهنا بقي زى هناك الاختلاف مش كبير من ناحية المعاصى بس هنا

دا كلام ربنا لكن دلوقت حتى دى بقيت صعبه والهجره بقيت للى ممكن ميكونش محتاجها لمجرد انو معاه الى يقدر يهاجر بيه طبعا فى ناس بتهاجر لاسباب تانى منهم الى عاوز يكبر ومنهم الى حس بالظلم وغيره وطبعا انا مش بتكلم فى النقطه دى عشان ممكن البعض يزعل منى لكن انا اقصد الشباب او الناس الى تعبت وبتدور على الرزق فى حاجه يحسوا انهم يقدروا يعملوا منها حاجه

وش معنى كده انى مع الى يقعد ويقول انا هستنى لحد الفرصه المناسبه وغيره من الكلام دا لازم يحاول على قد مايقدر بس دا مجرد تعبير وتحت المناقشه

فى انتظار التفاعل

على فكره انا ولا رضيت اجيب سيرة حكومات ولا غيره عشان بس نبص للجوانب التانيه الى مش بنتكلم فيها كتير

تم تعديل 9 سبتمبر 2008 بواسطة Mohammad
إضافة الجملة الاخيرة والتى وضعها الكاتب فى مداخلة منفصلة

[احمد مطر]

كنت اتمنى انى اجد صدى للمناقشه دى من الناس هنا لانى احب ان اسمع وجهات النظر ممكن اكون انا على غلط او دى مش حاله عامه زى مانا شايف بس واضح ان الناس اتخنقت من موضوعى عموما انا سعيد بوجود موضوعى دا على منتدى زى هنا

[ozoozo]

فعلا انا معاك

[احمد مطر]

ياترى معايا فى اى من دول فى المشاركه الاولى ولا الثانيه ان الناس لازم تتكلم