انت ملكشى اى لازمة!!!

[~Heba~]

لكل عضو فى المحاورات

انت ملكشى اى لازمة؟؟؟

متفهموش غلط

لازمة هنا معناها كلمة او حركة بتعملها باستمرار و مميزة ليك و بتظهر بالذات لما بتتكلم وسط جمع من الناس

فيه ناس اللازمة بتاعتها هى تحريك اليد و بعضهم لازمتة العض على الشفاه و فيه ناس لازمتهم هز رجليهم.....بيقولوا دى لازمة العباقرة :lol:

و فيه طبعا لازمات كلامية زى كلمة "تمام" او كلمة "انت فاهمنى"

و فيه ناس تانية تقول كلمة " ياحبيبى" باستمرار فتعتبر لازمة ايضا

يا ترى بقى انتوا ايه لازمتكم

انا عن نفسى مليش اى لازمة

[MZohairy]

اعض السيجار بسناني :lol:

[Egy Guy]

موضوع طريف ودمه خفيف بس المشكلة انا العنوان خضني في الاول علي اي حال انا لازمتي اني بلعب في شعري طول مفكر أو اكون مركز في حاجة ودي حاجة بضايقني وده بيضايقني

[~Heba~]

اعض السيجار بسناني :sad:

:phar:

هو انت بتدخن

و يهون عليك لؤى و اخواته يا ابو لؤى

عموما هما المدخنين كلهم عندهم لازمة السيجارة حتى لو الواحد فيهم توقف عن التدخين بتنتابه حالة كده و بيعمل صوابعه زى ما يكون ماسك سيجارة و احيانا يمسك قلم مكان السيجارة و يعمل نفس اللى كان بيعمله لما كان بيدخن<<انما لازمة عض السيجارة هى دى اللى جديدة :lol:

موضوع طريف ودمه خفيف بس المشكلة انا العنوان خضني في الاول علي اي حال انا لازمتي اني بلعب في شعري طول مفكر أو اكون مركز في حاجة ودي حاجة بضايقني وده بيضايقني

سلامتك من الخضة mf-:

هوالحقيقة ان اغلبنا ملوش لازمة فى الحياة يعنى ملوش فايدة و لو عملنا فلترة للناس اللى ليهم لازمة و اللى ملهمش انا اول واحدة حتنزل فى الفلترة دى مش بقولك...انا مليش اى لازمة

ظريفة اوى لازمة اللعب فى الشعر دى بس الخوف ان تسبب تساقط الشعر :lol:

تم تعديل 16 أغسطس 2008 بواسطة ~Heba~

[MZohairy]

يا بنتي السيجااااااااار

مش السيجاره

هو في واحد كلاس يعض سيجاره؟ :lol:

[~Heba~]

يا بنتي السيجااااااااار

مش السيجاره

هو في واحد كلاس يعض سيجاره؟ :lol:

mf-:

سورى....سامحوه مكنشى قصده

السيجار دا هو اللى شبه العسلية :phar:

[ELSHAMY]

واحد قريبى عنده لازمة أنه أثناء الكلام يكرر جملة "واخد بالك انت" بين كل جملة و التانية يكررها بلا ملل.....لدرجة انه بيجيب لى صداع و بيكون نفسى يسكت بأى تمن...

ساعات كتير بأسرح منه أثناء الكلام....عارفين بأسرح فى أيه ؟ بأعد عدد مرت تكرار جملة "واخد بالك انت" و بأنسى كان بيتكلم فى ايه...

"واخدة بالك انتى يا هبة" ؟

[~Heba~]

"واخدة بالك انتى يا هبة" ؟

شووووووووور واخدة بالى :lol:

واخدة بالى اوى

اكيد قريبك ده دكتور بيحاضر فى الجامعه اصل هما اكتر ناس لهم لازمات :phar: و خاصة لازمة "واخد بالك انت"

دكتور الشامى مقلتلناش لازمتك انت ايه mf-:

[ELSHAMY]

"واخدة بالك انتى يا هبة" ؟

شووووووووور واخدة بالى :lol:

واخدة بالى اوى

اكيد قريبك ده دكتور بيحاضر فى الجامعه اصل هما اكتر ناس لهم لازمات :lol: و خاصة لازمة "واخد بالك انت"

دكتور الشامى مقلتلناش لازمتك انت ايه mf-:

حاولت ألاقيلى أى لازمة ...ما لقيتش... :phar:

يمكن حد من اللى يعرفونى يقول اذا كان لى لازمة ولا لأ.... :sad:

[لولا]

ايه يا هبه الدماااااااااااااااااااااااااااااااغ العاليه دى :blush2:

انا شفت الموضوع قلت حتما ولابد ندخل نسلم على هبه حببتنا

ونفضح نفسنا عندها شويه اهو بالناقص فضايح :closedeyes:

بصى يا ستى هو صعب شويه الواحد يعرف بالضبط ايه اللا زمه اللى عنده

لكن انا بلاحظ ان اكتر كلمه ديما بقولها لما ببقى بتكلم فى موضوع

مع حد : انت مش فاهم البوينت

او : لأ مش هى دى البوينت

او: مش قصدى البوينت دى

يعنى كلمه (بوينت) ودا طبعا سببه الكلام المتلخبط عربى على انجليزى

فتلاقى الواحد بيدخل الكلام فى بعض.

وبس هى دى البوينت اللى كنت عايزه اوضحها :closedeyes:

[الباشدكتور]

حلو الموضوع ده اوي

انا اللازمة بتاعتي هيا عدلة النضارة ( من الجنب مش من فوق مناخيري)

و كمان بعض علي شفايفي لما ابقي مركز اوي

بس ماليش لازمة في كلامي

كان ليا بقي لازمة في تفكيري بس بطلتها اني لو ماشي علي الرصيف بحب امشي علي البلاط الاحمر واسيب البلاط الاصفر او اني ادوس علي بلاطة واسيب بلاطتين ( بس بشكل عادي غير ملفت للنظر )

و كمان اني لو سايق بقعد ابص علي علي نمر العربيات و اجيب علاقات رياضية بينها ( يعني مثلا العربية دي كل رقمين فيها بيدونا رقم من مضاعفات ال3 وكده يعني لغاية ما بصدع)

[ELSHAMY]

الباشدكتور فكرنى بلزمة مش قادر أتخلص منها حتى الأن....

بس مش عايز حد يضحك...

كل ما أشوف مطب و أنا سايق العربية أضرب له كلاكس.... :hi:

[~Heba~]

ايه يا هبه الدماااااااااااااااااااااااااااااااغ العاليه دى

انا شفت الموضوع قلت حتما ولابد ندخل نسلم على هبه حببتنا

ونفضح نفسنا عندها شويه اهو بالناقص فضايح

بصى يا ستى هو صعب شويه الواحد يعرف بالضبط ايه اللا زمه اللى عنده

لكن انا بلاحظ ان اكتر كلمه ديما بقولها لما ببقى بتكلم فى موضوع

مع حد : انت مش فاهم البوينت

او : لأ مش هى دى البوينت

او: مش قصدى البوينت دى

يعنى كلمه (بوينت) ودا طبعا سببه الكلام المتلخبط عربى على انجليزى

فتلاقى الواحد بيدخل الكلام فى بعض.

وبس هى دى البوينت اللى كنت عايزه اوضحها :hi:

يا بوينتاتك يا لولا B) ...و الله مفاجأة

انتى آخر واحدة اتوقع لها لازمة....لا و بالانجلش كمان smk:

يمكن عشان اللى عندهم النزعة الادبية فكرهم متجدد باستمرار و مش بيثبتوا على حاجة معينة

حلو الموضوع ده اوي

انا اللازمة بتاعتي هيا عدلة النضارة ( من الجنب مش من فوق مناخيري)

و كمان بعض علي شفايفي لما ابقي مركز اوي

بس ماليش لازمة في كلامي

كان ليا بقي لازمة في تفكيري بس بطلتها اني لو ماشي علي الرصيف بحب امشي علي البلاط الاحمر واسيب البلاط الاصفر او اني ادوس علي بلاطة واسيب بلاطتين ( بس بشكل عادي غير ملفت للنظر )

و كمان اني لو سايق بقعد ابص علي علي نمر العربيات و اجيب علاقات رياضية بينها ( يعني مثلا العربية دي كل رقمين فيها بيدونا رقم من مضاعفات ال3 وكده يعني لغاية ما بصدع)

الحلا فالك يا باشدكتور :hi:

هما الدكاترة اكيد لهم لازمة النضارة دى

انا زمان قبل ما اعمل عملية الليزر كنت بلبس نضارة و لى لازمة زى بتاعتك فيها و كنت بتحصلى مواقف محرجة خالص

لانى كنت بعملها و انا فى المدرسة مثلا و الاستاذ بيسألنى و انا مندمجة فى الاجابة و بعملها و ابص الاقى الاستاذ بيبتسم :D و هو مش عايز يحرجنى و يسألنى بتعملى كده ليه...لانى كنت شاطرة و بجاوب wst::

الباشدكتور فكرنى بلزمة مش قادر أتخلص منها حتى الأن....

بس مش عايز حد يضحك...

كل ما أشوف مطب و أنا سايق العربية أضرب له كلاكس....

ايوة كده

مش معقول الدكتور الشامى ملوش لازمة :hi:

لازمة ظريفة اوى و الله

مسكين اوى المطب هو ماله طيب بتضرب له كلاكس :D

تم تعديل 17 أغسطس 2008 بواسطة ~Heba~

[شاب مصري]

أنا دايما بيكون عندي لزمة في الكلام وتلقائيا-لا شعوريا- بتتغير كل 6-8 شهور

احيانا موقف أو شخص يفكرني بلزمة في الكلام كانت عندي من سنتين تلاتة وبابقا ناسيها خالص واحس اني خاين للزمة :unsure:

من اللزمات اللي كانت عندي : (انت فاهم ازاي؟) (كله بيطلع في الغسيل) (......حذف بمعرفة الرقابة........) (........حذف بمعرفة الرقابة........)

وغيره وغيره

[nana]

لكل عضو فى المحاورات

انت ملكشى اى لازمة؟؟؟

متفهموش غلط

لازمة هنا معناها كلمة او حركة بتعملها باستمرار و مميزة ليك و بتظهر بالذات لما بتتكلم وسط جمع من الناس

فيه ناس اللازمة بتاعتها هى تحريك اليد و بعضهم لازمتة العض على الشفاه و فيه ناس لازمتهم هز رجليهم.....بيقولوا دى لازمة العباقرة :lol:

و فيه طبعا لازمات كلامية زى كلمة "تمام" او كلمة "انت فاهمنى"

و فيه ناس تانية تقول كلمة " ياحبيبى" باستمرار فتعتبر لازمة ايضا

يا ترى بقى انتوا ايه لازمتكم

انا عن نفسى مليش اى لازمة

الحقيقه انا ليه لازمتين واحده كانت عندى من وانا طفله وهى هز الرجلين ولسه موجوده

التانيه دى ظهرت وانا فى الكليه وهى شد انفى وانا بذاكر او حاليا لما بفكر وانا اقرا اى موضوع وبعتقد انها كلها تنفيس عن توترات داخليه :sad: md2:

[التونسى]

انا بصراحه مليش اى لازمه :lol:

يعنى قصدى لازمه كلاميه :lol:

انما انا لازمتى حركيه .. يعنى لما بتناقش مع حد بستخدم ايدى .. الى جانب انى برفع حواجبى الاتنين دايما .. وانا مكنتش واخد بالى من حتة الحواجب دى .. لحد ما واحد ابن حلال لاحظها فيا وكنت محرج قوى بصراحه :sad: ..

على فكره فى الغرب وخصوصا الدول الاوربيه مش مستحب ان الواحد يستخدم ايده عند الكلام مع حد.. وخصوصا لو الواحد قرب ايده من وش اللى قدامه زى ما كتير بعمل لما بتكلم او بتناقش مع حد عن موضوع ما بحماسه وانفعال :lol:

شكرا على الموضوع اللذيذ md2:

[عنبو]

اولا السلام عليكم ورحمة الله وبركاته انا شخصيا عجبنى الموضوع اقوى انا ليا لزمتين مش لازمه واحده بص طبعا عندى اكثر من جزمه

الازمه الاولى وهى حركيه انا باستمرار بحرك رجيليى سواء بتكلم او اقاعد حتى وانا ماشى بحرك رجليى غريبه دى ؟؟

والتانيه كلاميه وهى كلمة مثلا لدرجة انى كنت بعمل مقابله فى شركة ادويه وكررت كلمة مثلا اكثر من 50 مره ده على كلام الدكتور اللى كان بيمتحنى وده كانت اول مره اكتشف انى عندى لازمه

[~Heba~]

أنا دايما بيكون عندي لزمة في الكلام وتلقائيا-لا شعوريا- بتتغير كل 6-8 شهور

احيانا موقف أو شخص يفكرني بلزمة في الكلام كانت عندي من سنتين تلاتة وبابقا ناسيها خالص واحس اني خاين للزمة

من اللزمات اللي كانت عندي : (انت فاهم ازاي؟) (كله بيطلع في الغسيل) (......حذف بمعرفة الرقابة........) (........حذف بمعرفة الرقابة........)

وغيره وغيره

حذف بمعرفة الرقابة<<<هى دى اللازمة و الا فيه كلمة حذفت بمعرفة الرقابة فعلا :happy:

انت فاهم ازاى...دى ناس كتير بتقولها و زيها كمان "فاهمنى" wst::

الحقيقه انا ليه لازمتين واحده كانت عندى من وانا طفله وهى هز الرجلين ولسه موجوده

التانيه دى ظهرت وانا فى الكليه وهى شد انفى وانا بذاكر او حاليا لما بفكر وانا اقرا اى موضوع وبعتقد انها كلها تنفيس عن توترات داخليه :unsure:

و بيقولوا كمان انها لازمة العباقرة :blush2:

عشان فيه ناس يعنى لما تفكر لازم تحرك حاجة فى جسمها الايدين او الرجلين كدة يعنى

[~Heba~]

انا بصراحه مليش اى لازمه smk:

يعنى قصدى لازمه كلاميه

انما انا لازمتى حركيه .. يعنى لما بتناقش مع حد بستخدم ايدى .. الى جانب انى برفع حواجبى الاتنين دايما .. وانا مكنتش واخد بالى من حتة الحواجب دى .. لحد ما واحد ابن حلال لاحظها فيا وكنت محرج قوى بصراحه wst:: ..

دى لازمة جامدة...انت كدة بتهدده :D

على فكره فى الغرب وخصوصا الدول الاوربيه مش مستحب ان الواحد يستخدم ايده عند الكلام مع حد.. وخصوصا لو الواحد قرب ايده من وش اللى قدامه زى ما كتير بعمل لما بتكلم او بتناقش مع حد عن موضوع ما بحماسه وانفعال smk:

شكرا على الموضوع اللذيذ :unsure:

على حد علمى ان الـ body language مهمة و مستحبة و ان كانت لا ارادية فى اغلب الاحوال لكنها بتوصل جزء كبير من الفكرة بدلالة اننا لو بنسمع حد من غير ما نشوفه و لا نشوف تعبيرات وجهه ممكن منفهمش هو عايز ايه بالضبط ممكن يكون بيكلم بحزن مثلا و مش باين فى نبرة صوته اوى

او قلقان و مش باين فى كلامه بشكل واضح

و العفو يا شاعرنا و الف شكر لك على المرور الكريم و اضافتك الجميلة

اولا السلام عليكم ورحمة الله وبركاته انا شخصيا عجبنى الموضوع اقوى انا ليا لزمتين مش لازمه واحده بص طبعا عندى اكثر من جزمه

الازمه الاولى وهى حركيه انا باستمرار بحرك رجيليى سواء بتكلم او اقاعد حتى وانا ماشى بحرك رجليى غريبه دى ؟؟

والتانيه كلاميه وهى كلمة مثلا لدرجة انى كنت بعمل مقابله فى شركة ادويه وكررت كلمة مثلا اكثر من 50 مره ده على كلام الدكتور اللى كان بيمتحنى وده كانت اول مره اكتشف انى عندى لازمه

و عليكم السلام و رحمة الله و بركاته

منور يا استاذ محمد>>و ايه حكاية الجزم دى :happy:

حضرتك قلت حاجة مهمة جدا

عن المقابلات و انها بتكشف اللازمات

ليه بقى نفسى اعرف

هل من القلق و كثرة الضغط و اننا بنحمل هم نقول ايه فتقوم الكلمات او الحركات اللاارادية تطلع غصب عننا

مرة فى دورة تدريبية وكان الدكتور بيكلمنا عن اللزمات دية و يقولنا لو حتواجه الناس يعنى تعمل كمحاضر او تعمل عرض لعملاء فى شركة حاول بقدر الامكان تتخلص من اللزمات

بس بصراحة مفهمتش ليه....عشان بتضحك الناس علينا smk:

طب ما هى ممكن تقوم بدور مهم و هو لفت الانتباه صح و الا لأ :blush2:

تم تعديل 5 مايو 2009 بواسطة ~Heba~

[fatfouta]

جميل اوى الموضوع ده يا هبة والله انتى عليكى افكاااار

بصى عارفة انا زمان كان عندى لزمة انى كل شوية ازيح شعرى من على عينى وحتى ساعات كنت اعمل الحركة دى ومايكونش شعرى نازل على عينى

وكانوا صحابى يقعدوا يقلدونى يضحكوا

بس دلوقتى يا اختى خلاص بقى بعد الحجاب وكده ماباقش عندى اى لزمة