لمن يجرؤ فقط....إعرف نفسك

[MONIMOON]

جبت لكم شوية أسئلة لكن محتاجة جرأة وصراحة و وضوح....

كون صادق مع نفسك وجاوب من غير خجل او كذب...

وأبدأ بالاسئلة وهي......

1_ ما هو إسمك و سنك الحقيقي؟؟

2_ هل قولت احبك بشخص أعجبك ورفض حبك؟؟

3_ ما هو اكثر موقف محرج تعرضت له؟؟

4_ لمن تقول كلمة (أسف)؟ ولماذا ؟؟

5_ ما هي أكبر كدبة في حياتك؟؟

6_ ما الذي تتمناه وأنت تعلم أنه لن يتحقق؟؟

7_ هل طلب منك أحد المساعدة ولكنك أهملته؟؟

8_ هل حبك يجعلك تتغاضي عن عيوب حبيبك؟؟

9_ متي تكون المرأة غير محتملة؟؟....والرجل غير محتمل؟؟ من وجهة نظرك

10_ قمة الحزن..(أن تعشق ما ليس لك).....قمة التحدي..(أن تبتسم وفي عينيك ألف دمعة)....متي تعرضت لهذا الموقف؟؟

11_ما هو رد فعلك أمام ( الخيانة...الكذب...الغيرة)؟؟

12_ هل شعرت بالخجل أمام ربك؟؟ و لماذا؟؟

13_ما عيوبك التي لا تستطيع معالجتها؟؟

14_ هل يمكنك التسامح في الخيانة..أم..الظلم؟؟ و لماذا؟؟

15_ هل شعرت بالغيرة من أعز أصدقائك ذات مرة؟؟

16_ ضع كلمة واحدة فقط تعبر بها عن شخصيتك؟؟

17_ هل خدعت أو خنت أحد أصدقائك أو حبيب لك؟؟

18_ هل حاولت الانتحار من قبل؟؟ ولو نعم..فالماذا؟؟

19_ للشباب......هل شعرت بإنجذاب تجاه حبيبة أحد أصدقائك؟؟

للبنات.........هل حاولتي أن تقومي بلفت انتباه شاب أعجبك؟؟ و كيف؟؟

20_ هل انت راض عن نفسك وعن أفعالك مئة بالمئة؟؟و هل أنت صادق في كل ما قلته الان؟؟

وشكراااااااااااا واتمني الموضوع يعجبكم

بس ياريت تكون الاجابات بمنتهي الصراحة

[ELSHAMY]

الأخت العزيزة MONIMOON

اسئلتك دى عينة من اسئلة يوم الحساب......صعب الواحد يتعرى أما البشر بهذا الشكل.....ربنا سبحانه و تعالى و رسوله الكريم صلى الله عليه وسلم أمرونا أن نستر على أنفسنا ان وقعنا فى أى خطأ أو زلل....ووعدنا أن يستر علينا ان نحن فعلنا ذلك منعا لأنتشار الفواحش...

لذلك سؤالى : و ما الفائدة من معرفة الاجابات و نشرها فى المنتدى ؟....أعتقد الأوقع هو أن يجيب كل منا عليها بينه و بين نفسه....اجابات صريحة....وكل واحد أدرى بما فعل.....و النتيجة حتكون حاجة من اتنين....انه يجد أعمال خير كتيرة و مواقف مشرفة و طاعات فيحمد الله و يدعوه بالتوفيق للمزيد.....أو يجد عكس ذلك فيحمد الله على ان ربنا ستر عليه فيما مضى و يدعوه أن يصلح له ما هو أت.

شكرا لك على هذه التذكرة....

[MONIMOON]

اولا. انا بشكرك علي مرورك

ثا نيا. دي مجرد دردشة كلام يا...الشامي

يعني لا هتودي ولا هتجيب....ومش هعلق لحد المشنقة

وقولت للي يحب يجاوب يجاوب براحته.....دي صراحة مع النفس

تحب تجاوبها مع نفسك أو معانا هنا.....دي ترجع للشخص نفسه

وألاسئلة مش محرجة للدرجة دي بالعكس.....

ودي ممكن اي حد يستفاد ويفيد الاخريين بأرائه....ودي أراء ووجهات نظر

وبرضوا أشكرك علي مرورك.....

[حسام يوسف]

ممكن أعرف الهدف اية بالظبط م الموضوع؟

تحليل نفسى مثلا؟

[MONIMOON]

أشكرك علي مرورك يا.....حسام يوسف

والموضوع مجرد صراحة مع النفس تحب تشترك فيه أو لأ دي حاجة ترجعلك

ومش تحليل نفسي ولا حاجة وزي ما قولت قبل كدة

دي صراحة مع النفس يعني لو تحب تجاوب عليه مع نفسك او تشارك الاخرين معاك

وأشكرك للمرة التانية.....

[Muhammad Zidan]

الإسم الفعلي للموضوع

يبقى لمن يجرؤ .... إفضح نفسك

دعابة طبعاً إوعي تزعلي .. لكن متهيألي مافيش حد يقد يجاوب عن كل الأسئلة ... ممكن شوية منها

ومع ذلك الموضوع جميل وخفيف

وأبدأ بإجابة الشق التاني من السؤال الأخراني والجواب النهائي ( لأ )

Muhammad Zidan

[MONIMOON]

ميرسي اوي علي مرورك يا.......محمد زيدان

والحمد لله انك الوحيد اللي شكرت شوية في الموضوع ولك جزيل الشكر

واللي يحب يجاوب اهلا وسهلا....واللي شايف ان في أسئلة شديدة يكتب تحتها لا تعليق

مش مشكلة هي يعني....

وبشكرك يا محمد للمرة التانية جدااااااااااااا......وميرسي اوي علي ذوقك والله

[somayasaleh]

الاخت العزيزة :lol:

واحدة واحدة علينا......مش كده من اول موضوع.... angl::

عارفه... فكرتيني ببرنامج بتاع مني الحسيني......(تكونيش انت؟) :sad:

الاسئله السابقه بعضها ممكن الاجابه عليه.... وبعضها يدخل في باب الحياة الشخصيه التي اعتقدانه يوجد احد يحب ان يظهر اخطاءه علي الملأ كده :ninja:

يعني ممكن نقول ....اعرف نفسك بنفسك....

كل واحد يجاوب علي الاسئلة بينه وبين نفسه بصراحة شديدة.... ثم يقييم نفسه بعد كده

بالشكل ده كل واحد يعرف ايه اخطاءه.....

انا استفدت منه بيني وبين نفسي.... جاوبت علي الاسئلة بصراحه فائقة.....وبعدين اعطيت نفسي تقييم حقيقي.....

عايزيين تعرفوا كام.........

اسفه ده حريه شخصية.

شكرا علي الموضوع :sad:

[MONIMOON]

سميةميرسي اوي علي مرورك يا .......

وما تخافيش انا مش مني الحسيني ده ياريت اوصلها

ويا سمية ....انا قولت اللي يحب يجاوب اهلا وسهلا واللي ما يحبش يكتب تحت السؤال لا تعليق

انا مش شايفة ان الموضوع صعب اوي يعني

وعلي العموم انا بشكرك جداااااااا علي مرورك الجميل