ممكن تقولنا اية الي فرحك ، فرحنا معاك!!!!!

[nora]

اشمعنا بس نشارك بعض في الي بيضايقنا منشارك بعض برضوا بأفراحنا ....

كل واحد يقول حاجة حصلتله النهرده او زمان وتكون فرحتة ونشارك بعض بفرحتنا كلنا :D :D :D

[nora]

وانا اول مشارك بركولي :D :wink:

اتعينت أخيرا

مشرفة عن معهد كمبيوتر في الجمعية النسائية الكويتية :twisted: :twisted: :twisted: :twisted:

عقد في عقد :roll: :roll: :roll:

:D :D :D

[crossfield]

ألف مبروووووووووووووك أهو كده كيدى الأعادى و عقبال ماتترقى و تمسكى الاشراف عندنا هنا فى جمعية المرأة المتوحشة :twisted:

:lol: :lol: :lol:

حالياً معنديش أخبار عدلة ؛ربنا يسهل و أقولكم خبر حلو خلال سنتين تلاتة كده :lol:

[BenNeal]

اخت نورا

ألف الف مبروك و ربنا يجعل ايامك كلها افراح.

على فكره الوظيفة دى "هدية" من ربنا سبحانه و تعالى فما تنسيش تردى الهدية بطريقة او اخرى.

[moody00x]

مبروك يا نورة

[omtmam]

الف مبروك يا نورا ربنا يفرحك دايما

بالنسبة لخبر الى فرحنى انى

حانزل مصر الشهر الجاى ادعولى بالسلامة علشان ظروفى

و بالمرة معلهش حد من الدكاترة يقولى السفر فى الحمل خطر ولا عادى

و شكرا

[linux]

و بالمرة معلهش حد من الدكاترة يقولى السفر فى الحمل خطر ولا عادى

و شكرا

لازم دكتور فى الطب؟ لو ينفع دكتور فى الهندسة توكلنا على الله:

لما مراتى كانت حامل الدكتورة بتاعتها قالت لها أفضل و آمن فترة لركوب الطائرة أثناء الحمل هى الفترة الثانيه: من 3 الى 6 شهور.

و مبروك لكم و ربنا يسهل أن شاء الله.

[Proud Muslim]

مبروك للأخت nora و ربنا يزيدك ..

و عقبال ما تكوني رئيسة الجمعية .. بس اعتقد أنها يجب أن تكون كويتية !! :lol:

على فكره الوظيفة دى "هدية" من ربنا سبحانه و تعالى فما تنسيش تردى الهدية بطريقة او اخرى

حلوة جدا منك يا أخي الحبيب BenNeal

جزاك الله خيرا ..

أنا بقى في كل يوم حاجة حلوة جدا نتفرحني ..

أنا مسلم

و الحمد لله على ذلك .. و كفى بها من نعمة .. :lol:

[ابويحيى]

بسم الله والصلاة والسلام على رسول الله

الخبرالمفرح كان الاسبوع الماضي

زوجتي كانت حامل في ست شهور والجنين كان به تشوهات خلقيه كثيرة.

وقد نصحونا الاطباء بأن نسقط الجنين قبل الاسبوع الرابع والعشرون من الحمل.

ولكن بعد استشارة العلماء واستخارة الله سبحانه وتعالى قررنا ان نكمل الحمل وننتظر امر الله.

وفي الاسبوع الخامس والعشرون ثبت بالكشف ان الجنين قد مات.

والاسبوع الماضي دخلت زوجتي المستشفى ونشطوا عمليه الطلق بحقنه وتمت الولادة بعد الحقنة بعشرون ساعة ونزل الجنين ميتا ولله الحمد.

وقد تمت الولادة بكل سهوله ويسر بفضل من الله سبحانه وتعالى.

وهدا كان سادس حمل لزوجتي وقد انعم الله على بثلاث من الابناء اسأل الله العلى القدير ان يبارك لي فيهم.

الخبر المفرح هو ان هنا في هولندا عندهم قانون عجيب جدا ان تصريح الدفن يمنح بعد 36 ساعه من الوفاة

وكنت اعلم هذا ورغم هذا اتصلت بالمقابر ورتبت ان تحفر لي مقبرة في نفس اليوم وحددت معهم ميعاد بعد صلاة الظهر

وذهبت إلى البلدية حتى اسجل الوفاة واحصل على تصريح الدفن

وقابلتني الموظفة بكل ادب رغم اني رفضت مصافحتها كعادتي مع النساء وكانت هيئتي بجلبابي الابيض القصير وطاقيتي البيضاءولحيتي الطويلة وهذا لباسي في هولندا في غير اوقات العمل.

المهم هي تفهمت الموقف تماما ورغبتي في دفن ابني عُبيد الله في نفس اليوم وقالت لي ليس هناك إلا تصريح من وكيل النيابه واعطتني رقمه وطلبت مني ان اتصل به.

واتصل وكانت امرأة غير متفهمة للوضع بل غضبت عندما عرفت اني مواطن عادي ولست بمسؤل وطلبت الموظفه بتاعة البلدية واعطتها على دماغها انها اعطتني رقم وكيل النيابة.

المهم بعد مفاوضات بينهم وافقت على تصريح الدفن في نفس اليوم وكانت هذه اول مرة في تاريخ هولندا ان يعطى انسان مسلم تصريح دفن في نفس يوم الوفاة هذا حسب كلام وكيلة النيابة وموظفة البلدية لأن وكيلة النيابه كانت تبحث عن صيغة تصريح الدفن المبكر ولم تجد وهذا كان من احدى حججها انه لايمكن ان يتم الدفن في نفس اليوم.

المهم ربنا ستر واخذت التصريح وذهبت اخذت زوجتي من المستشفى هي و المولود عُبيد الله وذهبنا اخذنا باقي الاولاد من البيت وصلينا الظهر في المسجد وبعدها الجنازة عليه ومشيت مترجلا انا والاولاد حاملا عُبيد الله للمقبرة تطبيقا لسنه رسول الله صلي الله عليه وسلم زوجتي قادت السيارة ودفناه مع الاولاد وقد شاركوني في ردم القبر عليه.

وقد كان القبر كسنه الرسول صلى الله عليه وسلم به لحد وهو الشيئ الذي ينقصنا في مصر فهم يصرون على بناء حجرة تحت الارض.

لقد اطلت عليكم ولكن كان هذا هو سبب زوال همي وفرحي بدفن ابني في نفس يوم وفاته وهى سنة الرسول صلى الله عليه وسلم

والسلام عليكم ورحمة الله وبركاته.

[الطفشان]

الف مبروك يا نورا

يعني خذتي وظيفة كويسة في الاخر برضه!

الاخت ابو تمام (مش عارف هو دة الاسم صح)

ربنا يقومك بالسلامة

الاخ ابو يحيى

حمد الله على سلامة زوجتك

و رحم الله طفلكما

[freefreer]

الف مبروك لأختنا العزيزة نورة .. ربنا يزيد و يبارك

و اخى ابو يحيى البقاء لله و عسى ان تكرهوا شيئا و هو خير لكم .. و ربنا يطرح البركة فى اولادك ..

تحياتى

[omtmam]

الاخ الطفشان شكرا جزيلا و الاسم صحيح اعمل ايه زوجى هو الى طلع عليا الاسم ده

الاخ لينكس شكرا جدا وعلىفكرة طلع زمل فى الهندسة

[goold]

ازيكم ...

الف مبروك يا نورا

اهو ياستى متزعليش ،،، مع الصبر هتحصلى كل حاجة ويمكن افضل من ال زعلتى عليه...

الاخت ابو تمام ربنا يقومك بالسلامة ونفرح معاكى

الاخ ابو يحيى

حمد الله على سلامة زوجتك

و رحم الله ابنكم ويبارك لكم فى اخوانه

[goold]

:lol:

نورا هااااا افشتك وعرفت بقه انتى فين فى الكويت

احزرى بقه من المفجاآآآآآآآآآآت

[وسام]

الف الف مبروك دهه خبر كويس يا نورا ...واضح انه فى جبهة نسائية بتتشكل هنا :twisted: :twisted:

[se_ Elsyed]

ألف مبروك يا نورا ... شوفتي نتيجة العفو العام ، بعني لو كنتي متعلقة فوق جذع الشجرة ماكنتيش قدرتي تعملي إنترفيو ولا تحصلي على الوظيفة .... شكراً لقادة قوات التحالف الرجالي وبعون الله لا يهمنا جميعة نسائية ولا جمعية إستهلاكية :twisted:

[بنت شعنونة]

الف الف مبرو ي نورا :lol:

شدي الهمممة بقى..

مدام ابو تمام مبرو الحمل ان شاء لله قومي بالسلامة

:lol:

ابو يحيى رحم الله عبيد الله وجعله في سندا لك في الجنة ان شاء الله.

انا بقى فرحت في حياتي مؤخرا كام مرة كدا..

يوم نجاحي في سنة سادسة طب دا كان معججججزة فعلا :D

يوم ولادة اخويا النونو "كلابالا زي ما نا مسمياه" دا كان شعوووور لالالالا يوصف وانا اول واحدا بتمسكه

يوم خطوبة اخويا برضه شععوررر لا يوصف انا عاملة فيها ام وحماة بقى وبنقيله لبسه وبنتخانق على انه كرافت اشيك وبنقيلة البرفان وقصة الشعر ليه هوا و بابا واخويا التاني

وعمالة اصوت في الناس وقت الزفة وحجات كدا :D :D

برضه احسااس ولالالالا اروع

واخيرا كل يوم حد من اخواتي بينجح فيه في دراسته او حياته

بيكون يوم سعد فعلا :D

[nora]

كروس

ألف مبروووووووووووووك أهو كده كيدى الأعادى و عقبال ماتترقى و تمسكى الاشراف عندنا هنا فى جمعية المرأة المتوحشة 

الله يبارك فيكي يا عسل طبعا انا بتدرب اهو وربيت ضوفري و سنيت سناني :twisted: :twisted: :twisted:

ابن النيل

اخت نورا 

ألف الف مبروك و ربنا يجعل ايامك كلها افراح. 

على فكره الوظيفة دى "هدية" من ربنا سبحانه و تعالى فما تنسيش تردى الهدية بطريقة او اخرى.

الله يبارك فيك وانا حسة ان دي من عند ربنا فعلا وانشاء الله انا في بالي حاجة يارب يقبلها مني :lol: :lol:

abotmam

الله يبارك فيكي وعقبال لما اروح مصر انا كمان ويارب يرزقك الذرية الصالحه يارب :roll:

[nora]

Proud Muslim

الله يبارك فيك يارب .

ويارب كلنا نكون فعلا مسلمين على حق يارب العالمين :lol: :lol:

ابو يحي

ادعو الله ان يرزقك خير منه يارب العالمين ويثبتك انت وزوجتك يارب العالمين.

شكرا يا اخ طفشان

والحمد لله الوظيفة كويسة :twisted: :twisted:

الله يبارك فيك يا اخ فري فري ، ووسام و شعنونة والكل :roll: :roll:

جولدي يا كميلة انتي بأه الي فين متقوليش انك في نفس المكان عموما مش مشكله اقولك انا عيش في السالمية وشغلي في الدسمة يلة متعبتكيش اهو وريني باه هتعملي اية :twisted: :twisted: :twisted:

اما انت يا سي السيد تعلالي هناك كابتن انا هعورك :twisted: :twisted: :twisted:

[Elham]

الاخت نورا الف مبروك على الوظيفه الجديده ربنا يبارك لك فيها

الاخ ابو يحي البقاء لله و الحمد لله على سلامه زوجتك

اما انا فبالرغم من الاكتئاب اللى مسيطر على الواحد الا ان كان عندى مناسبه سعيده الاسبوع الماضى و هى فرح اختى و بالرغم من انى لم استطيع النزول لمصر لحضور الفرح الا انى كنت فى منتهى السعاده اللهم اكثر من افراحنا.