كلية المنسقين و مهنة المنسق

[crossfield]

و يمكن الالتحاق بتقديم طلب مشفوعا بمبلغ 4000 دولار امريكي على سبيل التبرع

ادى مجانية التعليم و الا بلاش

و شراء كتاب "التحقيق في اصول التنسيق و الترويق" لطفشان الطفشان، و هو متوافر على Amazon و سعره 300 دولار فقط

طيب مفيش ملازم ؟ حاجة كده تفك الزنقة فى الامتحانات؟ مفيش براشيم جاهزة؟ :lol:

و تمنح الاكاديمية درجة "منسق أول" الى "منسق سوبر"

كما ان برامج الدراسات العليا تتضمن "منسق A1" و "منسق مخصوص"

ما الاقيش عندكم لقب" منسق كرسى"؟ :D

لا ياعم طفشان بناقص

عرض الأستاذ هشام أوقع.

[Lancelot]

لو بتدرس عند هشام أو الطفشان .... لانس يساعدك لو تعبان ....

مركز لانس لمجموعات التقوية

بشري لكل طلبة معاهد و كليات و أكاديميات التنسيق ... مجموعات خاصة بأسعار زهيدة (20 دولار في الحصة) ... مع أفضل المدرسيين ... إتصل الآن 19719 "سعر الدقيقة 25 قرش" ..... إحجز قبل نفاذ الأماكن ....

نقبل شيكات .. بطاقات إئتمان ... يورو ...

إتصل الآن .... "وش بنت حلوة لزوم الإعلان" ...

[ragab2]

كتب لانسلوت

بطلوا نق 

حد قالك ماتذاكرش وتجيب مجموع 

ما هو لو الموضوع موضع مجموع كانت اتحلت ،،،

هذا

اتهام مبطن بانتشار الكوسة فى المنتدى

[هشام عبد الوهاب]

يخرب عقلك يالانس موتنى م الضحك

[هشام عبد الوهاب]

ما هو لو الموضوع موضع مجموع كانت اتحلت

المجموع مش كفاية لازم تجيبوا درجة كبيرة جدا فى امتحان القدرات والتخصص . ( وش بيضحك بخبث )

دكتور رجب الموضوع كله دمه خفيف ومجرد مزاح ولا فيه كوسه ولا باميه .

[Farah]

ياجماعه مايغركوش الناس الفطاحل دول--حيخدوا فلوسكوا ويمشوا

انا عملت لينك الصحاف للممنسقين بس عشان تدخل علي الينك ده ارسل رقم VISA او اي CREDIT CARDعشان نكمل المعلومات الشخصيه وساعتها مش ح تحتاج الي اي مساعده

دا انت معاك الصحاف للمنسقين

[Lancelot]

كتب لانسلوت

بطلوا نق 

حد قالك ماتذاكرش وتجيب مجموع 

ما هو لو الموضوع موضع مجموع كانت اتحلت ،،،

هذا

اتهام مبطن بانتشار الكوسة فى المنتدى

يا أستاذ رجب .... أنا لم أقل هذا ....

يخرب عقلك يالانس موتنى م الضحك

يا باشا .. أهو الواحد بيشوف رزقه .... و أهو حضرتك و الأستاذ طفشان أستاذتنا و إحنا بنتعلم منكم ... إنت بس باصي لي الطلبة اللي مش و لا بد و أنا هأشد لك حيلهم علي الأخر و أعمل لك خصم حلو أوي علي كل رأس .... أي خدمة ....

[freefreer]

احجز نسختك من الآن .. سيطرح فى جميع المكتبات بعد ايام .. سلسلة فرى فرير للنجاح فى التنسيق بدون بكش و لا تزويق .. السلسلة التى ساعدت الاف المنسقين فى امتحانات التنسيق الرهيبة ..

نماذج للأسئلة و الأجوبة .. الأمتحانات فى الدول العربية و العالم فى ال 3 سنوات الأخيرة .. مع نماذج للأجابات النموذجية الموضوعة بواسطة أكبر المنسقين فى العالم .. مصححة و منقحة بوسطة السيد فرى فرير شخصيا ..

اجعل لمستقبلك طعم جديد .. الذ ..الذ ..الذ ..الذ ..

[mnman]

تعلن جامعة منمان عن قبول طلبات التحاق راسبي الاعدادية بكلية المنسقين قسم منتديات... شروط و اوراق الالتحاق:

1- ان يكون راسب اعدادية و ناجح بس في اللغة الانجليزية (لزوم الفشخرة).

2- عدد 3 فيش وتشبيه من محافظات مختلفة.

3- عدد 2 صورة شمسية خلفية رمادي علي كحلي.

4 - ان يكون متفرغ تفرغ مش كامل قوي.

5- ان يكون ملم بجميع شئون العمارة والبناء و ذلك لبناء وتحسين المنتدي.

ترسل طلبات الالتحاق علي 5 شارع الفقر حشمة ... عناية الاستاذ / حودة طوبة....

عندنا منسقين عادة وسوبر و مطلوب,,,,,,,,,,,,,

[crossfield]

عندنا منسقين عادة وسوبر و مطلوب,,,,,,,,,,,,,

و منسقين عادة و كمالة :lol:

[Lancelot]

العالم ها تقطع بعضهااااااا يا ابو حميييييييييد

"وش مش فاهم حاجا خالص يعني"

و الله عندك حق يا شعنونة .... السوق مبأتش بترحم ... المنافسة علي أشدها .....

لكن من أبو حميييييييييد .....

[ragab2]

كتب لانسلوت  

اقتباس:  

بطلوا نق  

حد قالك ماتذاكرش وتجيب مجموع  

ما هو لو الموضوع موضع مجموع كانت اتحلت ،،،  

 

هذا  

اتهام مبطن بانتشار الكوسة فى المنتدى  

يا أستاذ رجب .... أنا لم أقل هذا ....

خلاص

عشان خاطرك وخاطر الأستاذ هشام .. براءة

ولا يهمك

انت تؤمر

[الطفشان]

احنا فينا من التقطيع؟

طيب

ان ما كنت اعمل المرجع "سلاح التلميذ في التسيق اللذيذ"

و حتروح عليكوا كلكوا

مش كان احسن نقسم؟

[هشام عبد الوهاب]

بعد ايه ياحبيبى جاى تقول نقسم .. مانت كنت عاوز تهف الطورطة كلها لوحدك ...

عاوز تقسم ماشى .....هاديلك الربع ( وش شيطان بيضحك )

[mnman]

الان مع الباعة: كتاب الطلبة المتفوقين

قواعد التنسيق ألي متعرفوش لمنمان بن كعموش.

[الطفشان]

طب ماشي

هو نظام عليا و على اعدائي؟

طب خد دي:

و لا سلاح التلميذ و لا الطلبة المتفوقين

انا عندي نماذج الامتحانات بالاجوبة!

[DARWEEN]

هو الواحد كل مايغيب يومين يرجع يلاقيكم بتقسموا لوحدكم

وش واحد بيتخانق مع طوب الأرض

طيب والله لو ماأخدت حصتي بالتمام والكمال ماحد منكوا شغال..

داروين العتيق في أصول التنسيق

لا أمتحان ولا غيره وخليك في الأمان

أتصل بداروين الآن وأحصل على شهادة تنسيق دولية معتمدة بدون أي مجهود وقابلة للتوريث للأبناء

وش واحد فرحان فيكم

[DARWEEN]

أستدراك

سقط سهوا أن الرسوم يتم سدادها نقدا أو عينيا ..

نقبل كل وسائل السداد ... وبالتقسيط المريح ودون أجراءات بنكيه

وش واحد مطلع لسانين

[freefreer]

للرفع .. (لتناسق) الموضوع من الأحداث الجارية على الساحة المنتدية

[tiger1411]

الاخوه الاعزاء

طبعا لم يكن من المعقول ترك المسأله للخناق والمنافسه غير

المتكافئه

والى جميع راغبى الالتحاق ازف البشرى التاليه فقد اتفق الطفشان

وهشام وداروين ومنمان ولانسلوت وفرى فرى وكل من سيظهر فى

السوق مستقبلا على تكوين شركه مساهمه مغلقه لتسويق شهادات

وكتب ودروس التنسيق واسمها " العربيه المتحده لتسويق التنسيق"

وقد قلبت انا شخصيا بعد الحاح شديد منهم جميعا ان اكون المفوض

العام على الشركه ووكيلا عنهم جميعا فى الاداره والشؤؤن الماليه

(وخصوصا الشؤؤن الماليه) وبناء عليه ولعدم تشتيت الساده الافاضل

الزبائن -عفوا الاعضاء- وتسهيلا لحصولهم على ما يريدون

من شهادات ومراجع فقد وحدنا جهة التعامل وهى الان العبد لله

وعلى من يريد الحصول على اى شهاده او ماده الدفع نقدا او

بالتقسيط على رقم حسابى بالبنك(سيتم موافاتكم به لاحقا) وسوف

نرسل له مايريد بالبريد السريع بعد ارسال ايصال الايداع بالبنك

شعارنا

"معانا التنسيق المشوى ،، التنسيق فى يد الجميع"

والسلام عليكم ورحمة الله

وش واحد بيصفق تصفيق حاد